Vi har ein aktiv kulturskule som er engasjert som eit ressurssenter i kommunen. I tillegg har vi vaksenopplæring og Gangstø Ressurssenter.

Transkript

1 Årsmelding for Fjell vaksenopplæring Innleiing/samandrag Vi har ein aktiv kulturskule som er engasjert som eit ressurssenter i kommunen. I tillegg har vi vaksenopplæring og Gangstø Ressurssenter. Kvaliteten i skulen vert vurdert i høve til struktur, prosess og resultat. Vi nyttar ulike kartleggingar, elevundersøkinga og nasjonale prøvar for å få eit godt grunnlag for resultatmåling og evaluering. «Framtidsskulen i Fjell» - ein skule med læringsfremjande tiltak bygd på forskningsbasert kunnskap. Grunnskuleopplæringa i Fjell kan sjåast på som ein samanfatning av 5 sentrale faktorar som til saman skal stimulere til læring: 1) Eleven Alle elevar i Fjell skal oppleve skulen som ein plass der dei trivst og utviklar seg i tråd med eigne evner og føresetnader både fagleg og sosialt. 2) Læraren I Fjell har vi lærarar som legg vekt på gode relasjonar til elevar og foreldre, og som driv undervisning ut frå høg fagleg kompetanse og i dialog med den einskilde elev. 3) Skuleleiinga I Fjell har vi skuleleiing som legg vekt på gode relasjonar til tilsette, elevar og foreldre, og som driv skulen ut frå høg fagleg kompetanse og i dialog med den einskilde medarbeidar. 4) Læringsarenaen Læringsarenaene i Fjell står fram som gode, motiverande og velutstyrte. 5) Heimen 1

2 Godt samarbeid mellom skule og heim. 1.1 Læringsleiing Den overordna satsinga innan pedagogisk utviklingsarbeid er sidan 2015 samla i omgrepet «læringsleiing.» Innanfor læringsleiing ligg dei tre satsingsområda i Fjellskulen fram til 2020: 1. Grunnleggjande ferdigheitar 2. Vurdering for læring 3. Elevane sitt læringsmiljø 1.2 Insight Fjellskulen nyttar Insight (Puls) som leiingsverktøy for kvalitetsutvikling. Insight innhentar datamateriale frå ulike kjelder, som t.d. SSB, SATS, PAS, Skoleporten, GSI, Elevundersøkinga, Nasjonale prøvar og kartleggingsprøvar i Engage (Vokal). Gjennom gode pedagogiske utviklingsprosessar mellom leiinga og lærarane skal ein arbeide mot stadig betre nivå innan dei kommunale satsingsfelta for skule: LÆRINGSLEIING 1) Vurdering for læring 2) Læringsmiljø 3) Grunnleggande ferdigheiter Arbeidet vert koordinert av Insight-koordinator ved skulesjefen. 2

3 1.3 Framtidsskulen Framtidsskulen i Fjell skal vera eit samla plandokument for Fjellskulen, der kompetanse for framtidas skule er gjort synleg gjennom overordna tema, satsingsområde og konkrete eksempel. Framtidsskulen i Fjell er inndelt i tre hovuddelar: 1. Elevens vel 2. Elevens læring 3. Kollektiv kapasitet Arbeidet med «Framtidsskulen» skal vidareførast og implementerast i organisasjonen i løpet av 2017/ Trygg i Fjell Skulesjefen har sidan 2014 intensivert arbeidet for å få etablert betre verkemiddel mot mobbing og krenkande åtferd mellom elevane. Tiltaket er kalla «Trygg i Fjell» og vert organisert gjennom ei fagleg kompetansegruppe og ei brei referansegruppe samansett av ulike representantar (politikarar, elevar, foreldre, idrett, skule.) Arbeidet vert vidareført og i 2017 vert det arrangert ein stor konferanse «Saman mot mobbing», for elevar, lærarar, foreldre og andre målgrupper. Kunnskapsministeren, Bruk Hue, og relevante fagpersonar deltek også på konferansen. 3

4 1.5 Skule og forsking Skulesjefen i Fjell legg sterk vekt på at utviklingsarbeid og kompetansebygging skal skje i nært samarbeid med høgskule, universitet og forskningsinstitusjonar. Difor har vi i Fjell samarbeid med UIB, NLA, Sintef, HIB, HSH, VilVite og Nasjonalt senter for læringsmiljø og oppvekst i Stavanger. Gjennom forskningsprosjektet «Dale Oen Experience» og YouExplore på ungdomstrinnet, har ein samarbeid på forsking frå ulike land og organisasjonar (Norge, Russland, USA og NASA). I høve til språk er Fjell kommune inne i eit større forskningsprosjekt om nynorsk språk og målform saman med UIB. Skulesjefen har også samarbeid med Sintef omkring prosjekt med å bruke miljøterapeutar i skulen. 1.6 Den raude tråden Skulesjefen er oppteken av samanhengen i opplæringa frå barnehage til yrkesliv. Målsetjinga er betre læringsutbytte og å minske fråfallet frå utdanningsløpet. Derfor er samarbeid og overgongane mellom dei ulike læringsarenaene viktig for å støtte ei god utvikling for den einskilde elev. I tillegg til samarbeid med barnehage har skulen i Fjell sidan 2015 etablert eit sterkare samarbeid med vidaregåande skule og næringslivet. Det er og etablert eit godt samarbeid mellom skulen og Kunnskapsbyen i Vest og VNR. 1.7 Digitalisering i skulen Som del av eit framtidsretta samfunn er det viktig å førebu elevane til deltaking i eit digitalisert arbeidsliv og kvardag. Prosjektet med digitale klassar er etablert på ungdomsskulane og fire av barneskulane, og dette vert vidareført og utvida fram mot Fjell vaksenopplæring ynskjer å få vere med i prosjektet med digitale klassar. Vi har hatt eit prøveprosjekt på skulen med nettundervisning i tillegg til ordinær undervisning for to klassar på dagtid og to klassar på kvelden. Dette må det arbeidast vidare med både i leiinga og på lærarnivå for å få deltakarane til å forstå nytten de kan ha av dette verktyet. 4

5 2. Personale Visjon: Vaksne sine kunnskapar er nøklar til deltaking i arbeid og samfunnsliv. Mål: Arbeidet ved Fjell vaksenopplæring skal kjenneteiknast av eit bevisst læringssyn, kunnskapssyn og eit godt lærings- og arbeidsmiljø. Deltakarane skal lære norsk og samfunnskunnskap for å kunne ta del i arbeid, studiar og samfunnsliv. Delmål: Vårt mål er å utvikle eit læringsmiljø som stimulerer til utvikling, læring og auka livskvalitet. Vi ønskjer å bidra til å gi den einskilde respekt, fellesskap og moglegheit til å høyre til i samfunn, kultur og tradisjonar. Fjell vaksenopplæring har opplæring for vaksne etter opplæringslova Voksnes rett til opplæring etter opplæringslova kapittel 4A og Lov om introduksjonsordning og norskopplæring for nyankomne innvandrere (introduksjonsloven). I tillegg har vi opplæring i norsk og samfunnskunnskap etter 17 Rett og plikt til deltagelse i opplæring i norsk og samfunnskunnskap. Nokre av deltakarane har rett og plikt til denne opplæringa, mens andre må betale for undervisninga. Dette skuleåret er det to deltakarar som går på grunnskuleopplæring, ein i Bergen og ein på Askøy. Ein deltakar går på fulltid på vidaregåande, mens to får opplæring i norsk på FV og fagutdanning på vidaregåande. Ein elev får spesialundervisning på FV og ein på arbeidssenteret. Dei fleste får opplæring i norsk og samfunnskunnskap på dagtid, men vi har frå november 2015 også hatt opplæring i norsk på to ulike nivå to kveldar i veka. Totalt har det vore 141 deltakarar på norskkurs. Samfunnskunnskap skal deltakarane ha på morsmålet. Gjennom vinteren og våren har vi hatt to kurs i arabisk, to i engelsk og eit i tigrinja. Vi har selt kursplassar til Sund og Øygarden kommune. Dei andre språka har ikkje hatt nok deltakarar til at det svarer seg å drive eige kurs. Då har vi kjøpt kursplassar på Nygård skole i Bergen. Våren 2017 har vi hatt deltakarar som har meldt seg opp til «Statsborgarprøven». Denne prøven må gjennomførast på norsk på A2 nivå. Vi har gjennomført denne prøven to gonger i løpet av våren. Opplæringa på FV føljer Opplæringslova, Det felles europeiske rammeverket for språk: Læring, undervisning, vurdering og Læreplan i norsk og samfunnskunnskap for vaksne innvandrere. Rektor Odd Steinar Gjøsæter søkte permisjon for skuleåret 2015/2016. I hans stad vart Britt Eide Knudsen konstituert som rektor frå til Frå vart Nina Håvik Pettersen tilset som ny rektor. Rektor har hatt drøftingar med «Plangruppe» som har bestått av: Rektor Britt Eide Knudsen, rådgjevar Odd Steinar Gjøsæter, ATV Marit Bendiksen Bergfjord og verneombod Unni Madsen. Nytt medlem i gruppa er vara verneombod Linda Kvamsholm Larsen. Vi har hatt 150 % tilsett logoped. 20 % har vorte brukt av PPT/Barnehagesjefen utan at vi har fått dekket lønskostnadar for dette. Frå vil vi ha ein logoped i 100 % ved Fjell vaksenopplæring. Vi har hatt ni faste og fem mellombels/vikarar i pedagogstillingar. Vikarane har blitt leid inn på grunn av at vi fekk førespurnad frå Monika Pedersen, som hadde fått i oppdrag frå Rådmannen, om vi kunne auke timetalet i norskopplæring torsdag og fredag kl. 13:00 14:30. Desse lønskostnadene er blitt dekket frå Helsesjefen. Vi gjennomført «Intro skole» i grunnskulen sin vinterferie, påskeferie, haustferie og sommarferie (ikkje i juli). Programrådgjevarane har hatt ansvar for deltakarane som er i «Introprogrammet» når skulen har hatt planleggingsdagar og norskprøvar (eksamen). Pr vil vi ha totalt 13,4 årsverk. Vi har ein medarbeidar som er i arbeidspraksis som sekretær. Han er i 50 % mellombels stilling med lønstilskot frå

6 til Han har vore ein ressurs for skulen, og rektor anbefaler at han blir tilsett i fast stilling frå I tillegg kjem ringevikarar, assistent som blir dekka av helsesjefen og morsmålslærer som det er søkt om ekstra ressursar til hos IMDI. Rektor har hatt medarbeidarsamtalar med alle i personalet hausten 2016 og våren Personalet gir uttrykk for god trivsel og gode fysiske arbeidsforhold. Dei fleste nemner at det er behov for eit ekstra grupperom. Vi har hatt FELLESTID onsdag og torsdag frå kl. 13:00 15:00 med utviklingsarbeid og personalmøte. Frå omorganiserte vi slik at FELLESTIDEN ble lagt til onsdag kl. 11:00 15:00. Dette blei evaluert på møtet med programrådgjevarane Både skule og programrådgjevarane håper at denne ordninga kan fortsette fordi programrådgjevarane får betre tid til kurs med deltagarane og skolen får brukt FELLESTIDEN på en meir effektiv og samanhengande måte. Personalet er: Britt Eide Knudsen rektor i 100 % stilling. Unni Madsen - merkantil i 50 % stilling. Nils Bjarte Særl merkantil. 50 % mellombels stilling frå med lønstilskot. Odd Steinar Gjøsæter rådgjevar/språkpraksis/undervisning/ikt-ansvar/legg til rette for eksamen i 100 % stilling. Logoped i 100 % stilling Lærarstillingar fast tilsett totalt 940 %. Lærarstillingar midlertidig totalt 83 %. Skulen har hatt fleire besøk av ordførar, rådmann, fylkesmann og representantar frå fylkesmannen for å få informasjon om skulen sin organisering. Vi har lagt stor vekt på at FV er ein arbeidsplass som skal organiserast med feriar og arbeidsuke som arbeidslivet for alle deltakarane som er på Intro. Deltagere som har «rett og plikt» og som er på betaling har ferie som grunnskolen. 3. Elevmiljø Vi har, med unntak av nokon får deltakarar som det er store utfordringar med, eit godt miljø med deltakarar frå mange land og med ulike kulturar, språk og religionar. Dei er, etter kartlegging, delt i klassar etter spor 1-3 (utdanning og tidlegare skulegang) og nivå (norskkunnskapar). FV har eit godt samarbeid med dei tilsette på «Kraftsenteret». Rektor og rådgjevar har faste møter med programrådgjevarane på «Intro» kvar månad. Dette er for å kunne drøfte sakar som gjeld deltakarane og for å kunne kome fram til ei felles forståing av utfordringane. Det er oppretta ansvarsgrupper der ein ser det er naudsynt. Ansvarsgruppene er organisert av helsesøster. Det blir brukt tolk. Representantar er den aktuelle deltakaren, helsepersonell, programrådgjevar og rektor på FV. Rektor har oppretta eit «Deltakarråd». Det er valt ein representant og ein vararepresentant frå kvar klasse. Det har vore to møter 2016/2017. Rektor og rådgjevar møte frå skulen. 6

7 4. Undervisning og læring Skulen har norskundervisning måndag til fredag frå kl. 09:00-12:30. I tillegg er det «fordjuping i norsk» frå kl. 13:00-14:30 måndag og tysdag. Frå også torsdag og fredag frå kl. 13:00 14:30. Frå er det undervisning måndag, tysdag, torsdag og fredag kl. 09:00 14:30. Onsdag kl. 09:00 10:30. I desember og mai/juni har vi organisert skriftleg og munnleg norskprøve (eksamen) for våre eigne deltakarar og for privatistar. Prøvene er nasjonale og sensuren blir kunngjort i PAD. For våren 2017 er sensuren Samfunnskunnskapsprøvene blir tatt fortløpande. 5. Læringsresultat Skulen har to norskprøver (eksamen) i desember og mai/juni. Vi har hatt gode resultantar, men på grunn av at det er kommet mange innvandrarar til Fjell kommune med liten skulebakgrunn er resultata noko lågare enn tidligare våren Vi har gjennomført samfunnskunnskapsprøver, som er på morsmålet, med svært godt resultat. 6. Fysisk miljø og læremiddel FV er blitt eit utstillingsvindaug med vitjing av fylkesmann, ordførar, rådmann, politikarar, skulesjef, helsesjef og andre interesserte. Vi har fem store klasserom, to små og stort fellesareal. Dette viser seg å eigne seg godt både til undervisning og som pauserom. Administrasjonsavdelinga i 3. etasje inneheld resepsjon, fire kontor, konferanserom og kantine. Læremiddel er etter loven gratis. 7

8 7. Timeressursar og organisering Lærarane følgjer undervisningsressursen til norsk på ungdomstrinnet. Bunde arbeidstid er 28 timar pr. veke, som inneheld 15 timar (60 min) undervisning og 4 timar til FELLESTID. Totalt bunde og ubunde tid er 42,3 timar pr. veke. FV får støtte frå IMDI. FV har «Fellestid» frå onsdag frå kl. 11:00-15: Konklusjon Reflekter omkring: - Sterke sider og utfordringar ved eigen skule - Korleis de jobbar med og skal utvikla vidare dei kommunale satsingsområda LÆRINGSLEIING 1) Vurdering for læring 2) Læringsmiljø 3) Grunnleggjande ferdigheiter Personalet på FV har hatt eit travelt, men spanande skuleår! Vi har ein godt fungerande pedagogisk organisasjon. Lærarane har gjennomført nettbasert «Vurdering for læring» i regi av Utdanningsdirektoratet. I det videre arbeidet er det satt av tid høsten 2017 i FELLESTIDEN til å arbeide med «Kollegabassert veiledning», fokus på uttaletrening, FAKTOR-10 og IKT-plan.no. Vi vil i vårt vidare arbeid utvikle organisasjonen og undervisninga til det beste for deltakarane våre. Det er viktig at både personalet og deltagere er i utvikling! Eg ynskjer ny rektor og resten av personalet lukke til med det vidare arbeidet på Fjell vaksenopplæring! Straume Britt Eide Knudsen Rektor 8