Reguleringsføresegner

Transkript

1 Reguleringsplan for Furusjøen hytteområde Reguleringsføresegner (Vedteke av Nord-Fron kommunestyre xx.xx.2013, sak xx/13) Utkast (Justert etter behandling i planutvalet , sak 65/13) 1. Innleiing 1.1 Plangrunnlag Denne reguleringsplanen er ein revisjon av og erstattar tidlegare reguleringsplan for Furusjøen hytteområde av , k-sak 20/01 og , k-sak 61/01 og reguleringsplan for båtplass i Røssumbuvika av Avgrensing og virkeområde for planen og føresegnene Planområdet er avgrensa slik det går fram av reguleringsplankartet i målestokk 1 : I planen er det vist eigedomsgrenser. Byggjeområda er avgrensa i forhold til desse. I ein del tilfelle er eigedomsgrensene noko usikre. I tilfelle der det ikkje er samsvar mellom eigedomsgrensene og avgrensinga av byggjeområdet, er det dei reelle eigedomsgrensene som gjeld. 1.3 Reguleringsformål Området er regulert til desse formåla: Bygg og anlegg Landbruks-, natur- og friluftsformål Grønstruktur Bruk og vern av sjø og vassdrag Samferdselsanlegg og teknisk infrastruktur 2. Bygg og anlegg (jf nr. 1) 2.1 Område regulert til fritidsbusetnad Dei områda der det kan byggjast fritidsbustader er regulert som hytteområde. I plankartet er kvar tomt avmerkt med eit firkantsymbol som i dei fleste tilfelle viser ca. 1 2 daa byggjeområde. Det er markert ei byggjegrense på kvar enkelt tomt på fire meter frå grensa for byggjeområdet. Langs vegane er byggjegrensa 10 meter frå midtlina i vegen, jf. pkt 6.2 nedanfor. Alle bygg på tomta skal plasserast innafor byggjegrensa. Endeleg utstikking av tomt skjer ved bortfesting eller sal. 1

2 2.2 Utbygging av tomta Bebygd areal pr tomt skal ikkje vera over 10 % (BYA=10 %). Bruksarealet pr. tomt skal ikkje vera over 150 m² (T-BRA=150 m²). Norsk standard skal leggjast til grunn for alle utrekningar. Utbygginga kan skje ved at det blir bygd ei hytte eller ei hytte og eitt eller fleire mindre bygg. Dersom det blir bygd to eller fleire bygningar på tomta, skal desse plasserast i tunform med maks. 8 m mellom bygningane. Eventuelt anneks kan fungere som eit utvida opphaldsrom i samband med bruken av hytta. Kor mange hus som kan byggjast skal avklarast gjennom behandling av byggjemeldinga med tilhøyrande situasjonsplan. Det vil ikkje bli gitt løyve til frådeling av delar av eksisterande tomter utover det som er vist i planen for på den måten å omgå utnyttingsgraden. 2.3 Naturpreget på tomta Bygningane skal mest mogleg underordne seg naturpreget i området, og terrenget rundt bygningane skal i størst mogleg grad behalde karakteren av utmark, jf. pkt. 8.1 nedanfor. Hovudmøneretninga skal følgje terrengkotene. Lengda på bygningane skal ikkje vera over tre gonger eller under to gonger breidda. 2.4 Tradisjonell byggjestil Bygging av fritidshus, uthus og anneks skal tilpassast ein tradisjonell byggestil m.o.t. takform (saltak), takvinkel (min. 22, maks 27 grader ), materialbruk og farge. Bygningane skal målast/beisast i mørke og matte fargar. Taktekkingsmaterialar skal vera i torv, tre, skifer eller andre ikkje reflekterande materialar. Bygg kan berre byggjast med ein etasje. Grunnmuren skal ikkje vera over 1,0 m over opphavleg terreng. Det kan byggjast med ei gesimshøgde på maks 3,6 m. Total mønehøgde kan vera inntil 5,3 m. Høgdene er rekna frå gjennomsnittsnivået på det planerte terrenget omkring bygningen. Uthus/anneks eller andre mindre bygg kan ha mønehøgde på maks. 4,3 m og gesimshøgde på maks. 3,3 m. Uthus/anneks eller andre mindre bygg skal innafor ramma av tillate mønehøgde, ikkje ha mønehøgde på meir enn to gonger breidda på gavlveggen. Av omsyn til beitedyr skal høgda frå bakkenivået og opp på hustaket vera minst 1,2 m. Opningar under garasjedører, grinder eller liknande skal ikkje vera over 10 cm. Opningar i grunnmur og opningar under hytter og verandaer som står på pilarar, må sikrast med stengsel. Opningar skal ikkje vera over 10 cm. Dersom forholda på tomta tilseier at ein treng avvike frå reglane ovanfor for at bygga på tomta best mogleg skal bli tilpassa terrenget, kan kommunen gi løyve til det. 2.5 Terrassar Terrasse reknast som alle former for innhegning med rekkverk, som er naturleg kopla til ein bygning på tomta (veranda, balkong). Alle terrassar skal behandlast av kommunen i søknad/melding. 2

3 Terrassen skal vera vesentleg mindre i areal og volum enn hytta, skal tilpassast hytta sin byggjestil og skal framstå som ei naturleg tilkopla løysing til hytta eller evt. andre sekundære bygningar på eigedommen. Terrassen kan maksimalt utgjera halve arealet av hovudhytta, men skal ikkje vera over 30 m². Han skal ikkje ha meir enn tre m breidde ut frå langveggen, og kan ikkje gå rundt meir enn halve bygningen sin omkrets. Fundamenta må ikkje på nokon plass vera høgare enn 1 m. Høgda på rekkverket skal vera mellom 0,5 og 1,1 m, vera solid og utforma i tråd med løysingar i teknisk føresegn. Dersom det på hytteeigedommen er gjerde, skal material- og fargebruk på terrassen harmonerast med dette. 2.6 Gjerde og flagstong Dersom det er aktuelt å setja opp gjerde på ein fritidseigedom, skal det sendast skriftleg melding om tiltaket til kommunen. Saman med meldinga skal det leggjast ved målsett teikning av tomta og bygningane på tomta som også viser omfanget av det gjerdet som er aktuelt å setja opp. Kommunen varslar aktuelle beitelag i området når dei får melding om gjerde. Følgjande reglar må følgjast: Gjerdet skal setjast opp slik at det saman med grindene er samanhengande og lukka. Alle grinder skal slå utover for å hindre at beitedyr går seg fast. Det kan gjerdast inn eit maks areal på 300 m² pr tomt. Bygningsarealet skal her ikkje reknast med. Gjerdet skal vera slik oppført og vedlikehalde at det ikkje er farleg for folk eller husdyr. Gjerdet skal i tillegg vera minimum 1,10 meter høgt og så sterkt og tett at det held husdyr ute. Gjerdet skal ikkje stenge sti eller råk for allmenn bruk og ikkje setjast opp nærare vatn/vassdrag enn 10 meter. I særlege tilfelle der det for eksempel er mange hytter i eit lite område, eller omsyn til beite, miljø eller allmenn ferdsel tilseier det, kan kommunen fråvike desse generelle reglane. Det er ikkje lov å setja opp portar, flagstong eller liknande. 2.7 Situasjonsplan for utbygging på tomta Situasjonsplan av omsøkte bygg skal sendast inn saman med byggjesøknaden, og skal vise omsøkte og ev. framtidige byggetrinn, jf. pkt. 8.1 nedanfor. 2.8 Vatn- og avlaupsnett Det er ikkje tillate å leggje inn vatn utan at avlaupsløysinga er godkjend av Nord-Fron kommune. Anlegg i området skal inngå i ein heilskapleg vatn- og avlaupsplan. Det er påkoblingsplikt ved eventuell framføring av kommunal avlaupsleidning. 2.9 Andre typar anlegg Nord for Kvamvika er det i plankartet vist eit område der det kan byggjast kvilebu/båtnaust til allmennyttig formål. Kvilebua kan byggjast med inntil 30m² bruksareal og naustet med inntil 20m² bruksareal. Dette kan evt. byggjast som eitt bygg. 3

4 Bygget/a bør tilpassast ein tradisjonell byggestil m.o.t. takform (saltak), takvinkel (min. 22 maks 27 ), materialbruk (tre, stein og ikkje reflekterande taktekkingsmaterialer) og farge (matte og mørke farger). Bygget kan berre byggjast med ein etasje. Mønehøgde skal ikkje vera over 4,3 m. Gesimshøgda skal ikkje vera over 3,3 m. Det er ikkje lov å leggje inn vatn i kvilebua før det er ført fram offentleg kloakkleidning eller det kan finnast anna godkjend avløpsløysing. Innafor området kan det opparbeidast båtplass der det bl.a. kan etablerast enkle stativ for vinterlagring av båtar. Det kan etablerast båtdrag frå vatnet og opp på nivået for plassering av båtane Skiløypetrasear I planen er det vist trasear for skiløyper i planområdet som sikrar tilgang til løypenettet utanfor planområdet. Løypene er regulert utanom vegane i planområdet. Løypene er regulert med ei breidde på 6 m. Avhengig av lokale forhold kan plasseringa av skiløypetraseane justerast nokre meter til kvar side. Løypetraseane kan ryddast for vegetasjon og opparbeidast med prepareringsmaskin etter at det er gitt løyve med heimel i motorferdsellova. 3. Landbruks-, natur- og friluftsformål (jf nr. 5) 3.1 Landbruksområde I dei områda som er regulert til landbruksformål skal grunnen nyttast til tradisjonell landbruksdrift, jord- og skogbruk. 3.2 Friluftsområde Eit belte langs dei fleste vatn og vassdrag i planområdet på 10 meter eller 25 meter frå strandlina er regulert som friluftsområde. Eit større område omkring Hovdpiggen, på Vassmillom og ved Karelen er også regulert som friluftsområde. Desse områda skal kunne nyttast til allment friluftsliv som fiske, turar, bading og liknande. Det er særleg viktig å ta vare på vegetasjonen i områda. Gamle vegar, stiar og råk skal vedlikehaldast og må ikkje stengjast. Det kan ikkje førast opp naust eller andre byggverk i områda. Dei hyttene, uthusa og anneksa som ligg nærare vatn enn ti meter, kan ikkje utvidast, men berre vedlikehaldast. Innafor områda kan det ikkje plasserast campingvogner eller bubilar. Rettar og ordningar som er opparbeidde før planen vart vedteken, skal likevel kunne oppretthaldast. 3.3 Sti/gangveg Vegen mellom Kvamvika og Hovde over eigedommane gnr. 361 bnr. 21, gnr. 361 bnr. 1 og delar av gnr. 348 bnr. 1 er regulert som friluftsområde med sti/gangveg. Denne vegstrekninga skal vera fysisk stengt for biltrafikk. Køyring her blir vurdert som køyring i utmark, jf. pbl 12-7 nr Grønstruktur (jf nr. 3) Ved Vassmillom og Kvamvika mm er det vist tur- og sykkelsti. I denne traseen kan det gjerast særskilte tiltak for å leggje til rette for sykling, bl.a. konkurransesykling. 4

5 5. Bruk og vern av sjø og vassdrag (jf nr. 6) 5.1 Friluftsområde i sjø og vassdrag Alle vatn og vassdrag er definert som friluftsområde i sjø og vassdrag. Områda kan brukast til friluftsliv som bading, fiske, båtferdsel mm. Kommunen regulerer med eiga føresegn kva type motorar som kan nyttast på båtane. Inngrep som kan føre til negative følgjer for allmenne interesser i vassdrag, må vurderast i samsvar med vassressurslova Båtplassar (BP) I området BP-1 Røssumbuvika og BP-2 ved Karelen kan det opparbeidast båtplassar. Før utbygginga startar skal kommunen godkjenne detaljplan for området der ein tek stilling til bl.a. storleik, utforming og nøyaktig plassering. Båtplassane skal leggjast til rette både for faste brukarar og meir sporadiske brukarar. Det skal leggjast vekt på god tilpassing til vegetasjon og natur i dei tre områda, og i størst mogleg grad nyttast lokale byggjematerialar. Ved BP-2 kan det også leggjast til rette ein enkel liten badeplass. 6. Samferdselsanlegg og teknisk infrastruktur (jf nr. 2) 6.1 Parkeringsareal Parkering skal normalt skje ved kvar hytte. Det kan opparbeidast to parkeringsplassar på kvar hyttetomt, eit areal på 30 m². For enkelte hytter med dårleg moglegheit for vegatkomst, er det i plankartet vist at det kan leggjast til rette for parkering på felles parkeringsareal. 6.2 Vegareal Vegane innanfor området blir planlagt med ei total breidde på 8 meter for tilførselsvegar og 4 meter for hytte-/stikkvegar. Dette omfattar køyrebane, skuldrer og grøfter. Frå midtlina i vegen er det ei byggjegrense på 10 meter, jf. pkt. 2.1 ovanfor. For å skjerme terrenget mest mogleg, skal det ved utbygging av vegane i minst mogleg grad brukast skjeringar og fyllingar. Når vegen skal krysse vassdrag, skal ein nytte dimensjonar som kan ta unna for 200-års flaum. Etter at vegen er bygd, skal terrenget pyntast, tilsåast og i naturleg grad plantast til med stadeigne planter, jf. pkt. 8.1 nedanfor. 6.3 Fryosvegen Dei siste 300 metrane av vegen ned mot snuplassen ved Fryosen blir stengt med bom og skal tene som veg for landbruksdrifta og hytteeigarane i Frylia, Sandslia og Luseby om sommaren. Når vegen blir bygd, skal bommen setjast opp og takast i bruk samtidig med at vegen elles blir teken i bruk. 7. Omsynssoner (jf. 12-6) 7.1 Omsynssone langs vatn og vassdrag Alle vatn og vassdrag i planområdet er ein del av det verna vassdraget Frya, jf. rikspolitiske retningsliner for verna vassdrag. I plankartet er det derfor vist ei sone langs dei fleste av desse vassdraga på 50 meter frå strandsona, jf. pbl 12-6 og 11-8 nr. c. 5

6 7.2 Omsynssone for vern av kulturmine Innafor omsynssonene kulturminne etter pbl 12-6, jf nr. d ligg ei fangstgrop id som er avmerka KM i plankartet. Fangstgropa er automatisk freda etter lov om kulturminne 4, 6c og 8. Alle tiltak i omsynssona skal leggjast fram for kulturminnestyresmaktene i Oppland fylkeskommune for godkjenning. 8. Fellesføresegner (jf. 12-7) 8.1 Vegetasjon og terreng Det skal takast vare på mest mogleg av den opphavlege vegetasjonen, og alle terrenginngrep skal gjerast så skånsamt som råd. Under byggjearbeidet skal det leggjast stor vekt på å ta omsyn til terrenget og vegetasjonen. Dersom det er nødvendig å grave ut massar, skal dette gjerast på ein slik måte at det ikkje verkar skjemmande. Dei massane som blir tatt ut, skal også leggjast på stader der dei ikkje verkar skjemmande. Veggrøfter/- kantar og grøfter for vatn, kloakk og kablar m.m. skal planerast og såast til, eller helst setjast i stand slik at den opphavlege vegetasjonen i størst mogleg grad kjem attende, jf. pkt. 6.2 ovanfor. Naturmark og eksisterande skog skal takast vare på og haldast i hevd slik at vegetasjonen i området i størst mogleg grad blir oppretthalde som i dag. I samband med byggjarbeida skal det i størst mogleg grad leggjast vekt på å unngå inngrep i naturmarka på tomta. Inngrepsfri sone på tomta skal vera på minst 50% av tomtearealet og dette skal markerast på situasjonsplanen som skal vise all planlagd utbygging på tomta, jf. pkt. 2.3 og 2.7 ovanfor. 8.2 Straum og telefon Framføring av straum og telefon til bygningane innanfor det regulerte området skal skje i jordkabel. 8.3 Gateljos Det er ikkje lov til å setja opp gateljos langs vegane i området. 8.4 Universell utforming I all planlegging og utbygging skal prinsippa for universell utforming leggjast til grunn.... Opplysning om kulturminne Dersom det ved tiltak i marka blir funne automatisk freda kulturminne, skal arbeidet straks stansast i den grad det rører ved kulturminna eller sikringssona kring dei på fem meter, jf. lov om kulturminne 8. Melding skal snarast sendast til kulturminnestyresmaktene i Oppland slik at vernestyresmaktene kan koma på synfaring og ta stilling til om tiltaket kan halde fram og eventuelt vilkåra for dette. 6