Gloppen kommune. Møtebok. Utval Helse- og omsorgsutvalet Møtestad På Søreide Dato Tid Kl. 09:00-11:10

Transkript

1 Gloppen kommune Utval Helse- og omsorgsutvalet Møtestad På Søreide Dato Tid Kl. 09:00-11:10 Møtebok Følgjande medlemar møtte Arnfinn Jørgen Brekke Liv Petra Holme Olaf Sigurd Gundersen Marit Straume, frå sak 21/17 Per Ståle Husevåg Vidar Sandal Frå KRF AP SP SP KRF SP Forfall/møtte ikkje Frå Følgjande varamedlem møtte Frå Anniken Rygg H Ingen Andre som møtte Beate Kornberg, rådgjevar - i sak 25/17 Jan Kåre Fure, rådmann - i sakene 18/17-24/17 Møteleiar: Arnfinn Jørgen Brekke Underskrift: Arnfinn Brekke

2 Sakliste Sak nr. Sakstittel 018/17 Godkjenning av møteprotokoll, innkalling og sakliste 019/17 Referat og orienteringssaker 020/17 Statusrapport for 1. tertial /17 Søknad om løyve til sal av øl og rusbrus - Piknikkurven 022/17 Kommunal forskrift om tildeling av langtidsopphald i sjukeheim eller omsorgsbustad med bemanning gjennom heile døgnet - vedtak 023/17 Planprogram for helse- og omsorgsplan /17 Økonomiplanen for perioden /17 Bustadpolitisk handlingsplan Sluttbehandling Side 2

3 Gloppen kommune Arkiv: FE JournalpostID: 17/5597 Saksbehandlar: Anvor Hauge Saksnr. Utval Møtedato 018/17 Helse- og omsorgsutvalet Godkjenning av møteprotokoll, innkalling og sakliste Vedlegg i saka: Protokoll - Helse- og omsorgsutvalet Utvalsleiar si tilråding: 1. Helse- og omsorgsutvalet godkjenner møteboka frå sitt møte den 5. april Helse- og omsorgsutvalet godkjenner innkallinga og saklista til møtet den 31. mai Møteprotokollen frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Helse- og omsorgsutvalet Nokre av vedlegga har ikkje vore tilgjengelege i møteportalen. Dette gjeld statusrapporten for 1. tertial og planprogrammet for helse- og omsorgsplanen. HOU- 018/17 Vedtak 1. Helse- og omsorgsutvalet godkjenner møteboka frå sitt møte den 5. april Helse- og omsorgsutvalet godkjenner innkallinga og saklista til møtet den 31. mai Vedtaket var samrøystes. Side 3

4 Gloppen kommune Arkiv: FE JournalpostID: 17/7613 Saksbehandlar: Jan Kåre Fure Saksnr. Utval Møtedato 019/17 Helse- og omsorgsutvalet Referat og orienteringssaker Rådmannen legg ikkje fram tilråding i saka. Orienteringssaker: Plan for samordning av tenester og opplæring til barn og unge - Før planen blir lagt ut på ny høyring er det nødvendig med ei ny 'behandling' i sektorane sidan planen no er vesetleg endra på nokre område. Meininga er at oppvekstutvalet og helse- og omsorgsutvalet skal gjere vedtak om utlegging på neste møte. Arbeidet med interkommunal kommunepsykolog - Sak om dette kjem etter sommarferien. Ordet fritt... Helse- og omsorgsutvalet HOU- 019/17 Vedtak Det vart ikkje gjort vedtak i saka. Side 4

5 Gloppen kommune Arkiv: FE - 212, HIST - 16/534 JournalpostID: 17/7608 Saksbehandlar: Jan Kåre Fure Saksnr. Utval Møtedato 022/17 Oppvekstutvalet /17 Helse- og omsorgsutvalet /17 MULTEK-utvalet Formannskapet Kommunestyret Statusrapport for 1. tertial 2017 Vedlegg i saka: Rapport for 1. tertial 2017 Rådmannen si tilråding Kommunestyret tar rapporten for 1. tertial 2017 til orientering. Saksutgreiing Bakgrunn for saka Vedlagt er ein kort statusrapport for 1. tertial (januar til april) Rådmannen har som sist laga ein samla rapport for alle sektorane, med mellom anna oversikter over skatteinngang, bruk av disposisjonsfond og sjukefråværet. Nytt av året er ein status for investeringsprosjekta. Når det gjeld sjukefråværet, kan det leggast fram detaljerte tal for kvart ansvar i budsjettet. Mange av ansvara har så få tilsette at slike detaljerte rapportar ikkje kan leggast fram i opne saker og drøftast i opne møte. --- Rådmannen sin hovudkonklusjon for 1. tertial er at det meste går som planlagt. Vi har til liks med mange andre kommunar ein liten skattesvikt, som så langt ikkje er urovekkande. Lønnsveksten i 2017 ser ut til å bli om lag som rekna med. Det er på oppvekstutvalet sitt område vi no har størst utfordring med budsjettbalansen. Rådmannen følgjer naturlegvis nøye med, både her og elles Investeringsoversikta viser som tidlegare år at vi er litt for optimistiske når det gjeld oppstart og framdrift på nokre av prosjekta. Vi greier ikkje å bruke som mykje pengar som budsjettert i oppstartsåret. Rådmannen kjem tilbake til kommunestyret med sluttrapport på enkeltprosjekt etter kvart som desse er ferdige. --- Rådmannen legg saka fram til orientering. Side 5

6 Helse- og omsorgsutvalet HOU- 020/17 Vedtak Helse- og omsorgsutvalet er samd i tilråding. Utvalet ber rådmannen rapportere på status for 'overligg' og venteliste etter ny forskrift om tildeling av langtidsopphald i seinare tertialrapportar. Vedtaket var samrøystes. Side 6

7 Gloppen kommune Arkiv: FA - U62, HIST - 14/633 JournalpostID: 17/6358 Saksbehandlar: Margrete Anette Solheim Saksnr. Utval Møtedato 021/17 Helse- og omsorgsutvalet Formannskapet Søknad om løyve til sal av øl og rusbrus - Piknikkurven Rådmannen si tilråding Formannskapet gjev Piknikkurven AS salsløyve for øl og rusbrus i samsvar med Gloppen kommune sin rusmiddelpolitiske handlingsplan. Tillaten salstid vert frå klokka 09:00 til klokka 20:00 måndag til fredag og mellom klokka 09:00 og klokka 18:00 laurdagar og dagar før helgedagar. Katrine Anita Haugerøy Heggelund er godkjend som styrar for løyvet og Ove Johan Heggelund Haugerøy er godkjend som varastyrar. Saksutgreiing Bakgrunn for saka Piknikkurven AS søkjer om løyve til sal av alkoholhaldig drikk med mindre enn 4,7 volumprosent alkohol. Butikken har serveringsløyve og ønskjer no også å ta inn småskalaprodusentar av øl og cider for å skape eit meir heilheitleg tilbod i butikken, men søknaden gjeld ikkje skjenkeløyve. Fakta i saka Dagleg leiar og eigar er Katrine Anita Haugerøy Heggelund og vara og medeigar er Ove Johan Heggelund Haugerøy. Det er ingen restansar eller merknader i skatteattestane vi har motteke frå dei. Det er ingen merknad frå Gloppen lensmannskontor. Katrine Anita Haugerøy Heggelund skal vere styrar for løyvet, med Ove Johan Heggelund Haugerøy som varastyrar. Begge har avlagt og klart kunnskapsprøva for sal av alkoholhaldig drikke, og dei er dermed kvalifiserte for å ha ansvar for løyvet. Opningstidene til butikken er pr i dag: Måndag-onsdag, stengt. Torsdag kl 10-18, fredag kl og laurdag kl Sommartid vert slik: Måndag-onsdag kl 10-17, torsdag kl 10-18, fredag kl og laurdag kl Dermed ligg dei innafor dei tilletne salstidene. Økonomiske konsekvensar for kommunen I utgangspunktet ingen. Rådmannen si vurdering I kommunen sin rusmiddelpolitiske handlingsplan for perioden , pkt 10, er følgjande sagt og vedteke om salsløyve for øl og rusbrus: Gloppen kommune tillét sal av øl og rusbrus i butikk. Føresetnadene for tildeling av salsløyve er at utsalsstadene er registrert hos Mattilsynet, og at salsstyrar og varastyrar har greidd kunnskapsprøva etter alkohollova. Salstida skal haldast innanfor: Side 7

8 Kl 09:00-20:00 på kvardagar Kl 09:00-18:00 på laurdagar og dagar før helgedagar Sett opp mot at det generelt er tillate med sal av øl og rusbrus i butikk i kommunen, kan ikkje rådmannen sjå at det er nokon grunn for ikkje også å gje Piknikkurven AS salsløyve. Helse- og omsorgsutvalet Framlegg frå Arnfinn Brekke (Krf): Som rådmannen si tilråding, men med følgjande presisering: Løyvet gjeld berre sal over disk. Framlegget vart samrøystes vedteke. HOU- 021/17 Vedtak Helse- og omsorgsutvalet er samd i tilrådinga, med slikt tillegg: - Løyvet gjeld berre sal over disk. Vedtaket var samrøystes. Side 8

9 Gloppen kommune Arkiv: JournalpostID: 17/7249 Saksbehandlar: Anita Lothe Saksnr. Utval Møtedato 022/17 Helse- og omsorgsutvalet Kommunestyret Kommunal forskrift om tildeling av langtidsopphald i sjukeheim eller omsorgsbustad med bemanning gjennom heile døgnet - vedtak Vedlegg i saka: Forskrift om tildeling av langtidsopphald i sjukeheim eller omsorgsbustad med bemanning gjennom heile døgnet Kort samandrag av saka Helse- og omsorgsutvalet la framlegget til kommunal forskrift om tildeling av langtidsopphald i sjukeheim eller omsorgsbustad med bemanning gjennom heile døgnet ut på høyring med høyringsfrist 20. mars Eldrerådet og rådet for menneske med nedsett funksjonsevne har også hatt saka som ein del av høyringsprosessen. Det er ikkje komt uttaler til forskrifta. Forskrifta skal no vedtakast av kommunestyret i Gloppen. Rådmannen si tilråding Kommunestyret i Gloppen kommune vedtek «Kommunal forskrift om tildeling av langtidsopphald i sjukeheim eller omsorgsbustad med bemanning gjennom heile døgnet». Saksutgreiing Bakgrunn for saka 13 juni 2016 vedtok Stortinget lovendringar i pasient- og brukerrettighetslova og i helse- og omsorgstjenestelova om rett til opphald i sjukeheim eller tilsvarande bustad særskilt tilrettelagt for heildøgns tjenester kriterier og ventelister. Fakta i saka Føremålet med lovendringane er å tydeleggjere retten til sjukeheimsplass eller opphald i tilsvarande bustad særskilt tilrettelagt for heildøgns tenester. Retten er presisert i pasient- og brukerrettighetslova 2-1e første ledd. Av lova går det fram at dersom ei helse- og omsorgsfagleg vurdering tilseier at det einaste kommunale tilbodet som kan sikre pasienten/brukaren nødvendig og forsvarlege helse- og omsorgstenester er i sjukeheim eller tilsvarande bustad særskilt tilrettelagt for heildøgns tenester, er dette ein rett pasient/brukar har. Kommunen si plikt til å tilby slike tenester er presisert i helse- og omsorgstjenestelova 3-2a. Ny 3-2a andre ledd i helse- og omsorgstjenestelova gjev kvar kommune plikt til å utarbeide kommunal forskrift med kriterium for tildeling av langtidsopphald i sjukeheim eller tilsvarande bustad særskilt tilrettelagt for heildøgns tenester. Forskrifta skal omfatte pasientar/brukarar som vil vere best tente med langtidsopphald eller tilsvarande bustad særskilt tilrettelagt for heildøgns tenester, men der kommunen vurderer at vedkomande sine behov kan verte dekka med forsvarlege tenester frå kommunen i heimen medan ein ventar på langtidsopphald. Side 9

10 Pasientar/brukarar som med forsvarleg hjelp kan bu heime medan dei ventar på plass, skal ha rett til vedtak. Vedtaket inneber at vedkomande er kvalifisert for langtidsplass eller tilsvarande bustad særskilt tilrettelagt for heildøgns tenester og skal stå på venteliste. Ny 3-2a 4 ledd i helse- og omsorgstjenesteloven pliktar kommunen til å føre ventelister over pasientar/brukarar som ventar på langtidsopphald i sjukeheim eller tilsvarande bustad særskilt tilrettelagt for heildøgns tenester. Regjeringa vil innføre nasjonale kriterium for tildeling av langtidsplass i sjukeheim eller tilsvarande etter at det er gjort erfaringar med dei kommunale kriteria og evaluering av forsøka med statleg finanisering av omsorgstenestene. Dei nasjonale kriteria er heimla i helse- og omsorgstjenestelova 3-2a 3. ledd. Det nasjonale målet er å få ordninga i gang i løpet av Helse- og omsorgsdepartementet har som mål å få sett i kraft dei resterande lovendringane knytt til kommunale kriterium og ventelister frå Dette inneber at dei kommunale forskriftene må vere vedtekne slik at dei seinast kan tre i kraft Hausten 2016 sette kommunalsjefnettverket i helse, omsorg og sosial i Nordfjord saman ei arbeidsgruppe som laga eit framlegg til forskrift som kunne vere felles for Nordfjordkommunane. Det er dette framlegget som er sendt ut på høyring. Når kommunen utarbeider forskrifter, gjeld reglane i forvaltningslova om utgreiingsplikt, varslingsplikt og høyring. Høyringsuttalane skal vere skriftlege. Det er ikkje kome inn høyringsuttaler. Økonomiske konsekvensar for kommunen Ingen. Rådmannen si vurdering Framlegget til forskrift for Gloppen kommune oppfyller lovendringane vedtekne i Stortinget 13. juni 2016 om rett til opphald i sjukeheim eller tilsvarande bustad særskilt tilrettelagt for heildøgns tjenester kriterium og ventelister. Helse- og omsorgsutvalet HOU- 022/17 Vedtak Rådmannen si tilråding vart samrøystes innstilt. Side 10

11 Gloppen kommune Arkiv: JournalpostID: 17/7446 Saksbehandlar: Åslaug Haugset Saksnr. Utval Møtedato 023/17 Helse- og omsorgsutvalet Planprogram for helse- og omsorgsplan Vedlegg i saka: Planprogram for helse- og omsorgsplan etter høyring Rådmannen si tilråding Helse- og omsorgsutvalet vedtek planprogram for helse- og omsorgsplan Saksutgreiing Bakgrunn for saka Den førre helse- og omsorgsplanen vart vedteken i 2007 med tidsramme fram mot I planstrategien for Gloppen kommune står det at arbeidet med ny kommunedelplan for helse og omsorg skal starte opp våren Planprogrammet for ny helse- og omsorgsplan har no vore ute til høyring i seks veker, og det har ikkje kome inn høyringsuttalar. Fakta i saka Planprogrammet inneheld føremålet med planen, organiseringa av planprosessen, opplegg for medverknad og ein framdriftsplan. I tråd med planprogramme har helse- og omsorgsutvalet valt Arnfinn Brekke som sin representant i arbeidsgruppa, eldrerådet ha valt Maria Lundestad og rådet for menneske med nedsett funksjonsevne har valt Else Tystad som sine representantar. Det vert lagt opp til ein prosess der mesteparten av arbeidet med planen skal gjerast hausten 2017, og at ny helse og omsorgsplan skal vedtakast i januar Økonomiske konsekvensar for kommunen Planarbeidet har ikkje direkte økonomiske konsekvensar for kommunen utover den arbeidstida som går med til å utarbeide planen. Økonomiske konsekvensar av tiltak i planen må inn i økonomiplanen. Rådmannen si vurdering Rådmannen meiner planprogrammet inneheld det som er nødvendig for ein god planprosess. Helse- og omsorgsutvalet Olaf Sig. Gundersen (Sp) tok opp spørsmålet om brukarutval og brukarmedverknad og bad om at dette blir greidd ut som ein del av planarbeidet. Det vart ikkje røysta over spørsmålet. Side 11

12 HOU- 023/17 Vedtak Helse- og omsorgsutvalet vedtek planprogrammet for helse- og omsorgsplan Vedtaket var samrøystes. Side 12

13 Gloppen kommune Arkiv: FE - 145, HIST - 16/602 JournalpostID: 17/6379 Saksbehandlar: Jan Kåre Fure Saksnr. Utval Møtedato 041/17 Formannskapet /17 Formannskapet /17 Eldrerådet /17 Rådet for menneske med nedsett funksjonsevne /17 Helse- og omsorgsutvalet /17 MULTEK-utvalet /17 Oppvekstutvalet Økonomiplanen for perioden Vedlegg i saka: Økonomiplan for perioden Rådmannen si tilråding Formannskapet viser til rådmannen sitt framlegg til økonomiplan for perioden og legg denne ut til offentleg gjennomsyn med høyringsfrist onsdag 7. juni Saksutgreiing Bakgrunn for saka I samsvar med m.a. økonomireglementet legg rådmannen no fram økonomiplanen for perioden Fakta i saka Rådmannen skriv følgjande i samandraget innleiingsvis i planen: «Rådmannen sitt framlegg til økonomiplan for er i hovudsak ein revisjon av investeringane i økonomiplanen fram til 2020 som vart vedteken av kommunestyret i desember I tillegg til dette presenterer rådmannen aktuelle driftstiltak som vi må arbeide vidare med for å finne dekning til. Planen er skriven månadsskiftet april/mai 2017, altså før regjeringa legg fram kommuneproposisjonen for 2018, som vil gje nærare rammer for drifta av kommunane til neste år. Som sist vedtekne årsbudsjett viser, er det ikkje økonomiske rammer for å auke kommunen sine driftsutgifter. Nye driftstiltak er derfor ikkje lagt inn og tilfesta i rådmannen sitt framlegg. Investeringsplanen er ambisiøs, og vil gje oss store driftsutfordringar når renter og avdrag på nye store låneopptak skal betalast. Slik sett er investeringsbudsjettet for høgt. Ein auke i lånerenta på berre eitt prosentpoeng, vil koste oss nesten 5,5 mill meir i årlege renteutgifter. Investeringane Dei store investeringsprosjekta er framleis rehabilitering av skule- og idrettsbygget i Hyen med 47,5 mill i perioden nytt omsorgsbygg med 42,9 mill nytt blålysbygg med 36 mill oppgradering av renseanlegget på Byrkjelo med 26,2 mill Side 13

14 nytt industribygg til utleige med 26 mill utbygging av Sandane skule med 30 mill bustader til vanskelegstilte med 40 mill. Lånegjelda vil auke til nesten 715 millionar viss alle investeringane i planen blir gjennomførde. Sjølv om mykje av auken kjem frå tiltak som også gjev inntekter, kan kommunen slik rådmannen ser det ikkje greie å handtere ei så stor lånegjeld. Utfordringar på drifta Den store utfordringa på drifta er å skaffe rom for å drifte det nye omsorgsbygget som etter planane blir innflyttingsklart i 2020.» Økonomiske konsekvensar for kommunen Dei økonomiske konsekvensane går fram av plandokumentet. Rådmannen si vurdering Det er både fordelar og ulemper med å skilje arbeidet og behandlinga av økonomiplanen frå årsbudsjettet. Sett frå rådmannen sin ståstad fører delinga til ein god del meirarbeid sidan vi uansett må gjere ein revisjon av økonomiplanen i samband med årsbudsjettbehandlinga for å få oppdaterte økonomiske rammer. Som det går fram av dagens plan er det mykje som er usikkert, særleg på driftssida. Rådmannen er likevel mest ottefull for den auken i lånegjelda som vi kjem til å dra på oss med dei planane vi har i dag. Vi må nøye vurdere alle tiltak med sikte på å redusere kostandene så mykje som råd. Godt nok er kanskje eit omgrep vi skal ta meir i bruk Økonomiplanen skal i første omgang leggast ut til gjennomsyn. Formannskapet Saka vart behandla i finansutvalet, som vil seie at formannskapet vart supplert med gruppeleiarane i dei partia som ikkje er representert i formannskapet. Av desse var Anniken Rygg (H) og Hege Lothe (SV) med på behandlinga. FOR- 041/17 Vedtak Det vart ikkje gjort vedtak i saka. Formannskapet Gruppeleiarane i Høgre, SV og Miljøpartiet De Grøne var inviterte til å møte i saka, men kunne ikkje møte. Innspel frå Magni Aa Berge på vegner av Senterpartiet, Arbeiderpartiet, Venstre og SV: 5.2. Formannskapet sitt budsjettområde Administrative ressursar. Sjå «omgjering av sekretærstilling i Nordfjordrådet» i kap. 5.2 og «stilling som rådgjevar for oppvekstsjefen» og «leiingsressursar / administrative ressursar i einingane» i kap. 5.3 i samanheng. Redusere til samla kostnad kr ,-. Side 14

15 «Oppfølging av breibandsplan» - ta posten ut av økonomiplanen fordi kostnaden er tidlegare vedteke finansiert gjennom disposisjonsfondet. Reduksjon kr , Helse- og omsorgsutvalet sitt budsjettområde Ikkje innføre heildøgnsbemanning ved bukollektivet på Sandane, hyblane og Gotatunet i Gjere ny vurdering om eitt år. Reduksjon kr , MULTEK-utvalet sitt budsjettområdet Utsette «auka drift av Gloppen folkebibliotek» til 2019, eller når rehabilitering av Hyen skule er ferdig. Reduksjon kroner. Redusere «kommunal delfinansiering av spelemiddelsøknadsanlegg» til kr ,-. Reduksjon kr ,-. Summen må nærare vurderast gjennom årleg budsjetthandsaming når ein veit kva anlegg som står for tur. Investeringsbudsjettet 2017 utsette oppstart brannstasjon til Innspel frå Svein-Ottar Sandal frå KrF: 1. Låneopptak: Etterslep på gjennomføring av vedtekne investeringsprosjekt. Kommunestyret legg til grunn at låneopptak først vert gjort når dei einskilde lånefinansierte prosjekt vert gjennomført. 2. I økonomiplanen er det på kap 4 sett opp eit konsekvensjustert budsjett. For hovudsektorane, formannskapet, oppvekst, helse og omsorg, MULTEK og Gloppen kyrkjelege fellesråd er 2017 tala flatt vidareført i økonomiplanperioden. Det ville vere ønskjeleg at det vart laga ei samleoppstilling over dei tiltaka som er nemnde i kap 5 (endring i drifta) for å sjå konsekvensane av desse i økonomiplanperioden. Dei einskilde tiltak som er nemnde i 5.2-5,3-5,4-5,5 er så langt vi kan sjå ikkje tidfesta for gjennomføring. Er det rett? 3. Det er behov for å sjå dagleg leiar Nordfjordrådet og sekretær for Nordfjordrådet i samanheng med eventuell omgjering av sekretær for Nordfjordrådet til 100 prosent stilling. 4. Auka driftstilskot for Firda fysikalsk-medisinske senter skal følgje opptrappingsplanen frå kommunestyret sitt vedtak i budsjett/økonomiplan desember Endring av dimensjoneringsforskrifta for brann (kr 1,2 mill). Beløpet vert tatt ut til dei nasjonale krava er avklart. 6. For ikkje å svekke drifta av Gloppen Folkebibliotek må kr inn i budsjettet om det ikkje kan dekkast gjennom endring av bibliotektenesta i Hyen til rehabilitert skuleanlegg er ferdig. 7. Prosjektleiar investering og prosjektleiar investering på einskildprosjekt vert sett i samanheng. 8. Treng meir informasjon om ny distriktsmusikar innan folkemusikk. 9. Rehabilitering av skuleanlegget i Hyen har fått ei svært høg kostnadsramme (estimert). Skulen skal rehabiliterast, men det må vere eit mål å få kostnadene ned. 10. Utleigebygg til Strukturplast - 26 mill. Under føresetnad av at kommunen eig dette bygget og kan lånefinansiere det, og at avtalen med Strukturplast dekker alle kostnader kommunen har med denne Side 15

16 investering. 11. Nytt bustadfelt Austrheim - ny tekst: Nytt bustadfelt Nordstranda. 12. Maskiner og utstyr og kommunen sin bilpark vert sett i samanheng og totalt ( ) sett til kr 10 mill i økonomiplanperioden. 13. Gang og sykkelveg Søreide - Åsen vert tatt ut i denne omgang. 14. Det skal arbeidast for å etablere eit kommunalt bustadfelt i Hyen (evt. Holme) Sum? 15. Planarbeid for fv 615: 2 mill, som tidlegare vedtak i kommunestyret. FOR- 047/17 Vedtak Formannskapet viser til rådmannen sitt framlegg til økonomiplan for perioden og legg denne, saman med innspela som vart lagde fram i møtet, ut til offentleg gjennomsyn med høyringsfrist onsdag 7. juni Vedtaket var samrøystes. Eldrerådet ELD- 014/17 Vedtak Eldrerådet tek rådmannen sitt framlegg til økonomiplan for perioden til orientering. Eldrerådet ber om at tiltaket om auke av tal korttidsplassar ved Gloppen omsorgssenter i 2018 og oppføring av nytt omsorgsbygg innan 2020 vert høgt prioritert. Vedtaket var samrøystes. Helse- og omsorgsutvalet Framlegg frå Arnfinn Brekke (Krf): Helse- og omsorgsutvalet prioriterer nye driftstiltak i sin sektor slik: 1. Auka driftstilskot til Firda fysikalsk-medisinsk senter med opptrapping i samsvar med kommunestyret sitt vedtak i økonomiplanen for Elles som rådmannen si prioritering. Framlegget vart vedteke med fire røyster. Mindretalet røysta for rådmannen si prioritering. HOU- 024/17 Vedtak Helse- og omsorgsutvalet prioriterer nye driftstiltak i sin sektor slik: 1. Auka driftstilskot til Firda fysikalsk-medisinsk senter med opptrapping i samsvar med kommunestyret sitt vedtak i økonomiplanen for Bemanning av Myklebusttunet 3. Auke av talet på korttidsplassar ved omsorgssenteret 4. Heildøgnsbemanning ved bufellesskapa i Breim Side 16

17 5. Heildøgnsbemanning ved bufellesskapa på Sandane, hyblane og Gotatunet. Vedtaket vart gjort med fire røyster. Side 17

18 Gloppen kommune Arkiv: FE - 145, HIST - 15/355 JournalpostID: 17/7201 Saksbehandlar: Beate Kornberg Saksnr. Utval Møtedato 015/17 Eldrerådet /17 Rådet for menneske med nedsett funksjonsevne /17 Helse- og omsorgsutvalet /17 MULTEK-utvalet Formannskapet Kommunestyret Bustadpolitisk handlingsplan Sluttbehandling Vedlegg i saka: Oppsummering av folketalsutvikling på område - krinsnivå Bustadpolitisk handlingsplan Rådmannen sitt justerte planutkast til endeleg godkjenning i kommunestyret 15.juni 2017 Rådmannen si tilråding Kommunestyret godkjenner vedlagde framlegg til «Bustadpolitisk handlingsplan », med følgjande tillegg: Oversikt over folketalsutvikling på områdenivå (historikk) som nytt vedlegg til planen Eit nytt punkt i planen i handlingsdel om ein meir aktiv markedsføring av kommunale bustadtomter. Saksutgreiing Bakgrunn for saka Formannskapet vedtok i møte at det skal utarbeidast ein bustadpolitisk handlingsplan for perioden , som skal legge føringar for ein meir heilskapleg bustadpolitikk i kommunen vår. Planen skal innehalde ei rullering av gjeldande «Bustadsosial handlingsplan », hovudsakleg i kapittel 5 og 6 i planen, som er eit viktig grunnlag for å få innvilga lån og tilskot frå Husbanken. Planen skal omhandle følgjande tema: 1. Generell bustadutvikling 2. Bustadfeltpolitikk 3. Bustadsosiale forhold 4. Organisering, samarbeid og bustadforvaltning. Fakta i saka Formannskapet la i møte 3. april 2017, «Bustadpolitisk handlingsplan for Gloppen kommune » ut på høyring med frist 5. mai Det kom ikkje inn innspel innan fristen. I etterkant av fristen har det kome inn eit innspel frå arbeidsgruppa i KrF, med 7 punkt administrasjonen er beden om å vurdere før den vidare politiske handsaminga. Økonomiske konsekvensar for kommunen Side 18

19 Planen legg føringar for kommunen sine prioriteringar i planperioden, som må innarbeidast i økonomiplan og årleg budsjettprioriteringar. Rådmannen si vurdering Rådmannen har følgjande kommentarar til høyringsinnspelet som er kome inn: 1. I punktet utrykker arbeidsgruppa eit ønskje om ein meir konkret plan, og ber om ei vurdering av om det er behov for ein handlingsplan som konkret legg ein utviklingsplan for bustadpolitikken. Rådmannen meiner det er uklart kva som er etterspurt, utover det som er gjort i i punkt 3.3 og og i planen. 2. Her vert det etterspurt meir statistikk over befolkningsutviklinga på områdenivå i kommunen, både historisk og prognosar. Vedlagt ligg ei oversikt på områdenivå dei siste 10 åra, med 5 års mellomrom (2007, 2012, 2017). I tillegg er det lagt inn årleg statistikk for dei sentrale områda i lokalsamfunna og område med størst vekst. Dette kan knytast til endeleg godkjent plan som eit vedlegg. Ei eventuell prognose framover vil etter rådmannen si vurdering vere ei rein gjetting, og vil i stor grad avhenga av kva for politisk val som vert teke rundt dei foreslegne tiltaka i handlingsdelen. 3. og 4. I merknaden peiker KrF heilt korrekt på at det ikkje nødvendigvis er ein garanti for at regulerte tomter blir byggeklare tomter, og etterlyser ein strategi for å få etablert ein tomtebank. Pkt er det foreslått ein handlingsplan som rådmannen meiner i stor grad svarer på dette. I tillegg kan det vere aktuelt med meir offensiv marknadsføring. Her kunne planen gjerne vore tydelegare. 5. Planen skiller tydeleg på kriterie for etablering av kommunale bustadfelt, og kva kommunen kan akseptere av private initiativ. Rådmannen opplever at KrF på dette punktet ønskjer at planen skulle vore meir diffus, medan dei i pkt. 1 etterlyser ein meir konkret plan. Rådmannen vil minne om at vi med bakgrunn i sentrale føringer i større grad har ansvar for å ta folkehelseomsyn og klimaomsyn i vår planlegging. Fleire av tiltaka i planen er difor svar på dette. 6. Rådmannen er skeptisk til ein analyse av attraktivitet. Erfaring tilseier at det som er attraktivt for ein person kan vere heilt uinteressant for ein annan. Det er alltid gjort ei vurdering av kvalitetane i eit område i samband med planarbeid, men det finst ikkje objektive kriterie for kva som er attraktivt og kva som ikkje er det. Rådmannen har døme på at bustadområde har vore snakka ned som lite attraktive på grunn av lite nybygging i ein periode, medan dei som er busette i det same området jamt over er godt nøgde. Det er ein dårleg strategi både i forhold til dei som er busette i eit slik område og i forhold til sal av tomter. Rådmannen har meir tru på aktiv marknadsføring, og å snakke opp verdiane og kvalitetane vi har i alle bustadområda våre. 7. Rådmannen er samd i at bustadutvikling må vere eit samspel mellom kommunen og private, og er usikker på kva KrF meiner med at planen er negativ på dette punktet. Kommunen kan hovudsakleg styre bustadprosjekt på to måter - gjennom detaljerte reguleringsføresegner - gjennom sjølv å vere byggherre Detaljerte reguleringsføresegner krev ein svært bevisst haldning til kva ein faktisk ønskjer, og ein sterk vilje til å gjennomføre det sjølv om utbyggar skulle ønskje noko anna. Det betyr heilt konkret ein streng dispensasjonspraksis. Rådmannen vurderer vedlagde framlegg til «Bustadpolitisk handlingsplan » som ein brei og omfattande plan som legg klare føringar for ein heilskapleg bustadpolitikk, med bakgrunn i mandat og målområde planen er vedteke å skulle omhandle. Den set kommunen sine bustadsosiale utfordringar inn i ein heilskapleg trong for ei auka bustadutvikling, og tek på alvor sentrale, regionale Side 19

20 og lokale føringer. I slutten av hovudkapittel 3, 4 og 5 er det laga ein handlingsdel der forslag til strategi, tiltak og framdrift er samla i ein felles oversikt. I etterkant av godkjenning ser rådmannen for seg at det vert utarbeidd ein kortversjon av planen som eit administrativt arbeidsdokument med tydeleg ansvarsplassering av dei ulike oppgåvene. Dette er særskilt viktig fordi planen berører fleire sektorar. Eldrerådet ELD- 015/17 Vedtak Eldrerådet tek saka til orientering. Vedtaket var samrøystes. Helse- og omsorgsutvalet Planleiggar Beate O. Kornberg var med på behandling av saka. HOU- 025/17 Vedtak Helse- og omsorgsutvalet er samd i tilrådinga. Vedtaket var samrøystes. Side 20