Fusa sokneråd Årsmelding 2010

Transkript

1 Fusa sokneråd Årsmelding 2010 (vedteken av Fusa sokneråd 8. juni 2011, sak 2011/037) Friluftsgudsteneste på Vinnesholmen 1.pinsedag Velkomen til ein gjennomgang av Fusa kyrkjelyd sitt liv i 2010 der vi både gjennom gudstenester, andre fellessskap, saman som medarbeidarar, gjennom trusopplæring og diakoni, arbeid med bygg og anlegg, har lagt bak oss eit spennande år! 1

2 KVA HAR GUD PÅ GONG I FUSA? Kva har Gud på gong i Fusa? Slik spurde vi ved siste årsmøte, og slik må vi spørje igjen. Slik må det vere når vi er ein kristen kyrkjelyd, som har forventingar til Gud, og som gjerne vil stå i hans plan for soknet. Skal vi finne ut av det treng vi å sjå både baketter og frametter. I det som ligg bak oss vil vi sjå etter spor av Guds gjerningar. Dette gjer vi for å takke. Men også for å sjå i kva retning desse spora leiar oss. Slik får vi også hjelp når vi ser frametter, og spør om kva Gud no opnar for oss som kyrkjelyd. Dette handlar både om å lytte innover og sjå utover. Lytte innover mot kva Gud talar til oss og minner oss om. Sjå seg rundt etter både kva det er behov for, og kva Gud synest å særleg legge til rette for nett her hos oss. Til dette treng vi hjelp av kvarandre. Gud har utrusta oss med syn og sans for ulike aspekt ved livet i kyrkjelyden. Gjennom dei trus- og livsrøynslene som han fører oss gjennom, minner han oss også om ulike sider ved evangeliet. Kjem vi såleis alle med vårt, kan vi klarare sjå både det som er attanføre og framføre. Slik at vi i fellesskap kan finne vegen vidare som kyrkjelyd. Til hjelp for dette har kyrkjelyden siste året hatt eit strategi-utval i arbeid. Målet har vore å finne nokre tyngdepunkt i det vi er og vil som kyrkjelyd for dei næraste åra ( ). Slik at vi kan få hjelp til å orientere oss og prioritere i det mangfaldige kyrkjelydslivet. Utvalet sitt framlegg er at vi set kyrkjelydsbygging som overskrift for Fusa sokn i tida som kjem. Vidare peikar ein på fire særleg viktige aspekt ved kyrkjelydsbygginga: Gudstenesteliv, medarbeidarskap, barn og unge, soknefellesskap. Sjå til dette plakaten som ligg ved årsmeldinga. Dette strategi-framlegget er enno ikkje vedteke i soknerådet. Vi inviterer såleis til innspel på korleis ein opplever dette framlegget. Som bakgrunn og hjelp for dette er årsmeldinga prøvd strukturert etter strateg-plakaten. Det handlar om å finne ut kva Gud har på gong, og slå lag med han. Gud til ære og menneske til gagn! A. GUDSTENESTEFEIRINGA PULSSLAGET I KYRKJELYDEN! Gudstenesta er kyrkjelyden si hovudsamling. Samlinga om Ordet og ved Bordet er det som gjer oss til ein kristen kyrkjelyd, og ikkje berre ein flokk einskildkristne. Her kjem vi med kvart vårt frå liv og teneste. Alt vert tatt inn i Guds nærver, og stelt med av han. Slik kan vi gå derifrå som endra menneske, fornya i livet og tenesta. Gudstenestefeiringa er følgjeleg sjølve pulsslaget i kyrkjelyden sitt liv. Vi ynskjer difor å normalisere ei regelbunden gudstenestefeiring, slik at det er ein del av sundagsrytmen å samlast til gudsteneste for alle kristne i Fusa. Dette lukkast vi eit stykke på veg. Gudstenesta er den kristne samlinga som desidert samlar flest i Fusa. Ho synest også å engasjerer fleire enn før, både ved at fleire har særskilde tenester i gudstenesta og ved at kyrkjelyden i det heile er meir aktivt feirande. Vi ser også at fleire arbeidsgreiner i kyrkjelyden har fått ei Gudsteneste i bygdaheimen på Holmefjord i september 2

3 sterkare gudstenestetilknyting. Dette gjeld ikkje minst trusopplæringa, der mest alle elementa i inneber gudstenestefeiring, og vi ser at dei mange som er med tek del på ein naturleg og engasjert måte. Samstundes ser vi med uro på at gudstenestedeltakinga over tid er fallande. Vidare vokster i kyrkjelyden står og fell med om vi samlast meir jamleg til gudstenestefeiring. 1. Deltaking og involvering. Det var 114 gudstenester i Fusa i 2010 med 8000 deltakarar. Dette er om lag som dei siste åra. Men over tid viser gudstenestedeltakinga ein nedgang. Det kan sjå ut som dei som dei typisk folkekyrkje-gudstenestene, som julaftan, konfirmasjon og gudstenester som er særleg knytte til trusopplæringa, samlar minst like mange som før. Medan dei regulære gudstenestene, som gjerne har vore prega av dei som går meir jamleg i kyrkja, samlar færre enn før. Dette er ei tvitydig utvikling. Det gode er at terskelen til kyrkja og gudstenesta synest å ha blitt lågare. Det vonde er at det er færre som feirar gudsteneste jamleg og regelbunde. Vi synest såleis å ha fått ei opnare kyrkje, men der det er vanskelegare å drive systematisk kyrkjelydsbygging. Talet på nattverdfeirande har gått vesentleg opp dei siste åra. Dette skuldast truleg både hyppigare nattverdfeiring, og at terskelen til nattverdbordet vert opplevd lågare. Dette er gledeleg. Sidan vi lever av både Ordet og sakramenta, er nattverdfeiringa ein integrert og vesentleg del av gudstenestefeiringa, til liv og vokster for den einskilde og fellesskapet. 2. Sams kjerne, men stort mangfald i gudstenestefeiringa. Gudstenestefeiringa vert meir og meir mangfaldig, samstundes som ho har ei fast kjerne. Idealet er såleis både variasjon og gjenkjenning. Dette gjer at stadig fleire, både tilsette og uløna medarbeidar, er involverte i førebuinga og gjennomføringa av gudstenestene. Dette er krevjande, men fyrst og fremst gjevande. Høgmessa. Høgmessa er kyrkjelyden si fellessamling, med alt som det inneber av gåver og utfordringar. Gåva ligg ikkje minst i at vi kan møtast på tvers av generasjonane og andre skiljeliner. Utfordringa ligg i at føresetnadane til dei som samlast til gudsteneste kan vere svært ulike. Dette vert særleg tydeleg når det er dåp. Mellom anna av den grunn har vi prøvd å samle dåpane noko meir, slik at vi kan gje dei ulike gudstenestene ein tydelegare profil. Profileringa skjer også ved ei tydelegare tematisering av kvar gudsteneste, særleg på merkedagar i kyrkjeåret. Dette skjer både med omsyn til musikk, preike og eit stykke på veg også gudstenesteform. Familiegudstenester Dei fleste familiegudstenestene er knytt til dei krinsvise fasane i trusopplæringa og samlar mange. Men mange av borna kan elles føle seg heller einsame i si aldersgruppe i den lokale kyrkja. Vi har difor halde fram med forsøket med sams familiegudstenester (familie-mix) i Eikelandsosen for heile soknet, etter alternativ liturgi. Oppslutninga er god, men er i aukande grad prega av dei yngste borna. Vi har også feira nokre få familiemesser med nattverd, der særleg dei litt eldre borna vart aktiviserte. Ressursgruppene som tek ansvar for desse samlingane jobbar godt, og legg ned eit stort arbeid. Andre gudstenester Vi merkar oss med glede at det var svært god oppslutnad om julaftansgudstenestene også i år. Lysmesse etter engelsk tradisjon 4. sundag i advent i Fusa og påskenattsgudsteneste i Hålandsdalen er nye gudstenesteformer hos oss, som alt er i ferd med å bli tradisjon. Den tradisjonsrike olsokgudstenesta i Holdhus gamle kyrkje samla mange også denne gongen. Like eins dei tradisjonelle friluftsgudstenestene på Bygdastølen 2. påskedag, Fusafjellet helgetorsdag og 3

4 Vinnesholmen 2. pinsedag. Vi har også feira fleire sommargudstenester utandørs, med god oppslutnad. Ei særskild og god oppleving var vandrings-gudstenesta på postvegen frå Fusa til Strandvik. Slike pilegrimstradisjonar vil vi føre vidare. 3. Gode tilbod, - og gode vanar. Gudstenesta som kyrkjelyden si hovudsamling handlar sjølvsagt om gode gudstenestetilbod. Men samstundes som vi arbeider med gudstenestetilbodet, må vi hjelpe kvarandre til betre gudstenestevanar. Jesus gjekk i synagoga som han var van med, les vi i Bibelen. Ein slik god vane får vi stadig mindre hjelp til frå folkeskikken. Gudstenestefeiring er såleis i aukande grad noko som vi aktivt må bestemme oss for, som ein viktig del av livet som kristen. Dette må vi kunne tale tydeleg om, utan at det vert moralisering, men ei hjelp til å oppleve regelbunden gudstenestefeiring som ei kjelde til kvile og kveik i tru og teneste. 4. Eitt sokn ein kyrkjelyd ei gudsteneste? Etter at vi vart samla til eitt sokn, har det vorte tydelegare og tydelegare at vi også må tenkje om oss sjølve som ein kyrkjelyd. Dette handlar om negativ folketalsutvikling og få yngre i fleire av krinsane, større mobilitet og betre kommunikasjonar, og i det heile trong for å samle folket og ressursane i eit berekraftig fellesskap. I tråd med dette prøver vi å legge til rette for oppmuntre til at kryssar dei gamle bygde- og soknegrensene, for å samlast hos og med kvarandre. Ei tilskunding til det er at vi nokre gongar samlast til sams gudsteneste for heile soknet. Vi har også lagt nokre fleire gudstenester til dei sentrale delane av soknet. Samstundes ser vi at det er viktig å ta vare på dei lokale fellesskapa og tilknytinga til dei lokale kyrkjene og kyrkjekrinsane. Dette handlar sjølvsagt om geografi og kommunikasjonar, men truleg er dei mentale hindringane viktigare enn dei som ligg i terrenget. Vi treng beint fram eit medvit om at vi høyrar saman som truande, tilbedande og tenande fellesskap i Fusa. B. MEDARBEIDARAR VÅR VIKTIGASTE RESSURS! Medarbeidarane er vår viktigaste ressurs! Alle døypte i soknet er kyrkjelydsmedarbeidarar som gjer ei teneste i heim, arbeid og samfunn. Men vi har eit særleg ansvar for dei som skal fylle særskilde oppgåver i kyrkjelyden, både frivillige og løna tilsette. Nokre av desse har vi eller bispedømet arbeidsgjevaransvar for, med alt som det inneber. Men vi legg vinn på å sjå alle medarbeidarane som eit fellesskap, med ulike tenester, men sams oppdrag. 1. Soknerådet Soknerådet si samansetting i 2010: 1. Hans Magne Kvåle, Strandvik 2. Asbjørn Heidal, Nordtveitgrend 3. Liv Grytøyr Veland, Eikelandsosen 4. Bjarte Samnøy, Bogøy 5. Bjørg Berge, Bergegrend 6. Jan Ole Høiby Hansen, Fusa 7. Heidi Chatrine Bergesen, Sævareid 8. Kirsten Hatletveit, Sævareid 4

5 Vararepresentantar 1. Eva Pollen Eikeland, Eikelandsosen 2. Yngve Bjørndal, Strandvik 3. Ole Stuen, Fusa 4. Anders Holmefjord, Holmefjord 5. Toralv Huse, Baldersheim Hans Magne Kvåle var leiar i 2010 og Bjarte Samnøy nestleiar. 2. Tilsette Det har vore små endringar på personalsida i Ved inngangen til 2010 arbeidde Norunn Rød Markhus i 40% stilling og Ingebjørg Sundfjord Gjøn i 40%. Frå 1.august 2010 kom Norunn tilbake frå delvis permisjon og går no i 80% kyrkjelydpedagogstilling. Ungdomsarbeidarstillingen vart frå 1.august 2009 og fram til sommaren 2010 gjort om til 100%, i samarbeid med Fusa kommune. Fusa kommune hadde ikkje økonomi til å vidareføre sin del, og stillinga vart endra att til 80%. Medarbeidarkoordinatorstillingen vart gjort til fast stilling frå Stillingen er 50%, men har ulike funksjonar: 20% oppfølging av frivillie medarbeidarar innan kyrkjelydsarbeid, 10% som gjeld oppfølging dugnad på bygg og anlegg og 20% merkantil funksjon (arkiv, journalføring, kyrkjeoffer m.v.) Dei som no blir løna av kyrkjelyden er Norunn Rød Markhus (kyrkjelydspedagog i 80%), Hans Einar Markhus (ungdomsarbeidar i 80%) og Hartvig Haugen (medarbeidarkoordinator i 20%). Soknerådet mottar statstilskot til 80%, og resterande finansierer soknerådet med eigne midlar som vert skaffa. Vi har hatt ein del sjukdom blant nokre tilsette i 2010, og det har prega ein del av arbeidet vårt. Det viktigaste er å leggje til rette slik at medarbeidarane om mogleg kan kome tilbake i sitt virke. 3. Utvala Det lokale og faglege arbeidet i soknet er i høg grad avhengig av utvala, som legg ned eit stort arbeid, sjølv om aktivitetsnivået varierer frå utval til utval. Det har vore ei viss utskifting av medlemer i fleire av utvala i 2010, og rekruttering med å få nye medarbeidarar i ein del av desse har vore ei utfordring. Dette kan tyde på at vi bør gje utvalsarbeidet meir merksemd i tida som kjem. Leiarane i utvala har vore med på eit fellesmøte med soknerådet, for å drøfte arbeidet. Gjennom Opplysningsvesenets Fond (OVF) vart vi tildelt kr ,- i 2010 til rekruttering og oppfølging av leiarar blant dei frivillige. 4. Andre medarbeidarar Soknet har om lag 140 uløna medarbeidarar, med ulik grad av engasjement og formalisert tilknyting til soknet. Medvitne om kor viktige desse er for kyrkjelyden, har soknet prøvd å gje dei auka merksemd gjennom ulike medarbeidartiltak. I 2008 til 2010 har det difor vore arbeidd meir systematisk med oppfølging av dei frivillige medarbeidarane gjennom at vi har fått oppretta ein medarbeidarkoordinatorstilling. 5

6 5. Fusa satsar på medarbeidarane! Vi ser på alle kyrkjelydsmedlemar som medarbeidarar, som er kalla til teneste i heim og yrke, lokalsamfunn og kyrkje. Vår oppgåve er særleg å hjelpe den einskilde til å finne si teneste i kyrkjelyden, og å gje utrusting og støtte i denne tenesta. I Fusa har talet på uløna medarbeidarar auka dei siste åra, og det er ei stor utfording korleis vi skal greie å ta vare på den viktigaste ressursen vi har medarbeidarane våre. Det er i samband med dette sett i gong tre medarbeidarprosjekt. To av desse er sluttført utarbeide ein systematisk plan for oppfølging av medarbeidarane i Fusa, og oppretting av medarbeidarkoordinator. Fusa sokneråd har ein gjeldande medarbeidarplan for perioden , og prosjektstillingen som medarbeidarkoordinator vart gjort om til fast Om lag 70 medarbeidarar deltok på konserttur i desember stilling frå 1.oktober Det tredje prosjektet er inne i avsluttande fase (tredje året) der ein har nytta ein del ressursar på rekruttering og oppfølging av leiarar i ulike funksjonar. Dette har vore ei utfordrande oppgåve der ein ikkje opplever å ha hatt tid og ressursar til å følgje opp på ein god nok måte. 6. Leiartrening for ungdom Fusa sokneråd har eige tilbod for ungdom som er uløna medarbeidarar. Desse er særleg relatert til ungdomsklubben og KRIK gjennom styrearbeid. Ungdomsstyret har vore på blåtur, og fleire ungdomar har delteke på nasjonale stemne. Om lag 20 ungdomar deltok på Impuls i Stavanger i Bøn Det aller meste av bønearbeidet går føre seg i det stille. Men vi har og eit meir organisert bønenettverk, knytt til bønekontakt Margunn Sæther. Ved BBL-samlingane kan ein få både personleg forbøn og levere inn eigne bøneemne. Dette er vi opne for også ved dei vanlege gudstenestene, men det kunne vi signalisert tydelegare. I forbøna i gudstenesta bed vi i tilegg for dei faste bønene regelbunde for misjonsprosjekta våre og aktuelle emne som kjem på. Lysgloben i kyrkja er også ei hjelp til bøn, som vert meir og meir nytta. 8. Bibel- og samtalegrupper Her har vi ikkje full oversikt. Men vi veit at desse gruppene er viktige for dei som søkjer ein trygg og triveleg stad for fellesskap og samtale om tru og liv. Er du interessert i å vere med i eller starte ei gruppe, og treng litt starthjelp, ta kontakt med kyrkjekontoret! 9. BBL Bibel, bøn og lovsongskveldane er organiserte av ei eiga gruppe, som arbeider trufast og godt. Desse kveldane, som vert skipa til i Eikelandsosen bedehus, er viktige for den åndelege fordjupinga i kyrkjelyden. Her finn ein både grundig Bibel-undervisning, vitnemål, rik lovsong og høve til bøn og forbøn. Nøkkeltal: - Vi har om lag 140 uløna medarbeidarar i Fusa sokn - Medarbeidartiltaka nådde om lag 400 deltakarar i Om lag 30 av desse var ungdom 6

7 - Medarbeidargudsteneste i september - ca. 40 frammøtte - Bibelleseplan og adventshelsing til alle medarbeidarane i november om lag Sosiale aktivitetar for frivillige - ca 70 var med C. BORN OG UNGE: TRUSOPPLÆRING FOR ALLE! Trusopplæring gjeld for alle fasar i livet. I alt arbeid vi driv i Fusa har vi som mål å nå breidda i folket samstundes som vi vil gje eit djupnetilbod for dei som er motiverte for det. Mottoet vårt: Rom for alle rom for deg. Trusopplæring steg for steg! 1. Trusopplæring Fusa kyrkjelyd har prioritert trusopplæring i fleire år. Vi var i perioden 2005 til 2009 vald ut som ein forsøkskyrkjelyd innan trusopplæring i eit nasjonalt prosjekt. Vårt satsingsområde var born 0-6 år og familiar/fadrar. Frå 2010 er dette ei permanent satsing, og vi skal utvikle det slik at spekteret 0-18 år blir femna om trusopplæringsarbeidet. Det er vedteken eigen trusopplæringsplan. Musikk ved livets begynnelse har stor oppslutning Dåpspermen som var ferdig våren 2008 er på mange måtar det pedagogiske hjelpemiddelet vi nyttar i høve heimane. Dette er læreboka som blir nytta aktivt i kyrkjelyden samt at vi motiverer heimane til å bruke den aktivt. Dåpsskule for 6-åringar på Rauvoll gard Vi driv også trusopplæringsarbeid blant born frå 6 år og eldre. Her kan nemnast Bibel til 11-åringane. Dåpsskule for 6-åringar starta opp i I tillegg til trusopplæringsarbeidet har vi ein del samarbeid med barnehagar og skular som gjeld denne målgruppa; her kan nemnast julegudstenester, påske- og pinsevandring, eige opplegg for 11- åringane Dåpsopplæringsutvalet har ei aktiv rolle i det mesta av trusopplæringsarbeidet blant barn. Ei sæskild utfordring for åra framover er å byggje opp eit godt trusopplæringarbeid for aldersgruppa 6-12 år. 2. Anna barnearbeid Fusa sokneråd har nært samarbeid med barnekor, søndagsskular og andre barnelag i mange grender, særskildt knytt til 4- årsfasen. Det er ikkje registert kor stor del av borna som er med i det varierte kristne barnearbeidet. 3. Konfirmantarbeidet Konfirmantarbeidet femnar om dei fleste på årskullet. I konfirmantåret 2010/2011 er det 46 konfirmantar, dvs. over 90 % oppslutning. Konfirmantåret er bygd opp om konfirmantleir, undervisningstimar i skulen, bedehuset og kyrkjene, tenesteoppgåver, gudstenester og tema/miljø-dag (Roadservice). Det er no noko mindre undervisning i skuletida enn før. 7

8 Ungdomsklubben og ungdomsmøte i Eikelandsosen bedehus, og ungdomsgudstenestene på Os, er viktige linkar inn mot eit større, kristent ungdomsmiljø. Undervisninga vert utført av prestane og ungdomsarbeidaren, som koordinerar dette med ungdomsarbeidet elles. Ungdomsutvalet er ein viktig ressurs i konfirmantarbeidet, ikkje minst i samband med konfirmantleiren, konfirmantfesten og Roadservice. Konfirmantarbeidet er krevjande, men ikkje minst gjevande. Det er utarbeida ein eigen 2- årsplan for ungdomsutvalet. 4. Anna ungdomsarbeid Ungdomsarbeidet har hatt ei spennande utvikling i Fusa. Når ein starta opp for om lag 10 år sia var det om lag 10 ungdomar på klubbkveldane. No møter til vanleg mellom 30 og 60 ungdomar på ein klubbkveld. I 2010 har ein hatt ulike tilbod for ungdom, m.a.: - Klubbkveldar - U-treff - Ungdomsgudstenester i Os - Deltaking på nasjonale stemne - Treffpunkt Fusa og Treffpunkt Baldersheim - KRIK - Confusing ungdomsklubb Ungdomsklubben blir drive av eit ungdomsstyre der ungdomsarbeidaren er ansvarleg. Vidare er der ei gruppe vaksne som er med på klubbkveldane samt at konfirmantforeldre stiller som sjåførar på turane til Os. Tilslutninga til ungdomsarbeidet har gradvis auka den siste tiårsperioden, og aldri vore større enn i Våren 2010 vidareførte ein det desentraliserte ungdomsklubb-prosjektet Treffpunkt på Baldersheim og på Fusa, eit samarbeid mellom Fusa sokneråd og Fusa kommune. Tiltaket vart ikkje vidareført hausten 2010 fordi Fusa kommune ikkje midlar til vidare drift. Etter avvikling av Treffpukt Fusa, starta Soknerådet opp sin eigen ungdomsklubb på Fusa, Confusing ungdomsklubb. Klubben vert driven av frivillige og ungdomsarbeidaren og når ca. 50% av målgruppa ( klasse) på Fusa. Hausten 2010 vart KRIK Fusa skipa. KRIK (kristen idrettskontakt) er retta mot dei eldste ungdommane (frå 10.klasse), og skal vera med å skapa idrettsglede og trusglede. KRIK Fusa er organisert under Fusa ungdomsklubb men har sitt eige styre. Nøkkeltal: - Om lag85% av dei nyfødde fusingane vart døypte i Om lag 90 møtte på foreldrefesten våren 2010! - 29 born med føresette deltok på Musikk frå livets begynnelse i Om lag 85% oppslutnad på 4-årssamlingane - Nær 40 % oppslutnad på utdeling av julekalenderbok til 3- åringane av åringar i Strandvik/Vinnes/Fusabygda var med på dåpsskule. - Om lag 85% møtte i kyrkja og mottok Bibelen for 11-åringane - Meir enn 90% av dei døypte vel kyrkjeleg konfirmasjon i Ungdomstilbodet fredagskveldane samlar om lag 1/3 av ungdomane i Fusa - D. DIAKONI BÅDE LOKALT OG INTERNASJONALT Diakoni er kyrkjelyden si omsorgteneste. Den er evangeliet i handling, og vert uttyrkt gjennom nestekjærleik, inkluderande fellesskap, vern og skaparverket og kampen for 8

9 rettferd. Mykje av diakonien hos oss går føre seg i det løynde, gjennom menneske som syner omsorg for andre i heim og familie, nabolag og bygda, og gjennom støtte og hjelp til menneske i naud. I tillegg kjem organiserte, diakonale tiltak gjennom soknet, frivilligsentralen og organisasjonar i bygda, som tufta på det kristne menneskesynet fremjar fellesskap og ansvar for kvarandre heime og ute. 1. Naudhjelp I tillegg til takkoffera til naudhjelpsføremål, ikkje minst til Kirkens Nødhjelp i jula, er fasteaksjonen ein viktig del av naudhjelpa vår. Ikkje minst takka vere god innsats frå konfirmantane kom det i 2010 inn kr ,- på denne aksjonen det beste resultatet nokon sinne i Fusa. Soknerådet gjennomførte også spontanaksjon til inntekt for KN sitt nødhjelpsarbeid på Haiti. Her kom det inn kr ,-. I tillegg løyvde soknerådet ein del av renteinntektene, kr ,-, til Fusa ungdomsskule sitt nødhjelpsarbeid i Lungunu i Zambia. 2. Omsorg I tillegg til den uorganiserte omsorga, som alltid er den viktigaste, vil vi særleg peike på alt det gode arbeidet som skjer gjennom Fusa frivillig-sentral (Fjordingen). Frivillig-sentralen vår er i det heile ein stor og viktig del av diakonien hos oss. Her opplever mange glede av både å få omsorg og syne omsorg. Fjordingen legg fram eiga årsmelding om arbeidet sitt. 3. Samliv Det var 9 kyrkjelege vigslar i soknet i Vigselstider og dagar måtte regulerast meir enn tidlegare, grunna mangel på vikarmidlar ved ferieavviklinga til prestane. Dette vil halde fram i Det låge talet på vigslar avspeglar at ekteskap er blitt ei samlivsform mellom mange, og at sambuarskap og meir uforpliktande samlivsformer er utbreidde. Dette skaper aukande ustabilitet i familielivet, som ikkje minst råkar borna. Oppgåva må vere å lyfte fram ekteskapet som det gode samlivet, samstundes som vi talar realistisk om dei utfordringane som møter oss som ektefolk, og arbeider med desse. 4. Sorg Hovuddelen av det organiserte sorgarbeidet i soknet er knytt til gravferder, og den kontakten prestane og andre kyrkjeleg tilsette der har med dei pårørande. Gravferdene og prosessane rundt dei er i det heile ein viktig del av diakonien, der vi opplever at kyrkja sine tenester i stor grad er etterspurde og vert sette pris på. Det er ei utfordring at pårørande i aukande grad har spesielle ønskjer for gravferda, både med omsyn til tid og innhald, og at desse nokre gongar støyter mot kyrkjelege vurderingar. I det store og heile synest like vel både det kyrkjelege og personlege ved gravferda å verte tatt vel vare på. Helgemesse vart alle som har mist nokon av sine inviterte til minnegudsteneste i Fusa kyrkje. Det var 32 kyrkjelege gravferder i Fusa i Rus Vi trur at det meste av kyrkjelydsarbeidet, ikkje minst det som vert drive for ungdom, er rusførebyggjande. Vi prøver også å tematisere dette i konfirmantarbeidet. 6. Grøn kyrkjelyd - Fairtrade Soknerådet har vedteke av Fusa skal vere grøn kyrkjelyd. Dette inneber at vi forpliktar oss til å setje i verk ymse miljøtiltak. Vi har tatt nokre små steg i rett retning i dette stykket siste året, men må stadig arbeide med å halde oppe medvitet om Laurdag før 1.sundag i advent har soknerådet tradisjon med stand for sal av alternative varer presentasjon av Kirkens Nødhjelp sitt arbeid og fairtradeprodukt. 9

10 miljøengasjementett vårt. Diakoniutvalet har særleg satsa på å fremje Fairtrade etisk handel, og har medverka til at kommunestyret har vedteke at Fusa skal vere Fairtrade-kommune. På det kommunale området skjedde det lenge svært lite i dette stykket. Men no er det tatt eit kommunalt initiativ for å kome vidare. Soknet har presentert Fairtrade-varer ved stands og liknande, og brukar slike varer i si eiga verksemd. 7. Bli kjend i kyrkja Diakoniutvalet, i samarbeid med Fusa kommune og foreldre-organisasjonane for psykisk utviklingshemma, skipa siste året til kurset Bli kjend i kyrka. Bakgrunnen er retten til menneske med særskilde behov til å få utøve sitt eige livssyn, - med den tilrettelegginga som det krev. Kurset var svært vellukka, med stor og aktiv deltaking frå målgruppa, og godt samarbeid med den kommunale omsorgstenesta og med foreldra. Kurset vart avslutta med ei festgudsteneste som gjorde inntrykk på mange. Det vert ei viktig utfordring å følgje opp kurset, gjennom tilrettelegging for aktiv deltaking i kyrkjelyden, også for menneske med spesielle behov. 8. Diakoniplan Det er utarbeidd og vedteke ein diakoniplan for soknet. Denne er lite i direkte bruk, og har fyrst og fremst fungert som ei hjelp til å tenkje diakonalt i alt som vi driv med. Nøkkeltal: Diakoni i 2010 i Fusa har vore omsorg for den enkelte, sorgarbeid, rettferdig handel og naudhjepsarbeid! E. MISJON JESUS TIL ALLE! Ein kyrkjelyd utan misjon er som eit hus utan vindauge. Misjonen opnar for eit globalt perspektiv på trua, som gjer henne mindre nærsynt, meir utåtvend og ikkje minst rikare. Samstundes handlar det om alle menneske sin rett til å bli kjende med Jesus, og få høve til å tru på og tene han. Sjølv om misjon handlar om engasjement og motivasjon, så er dette ikkje noko berre for spesielt interesserte. Misjon er såleis heile kyrkjelyden sit ansvar. Eit viktig element i dette stykket er om vi skal gå over til å ha eitt, sams prosjekt for heile soknet. Eller om vi skal halde fram med eigne prosjekt i kvar krins. 1. Misjonsprosjekta Misjonsprosjekta i kyrkjelyden har vore: Fusa: Helga (frå Holmefjord) og Rod Lobaugh sitt arbeid for UiO, som no har base i Australia. Dei er særleg engasjerte i storbyevangelisering og barnearbeid, og er flinke stil å halde kyrkjelyden orienterte om arbeidet gjennom e-post. Kyrkjeoffer til dette prosjektet: kr (kr.5.500,- i 2009). Hålandsdal: NMS sitt arbeid med bibelomsetjing for fulanifolket i Mali. Dette finn ein god informasjon om på heimesidene til NMS og oppslag i kyrkja. Etter at familien Vestbøstad avslutta tenesta i i dette prosjektet, har det ikkje lenger noko særskild lokal tilknyting. Kyrkjeoffer til dette prosjektet: kr.7.048,- (kr.3.900,- i 2009). Eit av misjonsprosjekta er storbymisjon der m.a. Helga ogrod Lobough arbeider for Ungdom i oppdrag 10

11 Sundvor: Familien Else Britt og Haavard Kleppe sitt arbeid for Israelsmisjonen i Israel, som vorekrinsen sitt misjonsprosjekt, er no avslutta. Inntil vidare stør krinsen kyrkjelyden som dei var engasjerte i; Beit Elijahu i Haifa. Kyrkjeoffer til dette prosjektet: kr (kr.2.200,- i 2009). Strandvik: NLM sitt arbeid mellom gateborn i Mongolia. Her får vi ikkje så mykje informasjon, men sjå NLM sine heimesider. Kyrkjeoffer til dette prosjektet: kr.5.275,- (kr.4.300,- i 2009). Inntektene frå kyrkjeoffer til misjonsprosjekta har minka dei seinare åra, men frå 2009 til 2010 ser vi på nytt ei auke frå kr ,- i 2009 til kr ,- i Det er sett i gang eit arbeid gjennom Strategiutvalet/AU for å få vurdert om ein skal halde fram med eigne misjonsprosjekt i kvar krins, eller samle seg om eitt for heile soknet. Strategiutvalet/AU tilrår eitt, sams prosjekt. Tilrådinga med utgreiing er no til høyring i KLU, før handsaming i soknerådet. 2. Misjonsforeiningane Her sit vi ikkje med full oversikt. Men vi veit at misjonsforeiningane i bygda gjer eit trufast og verdfullt arbeid i det stille, som det står stor respekt av. Tal vi får frå misjonsorganisasjonane syner at foreiningane i soknet yter mykje også økonomisk. Vi nemner at til NMS ytte såleis foreiningane i Fusa i kr Også einskildpersonar gjev mykje til misjonen. Berre til NMS vart det såleis gjeve til saman om lag kr kr frå Fusa. I tillegg kjem alt som vert gjeve til dei andre misjonsorganisasjonane. F. FELLESKYRKJELEG ARBEID TIL INSPIRASJON Som kyrkjelyd står vi ikkje åleine, men står i eit trus- og teneste-fellesskap med andre kristne lokalt og regionalt, både i utanfor Den Norske Kyrkja. Difor rettkjenner vi andre kristne arbeidslag sin plass i sams tru og teneste, og samarbeider gjerne, der dette er tenleg. Gjennom samarbeid og styreoppgåver får og gjev vi impulsar som kjem kyrkja som storfellesskap til gode. 1. Bedehusa Arbeidet på bedehusa er viktig ikkje minst for den åndelege fordjupinga i kyrkjelyden, og vi er takksame for det som vert gjort i regi av organisasjonane der. Særleg i Eikelandsosen er det og ei stor hjelp at vi får nytte bedehuset til mange samlingar, ikkje minst Familiemix og innan ungdoms- og konfirmantarbeidet. Gjennom trusopplæringsprosjektet og familiegudstenestene har vi også eit nært samarbeid med sundagsskulen. Svært gledeleg er det at ein der gjennom torsdagsmøta synest å ha funne ei møteform som gjev mykje til mange. Bedehuset i Eikelandsosen vert nytta til mange gode møtepunkt, Her familiemix i

12 2. Prostiet og bispedømet Samarbeidet på prosti- og bispedømeplan er mest knytt til prestane. Men bispedømet gjev også kurstilbod for andre av dei tilsette. Vi har fått melding om at biskopen i Bjørgvin planlegg visitas i Fusa i samband med 50-års-jubileet for Fusa kyrkja i september Bispedømet har sett i gang ein prosess med sikte på å overføre halve kapellan-stillinga til prostiteneste. Det er i skrivande stund uklart kva retning denne saka tek. Men AU har bede bispedømet om ei betre utgreiing, før ein kan ta stilling til saka i soknerådet og på soknemøtet.. Sokneprest Roar Strømme er framleis prestane i Bjørgvin sin representant i bispedømerådet og kyrkjemøtet. G. KUNST OG KULTUR FOR HEILE MENNESKET Gud har skapt og frelser oss som heile menneske, med kropp og sjel. Difor vil vi at kyrkjene i Fusa skal vere rom for tru og tilbeding, sorg og glede, ro og ettertanke, kvild og kveik. I dette speler ulike kulturelle og kunstnarlege uttrykkformer ei viktig rolle. Vi ynskjer såleis at kyrkjene og det som skjer der skal tale til alle sansar. 1. Kyrkjemusikk Orgelpluss-konserten i Fusa kyrkje i april månad samla mykje folk I løpet av 2010 vart det halde 6 konsertar i kyrkjene våre, dei fleste i Fusa kyrkje. Kantor hadde ansvar for to av desse. I 15 gudstenester var det innslag av lokale kor eller solistar, av desse 10 ved kyrkjekoret. Kyrkjekoret har øving kvar torsdag. Kantor deltok ved 62 gudstenester, 29 gravferder, 5 brudevigsler, 9 institusjonsandakter og ved 6 ulike skule- og barnehagebesøk. Dessutan har ein hatt eit eige prosjektkor med 10 øvingar, og samlingar med Bli kjend i kyrkja. Ved øvrige tenester nytta ein andre organistar eller anna type musikk enn orgel, her kan nemnast soknebandet og Bjørnefjorden jazzensemble. 2. Anna musikkarbeid I Fusa, Strandvik/Vinnes og Sundvor vert det drive eit trufast og godt arbeid med barnekora. I Eikelandsosen vert Fjord n barnekor drive med leiarar frå Fusa kyrkjelyd, Nordisk katolsk kyrkje og Holdhus kristne forsamling. Koret Fasett har hatt pause også dette året. Fleire kor/grupper, som Credo, Soknebandet, Bjørnefjorden jazz og NilSingers, har gjort ei viktig musikalsk teneneste i kyrkjelyden. 3. Kyrkjekunst Det tidlegare tekstilutvalet er no blitt kyrkjekunstutval, og fekk eit noko vidare mandat enn før. Fusa kyrkje fekk i 2009 på plass vakre, komplette, seriar med kyrkjetekstilar i fiolett og kvitt, laga av Astrid Ræstad. Grøn serie fekk vi i 2008, så no er det berre raud serie, som er teikna og godkjend, som manglar. Det er eit mål at dei raude kyrkjetekstilane skal vere på plass til Fusa kyrkje sitt 50-årsjubileum i Med dette får Fusa kyrkje eit nytt og sterkare liturgisk og kunstnarleg uttrykk. Siste året kom ein noko vidare med innvendig måling av Fusa kyrkje. Veggane er måla ved stor dugnadsinnsats, organisert av Fusa KLU. Det er løyvd midlar til vidare målararbeid i samband med kyrkjekjubileet. KLU og kyrkjekunstutvalet vil prioritere korpartiet, og er i ferd med å setje i gang arbeidet med dette. Så får ein sjå om pengane rekk til noko arbeid også med skipet og benkane i kyrkja. 12

13 H. INFORMASJON Kyrkjebladet i Fusa kom ut med seks nummer i Det er eiga redaksjonsnemnd som følgjer opp arbeidet. Ein opplever å nå mange med kyrkjebladet. Astrid Heidal gjekk ut etter fleire år. Ole Bjørn Eikeland er kome tilbake i redaksjonsnemnda, og saman med Harald Geir Sæther har dei hatt det daglege ansvaret for kyrkjebladet i 2010 Kyrkja har eigne sider på Fusa kommune si heimeside på internett. Dette har ein ikkje hatt ressursar til å følgje opp godt nok. Fusa sokneråd har mange annonsar og omtalar i Os-og Fusaposten for å marknadsføre sine arrangement. I. EIGEDOMSFORVALTING I Fusa har vi ti kyrkjegardar, fem kyrkjer og ni andre bygg. Dette ansvaret ligg til Fusa sokneråd å handtere. Det ligg svært store utfordringar å greie dette på ein tilfredsstillande måte med dei administrative og økonomiske ressursane ein har til rådvelde. Under tar vi ein kort gjennomgang av noko av det som har skjedd i Elles vert det vist til vedlegget som syner ei oppsummering av oppgåvene utført i Det som har særprega 2010 er den store dugnadsinnsatsen på Fusa, men ein skal heller ikkje gløyme alle enkeltpersonar og mindre grupper som har stått på dette året for å gjere kyrkjer og kyrkjegardar både finare og meir verdig 1. Kyrkjene Eigedomsutvalet har frå soknerådet delegert ansvar for oppfølging av kyrkjebygga innan dei rammene soknerådet har fastsett. Nærmare 30 deltok på dugnaden med innvendig maling av Fusa kyrkje. Her er ein av dugnadsarbeidarane høgt opp under taket Av større oppgåver i 2010 kan nemnast: - innvendig maling av Fusa kyrkje. Om lag 30 personar var med og vaska ned, og mala kyrkja innvendig. Eit omfattande arbeid - det vart sett inn dør mellom kyrkjerom og bårerom i Hålandsdal kyrkje. Det vart dessutan sett inn ny ytterdør til bårerommet i Hålandsdal kyrkje. - rullestoltilkomst til Sundvor kyrkje I tillegg har det vore ein del skader på straumanlegg, lysanlegg for rømmingsvegar, vassanlegg m.v. som har gitt relativt høge utgifter for soknerådet 13

14 2. Kyrkjegardane Det har vore dugnad på fleire av dei ti kyrkjegardane i Fusa sokn. Særleg hard et vore omfattande dugnadsarbeid på kyrkjegardane på Fusa, både på den nye og gamle kyrkjegarden. Samla sett har om lag femti forskjellige personar delteke på dugnad. Av oppgåver som er utført kan nemnast felling av store tre ved Fusa kyrkje, standardheving på Fusa gml.kyrkjegard med t.d. påfyll av jord og isåing, reinsking av mur og maling av portar, reinsking av grusgangar m.v., og dessutan vedlikehald som ein elles ikkje ville ha fått til gjennom ordinært budsjett. Til saman om lag 50 personar deltok på dei to dugnadane på kyrkjegardane på Fusa Fusa sokneråd sine kyrkjegardsvedtekter var frå Soknerådet hadde ein ny gjennomgang av desse i 2010, og dei vart vedtekne av soknerådet og godkjent av Bjørgvin bispedømeråd i september Vedtektene tok til å gjelde frå 1.januar Felles Diverse nøkkeltal Gravferdsverksemd: Vi hadde følgjande gravleggingar i 2010 (2009 i parentes) Totalt tal gravleggingar: 28 (35) Av desse utanbygds: 3 (3) Totalt tal urner: 6 (9) Av desse, urner frå Fusa: 4 (4) K. ØKONOMI OFFENSIV SATSING OG GOD ØKONOMISTYRING! 1. Soknerådet sin økonomiske situasjon i 2010 (2009 i parentes) Soknerådet sine samla inntekter har gått noko ned frå 2009 til Det skuldast mindre sal av tenester enn i Bakgrunnen for at sal av tenester var så inntektsbringjande i 2009 var at soknerådet leigde ut kyrkjeverja til Bjørgvin bispedøme det året. Rekneskapen er ikkje endeleg når den vert lagt fram på årsmøte. 14

15 Til drift har soknerådet hatt følgjande inntekter: Overføring frå Fusa kommune: kr ,- (kr ,-) Sal av tenester kr ,- (kr ,-) Tilskot frå privatpersonar kr ,- (kr ,-) Sponsorar/Tilskot frå org. kr ,- (kr ,-) Salsinntekter kr ,- (kr ,-) Statstilskot kr ,- (kr ,-) Avgifter kr ,- (kr ,-) Renteinntekter kr ,- (kr ,-) Samla inntekter: kr ,- (kr ,-) Investeringsmidlar, moms og refusjon frå folketrygda er ikkje med i tala over. Som ein ser er dei samla inntektene slik dei kjem fram over gått noko ned frå 2009 til Fusa kommunestyre løyvde kr ,- ekstra til soknerådet si drift av bygg og anlegg i Utan denne løyvinga ville soknerådet ha gått med eit rekneskapsmessig underskot på meir enn kr ,-. Med den ekstraløyvinga ein fekk frå Fusa kommune og at talet på gravleggingar i 2010 var særleg låg, fekk ein eit overskot på om lag kr ,-. Det har også vore ein del sjukdom i Ein har her tatt inn minimalt med vikarar, og ein del av oppgåvene er utført på dugnad. Når det gjeld kyrkjelydsarbeid, har ein eit mindre overskot, pålydande kr ,-. Ein del nøkkeltal for 2010 (2009-tal i parentes): Kyrkjeoffer: kr ,- (kr ,- i 2009). Kr ,-(kr ,-) til eksterne føremål og k.r ,- (kr ,-) til interne føremål Misjonsprosjekta: kr ,- (kr ,-) Fasteaksjon: kr ,- (52.800,-) Kalenderaksjonen: kr ,- (kr ,-) Gjevarteneste:kr ,- (kr ,-) Kyrkjeblad: kr ,- (kr ,-) SAMAN VIL VI ÆRE DEN TREEINIGE GUD VED Å FORKYNNE KRISTUS, BYGGJE KYRKJELYDAR, FREMJE RETTFERD (Bjørgvin bispedøme sin visjon) 15