Notat. SOGNDAL KOMMUNE Plan og næring. Forvaltningsutvalet. Kopi: Jostein Aanestad

Transkript

1 Notat Til: Kopi: Frå: Forvaltningsutvalet Jostein Aanestad Arkivkode Arkivsaknr. Løpenr. Dato PLAN / / Endring av reguleringsplan for strandsona i Sogndal sentrum Samandrag og vurdering av merknad frå Fylkesmannen i Sogn og Fjordane og Sogn og Fjordane Fylkeskommune Tilråding: Kommunestyret vedtek framlegg til endring av reguleringsplan for strandsona i Sogndal sentrum, i tråd med PBL og Framlegg til endring av 48, 3), vert stroken. Vedlegg: 1. Samla merknadar 2. Fotodokumentasjon for dei aktuelle takstnummer Merknadar: Merknadane frå Fylkesmannen i Sogn og Fjordane og Sogn og Fjordane Fylkeskommune vart motteke den Fylkesmannen i Sogn og Fjordane konstaterer at endringa av føresegnene i hovudsak gjeld ombygging av naust og uthus for å tilpasse desse byggja til fjordstien som er under bygging. Fylkesmannen har slik ikkje avgjerande merknadar til den framlagde planendringa. Sogn og Fjordane fylkeskommune skriv innleiande at det er uheldig at avtalar inngått i skjønnsretten er i strid med gjeldande reguleringsplan. Framlegg til reguleringsendringar som no ligg føre er eit resultat av desse avtalane. Fylkeskommunen syner til at gjeldande reguleringsplan er av nyare dato og utarbeidd med hovudføremål å både leggje til rette for bygging av fjordstien og samstundes ivareta dei kulturhistoriske verdiane i området. Fylkeskommunen meiner at dei framlagte endringane som det no er opna for, utgjer så store endringar innafor eit relativt lite areal i bevaringsområdet, at dei vil vere er i strid hovudføremålet bevaring av kulturmiljø. Det å fjerne nokre einskildobjekt vil etter deira vurdering forringe kulturmiljøet som heilskap og svekke viktige opplevingsverdiar langs Fjordstien. Fylkeskommunen meiner at verdien av desse bygga vanskeleg kan erstattast med tilpassa nybygg. Side 1 av 5

2 Fylkeskommunen har vidare teke for seg framlegga til endring av reguleringsføresegner og vurdert dei kulturminnefaglege konsekvensane av desse: B5 5 Område for bustader: felt B.5. 5) Naust på gnr. 18/35 kan kortast inn i lenderetning slik at eigedomen sin grense mot fjordstien vert auka med om lag 1,5m. Naustet skal elles bevarst slik det står i dag. Naustet har i dag stor grad av autentisitet. Den enkle konstruksjonen gjer til at den delen som er skada bør vere enkle å utbetre utan å måtte rive delar av naustet. Ved å rive (redusere naustet i lengderetninga) vil det opphavlege båtopptrekket gå tapt og den kulturhistoriske verdien vert redusert. 6) Båtskur på gnr. 16/3 kan rivast, det skal tilretteleggast med oppfylling av grunnen for at skuret kan førast opp igjen. Ved å rive båtskuret vil dei kulturhistoriske verdiane av båtskuret gå tapt, vidare vil det kulturhistoriske miljøet verte forringa, noko som igjen leiar til at området sin variasjon i den kulturhistoriske massen vert redusert. Trass i dårleg stand og skadar på båtskuret meiner fylkeskommunen at den enkle konstruksjonen gjer til at dette lett kan utbetrast ved at den øydelagde materialen kan erstattast med ny. H2 12 Hotell/overnatting: H2. 7) Båtgarasje kan rivast. Grunnen skal tilretteleggast slik at det kan byggast naust/uthus tilpassa stil på hotellet og fjordmiljøet. Uthus/naust skal ha maks mønehøgde 6,0m og maks gesimshøgde 3,5 m rekna frå gjennomsnittleg terrengnivå etter at terrenget er bygd opp i tilsvarande høgde som tilliggande naust på gnr.16/10 Båtgarasjen frå 1950-talet skil seg frå dei andre nausta i området og fortel om drifta av hotellet og kva trong dei hadde for lagring av hotellbåten. Den kulturhistoriske verdien er likevel rekna å vere lågare enn for dei andre bygningane som er påverka av endringane i planframlegget. Fylkeskommunen opnar difor for at båtgarasjen kan verte riven. Samstundes vil fylkeskommunen rå ifrå at det vert gjeve løyve til å byggje opp eit nytt bygg der båtgarasjen står. Grunngjevinga for dette er at føresegna opnar for eit nytt båthus som er vesentleg høgare enn det eksisterande, og eit større nybygg tett på dei eldre nausta vil forringe dei kulturhistoriske verdiane i området. N4 48 Område for naust/sjøhus, N.4. 1) Eksisterande naust kan erstattast med nytt naust 3) Nybygg i området kan ha grunnflate maks. 40m2 BTA. Naustet kan førast opp på ny grunnmur som i framkant kan ligge maks 30 cm over nivå fjordsti. Takvinkel, maks. gesimsog mønehøgder målt etter høgde på grunnmur, på nytt naust skal være lik eksisterande bygning. Bygningen skal ha tradisjonell kledning av tre, tak som i dag, eller stål ev. pannestein. Side 2 av 5

3 Ved å rive naustet og føre opp eit nytt vil dette leie til tap av kulturminneverdiar og forringe det heilskaplege eldre bygningsmiljøet. Dersom naustet også får større grunnflate enn det som står der i dag, slik føresegnene opnar for, vil dette gje uheldige verknadar for miljøet som heilskap. Fylkeskommunen rår difor til at allereie vedtekne føresegner vert nytta, men det kan leggjast inn eit tilleggspunkt som opnar for at naustet kan hevast noko slik at båttilkomst vert sikra. Avslutningsvis meiner fylkeskommunen at noverande reguleringsplan ivaretek dei kulturhistoriske verdiane på ein god måte. Framlegg til endring av reguleringsføresegner vil i sum føre til ein vesentleg reduksjon av kulturminneverdiane i denne delen av Sogndalsfjøra. Fylkeskommunen meiner at ved å leggje fram vesentlege endringar på fleire areal opnar kommunen for ein praksis med ei meir uførutsigbar arealforvaltning, detter er uheldig. Dersom det vert gjort endringar i føresegnene for dei aktuelle områda, ber fylkeskommunen om at deira kulturminnefaglege vurderingar og tilrådingar vert vektlagde og at føresegnene vert justert i tråd med desse. Vår vurdering: Reguleringsplan for strandsona i Sogndal sentrum avløyser plan av Denne planen ga eigarane ein rett til utbygging på sine eigedomar. Bevaringsomsyn var lite vektlagt. Planen av 2010 følgjer av kommuneplanføresetnader om å opne strandsona for ålment tilgjenge med å tilrettelegge for turvegar i den bebygde del av sentrum. Bevaring av kulturmiljøet er vektlagt. Bygningar er ikkje verna som enkeltobjekt. I dette perspektivet vart det i avtalene kring fjordstiskjønet difor lagt vekt på at grunneigarane måtte få tilpassa sin eigedom og sine bygg til fjordstien samstundes som dei vart halde vedlike og tilrettelagt for sikker bruk. Kommunestyret har vedteke å bygge fjordsti etter reguleringsplan for strandsona i Sogndal sentrum, vedteke Ved fastsetjing for erstatning av inngrepa vart det inngått avtaleskjønn. For å realisere fjordstien mellom Rusebakken og Rones var det i skjønnet naudsynt å gjere avtalar med aktuelle grunneigarar om tiltak. Dette var tiltak grunneigarar ønskte gjennomført som føresetnader for skjønet. For fire område synte det seg at det er naudsynt med endring av reguleringsplanen for at desse tiltaka kan gjennomførast. Dei tiltaka som no er aktuelle tek ikkje vekk bygningar som representerer hovudtrekka i fjordmiljøet. Med unnatak av båtgarasjen på Hofslund hotell vert alle hovudbygga ståande, ev. attreist, stort sett med den form dei har i dag. Stien vil gje eigarane mykje betre tilkomst for vedlikehald og bruk. For hotellet sin del må det vera høve til å føra opp eit meir tenleg bygg for handtering av mindre båtar og flytebrygger tilpassa hotellet og miljøet sin stil. For nausta på taksnummer 13 og 14 endra situasjonen seg vesentleg med Dagmarstormen i romjula Begge bygningane fekk stor skade. For takstnr. 14 ligg det til rette for at eigar får ført opp båtskuret på sikker grunn. Og det same gjeld takstnr. 13 som får stabilisert grunnen under naustet og får betre tilkomst frå stien inn i naustet for sine båtar. Når det gjeld dei konkrete føresegnene som fylkeskommunen har vurdert er vår vurdering som følgjer: 5 Område for bustadar: felt B.5. 5) Side 3 av 5

4 Det opphavlege båtopptrekket som fylkeskommunen syner til, eksisterer ikkje i dag. Vidare, i og med at fjordstien avskjerer sjøen som i dag går inn under naustet, så må det, for å sikre bygget, fyllast opp med grus her. Eigar sitt ønskje om tiltak stabiliserer grunnen under naustet og gjev ein betre tilknyting mellom eigedomen og fjordstien i og med at hagearealet vert større. 6) Til liks med punkt 5) vil fjordstien avskjere sjøen som delvis går inn under skuret som er sterkt forfalle, mellom anna etter Dagmarstormen. For å sikre båtskuret må det fyllast opp med grus her, men samstundes er det ikkje mogeleg å sikre grunnen utan at båtskuret vert fjerna. 12 Hotell/overnatting: H2 7) Vi er ikkje samde i fylkeskommunen sin argumentasjon om at eit nytt naust som er vesentleg høgare enn det eksisterande, og tett på dei eldre nausta, vil forringe dei kulturhistoriske verdiane. I motsetnad til den eksisterande båtgarasjen vil det nye båthuset måtte oppførast i tilpassa stil til det eksisterande kulturhistoriske miljøet. Høgdeavgrensinga er den same som for dei kringliggjande nausta, allereie fastsett i gjeldande reguleringsplan. 48 Område for naust/sjøhus, N.4. 1) og 3) Naustet må hevast noko, då det vert liggjande noko lågare enn fjordstien som passerar tett att med. Eksisterande naust står på ein enkel grunnmur som er enkelt etablert rett på jord. Til liks med eigar legg vi til grunn at det er vanskeleg å heva naustet slik det er i dag med dårleg grunnmur i forkant og der naustet i bakkant går inn i bakken til gesimshøgde og kviler på enkel steinmur. Det er ikkje eit føremonn for tiltaket at grunnflate for eit eventuelt nybygg vert større enn det som allereie ligg til grunn i gjeldande reguleringsplan. Framlegg til endring av 48, 3), vert difor stroken. Samla vurdering: Hovudpoenget med desse framlegga til endring av føresegner er at dei er naudsynte fordi fjordstien kjem i framkant av eksisterande bygningar. Tiltaka som det no vert opna for i endringsframlegget er slik ein konsekvens av at ein både har vedtatt ein fjordsti, samstundes som at det opphavlege bygningsmiljøet skal ivaretakast på best mogeleg vis. Endringsframlegga byggjer slik opp under hovudføremålet med reguleringsplanvedtaket i Rådmann tilrår at framlegg til endring av 48, 3), vert stroken. Kommunestyret vedtek elles framlegg til endring av reguleringsplanen slik det no ligg føre. Sogndal Jostein Aanestad Side 4 av 5

5 -rådmann- Side 5 av 5