SAKSFRAMLEGG. Sakshandsamar: Olav Grov Arkiv: 223 U3 Arkivsaksnr.: 12/1502

Transkript

1 SAKSFRAMLEGG Sakshandsamar: Olav Grov Arkiv: 223 U3 Arkivsaksnr.: 12/1502 Avery Dennison NTP - søknad om finansiering Rådmannen si tilråding: Avery Dennison NTP AS får eit utviklingstilskot stort kr Tilskotet vert løyvd av næringsfondet.

2 Saksutgreiing: Prenta vedlegg: Uprenta vedlegg: Søknad med budsjett Samandrag: Avery Dennison NTP AS (NTP) har vore ei verksemd i positiv utvikling i lustrasamfunnet i over 20 år. NTP har desse åra produsert eigenutvikla transfermerke (Heat Transfers Labels). Teknologien er no utvikla til å bli mellom dei verdsleiande innan dette området, og er lisensiert ut til produksjon over heile verda. NTP er no i ferd med å gjennomføre eit nytt stort utviklingsprosjekt ved verksemda. Dette prosjektet vil styrke NTP sin posisjon i Avery Dennison og både sikre eksisterande arbeidsplassar samt føre til nye. Selskapet søkjer om tilskot til utvikling. Rådmannen er positiv. Utval som har vedtaksmynde: Kommunestyret Fakta: Avery Dennison NTP AS (NTP) har vore ei verksemd i positiv utvikling i lustrasamfunnet i over 20 år. NTP har desse åra produsert eigenutvikla transfermerke (Heat Transfers Labels). Teknologien er no utvikla til å bli mellom dei verdsleiande innan dette området, og er lisensiert ut til produksjon over heile verda. NTP er no i ferd med å gjennomføre eit nytt stort utviklingsprosjekt ved verksemda. Dette prosjektet vil styrke NTP sin posisjon i Avery Dennison og både sikre eksisterande arbeidsplassar samt føre til nye. Selskapet skriv slik om planane: Grunnlaget til Avery Dennison NTP vart lagt for over 30 år sidan. Tidligare også kjend som NTP Gandrudbakken og Paxar NTP. I snart 25 år har vi produsert eigenutvikla transfermerke (Heat Transfer Labels) ved vår fabrikk, plassert i Gaupne, Luster Kommune. Her har vi utvikla vår teknologi til å bli blant verdens leiande på området, og den er brukt i produksjon hjå både søsterselskap og lisenstakarar over heile verda. Gjennom åra har vi opparbeidd stor kunnskap og erfaring som totalleverandør av merke og løysningar for merking av tekstilar, på fleire områder har me utvikla oss til å bli ei meir kunnskapsbasert verksemd. I 2002 vart vi kjøpt av Paxar Corporation, som var verdas leiande leverandør av produkt for merking, og av komplette merkesystem for produsentar av plagg. Årsaka til oppkjøpet var vår eigenutvikla teknologi for trykking av transfermerker. I 2007 vart Paxar ein del av Avery Dennison som er eit leiande selskap på verdsbasis innan trykksensitive merkematerial, kontorprodukt og merkelappar. Avery

3 Dennison har hovudkontor i Los Angeles, og har omlag tilsette og representert i over 60 land. Vi er ein stor og dominerande leverandør av transfer på den norske marknaden og heimemarknaden vil alltid være viktig for NTP. På den andre sida ligg dei store moglegheitene for vekst og ekspansjon på eksportmarknaden. For å oppnå dette satsar vi tungt på utvikling av nye produkt, og produksjonsplattformer. NTP har i dag ein relativt arbeidsintensiv produksjon, og det er ikkje råd å komma utom at Noreg er eit land med høge lønnskostnadar samanlikna med konkurrentane våre i utlandet. Dette skapar utfordringar i høve til vekst og utvikling. For å konkurrere med produsentar lokalisert i land med lågare kostnadsnivå må vi vera blant dei fremste i verda på produksjon og produktutvikling. NTP er peika ut som Avery Dennison konsernet sitt Center of Excellence for transferproduksjon. Vi har de siste 7 åra brukt store ressursar på å starte opp 10 nye fabrikkar i Asia, Europa, Nordog Sør Amerika. Det faktum at vi er styrande i Avery Dennison si utvikling av transfers gir oss store moglegheiter, men det krev at vi set inn store ressursar for å behalde vår posisjon var på mange måtar NTP sitt gjennombrot i konsernet ved at fleire i Gaupne fekk viktige titlar som R&D director global innovation HTL og head of global innovation, og interne stridighetar, blant anna med ein anna lokal FoU eining i USA, vart lagt død og alt ansvar overført til NTP. Det har medført at NTP ikkje leiar 100 tilsette i Gaupne, men også ein handfull veldig dyktige personar med base i USA, El Salvador, Kina og England. I tillegg har NTP R&D fire PhD scientists ved Avery Research Center som jobbar på spesifikke utviklingsprosjekt som Corporate FoU partnar. NTP er stolt over å ha denne posisjonen i eit Fortune 500 selskap ( dvs eit selskap mellom dei 500 største i USA), men er også klar over at det krev stor innsats og høg suksessgrad for å behalde vår stjerne hjå toppleiinga. I første omgang har vi tilsett ytterlegare to personar på vår innovasjonsavdeling, som no er ein god miks av kjemiingeniørar, serigrafiar og teknikarar. For 2012 er me framleis på jakt etter ytterlegare 2-3 personar med høg spesialkompetanse innanfor kjemi, tekstil og HTL produksjon. Det neste store steget for NTP er å utvikle ny teknologi som vil sterkare befesta Avery Dennison sin posisjon som verdsleiande på det å produsere transfermerke. Vi skal ha vår eigenutvikla webshop rulla ut i alle aktuelle land (Japan, Russland, Brasil, USA og heile Europa). Ordrane skal bli planlagt automatisk av vår eigenutvikla Software og på denne måten få kunden til å gjere jobben for oss samtidig som kunden opplever god service gjennom rask behandling (på sitt eige språk) og korte ledetider. På sikt skal NTP produsere for europeisk marknad, men i starten vil truleg all produksjon gå gjennom Gaupne. Når ordrane er komne inn i vårt system og klar til planlegging vil me ha ei revolusjonerande trykkeplattform som vil produsere sjølve trykket på transfermerke i HD kvalitet på rull-til-rull metoden. Her vil me nytte ein heilt ny maskin frå HP Indigo i Israel som framleis ikkje er komne på marknaden, men som NTP/Avery gjennom god kontakt med HP har fått anledning til å

4 kjøpe ein spesialutgåv av. Det å få tak i ny teknologi i god tid før konkurrentane kan skape eit varig konkurransefortrinn. Når ein har fått på plass motivet må ein sørgje for at merket heng på tekstilet, og der kjem vår eigenutvikla Agility lim inn i biletet. Denne blir påført med tradisjonelt silketrykk, men også her ynskjer me ein ny rull-til-rull plattform. Etter at sjølve produktet er ferdig produsert skal det kuttast / slissast, kvalitetskontrollerast og til slutt fordelast i dei ulike motiva/ordrane. NTP har primært ordrar frå norske kundar og har difor ein kundebase som gjer at vi ikkje kan dra same nytte av denne nye produksjonsmetoden på same måte som våre søsterselskap får ordrar frå store merkevarer som Adidas, Nike og liknande. Difor vil vårt arbeid i Gaupne primært vera innovasjonsarbeid for å utvikle plattform, utvikle kjemi i våre eigenutvikla produkt og lage gode instruksar for å få rulla dette ut i (nokre av) dei største HTL fabrikkane i Avery Dennison. IT delen av dette innovasjonsarbeidet vil me dra full nytte av på NTP, og når alle system er i funksjon i Noreg, vil dei bli justert for lokale omsyn og rulla ut i alle aktuelle land. Hittil har vi hatt salsrepresentantar frå Sverige, England, Tyskland, Frankrike, Belgia, Spania, Italia, Japan, USA og Russland i Gaupne for å få opplæring i våre eigenutvikla sals verktøy og bruk av webshop. Siste samling var i januar 2012, og neste samling er planlagt juni Det er svært spennande at NTP har gått frå og vera ein produksjonsbedrift med 4 tilsette til og vera ein hjørnestein i eit internasjonalt selskap med tilsette. NTP har gjennom 25 år utvikla seg til å bli meir kunnskapsbasert og har om lag femten personar som er direkte retta mot innovasjon i vårt budsjett for NTP har også vore ein attraktiv arbeidsplass som har gjort at vi har behaldt ein grunnkontinuitet og har mange tilsette med over 20 års ansiennitet. Ettersom me jobbar med å utvikle maskiner, kjemi, IT- og sals verktøy innomhus blir me også relativt sjølvforsynt med kompetanse og tenester. Dersom me treng assistanse har me eit godt nettverk i konsernet på dei fleste områder. I tillegg til å ha mykje kompetanse i Gaupne og i konsernet er det i somme tilfelle nødvendig å hente kompetanse utanfrå i form av konsulentar. I 2012 har vi eit godt samarbeid med eit selskap i Australia, og har byrja samarbeid med eit i Ungarn. Frå 2010 til 2011 hadde vi vekst på hovudmarknaden på 17 %. For 2012 har vi budsjettert med større vekst og fleire nye medarbeidarar, derav 5 er personar med spesialkompetanse. For 2015 har konsernet satt seg store mål som også blir reflektert i Noreg, spesielt ettersom NTP-modellen blir implementert verda over og konsernet satsar på investeringar i Gaupne. Det er vanskeleg å spå, men at NTP kan ha tilsette i 2015 er ikkje umogleg. Det neste store steget som det blir omtalt som, inneber at NTP investerer i ny teknologi for å produsere vårt produkt (HTL) på ein ny måte, der ein kombinera høg definisjons detaljgrad med produktivitet.

5 2010 var året då me installerte høg definisjon trykkemaskin (digital trykk). Denne produserer HD transfermerker, men produksjonsplattforma høver ikkje til større kundar som Nike og Adidas. Ved å få høgare produktivitet kan NTP lansere eit produkt på marknaden som manglar sidestykke. NTP si rolle blir i første omgang å finne leverandørar, spesifisere utstyr, installere og tilpassa / vidareutvikle utstyret. Deretter må me utvikle (og endre) kjemien i råvarene til å passe den nye plattforma. Til slutt skal me standardisere å skrive SOP ar (standard operating procedures) for prosessen. I neste fase skal då NTP stå for utrulling til konsernet sine HTL lokasjonar. Den nye produksjonsplattforma vil opne nye dørar for marknader, som har vore for prissensitive for NTP. Til dømes har me hatt besøk og god kontakt med same personen som i si tid gav NTP kontrakten for å produsere merker for Premier League og Real Madrid. Digital HD trykk på draktene er svært interessant for dei store klubbane og på sikt vil dei mindre følgje etter. I grove linjer ventar me å investere 17 millionar i utstyr og maskiner, samt 8 millionar i utviklingskostnader. Total ramme på 25 millionar. Me har tilsett teknikarar, produksjonspersonell og kjemikarar for å få dette i hamn. Per i dag har me 108 stillingar, derav 106 er bemanna og 2 er utlyst. I tillegg har me tilkallingshjelper, sommarhjelper (om lag 20) og ein handfull med ressursar i konsernet (Usa, Honduras, England, Kina) som rapporterer til NTP. NTP er den største private arbeidsplassen i Luster kommune. Verksemda har positive resultat. Vinteren 2010 var det og ei stor utviklingssatsing på NTP, der Luster kommune var med og ytte eit tilskot på kr Då hadde NTP 95 tilsette og det var planlagt å auke talet tilsette med 10 i dei kommande åra. Det har verksemda nådd no (108 stillingar). NTP har opparbeidd seg ein status som Center of Exellence i konsernet Avery Dennison innafor området transferproduksjon. Denne posisjonen har dei fått på grunn av det høge kompetansenivået i verksemda. Det utviklingsprosjektet som no er planlagt ved NTP kjem på grunn av deira posisjon som den med best kunnskap om transferprodukson i Avery Dennison, men utviklingsprosjektet er og langt på veg ein føresetnad for framleis å ha denne posisjonen. Konsernet Avery Dennison har siste åra vore forsiktige med nyinvesteringar. Grunnen til det er finanskrisa. Leiinga ved NTP i Gaupne ser medfinansiering frå Innovasjon Norge og Luster kommune som viktig for at konsernet prioriterer si satsing ved NTP i Gaupne.Innovasjon Norge har ytt eit tilskot til investeringar på 1.7 mill kr, det vert og arbeidd med eit tilskot til utviklingsarbeidet i bedrifta gjennom Skattefunn-ordninga. Det vert søkt Luster kommune om eit tilskot på kr til kompetanseutvikling. Kr er ikkje svært mykje finansiering i eit slikt prosjekt på totalt 25 mill kr, men for NTP i Gaupne er det viktig i høve konsernleiinga at det finst ei lokal interesse for å satse på verksemda. Lokal og regional medfinansiering frå kommune/innovasjon Norge er unikt for NTP Gaupne, samanlikna med andre

6 bedrifter i Avery Dennison-systemet. Engasjementet til lokale myndigheiter i Luster kommune vert i fylgje NTP lagd merke til i Avery-leiinga. For Luster kommune er det eit viktig moment at planane for utviklinga ved NTP dei kommande åra, er svært positive med omsyn til kompetanseutvikling og sysselsetjing.. Rådmannen tilrår eit utviklingstilskot stort kr Dato: Jarle Skartun Olav Grov rådmann næringssjef Særutskrift skal sendast: m/kopi til: