Søknad om ruteløyve for drift av flybuss mellom hotella og flyplassane i Kristiansund og Molde

Transkript

1 saksframlegg Dato: Referanse: Vår saksbehandlar: /2016 Geir Olsen Saksnr Utval Møtedato Samferdselsutvalet Søknad om ruteløyve for drift av flybuss mellom hotella og flyplassane i Kristiansund og Molde Bakgrunn Frå selskapet CC Norway AS har vi motteke søknad om ruteløyve for drift av flybuss i byane Kristiansund og Molde. I søknaden opplyser CC Norway AS at selskapet søkjer ruteløyve for å drive flybuss mellom flyplassane i Kristiansund og Molde og dei ulike hotella i desse byane. Det vil bli satt opp busstransport som vil vere tilpassa alle ruteflygingar. Selskapet ser føre seg å utføre transporten med busser som har inntil 16 passasjerseter, men opplyser at det vil bli sett inn større busser ved behov. Alle køyrety blir opplyst til å kunne skysse passasjerar med rullestol. Selskapet ser føre seg ein billettpris på kr 85 (enkeltbillett), men med rabattar for barn, pensjonistar mv. CC Norway AS er eit selskap i Kristiansund som drifter merkenamnet Crewcharter. I regi av Crewcharter har selskapet så langt utført oppgåver i samband med mannskapsskifte på forsyningsskip og riggar. Selskapet har også utført fast shuttlekøyring frå Thon hotell i Kristiansund til flyplassen, Vestbase og Shell Råket. Situasjonen ved dei to flyplassane i dag Ved Kristiansund Lufthamn Kvernberget var det i 2015 i alt reisande over flyplassen. Flyplassen har ikkje eigen flybuss, men blir køyrd av rutebuss og drosje. Når det gjeld det kollektive rutetilbodet til/frå flyplassen blir dette køyrd av rute 801 og 802, begge rutene starter i sentrum ved Kristiansund Trafikkterminal og går rundt Nordlandet i kvar si retning. Rutefrekvensen er om lag to turar i timen pr. rute på kvardagane, noko mindre på kveld, i helgane og om sommaren. Ut i frå rutetabellen er tida som bussen bruker frå Kristiansund Trafikkterminal til Kristiansund Lufthamn Kvernberget estimert til 20 minutt på rute 801 og 23 minutt på rute 802. Rutene er ikkje tilpassa den enkelte flyavgang/-ankomst. I Kristiansund sentrum (Kirklandet) er det i dag seks hotell samt eitt på Innlandet, av hotella på Kirklandet er alle lokaliserte i området i og rundt Kaibakken. Frå Scandic Kristiansund, som er det hotellet som er lokalisert lengst vekk frå busstraseen er det om lag to hundre og femti meter til næraste haldeplass i Kaibakken. Ved Molde Lufthamn Årø var det i 2015 i alt reisande over flyplassen. Heller ikkje Molde Lufthamn Årø har eigen flybuss, men blir køyrd av rutebuss og drosje, tilbodet er eit samarbeid mellom Nettbuss (rute 701), Aukra Auto og Molde Taxisentral.

2 Gjennom dette samarbeidet blir det hausten 2016 køyrd 9 turar til og 12 turar frå flyplassen på kvardagane. På tider med stor flytrafikk blir det køyrd heilt fram til inngangspartiet på flyplassen. I periodar med normal/låg flytrafikk blir flyplassen i all hovudsak køyrd av Nettbuss si rute 701 som trafikkerer strekninga Djupdalen Årølia, bussen stoppar da på busshaldeplassen ved E39 nordvest for flyplassen. Frå denne haldeplassen vil det vere i overkant av fire hundre meter å gå for flypassasjerar som vil nytte seg av buss. Det kan takast med at flyplassen også blir betent av distriktsruter som på enkelte turar køyrer innom flyplassen. Hotella i Molde er i dag lokaliserte i og rundt Storgata, denne gata er ein del av busstrasen for bussane som betener flyplassen, hotellgjestar har med det svært kort avstand når dei skal bevege seg mellom rutebuss og hotell. Når det gjeld transporten til/frå Molde Lufthamn Årø har det tidlegare vore noko misnøye med denne, i all hovudsak har det dreia seg om for få stasjonerte drosjer ved flyplassen og lang ventetid for flypassasjerar som vil nytte busstransport sidan busstilbodet ikkje er tilpassa flytidene. Med bakgrunn i desse problema, vart det oppretta ei arbeidsgruppe der representantar frå Molde kommune, Avinor, ruteselskap, drosjene, Molde næringsforum, hotella i Molde og Møre og Romsdal fylkeskommune sette seg saman med siktemål å betre transporttilhøva ved flyplassen. Dagens transporttilbod til/frå flyplassen i Molde er langt på veg eit resultat av dette arbeidet. Etter kva vi er kjend med, er partane så langt nøgde med kva ein har oppnådd, men likevel einige om å halde fram arbeidet med å betre kollektivtilbodet til/frå flyplassen i Molde. Uttaler til søknaden I brev datert 19. juli i år vart søknaden frå CC Norway AS sendt ulike aktørar til uttale. Innan utløpet av svarfristen har vi motteke tre utaler til søknaden. I si uttale datert 24. august 2016 skriv Molde kommune mellom anna at transport til og frå flyavgangar ved Molde lufthamn Årø har vore utfordrande i lang tid. Rutene for bybussen er ikkje tilpassa flyavgangane og ventetida for å nytte drosje har vore lang for reisande som vel å nytte slik transport. Kommunen er positiv til søknaden, men er og av den oppfatning av at tilbodet ikkje må vere avgrensa til berre å gjelde for hotellgjestar. Molde Taxisentral peiker i si uttale på det arbeidet som fleire aktørar i Molde har lagt ned og som fortsatt går føre seg for å utvikle transporttilbodet mellom sentrum og Molde Lufthamn Årø. Tilbodet er i dag allereie betre enn det Som CC Norway AS vil kunne tilby. Taxisentralen skriv i uttalen at både Aukra Auto AS og Nettbuss AS sine busstilbod dekkjer transporten til/frå flyplassen på ein god måte, utover dette blir også Taxisentralen si maxitaxi nytta på dei seine flyavgangane. Uttalen sår også tvil om det passasjertalet som CC Norway AS opererer med i sitt budsjett. Molde Taxisentral peiker også på vertskapsfunksjonen som no er innført ved Molde Lufthamn Årø, eit tiltak som er fullt ut finansiert av drosjesentralen.

3 Dette tiltaket går primært ut på å auke samkøyringa av passasjerar i drosjene, men yter også service utover dette, mellom anna får passasjerar som skal vidare med buss og/eller ferje bistand og informasjon om slike reiser. I uttalen peiker sentralen på kutta i næringslivet i regionen, dette har også verka inn på oppdragsmengda for drosjene. Eit nytt flybusstilbod kan difor få følgjer for løyvetalet i kommunen, ein reduksjon i løyvetalet vil i så fall truleg måtte skje innanfor maxitaxi-/minibussløyvene, dette sidan det er desse bilane som først og fremst vil miste trafikk ved etablering av eit nytt flybusstilbod. Slike bilar er ofte spesialutrusta for å kunne ta hand om andre grupper med særskilte behov for transport, det kan slik vere ei fare for at desse gruppene kan bli råka om ein får ein reduksjon i talet på drosjeløyver. I brevet tek også sentralen opp den beredskapen (driveplikta) som drosjene har i samfunnet og peiker på at CC Norway AS ikkje vil ha tilsvarande pliktar med turvogn- eller ruteløyve. Kristiansund Taxi SA skriv i sin uttale at CC Norway AS si omsøkte rute vil konkurrere med det allereie etablerte rutetilbodet i Kristiansund. Sentralen stiller seg uforståande til påstanden frå løyvesøkjar om at det eksisterande transporttilbodet til/frå flyplassen er utilstrekkeleg og viser mellom anna til busstilbodet i byen som har ein avgang kvart 15. minutt, på toppen av dette kjem 22 drosjer frå Kristiansund Taxi. Sentralen er av den oppfatning at tilbodet aldri har vore betre enn i dag. Sentralen stiller seg også spørjande til påstanden frå CC Norway AS om fortvilte flypassasjerar som har kome for seint til flyavgangane, slike historier er Kristiansund Taxi ikkje kjende med. I brevet går det vidare fram at sentralen dei tre siste åra har opplevd ein reduksjon i omsetninga på 35%. Tildeling av ruteløyve til CC Norway AS vil svekke sentralen sitt kundegrunnlag og økonomi ytterlegare. Kristiansund Taxi avsluttar brevet med å be samferdselsutvalet ikkje tildele ruteløyve til CC Norway AS. Situasjonen for drosjenæringa i fylket Som løyvestyresmakt for drosjene har Møre og Romsdal fylkeskommune dei seinare åra registrert ein nedgang i talet på drosjeløyver. Ledige løyver blir lagt på «is» og ikkje lyst ledig på grunn av reduksjon i køyregrunnlaget. Med bakgrunn i denne situasjonen har fylkeskommunen forsøkt å jobbe saman med drosjenæringa for å betre køyregrunnlaget og tilhøva i yrket elles. Generelt er drosjenæringa i fylket prega av ein nedgang i pasienttransporten, dette har tradisjonelt utgjort ein stor del av drosjene sitt køyregrunnlag. Dei seinare åra har ein del av denne transporten blitt overteke av aktørar med turvognløyve, men også på andre område blir drosjene utsett for meir konkurranse frå aktørar med slike løyve. Ein har dei seinare åra også registert ei auke i «piratverksemd» der privatbilar stel passasjerar frå drosjene. Vi er usikre på omfang og om det er delar av fylket der slik verksemd er meir utbredd enn andre delar.

4 Når det gjeld den nye delingsøkonomien, ser det likevel ikkje ut til at applikasjonane «Uber» og «Haxi» er særleg utbredt i Møre og Romsdal så langt. Nedgangen i aktiviteten i næringslivet det siste året har også råka drosjenæringa økonomisk, og kanskje i særleg grad er det reduksjonen innanfor næringar som olje- og skip som truleg har råka hardast, både Kristiansund og Molde finn ein fleire av desse miljøa. Vurdering Slik vi les søknaden frå CC Norway AS vil det omsøkte busstilbodet berre gjelde hotellgjestar, noko som blir stadfesta i telefonsamtale med styreleiar i selskapet 17. august Vi er ikkje kjend med kor stor del av flypassasjerane som skal vidare til hotella i dei to byane, men det kan stillast spørsmål ved om dette vil vere eit tilstrekkeleg passasjergrunnlag for å kunne drive eit flybusstilbod over lengre tid. Vi tek her med at Molde Bilruter AS og seinare Nettbuss Møre AS i si tid dreiv eige flybusstilbod til/frå flyplassen i Molde, for alle flypassasjerar, men la ned denne verksemda i 2009 på grunn av låg lønnsemd. Mellom hotella i Ålesund og flyplassen på Vigra vart det i 2011 også etablert eit privat flybusstilbod. Etter kva vi er kjend med dekker ikkje dette tilbodet alle flyavgangar, men blir i all hovudsak køyrd til tider med stor flytrafikk. Ved å drifte slik, vil selskapet som driv i Ålesund oppnå eit høgare beleggsprosent og eit tilsvarande lågare kostnadsnivå enn CC Norway AS, dette sidan sist nemnde selskap har opplyst at dei vil køyre til alle flyavgangar. Passasjertal ved desse tre flyplassane syner at Ålesund har eit langt større potensiale for privat flybussdrift enn kva som er tilfelle i Kristiansund og Molde. I 2015 reiste om lag 1,1 millionar flypassasjerar over Ålesund Lufthamn Vigra, tilsvarande tal for Kristiansund var og for Molde CC Norway AS vil, om selskapet blir tildelt ruteløyve, ta ein del av marknaden som i dag blir utført av rutebuss og drosje. I ein situasjon med dårlegare passasjergrunnlag kan det vere at Møre og Romsdal fylkeskommune som oppdragsgivar for kollektivtilbodet i fylket vil måtte justere (kutte) i ruteproduksjonen som går til/frå dei to omtalte flyplassane. Tilsvarande kan det og vere at drosjesentralane i Kristiansund og Molde i ein slik situasjon vil vurdere å stasjonere færre drosjar ved dei to flyplassane. Søknaden frå CC Norway AS gjeld berre hotellgjestar, andre reisande til/frå dei to flyplassane vil slik ikkje kunne nytte seg av det omsøkte flybusstilbodet. Vi ser ikkje klart føre oss korleis selskapet ser føre seg å skilje hotellgjestar frå andre grupper reisande, dersom desse forsøker å nytte flybusstilbodet. Vi trur det lett kan oppstå forvirring, misnøye og irritasjon blant reisande som ikkje får nytte seg av tilbodet, men som blir vist til det allereie eksisterande drosje- og rutebusstilbodet. Når det gjeld arbeidet som går føre seg for å betre kollektivtilbodet til/frå flyplassen i Molde der deltakande partar så langt har uttrykt seg positivt til utviklinga og vore samd om å halde fram samarbeidet, vil tildeling av ruteløye til ein ny aktør truleg sette ein stoppar for vidare arbeid. Tildeling av løyve for persontransport med motorvogn i rute er behovsprøvd, men søkjar må likevel oppfylle generelle krav knytt til vandel, økonomi og fagleg kvalifikasjon, desse er regulert i Yrkestransportforskrifta sin 4.

5 Søkjar har lagt fram følgjande dokumentasjon på at selskap og dagleg leiar fyller krava i forskrifta: Krav Dokumentasjon dokumentdato Vandel politiattest utan merknad 13. april 2016 Økonomi firmaattest 10. april «- konkursattest utan merknad 10. april «- skatteattest utan merknad 10. april 2016 fyller krava gjennom tidlegare tildelt Fagleg kvalifikasjon turvognløyve Oppsummering: Vi har forståing for at fleire kan vere positive til å opprette eit nytt flybusstilbod for hotellgjestar ved Kristiansund Lufthamn Kvernberget og Molde Lufthamn Årø, men ser også ein del andre sider ved etablering av eit slikt tilbod. Vi er usikre på om kundegrunnlaget ved dei to flyplassane er tilstrekkeleg for ein ny aktør. Passasjerane vil utelukkande bli henta frå det eksisterande buss- og drosjetilbodet, dei aller fleste truleg frå drosjedelen som er ei næring som allereie opplever lågare lønsemd når det gjeld køyreoppdrag. Etter vår vurdering har flyplassen i Kristiansund eit godt transporttilbod, ved Molde Lufthamn Årø er også tilbodet i ferd med å bli betre, her blir det også arbeidd med å utvikle tilbodet vidare. Etablering av eit nytt flybusstilbod vil truleg stoppe dette arbeidet. Det kan og stillast spørsmål ved om flypassasjerane og flyplassane/avinor er tent med eit tilbod som berre vil vere tilgjengeleg for ein del av flypassasjerane. Vi ser føre oss at det vil virke forvirrande og frustrerande for passasjerane om dei møter tre ulike typar tilbringartenester på dei to flyplassane. Om det det skulle bli slik at CC Norway AS ikkje får lønsemd i hotellkøyringa, vil selskapet truleg redusere eller legge ned verksemda. Om det i denne perioden samstundes har skjedd ein reduksjon i FRAM sin ruteproduksjon, vil flypassasjerane stå tilbake med eit redusert kollektivtilbod som det vil ta noko tid å bygge opp att. På sikt trur vi flyplassane og -passasjerane ved desse vil vere best tent med å halde fast ved det eksisterande buss- og transporttilbodet, og at dette blir utvikla vidare i eit nært samarbeid dei ulike aktørane knytt til dei to flyplassane. Slik vi ser det, vil dette også vere den beste løysinga for å sikre kontinuitet rundt persontransporten ved dei to flyplassane. Forslag til vedtak: CC Norway AS v/dagleg leiar Torben Malme får avslag på søknad om løyve for persontransport med motorvogn i rute mellom flyplassane i Kristiansund og Molde og hotella i dei to byane.

6 Ottar Brage Guttelvik fylkesrådmann Arild Fuglseth samferdselssjef Vedlegg 1 Flybuss Molde og Kristiansund - søknad om rutevognløyve 2 Søknad om ruteløyve for drift av flybuss i byane Kristiansund og Molde 3 Flybusstilbud - Uttale Molde kommune 4 Søknad om ruteløyve for drift av flybuss i byene Kristiansund og Molde - høringssvar fra Molde Taxisentral AS 5 Uttalelse - Flybuss