MØTEPROTOKOLL SAKLISTE. Underskrifter: Vi stadfester at det som er ført i møteboka er i samsvar med det som vart vedteke på møtet.

Transkript

1 Utval Administrasjonsutvalet Møtestad: rådhuset Møtedato: MØTEPROTOKOLL Start kl.: Slutt kl.: Til stades på møtet Medl.: Forfall: Varamedl.: Frå adm. (evt. andre): Leiar/arbeidsgjevarrepresentant Ivar Kvalen, arbeidsgjevarrepresentant Geir Arve Sandvik, arbeidstakarrepresentantane Anne Siri Bentsen og Mary Karin Sagerøy Arbeidsgjevarrepresentant Anette Stegegjerdet Norberg Arbeidsgjevarrepresentant Finn Roar Skaret Rådmann Jarle Skartun og ass rådmann John Olaf Røhme Medlemene hadde ikkje merknad til innkalling og sakliste. Saksnr. Tittel 7/14 14/3087 Godkjenning av møtebok SAKLISTE 8/14 11/1132 Saman om ein betre kommune (ADU som styringsgruppe) 9/14 14/1778 Budsjett 2015, økonomiplan , planleggingsprogram /14 14/3088 Open post Underskrifter: Vi stadfester at det som er ført i møteboka er i samsvar med det som vart vedteke på møtet. Møteprotokoll er sendt til: Medlemene, varamedlemer, rådmann, revisor, kontrollutvalet, biblioteka i kommunen, lokalavisene, NRK-Førde og Luster radio. 1

2 7/14 Godkjenning av møtebok Anne Siri Bentsen stilte spørsmål ved oppfølginga av Open post (sak 6/14), tal møte i administrasjonsutvalet, og under dette handsaming av saker som er delegert til administrasjonsutvalet, som til dømes overordna personalpolitiske saker. Rådmannen si vurdering er at det kan vere behov for fleire møte enn 2 per år, men at dette er avhengig av at det er saker som skal handsamast i utvalet. Administrasjonen har fleire aktuelle saker, til dømes revisjon av reglement, men dette har måtte vente pga. manglande kapasitet. Det kan i tillegg vere særleg aktuelt med møte i budsjettprosessen, og i samband med oppfølging/gjennomføring av vedtekne tiltak. Leiar i utvalet/ordførar la til grunn at det vert halde møte utifrå det som er behovet. Administrasjonen føl opp saka. Møteboka frå møte den vart godkjend. Mary Karin Sagerøy og Geir Arve Sandvik vart vald til å skrive under møteboka. 8/14 Saman om ein betre kommune (ADU som styringsgruppe) Sluttrapporten var lagt fram for utvalet og hovudelementa vart skildra i møte. Aktuelle tiltak er gjennomført, men det står fortsett att arbeid med å ta nye system i bruk. Dette gjeld særleg E-læring. Ein må og vurdere effekten av tiltaka, og ev. justere kursen. Anne Siri Bentsen viste til utfordringane med å rekruttere rektorar og lurte på kva tiltak administrasjonen hadde sett i verk for å betre situasjonen. Administrasjonen er samd i at dette har vore ei utfordring i Luster, på lik line med andre kommunar. Ein har særleg arbeidd mot eigne tilsette, ved m.a. å oppmoda aktuelle om å søkje på rektorstillingar, og ein har tidvis lukkast godt med interne løysingar. I dette ligg og at det ofte er fleire stillingar som må sjåast i samanheng. Ein har i liten grad arbeidd aktivt mot eksterne søkjarar, og det har vore delte erfaringar med eksterne tilsetjingar. Ein har ved internrekruttering tatt i bruk ulike rekrutteringstiltak, og det er og lagt til rette for kompetanseutvikling for tilsette som er aktuelle som leiarar. Med grunnlag i erfaringar har administrasjonen størst tru på intern-rekruttering. Dette også fordi Luster har mange småe skular, som kanskje er lite attraktive for eksterne søkjarar med leiarambisjonar. Anne Siri Bentsen meiner innsatsen er for tilfeldig og stilte spørsmål ved kven det er som skal vurdere om eigne tilsette er aktuelle leiarar. Det bør utarbeidast ein eigen strategi for rekruttering av skuleleiarar. Viktige moment for å lukkast med dette er mellom anna: tydeleg avklara oppgåver, gode arbeidstilhøve, auka administrasjonsressurs og betre løn. Det er under dette særs viktig at rektorane har tid til pedagogisk leiing og utviklingsarbeid. Finn Roar Skaret understreka at det ganske sikkert er tilsette som passar som- og som kan tenkje seg å vere leiarar. Det er viktig å klargjere slike karrierevegar for aktuelle tilsette.

3 Geir Arve Sandvik peika på at det kanskje var for liten lønsskilnad mellom best betalte lærar og rektor, men var samstundes usikker på kor mange som er topp motivert for å vere leiar. Det vil under dette vere viktig å få tak i leiarar som har ein motivasjon og visjon utover løn og liknande vilkår. Dette er ei kjend utfordring i både kommunal og privat sektor, og det finst ikkje eit enkelt standardsvar. Sidan rekrutteringsbehovet varierer mykje over tid, og sidan alle saker har sin eigenart, vil det vere vanskeleg å lage ein fast strategi. Finn Roar Skaret meinte dette er eit viktig arbeid som ein må følgje opp, uavhengig av om ein har dei same utfordringane i andre kommunar. Administrasjonen tek med seg signala frå drøftingane i vidare arbeid. Det vart ikkje gjort vedtak i saka. 9/14 Budsjett 2015, økonomiplan , planleggingsprogram Rådmannen informerte om to relevante saker: Nye barnehagevedteker og ny plan for bibliotektenesta. Sakene vil bli handsama politisk med alle innkomne uttaler. Rådmannen har ikkje oversikt over alle innkomne merknader, men har innrykk av at i biblioteksaka er tilsette i hovudsak positive til nye løysingar. Dei nye vedtektene er meir omstridt. Endringane nye vedtekter legg opp til er etter rådmannen si vurdering ikkje dramatiske. Det er politisk konkludert med at ein skal ha eit suppleringsopptak i januar, og da er endra teljemåte ei mogleg løysing som er vanleg i andre kommunar som har suppleringsopptak. Bakteppet er kommunen sin økonomiske situasjon, der alle tenesteområder må ta sin del også oppvekstområde. Eit alternativt sparetiltak kan vere å redusere grunnbemanninga. Dette er etter rådmannen si vurdering eit verre og vanskelegare tiltak å gjennomføre. Den teljemåten det vert lagt opp til ved suppleringsopptaket er i stor grad det same som vert gjort ved hovudopptaket i august. Oftast vil det bety at barnegruppa vert auka med eit- eller nokre fåe born. Rådmannen vil likevel vurdere ei formulering som sikrar at det kan gjerast særskilde vurderingar i tilefelle auken i tal born vert vurdert som for stor. Anne Sir Bentsen og Utdanningsforbundet legg til grunn at om tal born skal aukast i suppleringsopptak i januar, må tal tilsette (ressursen) aukast. Noko anna vil vere dramatisk og lovstridig, og vil klart gå utover kvaliteten i barnehagen. Det vil til dømes gjere arbeidet med tidleg innsats monaleg verre. I tillegg er det arealkrav og det må kartleggast kva konsekvensane er i høve dette. Luster ligg på eit minimum i høve bemanning i barnehagane. Om denne vert dåregare ved fleire born per vaksen, vil det gå utover kvaliteten på barnehagetilbodet og arbeidsmiljøet for tilsette. Rådmannen presiserte at konsekvensane av ein ny teljemåte ikkje vil vere lovstridig. Mange kommunar bruker denne teljemåten og dei driv lovleg. Det er i tillegg mange kommunar som har lægre grunnbemanning enn Luster, og dei driv lovleg også i høve denne faktoren. Rådmannen kan heller ikkje sjå at ny teljemåte vil kome i konflikt med arealkrav. Det vil ikkje vere aktuelt å etablere ein praksis i Luster som er lovstridig. Finn Roald Skaret hadde merka seg at saka er omstridt, og meinte at endringane ved ny teljemåte måtte konkretiserast slik at ein politisk kan sjå dei konkrete konsekvensane.

4 Geir Arve Sandvik understreka at det var brei politisk semje om suppleringsopptak i januar. Dette er positivt for innbyggjarane og innflyttarar. Han kunne vanskeleg sjå nokon dramatikk i ny teljemåte, som er mykje lik teljemåten ved hovudopptaket i august. Spørsmålet er kor mange ekstra born som kjem etter suppleringsopptaket. Så vidt han har forstått vil det normalt ikkje vere mange born per barnehage, men dette kan med fordel konkretiserast. Han var samd i at det burde takast inn ei formulering i vedtektene som sikrar ei særskild vurdering om det vert mange born. Han understreka elles at formannskapet hadde ei særs krevjande utordring med å få til eit budsjett i balanse, og at det vert føresett at alle tenesteområda må ta sin del av dei naudsynte innsparingane. I tillegg til at innsparingar er naudsynt for å få til balanse og sikre kommunen sin økonomi, er det og naudsynt for at det skal vere moglege å frigjere midlar til viktig utviklingsarbeid. Rådmannen informerte vidare om handsaminga av budsjettet i råd og utval og viste til PP presentasjon som er ein kortversjon av budsjettet (denne er vedlagt protokollen). Han understreka vidare at det er mange tiltak i budsjettet som krev gode prosessar, der tilsette vil bli inviter med i arbeidet. Mary Karin Sagerøy understreka at det er svært positivt at det no vert lagt opp til ein samla gjennomgang av tenestetilbod, organisering mm. innafor pleie og omsorg, og presiserte at det i slike prosessar er viktig at tilsette vert teke med frå starten. Ho viste samstundes til at det er rett og bra at kommunen ser på ulike avtalar, og at ein skal arbeide for fleksibel bruk av tilsette. Dette har Fagforbundet teke opp før og det er bra at det no vert teke tak i. Leiar i utvalet/ordførar understreka at det var viktig for formannskapet at ein no tek ein grundig gjennomgang, og at politisk side vil følgje dette arbeidet tett. Anne Siri Bentsen meinte prosjektet om framtidig PP organisering er positivt, men stilte spørsmål ved korleis ein i budsjettet kunne forskottere ei innsparing innafor spes ped. Slike tiltak er lovpålagd og kan ikkje takast vekk utan vidare. Det vil i tillegg gå lang tid før ein får effekt av ev. ny organisering. Ho viste samstundes til at det burde stått noko i budsjettet om system for styrka læring. Rådmannen viste til at ein har hatt ein visse nedgang i spes ped dei siste åra, og ein forventar at denne utviklinga vil halde fram. Det vert i tillegg arbeidd aktivt med ulike tiltak som ein vonar vil gje positiv effekt også på kort sikt. I høve den store samla summen som Luster bruker på spes ped. tiltak, er ikkje ei forventa innsparing på kr mykje. Dette er samstundes ei markering av ein ynskja retning, så får ein sjå korleis det går. Det regionale utviklingsarbeidet i høve framtidig PP organisering er viktig, og om det går som planlagd vil rapporten vil kome til politisk handsaming før sumaren Geir Arve Sandvik viste til at det er mange ynskje om auka innsats og gode tiltak, men det er ofte ein føresetnad at dette kan finansierast. Formannskapet er ansvarleg for heilskapen og må prioritere innafor gjeldande rammer. I dette ligg og at midlar kan flyttast, men da må oftast noko prioriterast ned. Slike prioriteringar er krevjande, og det vil i ein slik situasjon vere viktig med ei grundig vurdering av om organisering mm. er optimal. Anne Siri Bentsen understreka at ein ser at det må gjennomførast innsparingar, men peika på at det i ein slik situasjon vil vere viktig for arbeidstakarorganisasjonane å klargjere konsekvensar av ulike tiltak, samt å bidra til at det vert sett i verk tiltak som får effekt. Det vart ikkje gjort vedtak i saka.

5 10/14 Open post Anne Siri Bentsen hadde før møte sendt inn sak om utlysing av- og tilsetjing i vikariat i grunnskulen i Luster. Innsendt skriv er vedlagt protokollen. Administrasjonen informerte om at denne saka har vore handsama internt, mellom anna med to møte mellom arbeidsgjevar og Utdanningsforbundet. Arbeidsgjevar meiner kommunen sin praksis er lovleg og fornuftig, og har fått dette stadfesta frå KS. Utdanningsforbundet meiner praksisen er lovstridig og uheldig. Partane er ikkje samde. Det vert lagt fram ei eiga sak om dette i neste møte i administrasjonsutvalet.