Gloppen kommune. Møteinnkalling. Utval: Formannskapet Møtestad: På Søreide Dato: Tid: Kl. 09:00

Transkript

1 Møteinnkalling Utval: Formannskapet Møtestad: På Søreide Dato: Tid: Kl. 09:00 Den som har lovleg forfall eller er ugild i nokon av sakene, må melde frå så snart råd er til tlf eller til servicetorget@gloppen.kommune.no slik at varamedlem kan bli kalla inn. Varamedlem møter etter nærare innkalling. Sakliste Sak nr. Sakstittel 042/17 Godkjenning av møteprotokoll, innkalling og sakliste 043/17 Referat og orienteringssaker 044/17 Riving av uthus i Reed sentrum og opparbeiding av busslomme - ei kort orientering 045/17 TV-aksjonen oppnemning av lokal komité - kommunalt tilskot 046/17 Kjøp av In Via AS sine aksjar i Mona Vekst AS 047/17 Økonomiplanen for perioden Sandane, 18. mai 2017 Leidulf Gloppestad ordførar Jan Kåre Fure rådmann

2 Arkiv: FE JournalpostID: 17/ /17 Formannskapet Godkjenning av møteprotokoll, innkalling og sakliste Ordføraren si tilråding: 1. Formannskapet godkjenner møteboka frå sitt møte den 8. mai Formannskapet godkjenner innkallinga og saklista til møtet den 24. mai Møteprotokollen frå siste møtet blir lagt fram til godkjenning. Samstundes ber ordføraren om godkjenning av innkallinga og saklista til dette møtet.

3 Arkiv: FE JournalpostID: 17/ /17 Formannskapet Referat og orienteringssaker Rådmannen legg ikkje fram tilråding i saka. Referatsaker Tittel Endra kontorstruktur i Skatteetaten Svar på spørsmål om eigarskap Firda Billag Avsendar/mottakar Skatteetaten Sogn og Fjordane fylkeskommune Orienteringssaker: - Om Sandane lufthamn v/lufthamnsjef Jon Granheim - Strukturplast sine planar nybygg v/dagleg leiar Frode Lindvik - Frå generalforsamlinga i Visit Nordfjord v/varaordføraren. I tillegg ønskjer rådmannen å drøfte med formannskapet det vidare arbeidet med ei utbygging av Elvaneset. Her ligg føre eit privat framlegg til utbygging. Rådmannen vil be om at saka blir drøfta for lukka dører for å få politiske signal om vidare framdrift. Heimelen for å lukke møtet er kommunelova 31, nr 2. Ordet fritt...

4 Arkiv: HIST - 13/1807 JournalpostID: 17/ /17 Formannskapet Riving av uthus i Reed sentrum og opparbeiding av busslomme - ei kort orientering Rådmannen si tilråding Formannskapet tar saka til orientering. Saksutgreiing Bakgrunn for saka Etter at siste møtet i formannskapet vart heva, fekk rådmannen spørsmål frå ein av representantane om kva som skjer med busslomma i Reed sentrum etter at kommunen reiv uthuset sist haust. Kva skjer? Riving av uthuset og utbetaling av erstatning for dette var for kommunen sin del ei oppfølging av ein gammal avtale med grunneigarane. Samstundes med at vi gjorde dette prøvde vi å få med oss Statens vegvesen for å bygge busslomma etter reguleringsplanen. Vi vart samde om at kommunen skulle utføre arbeidet og vegvesenet skulle refundere oss kostnaden med dette. Det viste seg at ei fullverdig busslomme ikkje kunne byggast utan å kome i konflikt med parkeringsplassen til Coop. Eit forsøk på å bygge eit kantstopp med tilhøyrande venteareal stranda fordi vegvesenet ikkje ville godkjenne dette. Derfor ligg området slik det gjer i dag. Vi kjem ikkje noko vidare i saka med vegvesenet, så planen er no berre å stelle området til.

5 Arkiv: FA - X03 JournalpostID: 17/ /17 Formannskapet TV-aksjonen oppnemning av lokal komité - kommunalt tilskot Rådmannen si tilråding 1. Formannskapet vel følgjande kandidatar til lokal komité for TV-innsamlinga i 2017:.., leiar Formannskapet oppmodar Firda Tidend og Sparebanken Sogn og Fjordane, avd. Gloppen å oppnemne kvar sin representant til komitéen. Komitéleiaren får fullmakt til å supplere komitéen, viss noen av dei oppnemnde ikkje har høve til å delta. 2. Formannskapet løyver kr ,- i kommunalt tilskot til TV-innsamlinga. Saksutgreiing Bakgrunn for saka Årets TV-aksjon går til Unicef sitt arbeid for barn Columbia, Mali, Syria, Pakistan og Sør-Sudan, med hovudvekt på opplæring og skulegang. Dato for aksjonen er søndag 22. oktober Fylkesaksjonsleiar ber no ordføraren medverke til at det blir oppretta ein kommunekomité for innsamlinga. Fakta i saka Formannskapet har etter tradisjonen oppnemnt den lokale innsamlingskomitéen, der varaordførar som regel har vore leiar. I fjor var det Røde Kors som fekk TV-aksjonen, og den lokale innsamlingskomitéen bar preg av det. Desse vart då valde: - Magni Aa Berge leiar - Anni Felde - Atle Støyva - Merete Mindresunde - Johannes Nedrebø - Ola Henning Ommedal - Vidar Holme Rådmannen har ikkje oversikt over om det vart gjort endringar i komitéen undervegs.

6 Det har i tillegg vore vanleg å spørje Firda Tidend og Sparebanken Sogn og Fjordane, avd. Gloppen om å peike ut eitt medlem kvar til komitéen. Fylkeaksjonsleiar og fylkesmann skriv at kommunane bør engasjere organisasjonar, skular, næringsliv, foreingar og idrettslag i aksjonen. --- Siste åra har formannskapet løyvd kr ,- frå kommunen til TV-innsamlinga, og rådmannen reknar med at fylkesaksjonskomitéen også i år kjem til å be om kommunalt tilskot. Økonomiske konsekvensar for kommunen Det er sett av kr ,- på budsjettet for 2017, som er tenkt til TV-aksjonen. Rådmannen si vurdering Rådmannen kjem ikkje med noko vurdering i saka. I fjor var valnemnda engasajert i å finne medlemmer til komitéen. Rådmannen har spurt valnemnda om dei kan bidra også i år. Noko svar ligg ikkje føre når dette er skrive. For å sleppe ny behandling av spørsmålet om kommunalt bidrag, tilrår rådmannen at formannskapet alt no gjev tilsegn om eit eventuelt kommunalt tilskot. Som sagt er det sett av kr ,- på budsjettet som kan bruast til formålet. --- Rådmannen ber om at dei som blir valde, er spurde på førehand. Leiaren i komitéen bør få fullmakt til å peike ut nye medlemmer viss nokon av dei valde ikkje har høve til å vere med.

7 Arkiv: FA - X65 JournalpostID: 17/ /17 Formannskapet Kommunestyret Kjøp av In Via AS sine aksjar i Mona Vekst AS Rådmannen si tilråding Kommunestyret takkar ja til tilbodet om å ta over In Via AS sine aksjar i Mona Vekst AS. Kjøpesummen på kr ,- blir dekka av investeringsfondet. Rådmannen får fullmakt til å gjere nødvendige budsjettendringar. Saksutgreiing Bakgrunn for saka Gloppen kommune har fått spørsmål om å overta In Via AS (tidlegare Sandane Industrier AS) sine aksjar i Mona Vekst AS. Bakgrunnen for dette er ei forskriftsendring som seier at ei tiltaksbedrift ikkje kan eige andre tiltaksbedrifter. Dermed må In Via AS selje seg ut av Mona Vekst AS. Fakta i saka In Via AS eig i dag 25 % av aksjane i Mona Vekst AS. Gloppen kommune eig 74 % av aksjane, medan NFU Gloppen lokallag ein ein aksje (1 %). I kommunen si eigarmelding heiter det at kommunestyret sin strategi er å vidareføre eigarskapen i Mona Vekst. Spørsmålet om kommunal overtaking av In Via AS sine aksjar har vore behandla av styret i Mona Veksatr AS, som ikkje har merknader til overtakinga. Mona Vekst AS sitt føremål er attføring. «Oppgåvene er å kartlegge og avklare arbeidsevne, kvalifisere arbeidstakarar og tilretteleggje arbeid for personar som på kort og lang sikt ikkje kan gjere seg nytte av ordinære arbeidstilbod. I dette arbeidet nyttar selskapet eigne produksjonsavdelingar eller samarbeider med den ordinære arbeidsmarknaden» (henta frå eigarmeldinga). Aksjekapitalen i Mona Vekst AS er kr ,- og kommunen er tilboden å ta over aksjane til In Via AS til pålydande, altså for kr ,-. Økonomiske konsekvensar for kommunen Som skrive er kostnaden med å ta over aksjane kr ,-. Viss kommunestyret seier ja til overtakinga, tilrår rådmannen at kjøpesummen blir dekka av investeringsfondet. Fondet har i dag ein saldo på kr ,-. Rådmannen si vurdering Det er eit ønskje frå In Via AS at Gloppen kommune overtar deira aksjar, og rådmannen tilrår at vi takkar ja til dette. Etter overtakinga vil Mona Vekst AS bli eit bortimot heileigd kommunalt selskap.

8 Med det føremålet selskapet har, meiner rådmannen dette er uproblematisk. Vi har ikkje sagt noko om oppkjøp av aksjar i eigarmeldinga, med unnatak av kommunestyret sitt ønskje om å styrke eigardelen i SFE AS. Rådmannen legg likevel til grunn at det ikkje er i strid med eigarmeldinga å overta aksjane i Mona Vekst AS slik det er gjort greie for i saka.

9 Arkiv: FE - 145, HIST - 16/602 JournalpostID: 17/ /17 Formannskapet /17 Formannskapet Økonomiplanen for perioden Vedlegg i saka: Økonomiplan for perioden Rådmannen si tilråding Formannskapet viser til rådmannen sitt framlegg til økonomiplan for perioden og legg denne ut til offentleg gjennomsyn med høyringsfrist onsdag 7. juni Saksutgreiing Bakgrunn for saka I samsvar med m.a. økonomireglementet legg rådmannen no fram økonomiplanen for perioden Fakta i saka Rådmannen skriv følgjande i samandraget innleiingsvis i planen: «Rådmannen sitt framlegg til økonomiplan for er i hovudsak ein revisjon av investeringane i økonomiplanen fram til 2020 som vart vedteken av kommunestyret i desember I tillegg til dette presenterer rådmannen aktuelle driftstiltak som vi må arbeide vidare med for å finne dekning til. Planen er skriven månadsskiftet april/mai 2017, altså før regjeringa legg fram kommuneproposisjonen for 2018, som vil gje nærare rammer for drifta av kommunane til neste år. Som sist vedtekne årsbudsjett viser, er det ikkje økonomiske rammer for å auke kommunen sine driftsutgifter. Nye driftstiltak er derfor ikkje lagt inn og tilfesta i rådmannen sitt framlegg. Investeringsplanen er ambisiøs, og vil gje oss store driftsutfordringar når renter og avdrag på nye store låneopptak skal betalast. Slik sett er investeringsbudsjettet for høgt. Ein auke i lånerenta på berre eitt prosentpoeng, vil koste oss nesten 5,5 mill meir i årlege renteutgifter. Investeringane Dei store investeringsprosjekta er framleis rehabilitering av skule- og idrettsbygget i Hyen med 47,5 mill i perioden nytt omsorgsbygg med 42,9 mill nytt blålysbygg med 36 mill oppgradering av renseanlegget på Byrkjelo med 26,2 mill nytt industribygg til utleige med 26 mill utbygging av Sandane skule med 30 mill bustader til vanskelegstilte med 40 mill. Lånegjelda vil auke til nesten 715 millionar viss alle investeringane i planen blir gjennomførde. Sjølv om mykje av

10 auken kjem frå tiltak som også gjev inntekter, kan kommunen slik rådmannen ser det ikkje greie å handtere ei så stor lånegjeld. Utfordringar på drifta Den store utfordringa på drifta er å skaffe rom for å drifte det nye omsorgsbygget som etter planane blir innflyttingsklart i 2020.» Økonomiske konsekvensar for kommunen Dei økonomiske konsekvensane går fram av plandokumentet. Rådmannen si vurdering Det er både fordelar og ulemper med å skilje arbeidet og behandlinga av økonomiplanen frå årsbudsjettet. Sett frå rådmannen sin ståstad fører delinga til ein god del meirarbeid sidan vi uansett må gjere ein revisjon av økonomiplanen i samband med årsbudsjettbehandlinga for å få oppdaterte økonomiske rammer. Som det går fram av dagens plan er det mykje som er usikkert, særleg på driftssida. Rådmannen er likevel mest ottefull for den auken i lånegjelda som vi kjem til å dra på oss med dei planane vi har i dag. Vi må nøye vurdere alle tiltak med sikte på å redusere kostandene så mykje som råd. Godt nok er kanskje eit omgrep vi skal ta meir i bruk Økonomiplanen skal i første omgang leggast ut til gjennomsyn. Formannskapet Behandling Saka vart behandla i finansutvalet, som vil seie at formannskapet vart supplert med gruppeleiarane i dei partia som ikkje er representert i formannskapet. Av desse var Anniken Rygg (H) og Hege Lothe (SV) med på behandlinga. FOR- 041/17 Vedtak Det vart ikkje gjort vedtak i saka.