Styre, råd og utval Møtedato Saksnr Planutvalet /14 Planutvalet /14 Planutvalet /14.

Transkript

1 Førde kommune Styre, råd og utval Møtedato Saksnr Planutvalet /14 Planutvalet /14 Planutvalet /14 Sakshandsamar: Odd Harry Strømsli Arkiv: FE-140 Arkivsaknr.: 13/685 Kommuneplanen sin arealdel , Førde kommune - høyring og offentleg ettersyn Vedlegg: Dok.dato Tittel Dok.ID Dokumentoversikt a Plankart sentrum b Plankart Førde KpA Føresegner retningsliner KpA Planomtale a Omsynssone for naturfare sentrum b Omsynssone for naturfare Førde c Omsynssone for fare sentrum d Omsynssone for fare Førde e Omsynssone for støy og sikring sentrum f Omsynssone for støy og sikring Førde g Omsynssone-Bandleggingssone sentrum h Omsynssone-Bandleggingssone Førde i Senterstrukturen i Førde - Illustrasjon j Volumstudie 4 - Illustrasjon k Planar som skal gjelde l Forslag til føresegner VA a Parkering b Frikjøp parkering c Veg og gate d Vatn og avlaup e Uteopphaldsareal f Skilt og reklame g Adressering Innspel Sentrum sør Mageroy Bakgrunn for saka Arealdelen til kommuneplanen er under revidering, jf. tidlegare orienteringar, planstrategi og stadfesta planprogram for arealdelen. Etter framdriftsplanen i planprogrammet skulle ny rullert plan vere lagt ut til høyring og offentleg ettersyn i juni Arbeidet har teke noko lengre tid enn planlagt, då naudsynte rapportar frå ulike konsulentar var krevjande å få innan fristar, samt at mange andre planoppgåver på eininga måtte løysast parallelt. 1

2 Det er nye lovkrav og reglar for planarbeidet, og i tillegg har kommunen på mange måtar ein arealdel med føresegner og retningsliner, samt vedtekter/ normer, som langt på veg er gått ut på dato eller ikkje lenger samsvarar med den planretninga samfunnsdelen har peika ut. Kommunen har dermed mange planmessige utfordringar og uløyste planoppgåver det er naudsynt å gripe tak i. Vonleg vil forslag til revidert arealdel med føresegner og retningsliner løyse fleste av desse. Nye og reviderte normer/ vedtekter er implementert gjennom generelle føresegner til arealdelen. Arealdelen skal vere eit verkty for å bidra til å nå måla i kommuneplanen sin samfunnsdel, som vert vedteken sommaren 2014, samstundes som planen skal ta i vare dei sentrale, regionale og lokale føringane. Arealdelen skal også vere eit godt styringsverkty for detaljplanlegging og byggesakshandsaming. Arealdelen skal syne hovudtrekk i arealdisponeringa, samt gje råmer og vilkår for kva for nye tiltak og ny arealbruk som kan setjast i verk, samt kva for viktige omsyn som må takast vare på ved disponering av areala. Medverknad og dialog i planprosessen Kapitel 5 i plan- og bygningslova set krav til medverknad i planlegginga, og det er i prosessen forsøkt å ha ein open, brei og tilgjengeleg medverknadsprosess med opne folkemøter, administrativ medverknad og møter med politikarane. I løpet av hausten 2013 vart det halde folkemøter i Førdehuset og i grendene Angedalen, Haukedalen, Holsen og Solheimsdalen. I desse møta vart innbyggjarane invitert til å kome med innspel på korleis dei ser føre seg Førde i Samla sett deltok i overkant av 200 personar på desse folkemøta. Det vart gjennomført ein administrativ medverknadsprosess på sektornivå, der leiarane fekk høve til å kome med innspel. Planutvalet har vore det politiske organet som har vore orientert undervegs i arbeidet, og fekk hausten 2013 høve til å kome med forslag til framtidig utbyggingsområder. I tillegg vart det på nyåret gjennomført ein politikardag med Bystyret. I arbeidet har det vore lagt vekt på ein open prosess gjennom dialog. Arbeidet har vore presentert og diskutert i regionalt planforum, og det vart halde ei rekkje møter med forslagsstillarar og andre, både internt og eksternt. Dialogen har gitt verdifull informasjon og kunnskap som er implementert i det vidare arbeidet så langt det har vore høveleg. Innkomne forslag til utbyggingsområde I samband med varsel om oppstart av planarbeid og høyring og offentleg utlegging av planprogrammet, ønskte kommunen innspel som vil fremje utviklinga i Førde, både som samfunn og gjennom bruk av areal. Det vart registrert om lag 40 innspel og merknader, der hovudtyngda var reine arealinnspel. Kommunen har i tillegg fått ein del andre innspel til arealbruk dei siste åra, i påvente av rullering av arealdelen. Desse er teke med i vurderingane. Totalt er det registrert 56 innspel til arealbruk. Alle innspel som kom innan fristen er vurdert. I tillegg har politikarar og rådmann spelt inn forslag til framtidig arealbruk. Silingsprosess 2

3 I planprogrammet vart det utarbeidd ein «sil» som skulle vurdere innspel i høve lokale føringar for arealbruk, og som ikkje skulle vere i sterk konflikt med viktige verneverdiar og nasjonale føringar. Område med store samfunnsinteresser vart også teke med, sjølv om desse kunne kome i konflikt med andre interesser. Målsetjinga med silingsrapporten var å avgrense mengd område som skulle takast med til vidare vurdering i planarbeidet, i ein tidleg fase. Neste steg i prosessen for områda som gjekk vidare etter silinga, var konsekvensutgreiing (KU) og risiko- og sårbarheitsanalyse (ROS). Etter KU og ROS, har resultatet av prosessen og trong for utbyggingsområde silt vekk ytterlegare innspel. Parallelt planarbeid Parallelt med arealplanarbeidet har det pågått to områdeplanprosessar, Ytre Øyrane og Brulandsvellene. Desse er vurdert som innspel til arealdelen, der begge områda har i seg utfordringar som måtte avklarast på overordna plannivå. Det er difor sett krav til at områdeplanane skal vente til arealdelen har avklart bruken av områda. Saksutgreiing Som nemnt tidlegare skal arealdelen løyse ei rekke utfordringar. Utfordringar kommunen har i dag, og som rådmannen ser vil kome på sikt. Planen skal difor vere robust til å møte framtida, men samstundes tilstrekkeleg fleksibel til å kunne handtere samfunnsmessige endringar og behov. I tillegg skal planen løyse ei rekkje plantekniske utfordringar, grunna mangel på reguleringsplanar osb. Rådmannen har eit mål om å lage eit nytt rammeverk gjennom arealdelen, slik at det skal verte lettare for søkjar og handsamar å handsame planspørsmål. Eit viktig mål med ny arealdel er å redusere tal dispensasjonar. Viktige grep Under vil rådmannen gjere kort greie for dei viktigaste grepa i arealdelen. a) Soneinndeling Som ein konsekvens av den utviklinga som har vore i Førde kommune, der funksjonar er noko spreidd innanfor tettstaden, er det gjort grep for å konsentrere desse områda med rett avgrensing og innhald av funksjonar. Arealdelen definerer fleire senter i tillegg til Førde sentrum og Øyrane-Hafstad: Sanderplassen og Brulandsvellene storhandelspark Ytre Øyrane teknologipark Vie campus og helsepark 3

4 Desse områda skil seg ut og seier klårt kva funksjonar og aktivitetar som er på staden, og korleis desse skal utviklast vidare. Løysinga skal forenkle neste planprosess når tiltak samsvarar med plan- og funksjonskrav, og vert eit reiskap til å styre sentrumsutviklinga betre. Dimensjonering av infrastruktur, generelle føresegner og retningsliner m.m., følgjer desse avgrensingane, og sikrar rette funksjonar og aktivitetar innanfor områda. b) Bustader I planperioden er det rekna ut at det er eit behov for 1200 nye bueiningar. Ein god del av desse er alt sikra gjennom ei vidareføring av arealplanen frå Samfunnsdelen seier at halvparten av bustadbygginga skal skje i sentrum. Fleire menneske i sentrum, til alle tider på døgeret, er positivt i høve urbane kvalitetar, attraktivitet og opplevingar. I planperioden er det lagt opp til at 20 % av bustadbygginga skal skje i Førde sentrum, noko som tilseier 250 bustader. Øyrane-Hafstad, som er ein del av det sentrum samfunnsdelen peikar på, skal dekke 30 % av bustadbygginga. Det utgjer 350 bustader, totalt 600 bustader i sentrumsområdet. For å sikre bustadvekst i sentrum, er det i føresegner og retningsliner sett krav til nokre utbyggingsområde utanfor Førde sentrum/ Øyrane-Hafstad. Krava er at ei viss mengd bustader skal vere bygd i sentrum før det kan byggjast bustader. Nye utbyggingsområde er sikra gode kvalitetar gjennom silingsarbeidet, og ROSarbeidet sikrar i hovudsak områda i høve naturfare. Områda er elles plassert i høve skulekapasitet, eksisterande infrastruktur og folkehelseperspektiv. Planen seier vidare at alle nye bustader i Førde sentrum og Øyrane-Hafstad skal stette krav til tilgjengeleg bustad, medan det for resten av kommunen skal vere 30 %. I Førde sentrum skal det berre byggjast leilegheiter, medan det for Øyrane- Hafstad kan opnast for tett/ låg utbygging. Elles for kommunen vil føresegner og 4

5 retningsliner styre grad av tettleik gjennom tal bueiningar i kvart område. Det er også peika ut kvar det skal vere einebustader. Planen opnar opp for 200 nye einebustader i perioden. c) Sentrumsutvikling Samfunnsdelen har vedteke at Førde skal vere ei drivkraft for fylket, og vere ein kompakt by med urbane kvalitetar. Korleis ein ønskjer ei framtidig sentrumsutvikling går fram av planomtalen, og er tufta på kommunedelplanar (KDP) som i hovudsak ser på infra-, kvartals- og grøntstrukturar, samt torg og plassar, Volumstudie av Førde sentrum som ser på byggehøgd og soltilhøve, og nye krav til parkering og uteopphaldsareal som opnar for betre arealøkonomi/ fortetting. For å sikre og styrke ønskjeleg sentrumsutvikling, vert det lagt til rette for å halde på viktige sentrumsfunksjonar og styre ønskjelege funksjonar til Førde sentrum. Funksjonar som gjev flest mogleg menneske pr. kvadratmeter bør leggast til Førde sentrum, slik som alle typar kontorarbeidsplassar, utdanning, tenesteyting, kultur, større del bustader, kjøpesenter og butikkar. Funksjonar som ikkje er ønskjeleg i sentrum, bør ein søke å finne ny plassering til der det er ønskjeleg. Meir konkret regulering av type funksjonar og krav til desse må innarbeidast i reguleringsplanar. d) Brulandsvellene Førde er i dag eit viktig handelssenter for heile Sunnfjord, samt delar av Nordfjord og Ytre Sogn. Forretningar med eit godt og variert utval, er med å gje Førde eit omdøme som ein god stad å handle i. Mange vel Førde framfor å måtte reise langt, som til Bergen og Ålesund. Handel er sentralt for Førde, og i samfunnsdelen er det eit mål om å halde på det å vere handelstyngdepunktet i regionen og i Sogn og Fjordane. Vekst innan handel, gjev vekst i folketal og sysselsetjing, noko som også er eit mål i samfunnsdelen. Handelsanalysen seier kommunen bør legge til rette for storhandel, dersom kommunen skal halde på sin posisjon som handelstyngdepunkt og snu trendar der Førde tapar marknadsandelar. Brulandsvellene vert peika på som ein stad med potensiale for regional storhandelspark med arealkrevjande handelskonsept for bilbasert handel. Gjennom føresegner og retningsliner, samt styrt funksjonsbruk, vert det ikkje høve til etablering av kjøpesenter og andre handelsverksemder som naturleg høyrer til i sentrum. Det er i planen gjeve føresegner og retningsliner på kva råmer som skal følgjast, som t.d. at graden av non-food/ bransjeglidning ikkje skal overstige 25 % og berre butikkar over 1500 m 2 kan byggjast («big-boxes»). Samstundes er det knytt rekkjefølgjekrav til bruk av utvidingsområde aust for Coop Extra. Rådmannen meiner ei fortetting av Brulandsvellene må skje før nytt areal i aust kan takast i bruk. Arealdelen har eit sterkt fokus på sentrumsutvikling, og gjev gode incitament til satsing på sentrum som utviklingsområde. Etableringar utanfor sentrum skal avgrensast til funksjonar som ikkje skadar sentrumsutviklinga. Med dette fokuset, samt råmene for etableringar på Brulandsvellene, meiner rådmannen det er forsvarleg at utvidingar austover i høve Brulandsvellene, vert synt som framtidig næringsområde. 5

6 Utbyggarane har føreslege bustader på taket av bygningane på Brulandsvellene. Rådmannen tykkjer det er positivt å ha høg utnytting på jordbruksareal, men rår til å ikkje ha bustader her då dette utfordrar utvikling av sentrum og bustadsatsinga der. e) Førdslia Førdslia har eit flott og stort potensiale som framtidig bustadområde, med plass til mange bustader. Det har lenge vore ei utfordring å finne veg fram til området, noko som no er løyst gjennom eit arbeid synt i «Rapport veg Førdslia». Rådmannen er oppteken av å halde fokus på sentrumsutvikling og at 50 % av bustadbygginga skal skje i Førde sentrum og Øyrane-Hafstad. Ei opning for Førdslia i planperioden vil utfordre målet om å fortette, urbanisere og utvikle sentrum slik det er vedteke i samfunnsdelen. Det er derimot viktig å sikre seg begge vegtraseane til Førdslia, der den eine skal ha funksjon som hovudveg og den andre som naudveg. Desse vert sikra som bandleggingssone på plankartet. f) Indre Øyrane Indre Øyrane er på plankartet synt som framtidig kombinert bygge- og anleggsområde, med unntak av Øyrane vidaregåande skule med eit framtidig tilleggsareal. Det er vidare i kommunal planstrategi vedteke at arbeid med områdeplan for Indre Øyrane skal starte i Rådmannen legg opp til at føremålsarronderinga skal skje på reguleringsnivå (områdeplan). Det er likevel i føresegner og retningsline føreslege at minimum 26 dekar av området skal setjast av til offentleg eller privat tenesteyting, også bruken av Løken skal avklarast i planprosessen til områdeplanen. Sunnfjord Energi har planar om å utvide trafostasjonen på Indre Øyrane. Det må i områdeplanen avklarast korleis denne skal løysast, men rådmannen vil signalisere at det er ei utfordring å ha ein trafostasjon sentralt i sentrum. g) Ytre Øyrane Det pågår eit arbeid med områdeplan for Ytre Øyrane, og planen har teke opp eit ønskje om å nytte heile eller delar av utfyllingsområde vest på Ytre Øyrane til bustad/ kontor/ forretning. I følgje KU og ROS-arbeidet som er gjort, vil det vere ei utfordring i høve støy og bruken av området elles til næring. Rådmannen ser det som viktig å ta vare på dei kvalitetane Ytre Øyrane har innanfor næring/ industri, og rår til at det ikkje vert lagt til rette for bustad. Ei opning for bustad vil på lik line med bustad på Brulandsvellene og Førdslia utfordre utvikling av sentrum. Vegsystema på Ytre Øyrane har vore svake og uoversiktlege, og arealdelen legg opp til ein veg i nord med sekundærvegar som knyter saman Ytre Øyrane på ein god måte og gjer området meir tilgjengeleg. h) Fortetting i eksisterande bustadområde I forslag til føresegner og retningsliner vert det høve til å auke bruksareal og/ eller auke tal bueiningar, dersom desse kan nytte eksisterande infrastruktur og grøntområde. Fortetting skal skje med kvalitet som skal ta vare på eller styrke eksisterande bumiljø og karakter. Ein føresetnad for å realisere prosjekt med 6

7 fortetting er krav om areal til leik, rekreasjon og uteopphald som er tilnærma likt nye bustadområde. Det er sett ei nedre og øvre grense på storleiken på tomter til einebustader i Førde tettstad, som er 600 m 2 og 800 m 2. Føresegnene gjer det mogleg å fortette i eksisterande bustadområde utan at det er naudsynt med reguleringsplanar eller dispensasjonar. Det er ikkje rekna på kor mange bueiningar som kan etablerast i eksisterande bustadfelt, slik at desse vil kome i tillegg til nye bustadområde som kommunen legg til rette for i planperioden. Nokre bustadområder har ein karakter og eit særtrekk som bør styrkast og ikkje endrast. Dette gjeld einebustadområde i Holten 1-32 som vart bygd i perioden med romslege tomtar på vel eitt mål plassert øvst i landskapet Holten. Frå Bregnetunet i Vieåsen og nordover er bustadane bygd konsentrert rundt tun som er karakteristisk for området. Tiltak i desse områda krev reguleringsplan. i) Parkering Krav til parkering er ein viktig faktor i sentrumsutvikling, mest for å få styre mot betre arealøkonomi i sentrum, men også vere ein viktig bidragsytar for å betre økonomien i byggeprosjekt. Krav til parkering har tidlegare ikkje vore sonedelt, og krava har vore for streng i sentrum. Bruk av p-plassar på bakkeplan har vore ei billeg løysing for utbyggjarar, men har vore negativt i høve god arealøkonomi og sunn sentrumsutvikling. P-plassane på bakkeplanet gjev eit bilete av store avstandar mellom bygg omkransa av asfalterte udefinerte flater. Det er føreslege ei sonedeling med ulik krav til parkering, noko rådmannen ser er naudsynt om mål om kompakt by og eit attraktivt sentrum skal nåast, jf. vedteken samfunnsdel. Sone 1 samsvarar med definert avgrensing av Førde sentrum, medan sone 2 er Øyrane-Hafstad og Førde tettstad. Det vert også føreslege maksimumskrav knytt til næring og offentlege verksemder, samt ein regel om å bygge p-plassar i hus og kjellar for plassane over minimumskravet. For Førde sentrum vil krav til parkering vere om lag 1/3 i høve krav som er i dag. Ei parkeringsordning vil på sikt verte naudsynt skal vi unngå at langtidsparkerande nyttar dei mest attraktive p-plassane som er meint for kundar. j) Skilt og reklame Det er føreslege å revidere skiltvedtektene, sidan det har vore ei utfordring å forvalte desse på ein god måte. Målet med ei endring er å gjere den meir forståeleg for søkjarar og sakshandsamarar, samt lempe og forenkle på nokre reglar, utan fråvik av fokus på eit visuelt godt bilete av sentrum og kommunen elles. Bruk av større råmer for utskiftbare reklameskilt eit tiltak dei fleste kommunar ikkje finn høveleg i høve estetiske omsyn. Det er føreslege alternativ ordlyd når det gjeld bruk av større råmer for utskiftbare reklameskilt, der rådmannen rår til den første: Bruk av større råmer for utskiftbare reklameskilt på bygning med prisar og kampanjar, er ikkje tillat. 7

8 Større utskiftbare reklameskilt med prisar og kampanjar, i fastmontert råme, kan berre godkjennast i samband med skiltplan, slik at tiltaket kan vurderast som del av den samla profileringa. Konklusjon Kommuneplanen sin arealdel er eit stort dokument, og kan verke byråkratisk og vanskeleg. Rådmannen er oppteken av det motsette, der dokumentet i stor grad skal forenkle planprosessar og byggesaker i framtida, for innbyggjarane i Førde. Rådmannen er trygg på at ei opprusting av plankart, føresegner og retningsliner med tilhøyrande vedlegg, etter nytt regelverk og nye føringar, gjev betre resultat på arbeidet som vert utført. Rådmannen rår til at kommuneplanen sin arealdel for perioden , vert lagt ut på høyring og offentleg ettersyn. Rådmannen sitt framlegg til vedtak: I samsvar med plan og bygningslova 11-14, vert kommuneplanen sin arealdel med kart, føresegner med vedlegg, retningsliner og planomtale, lagt ut på høyring og offentleg ettersyn i perioden 1. des til 26. jan Handsaming i Planutvalet : Samrøystes vedtak PLAN-042/14 Vedtak: Saka vart drøfta Handsaming i Planutvalet : Følgjande skriv vart lagt fram for planutvalet i møte: Epost frå Fylkesmannen v/seniorrådgjevar Arnt Erik Nordheim av spørsmål kring kommuneplan sin arealdel Skriv frå Kåre Myklebust av med merknader til kommuneplanen sin arealdel Christina Kvamme (H) gjekk frå som ugild ved drøfting av følgjande tema: Volumstudie Parkeringsnorm Rekkefølgjekrav Tore Fossen møtte som vararepresentant Bodil Kidøy Lunde (H) gjekk frå som ugild ved drøfting av følgjande tema: Volumstudie Parkeringsnorm Rekkefølgjekrav Bustader 8

9 Bjørn Nordberg møtte som vararepresentant Samrøystes vedtak PLAN-044/14 Vedtak: Saka vart drøfta Handsaming i Planutvalet : Rådmannen sitt notat til planutvalet om Kommuneplan Førde kommune med framlegg til vedtak var sendt ut til planutvalet. Brev datert om næringsareal på Bruland var sendt ut til Planutvalet. Christina Kvamme (H) gjekk frå som ugild ved handsaming av følgjande: Volumstudie Parkeringsnorm Tore Fossen møtte som vararepresentant Bodil Kidøy Lunde (H) gjekk frå som ugild ved handsaming av følgjande:: Volumstudie Parkeringsnorm Bustader Bjørn Nordberg møtte som vararepresentant Iris Loftheim var ikkje med på handsaming av punkt I, J og endeleg vedtak om utlegging. I høve notat frå rådmannen av vart det gjort slike alternative framlegg Høgre v/olve Grotle forslag A 1 : Området bør ikkje takast i bruk før 80 %... Sosialistisk Venstreparti v/turid Vallestad forslag A 2: Det skal ikkje vere tenesteyting, kjøpesenter Senterpartiet v/iris Loftheim gjorde framlegg om følgjande endringar (A 3): Arealplan føresegner og retningslinjer Side 9 pkt tillegg og endring pkt. 3: «Brulandsvellene kan berre utvidast austover ca 150 da når 80 % av fortettingspotensiale i eksisterande Brulandsvellene er utbygd, og når felles parkeringsløysing for handel og næring i sone 1 og sone 2 er etablert som kompensasjon for tapte parkeringsplassar ved fortetting.» Etter punkt 3 vil vi at alt som står med lilla skrift skal i svart dvs. endre karakter til juridisk bindande føresegn, og det skal stå «Det skal i eit framtidig Sanderplassen og Brulandsvellene storhandelspark ikkje vere. osb.» Side 16 pkt : Endring i tabell pkt. 3: Det som står i lilla skal endrast til svart 9

10 dvs. juridisk bindande føresegn, og «Det skal ikkje vere tenesteyting, kjøpesenter eller strøkshandel i området, jfr » C: Punkt 1.5 Byggegrense, utbyggingsvolum og funksjonskrav med heimel i PBL 11-9 nr 5, nr 6: I sonene Førde sentrum og Øyrane - Hafstad skal 50% av alle nye bustader.. D: Punkt Bustad, nr.1 (tillegg): Repr. Haugsvær (KRF) fremja forslag om at Førdslia blir tatt inn som bustadområde E: Punkt 5.1.3, Fritidsbustad Rådmannen sitt framlegg vert endra slik at: Nr. 2 Bygging av hytter over skoggrensa er ikkje tillate går ut. Gjeldande plan for hyttefelt på Rørvikfjellet vert vidareført. Rådmannen sitt framlegg vert endra til: Nr. 3 - Hovudbygg kan førast opp i ein etasje med maksimalt BYA=100 m², og mønehøgde 5,5 m. Siste avsnitt går ut. Rådmannen sitt framlegg vert endra til: Nr. 4 - Hytter skal ha god tilpassing til terreng og landskap. Resten av punktet går ut. F: Punkt 5.5.5, LNF-areal for spreidd bustad-/ fritidsbustad eksisterande Nr. 4 avstand til garasje kan vere 30 m Nr. 5 terrasse for bustad kan vere 60 m2 G: Parkering Parkeringsnormen skal ikkje ha maksgrense, jfr. Parkeringsnormen pkt. 3.2 H: Krav om miljøkvalitet m.m. 1.6 nr 4 nest siste kulepunkt krav om murar går ut nr 1 a Det skal ikkje opprettast nye tomter for einebustader over 800 m2 innanfor Førde tettstad nr 1 e Utnyttingsgrad: BRA=38%, BYA=33% I: Nytt alternativt forslag til næringsareal på Bruland. Jfr brev datert J: Avstand til vassdrag punkt 5.6.2: Langs vassdraga i Haukedalen, Holsen, frå Jølster grense, Angedalen, Massdalen og Solheimsdalen, er byggegrensa 50 m frå strandlinja målt horisontalt eller 10 høgdemeter ved gjennomsnittleg flaumvasstand. Avrøysting (jfr. og rådmannen sitt notat av ): A: Pkt Næringsføremål, nr. 1 i føresegnene. Rådmannen sitt framlegg saman med alternative framlegg A 1, 2 og 3 vart samrøystes vedteke utlagt som 10

11 alternativ til rådmannen sitt framlegg B: Punkt Sentrumsføremål, pkt 3 i føresegnene. Områderegulering skal avgjere utbyggingsvolum tufta på Volumstudie 3. Samrøystes vedteke utlagt som alternativ til rådmannen sitt framlegg C: Punkt 1.5 Byggegrense, utbyggingsvolum og funksjonskrav med heimel i PBL 11-9 nr 5, nr 6. Samrøystes vedteke utlagt som alternativ til rådmannen sitt framlegg D: Punkt Bustad, nr.1 (tillegg) Framlegg om at følgjande bustadfelt blir teke inn: Nygjelshaugane - vedteke med 6 mot 3 røyster og utlagt som alternativ i tillegg til rådmannen sitt framlegg Skyttarkvia - fall mot 3 røyster Førdslia - fall mot 1 røyst E: Punkt 5.1.3, Fritidsbustad. Endring i rådmannen sitt framlegg vart samrøystes vedteke F: Punkt 5.5.5, LNF-areal for spreidd bustad-/ fritidsbustad eksisterande (alternativ). Nr. 4 avstand til garasje kan vere 30 m Nr. 5 terrasse for bustad kan vere 60 m2 Samrøystes vedteke utlagt som alternativ til rådmannen sitt framlegg F: Punkt 5.5.5, LNF-areal for spreidd bustad-/ fritidsbustad eksisterande (endring) Første avsnitt vert endra: I landbruk-, natur- og friluftsområde med eksisterande spreidd bustad og fritidsbustad, kan følgjande gjevast løyve til utan krav om dispensasjon: Samrøystes vedteke som endring av rådmannen sitt framlegg G: Parkering Parkeringsnormen skal ikkje ha maksgrense, jfr. Parkeringsnormen pkt. 3.2 (alternativ) Samrøystes vedteke utlagt som alternativ til rådmannen sitt framlegg H: Krav om miljøkvalitet m.m. (alternativ) 1.6 nr 4 nest siste kulepunkt krav om murar går ut nr 1 a Det skal ikkje opprettast nye tomter for einebustader over 800 m2 innanfor Førde tettstad nr 1 e Utnyttingsgrad: BRA=38%, BYA=33% Samrøystes vedteke utlagt som alternativ til rådmannen sitt framlegg I: Nytt alternativt forslag til næringsareal på Bruland. Jfr. Brev datert Samrøystes vedteke utlagt som alternativ til rådmannen sitt framlegg J: Avstand til vassdrag punkt 5.6.2: 11

12 Langs vassdraga i Haukedalen, Holsen, frå Jølster grense, Angedalen, Massdalen og Solheimsdalen, er byggegrensa 50 m frå strandlinja målt horisontalt eller 10 høgdemeter ved gjennomsnittleg flaumvasstand. Framlegget fekk ingen stemmer Rådmannen sitt framlegg med vedtekne endringar og alternative tillegg vart deretter samrøystes vedteke lagt ut på høyring og til offentleg ettersyn. PLAN-045/14 Vedtak: I samsvar med plan og bygningslova 11-14, vert kommuneplanen sin arealdel datert med kart, føresegner med vedlegg, retningsliner og planomtale, lagt ut på høyring og offentleg ettersyn i perioden 4. des til 26. jan med følgjande endring: Punkt 5.1.3, Fritidsbustad Rådmannen sitt framlegg vert endra slik at: Nr. 2 Bygging av hytter over skoggrensa er ikkje tillate går ut. Gjeldande plan for hyttefelt på Rørvikfjellet vert vidareført. Rådmannen sitt framlegg vert endra til: Nr. 3 - Hovudbygg kan førast opp i ein etasje med maksimalt BYA=100 m², og mønehøgde 5,5 m. Siste avsnitt går ut. Rådmannen sitt framlegg vert endra til: Nr. 4 - Hytter skal ha god tilpassing til terreng og landskap. Resten av punktet går ut. Punkt 5.5.5, LNF-areal for spreidd bustad-/ fritidsbustad - eksisterande Første avsnitt vert endra: I landbruk-, natur- og friluftsområde med eksisterande spreidd bustad og fritidsbustad, kan følgjande gjevast løyve til utan krav om dispensasjon: I tillegg vert følgjande alternativ også lagt ut til offentleg ettersyn: A1) Punkt Næringsføremål, nr. 1 i føresegnene: 12

13 BN 2 Brulandsvellene Det kan etablerast storhandelspark aust for eksisterande handelsområde på Brulandsvellene. Siste setning i pkt , nr 4 går ut. Nytt område aust for eksisterande handelsområde: - Området bør ikkje takast i bruk før 80 % av fortettingspotensiale i eksisterande Brulandsvellene er utbygd - Minimum storleik på butikkar er m² - Krav til definering av varetypar - Maksimum 25 % av omsetninga kan komme frå andre vareslag enn primærvareslaget. - Det bør ikkje vere tenesteyting, kjøpesenter eller strøksgatehandel i området, jf Eksisterande handelsområde: - Minimum storleik på butikkar er m² - Det bør ikkje vere tenesteyting, kjøpesenter eller strøksgatehandel i området, jf A2) Punkt Næringsføremål, nr. 1 i føresegnene: BN 2 Brulandsvellene Det skal ikkje etablerast storhandelspark aust for eksisterande handelsområde på Brulandsvellene. - For eksisterande handelsområde: - Minimum storleik på butikkar er m² - Krav til definering av varetypar - Maksimum 25 % av omsetninga kan komme frå andre vareslag enn primærvareslaget. - Det skal ikkje vere tenesteyting, kjøpesenter eller strøksgatehandel i området, jf Pkt , nr. 3 i Føresegnene går ut. Føresegnene blir justert slik at ordet storhandelspark vert erstatta av handelsområde. A3) Punkt Næringsføremål, nr. 1 i føresegnene: 13

14 BN 2 Brulandsvellene Det skal ikkje etablerast storhandelspark aust for eksisterande handelsområde på Brulandsvellene. - For eksisterande handelsområde: - Minimum storleik på butikkar er m² - Krav til definering av varetypar - Maksimum 25 % av omsetninga kan komme frå andre vareslag enn primærvareslaget. - Det skal ikkje vere tenesteyting, kjøpesenter eller strøksgatehandel i området, jf Pkt , Føresegnene: nr. 3 : Brulandsvellene kan berre utvidast austover ca 150 da når 80 % av fortettingspotensiale i eksisterande Brulandsvellene er utbygd, og når felles parkeringsløysing for handel og næring i sone 1 og sone 2 er etablert som kompensasjon for tapte parkeringsplassar ved fortetting. Retningslinene vert endra til føresegn: Det skal i eit framtidig Sanderplassen og Brulandsvellene storhandelspark ikkje vere: Kjøpesenter, jf. definisjon Strøksgatehandel, jf. definisjon Eigne kontor-, bank-, finans-, forsikring-, og postlokale. Kultur og utdanning. Tenesteyting, inklusiv servering og anna overnatting enn camping. Helse, omsorg, trening. Bustader. Tung industri. Lager med unntak av Sanderplassen. Synlege bosscontainarar og anna utandørs lagring. B: Punkt Sentrumsføremål, pkt 3 i føresegnene: Områderegulering skal avgjere utbyggingsvolum tufta på Volumstudie 3. C: Punkt 1.5 Byggegrense, utbyggingsvolum og funksjonskrav med heimel i PBL 11-9 nr 5, nr 6: Ved søknad om tiltak skal det dokumenterast korleis universell utforming vert i ivareteke (PBL 1-1). I sonene Førde sentrum og Øyrane - Hafstad skal 50% av alle nye bustader utformast som tilgjengelig bustad etter TEK10. For områda elles skal minst 30 % av nye bustader utformast som tilgjengelig bustad. Bygg med arbeidsplassar, handel og allmenn tilkomst skal ha tilkomst frå gateplan utan særskild tilpassing (ramper og liknande). D: Punkt Bustad, nr.1 (tillegg): 14

15 Nye bustadområde med krav til bustadtype og særskilde plankrav er lista i tabell: Tal bustader Krav til regulering (einebustader) B 13 Nygjelshaugane 70 (70) - Einebustader - Føreset omlegging av avløpsnettet frå Slåttebakkane, via Brattebergkvia. Området må sikrast drikkevatn frå det offentlege anlegget. F: Punkt 5.5.5, LNF-areal for spreidd bustad-/ fritidsbustad eksisterande Nr. 4 avstand til garasje kan vere 30 m Nr. 5 terrasse for bustad kan vere 60 m2 G: Parkering Parkeringsnormen skal ikkje ha maksgrense, jfr. Parkeringsnormen pkt. 3.2 H: Krav om miljøkvalitet m.m. 1.6 nr 4 nest siste kulepunkt krav om murar går ut nr 1 a Det skal ikkje opprettast nye tomter for einebustader over 800 m2 innanfor Førde tettstad nr 1 e Utnyttingsgrad: BRA=38%, BYA=33% I: Nytt alternativt forslag til næringsareal på Bruland. Jfr. Brev datert Førde, den Ole John Østenstad Rådmann Odd Harry Strømsli Leiar byggesak og arealforvaltning 15