Møteprotokoll Styremøte Omstillingsprogrammet i Lærdal og Årdal

Transkript

1 Møteprotokoll Styremøte Omstillingsprogrammet i Lærdal og Årdal Møte nr: Tid: Tysdag 15. mars 2016 kl Stad: Lærdal, møterom 2. etasje KIWI-bygget Til stades Omstillingsstyret: Jan Geir Solheim (styreleiar) Arild Ingar Lægreid Rolf Jerving Gro Starheimsæter Jarle Molde Kristen Olav Grøttebø Hallvard Thomassen Trond Øyen Einemo Observatørar: Audhild Schaathun Rune Fromreide Alf Olsen jr. Sekretær: Arve Tokvam Forfall Observatørar: Terje Laberg Sakliste Godkjenningssaker G Godkjenning av innkalling og sakliste Innkalling og sakliste vart godkjent. G Godkjenning og underskriving av protokoll frå styremøte 2. februar Møteprotokollen frå styremøtet 2. februar vart godkjent og signert. Orienteringssaker O Rekrutteringsprosess prosjektleiar LNU Styret fekk orientering om rekrutteringsprosessen for prosjektleiar i LNU. Med bakgrunn m.a. i mandat frå omstillingsstyret, har LNU tilsett to personar. Jan Petter Vadheim er tilsett i 100% fast stilling. Han vil få som hovudoppgåve oppfølging av Håbakken-prosjektet. Tone Boska er tilsett i ei to-årig 70% prosjektstilling, der 50% av stillinga er knytt til pilotprosjektet «Levande lokale.» O Forlenga omstillingsstatus og omstillingsmidlar for 2016 Styret fekk orientering om forlenga omstillingsstatus og omstillingsmidlar for Lærdal kommune har etter søknad fått omstillingsstatus ut Sogn og Fjordane fylkeskommune har samstundes løyvd kr 3.0 mill. i omstillingsmidlar til Lærdal kommune for

2 Drøftingssaker D Handlingsplan omstilling 2016 drøfting av prinsipp knytt til spissing av omstillingsarbeidet Styret drøfta prinsipp knytt til spissinga av omstillingsarbeidet. Omstillingsstyret har tidlegare vedteke ei hovudsatsing knytt til Håbakken Næringspark, kopla opp mot næringar der Lærdal har sterke tradisjonar. Utover dette har styret bedt om at administrasjonen utarbeider ein plan for korleis øvrige prioriterte område i handlingsplanen skal organiserast. Dette skal liggja til grunn for omstillingsarbeidet i I vurderingane av kva for andre prosjekt som skal startast opp, eller kva for eksterne initiativ som skal prioriterast, meiner styret at fylgjande hovudprinsipp skal liggja til grunn: 1. Prosjekt som byggjer opp under den definerte hovudsatsinga skal prioriterast 2. Spissinga av omstillingsarbeidet skal vera styrande for val av prosjekt, men det skal alltid vera opning for prosjektidear som har potensiale til å bidra til å nå dei definerte måla. 3. Det skal framleis initierast og stimulerast til forstudiar og forprosjekt, men val av prosjekt må styrast av dei reviderte måla for omstillingsarbeidet. Det gjeld både eigeninitierte prosjekt og eksterne initiativ. 4. Gode eksterne initiativ, men som ikkje klart og tydeleg støttar opp under spissinga av omstillingsarbeidet, skal fangast opp, men treng ikkje absolutt følgjast opp med ein gong. D Tettstadutviklingsprosjektet eigarskap og organisering av vidare arbeid Styret drøfta det vidare arbeidet med tettstadutviklingsprosjektet. I tillegg til dei satsingane som er skissert i rapporten frå tettstadutviklingsprosjektet, så skal pilotprosjektet «Levande lokale» vera ein del av det vidare arbeidet. Omstillingsstyret meiner at eigarskapen til det vidare tettstadutviklingsarbeidet må liggja hjå Lærdal kommune, men at koordineringa av arbeidet må skje gjennom omstillingsstyret og LNU. Det er naturleg at Tone Boska, som er tilsett som prosjektleiar for «Levande lokale», også vil følgja opp andre deler av tettstadarbeidet. Det må definerast tydeleg kva som er omstillingsoppgåver og kva som er Lærdal kommune sitt ansvar. Omstillingsstyret opprettar ei styringsgruppe for tettstadutviklingsprosjektet og gjev denne mandat til å forma innhald og organisering av det vidare arbeidet, inkludert avklaring av kva oppgåver omstillingsprogrammet skal ha ansvar for og kva Lærdal kommune sjølve må ta ansvar for. Styringsgruppa vert sett saman slik: Alf Olsen jr. Lærdal kommune (prosjektansvarleg) Gro Starheimsæter Frå omstillingsstyret Kristen Olav Grøttebø Frå omstillingsstyret Arve Tokvam Frå administrasjonen i LNU Styringsgruppa avklarar behovet for ytterlegare representasjon. 2

3 D Prosjekt Håbakken Næringspark organisering og rammer for prosjektet I denne saka deltok Harald Blaaflat Mundal og Ivar Petter Grøtte frå Lærdal Grønt og nytilsett prosjektleiar i LNU Jan Petter Vadheim. Bakgrunnen for saka var at administrasjonen ynskte ei drøfting av vidare organisering og rammer for den prioriterte satsinga på Håbakken. Lærdal Grønt var invitert til styremøtet med bakgrunn i at omstillingsstyret ynskjer å kopla Lærdal Grønt sine planar opp mot satsinga på Håbakken og ei breiare satsing på grøn næringsutvikling. Omstillingsstyret opprettar ei styringsgruppe som skal ha ansvaret for oppfølging og koordinering av det vidare arbeidet med Håbakken, og som saman med prosjektleiar Jan Petter Vadheim og administrasjonen i LNU skal sy saman det konkrete innhaldet i prosjektet. Styringsgruppa er sett saman slik: Jan Geir Solheim Gro Starheimsæter Jarle Molde Arve Tokvam Prosjektansvarleg Frå omstillingsstyret Frå omstillingsstyret Frå administrasjonen i LNU Arbeidet med prosjektet vil ta til for fullt når prosjektleiar byrjar 2. mai. Vedtakssaker V Godkjenning av årsrekneskap omstilling 2015 Administrasjonen orienterte om framlegg til årsrekneskap for omstillingsarbeidet i Omstillingsstyret i Lærdal og Årdal godkjenner framlegg til årsrekneskap for omstillingsarbeidet i Lærdal og Årdal for Med bakgrunn i årsrekneskapen vert akkumulerte udisponerte omstillingsmidlar for perioden overført til Desse fordeler seg med kr frå fylkeskommunen og kr som eigendel Lærdal og Årdal. I tillegg vert kr 2 mill. i skjønsmidlar frå KMD overført til V Godkjenning av budsjett for omstillingsarbeidet 2016 Administrasjonen orienterte om framlegg til endeleg budsjett for omstillingsarbeidet Omstillingsstyret i Lærdal og Årdal godkjenner revidert framlegg til budsjett for omstillingsarbeidet i Lærdal og Årdal for Samla budsjett for 2016 er pålydande kr Flytting av omstillingsmidlar mellom definerte prosjektområde eller mellom innsatsområde i løpet av året skal vedtakast av omstillingsstyret. 3

4 V Søknad frå Smak av Sogn om tilskot til forprosjekt Styret fekk orientering om administrasjonen si innstilling i saka knytt til søknad frå Smak av Sogn om tilskot til forprosjekt «Mathall i Håbakken.» 1. Omstillingsstyret i Lærdal og Årdal gjev Smak av Sogn eit tilskot på inntil kr frå omstillingsmidlane til gjennomføring av forprosjektet «Mathall i Håbakken». Det ligg som føresetnad for tilskotet at prosjektet vert finansiert og gjennomført som skissert. 2. Tilskotet er avgrensa til 50% av godkjente kostnader. 3. Utbetaling av tilskotet skjer med kr når tilsegn er gjeve og akseptert, og resten ved avslutta prosjekt. Vilkåra for tilskotet elles skal vera i samsvar med saksinnstillinga frå administrasjonen. Oppfølgingssaker Eige vedlegg Eventuelt Søknad frå Bunker Oil søknad om tilskot til skisseprosjekt på Håbakken Bunker Oil Bergen AS har søkt om tilskot til eit skisseprosjekt for etablering av ein bensin/automatstasjon på Håbakken. Administrasjonen ynskte at styret drøfta ei slik satsing sett i lys av planane for utvikling av Håbakken. Omstillingsstyret meiner at ein ubemanna bensinstasjon ikkje høver inn i planane for utvikling av Håbakken, og rår til at det ikkje vert gjeve tilskot til det omsøkte skisseprosjektet. Søknad frå fortidsminneforeningen forstudie Borgund stavkyrkje Arbeidsutvalet hadde handsama ein søknad frå Fortidsminneforeningen om tilskot til gjennomføring av forstudie «Borgund for born.» Arbeidsutvalet meiner at prosjektet ikkje har element i seg som bidreg til å nå måla for omstillingsarbeidet, og at det ikkje skal gjevast tilskot til prosjektet. Arbeidsutvalet ynskte på prinsipielt grunnlag å drøfta prosjektet i omstillingsstyret. Omstillingsstyret støttar konklusjonen til arbeidsutvalet og rår til at det ikkje vert gjeve tilskot til den omsøkte forstudien. Omstillingsstyret rår til at søknaden eventuelt vert handsama i LNU. Neste styremøte: Måndag 2. mai 2016 kl

5 Omstillingsstyret: Jan Geir Solheim Arild Ingar Lægreid Rolf Jerving (styreleiar) (nestleiar) Gro Starheimsæter Jarle Molde Kristen Olav Grøttebø Trond Øyen Einemo Hallvard Thomassen Observatørar: Audhild Schaathun Rune Fromreide Alf Olsen jr. Terje Laberg sett 5