Sakspapir. Saksnr. Utval Møtedato 094/16 Formannskapet /16 Kommunestyret

Transkript

1 Sakspapir Saksnr. Utval Møtedato 094/16 Formannskapet /16 Kommunestyret Sakshandsamar Arkiv Arkivsaksnr. Ottar Wiik K2 - L12 15/423 Reguleringsplan for Sæbø 2 Rådmannen si tilråding Reguleringsplan for Sæbø 2 vert vedteken med dei endringar og tillegg som er tilrådd av Rådmannen i saksutgreiinga. Formannskapet - 094/16 Plansjef Ottar Wiik deltok under handsaminga av saka. Han gjekk nøye gjennom alle innkomne merknader og rådmannen sine tilrådingar. Merknad frå Bjørn Magnar og Camilla Røyrvik var kome inn etter fristen, og ikkje omtala i rådmannen si saksutgreiing. Merknaden vart referert og kopi delt ut. Formannskapet slutta seg til fylgjande vurdering frå rådmannen: Takform i område KB1 skal avklarast i planutvalet (Formannskapet) i samband med byggetiltak, jfr. planføresegnene 4.4. Krav om høg arealutnyttinggjer frittliggjande einebustader lite aktuelt. Merknaden gjev ikkje grunnlag for endring i plandokumentet. FS - vedtak: Reguleringsplan for Sæbø 2 vert vedteken med dei endringar og tillegg som er tilrådd av Rådmannen i saksutgreiinga. Utnyttingsgrad for område KB1 blir sett til 50 %. Samrøystes. Postboks 134, 6891 Vik i Sogn tel: post@vik.kommune.no vik.kommune.no Bankgiro: Org. nr

2 Kommunestyret - 073/16 Plansjef Ottar Wiik orienterte ved å gå gjennom ein del kart og skisser og ved innkomne merknader. Det vart gjennomført synfaring. Leidulv Finden og Werner Madsgård vart begge samrøystes sagt ugilde i saka. Dette som fylgje av at begge er styremedlemar i Vik sparebank som er part i saka, jfr, f.vl. 6, 1. ledd bokstav e. pkt. 1. Merknad frå G. Skagen vart av rådmannen tilrådd teken til fylgje. KS - vedtak: Reguleringsplan for Sæbø 2 vert vedteken med dei endringar og tillegg som er tilrådd av Rådmannen i saksutgreiinga. Utnyttingsgrad for område KB1 blir setttil 50 %. Merknad frå G. Skagen vert imøtekomen ved at tomta B1 vert utvida mot sør med 8 m langs austgrensa og 4 m langs vestgrensa, i samsvar med R sitt framlegg lagt fram i møtet. Samrøystes. Vedlegg Dokument dato Tittel DokID SaeboPlanKomFramlegg.pdf Planomtale Sæbø pdf Føresegner Sæbø pdf Omtale av innspel. Sæbø 2.pdf Høyringsmerknader Sæbø ROS analyse Sæbø Møtebok FS sak Sæbø Kort samandrag Privat framlegg til reguleringsplan for Sæbø 2 var lagt ut til offentleg ettersyn i tida juniaugust Tiltakshavar er Ann Kristin og Bjørn Tore Årevik, saman med arkitektfirma Side 2 av 12

3 Anders og Olav Vikøren as. Planen legg til rette for konsentrert utbygging for bustad- og næringsformål, tilleggsareal og ny tilkomst for Vik barnehage, samt vegar og grøntområde. Planområdet er om lag 20 daa. Planforslaget er i hovudsak i samsvar med vedteken kommuneplan av Innkomne merknader gjev grunnlag for nokre mindre endringar i planforslaget. Rådmannen rår til å vedta planen med mindre endringar som tilrådd i saksutgreiinga. Kommunestyret har mynde til å godkjenna planen. Aktuelle lover, forskrifter, avtalar m.m. Plan- og bygningslova Saksopplysningar Oppstartmøte for planarbeidet vart halde Oppstart av reguleringsplan for området Sæbø 2 vart varsla med annonse i Sogn Avis og brev av til partar og høyringsinstansar. Det kom inn 7 merknader/innspel. Desse er omtalte i eige dokument. (vedlegg) Sogn og Fjordane fylkeskommune gjorde arkeologisk undersøking av planområdet Det vart ikkje gjort vesentlege funn. I brev av frå kulturavdelinga i fylkeskommunen vert området frigjeve for byggeformål. Planforslag frå tiltakshavar er i hovudsak i samsvar med vedteken kommuneplan av 2014, og utløyser ikkje krav om planprogram eller konsekvensutgreiing etter «Forskrift om konsekvensutredninger» Planen legg til rette for konsentrert utbygging for bustad- og næringsformål, tilleggsareal og ny tilkomst for Vik barnehage, samt vegar og grøntområde. Planområdet er om lag 20 daa. Fordeling av arealformåla i planområdet avvik på nokre punkt frå kommuneplanen: Side 3 av 12

4 - Byggjeområde for sentrumsføremål er trekt mot nord for å få synleg fasade mot vest/rv 13, og for å utnytta nivåforskjelar i planområdet. - Hovuddelen av areal for park/leik (grøntstruktur) er lagt sør for byggjeområdet. - Vegtilkomst til området «Flåten» vert som i dag, langs sørgrensa til meieriet ogtomtebu. - Det er opna for større byggehøgder : 3 etasjar + underetasje og takoppbygg Vik formannskap handsama i sak 049/16 ferdig planforslag frå tiltakshavar, og vedtok å leggja forslaget ut til offentleg ettersyn. Vedlagt fylgjer kopi av møtebok sak 049/16. Plandokumenta vart sende på høyring til partar og høyringsinstansar i brev av , og lagt ut til offentleg ettersyn i tida juni- august Offentleg ettersyn vart kunngjort i Sogn Avis med fylgjande annonsetekst: «Vik formannskap vedtok i møte å leggja ut privat framlegg til reguleringsplan Sæbø 2 i Vik til offentleg ettersyn. Tiltakshavar for planen er Ann Kristin og Bjørn Tore Årevik, saman med arkitektfirma Olav og Anders Vikøren AS. Planområdet på om lag 20 daa ligg i sentrumsområdet i Vik og omfattar «Sæbøjordet» samt noko tilgrensande areal. Planen legg til rette for konsentrert utbygging for bustad- og næringsformål, tilleggsareal og ny tilkomst for Vik barnehage, samt vegar og grøntområde. Plandokument er lagde ut på Vik Kommune si heimeside, og i kommunehuset. Partar i plansaka får plandokumenta tilsende. Merknader kan sendast til Vik Kommune postboks 134, 6891 Vik i Sogn, eller på E-post : postmottak@vik.kommune.no, innan » Side 4 av 12

5 Vedlagde plandokument gjer nærare greie for bakgrunn og løysingar: Plankart Planomtale Planføresegner Omtale og vurdering av innkomne merknader til oppstartvarsel. Kopi av innkomne merknader ROS-analyse Innan høyringsfristen vart det registert 8 merknader. Desse er omtalte under. Berre hovudpunkt er refererte. Rådmannen (R) si vurdering/tilråding i kursiv. 1 Fylkesmannen i Sogn og Fjordane (FM) Brev av Føresegnene 4 manglar U-grad for område KB1 2 Teiknforklaring til plankart viser til bygningslov av Må rettast. 3 ROS-analysen er mangelfull: - manglar forklaring til verdivurdering av sannsyn, konsekvens og risiko. - berre eit fåtal tema er omtalte/vurderte. Forklaring bør inn i analysedokumentet. - det må gå fram i ROS-dokumentet om brannvesen/brannsjef er konsultert. - det bør gå fram om/korleis framtidige klimaendringar er tekne omsyn til i planen. 4 FM forutset at planen sikrar høg arealutnytting, i tråd med føringar i kommuneplanen. Side 5 av 12

6 Vurdering: Merknaden gjev grunnlag for nokre endringar/rettingar i plandokumenta: - Feil omtala i pkt1 og 2 vert retta opp i endeleg plandokument. - ROS-analysen skal rettast opp og supplerast i tråd med FM sin merknad. SBR ved brannsjef har fått planforslaget til høyring, og har gjeve innspel. (sjå under) 2 Statens Vegvesen. (SVV) Brev av SVV etterlyser markering på plankartet av avkjørsler og frisiktsoner. Frisiktsoner visast som Omsynssone, Frisikt Vurdering: Plankartet vert retta/supplert i tråd med SVV sin merknad. 3 Sogn Brann og Redning. (SBR) Brev av SBR etterlyser tydelege krav i planføresegnene 2 om situasjonsplanar som viser tilkomst til hovudinngang på alle bygg. 2 SBR meiner 4.2 i Felles føresegner må styrkast med tanke på krav til sløkkevatn. 3 SBR tilrår krav om stigeledning i alle bygg over 3 etg. Side 6 av 12

7 4 SBR rår til at krav i TEK 10, 11-13,1. ledd skal gjelda for alle bygg. 5 SBR saknar omtale av tema brann og brannfare i ROS-analysen. Vurdering: Merknad 1 frå SBR vert imøtekomen ved fylgjande tillegg i planføresegnene: « Situasjonsplan skal visa tilkomst for redning/brannsløkking, i samsvar med krav i TEK10, » For å sikra at omsyn til brann vert ivareteke i område med byggehøgder over 2etg. (område S1), rår R til at vert det lagt inn eit nytt punkt under 3 i føresegnene: «3.4: Før det vert gjeve byggeløyve for tiltak i området S1 skal det hentast inn uttale frå SBR.» R ser ikkje grunn til å leggja inn ytterlegare krav i føresegnene som går ut over krava som fylgjer av TEK10. R meiner at branntryggleik ut over dette evt. må avklarast i samband med byggetiltak i planområdet. R er samd i at brann burde vore tema i ROS analysen, men meiner det for dette planområdet ikkje er ein alvorleg mangel. 4 Grunde og Anita Engan (E) Brev E meiner det er ei dårleg løysing å dela opp friarealet vist i kommuneplanen. Friarealet bør vera synleg, og ikkje «vekkgøymt» bak Vikjatunet. 2 E ber om at dagens møte/kryss mellom Tomtebuvegen og Flåtenvegen vert omforma. 3 E ber om ei kritisk vurdering av forslaget om byggehøgder inntil 4 etasjar. Vurdering: 1 R er samd i at eit løysinga for friområde i planforlaget isolert sett er dårlegare enn enn det som kommuneplanen viser, men at det må kunna aksepterast for å oppnå eksponering av ny Side 7 av 12

8 bygningsmasse mot RV13 og Røysavegen. 2 Med ny plan vil Flåtenvegen verta blindveg med berre trafikk til eigedomane. Med redusert trafikk bør dagens kryssløysing vera akseptabel dersom vegen vert utbetra slik planen legg til rette for. 3 Etasjehøgder over 2 etasjar er avgrensa til område S1. Bygningar langs vestsida av Flåtenvegen kan ikkje byggjast vesentleg høgare enn eksisterande hus på austsida. R meiner at ein i området S1 bør akseptera byggehøgder som i planforslaget. Merknaden gjev ikkje grunnlag for endringar/rettingar i plandokumenta. 5 Vik Sparebank (VS) E-post VS krev at eks veg bak (austsida) av Vikjatunet må vera reservert for verksemdene i Vikjatunet. 2 VS krev at utbygging i området S1 ikkje må gå inn på VS si tomt 3 P-plassen sør for Vikjatunet må ikkje få gjennomgangstrafikk Vurdering. Planområdet omfattar ei stripe på ca 400m2 av VS sin eigedom. Arealformål er «sentrumsformål» som omfattar m.a. intern veg. Det er såleis i tråd med noverande arealbruk. VS har full råderett over eige areal innafor planområdet. Planen viser byggegrense på ei ca 30m lang strekning langs VS si austgrense. Byggeavstand til grensa er vist ca 3m. Langs resten av austgrensa er det ikkje vist byggegrense. Her kan det ikkje byggjast nærare VS si grensa enn det som fylgjer av Pbl., utan VS sitt samtykke. Planforslaget legg ikkje opp til gjennomgangstrafikk på P-plass sør for Vikjatunet Side 8 av 12

9 Merknaden gjev ikkje grunnlag for endring av planforslaget. 6 Gunnstein Skagen v. adv. Tollefsen ( S) Brev av og S meiner at deira eigedom/tomt 1/4 (B1) vert øydelagd dersom planen vert gjennomført. S meiner at utvidingsareal for barnehagen bør vera mot sør og vest, på Årevik sin eigedom. Etter avtale med R fekk S høve til å leggja fram sitt syn i møte 22.8, og ettersenda tilleggsmerknad i brev av I brev av er vedlagt kartskisse som viser endringa S ber om: at gangveg G1 vert flytta til sørsida av tomt B1. For S er det særleg viktig å behalda uteareal på sørsida av bustadhuset. I møtet opplyste S at han/dei vurderer å riva uthuset/låven og byggja ny garasje. Vurdering/tilråding: Om lag halvdelen av tomta gbnr. 1/4 er lagt til Vik Barnehage som tilleggsareal. Gjenverande halvdel med eks. bustadhus er på knapt 700m2 m. Det må reknast som ei god tomt i eit sentrumsområde. R er likevel samd i at løysinga i planen viser knapt uteareal på sørsida av huset, og vil tilrå at B1 vert utvida mot sør. Detaljert forslag til endring av plankart vert lagt fram i møtet. R vil rå ifrå å flytta off. gangveg sør for B1, av fleire grunnar: -For bebuarar langs Flåtenvegen vert det ein omveg for å komma til friområde F2 m.m -For barnehagen vil det innsnevra disponibelt utvidingsareal på ein uheldig måte. -Endringa er eit avvik frå godkjent kommuneplan. Forslaget inneber at eks. uthus/låve vert riven. Side 9 av 12

10 7 Arkitektkontoret Anders og Olav Vikøren AS v. A. Vikøren. (AV) Brev AV meiner annonseringsfasade mot Røysavegen vert for kort for å få til ein attraktiv næringsdel med byggegrense mot nord som er vist. AV ynskjer å flytta byggegrensa mot nord i område S1 6 m nærare Tomtebu og meieritomta. 2 AV peikar på at Vik Kommune har stilt krav til planutforming som ikkje er i samsvar med tiltakshavar sine ynskje. Vurdering/tilråding: 1 R meiner at merknaden frå AV og vedlagde illustrasjonar ikkje gjev eit rett bilde av reelt synleg fasade og bygningsmasse som planforslaget legg til rette for. Planen opnar for ein bygningsmasse med 4 etasjehøgder (+ takoppbygg for deler av arealet) mot nord, med minste avstand 15 m frå Tomtebu og meieritomta. R vil sterkt rå frå å flytta byggegrensa lenger nord. Flytting i tråd med AV sitt ynskje vil ha vesentlege konsekvensar for nabo i nord, og vil etter R si vurdering kreva ny høyring. 2 Det er Vik Kommune som planstyresmakt som avgjer om private planforslag skal takast opp til høyring. Kommunen har etter Pbl. mynde til å setja vilkår for å ta opp planforslag til handsaming. I dette tilfellet er det sett vilkår som på nokre punkt er i strid med tiltakshavar sitt primærynskje. Merknaden gjev ikkje grunnlag for endringar i planforslaget, etter R si vurdering. 8 Ann Kristin og Bjørn Tore Årevik. ( Å) Brev av Dei peikar på sitt behov for parkering og hageareal i tilknytning til selskapslokalet «Sæbøfjosen» som dei har etablert i eks. driftsbygning. Side 10 av 12

11 -Dei meiner Parkeringsplassen P1 må verta felles parkering for barnehagen og Sæbøfjosen. -Dei meiner grensa mot O1 Vik barnehage må trekkast lenger bort frå Sæbøfjosen Vurdering/tilråding: Planen og føresegnene er ikkje til hinder for slik sambruk av P1 som Å ynskjer. Opningsstida for barnehagen og «Sæbøfjosen» er i liten grad samanfallande. R kan ikkje tilrå å flytta vestgrensa for område O1 mot aust. Det vil innsnevra disponibelt utvidingsareal for barnehagen på ein uheldig måte i høve til grenser som er viste i godkjent kommuneplan. Merknaden gjev ikkje grunnlag for endringar i planen. Etter høyringsfristen vart det registrert inn merknad frå Arvid og Liv Rege Engan, i brev datert R ser ikkje grunn til å leggja merknaden til sides på grunn av sein innlevering. Merknaden fylgjer som merknad 9 i vedlegg. Innhald og synspunkt er samanfallande med merknad frå Grunde og Anita Engan. R viser til vurdering og tilråding for denne. Økonomiske konsekvensar Ingen Vurdering R meiner at innkomne merknader ikkje gjev grunnlag for vesentlege endringar i planforslaget. R rår til å gjera nokre mindre endringar og tillegg som er omtalte over. Side 11 av 12

12 Endringane utløyser ikkje krav om ny høyring, etter R si vurdering. R rår til å vedta planen med dei tilrådde endringane. Side 12 av 12