SEIM BARNEHAGE Praktiske opplysningar og informasjon om Seim barnehage:

Transkript

1 Kven er vi? Seim barnehagen SA er ein privat, foreldredriven andelsbarnehage. Den tredde i kraft august 08, og er ei samanslåing av tidlegare Seim korttidsbarnehage og Sprøkland familiebarnehage. Januar 2011 flytta vi inn i heilt ny barnehage. Den ligg sentralt og flott til med både skog og sjø like i nærleiken. Barnehageåret 17/18 har vi 1 avdeling for barn i alderen 1-2 år, 1 avdeling for barn i alderen 2-3 år, 2 avdelingar for barn frå 3-5 år og 1 avdeling med førskulebarn. Førskulebarna skal halde til i grendahuset «Strilatun» også dette barnehageåret. «Strilatun» ligg i kort gåavstand frå barnehagen. Bemanning: Grunnbemanning på liten avd er 1 pedagog pr 9 barn og totalt 3 tilsette pr 10 heile barnehageplassar. På stor avdeling er bemanning 1 pedagog pr 18 barn og totalt 3 vaksne pr 18 heile plassar. Tal barn utover dette utløyser tilsvarande auke i bemanning. Barnehagen har også 180 % stillingar i administrasjonen, fordelt på 2 personar. I tillegg er barnehagen styrka med ekstraassistent grunna barn med særskilde behov. Barnehagen har også spesialpedagog og fysioterapeut som kjem nokon dagar og trenar med einskildbarn. Opningstid: Barnehagen er open frå kl måndag - fredag Frammøte: Frammøte: Redusert opning/ stengt: Jul- og nyttårsafta er barnehagen stengt. Onsdag før skjærtorsdag stenger barnehagen kl Seim barnehage SA har 5 planleggingsdagar i året. Barnehagen er då stengt. Når barnet har starta i barnehagen, er det viktig at det kjem regelmessig. Dette for at det skal verte kjend med dei andre barna og føle seg som ein del av gruppa. Barna kan gjerne ta seg fri ein gong i blant, men det er då fint om det vert gjeve beskjed til personalet. 1

2 Bringing og henting: Kjernetida i barnehagen er frå kvar dag. I denne tidsperioden vert aktivitetar, turar o.a lagt, og vi ynskjer som ein hovudregel at barna som skal vere i barnehagen er her i denne tidsperioden. Kjem ditt barn i barnehagen etter kl 09.30, vert henta før eller vert heime av ulike årsaker, blir vi glad om du gjev beskjed om dette så tidleg som mogeleg og seinast kl same dag. Då unngår vi at de kjem til ei tom avdeling fordi vi t.d. er gått på tur. Personalet møter barnet enten i garderoben eller når det kjem inn på avdelinga. Det vil variere alt etter tidspunktet barnet kjem om morgonen. Den første halvtimen-timen er det ofte berre ein tilsett på jobb, og då er det vanskeleg å gå ifrå avdelinga dersom andre barn sit og et frukost eller held på med ein aktivitet saman med den vaksne. Vi ynskjer alltid at barn og foreldre skal få ei god mottaking om morgonen, og skal gjere vårt beste for at det skal skje. Er det ingen tilsette i garderoben, føl de barnet inn på avdelinga, så vil de bli møtt av ein blid og hyggeleg vaksen der. Er det nokon foreldre som har særskilde ynskjer/behov i høve bringe/hentesituasjonen, ta kontakt med pedagogisk leiar på avdelinga. Det er viktig at alle foreldre tek seg ein tur inn i innergarderoben kvar dag. Beskjedar og informasjon vert hengd opp der, enten på barnet sin plass eller på oppslagstavla. Går de inn i barnehagen med sko på, ver vennleg å bruk blå skoovertrekk (heng like innanfor inngangsdøra). Då held vi innergangen rein. NB! De må alltid vere sikre på at personalet veit at barnet er henta. Personalet skal ha beskjed dersom andre enn den som har den daglege omsorga for barnet skal hente det. 2

3 Mat: Dette året vil barnehagen servere alle måltid. Vi ynsker derfor at det ikkje vert tatt med matboks. Frukost: Liten avd : kl Stor avd : kl Vi servere då brød/knekkebrød med smørepålegg Lunsj: ca kl 11/11.30 Barnehagen serverer smørjelunsj kvar dag i bhg. Vi dekker på med fat/kopp/kniv og brød/knekkebrød og pålegg og kosar oss i lag v/bordet Barna får mjølk eller vatn til måltida. Varmlunsj o.l: 1-2 dag i veka lagar kvar avd varmlunsj. Frukt: ca kl 14/14.30 Vi serverer variert frukt kvar dag og dei får tilbod om brød/knekkebrød med tubepålegg Dersom barnet ditt er veldig svolten før middag, kan det vere lurt å ta med ein yoghurt som barnet kan ete til fruktmåltidet. Barnehagen legg vekt på eit sunt og godt kosthald! Kle og sko: Alle klede og sko skal vere merka med barnet sitt namn. Husk også å merk t.d. smokk, koseklut, vogn, myggnetting, regntrekk, dyne/teppe om barnet har med det. Barnet må alltid ha ekstra klesskift frå inst til ytst liggjande i barnehagen. Regntøy, regnvottar og støvlar må alltid vere i barnehagen. Kle barnet ditt slik at det kan leike og vere i aktivitet både inne og ute. Det er viktig at barnet har klede som toler å bli skitna til, og er gode å ha på. Barnet må ha sandalar eller tøflar til bruk inne. Regn og snø kan gjere golvet i garderobane våte. Vi har også jamlege brannøvingar, og tøflar på føtene er greitt når vi skal evakuere ut. 3

4 Sjekk med jamne mellomrom at dress/regnbukse har strikk til å ha under skoa. Det er viktig for at barnet skal halde seg tørr i uteleik. Våte/skitne klede vert lagt i posar og hengt på barnet sin garderobeplass. Sjekk garderobehyllene ved henting og ta med skitne klede heim til vask. Sjå også i tørkeskapet om det er våte kle/vottar som bør takast heim eller leggast på plass i hylla att, klar til bruk neste dag. Kvar fredag oppmodar vi foreldra til å ta heim regnklede og utedressar og vaske desse. Det er foreldra sitt ansvar å halde orden på garderobeplassen til barnet. Det er viktig at det er ryddig og at kle barna treng for dagen, ligg klar til bruk i hylla. Då får dei tilsette tid til å fokusere på sjølve påkledninga, og støtte og rettleie ungane i meistring av denne oppgåva. Turar: Barna vert tatt med på kortare og lengre turar. Korte turar vil ein ta utan førehandsvarsel, men ved lengre turar får foreldra melding på førehand. Alle foreldre må fylle ut erklæringsskjema, der vi m.a. ber om lov til å ta barna med i privatbil og/eller off. transportmiddel, etter gjeldande sikkerheitsreglar. Vi har eigne bilseter, både for dei yngste barna og dei på stor avdeling, om vi skal på tur med buss eller bil. Sjukdom: I utg.pkt er det alltid barnet sin allmenntilstand som avgjer om det kan gå i barnehagen eller bør vere heime. I tillegg kjem spørsmålet om barnet bør vere heime for å unngå smittespreiing til andre. Barnehagen ber om at foreldra føl utarbeidde retningslinjer v/barns sjukdom. Er de i tvil - ta kontakt med barnehagen. Då kan vi diskutere det og kome fram til ei avgjersle i lag. Barna som kjem i barnehagen, skal generelt vere utkvilde og friske når dei kjem i barnehagen, og kunne vere i leik både inne og ute 4

5 Bursdagsfeiring: Når eit barn har bursdag, feirar vi det i barnehagen. Avdelinga ordnar sjølv med nokon godt til frukten, så foreldra skal ikkje ta med noko heiman ifrå. Vi prøver å fremje eit sunt kosthald, og barnet vel frå ein fruktmeny som er felles på alle avdelingar. Elles lagar barnehagen krone til barnet og dei fem avdelingane markerar dagen på ulike vis. Denne dagen skal bursdagsbarnet få vere ekstra i fokus Når de skal invitere barn til privat bursdagsfeiring, ser vi helst at de inviterer utanom barnehagetida. Om de skal levere ut invitasjonar i barnehagen er det viktig at de inviterer «rettferdig» ved å enten å invitere alle på avdelinga, alle jentene eller gutane, eller heile aldersgruppa som barnet høyrer til, på avd. Invitasjonar kan komme på avveie av ulike grunnar i løpet av dagen (ramle ut av hylla under nokre klede..) Kanskje er invitasjon via tekstmelding eit «sikrare» alternativ Ferie: I fylgje barnehagen sine vedtekter, skal alle barn ha minst 4 veker ferie i løpet av barnehageåret. 3 veker skal vere samanhengande i perioden skuleslutt- nytt barnehageår. NB! Den 4. ferieveka kan takast ut som einskilddagar eller samla når som helst i barnehageåret, men barnehagen skal ha melding om desse dagane minst 4 veker på førehand på eige skjema. Skjema finn du på eller i Seim barnehage. Før haustferie, juleferie, vinterferie og påskeferie, heng avd opp oversikt, der alle foreldre skal krysse av om barnet kjem eller skal ha noko fri. Kryssar ein av på «fri» 4 veker før feriestart, vert også dette godtatt som innmelding av 4.ferieveke. Det er då ikkje naudsynt å fylle ut eit eige skjema på dette. Ein får ikkje avvikle feriedagar på heilagdagar eller dagar barnehagen er stengt, t.d. planleggingsdagar. Betaling: De får faktura tilsendt på epost med avtale om efaktura dersom de vil opprette dette. Dei som ikkje benyttar efaktura, blir belasta med eit adm.gebyr på kr 50,- kvar mnd. Betalingsfrist er den12. i kvar månad. Juli er betalingsfri månad, under føresetnad av at 4 veker ferie vert teke ut før 5

6 barnehageåret er slutt, eller det vert gjort avtale om når den 4.ferieveka skal takast ut. Sjå elles meir info om betaling i Seim barnehage sine vedtekter. Foreldresamarbeid: Barnehagen har både eit formelt og eit uformelt foreldresamarbeid. Det formelle er omtala i barnehagelova. Det uformelle samarbeidet er meir opp til den einskilde barnehage og for Seim barnehage består dette av: - dageleg kontakt v/henting & bringing - foreldresamtalar (ca 2 gonger pr. år), - foreldremøte (2 gonger pr år), - samankomstar rundt jul og rundt påske, - dugnad, - sommarfest. Personalet i barnehagen ynskjer ein open og god dialog om barna og deira behov, og vi tek i mot både «ris og ros» frå foreldra Hugs : Personalet i barnehagen har teieplikt! Adresse: SEIM BARNEHAGE SA, LUREVEGEN 171, 5912 SEIM Telefonnummer til barnehagen: * Styrar/huset : * Alvane : * Munin : * Vettene : * Hugin : * Strilatun : Vi slit av og til med dårlege dekningsforhold. Får du ikkje svar på avdelinga sitt nummer, så berre ring på ein av dei andre telefonnr. Du må også gjerne sende ei tekstmelding om barnet ditt kjem etter avtalt kjernetid eller vert heime, evt andre beskjedar. Er det noko som hastar, bør du ringje. Barnehagen sender ikkje alltid bekrefting tilbake på at melding er motteke, men telefonen ligg fast på avdelinga, så vi ser meldingane Epostadr. styrar: styrar@seimbarnehage.no 6

7 Nytt gjerne epost dersom de har spørsmål eller tilbakemeldingar. Men ikkje bruk desse til beskjedar og spørsmål de ynskjer raskt svar på. Barnehagen har eiga heimeside: Der finn du diverse informasjon og det vert jamleg lagt ut nyheiter på sida. Avdelingane sine månadsplanar og månadsbrev vert også lagt ut her. NB! Dugnad som vi ynskjer å ha utført kvar månad, vert publisert på avdelinga sitt månadsbrev på barnehagen si heimesida før kvar ny månad. Les derfor månadsbrevet og hald deg oppdatert. Meir info om dugnadsordninga finn du i barnehagen sine vedtekter. 7