Årsmelding 2015 frå HSV si fylkestingsgruppe

Transkript

1 Årsmelding 2015 frå HSV si fylkestingsgruppe Fylkestingsgruppa har no vorte godt kjent og funne ein måte å driva fylkestingsarbeidet på. Arbeidet i utvala går seg og til, men det tek tid når ein er ny representant å finna sin plass, stil og arbeidsmåte. SV har eit valteknisk samarbeid med posisjonen som består av Ap, Sp og Krf. Det er og eit mål å verta einig om budsjett. Etter valet 2015 var det slik fordeling av SV- folk i utval: Fylkestinget: Representant - Aud Karin Oen Representant - Marthe Hammer Representant - Daniel Charles Hextall vara - Einar Horvei vara - Birgitte Holmefjord Olsen Skibenes vara - Jarle Brattespe vara - Torunn Olsnes vara - Bror Eivind Eriksen vara - Silje Guleng vara - Reber Roald Iversen Fylkesutvalet: Representant - Aud Karin Oen vara - Marthe Hammer vara - Daniel Charles Hextall Miljø og samferdsel: Representant - Marthe Hammer (nestleiar) vara - Einar Horvei vara - Jarle Brattespe vara - Silje Guleng Opplæring og helse: Representant - Daniel Charles Hextall vara - Birgitte Holmefjord Olsen Skibenes vara - Torunn Olsnes vara - Bror Eivind Eriksen Det er ei stor føremonn å ha «reine» SV varalister til alle utvale me er representert. Det er godt oppmøte frå representantane og me brukar lite vara. Dei tre neste på fylkestingslista vert kalla inn til alle gruppemøta før tingsete. Sekretær for fylkestingsgruppa er Frøydis Olaussen. SV har markert seg godt og i året som gjekk. Me har forslag, interpellasjonar og fråsegner. Me nyttar og talarstolen flittig. Fleire saker som SV no får gjennomslag for t.d. i Fylkesutvalet, smått og stort, synest ikkje på same vis i protokollen som SV forslag, fordi dei vert lagt fram som fleirtalsforslag. Alliansar og fagleg arbeid: Fylkestingsgruppa har valteknisk samarbeid med A, Sp og Krf, med mål om å verta einig om budsjett. AP, SP og Krf manglar ei stemme for å ha fleirtal. Det har vore mange og harde forhandlingar, det ser eg for meg at det vert framover og. Det er slik no at å vera gruppeleiar for fylkestingsgruppa krevjast at ein kan reise til Bergen fleire gonger i veka. Samarbeidet med Fylkesstyret/Au har vore heilt naudsynt og meir omfattande enn nokon gong. I framtida bør det formaliserast meir og verta ein fast del av fylkesstyret sitt arbeid. Eg har kontakt med naturvernorganisasjonar og fagforeiningar hovudsakleg på E-post. Eg møter dei om dei ber om det.

2 Aksjonsgruppa mot ny godsterminal i Arna og Hordnesskogen har me hatt møte med i samband med lokalisering av ny godstermnal i Bergensområdet. Lokalaga. Kontakten med lokallaga er svært varierande. Men kontakten med lokallaget/bystyregruppa i Bergen, er naudsynt. Me har mange store og samanfallande saker, særleg på samferdsel, som det må samarbeidast om. Dersom saker har klar tilknyting til kommunar/lokallag, er målet å finna lokallaget sitt standpunkt og prøver følgja dette. Store saker vert sendt særskild på høyring til lokallaga. Fleire initiativ frå lokallaga ville me sett pris på! SU Me har ingen formell kontakt med SU utover at SU set i fylkesstyret. Men me prøver finna deira ståstad i saker der det er aktuelt. Me ønskjer gjerne at dei tek kontakt med oss. Saker og SV-aktivitet/budsjett SV er ein del av fleirtalsbudsjettet og det vart utarbeidd i saman med fleirtalspartia. Det overordna i budsjettet til fylkeskommunen er at den er nedsylta i lån og at det er eigentleg småpengar me flyttar på. Med dei krava som står føre Hordaland fylkeskommune må det til ei heilt anna finansiering frå Stortinget til samferdsle om ein skal klara å gje Hordaland eit framtidsretta kollektivtilbod, både på veg og sjø. Det er og store investeringar som skal gjerast på nybygg av vidaregåande skular SV gjekk til forhandlingane med tydelege prioriteringar og krav. Det var ein god strategi! Me fekk gjennomslag for mykje. Eg prøver involvera heile fylkestingsgruppa i prosessen, det er viktig for å få eit best mogleg resultat. Frøydis sin medverknad var og svært viktig for resultatet. Konkrete SV saker som er vedteke i budsjettet for å nemna nokon : -monaleg styrking av klimaplanen -sjølvforsvarskurs for jente -styrking av skulehelsetenesta -skulefrukost -prosjektmidlar til Osterøyferja -delbetaling tannlege aldersgruppa år -utvida ungdomskort for aldersgruppa år -fjerning av natt-taksten -vegutbetring, «trygg skuleveg» -sykkelparkering Til neste år vil det vera eit sentralt mål å få redusert takstsonene på buss i Hordaland frå 470 til 7 eller 8. Det ligg som eit verbalforslag og vil vera ein av dei viktigaste sakene ved neste års budsjett og som vil ta store delar av dei midlane som vert politisk disponert. Regionsreforma Elles har regionreforma stått sentralt i fylkestingsarbeidet. Etter innspel frå lokallag og på utvida fylkesårsmøte fekk me klare innspel på at det er uaktuelt for SV og seie ja til ein ny region utan at oppgåvene ligg i bordet. Det har vore fellesmøte med Sogn og Fjordane, Rogaland og Hordaland SV for å diskutere og utforma forslag. SV fremja og forslag om folkerøysting saman med Raudt. Det har vore vanskeleg å setja dagsorden når det gjeld regionsforma fordi det berre er SV og Raudt i Hordaland som stemmer mot. I dei andre fylka var resultatet uvisst til siste avstemming.

3 Kultur, idrett og regional utvikling. Det føregår ei utstrakt godkjenning av småkraftverk i Hordaland. Stort sett stemmer eg mot alle utbyggingar i fylkesutvalet, noko som er i samsvar med fråsegna på årsmøtet Eg prøver i stor grad og finna løysingar i samråd med lokallaga i einskildsaker. I fiskeoppdrettsaker fremjar eg alltid forslag om lukka anlegg og inga auke i biomassen. KIRU har ansvar for store plansaker og slik er det eit viktig utval som SV ikkje er representert i. Ein del av plansakene stoggar der og kjem ikkje til fylkesutvalet. Liv og lyst prosjektet vart så vidt berga etter at regjeringa la det ned i statsbudsjettet. Det vart og gjeve midlar. Vidaregåande opplæring. Den største strukturelle reforma er eit nytt prinsipp om inntak til vidaregåande skule der elevar med lang reisetid no får rett til å gå på nærskulen sin. Elevar får og rett til å fullføra utdanninga på den skulen dei byrjar. Det er ikkje eit reint nærskuleprinsipp, men det næraste me kjem i denne koalisjonen, og ei klar forbetring i forhold til kva det var tidlegare. Finansieringssystemet står for tur i SV har då som mål å få vekk stykkprisfinansieringa. Revidering av skulebruksplanen har teke mykje tid og vore krevjande. Charles og eg har vitja skular og høyrt deira versjon. Ikkje alt kan lesast på eit papir og det er viktig å møte tilsette og andre i deira miljø. SV har som mål og programfesta at me skal ha ein desentralisert skulestruktur og det jobbar me for. Utfordringa er at me har for mange elevplassar og stolar som står tomme. I Bergensregionen er det mange private aktørar som gjer at me må leggja ned klassar og skular. Det er smerteleg å leggja ned offentlege skular og fylkeskommunen er nøydt til å få verkemiddel frå Stortinget til å kunne styre dei private og. Dette arbeidet har vi samarbeida med partileiaren om. Me får setja lit til eit regjeringsskifte med eit sterkt SV. Når det gjeld Laksevåg vidaregåande skule er me enno ikkje i mål. Det vert jobba med å få til eit prosjekt med produksjonskule i Ulvik. Mijø og samferdsel Det viktigaste miljøresultata vart mest sannsynleg vedteken i januar 2016 og det er at Hordaland fylkeskommune har gått foran, og vist veg for eit nytt teknologiskift innan ferjetransporten. Med miljøkrav på ferjeanboda reduserer fylkeskommunen CO2-utsleppa med mellom og tonn CO2-ekvivalentar frå Godt politisk handverk gjorde at ein fekk fleirtalskonstellasjonen til å sette desse miljøkrava sjølv om ein viste at dette ville ha ein stor økonomisk kostnad. I byrjinga av 2016 vart det jobba mykje med ny godsterminal for Bergensområdet. Marthe Hammer og eg har jobba tett med Bergen SV i denne saka. Det same har me gjort i høve til handsaming av NTP en. Me markerer oss mot E 39 og monsterbru ved alle høve og framsnakkar E16 og ny jarnbane til Voss ved alle høve. SV er tydeleg på at Hordaland må prioritere kva for prosjekt som skal få midlar. Kollektiv i Hordaland: Bybana si utbygging er sentralt for SV og me ser no at det vert sådd tvil om at den ikkje er samfunsøkonomisk osv. Det er viktig for SV å stå i kampen for å få til ei vidare utbygging raskast mogleg. Vi har stått på kravet om minimum 70% statleg finansiering av bybanen og fekk også gjennomslag for dette i NTP. Det er eit fleirtal i fylkestinget som ønskjer kollektivfelt på firefeltsinnfartsårer, dette må det jobbast vidare med. Vi ser at både når det gjeld Sotrasambandet og dei andre vegprosjekta i og rundt Bergen så er det ein stadig kamp om det skal verte meir veg til bilane eller betre tilkomst for kollektivtrafikken. Trolleybussen har fått ein ny sjanse og det er vedteke utgreiing av linje til Laksevåg.

4 Fylkesutvalet Har ansvar på plan/drift/økonomi, i tillegg til særskilt ansvar for næringspolitikk og regional utvikling, difor byr dei månadlege møta på eit breitt spekter av saker. Arbeidet i fylkesutvalet har gått frå at SV har vore i opposisjon til at me kan utgjera eit fleirtal. Det er krevjande og mange forventningar skal fyllast. HFK sin økonomi har ei gigantisk auke i lånegjelda, dette vil og ta ein større del av driftsmidlane i åra som kjem. Den låge renta bergar oss no, men den langsiktige økonomien er for skjør. Fylkestinget Det er no eit markert skifte her og SV er ein del av det. Det gjev både moglegheiter og ansvar. Ansvaret til SV gruppa ligg først og fremst til å gjennomføra valprogrammet for Hordaland SV. Det er eit mål å ha ei interpellasjon eller uttale til kvart tingsete. Det har me klart. Det set oss på dagsorden og gjer pressa meir interessert slik at me «eig» sakene. Sv har hatt desse fråsegnene og interpellasjonane: Interpellasjonar/spørsmål/fråsegn: Aud Karin: - Nei til auka bruk av mellombels tilsette. Vedteke! - Øystesevassdraget må inn i verneplan for vassdrag! - Fråsegn til støtte for arbeidarane på hotell Norge - Hordaland fylkesting krev bymiljøavtalen på plass no! Vedteke Marthe: - Interpellasjon om Bybanekontor for sykkel - Spørsmål om Hordfast E 39 Medieutspel og innlegg (et utvalg) Aud Karin: NRK:Ber folk vente med å få barn til etter sykkel-vm NRK: SV krever folkeavstemning om nytt storfylke Nrk: Hordaland fjerner nattakst på kollektivtransport Nrk: Vil ha nynorsk region Nrk: Sier nei til regjeringens arbeidsmiljølov BT: Språkdebatt da vestlandsregion ble diskutert BT: Språkdebatt dominerte da politikerne diskuterte ny vestlandsregion Vestnytt: Tog er miljøvenleg og distriktsvenleg Vestnytt: Åtte år til ny skule og vi gleder oss, eller? Vestnytt: Ny vidaregåande skule i 2024 Vestnytt: - Ikkje legg ned tannlegane BA: TROR HUN KAN BLI «MOR VESTLANDET» BA: Stort flertall for å slå Hordaland sammen med Sogn og Fjordane og Rogaland Bygdanytt: Fylkes-million til Valestrand-ferja Marthe: Nrk: Mener bybanebillettprisene bør økes Nrk: E39: - Urealistisk med byggestart i 2018 BT: Mener bybanebillettene bør økes BT: Fjordens miljøpris BT: - Var dette vi fryktet

5 BT: Hordaland får 140 mill. til klimavennlige ferjer BT: Åpner for godsterminal i Åsane BA: VIL OVERTA DELER AV HAUGALANDET BA: Åpner opp for samarbeid med deler av Rogaland BA: FORLANGER OPPRYDDING BA: Vis frem tallene BA: FORSVARER FIASKOEN Strilen: Ny Kvamsvåg-veg vil passera 100 millionar Haugesunds avis: Krever at tallene gjøres offentlige Charles: Nrk: SV støttar opposisjonen Nrk: Dei avgjer framtida til tusenvis av elevar BT: Nå får alle unge jenter lære selvforsvar BT: Står fast på at skoler må legges ned BT: Nye runder om skolenedleggelsene Nordhordland: No er fylkespolitikarane samde om kva skular som må leggast ned Nordhordland: Rasar mot partifellane som vil kutta i Knarvik Framtida: Unge i Hordaland får billegare tannlege Framtida: Ny stilling skal hindra målbyte i Hordaland BA: Nå er grensen nådd BA: - Vi skal sørge for at de hører oss hele veien til Oslo! BA: Enten vil Rødt misforstå eller så lyver de bevisst BA: Skivebom Aftenposten: Dette er ikke riktig tidspunkt for å skremme ungdommer vekk fra yrkesfag Deltaking på debattar og tilstellingar: Debatt om Nasjonal Transportplan, Kvarteret, 7. april (Marthe) Sykkeldebatt, Litteraturhuset 28.april (Marthe) Treng me Likestilling i 2016? (8.mars, senioruniversiteet) Aud Likestillingskonferanse på Fjell rådhus, 27.sept, Aud Aud Karin Oen gruppeleiar