Innspel til NTP, nødvendig auka skredsikring av Rv.5

Transkript

1 Innspel til NTP, nødvendig auka skredsikring av Rv.5 Saksh. Einar Årdalsbakke, Flora kommune Innleiing Samarbeidsforum i Sunnfjord (SIS) sender med dette eit samla innspel til NTP (Nasjonal transportplan). Vi støttar fagetatane sitt framlegg til NTP om skredsikring, samt Framdriftsplanen vedlegg 4 til framlegget for ny NTP. Dette gjeld: Rv5 Kjøsnesfjorden, E39 Bjørset-Skei og E39 Våtedalen etter den prioriteringa som står i fagetatane sitt grunnlagsdokument til NTP. Vi krev samstundes at ramme til skredsikring vert auka slik at det det vert høve til å gjennomføre sikring av RV 5 Førde Florø. RV5 og E39 er viktige beredskapsvegar i eit større regionalt perspektiv. Grunnlag Sidan 1982, etter ei dødsulykke på Rv.5 ved Naustdalsstranda som følgje av steinskred, starta registrering av skred på Rv.5. Det er i løpet av dei 34 åra registrert mange hendingar av fleire typar skred langs Naustdalsstranda og ved Leversundet på Rv.5. Ved fleire tilfelle har køyretøy blitt treft av stein og nedfall av is, det er berre tilfeldigheiter at det ikkje har gått med fleire liv som følgje av skred. I følgje Statens vegvesen Region vest sin rapport datert des "Skredsikringsbehov for riks- og fylkesvegar i Region vest", er skredsikring av både Skredvika og Leversund på Rv. 5 mellom Førde og Florø nemnt med skredfaktor på 5,3 og 5,5, dette er ein høg skredfaktor som gir plassering langt framme i lista. Riksveg 5. er ein svært viktig veg. Riksvegen knyter saman viktige næringar- og samfunnsfunksjonar i kommunane i Sunnfjord, samt vestre del av Nordfjord. Naudetatane sin felles- operative funksjon er svært sårbar slik som situasjonen er pr. d.d. Sentralsjukehus, politi, brannvesen har store utfordringar med å oppretthalde normal drift ved skred i området Naustdalsstranda. Dersom vegen blir stengd ved Naustdalsstranda kan nokre av nødetatane som har mindre køyretøy foreta omkøyring over Åsedalen, men dette tek tid ettersom vegen i Åsedalen ikkje har kapasitet som omkøyringsveg. Dersom vegen blir stengd ved Leversundet finst det ikkje nokon omkøyringsveg. Då er Florø- byen og nesten menneskjer 100% isolert frå andre vegsamband. Ferdsel på Riksveg 5. ved Naustdalsstranda har ein årsdøgntrafikk (ÅDT) på 4100 køyretøy. Her er ein stor del av trafikken dagleg arbeidspendling. Mykje av trafikken på RV5 gjeld næringstransport og kollektivtransport. Når det gjeld kollektivtransport, går det ca. 40 bussar mellom Florø og Førde på yrkedagar, i følgje Firda Billag. Riksveg 5 har status som Nasjonal hovudveg (funksjonsklasse A). Undersøkingar viser at vegstrekninga mellom Førde og Naustdal, i tillegg til skred, er sterkt utsatt for trafikkulykker. Det er eit spørsmål om vegstandarden, på dei to rasutsette plassane, er i tråd med vegnormalen i Håndbok N100. Rv.5 er hovudkorridor for transportsamband mellom øst/ vest til E39/ E16. Vegen knyter saman transporten til ein av Norges største oljebasar, og er viktig for eksportverksemder innan havbrukog fiskerinæringa.

2 Nullvisjonen! Visjonen går ut på: " Null drept og varig skadd i trafikken". Nullvisjonen er både ein etisk vegvisar og ei retningslinje for det vidare trafikksikkerheitsarbeidet i Norge. Det synest merkelig at desse to skredutsette plassane på Rv.5 ikkje er teke med i det foreløpige forslaget til NTP når skredfaktoren samt trafikkulykker er på eit slikt nivå. På dei to ovannemnde vegstrekningane har det skjedd dødsulykke grunna skred og andre trafikale årsaker. Konklusjon "Utan at noko vert gjort vil det være vanskeleg å nå nullvisjonen og samtidig oppretthalde naudsynte og kritiske samfunnsfunksjonar, i vestre del av Sunnfjord". Samarbeidsforum i Sunnfjord (SIS) krev skredsikring av Rv5. mellom Naustdal og Florø med: - SIS ber om at det straks blir iverksatt skredsikring på strekninga Førde-Flora. - Den totale løyvinga til rassikring må aukast. - Dette må innarbeidast i NTP for perioden Vegstrekningane, Naustdalsstranda og Leversundet, har så høg skredfaktor at det må setjast i verk tiltak som er gode nok til å ivareta trafikksikkerheita til bilistane samt samfunnssikkerheit. Riksvegen innehar Funksjonsklasse A. Vegen er ein sterkt trafikkert og er ein viktig vegforbindelse i regionen. Dette gjeld også for naudetatane som har felles funksjonar mellom kommunane. Rv.5 mellom Førde og Florø er for desse einaste vegalternativ. Vi støttar fagetatane sitt framlegg til skredsikring i NTP og dei prioriteringane som ligg der, jfr. Framdriftsplanen vedlegg 4. SIS vil også be Statens vegvesen om å prioritere skredsikring av Naustdalsstranda og Leversundet i NTP sitt handlingsprogram for perioden Florø Samarbeidsforum i Sunnfjord Oddmund Klakegg Ordførar i Jølster Kommune Olve Grotle Leiar i SiS og ordførar i Førde kommune Mathias Råheim Ordførar i Gaular Håkon Myrvang Ordførar i Naustdal Ola Teigen Ordførar i Flora Kommune Vedlegg 1.: Dokumentasjon for ras og trafikkulykker på Rv.5 mellom Førde og Florø. Vedlegg 2.: Pressemelding frå SIS. Vedlegg 3.: Rv 5, HP 18, Km 8,568. Steinsprang frå Rennehamrane. Vurdering av skredfare og vidare tiltak.

3 Vedlegg 4.: Rapport: "Skredsikringsbehov for riks- og fylkesvegar i Region vest". Vedlegg 1. Kartet nedanfor viser vegstrekninga mellom Førde og Naustdal. Skredvika er sterkt representert med skred. I følgje rapport om Skredsikringsbehovet for riks- og fylkesvegar i Region vest, jf. Pkt.6 Skredsikringsbehov har vegstrekninga ved Skrevika fått skredfaktor 5,3. Kartet nedanfor viser vegstrekninga ved Leversundet og steinskred. I følgje rapport om Skredsikringsbehovet for riks- og fylkesvegar i Region vest, jf. Pkt.6 Skredsikringsbehov har vegstrekninga ved leversundet fått skredfaktor 5,5.

4 Kartet nedanfor syner trafikkulykker på Rv5. mellom Førde og Florø frå år 2000 og fram til d.d. Vegstrekninga mellom Førde og Naustdal er strekt utsatt for trafikkulykker.

5