Det vert med dette kalla inn til / gjort kjent med møte i Utviklingsutvalet

Transkript

1 Tokke kommune Møteinnkalling Til medlemene i Utviklingsutvalet Det vert med dette kalla inn til / gjort kjent med møte i Utviklingsutvalet Møtestad: Kommunestyresalen, Tokke kommunehus Dato: Tid: 09:00 Dersom du ikkje kan møte, ber ein om at du melder frå til sentralbordet snarast råd. Vararepresentantane møter berre etter nærare innkalling. Orientering om buplikt v/sverre Bakke. Orienteringar i tilknytning til årsmelding for plan- og næring. Orientering om diverse. NB! Ekstramøte i Utviklingsutvalet 6. juni. Bjørn Bergheim -Leiar- Liv E Beck -konsulent-

2 Saksliste Utvalssaksnr Innhald Lukka Referatsaker RS 13/17 Motorferdsel i utmark -løypenett Tokke

3 Politiske saker til handsaming PS 13/14 Inndraging av løyve til å krevje inn vegavgift i Botnedalen. PS 13/15 Krav om opning av revisjonssak for Sundsbarm Kraftverk PS 13/16 120/41- Hege Verpe Nordvik- Søknad om konsesjon. PS 13/17 Årsmelding og kommunerekneskap for driftsåret 2012 PS 13/18 Søknad om stønad til FIS Continental Cup Kombinert 1-3 mars 2013 PS 13/19 Søknad om stønad til Sørnorsk Snøscootercup Cross 2013 PS 13/20 Søknad om stønad til Vest-Telemark Cup i fotball 2013 for Lillegutar og -jenter. PS 13/21 Søknad om støtte til å få laga byste av Anne Grimdalen. PS 13/22 Kulturprisen for x

4 Tokke kommune Arkiv: 205 Saksnr.: 2010/ Sakshands: Olav Bjørn Bakken Direkte tlf.: Dato: Saksframlegg Utval Utvalssak Møtedato Utviklingsutvalet 13/ Inndraging av løyve til å krevje inn vegavgift i Botnedalen. Vedlegg: 1 Bompenger i Botnedalen - ny handsaming i kommunen 2 E-post frå Ole K. Langås Saksdokument: Sak 12/50 i UTU: Krav om at Tokke kommune opphevar løyve til å krevje vegavgift i Botnedalen Saksutgreiing: UTU vedtok i sak 12/50 den 7.juni 2012 å oppretthalde Botnedalen veglag sitt løyve til å krevje inn bompengar. Tove A. Aalandslid klaga dette vedtaket inn for Fylkesmannen i Telemark. Fylkesmannen i Telemark ber i vedlagte brev Tokke kommune om å vurdere Botnedalen veglag sitt løyve til å krevje inn vegavgift på nytt. Fylkesmannen sin konklusjon er at så lenge veglaget ikkje har eit fungerande styre så er grunnlaget for løyvet falle bort. Det har no gjenge snart eit år sidan det ekstraordinære årsmøtet i veglaget den 11.mai 2012 då det ikkje lukkast å få vald nytt styre. Det har heller ikkje vore kravd inn vegavgift sidan då. Det synest også å dra ut med å få endeleg avklart Statkraft sitt vedlikehaldsansvar for konsesjonsvegane i tråd med NVE tolking av konsesjonsvilkåra i brev av 19.juli Statkraft si klage på NVE sitt brev, ligg i skrivande stund framleis i køen av saker hjå juridisk avdeling i NVE. Stoda for vegane er no då at standarden blir slik Statkraft finn tenleg for eige bruk, og alle kan nytte vegane utan å betala vegavgift. Det er motteke ein e-post til saka som er lagt ved.

5 Rådmannen si tilråding: 1. Botnedalen veglag sitt løyve til å krevje inn vegavgift på vegen til Strandstøyldalen og Botnedalen jf kommunestyresak nr 20 frå 1971, vert oppheva frå 11.mai Grunngjeving for vedtaket er at veglaget frå den dato er utan styre slik vedtektene krev.

6 Tokke kommune Arkiv: S11 Saksnr.: 2013/112-2 Sakshands.: Olav Bjørn Bakken Direkte tlf.: Dato: Saksframlegg Utval Utvalssak Møtedato Utviklingsutvalet 13/ Kommunestyret Krav om opning av revisjonssak for Sundsbarm Kraftverk Vedlegg: 1 Innkomne uttaler, innspel og merknadar til krav om opning av revisjon av Sundsbarm kraftverk 2 Revisjon av konsesjonen for Sundsbarm Kraftverk - notat frå prosjektleiar Innleiing: Syner til sak i UTU 24.jan (13/007) og i kommunestyret 12.feb (13/006) om revisjon av konsesjonsvilkåra for Sundsbarm kraftverk. Kommunestyret slutta seg her til at Tokke kommune vart med i arbeidet med tanke på å opne revisjonssak. Det vart sett i gang eit arbeid der prosjektleiar (Helge Kilan/FAUN) og saksansvarlege i Tokke (Olav Bjørn Bakken), Kviteseid (Magne Skarprud) og Seljord (Jørn Ingar Sanda) drøfta saka med Sundsbarm Kraft, samt heldt folkemøte i Høydalsmo, Langlim, Morgedal og Seljord. Ein meiner no det er grunnlag for å krevje at NVE opnar av revisjonssak av fylgjande konsesjonar: - Regulering og overføring i Flatdalsvassdraget, Morgedalsvassdraget og Dalaåi (Oftevassdraget) i Telemark fylke, Kgl. Res Regulering av Seljordsvatn, Ministerpresidentens vedtak I vedlegg 1 har ein oppsummera dei innspel om kjende problem og forslag til endring av konsesjonsvilkåra som har kome til no i saka. I vedlegg 2 har prosjektleiar laga eit utkast til kravdokument frå kommunane, men dette vert det høve til å arbeide vidare med om NVE opnar revisjonssak.

7 For Tokke sin del så er det kravd: 1. at måling av minstevassføringa i Ofteåi vert flytt til utlaupet av Hovdevatn i staden for i Høydalsmo sentrum. Dette vil normalt kunne gje noko meir vatn i Ofteåi og gjennomstrøyming i Oftevatn. 2. at effektive mottiltak mot attgroing av Oftevatn vert vurdert og ev sett i verk. I tillegg er det krav om eit miljøfond til fordeling på kommunane til fremje av fiske, miljø og friluftsliv. Ved revisjon av konsesjonsvilkår er prinsippet at vilkåra skal moderniserast med tanke på kva som er standarden i dag (2013). Frå staten si side er det lagt vekt på at det er miljøvilkåra som skal reviderast, og at økonomiske krav ikkje er relevante. LVK er usamde i dette mellom anna ut frå signal frå Stortinget, og hevdar at dei fleste vilkår kan reviderast, unnataket er reguleringsgrensene i reguleringsmagasin (HRV/LRV). Døme på andre økonomiske krav i revisjonssaker som ikkje er nemnt i denne omgang er krav om at konsesjonæren dekkjer kommunane sine utgifter til arbeidet med saka, justering av konsesjonsavgifter og næringsfond. Dette er det tenkt at ein vil koma nærare attende til når revisjonssak er opna. Rådmannen si tilråding: 1. Saman med Seljord og Kviteseid kommunar krev Tokke kommune at det vert opna revisjonssak for fylgjande konsesjonar: a. Regulering og overføring i Flatdalsvassdraget, Morgedalsvassdraget og Dalaåi (Oftevassdraget) i Telemark fylke, Kgl. Res b. Regulering av Seljordsvatn, Ministerpresidentens vedtak Nærare grunngjeving for kravet gjeng fram av vedlegg til saka.

8 Innkomne uttalar, innspel og merknader i samband med krav om opning av revisjonssak for Sundsbarmreguleringa. Etter vassdragsreguleringslova 10 er det høve til å krevje revisjon av konsesjonsvilkår etter 50 år. Konsesjonen for Sundsbarm blei gitt og for regulering av Seljordsvatn Kravet om opning av revisjonssak må godkjennast av NVE. Kommunane Tokke, Seljord og Kviteseid vedtok å sette ned ei styringsgruppe og engasjere Faun Naturforvaltning i Fyresdal som fagleg hjelp. Det har i februar vore arrangert 4 grendemøte. Styringsgruppa har også hatt 2 møte med Sundsbarm kraftverk. Gruppa la fram sitt framlegg til krav om opning av revisjonssak I oppsettet nedanfor er dei innspela ein har fått i revisjonssaka kommentert. MOTTEKNE INNSPEL 1. Referat frå møte i Høydalsmo Høgare minstevassføring i Ofteåi Oftevatn gror att Tryte har spreidd seg til Sundsbarm via overføringstunnelen frå Nystølvatnet Ørekyt har spreidd seg med settefisk frå Reinsvoll settefiskanlegg KOMMENTAR Minstevassføringskravet er i dag 40 l/s målt nede ved E 134. Mykje av kravet er dekt gjennom naturleg restvassføring. Målepunktet bør derfor flyttast til utløpet av reguleringsmagasinet (Ljosdalsvatn) Større vassføring gjennom Oftevatn kan redusere litt av problemet, men neppe stanse attgroingsprosessen. Høgare vasstand kan skape problem for næringsutvikling i Høydalsmo Krav om miljøfond/fiskefond som kan nyttast til tiltak mot tryte og anna fiskestell Statkraft har fått undersøkt det genetiske opphavet til ørekyta i Tokke- Vinjevassdraget med Bandak. Ørekyta har minst 2 ulike genetiske opphav. Det kan ikkje påvisast nokon samanheng med settefiskanlegget på Reinsvoll Vilkåra for storaure i Sundkilen og i Dalåi Sjå kommentar under punkt 2 Biotopforbetringstiltak i Dalåi Høgare vassføring i Dalåi 2. Referat frå møte i Morgedal Missnøye med utforming av tersklar NVE må pålegge konsesjonæren tiltak i samsvar med plan tilsvarande den HiT laga for Vallaråi (sjå kommentar til punkt 8) Må sjåast i samanheng med krav om høgare vassføring i Ofteåi og i Morgedalsåi Det blei laga ein plan for Morgedalsvassdraget som er følgd opp med endring av tersklar og enkelte mudringstiltak i Tiltaka er synfart og godkjent av NVE i 2006

9 Høgare minstevassføring Minstevassføringskravet på 100 l/s om sommaren og 50 l/s om vinteren blir kontrollert ved den nedste terskelen (Vassendterskelen). Der er mykje av bidraget uregulert restvassføring. Flytting av målepunktet til dammen i Nystølmagasinet vil gje større vassføring Mudring og andre tiltak mot attgroing Etter at tiltak blei gjennomført i 2005 har attgroingsprosessen halde fram. NVE kan etter gjeldande konsesjon pålegge regulanten å bygge og vedlikehalde tersklar samt reinske opp i elveløpet Ørekyt i Morgedalstjønni Sjå kommentar under punkt 1 Problem med isgang og oppgrunning i Må sjåast i samanheng med pålegg om Dalåi Dokumentasjon omkring storaure i Dalåi 3. Referat frå møte i Seljord Problem med å få sett ut båt. Utvasking og erosjon i reguleringssona gjer det vanskeleg å kome ned til LRV med biltilhengar og båt Skinner med tralle har fungert dårleg og er fjerna Erosjon og rydding langs Millionvegen. Vedlikehald på andre vegar Høgare og meir stabil vasstand om sommaren. Sundsbarm er regulert 38 m. Dei siste åra har vasstanden variert meir på grunn av større innslag av effektkjøring i Sundsbarm kraftverk Røyebestanden har gått tilbake. Behov for tiltak mot tryte 4. Referat frå møte i Langlim Magasinet må vera oppfylt til minst kote 607 om sommaren biotopforbetringstiltak (punkt 1) I reguleringsskjønnet synes det å vera lagt mest vekt på haustfisket etter sik. Kviteseid jeger og fisk vil samle opplysningar om tidlegare observasjonar/fangst av storaure i Sundkilen/Dalåi Det bør lagast veg med dekke av betong ned til lågaste reguleringsvasstand (LRV) både på Sanden og ved dammen i nordenden. Desse må vera opne for ålmenta for å kunne reknast som ei ålmenn interesse som er relevant for revisjonssaka Vegen blei bygd som konsesjonsveg men er privat. Vedlikehaldet på alle vegane er overført til dei som eig vegen. Sundsbarm kraftverk betalar for sin bruk. Kravet blir derfor vurdert som eit privatrettsleg krav Det kan stillast krav om at magasinet skal vera fylt til ei viss kotehøgde innan ein viss dato, alternativt at alt tilsig etter ein viss dato skal gå til oppfylling av magasinet. Kravet må sjåast i samanheng med vilkåra i Vallaråi og Seljordsvatn Korleis fisket blir forvalta er eit privat ansvar. Det blir kravd eit miljøfond der ein kan søke om tilskot til tiltak Sjå kommentar til punkt 5

10 Skjer og grunnar må merkast så dei ikkje utgjer nokon fare for båttrafikken Vatnet må ryddast for rekved og røter som har losna frå reguleringssona Lausmassetersklar i Manndalsåi og Åmotsdalsåi har blitt vaska vekk Elveløp gror att 5. Hytteeigarar i Søndre Sundsbarm, ved Åge Halvorsen Krav om meir høgare og meir stabil vasstand i Sundsbarm, minst til kote 608 om sommaren av omsyn til friluftsliv, synsinntrykk og bruk av båt Det er ikkje noko bestemt båtlei i Sundsbarm, og ein finn det derfor vanskeleg å pålegge konsesjonæren noko ansvar for merking. Det bør derimot lagast eit djubdekart som viser kvar grunnane finst. Det blir kravd at konsesjonæren med jamne mellomrom/etter behov må ta opp rekved og røter og hogge det opp til flis NVE må gjera ei synfaring og eventuelt kome med pålegg om tiltak Konsesjonæren er i konsesjonen pålagt å halde vassvegane opne i tilfelle flaum I nye konsesjonsvilkår kan det innførast krav til manøvrering av magasinet. HRV og LRV kan ikkje endrast. Eit krav om fylling til kote 608 til ein viss dato (streng restriksjon) eller disponering av tilsig etter ein viss dato (mjuk restriksjon) vil ha betydelege økonomiske konsekvensar, men bør vurderast Båtsportkart (draft) Sjå kommentar til punkt 4 Rydding av tre og røtar Sjå kommentar til punkt 4 6. Reiselivsbedrifter langs Seljordsvatn ved Sigmund Telnes For høg vasstand i Seljordsvatn om sommaren. Krav om at klappluka blir senka. Vasstanden i Seljordsvatn blir i fyrste rekke bestemt av tappinga frå Sundsbarm og den naturlege profilen i utløpet av vatnet. Bø kraftverk har konsesjon frå 1944 til å tappe Seljordsvatn ca 0,5 m under normalvasstand, og det er sett inn ei klappluke som blei ombygd på talet. Det er i tillegg avtale om minstevassføring i Bøelva på 4,5 m 3 /s. Målingar sidan 1884 viser at sommarvasstanden er i gjennomsnitt lågare etter Sundsbarmreguleringa enn før, men at vasstanden på talet har vore 20 cm høgare i juli og 30 cm høgare i august enn på og 80- talet. 7. Grunneigarar Åmotsdølsliene/Skarbu Bjåen, ved Petter F. Ringvold Krav om at Sundsbarm kraftverk tek på Vasstanden i Seljordsvatn gjeld også offentlege friluftsområde og badestrender. Ein har rekna med at luka betyr lite når vasstanden er høg. Det må gjennomførast ei hydrologisk vurdering av situasjonen i Seljordsvatn, spesielt i høve til sommarvasstand og kjøring av Sundsbarm kraftverk. Det bør etablerast eit manøvreringsreglement for vatnet og bruken av klappeluka Dette er eit privatrettsleg krav som ikkje

11 seg ansvar for opprusting/reparering av Sandsetvegen 8. Seljordsvatnet grunneigarlag ved Harald Hansen (telefon til Helge Kiland, Faun ) Kritisk til tiltak utført i Vallaråi. Bekymring for storaurestamma i Seljordsvatn høyrer inn under ein vilkårsrevisjon NVE har gitt Sundsbarm kraftverk pålegg om tiltak, og Høgskulen i Telemark har på oppdrag frå Sundsbarm kraftverk utført fiskebiologiske undersøkingar og laga tiltaksplan. Planen er følgd opp med tiltak i elva 2012/2013 Tiltaka og verknaden av dei må evaluerast i etterkant, mellom anna med tanke på behovet for fleire tiltak. I tillegg til Sundsbarm kraftverk har også Statens vegvesen eit betydeleg ansvar for situasjonen i elva 9. Seljordsvatnet grunneigarlag ved Olaf Strand, Slepp av kaldt vatn frå Sundsbarm reduserer veksten til fisken og påverkar bestanden av storaure Krav om miljøfond til tynningsfiske og andre fisketiltak Skagerak Energi har aldri utført fiskeforbetrande tiltak i Vallaråi på friviljug basis. I staden har prosessen heller vore trenert. Tiltak er derfor avhengig av pålegg 10. Søndre Sundsbarm fiskelag ved Arvid Vala, e-post Etterlyser betre kontroll med minstevassføring i Kivleåi Ønskjer betre avløp frå Seljordsvatn under flaum Brå temperatursenking i samband med tapping av kaldt botnvatn frå Sundsbarm kan vera ei utfordring for livet i elva sommarstid. Dette er eit generelt problem for mange reguleringsmagasin og kan krevje nye tekniske løysingar Viser til kommentar under punkt 1. I revisjonssaka for Vinstra er det gitt midlar til eit fiske og friluftslivsfond som blir forvalta av kommunane Det har vore arbeidd med tiltaksplan for Vallaråi sidan Sjå elles kommentar under punkt % av nedbørfeltet til Kivleåi er overført til Sundsbarm. Sundsbarm har ikkje noko naturleg utløp til bekken, og det er ikkje krav om minstevassføring. I staden for minstevassføring bør ein heller vurdere habitatforbetrande tiltak i dei nedste 500 m av bekken. Sjå kommentar under punkt 6.

12 Krav om opning av revisjonssak for Sundsbarm Kraft Til møte i Styringsgruppa Innleiing Tokke, Kviteseid og Seljord kommunar vil med dette krevje at det blir opna revisjonssak for følgjande konsesjonar: - Regulering og overføring i Flatdalsvassdraget, Morgedalsvassdraget og Dalaåi (Oftevassdraget) i Telemark fylke, Kgl. Res Regulering av Seljordsvatn, Ministerpresidentens vedtak Kommunane har sett ned ei styringsgruppe og engasjert Faun Naturforvaltning til å førebu eit krav om opning av revisjonssak. Det er arrangert møte med Sundsbarm Kraft og 4 grendemøte (i Høydalsmo, Morgedal, Seljord og Langlim). Arbeidet med saka og invitasjon til møte har vore annonsert i lokalavisa. Alle møtereferat og andre dokument har vore fritt tilgjengeleg på dei kommunale heimesidene. Det er invitert til å kome med merknader og innspel. Framlegg til krav er nedanfor sett i kursiv. Rettsleg grunnlag Det visast til Vassdragsreguleringslova , som for evigvarande konsesjonar gjev høve til å krevje at konsesjonsvilkåra blir revidert etter 50 år. Krav om revisjon kan reisast før det formelle revisjonstidspunktet, og har elles ingen tidsfrist. Kravet kan stillast av ålmenta, som regel ved lag og foreiningar eller som i dette tilfellet av kommunane. Her har kommunane teke på seg å representere dei ålmenne interessene og hatt ein prosess for å få samla og presentert desse interessene. Retningsliner for revisjon av konsesjonsvilkår for vassdragsreguleringar (OED 2012) definerer kva som høyrer med i ei revisjonssak og kva som ikkje gjer det. Normalt vil tiltak pålagt i skjønn bli rekna som privatrettslege og ikkje høyre inn under ein vilkårsrevisjon. Men ofte er minstevassføring ikkje nemnt i sjølve konsesjonen men overlate til skjønnspålegg. Dette vedkjem derfor også ålmenne interesser. Det finst ingen skarp definisjon på kva som er ålmenne interesser, men omfanget må tolkast vidt 1. Dei ålmenne interessene kan også vera så små at dei bare gjeld nokre få private interessentar eller at dei private interessene er av så altomfattande karakter at dei må reknast som ålmenne 2. Mål frå Forvaltningsplanen etter Vassforskrifta skal gje føringar for sektormyndighetane, mellom dei også NVE og revisjon av konsesjonsvilkår. 1 Ot.prp. 39 ( ) s Allmenne interesser i vassdragsretten, kandidat nr 339, UiO, rettleiar Thor Falkanger

13 Økonomiske krav I Vassdragsreguleringslova 12 nr 17 heiter det at Det er adgang til i konsesjonen å oppstille ytterligere betingelser, herunder pålegg om opprettelse av næringsfond for den enkelte kommune når dette i det enkelte tilfelle finnes påkrevd av allmenne hensyn. Det er ikkje noko i lovgjevinga som hindrar pålegg om økonomiske vilkår i ei revisjonssak. Men etter dei signala som er gitt mellom anna i svar frå NVE til Skjåk kommune med avslag på søknad om opning av revisjonssak for Raudals- og Breidalsreguleringa synes krav om næringsfond likevel å vera noko mindre aktuelt. Derimot er det i revisjonssakene for Vinstra og Tesse gitt pålegg om eit fond for å avbøte skader for fiske og friluftsliv. Kommunane krev at det blir oppretta eit fond som skal nyttast til avbøtande tiltak til fordel for fiske, miljø og friluftsliv. Fondet må fordelast til kvar kommune og skal mellom anna vera ein kompensasjon for at det som følgje av reguleringa er spreidd nye og uønskte fiskeartar i vassdraget. Vegar I konsesjonen for Sundsbarm er vegen langs austsida av vatnet (Millionvegen) spesielt nemnt, saman med Gullnesvegen. Sundsbarm betalar veglaget for bruk av Millionvegen. Sundsbarm brukar også Sandsetvegen til tilsyn med dammen i Sandsetvatn. Vegen er i privat eige og der er ikkje veglag. Brukarar av vegen har kravd at kraftverket syter for utskifting av stikkrenner og andre utbetringstiltak etter flaumskade, og at Sundsbarm for framtida bidreg med halvparten av vedlikehaldsutgiftene. Vassdragsskjønnet påla kraftverket å bygge og halde ved like vegar for transport av tømmer. Ordninga galdt for periodar av gongen og kunne krevjast revidert ved enden av kvar periode. Fleirtalet i lagmannsretten heldt fast ved vedlikehaldskravet, men kraftverket anka det til høgsterett som visa til at vegane var eit mellombels tiltak som kompensasjon for tapt fløting. Eit mellombels tiltak kan ikkje krevjast oppretthalde når grunnlaget for skaden er borte 3. Veg som konsesjonæren har bygd ut frå eige behov blir rekna som anleggsveg. Den skal vera open for ålmenta, eventuelt mot betaling av avgift. Vegen kan leggast ned dersom ikkje konsesjonæren lenger har bruk for han. Sundsbarm Kraft er ikkje lenger eigar av nokon veg, men betalar avgift for bruk av private vegar. I og med at alle vegane er privatiserte har ikkje ålmenta noko krav, sjølv om det er stor ålmenn interesse for tilgang til nokre av vegane. 3 Sivil sak 2002/115 vassdragsreguleringsskjønn, anke etter vassdragsreguleringslova 19,

14 Skjer og grunnar Skjer og grunnar utgjer ein fare for bruken av båt i Sundsbarm, og det er krav om at slike skjer blir merkte med godt synlege bøyer. I Songamagasinet er Statkraft viljug til å merke skjer og grunnar langs ei nærare definert båtlei. Sundsbarm har ingen tilsvarande funksjon. Trafikken er derfor meir vilkårleg. Ein har ei viss forståing for at kraftverket ikkje ønskjer å ta på seg noko ansvar for å ha avmerkt alle skjer og grunnar, og meiner derfor at det i staden må lagast eit djubdekart/draft for vatnet. Båthus og båtplassar I Sundsbarm er det bygd båthus ved utlaupet og i sørenden av vatnet (Sanden). Nokre av båtplassane er det vanskeleg å kome til, og dei innretningane som er laga for å få båtane opp og ned til LRV er tungvinte og vanskelege å bruke. Det er også vanskeleg å kome til og rygge ned med bil og hengar. Det må lagast veg ned til LRV ved utlaupet og i sørenden av vatnet. Vegane må ha betongdekke og vera slik at også meir urutinerte kan bruke dei. Slike båtutsett skal vera opne for ålmenta. Landskap, rydding med vidare Konsesjonæren er pålagt å halde vassvegar opne i tilfelle flaum. Konsesjonæren skal vidare ha opplegg for internkontroll og miljøtilsyn 4. Det skal vidare takast omsyn til krava i vassressurslova 11 om kantvegetasjon og 37 om å halde vassdragstiltak i forsvarleg stand. Det er registrert store mengder drivved, røter og anna som har losna frå reguleringssona og som flyt omkring i Sundsbarmmagasinet. Konsesjonæren må med jamne mellomrom/etter behov rydde opp og fjerne dette. I elvelaup må vegetasjon fjernast ved mekanisk rydding og kvist og greiner må transporterast vekk. Det må skje som del av eit jamt årleg vedlikehald i samsvar med godkjent plan. Fisk Med overføring av Morgedalsvassdraget har det kome tryte, stingsild og ørekyt i Sundsbarm. Kommunane krev eit fond som kommunane kan nytte som tilskot til tiltak for å redusere skadane på grunn av nye fiskeartar og til å skape nye vilkår for sportsfiske. Vallaråi Med kanaliseringa er Vallaråi sterkt redusert som gyte og oppvekstområde for storaure i Seljordsvatnet. Etter reguleringa har også oppgangen av sik på nedre del av elva blitt borte. Auka effektregulering fører til hyppigare episodar med brå temperaturendringar i 4 Hammarsland, A. (red) Miljøtilsyn ved vassdragstiltak. NVE rettleiar.

15 elva nedanfor kraftstasjonen. Noko som er uheldig både for fiskeungar og for fiskens næringsdyr. Vanleg middelvassføring vinterstid er m 3 /s. Om sommaren fører effektkjøring til at vassføringa varierer mellom 3 og 30 m 3 /s. Slukeevna i kraftverket er maksimalt 26 m 3 /s. Sundsbarm kraft engasjerte i 2008 Høgskulen i Telemark til å utføre biologiske undersøkingar og kome med framlegg til tiltak. Gyteaktiviteten til storaure blei undersøkt over 3 år. I tillegg blei tettleik og vekst av aureungar undersøkt. Det blei også gjort temperaturmålingar og ei nøyare kartlegging av elva som leveområde for fisk 5. Undersøkingane viste at: - Vallaråi blir brukt av ein storaurebestand på individ - Det er moderat men varierande tettleik av aureungar - Aureungane har moderat vekst, sannsynlegvis pga kaldt vatn frå Sundsbarm og konkurranse frå ørekyt - Effektkjøring kan føre til stranding og redusert overleving for aureungar Høgskulen i Telemark har seinare følgd opp resultatet av undersøkingane med framlegg til fysiske tiltak i elvelaupet 6. Dei konsentrerte seg om den kanaliserte delen av elva, ein strekning på ca 900 m. Viktige føresetnader var at ein skulle unngå tiltak som kunne skape problem for kraftverket med oppstuving av vatn og unngå å legge betre til rette for ørekyt. Det er gjort framlegg om følgjande tiltak: - Forsiktig senking av elvebotnen der utløpet av kraftstasjonen møter Vallaråi, for å hindre at gyteplassar blir tørrlagde ved låg vassføring - Elvekantane skal gjerast mindre rettlina. Dei bør brytast opp men skråningane bør vera like bratte som nå - Det bør lagast 5 motstraums kilar av grove stein og blokk inn i den vestre elvekanten (mot prestegarden), ca 5 m lange og 2 m inn i elvekanten. Kilane skal kombinerast med neddykka bunar 3 5 m lange og 1 m breie, også dei av grov stein og blokk som blir fundamentert ned i elvebotnen. I fyrste omgang er det framlegg om 3 kilar - Ei langsgåande steinsetting ca 50 m lang og 2 3 m brei ute i elva frå bilverkstaden og oppover - Tapping av overflatevatn i staden for botnvatn frå Sundsbarm Tiltaksplanen må følgjast opp og iverksette tiltak må evaluerast i etterkant. Dalaåi Også i Dalaåi med Sundkilen var det tidlegare oppgang av storaure, og det kan ennå vera att restar av den gamle storaurestamma. Det var elles oppgangen av sik som blei 5 Heggenes, J., Bergan, F. og Lydersen, E Fiksebiologiske undersøkelser i forbindelse med pålegg om fysiske utbedringer i Vallaråi, Seljord i Telemark. HiT skrift 4/2011, 52 s. 6 Heggenes, J., Bergan, F., Lydersen, E. og Sageie, J Rehabilitering av elvehabitat i Vallaråi, Seljord i Telemark. Forslag til tiltak, 66 s.

16 rekna som den største ressursen for eigedomane langs elva. Etter at Morgedalsvassdraget blei overført til Sundsbarm er tilsiget til Dalaåi redusert med i gjennomsnitt meir enn 5 m 3 /s. Den fastsette minstevassføringa ved Mostøyl er 50 l/s frå til og 150 l/s frå 1.5. til Tilskotet frå Morgedalsåi er høvesvis 50 l/s og 100 l/s. Samstundes er delar av ålaupet utsett for attgroing og problem med isgang. Ein krev større minstevassføring i Dalaåi kombinert med habitatforbetrande tiltak i ålaupet, etter plan. Planen må også ta omsyn til behov for flaumsikring. Morgedalsåi Ca 60 % av tilsiget til Morgedalsåi er overført til Nystølmagasinet. Fleire sidebekkar er tekne inn på overføringstunnelen og er tørrlagt utan minstevassføring. Vassdraget har store problem med attgroing, som gjer det vanskeleg for både bading, fiske og bruk av båt, og for å kome ned til vatnet generelt. Det er som resultat av skjønnet bygd 5 tersklar i hovudelva. Det er innført krav om minstevassføring målt ved den nedste terskelen (Vassendterskelen). Enkelte av tersklane kan vera vandringshinder for fisk. Skjønnet har i tillegg til bygging av tersklar bestemt at konsesjonæren kan påleggast oppreinskingstiltak i vassdraget. Ombygging av tersklar etter plan er utført i 2005 og godkjent av NVE 7. Minstevassføringskravet må gjelde frå dammen til Nystølsmagasinet (i Hegnabekken). Restaurerande tiltak må gjennomførast i samsvar med ny plan. Ofteåi Minstevassføringa i Ofteåi er bestemt til 40 l/s målt heilt nede ved E 134. Det betyr at ein vesentleg av denne vassføringa er restvassføring og ikkje slepp frå Hovdevatn. Ein er oppteken av problema med attgroing i Oftevatn, og vil ha vurdert effektive mottiltak. Minstevassføringskravet må gjelde frå Hovdevatn og ikkje heilt nede I utløpet av elva (ved E 134). Ein vil ha vurdert effektive mottiltak mot den attgroinga vatnet er utsett for. Seljordsvatn Seljordsvatn blir regulert med ei klappeluke nede ved Hegna camping og skal syte for minstevassføring i Bøelva (4,5 m 3 /s) og behovet for vatn til Bø kraftverk. Klappeluka blei ombygd på 1980-talet. Vasstanden er fyrst og fremst regulert av utforminga på utlaupet, og luka blir sjeldan nytta. I tørre somrar skal Seljordsvatnet etterfyllast frå Sundsbarm. Reiselivsnæringa rundt vatnet klagar over at vasstanden ofte blir for høg og at kommunikasjonen med regulanten Bø kraftverk er for dårleg. Vasstanden i Seljordsvatn er målt sidan 1884 og gjev eit godt grunnlag for å vurdere korleis vasstanden har endra seg. Ein gjennomgang av vassføringsdata viser at vasstanden om sommaren nå er lågare enn han var før Sundsbarmreguleringa. Men 7 Wraa, M Terskler Morgedalsvassdraget. Rapport og dokumentasjon på utførte tiltak. Sundsbarm kraftverk.

17 det viser seg også at vasstanden i gjennomsnitt har vore 20 cm høgare i juli og 30 cm høgare i august i åra enn i åra Det må gjennomførast ei hydrologisk vurdering av situasjonen i Seljordsvatn, spesielt i høve til sommarvasstand og kjøring av Sundsbarm kraftverk. Det må om nødvendig etablerast eit manøvreringsreglement for vatnet og bruken av klappeluka. Sundsbarm Sundsbarm er senka 18,6 m til LRV på 574,20 og heva 19,4 m til HRV på 612,2 moh. I tida skal ikkje forbruket av vatn pr veke 8 gjennom kraftstasjonen vera meir enn 4,5 % av 420 mill m 3. Auka effektkjøring i Sundsbarm kraftverk har skapt større problem for bruken av vatnet, for erosjon og for fisk. Hytteeigarar langs vatnet og grendefolk i Langlim meiner vatnet ikkje bør tappast ned til under kote 608 om sommaren. I tida skal Sundsbarm vera fylt til minst kote 608. Alternativt må alt tilsig etter 1. juni nyttast til å fylle opp vatnet inntil kote 608 er nådd. Manndalsåi og Åmotsdalsåi/Flatdalsåi Lausmassetersklar som blei bygd etter skjønnet er vaska vekk. Delar av elvefara er i ferd med å gro til. Det må gjennomførast eit nytt vassdragstilsyn saman med NVE der nye terskeltiltak blir vurdert. Kivleåi Middelvassføringa i Kivleåi er på årsbasis rekna til ca 800 l/s. Ca % av nedbørfeltet er overført til kraftverkstunnelen frå Sundsbarm. Vasskvaliteten i bekken er god. På dei nedste 500 metrane av bekken før utlaupet i Vallaråi er det gjort erosjonsførebyggande tiltak, og denne delen av bekken er i dag relativt steril for fisk. Det har vore ønskje frå grunneigar om tiltak som kan gjera bekken meir attraktiv for fiske, mellom anna ved å lage hølar og kulpar, skape meir kantvegetasjon og meir parkmessige tilhøve i området nær bekken. Det har også vore ønskje om å overføre større villfisk fanga i storruse i Seljordsvatn som eit fiskeobjekt i Kivleåi. Planane reiser ein del spørsmål, dels av prinsipiell karakter, og involverer mange styresmakter. Tiltaket er derfor inntil vidare lagt på is. 8 Industridepartementet

18 Tokke kommune Arkiv: 120/41 Saksnr.: 2013/744-2 Saksbeh.: Sverre Bakke Direkte tlf.: Dato: Saksframlegg Utval Utvalssak Møtedato Utviklingsutvalet 13/ /41- Hege Verpe Nordvik- Søknad om konsesjon. Saksdokument: Nr. 1 Søknad Nr. 2 Kjøpekontrakt Nr. 3 E-post frå selgar Saksutgreiing: Denne søknaden gjeld eit bustadhus på Vistad, tett ved R-37 på nordsida av det gamle kommunehuset i krysset inn til dei nordre Vistad gardane. Tomta er lita og har veg på 2 sider. Standard ser grei ut. Huset har vore på sal i lengre tid og eigaren har kjøpt seg nytt hus på Huvestadodden. Det er sjølvsagt problematisk å ikkje få selje det gamle huset. Vi har hatt nokre slike sakerfør på Åmdals Verk. På Dalen har vi hatt nokon, men då har standard m.m vore dårleg og det har vore problem med adkomst. I ei sak på Verket gjekk kommunen til slutt inn for sal utan buplikt. Huset er då framleis bustadhus, men ny eigar har fått konsesjon utan buplikt. Ny eigar hadde det nokre år og selte det. Huset var då framleis bustadhus med buplikt. Huset vart då selt som bustadhus og i betre stand. Denne prosessen er vanskeleg, men den er ein lufteventil for hus som ikkje blir selt, sjølv når prisen er grei. Tokke kommune er heller ikkje tent med at det er mange hus med ein eller anna minus som ikkje får ny eigar. Dette huset er selt til Hege Verpe Nordvik for kr Nordvik skriv følgjande:

19 Litt om oss: Hege er 42 år, oppvaksen på Dalen og har framleis familie her. Me er busett på Sotra utanfor Bergen, der Øyvind (49 år) kjem frå. Me har to barn, Kristense (10 år) og Kjersti (12 år). Dalen har me ofte besøkt då Hege har sine foreldre her, og me har i fleire år hatt ynskje om å ha vår eigen plass slik at me kan vere der over lengre periodar. Begge er utdanna innan helse; Hege arbeider som jordmor og Øyvind er høgskulelektor. Dersom me får løyve til å bruke huset som fritidsbustad, vil me i hovudsak bruke det i skuleferiar, jul og påske og langhelger. Me ser likevel ikkje bort ifrå eit lengre opphald på Dalen dersom det dukkar opp jobbar i vest-telemark som passar med vår kompetanse. På Sotra har me hestar og hund og håpar også å kunne dyrke den interessa i samband med fritidsbustad på Dalen. Håpar på rask handsaming og positivt svar Mvh Hege Verpe Nordvik og Øyvind Nordvik Vurderingar: Hovudføremålet med konsesjonsgrense null er å sikre busetnaden i kommunen. Då vil vi legge til rette for dei som alt er her og prøve å få fleire til å koma her. Av og til må ein då gå utanom dei oppgåtte spora. I denne saka har vi ein tokkebuar som har kjøpt seg nytt hus og ikkje får selje det gamle. Vi har ein utflytt som har familie her og er på leiting etter eit feriehus. Dette huset har sin avgrensing i høve til tomt/plassering og ingen vil kjøpe det. Vi løyser ei floke ved å gjeva konsesjon. Ein kan og sjå på dette som ein prøvebustad. Vi tilrår konsesjon utan buplikt. Huset vil framleis vera eit bustadhus. Rådmannen si tilråding: Formannskapet i Tokke gjev Hege Verpe Nordvik konsesjon utan buplikt på gnr. 120 bnr.41 i Tokke. Huset ligg på Vistad, tett ved R-37 på den eine sida og gardsvegen til Vistad gardar på ei side. Ein grunngjev vedtaket med at tomta er avgrensa med vegar på 2 sider og at noverande eigar ikkje får selt huset. Huset er framleis eit bustadhus. Vedtaket er gjort med heimel i 7 i konsesjonsloven

20 Tokke kommune Arkiv: 212 Saksnr.: 2012/ Saksbeh.: Tjøstov Djuve Direkte tlf.: Dato: Saksframlegg Utval Utvalssak Møtedato Utviklingsutvalet 13/ Administrasjonsutvalet Formannskapet Oppvekstutvalet Rådet for eldre og funksjonshemma Helse- og sosialutvalet Arbeidsmiljøutval Kommunestyret Årsmelding og kommunerekneskap for driftsåret 2012 Vedlegg: 1 Kommunerekneskapen Årsmelding 2012 Saksdokument: Fråsegn frå kontrollutvalet, møte blir lagt fram i formannskapsmøtet Saksutgreiing: Vedlagt fylgjer årsrekneskap og årsmelding for Driftsrekneskapen for 2012 er gjort opp med eit rekneskapsoverskot på kr etter bruk og avsetjing av fondsmidlar. Men netto driftsresultat for 2012 er derimot svært negativt, kr minus 2,4%. Årsakene til dette er stor utgiftsvekst, og ikkje tilsvarande inntektsvekst. Opphavleg budsjett for 2012 hadde eit netto driftsresultat på +0,1% (kr ).

21 Driftsinntektene frå m.a. konsesjons-raftsalet gjekk ned med kr 10,5 mill. og utgiftene auka ekstra mykje i og med bruken av ein del av det store positive rekneskapsresultatet for 2011(kr 12 mill.) i 2012-rekneskapen. Alle planområda utanom kultur og fellesinntekter har meirutgifter i 2012, jf nærare omtale i rekneskapen og årsmeldinga. Det er imedan også avsett kr 4,3 mill. til disposisjonsfond i 2012, til bruk i Det var i 2012 ein auke i netto lønsutgifter i høve til 2011 på 8,1% eller kr 12,2 mill. Av dette gjeld kr 4,7 mill. auka pensjonsutgifter (inkl. arb.gj.avgift), pensjonsutgiftene aukar ytterlegare i Andre driftsutgifter auka med kr 13,5 mill. (21,5%), medan driftsinntektene bare auka med kr 4,2 mill. (1,8%). Når det gjeld årsmeldinga så seier kommunelova 48. 5: I årsberetningen skal det gis opplysninger om forhold som er viktige for å bedømme kommunens eller fylkeskommunens økonomiske stilling og resultatet av virksomheten, som ikke fremgår av årsregnskapet, samt om andre forhold av vesentlig betydning for kommunen eller fylkeskommunen. Det skal redegjøres for den faktiske tilstanden når det gjelder likestilling i fylkeskommunen eller kommunen. Det skal også redegjøres for tiltak som er iverksatt, og tiltak som planlegges iverksatt for å fremme likestilling og for å hindre forskjellsbehandling i strid med likestillingsloven, samt for å fremme formålet i diskrimineringsloven og i diskriminerings- og tilgjengelighetsloven. Me syner i den samanheng til årsmeldinga blei nok eit arbeidsamt og utfordrande år for Tokke kommune. Men den vanlege, daglege drifta har i det store og heile gått som planlagt. Den øvste leiinga med fleire nye tilsette/konstituerte - har også i 2012 bruka mykje tid på arbeidet med ny administrativ og politisk organisering og tilsetjingsprosessane i den samanheng. Det er gjort nye vedtak i høve organiseringa av kommunen og me har no 5 etatar. Teknisk etat er oppretta på nytt som ei meir driftsorientert verksemd, og plan, kultur og næring er samla i ein etat. Store investeringar som er, eller nesten er, fullført i 2012 er rehabilitering av Åmdals Verk kloakkreinseanlegg, ny kloakkpumpestasjon Huvestad, masseutskifting og asfaltering av kommunale vegar, nye traktorar, ny indre hamn Dalen bryggje og kaup av tomteareal i Høydalsmo. Byggjing av ny Dalen barnehage starta opp. Investeringsrekneskapen er gjort opp i balanse. Det blir gjort framlegg om at rekneskapsoverskotet for 2012 blir å avsetje til disposisjonsfond. Rådmannen si tilråding: 1. Kommunerekneskapen for 2012 blir godkjent. 2. Overskotet i driftsrekneskapen for 2012, kr , blir disponera slik: Budsjettjustering: Rekneskapsoverskot 2012 Kredit kr Avsetjing til disposisjonsfond Debet kr Årsmeldinga for 2012 blir teken til vitande

22 Tokke kommune Arkiv: 223 Saksnr.: 2012/ Saksbeh.: Borghild Lurås Stahl Direkte tlf.: Dato: Saksframlegg Utval Utvalssak Møtedato Utviklingsutvalet 13/ Søknad om stønad til FIS Continental Cup Kombinert 1-3 mars 2013 Vedlegg: 1 Søknad om stønad til premiebudsjett 2 Budsjett 3 Annonser 4 Program 5 Rekneskap Saksutgreiing: Høydalsmo IL har søkt om stønad til premiebudsjett for FIS Continental Cup Kombinert som vart arrangert i mars i år. Dette arrangementet hadde eit budsjett på kr i utgifter og kr i inntekter. Dei søkjer om premiestønad frå Tokke kommune på kr Dei fleste i Tokke kjenner til dette arrangementet som er internasjonalt og samlar dei nest beste kombinertløparane. Dette er 6. året på rad dei er arrangørar og Skiforbundet er så godt nøgde med arrangørlaget at dei fekk premie og mange godord på ei samling i haust. Dette er god reklame for Høydalsmo IL, men og for Tokke kommune. Og i tillegg er det inspirasjon til yngre løparar. Sakshandsamaren er imponert over arbeidet medlemene i Høydalsmo IL legg ned og laget må sitje att med eit godt overskot om det skal vere interessant å gå på eit nytt arrangement om eit år. Framlegg til vedtak vil vere å etterkome søknaden fullt ut. I budsjettet er det sett av kr som utvalet rår over.

23 Rådmannen si tilråding: 1. Utviklingsutvalet løyver kr til Høydalsmo IL til FIS Continental Cup Kombinert. 2. Løyvinga vert teken frå post Tilskot etter avgjerd i Utviklingsutvalet og blir betalt ut omgåande.

24 Tokke kommune Arkiv: 223 Saksnr.: 2013/98-2 Saksbeh.: Borghild Lurås Stahl Direkte tlf.: Dato: Saksframlegg Utval Utvalssak Møtedato Utviklingsutvalet 13/ Søknad om stønad til Sørnorsk Snøscootercup Cross 2013 Vedlegg: 1 Støtte til arrangement Saksutgreiing: Skafså motorsportklubb har også i år sendt søknad om stønad til snøscooterarrangement som i 2013 gjekk føre seg i februar og mars. Arrangementa gjekk bra og arrangørane har fått gode tilbakemeldingar frå forbundet. Deltakarane kom frå fleire kommunar, ja heilt frå Valdres, og det var positive meldingar også frå dei. Det eine løpet vart vunne av ein ung Tokkebuar. Sakshandsamaren er imponert over arrangøren som legg ned mykje arbeid og fritid i denne sportsgreina som nok kan seiast å vera ganske krevjande. Det er også viktig for motorinteressert ungdom å ha eit lag der dei kan lære om gjeldande lovar og reglar innom sporten og ikkje minst at dei må fylgje desse elles får det konsekvensar. Denne aktiviteten er også med på å lage trivsel for ein stor del av Tokkeungdomen. Framlegg til vedtak frå sakshandsamaren vil bli å etterkome søknaden fullt ut. Rådmannen si tilråding: 1. Utviklingsutvalet løyver kr til Skafså motorsportklubb for gjennomføringa av 2 løp i Sørnorsk snøscootercup Cross i Løyvinga vert teken frå post Tilskot etter avgjerd i Utviklingsutvalet og blir betalt ut omgåande.

25 Tokke kommune Arkiv: 223 Saksnr.: 2012/ Saksbeh.: Borghild Lurås Stahl Direkte tlf.: Dato: Saksframlegg Utval Utvalssak Møtedato Utviklingsutvalet 13/ Søknad om stønad til Vest-Telemark Cup i fotball 2013 for Lillegutar og -jenter. Vedlegg: 1 Søknad om stønad til premie Saksutgreiing: Sidan 1983 har det vorte arrangert fotballcup for aldersgruppa år i Høydalsmo. Fotballgruppa i Høydalsmo IL har kvart år vore arrangør og i år blir det for 31. gong på rad. Summen dei søkjer om er kr til premiar. Nesten kvart år har Tokke kommune vore med og støtta med ein liten sum. Dette meiner sakshandsamaren er viktig for å syne at me set pris på arbeidet som blir lagt ned av fotballgruppa og me ser at dette er med på å auke trivsel og fører til betre oppvekstmiljø. Det er viktig at noko skjer i bygdene våre og det er god reklame for plassen og kommunen. På denne bakgrunnen vil sakshandsamaren gjere framlegg om å etterkome søknaden fullt ut. Rådmannen si tilråding: 1. Utviklingsutvalet løyver kr til Høydalsmo IL til å arrangere Vest-Telemark Cup i fotball for Lillegutar og jenter. 2. Summen vert å ta frå post Tilskot etter avgjerd i Utviklingsutvalet og blir betalt ut etter at arrangementet er halde.

26 Tokke kommune Arkiv: 223 Saksnr.: 2013/541-4 Saksbeh.: Borghild Lurås Stahl Direkte tlf.: Dato: Saksframlegg Utval Utvalssak Møtedato Utviklingsutvalet 13/ Søknad om støtte til å få laga byste av Anne Grimdalen. Vedlegg: 1 Søknad 2 VS: Anne Grimdalen 3 VS: Byste Saksutgreiing: Det ligg føre søknad frå styret i Skafså Minnelund om å få laga og sett opp ei byste av Anne Grimdalen i Minnelunden i Skafså. Som søkjaren skriv var det ei avduking 17. mai i 2012 av ei informasjonstavle om dei tre gjeve Tokkebuarane som alt står der på sokkel; Peter Mandt, Talleiv Huvestad og Vetle Vislie. Anne Grimdalen skal etter det eg kjenner til vere i slekt med alle desse tre. Prosjektet er svært spanande sidan ein god ven av Anne, frå tida ho var i Spania, vil få laga ein kopi av ei byste av henne som han sjølv er meister for. Og dette vil han få gjort i Spania. Bysta er kostnadsrekna til kr og denne summen søkjer dei kommunen om. Sokkelen vil styret for Skafså minnelund ta ansvar for. Sakshandsamaren synes dette er eit godt høve til å heidre minnet etter Anne Grimdalen som har gjort Tokke kommune kjend gjennom alle kunstverka sine. Mange stader i landet vårt finn me skupturar som denne vesle, store Tokkekvinna har laga. Og ingen stad passar betre enn i Skafså Minnelund. Det blir flott å få Anne, truleg den mest kjende kvinna frå Tokke, mellom dei tre karane som alt er der. Dette er ein sjanse som Tokke kommune ikkje bør la gå frå seg. Kostnaden er ikkje noko å seia på og sakshandsamaren vil rå utvalet til å etterkome søknaden fullt ut.

27 Rådmannen si tilråding: 1. Utviklingsutvalet løyver kr til styret for Skafså Minnelund til å få laga ei byste av Anne Grimdalen. 2. Løyvinga vert å ta av post Tilskot etter avgjerd i utviklingsutvalet og blir betalt ut etter dokumentasjon.