Festidalen. Sak om aldersgrense

Transkript

1 Festidalen. Sak om aldersgrense Visjonar for Festidalen Festidalen har alltid hatt ei målsetjing om å utfordre publikum. Dette inneber at ein har søkt å vere nyskapande og kreativ i utforminga av festivalen, ein har søkt etter dei overraskande løysingane, og ein har søkt å utfordre publikum sine tankesett om korleis ein festival i Kvinnherad skal eller bør sjå ut. Dette har vore noko av det sentrale i Festidalen si sjel, og denne målsetjinga er sentral i arbeidet med nye Festidalen. Definisjonsmakt: Festidalen tek mål av seg til å ha definisjonsmakt når det kjem til festivalar, både lokalt og regionalt. Dette inneber at vi i alle samanhengar hevdar vår festivalfaglege integritet, vi er opne og tydelege om våre standardar for den gode festivalen, og vi har sjølvkjensle og mot til å våge å gjennomføre våre visjonar. Dette inneber at vi ikkje automatisk tilpassar oss publikum si førehandsoppfatning av ein god festival; hovudregelen bør snarare vere det motsette. Profil og omdømme: Vi byggjer vårt omdømme ved at vi utviklar og kommuniserar vår profil. Eit viktig element i dette arbeidet er balansen mellom å vere eit kulturarrangement og å vere ein fest. Vi vil vere begge delar, men vi vil ha hovudfokus på det kulturelle og på det positive ved ei festivaloppleving. Dette skal vere gjennomgåande i all marknadsføring og i vår kontakt med samarbeidspartnarar. Ein føresetnad for dette er at vi kvart år leverar festival av høgste kvalitet, både i det kulturelle og i rammene rundt. Ein sentral del av vår profil, er vår rolle som samfunnsaktør i lokalsamfunnet. Dette er eit ansvar vi vil ta på største alvor. Ein del av dette ansvaret handlar om at vi skal vere premissleverandørar til den lokale festkulturen og den lokale alkoholpolitikken, desse har båe sine sjarmerande og mindre sjarmerande sider. Det er festivalleiinga si oppfatning at assimilasjon ikkje er den beste måten for Festidalen å forvalte dette ansvaret. Vi skal hevde våre visjonar og verdiar, og vi skal insistere på verdien av dei kulturelle opplevingane og den positive festkulturen. Aldersgrense Den mest radikale nyskapinga for Festidalen i 2012, vil vere ei evt opning av aldersgrensa. Ei open aldersgrense vil kunne utfordre både publikum, frivillige, samarbeidspartnarar, politikarar og opinionen elles, først og fremst ved at det er noko nytt og ukjend i lokalsamfunnet, og ved at mange må justere si førehandsoppfatning av festivalen. Styret i Festidalen meiner likevel at Festidalen har gjennom åra bygd opp ein profil og eit omdømme som gjer at vårt publikum no er modne for eit slikt opplegg. Festidalen 2009 hadde også open aldersgrense, men då berre på deler av området. Det er avgjerande at ei slik avgjerd har legitimitet i organisasjonen vår, og at vi står samla og tydelege bak denne avgjerda. For å oppnå dette, vil vi leggje ekstra vekt på profil som tema på alle stormøte og samlingar for frivillige. Med utgangspunkt i faglege innspel frå program/bookinggruppa, har saka vore drøfta på fleire leiarsamlingar og i fleire grupper, siste gongen på møte i leiargruppa 22.3., og vi

2 står samla bak avgjerda om ei open aldersgrense. Sidan ei avgjerd om aldersgrense først og fremst vil påverke gruppa som arbeider med tryggleik, har vi vore i tett dialog med desse om opplegget. Styret gjorde vedtak om open aldersgrense på møte Festidalen sine standpunkt Å arrangere ein festival med ei open aldersgrense, inneber at vi sender ut eit handfast alkoholpolitisk signal. Både som søkjar av skjenkeløyve, men også som samfunnsaktør, er det viktig at vi framstår som truverdige i dette. Med bakgrunn i innspel frå leiarsamlingane, kan vi førebels oppsummere våre standpunkt slik: - Festidalen står for kultur av høg kvalitet, vi er først og fremst ein kulturfestival. Ein positiv festkultur er ein del av vår kultur. - Overstadig rusing reduserar festivalopplevinga, både for den som er rusa og for andre publikumarar, og høyrer ikkje heime på Festidalen. - Born og unge tek ikkje skade av å sjå vaksne folk som nyt alkohol og musikk. - Festidalen har eit viktig oppdragar-ansvar for våre framtidige festivaldeltakarar. Vi vil danne ei positiv motvekt til evt negative festkulturimpulsar i ungdomsmiljøet. Stegvis innføring Det er generelt viktig at vi legg ein strategi for å redusere kontroversane kring opplegget. Det vil trulegvis vere fornuftig å tenkje ei stegvis innføring, både for at vi skal byggje erfaring og for å gje folk tid til tilvenning. I tillegg er det første året nye Festidalen vert arrangert, dette talar også for at vi i 2012 vel dei trygge løysingane. Difor legg vi i 2012 opp til at ungdom må betale full pris for festivalpass, dette vil føre til at omfanget av ungdomar vert avgrensa og at dei som betalar er interesserte i musikken og kulturen. På sikt er det ynskjeleg å seinke prisen for ungdomspass. Skisse til praktisk gjennomføring: Festidalen legg stor vekt på å kommunisere ut haldningar, reglar og opplegget kring mindreårige i forkant av festivalen. Vi vil ta kontakt med andre aktørar i det førebyggjande apparatet i kommunen for å inngå eit samarbeid. Tryggleiksgruppa set ned ei eiga gruppe som har mindreåringe som einaste fokus og oppgåve. I denne gruppa bør ein freiste å få inn personar med spesiell kompetanse på barn og unge. Denne gruppa vert sentral i den vidare planlegginga. Konkret opplegg kring dei mindreårige på Festidalen: 1. Mindreårige a. Mindreårige har tilgang til heile området med unnatak av barane og låven. b. Barane og låven vert avgrensa som skjenkeområde med inngong frå festivalområdet og med 18 års aldersgrense.

3 Styret i Festidalen For å få tilgang til desse områda, må ein syne armband. Publikum må også rekne med å måtte syne legitimasjon i desse inngangane. c. Det vert etablert eit eige handikap- og familieområde, avgrensa med symbolske gjerder, t.d. meterhøge hesjar. Området ligg i forkant av steingarden, mellom inngang og hovudsponsor. Her er benker og bord, i tillegg til eitkvart å stå på for dei minste (slik at dei ser scena). Området er ope for alle, men synleg rusa personar får ikkje tilgong. Det er lov å ta med alkohol inn på området. Området har eigne vakter, desse må sjå til at stemninga til ei kvar tid er lun og familievenleg. Området har enkel servering. d. Mindreårige under 18 år må vere i fylgje med verge. Verge skriv under ansvarsskjema ved inngong. Max to mindreårige pr verge. Vergen må: i. vere over 30 år. ii. ha jamleg kontakt med og kontroll over den mindreårige iii. oppfylle andre krav som framgår av ansvarsskjema e. Armband: i. Eigen farge til mindreårige. Må vere råd å skrive telefonnummer ii. Eigen farge til verge f. Marknadsføring i forkant: det samla publikumsopplegget, herunder opplegget for dei mindreårige, vert marknadsført og tydeleggjort for publikum, med kart og illustrasjonar som syner korleis det vil arte seg, i tillegg til reglar.

4 Verjekontrakt Festidalen Festidalen har 18 års aldersgrense, men mindreårige er hjarteleg velkomne i følgje med verje. Som verje vert akseptert edru person fylt 30 år, og/eller som er forelder til den mindreårige. Verja kan ikkje vere synleg rusa på Festidalen. Verja må legitimera seg og ha med ferdig utfylt verjekontrakt ved inngang til Festidalen. Eit verje kan ha ansvar for maksimalt 2 mindreårige. Verja skal ha mobiltelefon med vibreringsfunksjon på under heile opphaldet på og ved Festidalen. Mindreårige og/eller verje som kjem rusa til Festidalen vil verta avvist. Namn på verja Mobiltelefon til verja Personnummer (11 siffer) til verja Namn på mindreårig (1) Fødselsdato mindreårig (1) Namn på mindreårig (2) Fødselsdato mindreårig (2) Verja er ansvarleg for dei mindreårige så lenge dei oppheld seg på og ved Festidalen. Verja skal vere saman med, og ha dei mindreårige under oppsyn, gjennom hele opphaldet på og ved Festidalen. Arrangøren tek vare på verjekontrakta til Festidalen er avslutta og evaluert. Verja sin signatur / dato

5 Festidalen Kartskisse pr. 25. mai Målestokk 1:500