HOVUDPROSJEKTPLAN: «HØGARE UTDANNING I KVINNHERAD»

Transkript

1 HOVUDPROSJEKTPLAN: «HØGARE UTDANNING I KVINNHERAD» Emma Reigstad Kvinnherad Næringsservice

2 Søknad - Hovudprosjekt HØGARE UTDANNING I KVINNHERAD ETABLERING OG UTVIKLING AV KVINNHERAD KOMPETANSESENTER MÅL OG RAMMER 1.1 BAKGRUNN Den teknologiske utviklinga i samfunnet gjer det mogeleg å utdanna seg til nærast kva ein vil, utan å måtta flytta frå heimstaden sin. I ein kommune som Kvinnherad, med lang reisetid til bynære område, opnar dette heilt nye og spanande utdanningsvegar for innbyggjarane. Sjølv om ein er etablert med partnar, born og arbeid, kan ein ta i ferd med utdanningar som tidlegare var nærast utilgjengelege. Gjennom å etablera Kvinnherad kompetansesenter, vil vi få på plass infastruktur, teknologisk utstyr, undervisningslokale og lokal administrator. Dette dokumentet er prosjektplan for prosjektet «Høgare utdanning i Kvinnherad». I Handlingsprogram for næringsutvikling i Hordaland» (Regional næringsplan for Hordaland, ) er det skissert tre hovudstrategiar: Hovudstrategi 1: Meir entreprenørskap og innovasjon Hovudstrategi 2: Fleire med meir relevant kompetanse Hovudstrategi 3: Ein velfungerande bergensregion og attraktive regionale senter Høgare utdanning i Kvinnherad 1 av 9

3 Dette prosjektet byggjer særleg på Hovudstrategi 2, som er utdjupa i Handlingsprogrammet: Med utgangspunkt i utfordringar og mål i næringsplanen og dei tilbakemeldingane som kjem frå næringslivet er det peika ut tre innsatsområde som skal bidra til å redusere problema med stor mangel på kvalifisert arbeidskraft i fylket. Utdanning: Satse på å vidareutvikle fleksible utdanningsmodellar med meir veksling mellom teoretisk og praktisk læring. Føremålet er at fleire elevar skal kome seg gjennom vidaregåande skule og ende opp med fagbrev, med totalt sett høgare kvalitet på utdanninga enn i dag. Samarbeid med næringslivet: Hordaland fylkeskommune skal bidra meir aktivt til at informasjon om tilgjengelege læreplassar, og framtidige arbeidsplassar, vert gjort kjent for søkjarane. Dette må gje- rast i samarbeid med partane i næringslivet. Hordaland fylkeskommune har òg eit stort ansvar for å sikre at det er god samanheng mellom næringslivet sine behov og talet på plassar på dei ulike studieprogramma. Rekruttering: Offentlege myndigheiter i samarbeid med private må leggja betre til rette for rekruttering av utanlandsk arbeidskraft. Føremålet er å forenkle, forbetre, samordne og tilpasse offentleg tilbod slik at utanlandsk arbeidskraft lettare kan bu og arbeide i Hordaland. Resultatmål: Auke talet på personar som tek fagbrev, med særskilt fokus på etterspurte fagutdanningar Auke talet på godkjente lærekontraktar, særleg innan fagområder som er etterspurt av næringslivet Etablering av nye næringsretta studietilbod innan høgare utdanning Auke talet på personar med doktorgrad i næringslivet Gjennom arbeidsinnsats og virkemiddelbruk skal fylkeskommunen og våre virkemidlar medverke til auka innsats på innsatsområda nemnt under. Høgare utdanning: Stimulere til eit betre samspel mellom Hordaland sine sterke universitets- og forskingsmiljø og regionalt næringsliv med sikte på å utvikle det næringsretta studietilbodet og auke samspelet mellom teoretisk og praktisk opplæring. Få i gang fleire teknologiske retta studietilbod på mastergradsnivå (siv.ing.) og som er etterspurt av næringslivet. Legge til rette for at bedriftene brukar kompetansen i utdanningsinstitusjonane. Det er viktig å utdanna personar som kan gå inn som både arbeidstakarar og arbeidsskaparar i eit framtidsretta næringsliv. Det vil vera sentralt korleis ein med fokus på kompetanse kan vera med å vidareutvikla næringslivet og offentleg sektor. Høgare utdanning i Kvinnherad 2 av 9

4 Dette er i tråd med Regjeringa sine målsetjingar om eit innovativt og omstillingsdyktig næringsliv: «For å halde ved lag den høge levestandarden over tid, må Noreg konkurrere på kunnskap som grunnlag for innovasjon og høgare produktivitet. Evna til å utvikle og ta i bruk ny kunnskap er blant dei viktigaste konkurransefaktorane for norsk næringsliv. Det er avgjerande både for omstilling i eksisterande næringar og som eit grunnlag for nye næringar. Regjeringa vil trappe opp innsatsen til forsking og høgre utdanning som kan bidra til eit innovativt og omstillingsdyktig næringsliv.» (Kunnskapsdepartementet, desember -14.) Det kongelege kunnskapsdepartement tek føre seg strukturen i universitets- og høgskulesektoren, gjennom Meld.St. 18 ( ), Konsentrasjon for kvalitet: «God tilgang til utdanning og kompetanse over hele landet «Norge har et kunnskapsintensivt arbeidsliv med behov for oppdatert kunnskap og kompetanse. Nyutdannede kandidater med høy kompetanse er bærebjelken i norsk arbeids- og næringsliv og viktige for å videreutvikle kunnskapssamfunnet. Det er avgjørende at Norge har utdanning, kompetanse og FoU som møter arbeids- og næringslivets behov. Universiteter og høyskolers evne til å tilby utdanning av høy kvalitet er grunnlaget for at arbeidslivet får tilgang til kompetente kandidater. God tilgang til utdanning over hele landet er et premiss for stortingsmeldingen. Forskning viser at nærmere 60 prosent av studentene blir boende og får sin første jobb i arbeidsmarkedet i nærheten av høyskolen eller universitetet der de studerte. Den sterke sammenhengen mellom hvor kandidatene utdanner seg og hvor de siden arbeider, har betydning for lokalisering av studiesteder. For å sørge for arbeidskraft til regionalt arbeidsliv må vi også i fremtiden ha et godt utbygd nettverk av utdanningsinstitusjoner. Dette må imidlertid ikke gå på bekostning av at utdanningene er forankret i solide fagmiljøer og holder høy kvalitet. I dag er det for stor variasjon i faglig standard mellom tilsvarende utdanninger ved de ulike institusjonene. Tilgang innebærer ikke bare geografisk nærhet, men også at studietilbudet tilpasses ulike typer studenter og mulighet for livslang læring. Studentmassen er mer variert enn noen gang, og består i økende grad av mennesker i ulike livsfaser og livssituasjoner. Fleksible utdanningstilbud er særlig viktige for studentgrupper som ikke kan flytte på seg på grunn av familiesituasjon, arbeid eller andre forhold. Flertallet av de statlige høyere utdanningsinstitusjonene tilbyr i dag fleksibel utdanning, enten desentralisert på studiesentre eller over nett med studiesamlinger. Den teknologiske utviklingen fører til at utdanning, i større grad enn tidligere, tilbys på tvers av regioner og landegrenser. Det siste tiåret har omfanget av åpent tilgjengelig læringsmateriell, digitale læringsressurser og hele utdanningstilbud fra anerkjente høyere utdanningsinstitusjoner og ideelle stiftelser vokst betraktelig. Nettbaserte studier åpner for et spekter av nye pedagogiske virkemidler. Denne utviklingen vil kunne medføre en grunnleggende endring i student- og lærerrollene og i undervisnings- og læringsformene i høyere utdanning, og samtidig øke tilgjengeligheten til høyere utdanning. Det er viktig at norske læresteder utnytter de teknologiske mulighetene til å utvikle utdanningstilbud av høy kvalitet og gjøre dem tilgjengelige for studenter over hele landet.» Høgare utdanning i Kvinnherad 3 av 9

5 I Kvinnherad kommune er andelen personar med høgare utdanning lågare enn i andre kommunar i Hordaland. I nabokommunen Stord har om lag 28% av innbyggjarane over 16 år høgare utdanning, medan talet for Kvinnherad er om lag 20,5%. I Bergen kommune har heile 38% av innbyggjarane over 16 år høgare utdanning. (Kjelde: ) 1.2 PROSJEKTMÅL MÅL FOR DETTE HOVUDPROSJEKTET Kvinnherad kompetansesenter skal tilby høgare utdanning innan flest mogelege fagområde, ved hjelp av gode teknologiske løysingar. Avtalar med høgskular og universitet vil gje tilgang til grunn-, etter- og vidareutdanning for alle som ønskjer det RAMMER Prosjektet er føreslege finansiert ved søknad om midlar frå Hordaland fylkeskommune, Kvinnherad kommune og eigendelar/ private midlar. I oppstartfasen er det i tillegg brukt midlar av Næringsretta midlar til regional utvikling, gjennom prosjektet Kvv kompetanse. Kursdeltakarane sin eigendel vil vera med og gje inntekter til prosjektet, sjå framlegg til budsjett. Dei økonomiske rammene vil vera avgjerande for omfanget av opplæringstiltaka. Sjå framlegg til budsjett under punkt 7, Økonomi OMFANG OG AVGRENSING Dette prosjektet skal vidareutvikla kommunen som ein attraktiv bu-, arbeids- lærestad for innbyggjarane. Gjennom auka formell kompetanse, skal ein leggja grunnlag for etablering av fleire kunnskapsbaserte arbeidsplassar i distriktet. Næringslivet si trong for arbeidskraft i dag og i framtida vil òg vera viktige parameter for kva tilbod vi skal gje ved kompetansesenteret. 2.0 ORGANISERING Vi føreset vidare deltaking frå sentrale personar i tidlegare deler av prosjekta: Idéeigar er Kvinnherad vidaregåande skule/ Kvinnherad Næringsservice. Prosjektleiar vert Emma-Kristin Ringheim Reigstad, Kvinnherad Næringsservice. Det vert oppnemnt prosjektansvarleg og styringsgruppe for prosjektet. Høgare utdanning i Kvinnherad 4 av 9

6 Avgjerdspunkt og milepælar 3.0 AVGJERDSPUNKT, OPPFØLGING OG MILEPÆLAR Det vil vera naturlege avgjerdspunkt ved oppstart og avslutning av prosjektet. Eit avgjerdspunkt vil vi ha ved nedsetting av styringsgruppa og val av prosjektleiar for hovudprosjektet. Det vil vera trong for faste statusmøter i prosjektet. Milepælar vert lagt inn når endeleg gjennomføringsplan er vedteken og tidfesta. 4.0 RISIKOANALYSE OG KVALITETSSIKRING 4.1 KRITISKE SUKSESSFAKTORAR Engasjerte personar og drivkrefter i og rundt prosjektet. Interesse, deltaking og forplikting frå alle involverte. God prosjektleiing og økonomistyring. Tilfredsstillande finansiering 4.2 KVALITETSSIKRING Vi skal vera observant på dei kritiske suksessfaktorane og planlegga tiltak for å sikra god gjennomføring. Framfor alt må det stadig vera vilje til utstrakt samarbeid i næringslivet. Styringsgruppa si prioritering av tid til prosjektet vil vera avgjerande. For næringslivet er det viktig å sjå at dette prosjektet kan vera med på å styrke den vidare utviklinga deira, og at til dømes opplæringstilboda vert av høg kvalitet. Prosjektet vert forankra i Kvinnherad Næringsservice. Organisasjonen er involvert i arbeidet, Vidare vil det vera naudsynt at prosjektleiinga organisatorisk er på Kvinnherad Næringsservice, og har styringa av det daglege prosjektarbeidet. Dette for å sikre eigarskap og forankring. Ein kritisk suksessfaktor i hovudprosjektet er at kompetansesenteret faktisk har dei ressursane som studentane etterspør, både materielle og faglege. Det siste året har Kvinnherad kompetansesenter investert i topp moderne videokonferanse-utstyr, og framstår i dag som eit svært moderne studiesenter. Sjølv om dei fleste har internettilgang heime, og såleis i ein viss grad kan studera frå sofakroken, vil det vera viktig å tilby eit fellesskap. Ein god måte å gjera dette på, er å tilby mindre grupper å skaffa seg utdanning via videokonferanse. Ein god del høgskular tilbyr slik utdanning allereie, og fleire vil koma til. All røynsle viser at fråfallet frå utdanningar er stor for dei som arbeider åleine med faga. I tillegg vil Høgare utdanning i Kvinnherad 5 av 9

7 mange fag ha trong for godt teknisk utstyr, til dømes slikt videokonferanse- og laboratorieutstyr som ein finn i Studiesenteret til Kvinnherad kompetansesenter. 5.0 GJENNOMFØRING Hovudaktivitetar Vidareutvikla eit kompetanse-/ studiesenter i kommunen. Gje verksemder og einskildpersonar eit variert opplæringstilbod, med vekt på høg kvalitet og nytteverdi. Vidareutvikla Kvinnherad kompetansesenter som ein samarbeidspartnar og utviklar av opplegg for privat og offentleg verksemd som kan dekke kompetansetrongen til ei kvar tid. Gje etter- og vidareutdanningstilbod til ulike målgrupper. Utvikla senteret sine læringsressursar i tråd med dei ulike ønskja og behova til brukarane. Tidsperiode Utarbeida sluttrapport for hovudprosjektet Juni 2018 Høgare utdanning i Kvinnherad 6 av 9

8 5.1.0 TIDSPLAN Dette hovudprosjektet er planlagt gjennomført frå 01. januar 2016 til 30. juni (Alle beløp i 1000 kr.) 6.0 ØKONOMI (Til ) Samla Prosjektleiing, prosjektmedarbeidarar, delstilling Administrative kostnader inkl husleige Medlemsavgift, Studiesenteret Marknadsføring, lisensar Kjøp av tenester Teknisk utstyr/ inventar Studieavgift Midlar frå Kvinnherad kommune/ andre Søknadsbeløp, Hordaland fylkeskommune, Næringsavd. Balanse Det vert kravd ei studieavgift/eigendel for alle som deltek på opplæringstilboda arrangert gjennom prosjektet. 7.0 KONTRAKTAR OG AVTALAR Det kan vera aktuelt å inngå samarbeidskontrakter og avtalar. Dei vil då koma inn under dette punktet. Høgare utdanning i Kvinnherad 7 av 9

9 Kvinnherad 29. oktober 2015 Kvinnherad Næringsservice: Silvia Tofte Emma Reigstad Næringssjef Koordinator Høgare utdanning i Kvinnherad 8 av 9