Spørsmål til spørjetimen 19.mai 2016

Transkript

1 Spørsmål til spørjetimen 19.mai 2016 Spørsmål frå André Klausen/ungdomsrådet: Skiljeveggar i dusjane i Radøyhallen Spørsmål: Eg vil spørje om kva kommunestyret har tenkt til å gjere med saka om skiljeveggar i dusjane i Radøyhallen, og om de har tenkt til å ta hensyn til elevrådet sitt ønske om dørar eller forheng, då veggar utan desse er totalt meiningslaust. SVAR: I budsjett 2016 står det: Kommunestyret ønskjer at skiljeveggar i dusjane ved ungdomsskulen vert vurdert. Ungdomsråd og elevråd må ha ei rolle i utgreiingsarbeidet. Administrasjonen har i samanheng med oppfølging av budsjettet også fått melding frå både Radøy ungdomskule og Elevrådet ved RUS om at skiljeveggjar med dør/forheng vil kunne vere viktig tiltak for å få fleire elevar til å dusje i samband med fysisk aktivitet i Radøyhallen. Dette vil bli følgt opp ved at Teknisk drift hentar inn tilbod på slik løysing med skiljeveggar med dør eller forheng. Finansiering og igangsetting av arbeidet vil deretter blir vurdert. Spørsmål frå Thomas O. Lilletvedt: Spørsmål om situasjonen ved Sæbø skule No nærmar det seg slutten på eit «turbulent» skuleår ved Sæbø skule. I den forbindelse har eg har nokre spørsmål til spørjetimen. Spørsmåla gjeld kommune- og skuleleiing si rolle for å ivareta elevane sitt psykososiale miljø. Opplæringslova 9a-3.Det psykososiale miljøet Skolen skal aktivt og systematisk arbeide for å fremje eit godt psykososialt miljø, der den enkelte eleven kan oppleve tryggleik og sosialt tilhør. Dersom nokon som er tilsett ved skolen, får kunnskap eller mistanke om at ein elev blir utsett for krenkjande ord eller handlingar som mobbing, diskriminering, vald eller rasisme, skal vedkommande snarast undersøkje saka og varsle skoleleiinga, og dersom det er nødvendig og mogleg, sjølv gripe direkte inn. Dersom ein elev eller forelder ber om tiltak som vedkjem det psykososiale miljøet, deriblant tiltak mot krenkjande åtferd som mobbing, diskriminering, vald eller rasisme, skal skolen snarast mogleg behandle saka etter reglane om enkeltvedtak i forvaltningslova. Om skolen ikkje innan rimeleg tid har teke stilling til saka, vil det likevel kunne klagast etter føresegnene i forvaltningslova som om det var gjort enkeltvedtak.

2 Spørsmål 1: Kva gjer kommuneleiinga for å sikra at alle tilsette i Radøy-skulen er kjend med den handlingsplikt som her er beskrive i 2. ledd? Spørsmål 2: Kva system har skuleleiinga ved Sæbø skule for oppfølging av varsel frå tilsette vedrørande elevane sitt psykososiale miljø? Spørsmål 3: Kva gjer kommuneleiinga for å følgja opp tilhøva ved Sæbø skule i tida framover? SVAR Spørsmål 1: Kva gjer kommuneleiinga for å sikra at alle tilsette i Radøy-skulen er kjend med den handlingsplikt som her er beskrive i 2. ledd? Handlingsplikta som er referert til er omtala i kommunen sitt system for internkontroll etter kap 9a, som gjeld elevane sitt skulemiljø. Systemet inneheld og prosedyrer for saker etter 9a-3. Internkontrollsystemet har blitt gjennomgått og revidert av kommuneleiinga no i vår, og det er no presisert at både handlingsplikta og prosedyrer som gjeld kap 9a skal gjennomgåast årleg for alle tilsette på skulane i samband med oppstart av nytt skuleår. Spørsmål 2: Kva system har skuleleiinga ved Sæbø Skule for oppfølging av varsel frå tilsette vedrørande elevane sitt psykososiale miljø? Sitat frå «Handlingsplan for å sikra eit godt psykososialt miljø ved Sæbø skule» : Ved mistanke om mobbing eller krenkjande åtferd. Når ein tilsett får mistanke: Rektor skal varslast. Rektor har ansvar for at det snarast vert sett i gang undersøkjing av saka. Når foreldre eller eleven sjølv melder frå: Rektor skal varslast dersom det er ein annan tilsett som får meldinga. Rektor har ansvar for at det snarast vert sett i gang undersøkjing av saka. Dersom foreldre eller eleven ber om tiltak for å stoppe mobbinga, skal rektor fatte enkeltvedtak der det mellom anna går fram korleis skulen skal undersøkje saka. (Opplæringslova 9a-3)

3 Det kan vere uklart kva som er å oppfatta som ei melding frå føresett. Er det ei melding når noko vert lufta i samband med henting eller levering av born? For å sikra rutinar på dette er det lagt inn lenke til Udir sine sider, både på kommunen si heimeside og skulen si heimeside Elevane sitt psykososiale miljø - til deg som er forelder. Her finn foreldre skjema dei kan nytta til å melda ønskje om tiltak. Når nokon vender seg til tilsette på skulen med spørsmål om elevane sitt psykososiale miljø vil dei bli oppmoda om å nytta dette skjemaet for å unngå tvil om kva dei føresette ynskjer av oppfølging. Denne rutinen er lagt inn i skulen sin handlingsplan. Spørsmål 3: Kva gjer kommuneleiinga for å følgja opp tilhøva ved Sæbø Skule i tida framover? Kommuneleiinga har tett og hyppig kontakt med leiinga på Sæbø skule, og er informert om utviklinga i sakene som tidlegare har vore omtala ved skulen, inkludert innhaldet i sakkunnig vurdering og uttale frå Andre Baraldsnes som vart henta inn som ekstern rettleiar. Kommuneleiinga og PPT er og involvert i samarbeidet med Statped Vest som no er starta opp, og som skal gå over minst 2 skuleår. Statped Vest har allereie vore på to planleggingsmøter på skulen, og dei skal vere med på neste FAU møte på skulen for å presentere arbeidet og planar vidare. I avtalen med Statped Vest er det lagt opp til at dei månadleg skal ha oppfølgingsmøter med skulen, som kommuneleiinga og PPT vil vere med på. Spørsmål frå Bjørn Ove Myking Spørsmål ang. stoda for «Hordabøheimen» I KS 02/ : Byggesak gbnr 24/86 - Bø/Hordabøheimen - asylmottak - mellombels dispensasjon frå arealføremål og parkeringskrav Vart det gjort følgjande vedtak: «Med heimel i plan- og bygningslova 19-2, jf vert det gjeve dispensasjon frå arealføremål Offentleg i reguleringsplan for Nordbø på følgjande vilkår: 1. Dispensasjonen er mellombels og gjeld for 6 år. 2. Det skal setjast opp gjerde for å skilja næringseigedomen sitt uteområde frå skulen sitt uteområde. Med heimel i plan- og bygningslova 19-2, jf vert det gjeve dispensasjon frå krav til parkeringsdekning etter Kommuneplan for Radøy kommune pkt på følgjande vilkår: 1. Dispensasjonen er mellombels og gjeld for 6 år. 2. Det skal etablerast minimum 10 parkeringsplassar på eigen grunn eller i umiddelbar nærleik. Grunngjevinga går fram av saksutgreiinga. Vedtaket vert sendt Fylkesmannen i Hordaland og naboar som har hatt merknad i saka for klagevurdering.

4 Kommunestyret vil sikra tiltak for dei mjuka trafikantane, og særleg for barnehage og skule, skal det snarast lagast ein plan innbefatta tiltak med hovudmål å sikra mot farlege og uønska hendingar i vegområdet og trafikken til og frå skule /barnehage. Planen skal godkjennast av hovudutvalet for plan, landbruk og teknisk, og eventuelle tiltak skal gjennomførast i første halvår i 2016.» Mine spørsmål er: Korleis er stoda for «Hordabøheimen» no etter at da ikkje vart noko av «asylmottaket» og at det er per no definert som «asylmottak» og derfor ikkje kan brukast til noko anna, jmfr. KS-vedtak med vilkår? Ettersom vedtaket vart gjort av KS, er det då slik at KS må gjera nytt vedtak for «arealføremålet og parkeringskrav» og eventuelle andre krav for at «Hordabøheimen» kan takast i bruk til anna enn «asylmottak»? NB! Eg håpar at det vert aktivitet i «Hordabøheimen» att, men at alt er «klarert og godkjent» for det den skal brukast til, før den vert teken i bruk! SVAR: Det er gjeve ferdigattest for mellombels bruksendring av Hordabøheimen til hybelhus den Då det ikkje lenger var aktuelt å etablere asylmottak på Hordabøheimen, ønskja tiltakshavar å ta opp att og ferdigstille byggesaka som gjaldt bruksendring til hybelhus. Vedtak av som gjaldt bruksendring til asylmottak vart oppheva ved administrativt vedtak KS sitt vedtak i sak 054/2015 var ein plansak (dispensasjon frå arealføremål i plan) og ikkje ein byggesak. Vedtaket endra ikkje status på bygningen. Det er ikkje naudsynt at KS treffer nytt vedtak i saka i og med at KS sitt dispensasjonsvedtak gjev tiltakshavar ein rett til å søkje om bruksendring til asylmottak, men ikkje ein plikt. Spørsmål frå Jan Tore Hvidsten, Ann-Kristin Mangerøy, Frode Hervik: Veglys på fylkesveg 565 strekninga Marås Manger Me vil med dette etterlyse veglysutbygginga på denne strekninga som det har vorte bevilga kr til for forrige år. Viser til artikkel i Strilen som omhandla fylket sitt vegbudsjett for 2015: «På Fv 391 Mundal - Leknes skal det nyttast kroner til veglys. Det same skal skje på Fv 565 Manger - Marås på Radøy. Summen her er kroner. Frå Plan og Byggeprogram for fylkesvegane i Hordaland (utanom Bergen) for 2015 frå Hordaland fylkeskommune står fylgjande: «Fv. 565 Manger Marås, Radøy

5 Det er mangelfullt tilbod for mjuke trafikantar langs ei strekning på 350 meter. Det er mange avkjørsler og lite oversiktelege svingar. Det er behov for å sette opp veglys. Det vert sett av 0,25 mill. kr til tiltaket.» Kva er status i denne saka no?? SVAR Veglys på strekninga Manger-Marås stod i byggeprogrammet for Undervegs i planlegginga viste det seg at det ble vanskar med framføring av stolpar på ein slik måte at det ville bli eit godt lysanlegg. I tillegg ville prosjektet bli meir kostbart enn først føresett. Midlane vart omdisponert til å dekka mindre meirforbruk på nokre andre trafikksikringstiltak på fylkesvegane i Nordhordland. Veglyset er ikkje prioritert i 2016, men vil bli vurdert i byggeprogrammet for 2017.