Politisk Måldokument for Ungdommens Bystyre i Flora Kommune, Vedteke i møte 3 mai Revidert i møte 8 mars 2012.

Transkript

1 Politisk Måldokument for Ungdommens Bystyre i Flora Kommune, Vedteke i møte 3 mai Revidert i møte 8 mars Sommarjobb for ungdom Ungdommens Bystyre ønskjer å tilrettelegge for at ungdom i kommunen enklare skal få seg sommarjobb og få hjelp med å lage jobbsøknader. Tenestetorget eller NAV i kommunen kan ha ansvar for å sette fokus på dette. Tilrettelegging for tilflytting UB meiner at næringslivet og det offentlege må ta eit større ansvar for tilflytting til Flora kommune. Ein bør gje fleire unge tilbod om busetting til dømes gjennom prøvebu-prosjekt. Kommunane, i samarbeid med det lokale næringslivet, bør også legge til rette for samankomstar mellom lokalt næringsliv og til dømes utflytte studentar. Dette for å gje ungdom oversikt over kva arbeid som finst i heimkommunen. Gründerverksemd og ungdomsbedrifter UB meiner kommunen burde legge til rette for meir gründerverksemd i Floraskulane, gjennom forskjellige prosjekt som stimulerer til skaparglede og kreativitet. UB oppfordrar skulane til å ha fleire prosjekt og kurs. UB meiner at kommunen saman med Ungt Entreprenørskap skal ansvar for denne aktiviteten. MOT PROSJEKTET UB ser viktigheita av førebyggjande tiltak av rus blant ungdom i Flora kommune. UB meiner at MOT er et haldningsskapande prosjekt som jobbar for ungdom, og har som mål å bidra til robuste ungdommar og trygge ungdomsmiljø. UB meiner at eit slikt prosjekt er viktig for ungdom i kommune, og at ungdommane vil ha stor nytte av prosjektet, samt at det bidreg til gode haldningar hos ungdommane. UB meiner at MOT i Flora kommune burde gjelde ungdomsskulen og barneskulane. BARNEVERNSVAKT UB ønskjer at ordninga med barnevernsvakt i kommunen blir starta opp att. Dette meiner UB er viktig for å følgje opp ungdom i kommunen som sliter med bruk av rusmidlar. Barnevernsvakta skal også ha god kontakt med skulane i kommunen. Psykisk helse blant ungdom UB ønsker og sette psykisk helse blant ungdom i kommunen på dagsorden. Informasjonstiltak om kvar ungdom kan henvende seg for å få hjelp mot psykiske problem i kvardagen, er for dårleg i kommunen. UB meiner kommunen må satse meir på psykisk helse blant ungdom i skulane og elles, og at dette må ha eit større fokus. Fysisk aktivitet hos skuleelevane UB meiner at det må leggast til rette for meir fysisk aktivitet i Flora skulane. Dette er viktig for å holde oppe aktivitetsnivået for elevar som etter skuletid ikkje er i aktivitet. Eit slikt tiltak er viktig for folkehelsa. Mjølk og frukt i skulane UB meiner at det i større grad må leggast til rette for at elevane skal få inntatt mjølk og frukt og grønt i skulen. Oppfordre til å ta med frukt og grønt heimanfrå. Legge til rette for eigne rimelege mjølke-ordningar på alle Flora skulane.

2 Open hall UB ønskjer at det blir tilrettelagt eit tilbod for dei som ikkje driv med organisert innandørs idrett. Open hall burde være eit tilbod som skjer i barneskulane sine gymsaler, samt andre kommunale anlegg. Dette er eit viktig førebyggjande tiltak, samt at det hjelper familiar som slit økonomisk. Informasjon om aktivitetstilboda i kommunen UB ønskjer at kommunen skal utforme eit informasjonshefte der alle aktivitetstilboda i kommunen er lista opp og beskrevet. Dette informasjonsheftet skal leggast ut på kommunen sine nettsider, samt sendes ut ein gong i året til alle bustadar i kommunen. Sentrumsutvikling: Ungdommens Bystyre er særs postive til arbeidet med, og prosessen rundt ny sentrumsplan. UB stiller seg positive til rådmannen sitt utkast til ny sentrumsplan, men har nokre konkrete innspel. 1)Utviklinga viser at folk vil bu i sentrumsnære områder og dette er viktig å ta omsyn til for å gjere Flora attraktivt. UB meiner det er positivt å legge til rette for fleire leiligheter i sentrum. Ungdom tenkjer annleis enn tidlegare generasjonar når det gjeld val av bustad. UB merkar seg også at bustadprisane i Florø er høge, det er difor vanskelig for unge å kome seg inn på markedet. Dette er ei utvikling som UB meiner ein må gjere noke med. Bygging av ungdomsbustadar må være eit satsingsområde. 2) UB er positive til å utvide sentrum ved å bygge ut området i Stranda til bustadområde. Området er sentralt, ligg godt til og vil være attraktivt. Dette er eit godt døme på ei moderne nytenking som UB støttar. 3) UB ønsker å oppretthalde ein maritim stil i Stranggata. Gamle bygningar bør i hovudsak rustast opp eller byggast opp i same stil. UB er open for ei blanding av moderne byggeartar der det er mogleg, som td Trovikbygget. UB er positiv til ein meir moderne og kreativ stil utanfor sentrumskjerna. Td i Stranda. 4) UB meinar at det er viktig å utvikle eit torg i sentrum. Torget framfor Haffen, sånn som det i utgangspunktet var tenkt, fungerar ikkje. Eit torg må være sentralt, og må være lagt sånn at folk må gå naturleg gjennom for å komme til ting. Ei aktuell plassering av torget kan være på framsida på Amfi. UB ønskjer å sikre skatemiljøet i Flora kommune. Skaterane treng sikre område i form av skateanlegg/park i sentrumsnært område. UB meinar at torget utanfor Haffen bør gjerast om til skatepark. Om skaterane skal bruke torget, er det vanskeleg med brostein. UB ønsker at det vert planlagt eit skateanlegg ned i bakken som ein kan legge plater over om det skal brukast til andre ting. 5) UB meiner at trafikkløysinga i Stadionbakken må gå ved at ein utbetrar eksisterande veg. Det må også på plass fotgjengarfelt ved busstoppet ved ungdomsskulen UB er også positive til at det er lagt inn fleire rundkjøringar i sentrumsplanen, spesielt er vi oppteken av å få til gode løysingar ved krysset med Comfort Hotell ( lyskryss) og ved barneskolen.

3 6) UB ønsker ikkje fleire kjøpesenter i sentrum, men er positive til ei utbygging av eksisterande kjøpesenter. UB vil at det vert lagt til rette for ei god handlegate i Strandgata. 7) UB vil også spele inn at ein i større grad må ta i bruk grøntområda i sentrum til ulike aktivitetar. UB meiner ein må utvikle parkområda, og legge meir tilrette for ballspel. Gjerne ein slags ballbinge som kan nyttast til skøytebane om vinteren. 8) UB meinar at vi bør ha ambisjonar om å få høgskule lagt til byen vår. Dette bør det leggast til rette for i sentrumsplanen, med lokalisering i sentrum. UB stiller seg bak planane om å få bachelorutdanning innan subsea til Florø og meiner at kommunen må legge til rette for dette. 9) UB er opne for høgare bygningar, men ikkje langs kystlinja så det sperrar for utsikt til fjell og sjø. 10)UB er positiv til utvikling kring amfiområdet/krusebygget. 11) UB er positive til fleire og betre turstiar i kommunen, spesielt ønskjer UB ein 8-tallssti rundt Storevatnet og Lillevatnet. Dette vil føre til at fleire brukar stiane. Det må også leggast til rette for syklistar og funksjonshemma, både i sentrum og området kring. Medlem i formannskapet UB ønskjer ein eigen representant som har tale- og møterett i formannskapet. UB meiner det er viktig å ha representantar frå UB i alle dei politiske organa i kommunen, formannskapet er difor ikkje eit unntak. Ungdomshuset Haffen UB meiner at Haffen er eit svært viktig tiltak for ungdom i kommunen. Haffen er ein fin plass for alle ungdommar i kommunen, og eit ungdomshus som bidreg mykje til lokalsamfunnet gjennom musikk og aktivitetar. UB meiner Haffen i større grad må styrkast som ungdomshus ettersom huset er eit stort forbilde for resten av fylket. Møtestad for dei mellom 16 20år UB ønskjer og tilrettelegge for at ungdom som går på vidaregåande skule også skal få ein eigen stad og være. Slik det er i kommunen i dag går det eit skilje mellom dei som går på ungdomsskulen og dei som går på vidaregåande skule. Eit forslag kan være å dele Haffen opp slik at elevane på vidaregåande kan bruke ungdomshuset dei dagane ungdomsskuleelevane ikkje brukar huset. Kulturskulen Kulturskulen er ein viktig arena der ungdom i kommunen kan utvikle seg innan musikk, biletkunst, dans og drama. UB meinar derfor at kulturskulen er eit så unikt tilbod for innbyggarane i kommunen at politikarane ikkje må gjere kutt i kulturskulen, men heller styrke kulturskulen. UB vil at Kulturskulen skal ha eit lokale i sentrumsnært område. Kulturkort/kulturrabatt for ungdom UB meiner at innføringa av kulturkort i Sogn og Fjordane er ei svært viktig ordning for ungdom. Dette vil gjere det billigare og enklare for ungdom i fylket og reise på musikkarrangement og andre arrangement i fylket. UB meinar difor at kommunen må være

4 aktiv å søkje om tilskot frå denne ordninga til ulike kulturtilbod for ungdom. Kommunen må og være med på å gjere denne ordninga kjent for andre arrangørar i kommunen. Trygt heim for ein 50 lapp UB meiner at prosjektet Trygt heim for ein 50 lapp er eit viktig prosjekt. Dette gjer til at ungdommar i fylket kan føle seg meir samla, og at heimstaden ikkje skal være avgjørandes for om ein kan delta på eit arrangement eller ikkje. UB meinar ordninga bør markedsførast mykje meir enn i dag. Det må også bli enklare for ungdom å vite korleis ein skal utnytte tilbodet. Ordninga må verte meir brukarvennleg UB ønskjer at Trygt heim for ein 50 lapp skal kunne setjast opp av privatpersonar dersom dei kan vise til at mange kjem til å nytte tilbodet. Internasjonalt arbeid Utveksling av kultur og språk over landegrensene er viktig internasjonalt arbeid. UB synes det er leit at kommunens internasjonale arbeid har gått i ein negativ retning. UB meinar kommunen i åra framover burde starte opp att det internasjonale arbeidet. Dette fordi det gir mykje kulturutvekslingar og gir mykje glede til lokalsamfunnet i Flora. Fairtrade Flora kommune er ein Fairtrade kommune. Fairtrade prosjektet er eit av dei siste prosjekta i kommunen som har ein internasjonal vri. UB meiner derfor at ein må videreutvikle Fairtrade i kommunen. Alle innkjøp i kommunen som gjeld matvarer skal i størst mulig grad være Fairtrade produkt. UB ønskjer også og gjøre Haffen til ein Fairtrade ungdomsklubb. Motorsportsbane UB vil ha ein fortgang i prosessen når det gjeld realisering av eit motorsportsanlegg i Flora kommune. Eit motorsportsanlegg burde prioriterast enda høgare enn den blir i dagens kommunedelplanar og av politikarane i kommunen.ub meinar at politikarane i kommunen skal samarbeid med motorsportsmiljøet og finne eit område for plassering av eit motorsportsanlegg. Ungdomsplan UB ønskjer ein ungdomsplan som skal gjelde ungdom i kommunen frå 13-19år. UB vil setje ned ei arbeidsgruppe som skal utforme ein ungdomsplan for Flora kommune. Skulehelseteneste: Skulehelsetenesta er eit viktig velferdstilbod for elevar i komunen, og det skal være eit lågterskeltilbod der det skal være enkelt å få hjelp. Førebyggande arbeid blant unge og ungdomar viktig og ein må og sjå dette i samanheng med folkehelsearbeidet kommunen har ansvar for. Skulehelsetenesta må og ha som oppgåve å fremje eit godt lærings- og arbeidsmiljø for elevane. UB meiner at skulehelsetenesta i kommunen, då spesielt ved Flora VGS må styrkast. Miljø Ub meinar at det må opprettast fleire miljøstasjonar i Flora Kommune. Det må verte enklare for folk å gjenvinne.

5 Rådgjevarar UB ønskjer å styrkje rådgjevingstenesta i Flora skulane. UB meiner tenesta per dags dato ikkje tilfredstillar elevar sine behov.