NOTAT FORSLAG TIL PH.D.-FORSKRIFT FOR UNIVERSITETET I TROMSØ

Transkript

1 NOTAT FORSLAG TIL PH.D.-FORSKRIFT FOR UNIVERSITETET I TROMSØ Universitetet i Tromsø (UiT) kan tildela graden philosophiae doctor (ph.d.) med heimel i Forskrift om grader og beskyttede titler 4 pkt. 9 som vart vedteken etter fusjonen mellom Universitetet i Tromsø (heretter kalla UiTø) og Høgskolen i Tromsø (HiTø). Inntil vidare vert graden forvalta etter Forskrift for graden philosophiae doctor (ph.d.) ved Universitetet i Tromsø 1 (2005-forskrifta). Sidan det berre var UiTø som hadde rett til å tildela doktorgraden er det ikkje behov for samordning av regelverk. Det hadde vore mogeleg å vedta at 2005-forskrifta skal gjelda for det nye universitetet slik ho føreligg, men vi vil tilrå ein del endringar med tanke på å forbetra/forenkla - rutinane for administrering av graden. Vi gjer elles merksam på at det har vist seg at det ikkje er heilt samsvar mellom UiTø si rettleiing for vurdering av doktorgradar 2 (som også er bygd på tilråding frå UHR 3 ) og forskrifta. Dette har gitt uheldige utslag det må gjerast noko med rettleiinga etter at det er vedteke forskrift for UiT forskrifta er bygd på Universitets- og høgskulerådet si rettleiande forskrift (UHRforskrifta) 4. Utkastet nedanfor til ph.d.-forskrift for UiT er bygd opp med utgangspunkt i 2005-forskrifta og UHR-forskrifta. FORSLAG TIL Forskrift for graden philosophiae doctor (ph.d.) ved Universitetet i Tromsø Vedteken av: Styret ved Universitetet i Tromsø?.??.2009 Heimel: Gjeld frå: Arkivref: 2009/ , 3-7 og 3-9 i Lov 1. april 2005 nr. 15 om universitet og høyskoler Kapittel I Allmenne føresegner 1. Verkeområde Denne forskrifta gjeld utdanninga som fører fram til graden philosophiae doctor (ph.d.). Ho gir reglar om opptak til, gjennomføring av og avslutning av ph.d.-graden ved Universitetet i Tromsø. Forskrift for eksamenar ved Universitetet i Tromsø gjeld for eksamenar i opplæringsdelen av studiet så langt ho høver. Merknad til 1: I forskrifta for 2005 vart det bestemt at ph.d.-emne (8000-emne) skulle administrerast etter eksamensforskrifta. Erfaringa har vist at det av og til er nødvendig å bryta forskrifta fordi andre omsyn har vore vurdert som viktigare. Til dømes har det ikkje vore mogeleg å følgja 1 DL /

2 fristane i eksamensforskrifta for oppmelding og avmelding til prøvar. Det har vore nødvendig å vera fleksibel for å leggja forholda til rette for at aktuelle tilbod om 8000-emne skal kunna gjennomførast. Difor føreslår vi at det skal stå så langt ho høver. Tilsvarande står det så langt den passer 1 i eksamensforskrift (eph. 2009/193-20). 2. Målsetjing Doktorgradsutdanninga skal kvalifisera for forskingsverksemd på høgt faglig nivå og for anna arbeid i samfunnet der det vert stilt høge krav til vitskapleg innsikt og analytisk tenking. 2 er identisk med 2 i og UHR-forskrifta. 3. Ansvar for doktorgradsutdanninga Universitetsstyret har det overordna ansvaret for utdanninga og - gir reglar for organisering av utdanninga - gjer vedtak om oppretting og nedlegging av ph.d.-program og studieretningar - gjer vedtak om opptakstal dersom eit fakultet ynskjer opptaksregulering på eit program eller ei studieretning - gjer vedtak om oppretting av fellesgrader med andre institusjonar Fakulteta sjølv kan fastsetja utfyllande reglar til forskrifta for program dei er fagleg ansvarlege for. Universitetsdirektøren skal informerast om utfyllande reglar som vert fastsette. Fakulteta skal ha programstyre (doktorgradsutval). Programstyret skal oppnemnast av fakultetsstyret. Medlemmene skal vera forskarar med doktorgrad og ph.d.-studentar. Studentane skal ha minst 20 % av medlemmene. Dersom studentane berre får ein medlem i utvalet, skal dei ha rett til å møta med ein student til. Han/ho skal ha tale- og forslagsrett. Merknad til 3: Første ledd. Andre strekpunkt: praksis har ved UiT vore at studieretningar har vorte oppretta av styret (i F-saker). Vi føreslår at det skal inn i reglane. Tredje strekpunkt: per i dag er ingen program eller studieretningar opptaksregulerte, men i 8 ( 9 i forslaget) er det føresett at opptaksregulering kan vera aktuelt. Det bør vera universitetsstyret som fastset opptakstal i tilfelle der eit fakultet kjem til at kapasiteten er sprengt. Siste strekpunkt: Per i dag er det ikkje oppretta nokon fellesgradar på doktorgradsnivå. Andre ledd Universitetsstyret behandla sak om styring og leiing av studieprogramma i sak S (2009/174). Der er det fastslege at utdanningsprogramma skal vera organiserte under instituttnivået, og at Fakultetene må etter innstilling fra instituttene vedta hvilken ordning for faglige programledelse som skal gjelde for de enkelte program. Dette må gjøres i løpet av vårsemesteret (pkt. 3): Vi legg til grunn at det ikkje har vore meininga å gjera 2

3 endringar for ph.d.-studiet, og føreslår at ansvaret fortsatt skal liggja på fakultetsnivå. Tredje ledd I gjeldande forskrift er det føresett at det finst eit programstyre (doktorgradsutval), men det er ikkje uttrykkeleg nemnt. Dette utvalet kan også vera forskingsutval, slik fleire fakultet praktiserer det i dag. 4 Definisjonar Diploma Supplement Disputas Doktorand Doktorgradsstudent Doktorgradsutval Doktorgradsprogram (ph.d.-program) Eksamen Emne Emnebeskriving Vitnemålstillegg på engelsk med informasjon om utdanningssystemet ved norske universitet og høgskolar, og den enkelte student si utdanning. Offentleg drøfting og forsvar (mot kritikk frå opponentane) av ei doktoravhandling før ein får doktorgrad. Person som forsvarar doktoravhandlinga si i ein disputas. Sjå ph.d.-student Sjå programstyre Eit treårig studieprogram som fører fram til graden ph.d. Studieprogram kan etablerast som fellesgrad. Prøving av studenten sine kunnskapar og dugleik når det vert gitt ein karakter som skal stå på vitnemålet eller karakterutskrifta, eller som går inn i berekningsgrunnlaget for ein karakter som står på vitnemålet eller karakterutskrifta. Den minste eininga som kan gå inn i eit fag eller eit studieprogram. Alle emne skal vera studiepoengfesta. Emne i opplæringsdelen til ph.d.-studiet er kalla 8000-emne. Beskriving av læringsmål, faglege komponentar, oppbygging og gjennomføring av emnet. Det finst emnebeskriving for alle emne ved Universitetet i Tromsø. 3

4 Erfaringsbasert mastergrad Ex auditorio Fellesgrad Finansieringsplan Kandidat Kreere Opplæringsdel Opponent Ph.d.-student (doktorgradsstudent) Ph.d.-program Programstyre (doktorgradsutval) Rettleiar Ein grad som er oppretta med yrkesretta vidareutdanning som føremål. Det er ikkje krav om fagspesifikk/disiplinær fordjuping i bachelordelen ved opptak til erfaringsbasert master. Frå auditoriet. Ein tilhøyrar ved ein disputas har høve til å melda seg som opponent ex auditorio. Ein grad etablert i samarbeid mellom norske institusjonar eller norske og utanlandske gradsgivande institusjonar. Plan for finansiering av ph.d.-studiet. Både sum, finansieringskjelde og fordeling over år. Ph.d.-student som har levert avhandlinga til vurdering. Nemna ut nokon til ein akademisk grad. (Her: graden philosophiae doctor). Organisert utdanning innafor forskaropplæringa etikk, vitskapsteori og faglege emne. Komitemedlem som ved ein doktordisputas går kritisk igjennom avhandlinga til doktoranden. Ein person som er teken opp til eit ph.d.- studium ved Universitetet i Tromsø i samsvar med lov om universiteter og høyskoler 3-6 og 3-7. Sjå doktorgradsprogram Fakultetsorgan som har ansvar for den organiserte forskarutdanninga (ph.d.- studiet) og for saker som gjeld graden dr.philos. Ein fagperson som er oppnemnd for å sikra at studenten får god fagleg støtte i sitt arbeid. Rettleiar sine plikter går fram av Etiske retningslinjer for veiledning ved Universitetet i Tromsø

5 Studieplan Studieretning Studierett Studiepoeng Utdanningsplan 8000-emne Ein plan som beskriv læringsmål, faglege komponentar, oppbygging og gjennomføring av studiet. Definerte fagretningar innafor eit studieprogram. Rettar knytt til eit studium, t.d. rett til rettleiing og til eit tilbod innafor opplæringsdelen. Innafor ph.d.-studiet vert studieretten vert tildelt gjennom tilbod frå institusjonen og avtale mellom fakultet og student. Mål på arbeidsmengde. 60 studiepoeng tilsvarar arbeidsinnsatsen i eitt studieår. Plan for gjennomføring av studiet avtala mellom institusjonen og kvar enkelt student. Planen inneheld vedtak om plikter og ansvar institusjonen har overfor studenten, og studenten sine plikter overfor institusjonen og medstudentar. I ph.d.- studiet skal planen omfatta opplæringsdel og avhandling med beskriving av forskingsprosjektet. Sjå emne. Merknad til 4: Vi har registrert at det er behov for definisjon av enkelte av omgrepa, og har forma ut framlegget etter mønster frå universitetet si eksamensforskrift og studieforskrift. Nokre av definisjonane er henta frå desse forskriftene og nokre frå nynorskordboka 5. Innhaldet i doktorgradsutdanninga Doktorgradsutdanninga er i hovudsak ei vitskapleg undersøking som skal gjennomførast under rettleiing. Ho omfattar: - eit sjølvstendig forskingsarbeid i aktivt samarbeid med rettleiar(ar) og andre forskarar. - ein godkjend opplæringsdel. - deltaking i aktive forskarmiljø, nasjonalt og internasjonalt. - fagleg formidling som er nært relatert til forskingsarbeidet Arbeidet skal munna ut i ei vitskapleg avhandling doktoravhandlinga. 5

6 Ph.d.-graden vert tildelt på grunnlag av: - godkjend gjennomføring av opplæringsdelen - godkjend doktoravhandling, minst ei godkjend prøveførelesing og tilfredsstillande forsvar i ein offentlig disputas. Fakultetet avgjer i sine utfyllande reglar om det skal haldast ei eller to prøveførelesingar. Merknad til 5: Etter 2005-forskrifta kan det vera meir enn ei prøveførelesing (tredje ledd) i eit program. Fakulteta sjølv bestemmer noko om dette i sine utfyllande reglar. Vi har vurdert å føreslå at det berre skal vera ei pålagt - prøveførelesing i den nye ordninga, men har komme til at det framleis bør vera opning for to førelesingar i fall det ynskjer å ha det for enkelte program. Tredje ledd er ei omredigering av gjeldande forskrift. Siste ledd er henta frå 2005-forskrifta 33 første ledd. Kapittel II Opptak, studierett og permisjon 6. Opptakskrav til ph.d.-program For å bli teken opp på eit doktorgradsprogram må søkjar enten ha ein integrert mastergrad på 300 studiepoeng, ein mastergrad på 120 studiepoeng som byggjer på ein bachelorgrad på 180 studiepoeng, eller tilsvarande utdanning som fakultetet har godkjent som grunnlag for opptak til det programmet søknaden gjeld. I fall eit fakultet finn fagleg grunnlag for å ta opp nokon med utdanning frå eit land i strid med NOKUT si rettleiing, må grunngivinga for dette gå fram av sak om opptak. Erfaringsbasert mastergrad på 120 studiepoeng kan gi grunnlag for opptak til ph.d.-studiet. I tilfelle der opptakskomiteen skal ta stilling til ein søknad om opptak til ph.d.-studiet der erfaringsbasert mastergrad på 120 studiepoeng er grunnlag for søknaden, skal fakultetet på førehand ha henta inn ei ekstern vurdering av om det sjølvstendige arbeidet i mastergraden har så høg kvalitet fagleg, metodisk og vitskapsteoretisk at det kan vera grunnlag for opptak til ph.d.-studiet. Slik vurdering skal gjerast av minst ein professor/førsteamanuensis frå eit relevant fagområde ved eit anna universitet. Opptakskomiteen skal leggja avgjerande vekt på den eksterne vurderinga. Søkjarane må dokumentera engelskkunnskapar som tilfredsstiller kravet i norsk generell studiekompetanse. Fakultetet kan i spesielle tilfelle og på vilkår av at søkjar kan norsk - dispensera frå dette kravet. Fakulteta kan fastsetja faglege minstekrav t.d. krav til karakternivå ved opptak til ph.d.- studiet. Eit krav for å bli teken opp er tilfredsstillande finansiering av studiet stipendiatlønn eller tilsvarande. 6

7 Merknad til 6: Utanlandsk utdanning I brev ( ) frå universitetsdirektøren til fakulteta vart det gitt føringar for korleis 5 skal tolkast. Der er det fastslege at søkjarar med utenlandsk utdanning må ha ei utdanning som NOKUT godkjenner som tilsvarande ei norsk universitetsutdanning på fem år. Enkelte av fakulteta har gitt tilbakemelding om at denne tolkinga er svært streng, og strengare enn ved andre universitet. Etter ny vurdering har vi komme til at det bør opnast for individuell vurdering av utdanningsløpet ved institusjonar i dei enkelte landa. Krav til språkkunnskapar framlegg til nytt tredje ledd Vi føreslår at det skal stillast krav om kjennskap til engelsk. Bakgrunnen for dette er at vi har hatt studentar som ikkje kan norsk, og som ikkje kan engelsk godt nok. Tidlegare Med. fak. har krav om engelskkunnskapar i sine utfyllande reglar i dag. Etter vår vurdering bør dette kravet gjelda for alle programma. Siste ledd om finansiering er nytt. I 2005-forskrifta er det føresett i 6 at studentane må ha finansiering utan at det er sett opp som noko formelt krav til søkjar. Etter det vi veit har fakulteta litt ulik praksis når det gjeld kravet til finansiering, men det vanlege er å krevja at søkjar skal dokumentera at han/ho har stipendiatlønn for dei tre åra studiet varer. Det har vore gjort unntak frå dette, t.d. ved at det i ein periode vart teke opp kvotestudentar 6 til ph.d.- studiet, men i gjorde Universitetsstyret slikt vedtak:universitetet i Tromsø tilbyr som hovedregel ikke doktorgradsstudier med kvotefinansiering. 7 Etter det vi veit er det ikkje teke opp ph.d.-studentar på kvotevilkår eller tilsvarande etter at dette vedtaket vart gjort. Vi gjer merksam på at dersom siste ledd vert vedteke som føreslege, vil det ikkje lenger vera heimel for å ta opp kvotestudentar til ph.d.-studiet. 7. Søknaden I søknaden om opptak skal desse punkta vera med: - utdanningsplan - finansieringsplan - utgreiing om kva infrastruktur som trengst - utgreiing om behov for rettleiing og forslag til rettleiar(ar) - plan for fagleg formidling - plan for tilknyting til forskarmiljø og eventuelle opphald ved andre forskingsinstitusjonar eller verksemder - også utanlandske, jf dokumentasjon av den utdanninga som skal liggja til grunn for opptaket - opplysningar om eventuelle immaterialrettslege restriksjonar for å verna andre sine rettar - opplysningar om kva språk avhandlinga skal skrivast på, jf. 17 siste ledd - opplysningar om engelskkunnskapar. Eit doktorgradsstipend universitetet lyser ut er ein studieplass. Søkjarar skal levera søknad om opptak til ph.d.-studiet i lag med søknad på stilling. Søkjarar med ekstern finansiering må søkja direkte til opptaksutvalet og gi opp finansieringskjelda m.v. i søknaden. 6 Kvotestudentar har stipend innafor Lånekassa sine satsar. 7 S Kvoteordninger fordeling av studieplasser for studieårene (DL ). 7

8 Søknaden skal skrivast på fastsett søknadsskjema. Merknad til 7. Kravet om engelskkunnskapar er teke inn i kravet til søknaden, jf. 5 Andre ledd er nytt. Tilsetjing i stipend utlyst ved UiT/opptak til ph.d.-studiet må koordinerast betre, både fordi det av og til går svært lang tid mellom tilsetjing i stipend og opptak til ph.d.- studiet og fordi det har vore enkelte tilfelle der stidpendiater ikkje har vore kvalifiserte for opptak. Vi føreslår dette avsnittet sletta: Utdanningsplanen skal normalt utarbeidast i samarbeid med hovudrettleiar og greia ut om tema, problemstillingar og val av teori og metode. Dersom søknad om opptak skal sendast i lag med søknad om stipend vil det vanskeleg lata seg gjera å gjennomføra dette punktet. 8. Opptakskomitear Fakulteta skal ha ein opptakskomité som har ansvar for opptaket. Programstyret skal oppnemnast av fakultetsstyret. Medlemmene skal vera forskarar med graden ph.d. eller tilsvarande, og ph.d.-studentar. Programstyret kan vera komité. Studentane skal ha minst 20 % av medlemmene i opptakskomiteen. Der dette ikkje er meir enn eitt medlem, skal studentane ha rett til å møta med ein til student med tale- og forslagsrett. 9. Avgjerd om opptak Avgjerd om opptak skal vera basert på ei samla vurdering av søknaden. Dersom det er fastsett opptakstal, og det er fleire søkjarar enn det er plassar, kal rangeringa skje etter ei samla vurdering av prosjektbeskrivinga og søkjarane sitt potensiale for forsking slik dette går fram av søknaden. Opptaket kan skje med atterhald om finansiering, opptakskapasitet, utarbeiding av individuell utdanningsplan, tilleggsutdanning og immaterialrettslege avtalar. I opptaksvedtaket skal det oppnemnast rettleiar, ansvaret for løysing av andre behov som er skissert i søknaden skal plasserast, og avtaleperioden skal fastsetjast med startdato og tidslengd. Eventuell forlenging av avtaleperioden må knytast til rettar som arbeidstakar, eller avklarast spesielt. Opptak kan nektast dersom: - opphavsrettslege avtalar er til hinder for publisering og open disputas - dei immaterialrettslege avtalane som er inngått er så urimelege at institusjonen ikkje bør ta del i prosjektet Merknad til 9: Siste ledd er identisk med 5 siste ledd i UHR-forskrifta. Det er ikkje ei uttømmande oversikt over tilfelle der opptak kan nektast. 8

9 10. Opptak til emne i opplæringsdelen Fakultetet tek opp studentar til ph.d.-emne (8000-emne). Søkjarar som fyller krava i ein av desse kategoriane kan takast opp: - kategori 1: Personar som er tekne opp på ph.d.-program ved UiT. - kategori 2: Personar som er tilsette i stipendiatstilling ved UiT, men som enno ikkje er tekne opp på ph.d.-program. - kategori 3: Deltakarar på førstelektorprogrammet når emnet er godkjent i planen - kategori 4: Doktorgradsstudentar frå andre universitet - kategori 5: Personar med minimum mastergrad (eller tilsvarande) som ikkje er tekne opp på eit ph.d.-program Forskarlinjestudentar ved Helsefak. som har fått oppnemnt rettleiar kan ta 8000-emne som ligg i studieplanen for forskarlinjestudiet, og 8000-emne som er godkjende i den enkelte student sin rettleiingskontrakt for forskarlinjestudiet. Dei skal rangerast etter gruppe 1 og 2. Eventuelle forskarlinjestudentar frå andre medisinske fakultet skal rangerast etter gruppe 4 ved opptak. Fakultetet kan fastsetja spesielle opptakskrav innafor denne ramma. Dette må gjerast i emnebeskrivinga. Dersom det er fleire kvalifiserte søkjarar enn plassar, skal søkjarane prioriterast i rekkefølgja kategori 1 til kategori 5. Studentar i gruppe 4 og 5 må søkja om opptak på fastsett søknadsskjema. For søkjarar i gruppe 1 og 2 og forskarlinjestudentar bestemmer fakultetet om det skal brukast søknadsskjema. Merknader til 10: Første ledd Kategorien Deltakarar på førstelektorprogrammet er ny. I møte vedtok universitetsstyret å oppretta eit førstelektorprogram med ti plassar frå hausten I saksframlegget står dette (på side 4): Universitetsdirektøren mener det er en fordel at de som skal kvalifisere seg til opprykk til førstelektor får samme basiskompetanse innen vitenskapsteori, etikk og metode som de som tar doktorgrad innen samme fagområde. Andre søkjarar som har som mål å bli førstelektor, høyrer til kategori 5. Det kan elles opplysast at vi har hatt mange deltakarar frå HiTø og andre høgskular på 8000-emne. Andre ledd Det har vore fast praksis at studentar på forskarlinja ved Med. fak. har fått gå på 8000-emne. Vi tilrår at den ordninga vert formalisert. Medisinstudentar kan bli tekne opp til forskarlinja etter første, andre eller tredje studieår. Sidan 8000-emne er på doktorgradsnivå har vi vurdert om det burde innførst eit krav om at dei må vera ferdige med det tredje året på medisinstudiet før dei får melda seg opp. Vi har likevel komme til at vi vil tilrå at gjeldande praksis får halda fram, men slik at det vert presisert at studentane må ha fått oppnemnt rettleiar før dei får ta 8000-emne. 8 S Opprettelse av førstelektorprogram (ephorte 2009/3150). 9

10 Tredje ledd Føremålet med å føreslå denne regelen er at å gjera det tydeleg at 10 berre seier noko om minstekrav til deltakarane, og at det kan fastsetjast særlege opptakskrav for eit emne. 11. Avtale Opptak skal formaliserast i skriftlig avtale om doktorgradsutdanninga. I del A er ph.d.- studenten og det fakultetet han/ho er teken opp ved avtalepartar. I del B er student, rettleiar og fakultet avtalepartar. Dersom studenten er knytt til annan arbeidsplass, skal det gjerast avtale (del C) mellom fakultetet, studenten og den eksterne parten. Avtalen skal regulera arbeidsvilkåra, med tid til doktorgradsarbeidet, driftsmidlar og behov for vitskapleg utstyr. Han skal sikra at studenten er fast med i eit aktivt forskarmiljø og leggja til rette for at utdanninga skal kunna gjennomførast til avtala tid. Vert studenten teken opp til eit program som leier fram til ein fellesgrad, skal det gjerast avtale mellom universitetet, studenten og den/dei andre institusjonane universitetet har ein fellesgrad i lag med (del D). Vi føreslår at studenten og skal vera avtalepart i avtale C. Tredje ledd er nytt. Per i dag har universitetet ingen avtalar om fellesgradar. 12. Studierett Den som har teke imot tilbod om studieplass beheld studieretten i ein periode som tilsvarar to år effektiv studietid ut over normert studieprogresjon i heil- eller deltidsstudiar. Fakulteta kan utvida denne tidsramma for sitt/sine program. Utsett studiestart, permisjonar, utestenging frå universitetet og fagleg forseinking skal ikkje reknast med som studietid. Studentar som står i fare for å mista studieretten etter denne regelen skal få skriftlig varsel om det seinast eitt år før studieretten går ut. Den som mister studieretten, kan søkja om nytt opptak. Merknad til er sett opp etter mønster frå studieforskrifta. Setninga om førehandsvarsel er ny. I studieforskrifta 9 er det bestemt at studenten skal ha varsel seinast ved semesterstart ( 16). Ph.d.-studentar vert tekne opp etter kvart, så fristen må setjast i forhold til det. Vi vurderer det som rimeleg at fristen vert sett lenger enn eitt semester, sidan avhandlinga er slik stor del av ph.d.-studiet #6 10

11 13. Permisjon Ein ph.d.-student som får barn skal få permisjon frå studiet under svangerskap og til omsorg for barn, jf Lov om universiteter og høyskoler 4-5. Militærteneste gir og rett til permisjon. Stipendiatar får automatisk permisjon frå studiet i samband med permisjon frå stillinga. Fakultetet kan gi permisjon frå studiet i inntil to år i løpet av studiet på grunnlag av deltaking i internasjonale forsvarsoperasjonar, studentpolitisk arbeid, langvarig sjukdom og andre viktige faglege, sosiale eller personlege grunnar. Fakultetet får fullmakt til å utvida høvet til permisjon for sine ph.d.-studentar i utfyllande reglar. Avtaleperioden skal forlengast med ein periode tilsvarande permisjonen. Merknad til 13 Vi føreslår siste ledd gjort om frå kan - til skal -regel. Kapittel III Studiet 14. Doktorgradsutdanninga (Vi har to alternative forslag berre eitt av dei skal med i forskrifta, jf. merknaden nedanfor). Alternativ I: Doktorgradsutdanninga er på 180 studiepoeng fordelt med 30 studiepoeng på opplæringsdelen og 150 studiepoeng på avhandling (inkludert prøveførelesing(ar) og disputas). Ho skal vera lagt opp i samsvar med det nasjonale kvalifikasjonsrammeverket for høgare utdanning og skal kunna fullførast innafor normert tidsramme, tre år effektiv tid. Fakulteta skal gi tilbod om opplæring på høgt vitskapleg nivå. Alternativ II Doktorgradsutdanninga er på 180 studiepoeng fordelt mellom opplæringsdelen og avhandlinga. Opplæringsdelen skal vera på mellom 30 og 40 studiepoeng. Fakultetet fastset sjølv ei fast fordeling mellom opplæringsdel og avhandling for sitt/sine program innafor den ramma. I normeringa for avhandlinga er prøveførelesing(ar) og disputas inkludert. Utdanninga skal vera lagt opp i samsvar med nasjonalt kvalifikasjonsrammeverk og skal kunna fullførast innafor normert tidsramme, tre år effektiv tid. Fakulteta skal gi tilbod om opplæring på høgt vitskapleg nivå. Merknad til 14: I 2005-forskrifta står det at opplæringdelen skal vera på minst 30 studiepoeng, og fakulteta har kunna vedta ein opplæringsdel på meir enn 30 stp. for sitt/sine program. Dette har vorte misforstått. Meininga er at fakulteta kunne bestemma større opplæringsdel for eit program i 11

12 dei utfyllande reglane, men det har vorte oppfatta slik at omfanget av opplæringsdelen kan variera for kvar enkelt student 10. Vi ynskjer å gjera regelen meir tydeleg. Som det går fram ovanfor har vi to alternative forslag. Vi ber fakulteta melda frå om kva alternativ dei vurderer som mest teneleg. Departementet har fastsett nasjonalt kvalifikasjonsrammeverk for bachelor- master- og ph.d.- graden (eph 2009/2051). Det skal vera innført ved institusjonane innan 2012 og det kan henda at rammeverket vert noko revidert. Vi finn det likevel rett å føreslå at det vert teke inn ein referanse til rammeverket alt no. 15. Opplæringsdelen Emne i opplæringsdelen skal normalt vera på ph.d.-nivå (8000-emne) og skal mellom anna omfatta opplæring i vitskapsteori og etikk. Fakultetet kan gi fritak/fagleg godkjenning for deltaking i delar av opplæringsdelen dersom tilsvarande krav er oppfylt ved anna eining eller institusjon som gir godkjend opplæring. I emne der det ikkje finst kurstilbod, kan individuelt lesepensum godkjennast som element i opplæringsdelen. Dersom fakultetet ikkje sjølv arrangerer heile opplæringsdelen, skal fakultetet syta for at studentane får tilsvarande opplæring ved andre fakultet/institusjonar som gir godkjend doktorgradsutdanning. Opplæringsdelen skal vera gjennomførd og godkjend av programstyret før studenten leverer avhandlinga. Søknad om endringar i godkjend plan for opplæringsdelen skal utarbeidast i samråd med hovudrettleiar og avgjerast av programstyret Merknad til 15. Setninga I opplæringsdelen skal det vera emne på minst 30 studiepoeng i 2005-forskrifta har vorte misforstått Tredje ledd er flytta frå 2005-forskrifta 13 andre ledd og redigert. Det er gjort tydelegare at det ar fakultetet sitt ansvar å syta for opplæringsdelen 16. Rettleiing Ein ph.d.-student skal få individuell rettleiing i arbeidet med avhandlinga i samsvar med Etiske retningslinjer for veiledning ved Universitetet i Tromsø og etter fastsett tidsnorm. Han/ho skal ha kontakt med sin(e) rettleiar(ar) med jamne mellomrom, og skal vera med i eit aktivt forskingsmiljø. Minst ein av rettleiarane skal vera tilsett der studenten er teken opp. Rettleiar(ane) skal ha doktorgrad eller tilsvarande kompetanse. 10 I enkelte samanhengar har det vore uttrykt at avhandlinga ikkje skal normerast, men sidan studiet er på tre år (180 stp.) vil det etter vår vurdering vera tilslørande å ikkje gi opp normering på avhandlinga. 12

13 Dersom studenten har fleire rettleiarar, skal det oppnemnast ein hovudrettleiar med primært ansvar for den faglege oppfølginga av han/henne. Hovudrettleiar skal som hovudregel vera tilsett ved universitetet. Både rettleiar og student pliktar å rapportera i samsvar med dei reglane fakultetet har fastsett, jf. 22. Merknad til er 20 i 2005-forskrifta og er flytta frå kapittelet IV Doktoravhandlinga 17. Tilknyting til forskarmiljø Fakulteta har i samråd med rettleiar(ane) ansvar for å leggja til rette ph.d.-studentane slik at dei tek regelmessig del i eit aktivt forskarmiljø med seniorforskarar og andre studentar. For studentar som har hovudtilknyting ved annan institusjon skal det gjerast avtale mellom universitetet og samarbeidande institusjon som regulerer arbeidsvilkåra og sikrar at studenten tek del i eit aktivt forskarmiljø, jf. 10. Arbeidsvilkåra skal vera i samsvar med prinsippa i The European Charter for Researchers og The Code of Conduct for the Recruitment of Researchers 11. Merknader til 17 I første ledd er det lagt vekt på at fakulteta må ha hovudansvar for tilrettelegging av arbeidsforholda. Siste ledd er nytt og føreslått tatt inn fordi UiT er i ferd med å vurdera om det er aktuelt å ratifisera dei to dokumenta. Dei handlar mellom anna om vilkåra for forskarrekruttar, og vil få noko å seia for doktorgradsutdanninga dersom dei vert ratifiserte. 18. Utstyr Ph.d.-studenten skal ha til disposisjon nødvendig utstyr for gjennomføring av forskingsprosjektet. Institutt/fakultet avgjer kva som er nødvendig utstyr. For studentar med ekstern finansiering og/eller arbeidsplass skal det gjerast avtale mellom institusjonen og ekstern part i samband med kvart enkelt forskingsprosjekt. Slik avtale skal vera gjort ved vedtak om opptak, eller rett etterpå, jf. 10. Kapittel IV Doktoravhandlinga 19. Krav til doktoravhandlinga Avhandlinga skal vera eit sjølvstendig vitskapleg arbeid som oppfyller internasjonale standardar innafor fagområdet. Ho skal vera med på å utvikla ny fagleg kunnskap og liggja på eit nivå som tilseier at ho vil kunna publiserast som ein del av den vitskaplege litteraturen i faget. Avhandlinga kan vera ein monografi eller ei samanstilling av fleire mindre arbeid ei

14 artikkelsamling. I ei artikkelsamling må det vera samanheng mellom delane og det må gjerast greie for denne samanhengen i eit samandrag. Del av fellesarbeid vert godteke som avhandling i den grad ph.d.-studenten sin sjølvstendige innsats kan identifiserast og dokumenterast. Fakultetet kan godkjenna at fleire studentar skriv avhandling i lag. Språket i avhandlinga skal avtalast mellom rettleiar, student og fakultet. Merknad til 19 For ordens skuld nemner vi det ved enkelte høve har komme spørsmål frå fakulteta om det er reglar for kor lang tid det kan gå frå ein artikkel er publisert til han vert teken inn i ei doktoravhandling. Svaret er at femårsgrense som var tidlegare ikkje er med i ph.d.-forskrifta. Vurderinga kan ha vore at det ikkje er behov for å ha ein slik regel på grunn av at forskarutdanninga etter kvart har vorte betre organisert, at tidsavgrensinga for studieretten har vorte tydelegare m.v. Vi har ikkje føreslått regelfesting om tidsavgrensing no, men reknar med at fakulteta melder frå dersom dei meinar at det er behov for det. 20. Arbeid som ikkje vert godtekne Arbeid som har vore godteke som grunnlag for tidlegare eksamenar, kan ikkje leverast til vurdering, med mindre arbeidet er ein mindre del av ei avhandling med fleire arbeid som heng saman. Eit arbeid eller delar av eit arbeid som er godkjent for doktorgrad ved norsk eller utanlandsk institusjon tidlegare, vil ikkje bli vurdert sjølv om arbeidet er omarbeidd. Merknad til 20: Siste ledd står i 24 Innlevering i 2005-forskrifta. 21. Offentleggjering Avhandlinga skal være offentlig tilgjengeleg seinast to veker før disputasen. Det kan ikkje leggjast restriksjonar på offentleggjering og publisering av ei doktoravhandling, med unntak for ei utsetjing av dato for offentleggjering/publisering som er avtala på førehand. Slik utsetjing kan avtalast mellom ph.d.-studenten og finansieringskjelder/arbeidsgivar når føremålet er at desse skal kunna ta stilling til patentering/kommersialisering, jf. det som er bestemt i Lov om retten til oppfinnelser som er gjort av arbeidstakere. Finansieringskjelder/arbeidsgivar kan ikkje stilla som vilkår at heile eller delar av avhandlinga ikkje skal kunne offentleggjerast eller publiserast. 14

15 Kapittel V Kvalitetssikring og rapportering 22. Kvalitetssikring og rapportering Alle aktuelle nivå ved universitetet har ansvar for at Kvalitetssystem for utdanningsvirksomheten ved Universitetet i Tromsø vert følgt. Eit ledd i kvalitetssikringa er årleg rapportering frå ph.d.-student og rettleiar. Merknad til 22: Kvalitetssikringssystemet er beskrive i eige dokument vedteke av Universitetsstyret Kapittel VI Plikt til å melda frå om resultat 23 Plikt til å melda frå om resultat Ein ph.d.-student som er tilsett ved Universitetet i Tromsø har plikt til å melda frå om arbeidsresultat i samsvar med Reglement for arbeidsgivers rett til arbeidsresultater. For studentar med ekstern arbeidsgivar skal det gå fram av av avtalen mellom universitetet, studenten og arbeidsgivaren (avtalen del C) om studenten har meldeplikt. Merknad til 23 Dette er ein ny regel og er tenkt som ei påminning om at Reglement for arbeidsgivers rett til arbeidsresultater også gjeld for doktorgradsprosjekt. Reglementet er til høyring med frist , så vi reknar med at det vil bli vedteke i løpet av hausten Når studenten har ekstern arbeidsgivar må det vurderast i kvart enkelt tilfelle kva avtalen skal gå ut på - det er avhengig av kor mykje UiT byr på (ut over det som følgjer av studieretten) og kor mykje den eksterne arbeidsgivaren byr på. Kapittel VII Heving av avtalen 24. Frivillig avslutning Ph.d.-student og fakultet kan avtala at utdanninga skal avsluttast før avtala tid. Ved slik heving av avtalen skal det fastsetjast i eigen avtale korleis spørsmål som er knytte til eventuelle tilsetjingsforhold, finansiering, rett til resultat m.v skal ordnast. Ved frivillig avslutning fordi studenten ynskjer å skifta prosjekt eller å gå over til eit anna program, skal han/ho søkja nytt opptak på grunnlag av det nye prosjektet. I denne samanhengen er overgang til fri grad (dr.philos.) det same som frivillig avslutning. 12 S Nytt kvalitetssystem for utdanningsvirksomhet ved Universitetet i Tromsø (eph. 2009/3062) 15

16 25. Tvungen avslutning Fakultetet kan vedta tvungen avslutning av doktorgradsutdanninga før avtala tid. Slik tvungen avslutning kan gjennomførast ved vesentleg brot på avtalen. Døme på avtalebrot som kan føra til tvungen avslutning: - ph.d.-studenten har brote informasjons-, oppfølgings- eller rapporteringsplikta fleire gonger eller på vesentlege punkt - framdrifta av forskingsprosjektet er så mykje forseinka at det skaper rimeleg tvil om studenten vil kunna fullføra prosjektet innafor avtala tid, og forseinkinga skuldast forhold som han/ho sjølv har herredømme over. - gjennomføringa av opplæringsdelen er vesentlig forseinka, av grunnar studenten sjølv har herredømme over - studenten har brote dei forskingsetiske retningslinjene som gjeld for fagområdet - studenten har handla på ein måte som er i strid med den tilliten som må vera mellom universitet og student under gjennomføringa, medrekna ulovlege forhold knytt til gjennomføring av utdanninga Studenten og vedkommande grunneining/institutt skal få høve til å uttala seg før vedtak om tvungen avslutning vert gjort. Dersom studenten er tilsett, kan avtalen berre avsluttast dersom vilkåra i tenestemannslova er oppfylt. Merknad til 25: I 23 siste ledd i 2005-forskrifta står det at fakultetet kan gjera vedtak etter innstilling frå grunneining/institutt. Det kan sjå ut som om vedtak om avslutning berre kan gjerast dersom grunneining/institutt tilrår det, noko som ikkje er tilfellet. Siste ledd er noko endra for å gjera det tydeleg. Kapittel VIII Vurdering av avhandlinga 26. Innlevering Opplæringsdelen skal vera gjennomførd og godkjend før levering av avhandlinga, jf. 15, siste ledd. Universitetsdirektøren bestemmer korleis avhandlinga skal leverast. Med avhandlinga skal det følgja eit samandrag på nynorsk eller bokmål og ei pressemelding. Merknad til 26 Vi håpar at forholda kjem til å vera lagt til rette slik at det er mogeleg å ha ei ordning med innlevering i vitenarkivet som er knytt til Munin når forskrifta tek til å gjelda. Når det gjeld siste setning kan opplysast at universiteta og høgskolane frå har fått ansvar for vedlikehald og vidareutvikling av norsk fagspråk, jf. univl Dette gjer det endå viktigare å få gode rutinar for gjennomføring av kravet om norsk samandrag. 27. Oppnemning av komité Fakultetet nemner opp ein sakkunnig komité på minst tre medlemmer til å vurdera avhandlinga. Komiteen skal setjast saman slik at - begge kjønn, så langt råd er, er representerte 16

17 - minst eitt av medlemmene ikkje er knytt til universitetet - minst eitt av medlemmene, så langt råd er, skal vera frå ein utanlandsk institusjon - alle medlemmene har doktorgrad eller tilsvarande kompetanse Grunneining eller fagmiljø føreslår komité. Forslaget skal vera grunngitt og bør visa til korleis komiteen samla sett dekker fagfelt for avhandlinga. Fakultetet peikar ut leiar mellom komitémedlemmene eller i tillegg til medlemmene. Ein som har vore kandidaten sin medforfattar, rettleiar eller andre som er inhabile etter forvaltningslova 6, kan ikkje oppnemnast som medlem eller leiar av komiteen. Kandidaten skal få informasjon om kven som er med i komiteen. 28. Tilbaketrekking og retting av avhandling Eit arbeid som er levert, kan ikkje trekkjast tilbake før det er endelig avgjort om det er verdig til å forsvarast for doktorgraden. Kandidaten kan likevel retta formelle feil i avhandlinga etter innlevering. I slike tilfelle må han/ho senda inn ei oversikt over alle rettingar som er gjorde seinast ein månad før disputasen. 29. Opplysningsplikt Rettleiar kan kallast inn til møte i komiteen for å gjera greie for rettleiinga og arbeidet med avhandlinga. Komiteen kan krevja å få lagt fram kandidaten sitt grunnlagsmateriale og utfyllande eller oppklarande tilleggsinformasjon. Kapittel IX Komitéinnstillinga og behandling av innstillinga 30. Fristar Komiteen skal så langt råd er gi si innstilling innan tre månader etter at avhandlinga er levert til vurdering, med mindre fakultetet har bestemt noko anna. Dersom kandidaten får høve til omarbeiding av avhandlinga etter 32 eller 33, går det ny frist frå den datoen avhandlinga vert levert på nytt. Det same gjeld ved eventuell ny levering (kontinuering) etter 34. Disputasen skal så langt råd er haldast innan fire månader etter at avhandlinga er levert til vurdering. 31. Innstilling Komiteen gir innstilling om arbeidet er verdig til å forsvarast for doktorgraden. Innstillinga og eventuelle dissensar skal vera grunngitte. Kandidaten skal få kopi av innstillinga med frist på 14 dagar til å komma med skriftlege merknader. Eventuelle merknader til innstillinga skal fakultetet senda til komiteen med ein kort frist for merknader. Dersom kandidaten ikkje ynskjer å fremja skriftlege merknader, skal komiteen få melding om det. Merknad til 31 Setninga: Komiteen si innstilling skal behandlast av fakultetsstyret er føreslått sletta. 17

18 29 fjerde ledd i 2005-forskrifta - høvet til omarbeiding som ledd i første levering- er føreslått flytta til 31 og 32. Setninga Eventuelle merknader til innstillinga skal fakultetet senda til komiteen med ein kort frist for merknader er ny. Ho er i samsvar med gjeldande praksis, og bør stå i forskrifta. 32. Samrøystes innstilling Ved samrøystes innstilling er komiteen si innstilling eventuelt etter vurdering av merknader frå kandidaten - vedtak i saka. Komiteen kan - godkjenna avhandlinga for forsvar. - gi kandidaten høve til å omarbeida avhandlinga med ein frist på seks månader eller kortare - vedta å ikkje godkjenna avhandlinga Kandidaten skal få melding om resultatet av behandlinga. Merknad til 32. Når komitéinnstillinga er samrøystes er det etter vår vurdering ikkje naudsynt å ha noko behandling ved fakultetet i tillegg komiteen si behandling. Andre strekpunkt tilsvarar 29 fjerde ledd i gjeldande forskrift. Ordninga med omarbeiding i samband med første levering er relativt ny så det er lite erfaring med ho enno. Fakulteta bør berre bruka ho i tilfelle der det er små endringar som må gjerast for å få avhandlinga god nok. Vi viser i den samanhengen til at doktoranden i alle tilfelle kan levera på nytt etter 34 ( 32 i gjeldande forskrift) også om han/ho har fått avhandlinga refusert etter omarbeiding med heimel i 32 eller 33 ( 29 fjerde ledd i gjeldande forskrift). 33. Delt innstilling Ved dissens i komiteen gjer fakultetet (programstyret) vedtak utan tilleggsvurdering eller etter å ha søkt nærare avklaring frå komiteen. Før vedtak vert gjort kan det også - oppnemnast to nye sakkunnige som gir individuell uttale om avhandlinga. Dei sakkunnige skal ikkje vera tilsette ved universitetet - oppnemnast ny komité Den første innstillinga og kandidaten sine merknader skal leggjast ved til eventuelle sakkunnige/ny komité. Programstyret gjer vedtak i saka på grunnlag av innstillinga og eventuelle utgreiingar som er innhenta. Programstyret kan: - godkjenna avhandlinga for forsvar. - gi kandidaten høve til å omarbeida avhandlinga dersom eit fleirtal av komiteen har tilrådd det. Han/ho skal få ein frist for slik omarbeiding på seks månader eller kortare - vedta å ikkje godkjenna avhandlinga. 18

19 Kandidaten skal få melding om resultatet av behandlinga. Merknad til 33. Ved dissens kan det vel vera grunn til behandling i tillegg til komiteen sitt vedtak. Når det gjeld andre strekpunkt i fjerde ledd, viser vi til andre ledd i merknad til Ny levering (kontinuasjon) Ei doktoravhandling som ikkje vert godkjend, kan leverast til ny vurdering i omarbeidd form ein gong. Slik ny levering kan skje først seks månader etter at det første vedtaket vart gjort. Komiteen skal informerast om at avhandlinga har vore levert tidlegare. Merknad til 34 Andre ledd er nytt. FSA/AFU er ved fleire høve spurt om komiteen ved ny levering skal vita om at dette er kontinuasjon, og om dei bør få kopi av den første komiteen si vurdering. Vi føreslår at dette no vert klargjort i forskrifta. Vi har vore usikker på korleis regelen bør vera, men har komme til at komiteen må få informasjon om at dette er ny levering etter 33. Vi er meir i tvil om korvidt dei automatisk bør få kopi av den første vurderinga, men har komme til at det i alle fall ikkje vil vera feil å gi vurderinga til komiteen dersom han ber om det. Kapittel X Disputas og kreering 35 Prøveførelesing(ar) Etter at avhandlinga er godkjent for forsvar, men før forsvaret, skal doktoranden halda prøveførelesing(ar). Ei prøveførelesing skal vera over oppgitt tema fastsett av komiteen. Temaet skal kunngjerast for doktoranden ti virkedagar før førelesinga. Dersom doktoranden skal halda to prøveførelesingar, skal den andre vera over eit sjølvvalt tema. Doktoranden skal melda frå om tittel på prøveførelesinga over sjølvvalt tema til fakultetet ein månad før førelesinga. Prøveførelesinga(ne) skal haldast på det språket som avhandlinga er skriven på eller eit anna språk som fakultetet godkjenner. Dei skal haldast etter at avhandlinga er levert, men før disputasen, og skal godkjennast av komiteen. Dersom prøveførelesinga(ne) ikkje vert godkjend(e), skal det haldast ny(e) prøveførelesing(ar) dersom doktoranden ynskjer det. Prøveførelesinga(ne) skal haldast over nytt/nye emne, snarast mogeleg og seinast innan seks månader. Så vidt mogeleg skal dei vurderast av den opphavlege komiteen. 19

20 Merknad til 35 siste ledd I gjeldande ordning skal det gå seks månader før ein får halda ei prøveførelesing på nytt dersom ho ikkje vert godkjend. Vi har ikkje lukkast i å finna bakgrunnen for denne regelen, men vi vil tilrå at han vert endra av omsyn til doktoranden sitt behov for å få avslutta studiet. 36. Forsvar av avhandlinga Når doktoranden har halde prøveførelesing(ane) og fått dei godkjende, skal han/ho forsvara avhandlinga i offentleg disputas. Tid og stad for disputasen skal offentleggjerast i god tid saman med opplysninga om korleis avhandlinga er offentleggjort. Disputasen skjer på avhandlingsspråket eller norsk med mindre fakultetet godkjenner noko anna. Det skal normalt være to opponentar. Dei skal peikast ut av og mellom medlemmene av komiteen. I særlige tilfelle kan fakultetet (programstyret) oppnemna opponentar som ikkje har vore medlemmer av komiteen. Disputasen vert leia av dekan eller den han/ho gir fullmakt. Den som leier disputasen, gjer kort greie for innleveringa og vurderinga av avhandlinga og for prøveførelesinga. Deretter gjer doktoranden greie for siktemålet med og resultatet av den vitskaplege undersøkinga. Førsteopponent innleier diskusjonen, og andreopponent avsluttar disputasen. Fakultetet kan likevel fastsetja ei anna rekkefølgje og oppgåvefordeling mellom doktoranden og førsteopponenten. Andre som er til stades og som ynskjer å opponera ex auditorio, må gi melding om dette til leiar for disputasen innan det tidspunktet leiar fastset og kunngjer ved opninga av disputasen. Etter disputasen gjer komiteen skriftleg greie for korleis han vurderer forsvaret av avhandlinga. Meldinga skal konkludera med om disputasen er godkjend/ikkje godkjend. Dersom disputasen ikkje vert godkjend, skal det gjennomførast ny disputas dersom doktoranden ynskjer det. Ny disputas skal gjennomførast snarast mogeleg og seinast innan seks månader. Så vidt mogeleg skal ny disputas vurderast av den opphavlege komiteen. Disputasen skal godkjennast før doktoranden kan få diplom. Merknad til 36. Tredje ledd: Etter 2005-forskrifta er det fakultetet som peikar ut opponentane. Siste ledd: I gjeldande ordning skal det gå seks månader før ein får disputera på nytt dersom disputasen ikkje vert godkjend. Vi vil tilrå at dette vert endra av omsyn til doktoranden sitt behov for å få avslutta studiet. 37. Kreering og diplom/vitnemål Når eit fleirtal i komiteen har godkjent disputasen, vert doktoranden kreert til philosophiae doctor (ph.d.) av universitetsstyret. 20

21 Universitetet set opp vitnemål, diploma supplement og diplom. Merknad til 37. Kreering og diplom/vitnemål Til første ledd Det er ynskjeleg å korta ned tida mellom disputas og kreering i dag kan det enkelte gonger ta to-tre månadar mellom disputas og kreering. Vedtaket i fakultetet er sandpåstrøing 13, og det vil korta ned prosessen om vi hoppar over den sløyfa. Det same gjeld sjølve kreeringsvedtaket, men vi vil tilrå at det skal behaldast av omsyn til tradisjonen. Til andre ledd Vi føreslår desse setningane sletta frå andre ledd: På diplomet skal det førast opp dato for kreering og opplysningar om kva doktorgradsprogram graden er avlagt innafor. I tillegg vert det sett opp doktorgradsvitnemål der tittel på avhandling og prøveførelesing skal stå saman med opplysningar om det faglege opplæringsprogrammet doktoranden har gjennomført. Det er etter vår vurdering ikkje naudsynt å ha så detaljerte reglar om dette i forskrifta. Vi vil elles ta sikte på å forenkla denne delen av kreeringsprosessen, t.d. ved å kombinera kreeringa og underskriving av vitnemålet. Kapittel XI Klage 38. Klage over avslag på søknad om opptak Avslag på søknad om opptak etter 5 kan påklagast etter reglane i forvaltningslova 28 flg. Klagen skal sendast til fakultetet. Dersom klagar ikkje får medhald går den til avgjerd i universitetet si klagenemnd. 39. Klage over underkjenning av opplæringsdelen Avslag på søknad om godkjenning av kurs eller andre delar av opplæringsprogrammet kan påklagast etter reglane i forvaltningslova 28 flg. Ved klage over sensur på emne, gjeld og universitets- og høgskolelova Klage over avslag på søknad om vurdering eller underkjenning av avhandling, prøveførelesing eller forsvar. Underkjenning av avhandling, prøveførelesing og forsvar kan påklagast etter reglane i forvaltningslova 28 flg. Grunngitt klage skal sendast fakultetet. Alle sider ved det påklaga vedtaket kan prøvast. Kapittel XI Ikraftsetjing 41. Ikraftsetjing Forskrifta tek til å gjelda Vi kjenner til eitt tilfelle der eit fakultetsstyre overprøvde eit positivt komitevedtak etter dispuas. I det tilfellet vart fakultetsvedtaket endra etter behandling hjå Sivilombudsmannen. 21