STATLEG KOMMUNEDELPLAN MED KONSEKVENSUTGREIING FOR E39 STORD-OS - UTTALE TIL HØYRINGSFRAMLEGG

Transkript

1 Arkivref: 2011/ /2016 Saksh.: Ove Kvalnes Saksnr Utval Møtedato 91/16 Kommunestyret STATLEG KOMMUNEDELPLAN MED KONSEKVENSUTGREIING FOR E39 STORD-OS - UTTALE TIL HØYRINGSFRAMLEGG Framlegg til vedtak: Stord kommune sluttar seg i hovudsak til framlegg til kommunedelplan med konsekvensutgreiing for E39 Stord-Os, men meiner alternativ F med søre kryssing av Langenuen er det beste alternativet for Stord og regionen og rår til at dette vert valt. Stord kommune ber om at konsekvensane særleg for eksisterande bygg og anlegg ved Nordre Tveita (Stord Hestesportsenter) og langs vestsida av dagens E39 ved Grov vert utgreidd og synleggjort, og at ein så langt som råd prøver å unngå at bygningar og anlegg går tapt og må erstattast. Kommunen ber om at tilsvarande vurderingar vert gjort langs dagens E39 ved Mehammer dersom alternativ B likevel vert valt. Stord kommune er uroa over at tilrådinga frå Statens vegvesen kan tolkast som om at utbygging av strekninga Heiane-Ådland/ Nordre Tveita skal inngå i siste utbyggingsetappe Ådland-Mehammer. Kommunen meiner det må utarbeidast reguleringsplan for strekninga Heiane-Ådland/Nordre Tveita så snart Kommunal- og moderniseringsdepartementet har handsama kommunedelplanen, med sikte på tidlegast mogeleg anleggsstart. Stord kommune har ingen merknader til at kommunedelplanen vert følgt opp med statlege reguleringsplanar. Kommunen legg då til grunn at statleg reguleringsplan følgjer reglane i Plan- og bygningslova som m.a. inneber høyring og offentleg ettersyn og at vedteken plan kan påklagast av berørte partar på same måte som ein kommunal reguleringsplan kan. Saksprotokoll i Kommunestyret Vedtak E39-prosjektet vil bety svært mykje for utviklinga av næringsliv og busetnad på Vestlandet. Fastsambandet (Hordfast) må på plass så fort som mogleg og inn i Nasjonal transportplan i denne perioden, parallelt med Rogfast. Stord kommune meiner alternativ F med søre kryssing av Langenuen er det beste alternativet for Stord og regionen, men sluttar seg elles i hovudtrekka til framlegg til kommunedelplan med konsekvensutgreiing for E39 Stord-Os. Kostnadsauken i prosjektet har vakse fram som den største trusselen mot ei realisering av prosjektet, m.a. som konsekvens av ny standar for riksvegprosjekt, finansieringmodellen m.v. Stord kommunestyre føreset at det vert gjort ein kritisk gjennomgang av delløysingane i detaljplanlegginga med sikte på å redusera totalkostnadene for prosjektet. Samstundes må strekninga Stord-Os ha gode trafikk- og miljøløysingar. Kommunestyret føreset at det vert lagt til grunn ein sams standard for den nye E39 og at denne skal leggjast til grunn for alle delløysingane av traseen. Stord kommunestyre kan på fleire punkt peika på tilhøve i departementet sitt høyringsutkast som ikkje er fullgodt kartlagde eller utgreidde, men føreset at dette vert nærare kvalitetssikra i den vidare planlegginga.

2 Stord kommune ber om at konsekvensane særleg for eksisterande bygg og anlegg ved Nordre Tveita (Stord Hestesportsenter) og langs vestsida av dagens E39 ved Grov vert utgreidd og synleggjort, og at ein så langt som råd prøver å unngå at bygningar og anlegg går tapt og må erstattast. Kommunen ber om at tilsvarande vurderingar vert gjort langs dagens E39 ved Mehammer dersom alternativ B likevel vert valt. Stord kommune er uroa over at tilrådinga frå Statens vegvesen kan tolkast som om at utbygging av strekninga Heiane-Ådland/ Nordre Tveita skal inngå i siste utbyggingsetappe Ådland-Mehammer. Kommunen meiner det må utarbeidast reguleringsplan for strekninga Heiane-Ådland/Nordre Tveita så snart Kommunal- og moderniseringsdepartementet har handsama kommunedelplanen, med sikte på tidlegast mogeleg anleggsstart. Stord kommune har ingen merknader til at kommunedelplanen vert følgt opp med statlege reguleringsplanar. Kommunen legg då til grunn at statleg reguleringsplan følgjer reglane i Plan- og bygningslova som m.a. inneber høyring og offentleg ettersyn og at vedteken plan kan påklagast av berørte partar på same måte som ein kommunal reguleringsplan kan. Handsaming Samrøystes vedteke Vedtaket var eit fellseforslag frå Ap, Sp, Krf og H. ****** ****** Ap, Krf og Sp sette fram følgjande forslag som vart trekt: Første avsnitt i rådmannen si tilråding går ut og vert erstatta med følgjande: E39-prosjektet vil bety svært mykje for utviklinga av næringsliv og busetnad på Vestlandet. Fastsambandet (Hordfast) må på plass så fort som mogleg og inn i Nasjonal transportplan i denne perioden, parallellt med Rogfast. Stord kommune meiner alternativ F med søre kryssing av Langenuen er det beste alternativet for Stord og regionen, men sluttar seg elles i hovudtrekka til framlegg til kommunedelplan med konsekvensutgreiing for E39 Stord-Os. Kostnadsauken i prosjektet har vakse fram som den største trusselen mot ei realisering av prosjektet. Auken er først og fremst ein konsekvens av ny standard for riksvegprosjekt. Men den er også knytt til finansieringa. Tilgangen på bompengar synest å drive fram delløysingar og kvalitetar som ikkje kan forsvarast økonomisk eller ut frå samla samfunnsnytte. Stord kommunestyre føreset at det vert gjort ein kritisk gjennomgang av delløysingane i detaljplanlegginga med sikte på å redusera totalkostnadene for prosjektet. Samstundes må strekninga Stord-Os ha gode trafikk- og miljøløysingar. Kommunestyret føreset at det vert lagt til grunn ein sams standard for den nye E39. Dei løysingane departementet foreslår for særleg ilandføringa i nord står ikkje i forhold til at staten gjev motsegn mot Stord kommune si løysing gjennom Landåsen for E39 over Stord. Stord kommunestyre kan på fleire punkt peika på tilhøve i departementet sitt høyringsutkast som ikkje er fullgodt kartlagde eller utgreidde, men føreset at dette vert nærare kvalitetssikra i den vidare planlegginga. Vidare som rådmannen si tilråding, avsnitt to, tre og fire. 2 av 9

3 Kjellbjørg Lunde, SV kom med følgjande framlegg: Uttale E-39 Stord Os. 1)Stord kommune meiner at alternativ F med søre kryssing av Langenuen er det beste alternativet for Stord og regionen og rår til at dette vert valt. 2) Stord kommune vil at konsekvensane for eksisterande bygg og anlegg ved Nordre Tveita, inkludert Stord Hestesportsenter, og langs vestsida av dagens E39 ved Grov vert utgreidd og synleggjort, slik at ein unngår at bygningar og anlegg går tapt og må erstattast. Kommunen vil at tilsvarande vurderingar vert gjort langs dagens E 39 ved Mehammer dersom alternativ B likevel vert valt. Stord kommune meinar Høyringsutkastet E-39 Stord Os må utgreie følgjande punkt, da desse er viktige for at å kunne vedta ei utbygging som miljømessig og økonomisk har store konsekvensar: 3)Konsekvensutgreiinga må fylgje opp opplysningane i Norsk Transportplan,( NTP, februar 2016 ) der kostnadane var auka til 39 mrd. ( frå 19 mrd. ) og anna finansiering, d.v.s. bompengar, var rekna til 14 mrd. Staten må dermed dekke 25 mrd. kroner. 4)Det må vurderast kva som blir venta av fylkeskommunale garantiar for byggjelån, og kva risiko og konsekvensar dette vil få for fylkeskommunen. Finansieringsgrunnlaget burde vere avklart når høyringsinstansane skal uttale seg. 5)Retningslinjene for planlegging av store vegprosjekt er ikkje blitt fylgt, jfr. Rundskriv ( R-109/14 ) om prinsipp og krav ved utarbeiding av samfunnsøkonomiske analyser. Der heiter det bl.a. : «For tiltak der en vurderer brukerbetaling som er begrunnet i et finansieringsbehov, skal en sammenlikne tiltakets samfunnsøkonomiske lønnsomhet ved de ulike finansieringsalternativene «. Dette burde vert gjort også i dette planarbeidet som eit grunnlag for høyringa. Vidare heiter det : «Avvisningseffekten ved brukerbehandling og kostnadene ved å kreve inn brukerbetalingen må inngå i analysen for de ulike alternativene «. Det er viktig at dette vert gjort og at ein argumenterer for samfunnsnytte/effekt ut frå ein realistisk modell med bompengar. 6)På landskapsområdet vil den ca. 30 km lange strekninga 4-feltsmotorvegen går gjennom, representere enorme landskapsinngrep. Dette er eit sårbart kystlandskap og i eit område som er kåra til «Verdens fremste naturbaserte reisemål» heile to gonger. Konsekvensen av naturinngrepa ved slik dimensjonering av vegen må dokumenterast og illustrerast betre, slik at konsekvensane av naturinngrepa vert realistiske. Dette påpeikte også Direktoratet for Naturforvaltning i si høyringsuttale til NTP i Merknadene frå Direktoratet for Naturforvaltning må følgjast opp, og illustrasjonane høyringsforslaget baserer seg på, må vere i samsvar med den fastlagde modellen for illustrasjon av store landskapsinngripande anlegg. Ved å følgje denne modellen vil framstillinga gi eit realistisk inntrykk av konsekvensane av veganlegget. 7)Ny ferjefri E-39 er dimensjonert etter ein høgare standard enn nødvendig for framtidig transportbehov. Naturinngrepa blir svært store og 4-feltsmotorveg tilrettelegg for ein vekst i biltrafikken som ikkje er i samsvar med dei måla vi har forplikta oss til når det gjeld klimautslepp. 8) Stord kommune tar til orientering at kommunedelplanen vert følgt opp med statlege reguleringsplanar. Kommunen legg då til grunn at statleg reguleringsplan følgjer reglane i Plan- og bygningslova som m.a. inneber høyring og offentleg ettersyn, og at vedteken plan kan påklagast av berørte partar på same måte som ein kommunal reguleringsplan kan. Framlegget fekk 5 røyster (SV og MDG) Rådmannen sitt framlegg til første avsnitt som fall: Stord kommune sluttar seg i hovudsak til framlegg til kommunedelplan med konsekvensutgreiing for E39 Stord-Os, men meiner alternativ F med søre kryssing av Langenuen er det beste alternativet for Stord og regionen og rår til at dette vert valt. 3 av 9

4 Rådmannen, Dokumentliste S Statleg kommunedelplan med konsekvensutgreiing for E39 Stord - Os - uttale til høyringsframlegg I Statens vegvesen, Region Vest KVU E39 Aksdal - Bergen - høyring S Høyring - Konseptvalutgreiing (KVU) E39 Aksdal - Bergen 2011 X Særutskrift - Høyring - Konseptvalutgreiing (KVU) E39 Aksdal - Bergen 2011 U Statens vegvesen, Region Vest KVU E39 Aksdal - Bergen - høyring I Jon Lund, prosjektkoordinator FERJEFRI E 39 I Harry Herstad VS: E39 - vedtak U Samferdselsdepartementet Val av trase E39 Aksdal - Bergen, førespurnad om møte (kopi av brev frå Hordaland fylkeskommune og Samarbeidsrådet for Sunnhordland) I Alsaker Fjordbruk AS E39 - Brukryssing over Langenuen ved Hodnanes-Jektevik I Statens vegvesen v/signe Eikenes Møte: E39 Aksdal - Bergen I Statens vegvesen v Signe Eikeland E39 Aksdal Bergen, - Oppstartsmøte på Os 17. mars referat I Statens vegvesen, Region Vest E39 Aksdal-Bergen - Dialogmøte om ikkjeprissette tema U Statens vegvesen, Region Vest E39 Aksdal-Bergen - Dialogmøte om ikkjeprissette tema X Presentasjon til kontaktutvalet Ferjefri kyststamveg mellom Bergen og Sunnhordland I Statens vegvesen, Region Vest Agenda for dialogmøte - Stod kommune I Hordaland fylkeskommune, Samferdselsavdelinga Kontaktutval for ny E39 Os - Fylkesgrensa til Rogaland - Referat frå oppstartsmøte 20. august 2014 I Statens vegvesen, Region Vest E39 Stord-Os, referat frå møte i Referansegruppa 6.november I Magne Misje Gjeld ny E39 I Hordaland Fylkeskommune Møte 24. mars i regionalt planforum - E39 Stord - Os: Planprogram I Hordaland fylkeskommune, Regionalavdelinga Innkalling til regionalt planforum Hordaland 24. mars 2015 U Statens vegvesen, Region vest Gjeld manglande midlar til attståande prosjekt på E39 over stord (Levåg-parsellen) I Statens vegvesen, Region Vest Idedugnad for strekninga Bokn - Aksdal - Stord 7, mai 2015 I Statens vegvesen, Region Vest Gjeld manglande midlar til attståande prosjekt på E39 over Stord - Levåg-parsellen I Statens vegvesen, Region Vest E39 Stord-Os, oppstart av kommunedelplan og KU, utlegging av planprogram til høyring S Statleg kommunedelplan for E39 Stord (Ådland/ Nordre Tveita) - Os - uttale til forslag til planprogram med utgreiingsprogram for konsekvensutgreiing I Gisle Hildershavn Høringssvar E39 Stord - Os U Statens Vegvesen Planprogram E39 Stord - Os - uttale frå Stord kommune I Hordaland fylkeskommune, Planseksjonen Fråsegn til planprogram for E39 Stord - Os I Oppsitjarane, Sageneset v/ Trude Aadland Uttale om vegtrasé E39 Stord I Fiskeridirektoratet, Region Vest E39 Stord-Os Hordaland - høyring av planprogram for kommunedelplan Os, Tysnes og Stord - uttale I Stord Næringsråd Fergefri E39 Stavanger - Bergen. Nå må vi ikke rote det til på Vestlandet! U Statens vegvesen Kommuneplanen for Stord, fil med omsynsone Landbruk H510 I Kommunal- og moderniseringsdepartementet Fastsett planprogram for statleg 4 av 9

5 kommunedelplan E39 Stord-Os (kopi av brev til Statens vegvesen Vegdirektoratet) I Hordaland fylkeskommune, Referat frå møte i AU Hordfast 14 desember Samferdselsavdelinga I Statens vegvesen, Region Vest E39 Stord - Os, Fastsett planprogram I Hordaland fylkeskommune, Regionalavdelinga Regionalt planforum 17. mars om E 39 - Stord - Os - i Haugesund I Hordaland Fylkeskommune Regionalt planforum 17. mars om E39 - Bokn - Stord, i Haugesund U Hordaland Fylkeskommune SV: Innkalling til regionalt planforum, Hordaland 17. mars om E39, i Haugesund I Hordaland fylkeskommune SV: Referat frå møte i kontaktutval for Hordfast 14 mars I Kommunal- og moderniseringsdepartementet Statlig kommunedelplan for E39 Stord-Os - Høring og offentlig ettersyn av planforslag I Statens vegvesen, Region Vest Forslag til plan for E39 Stord-Os på høyring Vedlegg 1 Illustrasjonskart alt. B 2 Illustrasjonskart alt. F 3 Samandrag, konklusjon og tilråding frå planomtalen Planframlegget med plankart, planomtale, føresegner, konsekvensutgreiingane, andre temautgreiingar m.v. finn ein på nettsida til vegvesenet. Adressa under er adressa direkte til plandokumenta: Innleiing (bakgrunn for saka) Kommunedelplanen med konsekvensutgreiing for E39 Stord Os er lagt ut til offentleg ettersyn og sendt på høyring. Frist for å koma med uttale eller senda merknader til planen er sett til 20.januar Bakgrunnen for planarbeidet er konseptvalutgreiinga for E39 Aksdal Bergen og regjeringa sitt vedtak i desember 2013 om midtre konsept (4c) for E 39 mellom Stord og Bergen og om statleg plan. Statleg arealplan er heimla i Plan- og bygningslova 6-4 som seier at departementet sjølv kan utarbeida og vedta kommuneplan eller reguleringsplan etter kapittel 11 og 12 i lova. I statleg plan etter 6-4 trer departementet inn i mynde til kommunestyret og skal då sjølv utarbeida og vedta planen. Planprosessen skal følgja dei same reglane i Plan- og bygningslova som ved kommunal plan med m.a. varsling om oppstart, fastsetjing av planprogram, utlegging til offentleg ettersyn og vedtak. Ved statleg plan vert berørte kommunar høyringspart på lik linje med andre høyringspartar. Vedtak om kommunedelplan kan ikkje påklagast. Planarbeidet har vore utført i regi av Statens vegvesen Region vest. Planprogram med utgreiingsprogram for konsekvensutgreiinga vart fastsett av Kommunal- og moderniseringsdepartementet Undervegs i arbeidet med planprogrammet vart det halde folkemøte i kommunane og dialogmøte med fagavdelingar i kommunane om ikkje-prissette tema som skulle konsekvensutgreiast. Planarbeidet har og vore følgt av eit kontaktutval der fylkesordføraren, ordførarane i kommunane, representantar frå næringslivet mv. har vore med. Saksutgreiing (fakta, saksopplysningar) I samsvar med det fastsette planprogrammet omhandlar planframlegget 4 alternative traséar for ny firefelts veg på strekninga frå Ådland/ Nordre Tveita i Stord kommune til Moberg/ Svegatjørn i Os kommune. Kommunedelplanen omfattar ny E39 gjennom dei fire kommunane Stord, Fitjar, Tysnes og Os. Kort omtale av alternativa 5 av 9

6 Dei fire alternativa er kalla alt. B, alt. D, alt. E og alt. F. Alt. B og E er alternativa med brukryssing ved Raunholm (midtre brukryssing), mens alt. D og F er alternativa med brukryssing ved Jektevik (søre brukryssing). Alle alternativa er like på strekninga frå Ådland/ Nordre Tveita til Agdestein, bortsett frå når det gjeld plassering av kryss for påkopling lokaltrafikk. Vidare nordover frå Agdestein går alt. B og E i tunnel til Jektevik, vidare i dagen til Mehammer og i tunnel att fram til bru over Langenuen ved Raunholm i Fitjar kommune. Alternativ D og F går i tunnel frå Agdestein og fram til bru over Langenuen ved Jektevik. Det kan plasserast kryss på Førland eller Agdestein uavhengig av alternativ. I planframlegget ligg krysset på Førland i alternativ B/E, og på Agdestein i D/F. I alternativ B/E er det også lagt inn eit kryss på Mehammar for trafikken til/frå Fitjar. På heile strekninga frå Ådland/ Nordre Tveita til Mehammer går vegen på oppsida/ vestsida av dagens E39. Bortsett frå kryssing av Langenuen og kor langt den nye vegen skal gå på austsida av Stord, er det på Tysnes ein finn dei store forskjellane mellom alternativa. Alternativ B går i bru over til Tysnes ved Nes og går vidare langs vestsida via Drange, Bårdsundet, Flygansvær og Gjøvåg og fram til brua over Bjørnafjorden til Søre Øyane i Os. Dette alternativet har kryss ved Drange og Gjøvåg. Alternativ D går i bru over til Tysnes ved Hodnanes og vidare via Økland, Uggdal, Ersvern, over Rekstern og fram til brua over Bjørnafjorden. Alternativet har kryss ved Økland, Uggdal og Gjøvåg. Alternativ E går som alt. B i bru over til Tysnes ved Nes, men går vidare via Uggdal, Ersvern over Rekstern og fram til brua. Alternativet har kryss ved Uggdal og Gjøvåg. Alternativ F går som alt. D over til Tysnes ved Hodnanes og vidare via Økland men så via Uggdalseidet, Bårdssundet, Flygansvær og Gjøvåg og fram til brua. Alternativet har kryss ved Økland, Uggdalseidet og Gjøvåg. I Os går alternativa hovudsakleg i tunnel frå der brua kjem på land og fram til Moberg/ Svegatjørn der vegen koplar seg på den nye firefeltsvegen Svegatjørn - Rådal som no er under bygging. Aktuelle og tilrådde brukonsept Langenuen vert kryssa med hengebru med seglingshøgde 75 meter. I midtre kryssing er bruspennet på 1235 meter og total brulengde 1910 meter. I søre kryssing er bruspennet på 1220 meter og total brulengde på 1720 meter. Over Bjørnafjorden har ein enda opp med tre aktuelle brukonsept: - Multispenn hengebru med tårn på stål eller betongflytarar - Endeforankra flytebru - Sideforankra flytebru Flytebruene har seglingsleid i sør med seglingshøgde 45 meter. Hengebrua har seglingsleid midtfjords med seglingshøgde minimum 45 meter. I alle brukonsepta kan mindre fartøy passere under brua i heile fjordbassenget. I det vidare planarbeidet vil Statens vegvesen optimalisera dei tre brukonsepta, og avgjerd om brutype skal takast på eit seinare tidspunkt. I kostnadsberekningane er det lagt til grunn endeforankra flytebru. Ikkje prissette konsekvensar Det er utarbeidd eigne fagrapportar for temaa landskapsbilete, nærmiljø og friluftsliv, naturmangfald, kulturmiljø og naturressursar. Fagrapportane inneheld grundige og gode kartleggingar av kva kunnskap som finst om alle tema, av kva verdi ein meiner dei enkelte delområda har for dei enkelte temaa, kva omfang tiltaket har på dei enkelte temaa og ei vurdering og fastsetjing av kva konsekvens ein meiner tiltaket har. Konsekvensen er gradert frå stor negativ, middels negativ, lite negativ, ingen konsekvens, til lite positivt, middels positiv til stor positiv konsekvens. Over Stord er i hovudsak alle alternativa vurdert å ha middels negativ konsekvens for alle tema. Konsekvensen for kulturmiljø er likevel vurdert til å vera litt større enn middels negativ for alternativ D og F på grunn av at krysset på Agdestein har større negativ konsekvens enn krysset på Førland. 6 av 9

7 Konsekvensen for naturmangfaldet er vurdert å vera litt større enn midels negativ for alt B og E m.a. på grunn av strekninga forbi Børtveit. Samla sett er alle alternativa vurdert å ha litt større negativ konsekvens enn over Stord isolert sett på grunn av at den negative konsekvensen for alle tema er større på Tysnes enn på Stord for alle alternativa. Det er samla sett liten forskjell mellom alternativa. Alternativ B er rangert som det beste og marginalt betre enn alternativ F. Alternativ D er vurdert som det dårlegaste. Prissette konsekvensar Dei prissette konsekvensane er konsekvensane for trafikantar og transportbrukarar, operatørar, det offentlege og samfunnet elles. Her inngår endring i trafikantane sine reisetids-, køyre- og driftskostnader, endringar som følgje av nedlegging av ferjesamband, endringar i investerings-, drifts- og vedlikehaldskostnader, i ulukkeskostnader, i kostnader som følgje av trafikkstøy, luftforureining, klimagassutslepp m.v. Alt. B og F har samla sett ein liten positiv netto nytte, mens alt. D og alt. E har ein liten negativ netto nytte. Forskjellen skuldast i hovudsak at alt. D og E er rekna til å vera rundt 6,5 milliard kroner dyrare enn alt. B og F. Alt. B og F er klart betre enn alt. D og E. Forskjellen mellom alt. B og F er liten, men alt. B er vurdert litt betre enn alt. F hovudsakleg fordi dette er litt lengre enn alt. F. Nytten for trafikantane vert difor litt betre med alt. B enn med alt. F. Forskjellen i investering er berre ca. 100 millionar kroner. Lokale og regionale verknader Det er utarbeidd ein eigen rapport om temaet lokale- og regionale verknader. I den samla vurderinga står det at alle alternativa vil ha svært positiv innverknad på potensialet for utvikling av kommunane i planområdet når det gjeld pendling, busetjing, arbeidsmarknad og arealutvikling. Alt. F er vurdert som best og marginalt betre enn dei andre. Alt. F har kryss ved Søreid og på Økland i Tysnes men gir lengst. reiseveg til Bergen for Fitjar sidan Fitjar sin tilknyting til E 39 då vert via kryss på Agdestein. Det står at god tilknyting på Tysnes er prioritert framfor lengre reiseveg til Bergen for Fitjar når alt. F samla sett er vurdert som marginalt betre enn dei andre alternativa når det gjeld lokale og regionale verknader. Statens vegvesen si tilråding Statens vegvesen rår til at alt. B vert valt. I tilrådinga står det at sidan skilnaden mellom alternativa er så marginale, har dei lagt størst vekt på kostnad og netto nytte. Når det gjeld brukryssing over Bjørnafjorden har dei lagt til grunn endeforankra flytebru i kostnadsberekningane, men skriv at avgjerd om brutype må takast på eit seinare tidspunkt. I tilrådinga skriv dei og om fleksibilitet i høve utbyggingsetappar. Dei skriv at i alt. B og E med midtre brukryssing kan ein nytta ein større del av dagens E39 på Stord (Ådland Mehammer) i eit første byggjesteg enn i alternativa med søre kryssing av Langenuen (Ådland Agdestein). Når det gjeld oppdeling i byggetrinn og til det som står om at det i ein første utbyggingsfase er mogleg å nytte dagens E39 frå Ådland til Mehammer, står det at den nye vegen då vil få ei mellombels enkel påkopling med T-kryss til dagens E39 på Mehammer. Det står vidare at då kan og strekninga Ådland Mehammer byggjast samtidig med parsellen Heiane Ådland på eit seinare tidspunkt. Stord kommunen sin uttale til planprogrammet Kommunen gav slik uttale til planprogrammet: «Kommunestyret sluttar seg i hovudtrekka til forslag til program for E39 Stord Os slik det ligg føre -men vil allereie på noverande tidspunkt peika på at brukryssinga over Langenuen mellom Stord og Tysnes bør knytast til Jektevik og med ei seilingshøgd som tar omsyn til verkstadindustri og skipsfart. Kommunestyret vil vidare peike på at planprogrammet konkret må visa til korleis framføringa av den nye vegen over Stord best ivareteke miljø, busetnad og folkehelsa på øya, og at ein i denne samanheng også vurdere korleis byggegrensa langs vegen kan tilpassast lokale tilhøve. Kommunestyret viser elles til rådmannen sine vurderingar.» Av uttalen går det fram at kommunestyret meiner at brukryssinga over Langenuen bør ved Jektevik. 7 av 9

8 Vurdering Stord kommune har tidlegare slutta seg til planprogrammet. Framlegget til kommunedelplan er utarbeidd i samsvar med det fastsette planprogrammet. Å gje uttale til planframlegget skal slik rådmannen ser det no, handla om kva alternativ ein skal velja, om kva konsekvensar den nye vegen har for kommunen og regionen og om kva føresetnader som er lagt til grunn for seinare reguleringsplanarbeid og gjennomføring. Det skal ikkje handla om spørsmålet om ferjefri veg eller ikkje, om kva standard vegen skal ha eller om ein skal sjå på heilt andre traséar for vegen mellom Stord og Bergen. Verknader for Stord Ein firefelts veg med to store toplanskryss gjennom dette landskapet med mykje skrånande terreng langs austsida av Stord medfører store og godt synlege terrenginngrep og store konsekvensar for nærmiljø og friluftsliv, naturmangfald, kulturmiljø og naturressursar. Rådmannen meiner konsekvensutgreiingane gir eit rett bilete av verdi, omfang og konsekvensar for alle dei ikkje prissette temaa. Rådmannen meiner ein langt på veg har funne den beste linja for vegen over Stord både fram til Agdestein og tunnelinnslaget der og vidare fram til Mehammer for alt. B og E. Rådmannen meiner dei negative konsekvensane i høve dei ikkje- prissette konsekvensane hadde vore vel så store ved andre linjeval. Men rådmannen ser at linjevalet over Stord har konsekvensar for eksisterande anlegg og utbygging som ikkje er omtalt i planframlegget eller konsekvensutgreiinga. Linjevalet på første strekninga frå Ådland/ Nordre Tveita medfører at travbanen til Stord Hestesportsenter går tapt og den nye vegen vil koma tett på stallen og klubblokalet til hestesportsenteret. Kommunedelplanen for E39 Heiane Ådland/ Nordre Tveita følgjer her dagens E39 og rådmannen saknar ei grunngjeving for kvifor ein har landa på ei anna linjeføring her og ei utgreiing av konsekvensane for hestesportsenteret. Rådmannen meiner ein må ta ei ny vurdering her. Vidare ser rådmannen at linjevalet forbi Grov medfører at bustadane på oppsida/ vestsida av E39 må rivast. Rådmannen kan heller ikkje sjå at dette er omtala og konsekvensvurdert. Det er ukjent kva dialog det har vore med dei berørte og om det er vurdert å leggja vegen slik at desse bustadane kan stå. Det same gjeld og for nokre bustadhus langs noverande E39 på Mehammer. Toplankrysset og linjevalet fram mot tunnelinnslaget her medfører at noverande E39 må leggjast om, og som m.a. medfører riving av bustadhus. Her og saknar rådmannen ei utgreiing av konsekvensane, om det har vore dialog med dei berørte og ei utgreiing av konsekvensane av å justera linja for å unngå at bustadhus må rivast. Rådmannen meiner det er positivt at føresegnene slår fast at det skal utarbeidast ein formingsrettleiar som gir føringar for korleis veganlegget skal utformast i høve til landskapsforming og landskapstilpassing, estetikk og arkitektur. Vidare skal det lagast miljøoppfølgingsprogram, eksisterande turvegar og driftsvegar som vert avskorne av ny E39 skal sikrast trygge og tenlege planskilde løysingar for kryssing av nytt veganlegg, og det skal opparbeidast tilførselsvegar mellom eksisterande lokalvegsystem og nye kryss med E39 mv. Føresegnene har og omfattande retningsliner for vidare planarbeid. Val av alternativ Når det gjeld spørsmålet om kva alternativ ein skal velja, synest rådmannen det er vanskeleg å koma med nokon klar tilråding i kva som er best av alt. B og alt. F og les heller ikkje noko klar tilråding ut frå vegvesenet si tilråding. Rådmannen meiner alt. F med brukryssing i sør er best for Stord isolert sett sidan dette er klart best for Huglo sin tilknyting til E39 og resten av kommunen og sidan dette alternativet legg beslag på mindre del av austsida av Stord enn det alt. B gjer. Men alt. F har kryss på Agdestein noko som etter rådmannen si vurdering er mindre gunstig for Stord isolert sett enn kryss på Førland. Ein kan velje å etablere kryss på Førland i staden for på Agdestein også i alternativ F, men for trafikken til/frå Fitjar vil dette vere negativt. I eit regionalt perspektiv er omsynet til best mogleg tilknyting til E39 og til regionsenteret viktig for Stord. For Fitjar er alt. B med midtre brukryssing det klart beste både i høve tilknyting til E39, og då særleg i retning Bergen, men og i høve tilknyting sørover. Rådmannen er vidare samd i at for Tysnes er det alt. F med brukryssing i sør som er det beste. Kvinnherad si tilknyting til E39 og regionsenteret er og viktig for Stord. Rådmannen kan ikkje sjå at dette er med i vegvesenet sine vurderingar i høve til kva alternativ som samla sett er det beste, anna enn at det står at kryss på Førland er gunstig i høve til eventuelt ferjeleie i Kvernanes-/ Buvikaområdet. Dersom Kvinnherad sin tilknyting til E39 og regionsenteret Leirvik ein gong i framtida vert via Tysnes, vil alt. F med kryss på Økland vera gunstigare enn alt. B med kryss på Drange. For reise i retning Bergen vil 8 av 9

9 det ikkje spela så stor rolle, men reiseavstanden sørover i retning Leirvik vil auka med ca. 12 km dersom alt. B vert valt framfor alt. F. For Kvinnherad vert dette likevel ei dårlegare tilknyting til E39 og regionsenteret enn eit eventuelt innkorta ferjesamband mellom Kvinnherad og Stord. Etappevis utbygging Rådmannen er samd i vegvesenet sine vurderingar om at ein i alt. B kan starta utbygging av strekninga frå Mehammer og nordover og at ein i dette første byggjesteget nyttar noverande E39 mellom Ådland/ Nordre Tveita og Mehammer. Men rådmannen er sterkt ueinig i og uroa over at dette skal medføra at heller ikkje strekninga Heiane Ådland/ Nordre Tveita då vert bygd ut før. Rådmannen meiner tvert imot at strekninga Heiane Ådland/ Nordre Tveita må byggjast ut først og vera ferdig før Rogfast og i neste omgang Hordfast er ferdig. Statleg reguleringsplan Vegvesenet ber i høyringsframlegget kommunane om å ta stilling til statlege reguleringsplanar. Rådmannen har i denne saka ingen merknader til at den statlege kommunedelplanen vert fylgt opp med statlege reguleringsplanar. Rådmannen legg då til grunn at statleg reguleringsplan skal handsamast i samsvar med reglane i Plan- og bygningslova som m.a. inneber høyring og offentleg ettersyn og at vedteken plan kan påklagast av berørte partar på same måte som ein kommunal reguleringsplan kan. Rådmannen føreset elles at planarbeidet vil verta utført i god dialog med dei aktuelle kommunane. Konklusjon Rådmannen rår til at kommunestyret gir uttale slik det går fram av vurderingane over og framlegg til vedtak. 9 av 9