Kulturstrategi

Transkript

1 Kulturstrategi Innleiing Kulturstrategien er det overordna styringsdokumentet for fylkeskommunen sitt kulturarbeid dei neste åra. Det er styrande for dei prioriteringane som vert gjort administrativt og politisk i fylkeskommunen. Strategien skal også stimulere til utvikling av kulturfeltet i heile regionen, stimulere samarbeid med partnarskapen og gi føreseielege vilkår for kommunane og regionale samanslutningar innan kulturfeltet. Sjølve strategien er kort og viser visjon, mål, satsingsområde og strategiar som er valt. Vedlegg til strategien gir bakgrunnsinformasjon og meir opplysningar om prioriteringane. Handlingsprogram for kvart satsingsområde viser kva fylkeskommunen prioriterer å arbeide med innan kvart satsingsområde og korleis. Her vil vi også vise koplingane til budsjett og økonomiplan. Handlingsprogrammet vert rullert årleg, kvar haust. Ytringskultur som kulturpolitisk omgrep I kulturstrategien vert fokuset lagt på ytringskulturen. Dette er verksemd som har meiningsskaping og symbolsk kommunikasjon som hovudføremål, og omfattar: a) Verksemd og aktivitet knytt til materiell og immateriell kulturarv. b) Kunstnarisk verksemd i vid forstand, dvs. profesjonell kunst og kultur, populærkultur og aktivitet i det frivillige kulturlivet. Visjon I Sogn og Fjordane gir kulturaktivitet og kulturoppleving oss eit rikare liv og bygger identiteten vår!

2 Kulturpolitiske mål Sogn og Fjordane fylkeskommune sine kulturpolitiske mål i perioden er tredelt. Vi relaterer dette til regional planstrategi, kulturen sin eigenverdi og den siste delen til fylkeskommunen sin rolle. Målet for alt kulturarbeid som vert gjort i og gjennom fylkeskommunen er at: 1. Kulturlivet i Sogn og Fjordane bidreg til at folketalet aukar gjennom at fleire vel Sogn og Fjordane som bustad fordi dei: har eit godt fritidstilbod bur i livskraftige, mangfaldige og opne lokalsamfunn kan oppleve og delta i kulturlivet i lokalsamfunnet har tilgang til kulturell infrastruktur/opplevingar på profesjonelt nivå 2. Kulturlivet i Sogn og Fjordane er berekraftig gjennom: - eit desentralisert kulturtilbod i bu og opplevingsregionar der alle har tilgang til kulturell infrastruktur for kvardagskultur (den kulturelle grunnmuren) og for profesjonell kultur. - Eit variert utval av profesjonelle aktørar som samverkar med og løftar amatørrørsla - At lokalsamfunna har gode møteplassar og nettverk der alle kan delta - ein lokal produksjon av kulturuttrykk med kvalitet - eit utval av kulturinstitusjonar som gir innbyggjarane moglegheit til å oppleve profesjonelle kulturuttrykk og som gir arbeidsplassar - Kvalifiserte og kompetente kulturarbeidarar som arbeider i fylket som tilsette i det offentlege, institusjonar eller innan det frie feltet. - Kulturhistoria vår som vert tatt i vare og vidareført gjennom bruk og formidling - gode modellar for finansiering gjennom samarbeid ml. Offentleg og privat 3. Sogn og Fjordane fylkeskommune fremjar regionen sine interesser ved å målbere desse lokalt, nasjonalt og internasjonalt. Fylkeskommunen er ei sterk stemme mot sentrale styresmakter og skal sette dagsorden i aktuelle regionale utfordringar og behov.

3 Satsingsområde og strategiar Strategiane ein vel seier noko om korleis ein skal jobbe for å nå dei kulturpolitiske måla, mens satsingsområdane seier noko om kva områder vi skal prioritere for å nå dei kulturpolitiske måla. Fylkesdirektøren ser på strategiane som eit arbeidsverktøy mens satsingsområda er eit middel for å prioritere arbeidet dei neste åra. Satsingsområda skal difor avspegle prioriteringa av fylkeskommunale oppgåver og tenester på eit generelt og overordna nivå, kopla mot regional planstrategi. Seinare vert det den enkelte (avdeling, team, medarbeidar) si oppgåve å definere seg inn i satsingsområda. Handlingsprogrammet for kvart satsingsområde vil vise kva ein skal levere inn av satsingar og tiltak for å oppnå dei kulturpolitiske måla. Handlingsprogrammet vert utarbeidd hausten 2014 og skal koplast mot budsjett- og økonomiplanarbeidet. Handlingsprogrammet skal reviderast årleg. Strategiane er dei viktigaste arbeidsmåtane for å oppnå dei kulturpolitiske måla.

4 Satsingsområde KULTURARV Mål: Kulturarven vår er ein aktiv ressurs i samfunnsutviklinga Strategi i RPS: Styrke merksemd om bruk av natur og kulturarven som verdiskapar Viktige tema som må omtalast: Verdsarv-fylket! 3 statusar er unikt. Ivaretaking, bruk og marknadsføring. Kunnskapsbygging om fortida og historia vår Arkiv Kulturminnevern Språkkultur Verdiskaping Kulturturisme både for innbyggjarar og besøkande. 2. GRUNNMUREN Mål: Den kulturelle grunnmuren vert styrkt Strategi i RPS: Styrke utviklinga av lokalsamfunn med vekt på kultur, trivsel, tryggleik og god helse Viktige tema som må omtalast: Definisjon av grunnmuren: Bibliotek, kulturskule og kulturell infrastruktur. Kommunalt ansvar, men FK støtter opp om dette. Formidlingsleddet og læringsleddet i kulturlivet si verdikjede Styrke kvardagskulturen. Bu og opplevingsregionar. Breidde og kvalitet Styrke lokale utøvarar / produksjonsmiljø Tilbod til dei som fell utanfor eller til dei som treng det mest. Korleis fylle kulturhusa med eigenprodusert/stadproduserte kulturtilbod? 3. PROFESJONELL KUNST OG KULTUR (FORMDLING/AKTIVITET) Mål: Kunst og kultur er skapande og byggande krefter Strategiar i RPS: Styrke attraktiviteten til kommune- og regionsentra. Styrke grunnlaget for eit innovativt og konkurransedyktig arbeidsliv Viktige tema som må omtalast: Kulturen sin eigenverdi Profesjonelle kunst og kulturarbeidarar. Kulturnæringane sine kår Gode institusjonar som fyrtårn for kulturen.

5 Knutepunkt-fylket Profesjonelle vs. amatør Bidra til å styrke lokale utøvarar / produksjonsmiljø Korleis fylle kulturhusa med eigenprodusert/stadproduserte kulturtilbod? 4. FRIVILLIG SEKTOR Mål: Styrke frivillig sektor sine rammevilkår Strategi i RPS: Styrke frivillig sektor si rolle lokalt og regionalt. Kva er frivillig aktivitet Profesjonell amatør Styrke kvardagskulturen. Kulturmidlane Arenaer for frivillig aktivitet 5. TILGJENGELEGHEIT Mål: Eit allment tilgjengeleg kulturtilbod Strategi i RPS: Styrke utviklinga av lokalsamfunn med vekt på kultur, trivsel, tryggleik og god helse Universell tilrettelegging Mangfald i deltaking Innvandrarar og flyktningar, innflyttarar Småforbrukarar av kulturtilbod Målrette aktivitets- og opplevingstilbod til dei som treng det mest

6 Strategiar For å oppnå måla om å styrke vilkåra i kulturlivet og utvikle ein berekraftig kulturpolitikk vel Sogn og Fjordane fylkeskommune desse strategiane for eige arbeid. 1. Eit kunnskapsbasert kulturarbeid For å ta gode avgjersler må ein bygge på kunnskap og faktiske forhold. Å avdekke fakta om fagområder, initiere forsking der ein treng det og kombinere dette med praktisk erfaring vil heve kvaliteten på alt kulturarbeid i fylket. Vi vil etablere «Kulturspegelen» der ein presenterer faktatal frå Sogn og Fjordane. Denne skal vere tilgjengeleg for alle. 2. Fagleg kvalitet blant dei tilsette SFFK er ei kunnskapsbedrift og den største ressursen er dei tilsette og deira kvalifikasjonar og kompetanse. Det er viktig å behalde og utvikle den kompetansen ein har i dag gjennom moglegheit til fagleg utvikling og oppdatering. Vi skal rekruttere og stimulere til kunnskapsrike medarbeidarar med høg kompetanse. Ein skal også søkje etter komplementær kompetanse når ein rekrutterer nye medarbeidarar. 3. Digital kompetanse og formidling Kunnskapsdeling er eit viktig satsingsområde for SFFK. Arkivmateriale, fakta, kulturstatistikk og liknande skal formidlast via nye formidlingskanalar. Fylkeskommunen i Sogn og Fjordane er den beste fylkeskommunen i landet på digital kulturformidling. Vi skal utvikle gode og oppdaterte digitale tenester for kulturformidling, åleine og i samarbeid med andre fagmiljø. Alle tilsette skal ha god kompetanse på digital kulturformidling. Tenestene skal vere universelt tilrettelagt. 4. Samarbeid med partnarskapen 1 Partnarskapen vil i kultursamanheng vere kommunane, regionale lag og organisasjonar og institusjonane. Gjennom forpliktande utviklingsavtalar skal ein skape godt kulturarbeid i regionen, gode samarbeidsrelasjonar og måloppnåing. SFFK vil delta i regionale nettverk og medverke til å etablere formelle og uformelle møteplassar. Her kan ein etablere god informasjonsutveksling, koordinere ulike prosjekt/tiltak, syte for fagleg utvikling, aktiv kulturformidling, kulturproduksjon og arena for kreativitet og nyskaping. Fylkeskommunen vil gjennom eigarskap og styredeltaking påverke utviklinga av ulike kulturinstitusjonar og tiltak. Å gi føreseielege rammer for partnarskapen gjennom planarbeid og økonomiske stønadsordningar skal prioriterast. 5. Utviklingsaktør rolleavklaring i høve forvaltarrolla, tenesteleverandør og økonomisk aktør 1 Partnarskap er eit omgrep som omtalar samhandling mellom fylkeskommune og ein eller fleire eksterne, likeverdige aktørar.

7 Skal fylkeskommunen sin kultursektor reindyrke utviklingsrolla framfor rolla som forvaltar, tenesteleverandør og finansieringskjelde for regionalt kulturarbeid? Dette er ein balansegang sidan Fylkeskommunen sin rolle i dag har ein vertikal funksjon i dialogen mellom Stat fylke kommune og ein horisontal funksjon gjennom partnarskapen. Å vere ein utviklingsaktør innanfor forvaltning og tenesteyting betyr at vi må søkje å finne handlingsrommet og prioriteringane vi kan gjere for å oppnå måla i kulturstrategien. I den horisontale funksjonen er det størst rom for å drive utviklingsarbeid, og det rommet skal vi ta og ev. søke å utvide. 6. Planlegging Det er eit mål at ein utarbeider vedteke planar og handlingsprogram for alle større fagfelt. Desse skal styre prioriteringane og initiere aktivitet. Dei skal gi føreseielege tilhøve for partnarskapen og andre samarbeidspartar. Alt planarbeid skal forankrast i partnarskapen og i regionen. Det vert difor utarbeidd ein plan for vidare arbeid med utarbeiding av fagplanar. Det er særleg viktig å skissere kva regionale planar det er naudsynt å utarbeide innan kultursektoren for neste regionale planstrategiperiode som startar i 2017.

8 Vedlegg Vedlegg 1: Vedlegg 2: Vedlegg 3: Vedlegg 4: Vedlegg 5: Vedlegg 6: Handlingsprogram for satsingsområda Plan for vidare arbeid med utarbeiding av fagplanar Bakgrunnen for ein kulturstrategi for fylket Effektar av kulturarbeidet i Sogn og Fjordane fylkeskommune Kulturlivet i Sogn og Fjordane i framtida Notidssituasjon i kulturfeltet i Sogn og Fjordane 1. Språk og lokal identitet 2. Kreative kulturuttrykk 3. Kulturinstitusjonane 4. Det frivillige kulturlivet 5. Utvikling av kulturminneverdiane 6. ABM sektoren 7. Kultursamarbeid i andre samanhengar Vedlegg 7: Grunnlagsdokument 1. Oppsummering av innspel etter drøftingsmøte m det regionale kulturlivet i SF 2. Oppsummering strategiseminar Hovudutvalet for kultur Oppsummering av skriftlege innspel i løpet av prosessen. 4. Oppsummering Fokussamtalar med ulike grupper Vedlegg 8: Evaluering av strategi