Nystarta leirskule -med ledig kapasitet i 2012

Transkript

1 Nystarta leirskule -med ledig kapasitet i 2012 Runde kystleirskule har teke i mot leirskuleelevar heilt sidan Gjennom 30 år med leirskuledrift har om lag elevar vore innom skulen og fått lære om livet på Runde; havet, fjøra, fuglelivet, plantelivet og historia til menneska som bur her. I 2010 fekk leirskulen nye eigarar, som i samarbeid med pedagogisk personale arbeidar med vidareføring og vidareutvikling av Runde kystleirskule.

2 Skatteøya vest i havet Runde grensar til storhavet heilt vest i Noreg. Øya ligg i Herøy kommune på Sunnmøre, og er truleg mest kjend for fuglelivet. Fuglefjellet på Runde er det største i SørNoreg og det mest artsrike i landet. Her kan ein både oppleve mengder av sjøfugl på nært hald i hekketida og sjeldne gjestar på trekk vår og haust. Store delar av Runde er naturreservat, med vernereglar for fugleliv, botanikk og geologi. Øya har eit frodig planteliv, i nærleiken av øya kan ein oppleve selkoloniar, og i havet rett utanfor Runde finst viktige gytefelt, mellom anna for verdas største fiskebestand: norsk vårgytande sild. Historia til menneska som lever på Runde er prega av at naturen her er både rik og verhard. Her har fiskarbonden i uminnelege tider og heilt fram til i dag forvalta eit særeige kulturlandskap på land, samtidig som øya har vore eit viktig støttepunkt for skipstrafikken langs norskekysten, med Noreg sin 3. eldste fyrstasjon og losbygda Goksøyr. Runde har ein rik forteljartradisjon, og mange av segnene som har levd i folkeminnet her handlar om skipsforlis i farvatna rundt øya. I 1972 kom ei av dei gamle historiene for dagen igjen, då sportsdykkarar fann restane etter skipet Akerendam, med det som no er kjent som Rundeskatten. Nesten sølv- og gullmyntar vart henta opp i det som er eit av verdas rikaste myntfunn. Slik er Runde ei ekte skatteøy, av både natur og kultur.

3 Ein spennande stad å lære... Å besøkje Runde er ikkje berre spennande, men også lærerikt. Vi ynskjer at elevane som kjem til leirskulen skal få eit møte med øya Runde som ein biotop for alt liv, mennesket medrekna.her er både naturopplevingar og opplevingar av lokal kultur og forteljartradisjon viktige delar av heilskapen. Eit hovudmål for opphaldet er at elevane skal få lære om samspelet og mangfaldet i naturen og utvikle forståing for mennesket sin plass i naturen. Leirskuledagane legg opp til mykje fysisk uteaktivitet, der elevane kan få oppleve meistring både gjennom å flytte eigne grenser, og gjennom å få ta i bruk alle sansane i ute kystnaturen. Gjennom dei ulike formidlingsopplegga vektlegg vi at elevane skal tileigne seg både praktisk kunnskap og forståing. Undervisninga er knytt til læreplan og kompetansemål i naturfag, samfunnsfag, kroppsøving og mat og helse. Dagsemne: Fuglelivet på Runde, med fugleobservasjon i nokre av fuglebiotopane på øya. Livet i havet og fjøra, med båttur til fuglefjellet og selkoloniane ved Grasøyane Lokal- og kysthistorie, med tur over fjellet til Runde fyr og området der Rundeskatten vart funnen.

4 ...ein kjekk stad å vere Leirskulen er ikkje berre ein skule, men også ein heim for elevane som bur her frå mandag til fredag. Ved Runde kystleirskule har vi kapasitet til å ta imot inntil 100 elevar samtidig. Dermed vil elevane som kjem hit få høve til å vere saman med og knyte vennskapsband med elevar frå skular andre stader i landet. Den sosiale dimensjonen ved ei leirskuleveke er viktig. Det sosiale fellesskapet ved leirskulen er ein rikdom, men krev også samarbeid frå dei som kjem hit.gjennom veka får elevane tildelt oppgåver på kjøkenet og internatet som er viktige for at leirskulen skal fungere. Slik får elevane arbeide for og vere til nytte i fellesskapet. Men leirskule inneber også fritid frå undervisning og andre plikter. Då går det an å fiske med stang i sjøen, spele brettspel, ballspel, eller kanskje noko heilt anna?

5 Haust eller vår? Sesongen ved Runde kystleirskule varer frå april til oktober. På Runde skiftar veret raskt, og leirskuleveka vil alltid måtte tilpassast forholda som naturen byr oss.dagsemna er i større og mindre grad veravhengige, og med sesong frå april til oktober er det dessutan slik at leirskuleopphaldet vert forma av dei ulike årstidene. Våren er tida då du kan få møte ein kystnatur som blømer av liv; å få kome til fuglefjellet og oppleve hekkande sjøfugl er ei stor oppleving og noko som elevane kan sjå fram til og gle seg til gjennom vinteren. Hausten er tida då makrellstimane jagar langs land, krabben går i teinene og trekkfuglane gjestar øya på veg sørover. Eit leirskuleopphald på denne tida av året kan gje elevane eit positivt utbyte både fagleg og sosialt, som klassen kan bygge vidare på gjennom resten av skuleåret.

6 Fasilitetar Vi har som mål at alle som kjem til oss skal få oppleve ei trygg og positiv leirskuleveke på Runde. Bygningsmassen er universelt utforma, og vi er særleg heldige som har ein sjukepleiar i staben. Sidan eigarskiftet har matsal, klasserom og opphaldsrom ved leirskulen vorte pussa opp. Lokala har eit maritimt preg som gjer leirskuleopphaldet til ei spesiell oppleving, og frå matsalen har ein fri utsikt mot storhavet, skipsleia og kanskje solnedgangen. Kontakt/meir informasjon Alle elevar har rett til eit leirskuleopphald i løpet av grunnskuleopplæringa (jfr. Opplæringslova 2-3 fyrste ledd). Det finst statlege tilskotsordningar som skal stimulere kommunane til å gje alle elevar eit opphald på leirskule. Skular som kjem til Runde kystleirskule har difor rett på statleg refusjon av utgifter til opphaldet, etter fastsette satsar. Runde kystleirskule har ledig kapasitet i Vi svarar gjerne på dine spørsmål og førespurnader. Ta kontakt med oss: Runde kystleirskule Telefon: E-post: leirskule@christineborg.no