Gloppen kommune. Møteinnkalling. Utval: Formannskapet Møtestad: Hyen Samfunnshus Dato: Tid: Kl. 14:30

Transkript

1 Gloppen kommune Møteinnkalling Utval: Formannskapet Møtestad: Hyen Samfunnshus Dato: Tid: Kl. 14:30 Den som har lovleg forfall eller er ugild i nokon av sakene, må melde frå så snart råd er til tlf eller til servicetorget@gloppen.kommune.no slik at varamedlem kan bli kalla inn. Varamedlem møter etter nærare innkalling. Dette er eit ekstramøte, som blir rett etter kommunestyremøtet, for å avgjere to dispensasjonssaker frå kommuneplanen. Sakene blir først behandla i MULTEK-utvalet den 12. juni. Deira tilråding blir lagt inn i sakene når møtet er halde. Sakliste Sak nr. Sakstittel 065/17 Godkjenning av møteprotokoll, innkalling og sakliste 066/17 Frådeling av hyttetomt på Solheim - dispensasjon frå kommuneplanen 067/17 Oppføring av naust og kai - dispensasjon frå kommuneplanens arealdel og 100 metersbeltet forbodet mot tiltak langs sjø og vassdrag Sandane, 7. juni 2017 Leidulf Gloppestad ordførar Jan Kåre Fure rådmann

2 Gloppen kommune Arkiv: FE JournalpostID: 17/8218 Saksbehandlar: Jan Kåre Fure Saksnr. Utval Møtedato 065/17 Formannskapet Godkjenning av møteprotokoll, innkalling og sakliste Ordføraren si tilråding: 1. Formannskapet godkjenner møteboka frå sitt møte den 8. juni Formannskapet godkjenner innkallinga og saklista til møtet den 15. juni Møteprotokollen frå siste møtet blir lagt fram til godkjenning. Samstundes ber ordføraren om godkjenning av innkallinga og saklista til dette møtet.

3 Gloppen kommune Arkiv: GBNR - 25/6, FA - L33 JournalpostID: 17/7541 Saksbehandlar: Bjørn Aurlien Saksnr. Utval Møtedato 039/17 MULTEK-utvalet /17 Formannskapet Frådeling av hyttetomt på Solheim - dispensasjon frå kommuneplanen Vedlegg i saka: Situasjonsplanar Rådmannen si tilråding Formannskapet vedtek med heimel i plan- og bygningslova 19-2 dispensasjon frå bygge- og deleforbodet i LNF-område slik at det kan delast frå hyttetomt frå gbnr. 25/6. Vedtaket er grunngjeve med at delinga ikkje er vesentleg i konflikt med landbruks-, natur- og friluftslivverdiar, og at det heller ikkje er andre arealbrukskonflikter knytt til dispensasjonen. Formannskapet set følgjande vilkår for dispensasjonen: Tomtestorleik skal avgrensast til om lag 600m2. Ålmenta skal sikrast tilkomst til vatnet Ved utbygging på tomta skal det leggjast vekt på å gjere små terrenginngrep, og hytta skal tilpassast terrenget og omgjevnadene elles. Saksutgreiing Bakgrunn for saka Olav Kåre Solheim har søkt om å få dele frå ei hyttetomt på om lag 1 dekar til sonen sin. Sidan tomta ligg i LNF-område er det også søkt om dispensasjon frå bygge- og deleforbodet i kommuneplanen. Fakta i saka I dispensasjonssøknaden skriv Solheim at tomta det blir søkt om ligg i eit område der det tidlegare er frådelt hytte- og hustomter. Frådeling vil ikkje vere til hinder for drifta på garden. Sonen har sterk tilknyting til Solheim, og er aktiv med i jaktlag og fritidsaktivitetar der. Han ser for seg at han kjem til å vere på Solheim i feriane og helgene når hytta står ferdig. Det ligg ved løyve frå Statens vegvesen til utvida bruk av avkøyrsle frå fv Søknaden er sendt fylkesmannen og fylkeskommunen til uttale. Fylkeskommunen har ikkje merknader ut frå omsyn til kulturminne, då tomta ligg i område med mykje berg i dagen. Fylkesmannen meiner hyttebygging i hovudsak bør plasserast i område avsett til hyttebygging i kommuneplanen. Dei minner om kriteria for dispensasjon og at det ikkje skal vere kurant å fråvike kommuneplanen. Dei meiner søknaden er grunngjeven utifrå individuelle forhold, som normalt ikkje gjev grunnlag for dispensasjon. Vidare minner dei om at dei miljørettslege prinsippa i naturmangfaldslova 8-12 skal leggjast til grunn. Konkret til søknaden peiker fylkesmannen på at her ligg fire hyttetomter frå før, tre inntil kvarandre og den fjerde 50-60m unna. Ei av desse er ubebygd. Omsøkt tomt vil stenge store delar av den

4 eksisterande passasjen ned til vatnet, mellom hyttetomtene som er her frå før. Tomta vil ligge meter frå vatnet, og dei minner om pbl. 1-8 der det står at det i 100-metersbeltet langs sjø og vassdrag skal takast særleg omsyn til natur-og kulturmiljø, friluftsliv, landskap og andre allmenne interesser. Frådeling av hyttetomt som omsøkt, vil etter deira vurdering føra til meirprivatisering av strandsona, og såleis kunna ha negative verknadar for både friluftsliv og landskap. Dei oppmoder til sist kommunen om å avslå dispensasjonssøknaden, og heller ta spørsmålet opp i samband med revisjon av kommuneplanen. Rådmannen har sendt fylkesmannen sin merknad til søkjar. Han har i samtale supplert søknaden med følgjande orientering: Han eig den ubebygde tomta i området, og dei vil måtte vurere å nytte den dersom denne søknaden blir avslått. Men i utgangspunktet er den tomta tiltenkt dottera til søkjar. Tomtestorleiken kan reduserast til om lag 600m2, slik at arealbeslaget blir mindre og tomtestorleiken blir meir som tomtene rundt. Tomteplasseringa vil ikkje vere i direkte konflikt med den passasjen som blir brukt for å kome seg ned til vatnet. Her er elles lite allment friluftsliv i området. Dei har planar om å bygge hytte mest mogleg tilpassa terrenget i området. Økonomiske konsekvensar for kommunen Ingen. Rådmannen si vurdering Ein dispensasjonssøknad skal vurderast opp mot kriteria i pbl To krav må oppfyllast for at det skal vere lovheimel til å gi dispensasjon: 1. Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. 2. I tillegg må fordelene ved å gi dispensasjon være klart større enn ulempene etter en samlet vurdering. Bortsett frå at LNF-område lett blir ein sekkepost for alt areal som ikkje er nærare vurdert, er det omsynet til landbruk, natur og friluftsinteresser som skal vege tyngst i desse områda. Rådmannen registrerer at fylkesmannen meiner argumenta som er brukt i saka er av privatrettsleg karakter, og ikkje bør tilleggast vekt. Rådmannen kan dels vere samd i dette. På den andre sida er det litt overraskande at fylkesmannen i denne saka ikkje har vist til sin generelle uttale til dispensasjonssaker, der det i punkt som gjeld frådeling av hyttetomt i LNF-område mellom anna står: Viss ein likevel vurderer å tillate bygging av enkelthytter i strid med overordna plan, ser vi det i dei fleste tilfelle som minst konfliktfylt om dei vert plasserte i tilknyting til eksisterande bygningar/hytteområde, slik at ein unngår spreidde enkelthytter...ved dispensasjonssøknader innafor 100-metersbeltet langs vassdrag tilrår vi at tomta/hytta vert trekt godt attende frå vasskanten. Rådmannen meiner plasseringa er akseptabel både ut frå at området alt er prega av hytteb ygging og at avstanden til vatnet er tilstrekkeleg. Vidare er tomta ikkje i konflikt med landbruksinteresser eller kulturminne, og ingen naboar har merknader til søknaden. Det er vanskeleg å sjå at tiltaket reelt sett er i konflikt med allment friluftsliv. Vurdering etter naturmangfaldslova: 8 Kunnskapsgrunnlaget. Søk i naturbase og artskart har ikkje avdekt spesielle naturkvalitetar. Tomta ligg i område med glissen skog og ein del fjell i dagen, som er ganske typisk for eit større område. Kunnskapsgrunnlaget blir vurdert som tilstrekkeleg. 9 Føre-var-prinsippet er ikkje relevant når kunnskapsgrunnlaget er tilstrekkeleg.

5 10 Økosystemtilpasning og samla belastning. Tomta ligg tilknytt andre hyttetomter i eit område mellom veg og vatn. Det er vanskeleg å sjå at vurdering etter 10 er særleg relevant. 11 Kostnader ved miljøforringelse. Tiltaket vil i liten grad føre til miljøforringelse. 12 Miljøforsvarlege teknikker og driftsmetoder. Rådmannen tilrår at det blir gitt dispensasjon med krav om å avgrense terrenginngrepa så mykje som råd. Om fordlane ved ein dispensasjon er klart større enn ulempene kan sjølvsagt diskuterast. Dersom privatrettslege forhold ikkje skal tilleggast vekt, er det vel nesten uråd å kunne imøtekome ein dispensasjonssøknad for ei hyttetomt. I LNF-område har vurderinga i tilsvarande tidlegare saker vore avgrensa til å vurdere potensielle arealbrukskonflikter, og rådmannen meiner ulempene ved å imøtekome søknaden er ubetydelege.

6 Gloppen kommune Arkiv: GBNR - 66/2, FA - L42, HIST - 12/1749 JournalpostID: 17/7546 Saksbehandlar: Ove Solås Saksnr. Utval Møtedato 050/17 MULTEK-utvalet /17 Formannskapet Oppføring av naust og kai - dispensasjon frå kommuneplanens arealdel og 100 metersbeltet forbodet mot tiltak langs sjø og vassdrag Vedlegg i saka: Vedlegg 2 Situasjonsplan 66 2 Gloppestad Mars 2017 Kort samandrag av saka Rådmannen tilrår at det blir gitt dispensasjon for å bygge kai og avslag til å bygge naust på gbnr. 66/2 Gangstøneset ved Gloppefjorden. Rådmannen si tilråding Formannskapet gir i samsvar med plan- og bygningslova 19-2 dispensasjon frå byggeforbodet i LNFområde i kommuneplanen og 100-metersbeltet forbodet mot tiltak langs sjø og vassdrag jf. pbl. 1-8 for oppføring av den minste kaien på gbnr. 66/2. Dispensasjonen er grunngjeven med at det har vore kai der over lengre tid og det er fleire stader langs Gloppefjorden oppført kai av tilsvarande storleikar. Formannskapet avslår med heimel i plan- og bygningslova 19-2 søknad om dispensasjon frå byggeforbodet i LNF-område i kommuneplanen og 100-metersbeltet forbodet mot tiltak langs sjø og vassdrag jf. pbl. 1-8 for oppføring av naust på gbnr. 66/2. Grunngjevinga er omsynet til bygde og naturlege omgjevnader, då omsøkt naust blir for stor og dominerande samanlikna med andre naust i Nordstranda. Saksutgreiing Bakgrunn for saka A. Utvik AS har på vegne av Dag Apalseth søkt om å føre opp naust og kai på gbnr. 66/2 Gangstøneset ved Gloppefjorden. Utbygginga er i LNF område og det blir derfor søkt om dispensasjon etter pbl. Kapittel 19 frå kommuneplanens arealdel og frå 100-metersbeltet forbodet mot tiltak langs sjø og vassdrag jf. pbl Fakta i saka Plansituasjon: Gjeldande plan er kommuneplanens arealdel vedteken Området er regulert til LNF område. Tiltaket er derfor i strid med gjeldande plangrunnlag. Søknad: Søknaden omhandlar oppføring av naust til lagring av båt, kajakk, kano, fiskereiskap og kassar til frukt og kai utforma som ein vorre til ombord- og avstigning på gbnr. 66/2. Der har det vore naust truleg sidan 1700-talet som har blitt flytta på og kai sidan 1940-talet. På grunn av klimatiske påverknadar ønskjer tiltakshavar å byggje nytt naust og utvide eksisterande kai som skal tåle uver slik at det vil bli

7 enklare for grunneigar og familie å bruke fjorden. Statens vegvesen har gjeve dispensasjon frå byggegrense til veg for naust/lagerbygning der minste avstand frå takutspring til senterline køyreveg må vere minst 7 meter. Søknaden er nabovarsla til omkringliggjande eigedommar og sendt til Fylkesmannen til uttale. Fylkesmannen har ikkje innvendingar mot det omsøkte naustet på 112 m2 BYA, men rår til at kommunen stiller vilkår om at altan/utkraging ikkje skal vere tillate, og at vindaugsarealet si dagsflate ikkje skal overstige 3 % av hovudplanet sitt bruksareal, samt at ved oppføring av naust skal leggast vekt på å minimere inngrepa i strandkanten. Fylkesmannen er negativ til kaien og begrunner med at det vil gå ut over biologisk produksjon og mangfald. Fylkesmannen legg ved at grunne område er viktige beiteområde for sjøaure. I opprinneleg søknad datert vart det søkt om ein kai med ei høgde på 1,5 meter heile vegen, som skulle vere 3 meter brei og 18 meter lang. Dette inkluderte 5 meter med trappetrinn frå nedre del av avkøyring mot kaien. Fylkesmannen rådde i fråsegn datert til å finne eit mindre konflikfylt område med tanke for å etablere eit større felles kaianlegg. Fylkesmannen gav og uttykk for at det kunne vere aktuelt å diskutere flytebrygge. I den justerte søknaden datert grunngjev tiltakshavar at flytebrygge ikkje er noko god løysing på grunn av det vil bli utfordrande å feste flytebrygge skikkeleg, og det har tidlegare vore problem med tauforankra båtar som har løsna, samt at forankringa også kan påverke artsmangfaldet. Det er søkt om mindre tiltak der lengda på kaien redusert frå 18 til 11 meter. Det betyr at den skrånande vorren er redusert frå 13 til 6 meter samanlikna med tidlegare søknad. Fylkesmannen er negativ til den justerte søknaden sjølv om kaien er redusert og begrunner at tiltaket vil bygge ned gruntområde som vil gå ut over biologisk produksjon og mangfald og oppmodar kommunen til å finne eit anna område for felles kaianlegg ved kommuneplanrevisjon. Økonomiske konsekvensar for kommunen Ingen. Rådmannen si vurdering Plan- og bygningsloven 19-2 seier mellom anna: «Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering.» Det har ikkje kome merknader frå naboeigedomane. Fylkesmannen derimot har vore sterk kritisk til kaien på grunnlag av fisk og artsmiljøet som er der sjølv om tiltakets omfang er redusert. Fylkesmannen har ikkje merknader til søknad om dispensasjon for naust. Rådmannen vurderer at søknad om oppføring av kai med justert minste storleik bør la seg gjennomføre, sjølv om fylkesmannen er i mot tiltaket. Det blir vist til at det har vore kai på tomta med denne omtrentlege storleik sidan 1940-talet, og at søknaden er knytt til ei gjenreising av denne kaia. Fråsegna frå fylkesmannen synes generell og lite konkret i si vurdering av det omsøkte tiltaket. Rådmannen viser til at det er etablert fleire kaiar i området og at det aktuelle tiltaket ikkje vil påverke gruntområde for sjøaure i særleg grad. Tiltaket vil etter rådmannen sin vurdering gjere Gloppefjorden meir attraktiv og livleg for allmenta, samt at eigedommen blir enklare å bruke for grunneigar og familien. På denne bakgrunn meiner rådmannen at «fordelene» ved å gje dispensasjon er «klart større enn ulempene etter en samlet vurdering», jf. pbl Når det gjeld naustet er rådmannen kritisk på grunn av storleiken samanlikna med andre naust langs

8 Nordstranda. Bygningar som blir oppført i LNF område skal ha tilknytning til stadbunden næring og naustet er tenkt som lagringsplass for fritidsutstyr. Rådmannen har forståelse for at tiltakshavar ønskjer naust og meiner det kan søkjes om dispensasjon for naust i LNF område, men då bør den vere nokolunde lik størrelse som eksisterande nauster langs Nordstranda. Etter ei samla vurdering finn rådmannen at vilkåra for å gje dispensasjon for oppføring av naust ikkje er oppfylt, jf. pbl