Om biodynamisk landbruk Oppsummering av året Arrangement 2014

Transkript

1 Årsmelding 2014

2 Om biodynamisk landbruk Oppsummering av året Arrangement Fordypningsseminar, Fokhol Gård Stange Foredrag og samtale om urban dyrking Tidlige smaker mat til spedbarn Lag din egen ost ystekurs Politikardebatt Melkemøte rå melk til salgs? Matens opprinnelse Åpen økologisk gård Biodynamiske marknadar Tur til pølsemaker n på Solli gård Nordisk Biodynamisk Forum Kretsløpsjordbruk kunnskap og praktiske erfaringer Stand- og informasjonsverksemd gjennom året Satsingar Auka forbruk av biodynamiske landbruksvarer BINGN Informasjon og presse HERBA Heimeside Sosiale media Nyheitsbrev Trykt materiell Strategi og handlingsplan Samarbeidspartnarar Verv Styre og administrasjon 20 Styrets samansetting i 2014 Styrets arbeid i 2013 Organisasjon Økonomi

3 Biologisk-dynamisk Forening, stifta i 1950, er ein ideell organisasjon for alle med interesse for biodynamisk jordbruk og mat i Noreg. Vi arbeider praktisk og politisk for å spreie kunnskap og interesse for den biologisk- dynamiske landbruksmetoden, ernæringsspørsmål og naturfor valting satt inn i ein heilskapleg kulturell samanheng. 3

4 Om biodynamisk landbruk Biodynamisk betyr livskraft. Når ein dyrkar biodynamisk, arbeider ein medvite og praktisk med naturens livskrefter og deira styrkande verknad i jordbruk og matvarer. Målet er å lage sunne matvarer og pleie jordas liv og fruktbarheit best mogleg. Idégrunnlaget til bio dynamisk jordbruk vart introdusert av Rudolf Steiner gjennom foredrag haldt i 1924, seinare samla under tittelen «Landbrukskurset». Impulsane vert omsett i praktisk jordbruk og vert stadig vidareutvikla. I Noreg har det biodynamiske jordbruket gjennom utviklinga av det øko logiske jordbruket hatt ei framtredande rolle innan fagleg praktisk jordbruk, gardsforedling, alternative omsettingskanalar og rekruttering til land bruket. Dei første informasjonshefta og bøkene som viste ein øko logisk metode i Noreg vart samla og skrive av bønder og utgitt av Biologiskdynamisk Forening (BdF). Dei norske biodynamiske gardane har også i dag ei viktig spydspissrolle for det økologiske jordbruket i Noreg. Regelverket for bio dynamisk produksjon innehar krav som ved fleire høver kan vere eit supplement for utviklinga av det økologiske regelverket i Noreg. I det bio dynamiske jord bruket baserer ein seg på lokale og fornybare ressursar, og garden er i stor grad sjølvforsynt med både grovfôr, kraftfôr og gjødsel. Dei biodynamiske gardane vert kontrollert etter det økologiske regelverket. Produkta kan derfor merkast med det norske Ø-merket (Debio), og EU sitt økomerke, det grøne bladet. I tillegg til desse merka, har dei biodynamiske jordbruksvarene eit Demeter-merke. Fleire tilgjengelege varer i helsekost, spesialforretningar, større matvarebutikkar samt på Vinmonopolet, har denne sertifiseringa. Demeter er ei internasjonal sertifiseringsordning som i Noreg vert handtert av Demeterforvaltninga i samarbeid med BdF og Debio. 4

5 Tilleggskrav for Demetersertifisering er mellom anna: - Lengre omleggingstid før Demeter-godkjenning - Ingen bruk av blautgjødsel eller fòr frå konvensjonelt landbruk - Dei biodynamiske preparata skal brukast for å styrke livskreftene i kompost, jord og planter - Det skal vere allsidig produksjon med husdyr på garden - Heile garden, og ikkje berre delar av den, skal vere lagt om til bio dynamisk drift - Garden er i stor grad sjølvforsynt med fôr og gjødsel Den biodynamiske bonden ser på garden som ein individualitet, noko tilsvarande som terroire innan vindyrking. Val av plantesortar, dyrerasar og vekstskifte vert tilpassa garden for å byggje vidare på staden sitt økosystem, eigenart og kretslaup. 5

6 Oppsummering av året 2014 Året 2014 har vore eit innhaldsrikt år, med aktivitetar som har invitert til dialog, diskusjonar og kunnskapsauke blant menneske i heile landet om det biodynamiske landbruket. BdF sitt arbeide har dei siste åra nådd ut til fleire og fleire menneske i heile landet. Vi ønskjer å møte bønder, kokkar, landbruksrådgivarar, tilsette i barnehage og skule, foreldre, dei som er spesielt interesserte og ikkje minst ønskjer vi å pirre interessa til nye. Desse ønskja har spegla seg i arrangementa vi har gjennomført i løpet av året. Gjennom arrangementa har vi eit mål å skape heilskaplege opplevingar. Det er difor vi held ystekurs på Bygdø Kongsgård med kyrne som rautar i naborommet; held foredrag om urbant landbruk på Hagemessa i Lillestrøm; tek med kokkar og tilsette i storhushald ut i åkeren og inn i fjøset for å lære om det økologiske og biodynamiske; inviterer til å lære om nedskjering av kjøt på Solli gård med pølsemakeriet i naborommet, eller samlar folk til fagdag om krets laupsjordbruk på Skjølberg Søndre gård kor dei til dagleg arbeider for eit vel fungerande kretslaup på garden. Takka vere økonomisk støtte frå Landbruksdirektoratet (tidlegare Statens Landbruksforvaltning), Fylkesmannen i Oslo og Akershus, Landbruks- og matdepartementet, Husebystiftelsen og Stiftelsen Eir har foreininga hatt moglegheit til å arbeide med å fremje biodynamisk landbruk og mat på mange ulike arenaer. Vi opplev at eit aukande tal menneske, kanskje særskilt innanfor mat- og vinbransjen, i stor grad anerkjenner det biodynamiske landbruket som ein viktig spydspiss og inspirasjonskjelde til det konvensjonelle og økologiske landbruket. Prinsippa om kretslaup, som det biodynamiske landbruket byggjer på, står fram som ekstra viktig. Det gir oss motivasjon til å halde fram arbeidet med å inspirere og spreie kunnskap til enno fleire i åra framover. 6

7 Med dette vil vi i foreininga rette ein stor takk til alle våre økonomiske støtte spelarar, medlemmar og andre gode samarbeidspartnarar for eit givande år for Biologisk-dynamisk Forening. Utan økonomiske midlar, frivillig innsats og ei flott medlemsmasse ville vi ikkje kunne vise til dei resultata vi kan i dag. Helene Austvoll konstituert dagleg leiar Elizabeth Wirsching styreleiar 7

8 Arrangement 2014 Fordypningsseminar, Fokhol Gård Stange januar og 31. oktober - 1. november Temaet for fordjupingsseminaret i januar hadde tittelen Biene som relasjonsskapere. Utgangspunktet for samtale var mellom anna desse spørs måla: Hva er bienes vesen? Hvorfor har disse insektene blitt æret siden urtiden? Hvilken rolle har biene i naturens balanse? Dei samtala også kring praktiske spørsmål og synspunkt om birøkt, samt bruk av bie-produkter i ernæring og medisin. Foredrag og samtale om urban dyrking 5. april, Hagemessa i Lillestrøm I samband med årsmøte 2014 den 6. april vart det invitert til fagleg opplegg under Hagemessa i Lillestrøm. Foreininga arrangerte eit foredrag med samtale og video om levande byjord om urban dyrking og god jord i eit bio dynamisk perspektiv. Dette var i samarbeid med MAJOBO og Det Andre Forumet. Idun Leinaas leia samtalen, og på scenen deltok Pernille Leivestad frå DYRK, Helene Gallis frå Majobo og Finn Dale Iversen frå Bergsmyrene gård på Hurum. Det var kring 30 tilskodarar. Tidlige smaker mat til spedbarn 18. juni, Sæterhytten ved Norsk Folkemuseum «For det lille barnet er alt helt nytt og det trenger tid for å vende seg til det jorden har å by på. De skal ikke bare fordøye maten de spiser, de skal fordøye alt de sanser. Jeg tror på ren mat. Jeg tror på at spedbarn litt og litt skal introduseres for nye råvarer.» - Camilla Wilse. Med Camilla Wilse som kurshaldar arrangerte vi eit kurs i spedbarnsmat på Sæterhytten ved Norsk Folke museum på Bygdø. Kurset hadde åtte deltakarar. 8

9 Lag din egen ost ystekurs 8. april og 10. april, Trøndertunet på Norsk Folkemuseum I samarbeid med Bygdø Kongsgård vart det arrangert to ystekurs på Bygdø Kongsgård. Kurshaldaren var Markus Koot og det var 15 deltakarar på kvart kurs. Deltakarane lærte å lage ferskost med mjølk frå kyrne på Bygdø Kongsgård. Inn i dei ferske smøreostane blanda vi økologisk pepper, kvitlauk, chili, og ulike urter som basilikum og persille. Kursa var avslutta rundt eit bord med mat og diskusjon om dei ulike smakane og ysteteknikkane. Politikardebatt 25. august, Clarion Hotel Royal Christiania I samband med ØKOUKA var BdF medarrangør av ein politikardebatt på Clarion Hotel Royal Christiania. Oikos Økologisk Norge var hovud arrangør, i samarbeid med BdF, Debio, Norsk bonde- og småbrukarlag og Norges bondelag. Visjonar og målsetjingar for eit berekraftig landbruk var tema for debatten, og representantar frå alle dei store partia stilte. Publikum kunne følgje debatten både live og gjennom ei streaming-teneste. Melkemøte rå melk til salgs? 23. september, Mathallen Hvorfor kan vi ikke kjøpe rå melk i Norge? Er det farlig? Hva skjer med melka under pasteurisering? Hva gir en melk smak og kvalitet, og hvordan er utvalget av meierivarer i Norge? Hva mener melkebøndene? Og hva mener forskerne? Med denne ingressen inviterte foreininga til møte om sal av upasteurisert mjølk. Mattilsynet, Vitenskapskomiteen for mattrygghet, Slow Food, Melkeringen, Norsk gardsost og produsenter som driv økologisk og biodynamisk var invitert. I tillegg til foredrag og diskusjon hadde vi også servering av epler frå Olav Jønsi i Telemark, og smaking av upasteurisert og pasteurisert mjølk frå ulike leverandørar og gardar, både økologisk, bio dynamisk og konvensjonell. Det var kring 50 menneske i salen. 9

10 Matens opprinnelse 25. september, Rygge og Hurum I samarbeid med Norges Bondelag og ØQ Økologiske foregangsfylker Oslo & Akershus, inviterte BdF til gardstur for kokkar og tilsette i storhus haldning. Turen gjekk til eit økologisk samvirke i Rygge med mjølke produksjon og grønsaker, og til Bergsmyrene gard i Hurum med allsidig bio dynamisk produksjon. Turen hadde 15 deltakarar og var fullteikna. Åpen økologisk gård Heile landet vår og haust 2014 I samarbeid med Oikos Økologisk Norge jobba foreininga med å leggje til rette for arrangementet Åpen økologisk gård på fleire biodynamiske gardar: Lislerud gård, Frilund gård, Ramme gaard, Alm Østre, Sørgard n og Bergsmyrene gård. Biodynamiske marknadar Birkelunden og Litteraturhuset Oslo, hausten

11 I løpet av hausten 2014 arrangerte foreininga i samarbeid med produsentar av biodynamiske landbruksvarer tre marknadar i Oslo. Den fyrste marknaden, laurdag 27. september var i samarbeid med Bondens marked som haldt ein stor økomarknad under ØKOUKA. Dei produsentane som driv biodynamisk var godt representert og hadde ei særs god omsetjing. Fleire produsentar deltok også under familiedagen på Bygdøy Kongsgård sundag 21. september. Dei neste to marknadane var laurdagane 11. oktober og 8. november. Gardane som deltok under marknadane var Ommang Søndre, Jønsi gård, Solborg Camphill, Sørgard`n, Bergsmyrene gård, Frilund gård og Dyre gård. Det vart mellom anna seld grønsaker, frukt, ost, syltetøy, skinn, kjøt og urter. Tur til pølsemaker n på Solli gård 17. november, Stokke i Vestfold I samarbeid med Oslo Kooperativ arrangerte BdF ein tur til bonden Dan Hjorteseth på Solli gård i Stokke. Turen handla om nedskjering av kjøt, og korleis å bruke dei ulike delane av dyret. Dan viste oss rundt på garden og fortalde om det biodynamiske landbruket der. Deretter fekk vi demonstrasjon av nedskjering av bakparten på ein kalv, fylgt av eit felles måltid basert på garden sine råvarer og samtale. Det var 20 deltakarar og turen var fullteikna. 11

12 Nordisk Biodynamisk Forum november, Audonicon i Skanderborg, Danmark Nordisk Biodynamisk Forum er ein årleg konferanse for alle som er inte resserte i det biodynamiske i dei nordiske landa. Det organiserast på skift i Noreg, Sverige, Finland og Danmark, og arrangerast i eit samarbeid mellom dei biodynamiske foreiningane. Årets forum vart haldt på Audonicon i Skanderborg, utanfor Århus i Danmark. Ein del av programmet omhandla Husdyrenes betydning for liv og utvikling i jord, mat og mennesker, og der var innlegg av Niels Kr. Stokholm (Thorshøjgård, DK), Verner Andersen (Bellingehus Frugtplantage, DK) og Rune Myrseth (Fokhol Gård, N). Andre som bidrog var Torgny Walldén (Biodynamiska Foreningen, S), Jens-Otto Andersen (Biodynamisk Forskningsforening, DK), samt at det vart fokusert på BINGN-utdannelsen, om det biodynamiske arbeidet dei fira landa, med meir. Det var sju deltakarar frå Noreg, fire frå Sverige, to frå Finland og omkring 25 frå Danmark. Kretsløpsjordbruk kunnskap og praktiske erfaringer 19. november, Skjølberg Søndre gård, Svorkmo Sør-Trøndelag Denne fagdagen vart arrangert i samarbeid med Elin og Carl Erik Østlund som driv Skjølberg Søndre gård i Svorkmo i Sør-Trøndelag. Involvert i arrangementet var også Landbrukskontoret og Norsk Landbruksrådgiving. Det var omkring 30 deltakarar, både praktikarar og forbrukarar, som fylte eit lite stabbur. Emil Mohr frå Debio innleia med foredraget Kretsløpsjordbruk i sammenheng med miljø, klima og ressursforvaltning fylgt av foredrag av Berit Swensen frå Vital Analyse om jordkvalitet. Gardsdrifta på Skjølberg Søndre sto også i fokus, og vi fekk omvising og innføring i jordbruksdrifta og omsetjinga gjennom ulike alternative salskanalar. Fagdagen munna ut i ei vidareføring av et nettverk for kretslaupsjordbruk i Sør-Trøndelag. 12

13 Årsmelding 2014 Biologisk-dynamisk Forening 13

14 Stand- og informasjonsverksemd gjennom året BdF har vore tilstades på fleire ulike mat- og landbruksrelaterte arrangement i 2014: Det økologiske kornets dag, 31. mai, Litteraturhuset i Oslo I samarbeid med ØQ foregangsfylket Oslo & Akershus og Økologisk spesial korn arrangerte BdF Det økologiske kornets dag. Det var smaksverksted, messe med sal av korn og litteratur, foredrag, konsert og live matlaging og servering av ulike kornsorter. På messa deltok fleire organisasjonar og forhandlarar. BdF var representert med stand kor vi delte ut informasjon, snakka med besøkande og verva medlemmar. Hagemessen, april, Lillestrøm Hagemessa i Lillestrøm er ei stor publikumsmesse innanfor hage- og uteromssektoren. BdF deltok på stand i tre dagar med informasjon biologisk- dynamisk hagebruk, jord og kompostering, samt utdeling og sal av materiell. I tillegg arrangerte foreininga foredrag med samtale og video om levande byjord. Kuslipp på Bygdø Kongsgård, 04. mai, Bygdø Kongsgård Saman med fleire andre mat- og miljøorganisasjonar var vi med under det årlege arrangementet Kuslipp. Vi solgte bøker, verva medlemmar og snakka med besøkande om biodynamisk matkvalitet og landbruk. Familiedag på Bygdø Kongsgård, 21. september, ØKOUKA Foreininga var medarrangør på Bondens marked under ØKOUKA sin familiedag på Bygdø Kongsgård. Der deltok Frilund gård, Bergsmyrene gård og Ommang Søndre. Økologisk Bondens marked, 27. september, ØKOUKA Foreininga var medarrangør på eit heiløkologisk Bondens marked i Birkelunden i Oslo under ØKOUKA. Der deltok Jønsi gard, Bergsmyrene gard, Ommang Søndre, Sørgard n. I tillegg var Dyre gard med på marknaden med sal av biodynamisk eplesaft. Produsentane som deltok meldte om rekordsal. 14

15 Årsmelding 2014 Biologisk-dynamisk Forening Satsingar

16 Auka forbruk av biodynamiske landbruksvarer Føremålet med prosjektet har vore å styrke kunnskapsformidlinga og auke det private forbruket av biodynamiske og økologiske landbruksvarer. Gjennom året har vi formidla kunnskap om biodynamisk og økologisk mat og jordbruk til kokkar og privatforbrukarar gjennom kurs, marknadar, gards besøk og samtalar. Vi opplev ei veksande interesse frå allmennheita og når ut til fleire og fleire. Aktivitetane i prosjektet speglast i arrangementsoversikten over. BINGN Initiativet Biodynamisk Initiativ for den Nye Generasjonen Norden (BINGN) vart starta i 2012 i Noreg. BINGN er eit nettverk for alle som er interessert i å jobbe med biodynamisk landbruk, og det er oppretta ei nettside som på sikt vil fungere som ein plattform for å dele kunnskap og inspirasjon, lære av kvarandre sine erfaringar og sjå på samarbeidsmoglegheiter i framtida. I februar 2014 starta BINGN ei 3-årig utdanning i Norden med 10 studentar. BNGN vert drive av eit koordinatorteam på 4 personar som er juridisk forankra i Biologisk-dynamisk Forening. Informasjon og presse I løpet av 2014 har vi brukt nettsida aktivt for å nå ut til medlemmar og andre interesserte. Med same føremål har vi brukt facebooksida godt, og har 2300 personar som følgjer oss. HERBA I 2014 vart det gitt ut 2 nummer av HERBA. Tema for Herba nr 1 var Frø og nr 2 var Kokken og bonden. Redaktør var Idun Leinaas. Elizabeth Wirsching og Elise Matilde Lund sat i redaksjonen. 16

17 Heimeside BdF si heimeside brukast til å presentere eigne arrangement, både som reportasje og i kalenderen, samt arrangement i regi av samarbeidspartnarar. Nettsida brukast også til å publisere relevante artiklar innan det biologisk-dynamiske landbruket. På heimesida er det også moglegheit for interesserte å melde seg inn i BdF, samt melde si interesse for nyheitsbrevet. Dagleg leiar, saman med prosjektmedarbeidarar administrerer og koordinerer nettsidene. Sosiale media Sosiale media er ein viktig kommunikasjonskanal direkte til våre medlemmar og andre interesserte. Både Facebook og Twitter har blitt brukt aktivt gjennom Dagleg leiar saman med prosjektarbeidarar har administrert desse. Sosiale media bruker vi til å publisere nyheitssaker med korte kommentarar, bilete frå arrangement, informasjon om arrangement som BdF er med på, med meir. Desse kanalane er også viktige for å følgje med på, og halde oss oppdatert på nyheiter og arrangement frå andre organisasjonar og andre land. Nyheitsbrev Nyheitsbrevet inneheld informasjon om nyheiter, arrangement og publika sjonar knyt til omsetjing, forsking, politikk og landbruk. Det er eit gratis tilbod til alle som ønskjer det, og vert sendt ut månadleg. Talet på mottakarar per desember 2014 er 322. Trykt materiell I løpet av 2014 har vi trykka opp fleire eksemplar av brosjyren Biodynamisk matkvalitet i tillegg til ein brosjyre om forskjellen på økologisk og bio dynamisk mjølkeproduksjon. Strategi og handlingsplan Strategi- og handlingsplanen vart vedtatt på årsmøtet i Strategi- og handlingsplanen er eit viktig reiskap for å etablere felles mål og ei naudsyn ansvarsfordeling for å vidareutvikle det biologisk-dyna miske jordbruket og tilgjengelegheita av Demeter-pro- 17

18 dukt. Organiseringa med ansvarsområde for styrerepresentantane fungerer godt. For å løfte det biologisk-dynamiske jordbruket vidare, auke talet av bønder, samt stimulere til auka produksjon, foredling og omsetting, må ein etablere eit fellesskap som samarbeider for å nå ungdom, forbrukarar og forskarar. Samarbeidspartnarar Forsking og utvikling: Debio, Bioforsk Økologisk, VitalAnalyse, NORSØK, Matmerk, Norsk Landbruksrådgivning, Nofima, Mattilsynet Informasjon: Food Studio, Steinerskoleforbundet, Dialogos, ØQ foregangsfylke Oslo, Akershus og Østfold, Oslo kommune Bymiljøetaten, Kooperativet SA Næringsliv: Alma, Vitalkost, Røtter, Bondens marked, Kolonihagen, Økologisk spesialkorn, andre abonnementsordningar Organisasjonar: Oikos Økologisk Norge, Dialogos, Alliansen ny landbrukspolitikk, Nettverk for GMO-fri mat og fôr, IFOAM, Demeter International, Norges Bondelag, Utviklingsfondet, MaJoBo Andre: Cultura Sparebank, Norsk Folkemuseum/Bygdø Kongsgård, Øyafestivalen, Litteraturhuset i Oslo, ØKOUKA 18

19 Verv Eric Brinkhof er styremedlem i Oikos Økologisk Norge. Idun Leinaas har representert Biologisk-dynamisk Forening i Kontaktutvalet for økologisk landbruk. Idun Leinaas og Helene Austvoll har representert Biologisk-dynamisk Forening i Nettverk for GMO-fri mat og fôr. Gjennom nettverket har vi skrive under på ei rekkje felles høyringsbrev med argument mot søknadar for å tillate import av GMO. Styremedlemmar har deltatt på møter i Dialogos. Petter Stanghov har deltatt på møte i Regelverksutvalget for økologisk landbruk. 19

20 Styre og administrasjon Biologisk-dynamisk Forening har i 2013 hatt Idun Leinaas tilsett som dagleg leiar i ei 30%-stilling. I tillegg har Elise Matilde Lund vore tilsett som prosjektleiar i ein 50 % stilling gjennom våren og sumaren, og i haust vart prosjektstillinga delt med Helene Austvoll. Foreininga har hatt ein rekneskapsførar tilsett i 20 % (40 % januar mars). Frå desember 2014 mars 2015 har Helene Austvoll også vore tilsett som konstituert dagleg leiar. I tillegg til dette har foreininga eit aktivt styre som arbeider med aktuelle problem stillingar knyt til ulike delar av drifta av foreininga, samt fleire frivillige som har bidrege vesentlig i foreininga sitt arbeide gjennom året. Styrets samansetting i 2014 (årstal for innsetjing i parentes) Styremedlemmar: Odd Jarle Stener-Olsen (2013) Elizabeth Wirsching (2011) Lene Stangnes (2012) Pierre Sachot (2014) Jasper Kroon (2014) Varamedlemmar: Inger Ivarrud (2013) Urs Gamper (2014) Valkomiteen: Jostein Hertwig (2010) Ellen Spørck Gabriel (2013) Demeterforvaltninga: Leiar: Thor Risinggård (2008) Styremedlemmar: Asbjørn Lavoll (2007) Petter Stanghov (2012) Kerstin Pålsson (2007) Fordypningsseminar Inger Ivarrud (2008) Berit Swensen (2008) Ellen S. Gabriel (2012) 20

21 Styrets arbeid i 2014 Styret i Biologisk-dynamisk Forening har hatt fire styremøter i Vårt hovudtema har vore: Korleis styrke den biodynamiske impuls? Styret har hatt fokus på å finne gode arbeidsmetodar og arbeidsfordeling basert på Strategi- og handlingsplan , og fylgt opp handlingsplanen for Vidare har styret hatt møter med alle medarbeidarane i foreininga. Styret prioriterte i haust arbeidet med å få ny daglig leder og ny redaktør til Herba. Medlemmane i styret har også representert Biologisk-dynamisk Forening i ei rekkje samanhengar. Frø, birøkting og preparater er tema som styret har vore spesielt engasjert i, i tillegg til å bidra til auka lokal og regional aktivitet. Fleire av styret sine medlemmer deltok på Nordisk Forum på Audonicon/Danmark. Organisasjon I 2014 har vi hatt ein netto medlemsvekst på 33 medlemmar. Per 12. desember 2014 hadde BdF 511 medlemmar. Dei fleste medlemmane melder seg inn via men vi får også medlemmar på arrangement og via vervingar. Økonomi Vi har i 2014 motteke økonomisk støtte frå Landbruks- og matdepartementet (LMD), Landbruksdirektoratet (tidligare Statens landbruksforvaltning), Fylkesmannens Landbruksavdeling Oslo og Akershus, Stiftelsen Eir og Husebystiftelsen. Saman med inntekter frå medlemskontingent og sal av bøker og anna materiell, har desse midlane danna grunnlaget for alle aktivitetane i foreininga i I år som i tidlegare år, har BdF hatt ein utfordrande økonomisk situasjon, særskilt med tanke på behovet for, og ønsket om organisasjonsbygging. Det må arbeidas kontinuerlig for å finne finansiering som gjer det mogleg å halde fram med drifta av organisasjonen. Den aukande interessa om den biodynamiske landbruksmetoden og matkvaliteten blant medlemmar og andre, både forbrukarar og bønder, er eit viktig insentiv for å oppretthalde ein aktiv organisasjon. Det kan vi berre oppnå gjennom å sikre ein økonomisk plattform. Ei stabil årleg støtte frå LMD er i denne samanheng vesentleg. Historia og erfaringa i landbruket som foreininga innehar gir oss ei viktig rolle i utviklinga av dagens og morgondagens 21

22 landbruk i Noreg, både som ein aktiv debattant i dagens landbruksdebatt og ein formidlar av matkvalitet og sunn mat. Vi ønskjer å auke utvalet av biodynamisk mat og fremje forståinga for det biologisk-dynamiske landbruket. For å gjere dette er vi avhengige av trygge økonomiske rammer som gjer Biologisk-dynamisk Forening til ein fast arbeidsplass, både for dagleg leiar og prosjekttilsette. 22

23 Les meir om Biologisk-dynamisk Forening på eller følg oss på facebook.com/biologiskdynamiskforening Tekst: Helene Austvoll med bidrag frå Idun Leinaas, Elise Matilde Lund og Elizabeth Wirsching Layout: Mats Lande Foto: Helene Austvoll, bileta frå Solli gård av Eva de Moor 23