PROTOKOLL FRÅ STYREMØTE I HELSE BERGEN HF

Transkript

1 PROTOKOLL FRÅ STYREMØTE I HELSE BERGEN HF STAD: Finstuen, Bikuben konferansesenter MØTETIDSPUNKT: , kl Styremøte var ope for publikum og presse til styresak 69/17 etter dette vart møtet lukka DELTAKARAR FRÅ STYRET Svein Gjedrem Signy Midtbø Riisnes Ivar Eriksen Mona Hellenes Anne-Margrete Bollmann Bjørn Østbø Karen Anne Stordalen Bjarne Terje Helgesen Linda Karin Gangstøe FORFALL Irene Hopsdal Geir Arne Sunde Arvid Langeland Leiar Nestleiar Vara Vara DELTAKAR FRÅ BRUKARUTVALET Inge Aareskjold Fiskvik Leiar brukarutvalet DELTAKARAR FRÅ ADMINISTRASJONEN Eivind Hansen Administrerande direktør Anne Sissel Faugstad Viseadministrerande direktør Clara Gjesdal Viseadministrerande direktør Lasse Hatletvedt Referent

2 Sak 62/17 A Godkjenning av innkalling og dagsorden Innkalling og dagsorden vart godkjend. Sak 63/17 A Godkjenning av protokoll Protokollen frå 19. juni 2017 vart godkjend. Sak 64/17 O Administrerande direktør (AD) si orientering 1. Rapportering tilsynssaker Styret stilte spørsmål om dialogen med tilsynsorgana og om vi svarer på dei sakene dei tek opp i rett tid og på ein god måte. AD svarte at dialogen er god.. 2. Orientering om relevante lover, forskrifter og styremaktskrav 3. Oversikt over aktuelle høyringar 4. Saker til oppfølging etter styremøtet Sak 94/16 kan ein ta ut av lista over saker til oppfølging. 5. Mediesaker 6. Leiarstillingar i Helse Bergen Ingen kommentarar 7. Sykkel-VM status og førebuingar Styret viste til at administrasjonen hadde halde styret godt orientert om beredskapsarbeidet. No var det berre å ønskje lukke til.

3 8. Innspill på Helse Vest sin internrevisjon Kommentarar i møtet Styret har eit ansvar når det gjeld internrevisjon og må engasjere seg i kva for område som skal reviderast. Administrasjonen kan komme med forslag til aktuelle område. 9. Opning av Klinisk forskingspost Styret i Helse Bergen tek meldingane til orientering. Sak 65/17 O Rapport frå verksemda Oppsummering: I somatikk er aktiviteten i elektiv dagbehandling høgare enn planlagt og høgare enn i fjor. Per juli er det gjennomført over fleire polikliniske konsultasjonar samanlikna med i fjor og aktiviteten er om lag som planlagt. Når det gjeld ØH-aktivitet for både døgn- og dagbehandling, er denne lågare enn i fjor og lågare enn planlagt. Vridinga frå døgn til dag og poliklinikk er ei ønska utvikling som vil halde fram. I psykisk helsevern for vaksne er det planlagt med ei vriding frå opphaldsdøgn til poliklinisk aktivitet. Per juli er døgnopphald lågare enn plan, medan den polikliniske aktiviteten er høgare enn plan. I psykisk helsevern for barn og unge har det vore nær 350 fleire døgnopphald per juli samanlikna med i fjor. Per juli er det utført over fleire konsultasjonar samanlikna med i fjor. Innan tverrfagleg spesialisert rusbehandling er talet på døgnbehandling lågare enn planlagt, men likevel nær 650 fleire enn i fjor. Talet på polikliniske konsultasjonar er auka samanlikna med fjoråret, og det er utført over 450 fleire konsultasjonar. Alle fagområde oppfyller samla sett det nasjonale kravet for ventetider som er 60 dagar. Det økonomiske resultatet per juli viser eit negativt avvik på kr 41,1 mill samanlikna med budsjettet. Det er knytt risiko til fleire forhold som det er gjort særskilt greie for i

4 rapporten. Under visse føresetnadar melder føretaket likevel eit venta resultat som budsjettert ved årets slutt. Kommentarar i møtet: Helse Vest har meldt tilbake at Helse Bergen ikkje vil bli kompensert for ekstra kostnadar knytt til sykkel-vm. Det må framleis avklarast om føretaket blir kompensert for meirkostnadar knytt til legemidlar og nøytral meirverdiavgift. Styret ga uttrykk for at vi ikkje kan bygge på at vi får kompensert ekstra kostnader. Samstundes er det kan hende ikkje realistisk å fullt ut dekke inn det underskotet som vi har fått i første halvår som følgje av ein svikt i inntektene det ikkje var mogleg å ta høgde for på førehand. Ein må no sørgje for gradvis å redusere det månadlege underskotet slik at føretaket ikkje dreg med seg eit negativ resultat månad for månad inn i Det blir viktig å jobbe med dei tiltaka ein har innført for å betre resultatet i Styret ser i dag ikkje grunnlag for å gå til meir inngripande, kortsiktige tiltak. Det viktigaste no er styringsfarten inn i neste år.. Til oppfølging Styret ønskjer å få samanlikna Helse Bergen sine resultat på dei nasjonale kvalitetsindikatorane med resultata frå dei andre regionsjukehusa. Styret i Helse Bergen HF tek saka til orientering med dei merknadene som er nemt over. Sak 66/17 O Budsjett 2018 Oppsummering Plana for framdrift og prosess for budsjett 2018 vart lagt fram for styret i juni. Forslag til statsbudsjett blir lagt fram 12.oktober, og fram til dette vil budsjettarbeidet ta utgangspunkt i dei premissa som kom frå regionalt helseføretak, og som vart gjennomgått i styremøtet i juni. Føresetnader om aktivitet, økonomi og finansielle forhold, blir justert i samband med justert inntektsfordeling i regionen i november. Kommentarar i møtet Det blir viktig å finne ein god balanse mellom det å gjere strukturelle grep og mindre justeringar av drifta i Eit aktuelt område ein bør sjå på, er talet på sengepostar.

5 Planar for omlegging av aktivitet og profil i psykiatrien er eit godt døme på korleis ein må arbeide innanfor andre område. Føretaket må arbeide vidare med å synleggjere gevinstar knytt til investeringane i nye bygg, IKT og utstyr. Når ein eventuelt tar bort aktivitet i føretaket, må ein sørgje for at kommunane har eit tilbod til dei aktuelle pasientane. Vidare arbeid med prosessar og pasientforløp blir viktig for å få til effektiv pasientbehandling. Grunnlaget for den internasjonale satsinga vart diskutert. Ein bør sjå på korleis den blir finansiert. Som følgje av BUS1 aukar avskrivingane mykje frå i år til neste år. Avskrivingar er ei form for «tvungen sparing» Det må ein sjå i samanheng med målet for overskot for neste år. Styret vil då sjå budsjettet for samla tilgang på likviditet opp mot behovet for å investere i mellom anna utstyr. Her er det viktig å finne ein god balanse. Styret i Helse Bergen HF tar gjennomgang av budsjett 2018 til orientering med dei merknadene som er nemnt over.. Sak 67/17 A Divisjon psykisk helsevern. Gjestepasientar med behov for særleg tilrettelagde tenester. Oppsummering Det er eit politisk mål at ungdom under 18 år ikkje skal i fengsel. Fengsel har likevel vore brukt i mange tilfelle. Det har kome kritikk mot praksisen, og det kom etter kvart tilråding om å opprette eigne fengselseiningar for ungdom. Per dato er det to slike ungdomseiningar i Noreg. Ei eining i Bergen knytt til Bjørgvin fengsel og ei eining på Eidsvoll. Ungdomseininga i Bjørgvin fengsel har fire plassar for ungdom i aldersgruppa frå 15 til 18 år. Eininga starta opp i 2009 og fekk nytt bygg i Nybygget er tilpassa dei behova denne målgruppa har. Det blir lagt vekt på dei psykososiale behova dei unge har. Det er to

6 psykologar i 50% stilling ved eininga. Dei er knytt opp mot den poliklinikken som Klinikk for sikkerheitspsykiatri driv i Bjørgvin fengsel. Ungdomseininga i Bergen er godt eigna til føremålet - medan tiltaket på Eidsvoll framleis har store utfordringar når det gjeld fag, kultur og tilrettelagde bygningar. Konsekvensen av dette, er at ungdomseininga i Bergen blir førstevalet for kriminalomsorga når dei skal plassera dei mest krevjande unge straffedømde/varetektsdømde i landet. Kommentarar i møtet Drift av Ungdomseininga i Bjørgvin fengsel er ein nasjonal funksjon som ein må få tilført ressursar til å løyse. Gjestepasientordninga må fungere også for desse pasientane. Føretaket si satsing på ungdomseininga er eit bidrag til å etterleve «den gyldne regel». Til oppfølging Helse Bergen må be Helse Vest om å sørgje for dialog på riktig nivå i dei andre regionale føretaka. Styret i Helse Bergen har drøfta utfordringane og utviklinga av eit godt fagleg tilbod til særs krevjande pasientar som sonar i ungdomseininga i Bjørgvin Fengsel. Styret sluttar seg til tiltaksplanen som er lagt fram. Styret ber om at Helse Vest bidreg til finansiering blir løyst gjennom ei fungerande gjestepasientordning mellom regionar og helseføretak, alternativt at finansieringa blir løyst gjennom eit øyremerka rammetilskot. Sak 68/17 O Beredskap i Helse Bergen Oppsummering Beredskap handlar om å vere førebudd til å takle ulike typar hendingar. Dette krev at vi har eit godt planverk. Planane må vere kjende på alle nivå i organisasjonen, og ikkje minst må det vere øvingar for å teste og vedlikehalde beredskapsplanane. Planverket er ikkje statiske dokument. Planane blir revidert jamleg på bakgrunn av overordna føringar, erfaringar frå reelle hendingar, øvingar og frå ROS-analysar. I denne saka blir ny overordna beredskapsplan og plan for massetilstrøyming presentert, dei andre aksjonsplanane er under revisjon. Vi gjer også greie for korleis planane blir implementert.

7 Haukeland universitetssjukehus er den største beredskapsorganisasjonen i regionen. Sjukehuset skal vere førebudd på ulike typar hendingar til ei kvar tid, beredskap er såleis ein integrert del av den daglege verksemda. Beredskap er oftare og oftare sett på dagsordenen dei siste åra gjennom mange hendingar som i større eller mindre grad har utfordra beredskap nasjonalt, regionalt og lokalt. Eit godt samarbeid med andre helseføretak, naudetatar, Sivilforsvaret, dei frivillige organisasjonane og kommunane, er svært viktig i ein beredskapssamanheng. Dette gjeld både planlegging, øvingar og ved hendingar. Helse Bergen har eit formalisert samarbeid med relevante samarbeidspartnarar. Styret i Helse Bergen tek saka til orientering. Sak 69/17 O Eventuelt Utfordring med pasientreiser Det kom inn ein ny leverandør av pasientreiser frå 2. mai Inge Aareskjold Fiskvik frå Brukarutvalet tok opp at talet på klagar aukar når det gjeld lang ventetid og kundebehandling. Leiar for Avdeling for pasientreiser, Ann-Mari Høiland, informerte om at dei er i kontinuerleg dialog med ny tilbydar om leveransane. Det var ein del utfordringar dei første månadane. Det blir no utarbeidd rapportar om ventetid og det er innført sanksjonar dersom pasientane blir henta for seint. Det er ei særskild utfordring med lang ventetid når det gjeld henting av pasientar frå Sotra og Askøy. Leveransenivået er no på rundt det nivået som ein hadde med tidligare leverandør, det vil seie at omkring 90 prosent av pasientane kjem fram til sjukehuset i tide.

8 Dato: 29. september 2017 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haugland Hellesnes Ann-Margrete Bollmann Sett: Arvid Langeland Karen-Anne Stordalen Sett: Irene Hopsdal Sett: Geir Arne Sunde Linda Karin Gangstøe Vara Bjarne Terje Helgesen Vara