OPPFØLGING HA19-16 FORVALTNINGSREVISJONSRAPPORT BARNEVERN RUTINER VED OMSORGSOVERTAKELSE

Transkript

1 Dato: Arkiv: 217 Kontrollutvalet i Hareid SAK 34/17 OPPFØLGING HA19-16 FORVALTNINGSREVISJONSRAPPORT BARNEVERN RUTINER VED OMSORGSOVERTAKELSE Forslag til vedtak: 1. Kontrollutvalet tek tilbakemelding av frå Rådmannen v/barnevernssjef Brynhild Solvang i Barnevernstenesta, til vitende. 2. Kontrollutvalet ber om at beskriving av rutiner og dokumentasjon på desse i tråd med revisor si anbefaling pkt.1. til 3. (rapporten sin del 8 s. 45) jf. oppfølging av kommunestyrevedtak PS47/14 vert sendt til sekretariatet innan Kontrollutvalet vil understreke at ein ikkje er nøgde med Rådmannen si handtering av kommunestyrevedtaket sine punkt 2. og 3.,tilbakemeldingar; overhalding av frist, kvalitet på tilbakemelding, dokumentasjon. Tidsaspektet for tilbakemeldingane er/kan vere avgjerande, og kontrollutvalet går ut ifrå at kvalitet på tilbakemeldingar og overhalding av tidfristar gitt av kommunestyret er noko rådmannen vil arbeide vidare med. Vedlegg 1. Utskrift av møteprotokoll: HA SAK Forvaltningsrevisjonsrapport Barnevern Rutiner ved omsorgsovertakelse. 2. Utskrift av møteprotokoll: HA SAK 21/15 Oppfølging av forvaltningsrevisjonsrapport Barnevern Rutiner ved omsorgsovertakelse 3. Tilbakemelding frå rådmannen v/barnevernssjef Brynhild Solvang i Barnevernstenesta (for Hareid Ulstein Ørsta Volda), av Utskrift av møteprotokoll: HA SAK 19/16 Oppfølging av forvaltningsrevisjonsrapport Barnevern Rutiner ved omsorgsovertakelse - sak 21/15 Saksopplysningar Dette er eit forvaltningsprosjekt frå 2014, og saka vert presentert som eit bygd opp kronologisk for kontrollutvalet skal sjå gangen i den. Vedtak for prosjektet Kontrollutvalet i Hareid kommune gjorde i sak 39/13 vedtak om å få utført eit forvaltningsrevisjonsprosjekt på barnevernstenesta i kommunen. Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 1 av 8

2 Prosjektet skulle ta føre seg deler av sakshandsaminga og oppfølging av barn og foreldre i høve omsorgsovertaking, og hadde følgjande problemstillingar: 1. Er sakshandsaminga i barnevernet tilfredstillande mtp. handsaming av bekymringsmeldingar, undersøkingar og skriftelege henvendingar? 2. Vert barn med tiltak følgt opp av barnevernet på ein tilfredstillande måte? 3. Følgjast born i fosterheim tilfredstillande opp av barneverntenesta og tilsynsførar? 4. Følgjast foreldre /pårørande tilfredstillande opp av barnevernet i høve omsorgsovertaking? Søre Sunnmøre kommunerevisjon IKS utarbeidde forvaltningsrevisjonsrapport Barnevern Rutiner ved omsorgsovertakelse - Hareid kommune, datert Revisor hadde følgjande anbefalingar i høve sine vurderingar/konklusjonar (del 8 s. 45): 1. Barnevernstenesta må utarbeide rutinar som sikrar at lovverket vert følgd og tidsfristar overhalde. Dette gjeld spesielt tiltak som kan bidra til å sikre: At tidsfristar for gjennomgang av meldingar og gjennomføring av undersøkingar vert halde. At oppfølging og tilsyn av barn i fosterheim vert gjennomført, dokumentert og arkivert tilfredstillande. At tiltaksplanar vert utarbeida og oppdaterte i samband med vedtak om hjelpetiltak vert fatta. At det vert utarbeida midlertidige omsorgsplanar i samband med at det vert fremma sak om omsorgsovertaking i fylkesnemnda. At skriftelege henvendingar frå foreldre/advokat vert tilfredstillande handsama og at det vert send ut midlertidig svar ved forventa lang sakshandsamingstid. At biologiske foreldre vert følgt opp og inkludert i fosterheimsarbeidet så mykje som er forsvarleg. 2. Utarbeide mal for tilsynsrapportar. 3. Utarbeide mal for samsværplanar. 4. Utarbeide oversikt over born med samværplan, og når desse skal reviderast. Saksbehandling forvaltningsrevisjonsrapport Forvaltningsrevisjonsrapport Barnevern Rutiner ved omsorgsovertakelse - Hareid kommune, vart handsama i kontrollutvalssak 23/14 (vedlegg 1), og vidare i kommunestyret PS 47/14 med følgjande samrøystes vedtak: 1. Kommunestyret tek til vitande forvaltningsrevisjonsprosjektet Barnevern i Hareid kommune. 2. Kommunestyret vedtek at revisjonen sine anbefalingar, jf. rapporten pkt. 8 side 45, skal fylgjast/utførast. 3. Kommunestyret vedtek at rådmannen rapporterer om status for gjennomføringane av anbefalingane og evt. vidare framdrift til kontrollutvalet innan Tilbakemelding 2014 Tilbakemelding frå Rådmannen delegert til barnevernssjef Brynhild Solvang i den interkommunale barnevernstenesta, Her viser ein m.a. til halvårsrapporten 2014 Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 2 av 8

3 der det blant anna står at fristbrot, manglande tiltaks- og omsorgsplanar og manglande tilsyn for barn under omsorg vil ha høgaste prioritet i haust. I tillegg vil ein prioritere intern opplæring, slik at alle nyttar fagprogrammet på rett måte. Ein vil også arbeide vidare med sikringa av gode rutinar, komtroll av framdrift, effektivisering og kvalitetssikring av kvart fagteam. Vidare at ein prioriterer vidare arbeid med interne rutinar, implementere rutinar for kvalitetssikring av arbeidet, implementere rutinar for brukarevaluering. Avslutningsvis skriv barnevernssjefen at «Utarbeiding av felles rutinar som sikrar at lovverket vert følgd og frista overhalde, er dermed eit satsingsområde, og det vert i dette arbeidet teke omsyn til oppfølgingspunkta i forvaltningsrevisjonsrapporten.» Det vart peika på at sidan den interkommunale barnevernstenesta er ein ny organisasjon, så treng ein noko tid før ein tek ein gjennomgang med evaluering av system for internkontroll og rutiner i den nye tenesta. Der hausten 2015 er sett som eit godt tidspunkt for dette. Oppfølging av forvaltningsrevisjonsrapport Barnevern Rutiner ved omsorgsovertakelse - Hareid kommune, vart handsama i kontrollutvalssak 21/15 (vedlegg 2), med følgjande samrøystes vedtak: 1. Kontrollutvalet tek tilbakemeldinga frå rådmannen v/felles barnevern til vitende. 2. Kontrollutvalet ber om oppdatert status i høve til kommunestyret sine krav, jf. Kommunestyresak 47/14, revisor sine anbefalingar, innan Kontrollutvalet ser barnevernsområdet som eit særs aktuelt område for ny forvaltningsrevisjon i komande planperiode. Tilbakemelding 2015 Tilbakemeldinga frå rådmannen v/barnevernssjef Brynhild Solvang i Barnevernstenesta (for Hareid Ulstein Ørsta Volda), låg føre (Sjå vedlegg 3) Oppfølging av forvaltningsrevisjonsrapport Barnevern Rutiner ved omsorgsovertakelse - Hareid kommune sak 21/15, vart handsama i kontrollutvalssak 19/16 (vedlegg 4), med følgjande samrøystes vedtak: 1. Kontrollutvalet tek til vitende tilbakemeldinga frå rådmannen v/barnevernssjef Brynhild Solvang i Barnevernstenesta (for Hareid-Ulstein Ørsta Volda) av Kontrollutvalet er ikkje nøgde med rådmannen/barnevernet si oppfølging av kommunestyresak 47/14, og vil rapportere det til kommunestyret. 3. Kontrollutvalet ber rådmannen følgje opp kommunestyrevedtak 47/14 snarast, og rapportere tilbake til kontrollutvalet om status for oppfølgjinga innan Tilbakemelding 2017 Rådmannen kom med tilbakemelding ved barnevernssjef Brynhild Solvang, Under kvart punkt i tilbakemeldinga er det sett inn utdrag (i blått) frå forvaltningsrevisjonsrapporten relatert til revisor sine anbefalingar. På grunn av kort tid mellom tilbakemelding og møtet, foreligg det ikkje kommentarar frå revisjonen når denne saka vert skriven. Revisjonen sine kommentarar i høve tilbakemeldinga frå Rådmannen vert tekne munnleg i handsaminga av saka. Viser til tidlegare svar datert , årsrapport for 2016, rapport 1.kvartal 2017 og tilbakemelding i samband med forvaltningsrevisjonen Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 3 av 8

4 Nokre utfyllande svar direkte gjeldande Hareid kommune: Meldingar: Alle meldingar vert gjennomgått fortløpande etter kvart som dei kjem inn, dei vert vurdert og teke stilling til innan fristen på 1 veke. Undersøkingsfristen på 3 (i nokre høve 6) mnd: For Hareid sin del var 6 av 33 nye undersøkingar, dvs 82 % av undersøkingane ferdigstilte innan frist i 1.kvartal Nokre saker kan av eksterne årsakar ikkje ferdigstillast innan frist, til dømes fordi foreldre er borte i periodar pga jobb, familiane reiser til og frå kommunen eller ut og inn av landet, pga kompleksiteten i saka, eller fordi det ligg føre språkog kulturelle utfordringar. Til trass for ulike rasjonaliserings- og effektiviseringstiltak i tenesta, syner det seg at kapasiteten likevel er for låg for å sette alle lovkrava. Det er stadig aukande pågang av meldingar, og tenesta må prioritere ut ifrå alvorsgraden i sakene. Det vil bli fremma politisk sak med ein grundig gjennomgang av personalressursane i god tid før dette årets budsjetthandsaming i samarbeidskommunane. Ein viser til forvaltningsrevisjonsrapporten side 23, der det heiter: Meldingar «Tilbakemelding til meldar var handtert på forskjellig måtar. Barnevernstenesta bør derfor innføre klare rutinar i samband prosessen kring registrering, behandling og tilbakemelding av bekymringsmeldingar.» Undersøkingar «Det låg ikkje føre nokon dokumentasjon i saksmappene som viste at barnevernstenesta hadde fått utvida frist. Revisjonen vil understreke at sakshandsamingstida i disse sakene representerer klare brot på barnevernslova sine maksimale tidsfristar (på 3 og 6 månadar) for gjennomføring av undersøkingar. Vi vil derfor minne om at bakgrunnen for at slike konkrete (og absolutte) tidsfristar blei innført i barnevernslova då krav om snarlege undersøkingar ikkje i tilstrekkelig grad blei etterlevd blant anna pga. manglande ressursar eller for dårlege rutinar ved barnevernstenesta i den enkelte kommune. Konsekvensane av at undersøkingar ikkje i tilstrekkeleg grad vert sett i verk i tide, eller at undersøkinga tek for lang tid, kan gjere at barnet sine problem blir så alvorlege at det eventuelt vil vere nødvendig med større tiltak som for eksempel omsorgsovertaking. Kommunen kan risikere mulkt av Fylkesmannen dersom det ligg føre gjentatte fristoverskridingar eller ved alvorlig overskriding av ein enkelt frist.» At oppfølging og tilsyn av barn i fosterheim vert gjennomført, dokumentert og arkivert tilfredsstillande: Vi har øyremerka ein person i 50 % stilling som søker å få ordninga med tilsynsførarar til å fungere etter krava i lova. Dokumentasjon og arkivering av rapportar mm er sikra. Barnevernstenesta hadde ved utgangen av 2016 tilsynsansvar for 13 barn som bur i Hareid kommune (eigne omsorgsbarn og tilsynsbarn). For 9 av desse er det gjennomført tilfredsstillande tilsyn så langt i inneverande år, medan det for dei andre er endringar på gang i høve tilsetting av nye tilsynsførarar og purring på manglande rapportar. Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 4 av 8

5 Det er fleire årsaker til at barn ikkje får dei tilsynsbesøka dei har krav på. Desse kan vere utanforliggande, og gjeld tilhøve som ein som tilsynsansvarleg ikkje har kontroll på. Tilsynsførarordninga er frå styresmaktene anbefalt å ligge til ein annan instans enn barnevernstenesta, og det vil bli fremma politisk sak om omlegging av ordninga innan kort tid i våre kommunar. Ein viser til forvaltningsrevisjonsrapporten side 39, der det heiter: «Vår undersøking viser at det ikkje er dokumentert i saksmapper at barnevernet i Hareid kommune fullt ut fører oppfølging og kontroll med barn i fosterheim etter lova sine krav. I sakshandsamingssystemet finn ein heller ikkje noko oversikt eller kontroll over om eit tilfredstillande antal tilsynsbesøk er gjennomført. Heimebesøka vert ikkje rapportert etter ein bestemt mal, men som journalnotat av kvar enkelt sakshandsamar. Barnevernstenesta har heller ikkje eigne skriftelege interne rutinar for korleis slike tilsynsbesøk skal gjennomførast. Dette gjer at innhald og fokus i rapportane varierer. Kommunen bør derfor utarbeide ein rapporteringsmal og skriftelege rutinar for korleis desse tilsynsbesøka skal gjennomførast, tilsvarande opplæringa i rapportskriving som Bufetat har gitt tilsynsførarane. Slike tiltak vil også kunne bidra til auka fokus på å få gjennomført dei lovpålagte tilsynsbesøka. Vi vil påpeike viktigheita av at det utarbeidast tilsynsrapportar og at desse vert forsvarleg handsama og arkivert. Slik dokumentasjon vil kunne gjere evalueringsarbeidet enklare på eit seinare tidspunkt ved for eksempel overføring av saka til ny sakshandsamar eller kommune.» Utarbeiding og oppdatering av tiltaksplanar for barn med hjelpetiltak: 48 barn i Hareid har pr i dag hjelpetiltak i heimen. 43 av desse har aktiv tiltaksplan. Dei andre er nyleg avslutta undersøkingar som ventar på at tiltak skal setjast i gong. Ein viser til forvaltningsrevisjonsrapporten side 26-28, der det heiter: Kontroll av tiltaksplanar i saksmapper og sakshandsamingssystem: «Tiltaksplanane følgjer ein bestemt mal og utforming og inneheld dei element som rettleiar til barne- og leikestillingsdepartementet meiner ein slik plan bør innehalde. Tiltaksplanen skal utarbeidast og oppdaterast i samband med at det vert fatta vedtak om nye hjelpetiltak. Revisjonen vil understreke viktigheita av at det vert utarbeidd slik plan og at det ligg føre dokumentasjon knytt til hjelpetiltaka. Tiltaksplanane har i svært liten grad vore oppdaterte. Eit plandokument er ingen garanti for tiltaket sin kvalitet eller for at barnet og tiltaket vert sikra god oppfølging. Dersom ein utfylt tiltaksplan ikkje har annen hensikt enn å vise at ei lovpålagt oppgåve er utført, har den liten verdi. Det låg heller ikkje føre noko dokumentasjon som synte at det hadde vore evaluert kvaliteten/resultatet av tiltaka. Tiltaksplanane vert i stor grad utarbeida etter at vedtaka er sett i verk, og barnevernstenesta ønskjer å få på plass rutinar på at vedtak skal henge saman med tiltaksplanen, og at den skal ligge føre saman vedtaket.» Midlertidige omsorgsplanar i samband med at det vert fremma sak om omsorgsovertaking i fylkesnemnda: Dette er standard og ein del av saksdokumenta til Fylkesnemnda Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 5 av 8

6 Ein viser til forvaltningsrevisjonsrapporten side 29-31, der det heiter: «Omsorgsplanar er knytt til tiltak som omhandlar omsorgsovertaking og plassering utanfor heimen. Føremålet til omsorgsplanen er først og fremst å avklare barneverntenesta sine intensjonar og føremål med plasseringa. Omsorgsplanane følgjer ein bestemt mal og utforming, og inneheld dei elementa som rettleiaren til barne- og likestillingsdepartementet opererar med. Omsorgsplanane sitt innhald omhandlar store og betydingsfulle aspekt ved livet til barn, foreldre, søsken og fosterfamiliar. Planen vil være retningsgivande for barnevernet sitt vidare arbeid og vil kunne gi foreldre og familie verdifull informasjon, samt fjerne ein del usikkerheit mtp. omsorgsovertakinga. Omsorgstiltak og omsorgsplanar rapportering til fylkesmannen. Barnevernstenesta bør vurdere å få på plass rutinar der dei utarbeidar og legg ved mellombelse omsorgsplanar til fylkesnemndsakene for deretter og utarbeide endeleg omsorgsplan seinast innan 2 år etter fylkesnemnda sitt vedtak. Kommunen bør derfor utarbeide interne rutinar for å følgje opp og utarbeide omsorgsplanar når det er fatta omsorgsvedtak. Kontroll av omsorgsplanar i saksmapper og sakshandsamingssystem. Gjennomgang av klientmapper og sakshandsamingssystemet Familia viste at barnevernstenesta utarbeidar berre endelige omsorgsplanar.» At skriftlege henvendingar frå foreldre/advokat vert tilfredsstillande handsama: Her er ein noko usikker på kva som meinast. Men ein kan ikkje finne å ha motteke klager på utilfredsstillande handsaming av henvendelsar frå foreldre/advokatar. Ein har heller ikkje motteke slike frå Fylkesmannen, som er klageinstans når forvaltninga ikkje følgjer regelverket. Utsending av midlertidig svar ved forventa lang sakshandsamingstid: Dette gjeld truleg når nokon har sendt søknad om for eksempel hjelpetiltak? Ein kan ikkje finne å ha motteke klager på slike, heller ikkje frå Fylkesmannen, som er klageinstans når forvaltninga ikkje følgjer regelverket. Ein viser til forvaltningsrevisjonsrapporten side 23: Kommunikasjon/korrespondanse mellom barnevernstenesta og foreldre/advokat Klientmapper og postlister viser at barneverntenesta i stor grad har svart på skriftelege henvendingar frå foreldre/advokat innan 1 månad. På ei anna side registrerte ein enkeltsaker/tilfeller der barneverstenesta ikkje har gitt tilbakemelding eller at sakshandsaminga hadde teke svært lang tid. Ein kunne heller ikkje sjå at det har vore sendt førebelse svar. Bvt bør derfor utarbeide interne rutinar for korleis skriftelege henvendingar skal handsamast, slik at ein unngår store variasjonar sakshandsaming og tidsbruk. At biologiske foreldre vert følgt opp og inkludert i fosterheimsarbeidet så mykje som er forsvarleg: Dette er det svart på i tidlegare tilbakemeldingar. Det er mogleg ein har misforstått, for viss det er slik at kontrollutvalet etterspør det forsvarlege ut ifrå barnets ståstad, er det viktig å understreke at barnets beste vert lagt til grunn for alle tiltak etter barnevernslova, og vi meiner det er ivaretatt i alle evalueringar og kontakt med barnet og dei biologiske foreldra. Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 6 av 8

7 Ein viser til forvaltningsrevisjonsrapporten side 44, der det heiter: «Rettleiaren jfr. revisjonkriteriet punkt d. Seier at det bør leggast til rette for at foreldre kan delta i fosterheimsarbeidet. Ein fann liten dokumentasjon som tilseier at foreldra i vesentleg grad vert involverte i fosterheimsarbeidet. Ein har ikkje undersøkt vidare kva som er bakgrunnen til dette, men forstår at foreldra sin situasjon kan variere og at i enkelte tilfelle kan ei slik involvering skade situasjonen for barnet. Ei slik involvering vil derfor vere avhengig av situasjonen og samarbeidsevna til foreldra, og bvt må vurdere dette i kvar enkelt sak. Revisjonen vil likevel nemne at bvt bør legge til rette for at foreldre vert involvert i fosterheimsarbeidet så mykje som er forsvarleg.» Mal for tilsynsrapportar: Er standardiserte Ein viser til forvaltningsrevisjonsrapporten side 26, der det heiter: Kontroll av tiltaksplanar i saksmapper og sakshandsamingssystem: «Tiltaksplanane følgjer ein bestemt mal og utforming og inneheld dei element som rettleiar til barne- og likestillingsdepartementet meiner ein slik plan bør innehalde.» Mal for samværsplaner: Ein har ikkje ein fast mal for samværsplanar, då planane må tilpassast kvart einskild barn og deira familie. Barn med samværsplan oversikt og revidering av samværsplanar: Som hovudregel vert plan for samvær laga ein eller to gongar i året, alt etter sakens karakter. Revideringstidspunktet varierer, då det er ulikt kva tid på året planane startar. Ein viser til forvaltningsrevisjonsrapporten side 44, der det heiter: «Ein registrerte at det i stor grad vert utarbeida samværsplanar. Planane følgte ikkje nokon bestemt mal, og utforminga varierte. Bvt har ikkje interne skriftelege rutinar for utarbeiding og oppfølging av samværsplanar. Ein manglar også ei oversikt som syner kva born det er utarbeida samværsplan for og evt når dei går ut. Kommunen bør derfor utarbeide standardmal for samværsplanar samt ei oversikt born med samværsplanar og når desse skal reviderast.» Kommentar til tilbakemeldinga Barnevernssjef Brynhild Solvang innleiier med å vise til m.a. tilbakemelding av , Ein til kontrollutvalssak 19/16 med revisor sine kommentarar til denne, og kontrollutvalet sitt vedtak pkt.2. og 3. som referert til ovanfor. Øvrig årsrapport for 2016, rapport 1.kvartal 2017 og tilbakemelding i samband med forvaltningsrevisjon 2016, som det vert vist til, ser ein ikkje som tilbakemelding om status for oppfølgjing av kommunestyrevedtak 47/14, og i tråd med kommunestyrevedtaket PS 47/14. I anbefalinga frå revisor sitt pkt.1 hovudline, står det: Barnevernstenesta må utarbeide rutinar som sikrar at lovverket vert følgd og tidsfristar overhalde. Ein kan ikkje sjå at ein har motteke tilbakemelding som stettar revisor si anbefaling i den forstand at det ikkje ligg ved dokumentasjon som viser at det er utarbeidd rutiner jf. revisor si anbefaling. Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 7 av 8

8 Rådmannen har i ein kommentar til skrivet frå barnevernsjefen uttalt at ho finn den klargjerande og informativ, og at ein vil gjere det ein kan om det er nødvendig med meir informasjon. Sekretariatet har forespurt Rådmannen om å få tilsendt dokumentasjon på oppfølging av revisor si anbefaling i form av rutiner, samt mal-dokument. Det vart i tilbakemeldinga av frå barnevernssjefen, vist til at den interkommunale barnevernstenesta for Hareid, Ulstein, Volda og Ørsta hadde gjennomgang og revidering av interne rutinar, m.a. ved gjennomføring av eit nasjonalt tilsyn 2015/16. Sjølve ordninga og rutinane skulle evaluerast i samarbeid med Fylkesmannen innan 1. juni Sekretariatet har bedt om å få tilsendt resultatet av denne evalueringa sidan det er utarbeiding og oppfylling av rutiner som ligg i anbefalinga frå revisor. På grunn av kort tid mellom tilbakemelding og møtet, er det ikkje mogleg å få dette i hende før handsaminga av denne saka i kontrollutvalet Dette er oppfølging av ein forvaltningsrevisjon gjort i 2014 der det er gitt stadig nye fristar fram til i dag, for tilbakemelding på status for oppfølging av revisor sine anbefalingar. Det er eit tankekors i høve det området og den sårbare gruppa denne forvaltningsrevisjonen gjeld. Forvaltningsrevisjon er ei lovpålagd oppgåve for alle kommunane i Noreg, og formålet med forvaltningsrevisjonen kjem fram av kommunelova 77 nr.4: ( )Kontrollutvalget skal videre påse at det føres kontroll med at den økonomiske forvaltning foregår i samsvar med gjeldende bestemmelser og vedtak, og at det blir gjennomført systematiske vurderinger av økonomi, produktivitet, måloppnåelse og virkninger ut fra kommunestyrets eller fylkestingets vedtak og forutsetninger (forvaltningsrevisjon). Formålet med forvaltningsrevisjon er å sette søkelys på situasjonen i dag og peike på muligheiter for forbetring og vidareutvikling av den kommunale verksemda, samt avdekke eventuelle manglar. Det er altså å sjå som eit verkty for den aktuelle verksemda der ein er gitt fristar for tilbakemelding på oppfølging av anbefalingar til forbetring, som ein kan sjå som ein positiv pådrivar i eit eventuelt forbetringsarbeid. Kontrollutvalet i Hareid kommune vedtok i sak 18/16, som del av etterlevelsesrevisjon jf. revisjonsplan vedteke i kontrollutvalssak 44/15, å få utført eit forvaltningsrevisjonsprosjekt kring barnevernstenesta i kommunen. Prosjektet tok for seg tiltak og oppfølging før og etter omsorgsovertaking, og om tilsynsføraransvaret fungerer tilfredstillande avgrensa til omsorgsovertaking i kontrollperioden Rapport forvaltningsrevisjonsprosjekt Barnevern tiltak tilsyn rutiner, låg føre Nokre av anbefalingane i denne forvaltningsrevisjonsrapporten vert fanga opp vidare av forvaltningsrevisjonsprosjektet Barnevern tiltak tilsyn rutiner (sjå oppfølgingssak HA03-17 sak 31/17). Ein viser likevel til at det her er snakk om å få på plass rutiner og å dokumentere at dette arbeidet med internkontroll er gjort for å sikre at lovverket vert følgd og tidsfristar overhalde. Jostein Støylen Dagleg leiar Kontrollutvalssekretariat for kommunene: Hareid, Herøy, Sande, Selje, Ulstein, Vanylven, Volda, Ørsta, Vågsøy Side 8 av 8