IT-strategi for NTNU

Transkript

1 Innleiing IT-strategi for NTNU Kva IT-strategien omfattar IT-strategien set opp hovudmål og tiltak for korleis NTNU skal bruke IT som hjelpemiddel i aktiviteten sin. Dei strategiske måla som blir omhandla, er primært for IT som eit verkty og ein infrastruktur. Dette vil vere ei plattform under verksemda ved NTNU, både forsking, undervisning, formidling og administrasjon. Ein føresett at bruk av IT som ein del av dei enkelte faga og disiplinane ved NTNU blir teke inn i strategiane for dei fagfelta og dei avdelingane det gjelde. Strategidokumentet består av to delar Langsiktig strategi med tidshorisont fem år. Kortsiktig tiltaksplan med tiltak for ein toårsperiode. Begge planane vil vere rullerande planar som blir reviderte etter behov. Strukturen på strategidokumentet Langsiktig strategi er delt inn i desse områda: Informasjonsteknologi og forsking Informasjonsteknologi og læring Informasjonsteknologi og formidling Informasjonsteknologi og administrasjon For kvar del er det formulert to hovedmål. Måla skal uttrykkje korleis IT-verksemda skal støtte opp under dei overordna målsetjingane og dei vedtekne hovudstrategiane for universitetet. Måla er utdjupa i kommentarar til kvar del. Tiltaksplanen inneheld tiltak for å implementere strategien for dei fire delane av strategidelen. I tillegg er det sett opp eigne tiltak for IT-infrastruktur og for støttetenester IT-infrastruktur og støttetenester er to hovudområde for tekniske og organisatoriske tiltak som følgjer av dei hovudmåla som vi set for IT-verksemda.Tilstrekkeleg kapasitet og kvalitet på desse områda er viktige føresetnader for at IT skal fungere som eit effektivt hjelpemiddel. I denne samanhengen blir det foreslått nokre viktige strategiske tiltak knytte til IT-infrastruktur og støttetenestene som bør prioriterast i planperioden, i den grad dei årlege budsjettrammene gir rom for dette. IT-strategi nov Side 1 av 6 11-mar-02 14:13

2 Langsiktige strategiske mål for år 2001 til 2005 IT og forsking NTNU skal liggje i front når det gjeld bruk av IT som hjelpemiddel i forskinga. Hovudsatsingar i planperioden er NTNUs tematiske satsingsområde og tungrekning. Det skal leggjast til rette for at satsingsområda får nødvendig IT-støtte for å realisere dei faglege måla som er sette opp. Kommentar: Informasjonsteknologien gir forskarane heilt nye vilkår for å hente informasjon, visualisere og bearbeide informasjon, kommunisere med andre forskarar og formidle resultata sine. I mange samanhengar er bruk av IT som hjelpemiddel ein føresetnad for å vinne ny innsikt. For at NTNU skal hevde seg i forskingssamanheng, må forholda leggjast til rette med omsyn til underliggjande infrastruktur, maskin- og programvare, relevant brukarstøtte og opplæring. Ei viktig satsing er Tungrekneprosjektet, som har fått særskilt budsjettstøtte frå NTNU i fordeling av strategi- og omstillingspengane for dette og kommande år. Det er ei prioritert oppgåve å leggje til rette for at forskarane ved NTNU kan få utnytte best mogleg dei tungrekneressursane som no vil bli stilt til rådvelde. IT og læring NTNU skal styrkje kvaliteten på læringa og forenkle tilgang til læring ved planmessig å leggje til rette for bruk av IT I løpet av planperioden skal universitetet ha etablert ei god koordinering av IT-tiltak som hjelpemiddel i læringa. Denne koordineringa skal medverke til optimal tilgang på tilgjengelege eksterne og interne ressursar, og sikre dei mest effektive og kvalitativt best moglege tekniske IT-løysingane. Kommentar: NTNU må utnytte informasjonsteknologien til å styrkje kvaliteten på læringa og for å opne tilgang til læring for studentar utanfor campus. Dette skal gjerast ved å styrkje fagmiljøa som allereie er aktive i forhold til å bruke IT som hjelpemiddel i læringa internt på campus og i etter- og vidareutdanninga, og ved å stimulere nye fagmiljø til å prøve ut og bruke nye elektroniske læringsformer. Styrking av fagmiljøa skjer mellom anna gjennom opplæring i korleis teknologien kan brukast i undervisninga og gjennom praktisk hjelp til teknisk tilrettelegging av undervisning for det nye mediet. NTNU må også leggje forholda til rette slik at både studentar og læringsmiljø har tilgang til IT-ressursar med høg nok kvalitet på arbeids- og studieplassane sine. Den underliggjande infrastrukturen må heile tida vere konstruert slik at ein kan nytte dei læringsmidla og dei læringsmetodane som krevst. Eit vesentleg innsatsområde for å skape utvikling vil vere å auke samhandlinga mellom dei miljøa som arbeider med informasjons- og kommunikasjonsteknologi (IKT) og læring. Samordning av aktivitet vil vere viktig for å skaffe ressursar for utviklingstiltak, for gjensidig læring og for utvikling av gode IT-løysingar. IT-strategi nov Side 2 av 6 11-mar-02 14:13

3 IT og formidling Tilsette ved NTNU skal utnytte dei elektroniske informasjonssystema slik at dei raskt kan skaffe nødvendige opplysningar, formidle forskningsresultat og annan informasjon, effektivisere den interne kommunikasjonen, invitere til debatt og utvide kontaktflata mot samfunn, kultur og næringsliv. I løpet av planperioden skal intranettet vårt opplevast som ein god og viktig reiskap for tilsette og studentar og vere eit konkurransefortrinn for NTNU. Kommentar Dei elektroniske informasjonssystema spelar ei vesentleg rolle i den faglege og administrative verksemda ved NTNU. Å leggje til rette for tekniske og praktiske informasjonsløysingar vil gi eit effektivt hjelpemiddel for forskingsformidling og anna informasjonsverksemd. Det vil også sikre enkel og effektiv tilgang til andre si forskingsformidling og annan type informasjon. Ved å leggje forholda til rette for enkelt å kunne publisere forskingsresultat på nettbaserte medium vil forskingsmiljøet ved NTNU bli betre eksponert for omverda Det er alt sett i gang arbeid med å utvikle eit nytt intranett ved universitetet. Særskilte strategipengar er avsette for å etablere dette, og ei vidare utvikling vil krevje prioriteringar på budsjettet i planperioden. Ressursinnsatsen vil vere knytt til teknologisk infrastruktur og ikkje minst til organisering av den informasjonen og dei tenestene som skal vere tilgjengelege i intranettet. IT og administrasjon Tilsette ved NTNU skal ha tilgang til IT-utstyr, programvare, infrastruktur og støttetenester som verkar til samarbeid på tvers i organisasjonen og til effektivisering og kvalitetsutvikling av administrative tenester. Eit særskilt område for prioritering er å realisere effektiviseringsgevinstar gjennom bruk av informasjonsteknologi, i tråd med målsetjingar fastsette gjennom ORGUT-arbeidet. Kommentar Dersom IT skal vere eit effektivt hjelpemiddel for verksemda ved universitetet, må utstyr vere lett tilgjengeleg, og infrastruktur og utstyr må ha tilstrekkeleg kapasitet og kvalitet. Inkludert i kvalitetsomgrepet ligg også krav om driftsstabilitet og krav til sikring mot tap og misbruk av data. På same måte som det blir stilt krav om kvalitet og kapasitet til utstyr og infrastruktur, blir det stilt det krav om kvalitet og kapasitet til støttetenestene. Den mest krevjande oppgåva vi står framfor, vil vere å hente ut gevinstar av ITinnsatsen vår. Gevinstane bør vere både i form av redusert ressursbruk til og kvalitetsutvikling av administrative oppgåver. ORGUT-prosjektet skisserte nokre mål for dette som det må arbeidast mot. Samtidig må måla justerast og tilpassast røynsler som blir gjorde undervegs i arbeidet. Tiltaksplan for år 2001 til 2003 Tiltaksplanen definerer prioriterte tiltak som skal støtte opp under måla for IT-strategien. IT-strategi nov Side 3 av 6 11-mar-02 14:13

4 IT og forsking 1. greie ut kva forskingsmiljøa treng av tilgang til IT-utstyr og programvare og relevant driftog brukarstøtte. Utgreiingsarbeidet vil gi grunnlag for prioritering av strategisk viktige tiltak og skal vere avslutta innan oktober utforme IT-støtta slik at tungrekneprosjektet NOTUR kan integrerast inn i forskinga ved fakulteta. 3. forfattarstøtte: leggje til rette god teknisk infrastruktur, programvare, utstyr, driftsstøtte og brukarstøtte for formidling av forsking knytt til fokusområda innanfor dei tematiske satsingsområda ved NTNU. IT og læring 1. definere ansvar og organisering av koordinering og budsjettering for IT og læring 2. leggje til rette alle auditorium slik at faglærar kan nytte pc som kan berast og videokanon 3. standardisere på eitt web-basert verkty for administrasjon av undervisning, det vil seie den ikkje-pedagogiske delen som omfattar øvingslevering, kalender, diskusjonsgrupper og verkty for gruppearbeid 4. leggje til rette for funksjonshemma studentar slik at dei ved hjelp av IT får ein enklare studiesituasjon 5. greie ut moglege gunstige pc- kjøp og låneordningar i samarbeid med studentorganisasjonane, slik at studentane kan finansiere eige datautstyr 6. vurdere bruken av datasalar vs. gjere datanettet betre tilgjengeleg for studentane heime og mobile løysingar på campus. 7. leggje til rette for nettilkopling for fast eller mobil terminal for studentar på campus 8. etablere raske tilbod til heimenett for studentar. Det kan vere i form av eiga løysing eller å inngå avtale med kommersiell leverandør. Målet er at 25% av våre studentar har >1Mb/s innan IT og formidling 1. intranett må vere i kontinuerleg utvikling 2. skape gode vevløysingar for presentasjon av NTNU innetter og utetter og for å hente inn ekstern informasjon i kombinasjon med vårt eige intranett 3. sikre god tilgang til informasjonsbasar gjennom etablerte system som BIBSYS for bibliotektenester 4. sikre at elektroniske informasjonssystem held ein kvalitet og blir så enkle i bruk at kvar enkelt kan få høve til å tileigne seg informasjon i eit slags "sjølvhjelpssystem", og at den som produserer informasjonen får ansvar for å kvalitetssikre og gjere den tilgjengeleg. 5. avklare behov for spesialistgrupper som kan gi brukarstøtte/forfattarstøtte/hjelp til elektronisk publisering for vitskapleg personale IT-strategi nov Side 4 av 6 11-mar-02 14:13

5 IT og administrasjon 1. integrere dei sentrale administrative systema våre som FS (felles studentdatasystem), økonomisystemet, PR2000 (system for lønn og personal), NOARK (arkivsystem) og telefonkatalogen med sikte på å betre utveksling av data slik at data blir haldne ved like berre ein stad 2. innføre vev-grensesnitt for dei sentrale administrative systema våre for å gjere dei betre tilgjengeleg 3. kontorstøtteverktøy skal ikkje oppgraderast oftare enn annakvart år 4. gjennomføre standardisering for område der det er tenleg, og sikre at ein lojalt følgjer opp standardiseringa 5. fokus på arbeidsprosessar og samanhenger mellom dei ved innføring av administrative system. Greie ut innføring av elektronisk saksbehandling. IT - teknisk infrastruktur 1. fullføre utbygging av internt nettverk til alle bygg ved heile universitetet 2. eksisterande nettverk skal oppgraderast til 100 Mb/s for alle faste arbeidsplassar, dvs. tilsvarande nivå som i Realfagbygget 3. konferanse, møte og diskusjonar kan avviklast over nettet 4. standardisere innkjøp av maskiner for administrasjonen ved å leggje til rette for berre tre typar ferdigkonfigurerte terminalar, av dette ein tynn klient 5. det skal vere tilstrekkeleg med eitt brukarnamn og passord per tilsett 6. etablere tilbod om elektronisk ID-løysing/sertifikat/kryptering for sensitive IT-verkty slik at ein kan vere sikker på kven brukar/avsendar er 7. gjennomgå organisering av kvalitets- og sikringsarbeid og etablere kvalitetssystem og internkontroll av IT-tenestene. Utarbeide og avstemme kvalitetskrav ("oppetid", alarmtilstand ved katastrofe, rutinar) mot ressursbehov (reservesystem, sikringstiltak/overtid) slik at utstyr og infrastruktur blir sikra best mogleg mot uhell og sabotasje, og sikringstiltaka er slik at vitale tenester og data kan gjenskapast i løpet av akseptable tidsrammer IT, organisering av støttetenester 1. vurdere og eventuelt setje i verk omorganisering av IT-drift og -støttetenestene på alle nivå i organisasjonen 2. leggje til rette for erfaringsutveksling og arbeidsfellesskap på tvers av organisasjonen slik at IT-medarbeidarane lærer av kvarandre 3. utforme rutine for å skaffe og finansiere programvare når behovet er uttrykt frå fleire enn eitt fakultet. Det skal spesielt leggjast til rette for å skaffe programvare for IT og læring. 4. vidareutvikle og marknadsføre opplæringstilbod til vitskapleg tilsette slik at de blir betre i stand til å utnytte IT som hjelpemiddel i eiga undervisning. IT-strategi nov Side 5 av 6 11-mar-02 14:13

6 5. løpande arrangere korte kurs om korleis dei tilsette og studentane kan utnytte IT som hjelpemiddel innanfor arbeidsområdet til den enkelte 6. heve IT-kompetansen hos alle medarbeidarane som bruker IT som verkty ved å gi tilbod om minimum ein dags opplæring per år. Det må inngå informasjon om korleis ein unngår belastningsskadar. 7. heve kompetansen til IT-medarbeidarane gjennom målretta opplæring innanfor ansvarsområdet til kvar enkelt. IT-strategi nov Side 6 av 6 11-mar-02 14:13