VURDERINGSRAPPORT BLOMVÅG SKULE

Transkript

1 Vurderingsnettverk for skuleutvikling VURDERINGSRAPPORT BLOMVÅG SKULE Vurderingstema: Teamorganisering Vurderingsveka: veke 15; april 2010 Ekstern skulevurdering Blomvåg skule april 2010 Side 1 av 24

2 1 FØREORD Regionalt samarbeid om vurdering og kvalitetsutvikling Fjell, Øygarden og Sund (FØS) har etablert eit samarbeid om ekstern skulevurdering; med start våren I dette samarbeidet er økonomiske og personlege ressursar samla og nytta på tvers av kommunegrensene på ein god og effektiv måte. Ut frå forskrift 2-1- knytt til Opplæringsglova 14-1, fjerde ledd: Skolen skal jamleg vurdere i kva grad organiseringa, tilrettelegginga og gjennomføringa av opplæringa medverkar til å nå dei mål som er fastsette i den generelle delen av læreplanen og dei enkelte læreplanane for fag. Kommunen har ansvar for å sjå til at vurderinga blir gjennomført etter føresetnadene. I Opplæringsslova 13-10,2.ledd heiter det også: Kommunen skal ha eit forsvarleg system for vurdering av om krava i lova og forskriftene blir oppfylte. Det vart i 2007 vedteke av skulesjefane/skulefagleg ansvarlege i FØS at det skulle etablerast eit vurderingsnettverk i regionen. Mål: Ei vurderingsgruppe på tvers av kommunegrensene skal vera til hjelp i arbeidet med pedagogisk kvalitetsutvikling i skulane. Føremålet er mellom anna: Knyta saman god praksis i regionen. Vedkjenna oss at skulen både treng, og kjem til å få «auge utanfrå». Nytta ekstern hjelp i vurderingsarbeidet og utvikla vurderingskompetanse. Oppfylla kravet i Opplæringslova om kommunane sitt ansvar for å sjå til at skulane jamleg vurderar si eiga verksemd. Kven er vurderar? 14 personar i regionen er medlemmer i vurderingsnettverket. Dei har brei og variert pedagogisk bakgrunn, og skal vurdera dei 31 grunnskulane i regionen innan 3 år, dvs. om lag 10 skular for kvart skuleår. 2-3 medlemar frå nettverket gjennomfører vurdering på ein skule, og ingen vurderer skular i eigen kommune. Om prosessen Skulen vel eit fokusområde for vurdering, i samråd med skuleeigar Fokusområdet må ha utviklingspotensiale. Fokusområdet vert meld inn til prosjektkoordinator. Vurderarane førebur sjølve vurderinga gjennom eit samarbeid med skulen, med utarbeiding av kriterium, og metodeval og verktøy tilpassa det området skulen ynskjer fokus på. Skulevitjing med kartlegging, observasjon og samtalar Vurderinga vert gjennomført. Rapporten Vurderarane skriv rapport om resultatet av vurderinga. Rapporten trekkjer både fram verksemda sine sterke sider innanfor vurderingsområdet, og kva utfordringar skulen har framover. Den gjev også informasjon om rammene for vurderinga tidsbruk, metodeval, verktøy m.m. Ekstern skulevurdering Blomvåg skule april 2010 Side 2 av 24

3 Vurderinga tek ikkje mål av seg til å gje eit fullstendig bilete av skulen, men kanskje eit bidrag til kva ein skal arbeida vidare med innan det fokusområdet som er vurdert. Det er eit ynskje at dei reiskapar og metodar som har vore nytta, kan overførast til det interne vurderingsarbeidet skulen årleg arbeider med. Rapporten vert gjort offentleg på kommunen si web-side om lag ein månad etter at den er lagt fram for skulen og skuleeigar. 2 FAKTA OM SKULEN Skulen ligg på Høgeseto på Blomøy, og elevane kjem frå Blomøy og Oen. Den eldste delen av bygget er frå I 2002 vart det bygd på med spesialbygg og administrasjonsbygg. I tillegg er det eit flott tilrettelagt uteområde med plass til mange aktivitetar. SFO har eige bygg ved sida av skulen. Pr er det 82 elevar. Skulen er 6-delt, der 5. og 6. årstrinn går i saman. Dei er årstrinndelt i basisfaga. Administrasjon: Rektor og skulesekretær (1,2 årsverk) Pedagogisk personale: 10 lærarar (ca 10 årsverk) Andre tilsette: tre assistentar i tillegg til SFO-leiar (om lag 4 årsverk). To reinhaldarar (ca 1,5 årsverk) I Øygarden kommune er det 5 barneskular; Toftøy, Rong, Blomvåg, Alvheim, Bakken. Det er ein ungdomsskule, Øygarden Ungdomsskule. Ein av kommunalsjefane er ansvarleg for skulane i Øygarden. I verksemdsplanen for Blomvåg skule finn vi følgjande utviklingsmål: Leseopplæring Klasseleiing Its learning digital kompetanse i skulen Arbeid for elevtrivsel mot mobbing Bruke team og Ekstern skulevurdering Blomvåg skule april 2010 Side 3 av 24

4 3 VURDERINGSTEMA Blomvåg skule har bede om vurdering på følgjande tema: TEAMORGANISERING Litt om vurderingstemaet Blomvåg skule er dei første i regionen som har vald teamorganisering som tema for vurdering. Dette stiller også spesielle krav til vurderarane. Opplæringslova gir heller ingen føringar for korleis skulane skal organisere arbeidet i personalet. Teamorganisering er likevel eit spennande område for vurdering. Mange skular vel i dag ein slik organisasjonsmodell. Dette ser vi m.a. i rapportar frå utviklingsprosjekt i programmet Frå ord til handling. K06, generell del føreset også at skulane nyttar teamorganisering: Med mer utstrakt bruk av teamundervisning og prosjektarbeid blir lærerne viktigere både som partnere og arbeidsledere. Det krever både felles tid på skolen og samordning av virksomhet på tvers av tradisjonelle klasseinndelinger. Opplæringens personale skal også fungere i et fellesskap av kolleger som deler ansvaret for elevenes utvikling. (K06, generell del.) Det finst eit utall definisjonar av kva eit team er. Under har vi gjengitt to av dei: To eller flere individer i dynamisk interaksjon, preget av gjensidig avhengighet. Arbeidet skjer over en viss tid. Teamet har felles oppgave og er målorientert. Medlemmene har ulike funksjoner eller roller (arbeidsdeling). Det er positiv bruk av maktforskjeller, ledelse, kontroll. (Carl Erik Grennes, prof.psyk., 2005) Et team er definert som en arbeidsgruppe hvor optimal løsning av oppgaven krever at gruppedeltakerne må samarbeide i et felles nettverk med gjensidig avhengighet. Hver gruppedeltaker er kollektivt ansvarlig for gruppens eksterne leveranser. Deltakernes trivsel og læring er alltid selvstendige delmål. (Kjell Hjertø, dr.oekon 2000) 4 KRITERIUM/KVALITETSKRAV Kriterium tyder her krav til kjenneteikn på god kvalitet. Dei fastsette kriteria er henta frå lov, regelverk, rettleiingar, læreplanverk og skulen sine eigne planar. Når vurderarane gjennomfører ei vurdering, vert kriteria og teikn på god praksis jamført med den informasjon som er samla inn om temaet; gjennom intervju, observasjon o.a. på skulen. Kriteria speglar ønskjet om å finna ut om kvar skulen står i dag med omsyn til vurderingstemaet. Kriterium i denne rapporten er utforma av vurderarane, og godkjende av skulen. Ekstern skulevurdering Blomvåg skule april 2010 Side 4 av 24

5 KRITERIUM Skulen er ein lærande organisasjon Elevane opplevar at Blomvåg skule er ein vi-skule Dei tilsette på Blomvåg skule arbeider i velfungerande og effektive team Dei føresette opplevar at Blomvåg skule er ein vi-skule TEIKN PÅ GOD PRAKSIS Alle i kollegiet har ei felles forståing av skulen sin pedagogiske plattform Det vert lagt til rette for erfaringsdeling i kollegiet, og dette kjem elevane til gode. Det er god informasjonsflyt på skulen. Skulen har felles reglar og rutinar som er kjent av alle og regelbrot blir handsama likt av alle vaksne. Det er kultur for å gjere kvarandre gode. Leiinga følgjer opp teama gjennom jamleg dialog. Alle i kollegiet har ei felles forståing av kva det vil seie å jobbe i team. Skulen har felles reglar for elevframferd. Elevane opplever felles konsekvensar for regelbrot/ rutinebrot Skulen har undervisning og andre aktivitetar på tvers av årsstega Elevane på skulen opplever at alle dei tilsette er samstemte (einige) Teamorganiseringa fremjar læring hos elevane Elevane trivst på skulen Teammedlemmene set seg felles mål for teamarbeidet Teamorganiseringa fører til auka læring for teammedlemmene Teamtida blir i hovudsak brukt til drøfting av pedagogiske utfordringar og refleksjon over eigen praksis. Møtetidspunkt for teama blir opplevd som godt for alle. Det er triveleg på teammøta. Rektor, teamleiarane og dei andre i teama sine ansvarsog arbeidsoppgåver er tydelege og definerte for alle. Teammedlemmene er kollektivt ansvarlege for arbeidet og resultata i teama. Teama har jamlege møte med sakliste og referat. Skulen har veke-/arbeidsplanar etter felles mal Foreldra møter ein samordna skule, - felles reglar og haldningar Dei føresette opplever at dei tilsette er tilgjengelege Dei føresette opplever at elevane blir ivaretekne og tekne på alvor. Dei føresette opplever at skulen er ein god læringsarena for alle elevane. Dei føresette opplever å bli hørt og involvert når dei tar kontakt med skulen Dei føresette har medansvar for elevane si læring og trivsel. Ekstern skulevurdering Blomvåg skule april 2010 Side 5 av 24

6 5 DELTAKARAR I VURDERINGA Interne: - Elevrådet, - pedagogar/assistentar, - rektor - føresette. Eksterne: Barbro Tveit og Rune Landro Grunngjeving for val av informantar Teamorganiseringa angår i første omgang dei tilsette ved skulen. Men målet med denne modellen er at det skal komme elevane til nytte, altså føre til auka læring. Vi har derfor vald å involvere både lærarar, assistentar/ fagarbeidarar, rektor, elevar og foreldre/ føresette som informantar. Slik vil vi sikre oss informasjon frå alle involverte partar. Ekstern skulevurdering Blomvåg skule april 2010 Side 6 av 24

7 6 TIDSBRUK Det er avsett ei veke (5 arbeidsdagar) til å vurdera ein skule. Med i dette er også ein startdag der vurderarane møter skulen for fyrste gong - for avklaringar og planlegging. Møtet vert kalla Førehandsmøtet. Under sjølve vurderinga, er vurderarane på skulen i inntil 4 dagar. Skulen får rapporten siste dagen. I forkant og undervegs førebur vurderarane informasjon, metodar, verktøy og driv vurdering av informasjon og har oppsummeringar. Å gjennomføra ei kvalitetsvurdering på 3 dagar er knapp tid, og inneber ei avgrensing av vurderinga. TID TILTAK ANSVAR Veke Veke 7 Veke 7-9 Veke 10 Dato: Veke 11-13, seinast Veke (16) Veke 16 / 17 Dato: mai Før Innan Innan 6 mnd Frist for å melda inn vurderingstema. - Møte om vurderingskriteria nettverket (12.02) - Gjera avtale om førehandsmøte med rektor og personale - Gjennomgang og fordjuping i vurderingstema. - Gjera event. ytterlegare avklaringar i tema - Laga framlegg til kriterium og endeleg tidsplan Vurderarane møter personalet/rektor ved skulen: Førehandsmøte:. - Info om metodebruk og kven vi ynskjer som informantar - Presentera framlegg til kriteria og teikn på god praksis; dvs. glansbiletet - Invitera til og å setja frist for tilbakemeldingar om kriteria - Koma med ynskjemål til rektor om timeplan for vurderingsveka - Be om relevant materiell frå skulen til bruk i vurd.arbeidet - Skulen drøftar kriteria og kjem med evt. framlegg til endringar og/eller tillegg. - Event. utsending av påstandsskjema og avtale om tid for retur - Førebuingar: endeleg val av metodar, dokumentanalyse, observasjonsskjema, samtaleguidar og timeplan for vurd.veka. - Oppsummering av event. Påstandsskjema - Observasjon, intervju med personale, elevar og leiing - Gjennomføring av foreldremøte. - Endeleg utarbeiding av rapport onsdag og torsdag. - Presentasjon torsdag kl.. Frist for skulen: innspel om faktiske feil Endeleg rapport vert sendt skule/ kommune og vert lagt ut på nettet Skulen Vurderarane Vurderarane Vurderarane/ rektor Vurderarane/ rektor Vurderarane og admin. ved skulen Alle Skulen Skulane sender ei evaluering av vurderingsarbeidet til koordinator Rektor Rektor rapporterer til skuleeigar om arbeidet med utvklingsområda Vurderarar, skule og kommune Rektor Ekstern skulevurdering Blomvåg skule april 2010 Side 7 av 24

8 7 METODAR Tema og tid til rådvelde verkar inn på val av metode. Vanlege metodar er dokumentanalyse, spørjeskjema, krysskjema, individuelle samtalar og gruppesamtalar, møte og observasjon. I denne vurderinga er følgjande metodar nytta: Dokumentanalyse Skulen sende vurderarane diverse relevante dokument: verksemdsplan resultat av ståstadanalysen og organisasjonsanalysen, visjonsdokument, vekeplanar, diverse reglement for skulen, handlingsplan for nærvær, eigenvurdering for lagkvalitet, undersøking om endringar etter innføring av teamorganisering, leiarteamsprofil, undersøking om klasseleiing innkalling og referat frå teammøta. Kriterium og teikn på god praksis Vurderarane utarbeidde kriterium og teikn på god praksis i samarbeid med personalet og med utgangspunkt i Kunnskapsløftet. Vurderarparet gjennomførte eit førehandsmøte med skulen i veke 12. Skulen fekk høve til å koma med merknader til kriteria/teikna på god praksis. Desse punkta vart utgangspunktet for utarbeiding av samtaleguidar, observasjonsskjema og oppgåver til foreldremøte. Spørjeskjema/Påstandsskjema Ved denne vurderinga valde vi å nytte oss av påstandsskjema til tilsette, elevar og foreldre. Observasjon I løpet av veka har vi hatt observasjonsøkter på tre teammøter og i undervisningsøkter med aldersblanda grupper (Glad dag). Verktøy for vidare informasjonsinnhenting For å kunna gjera djupdykk i temaet, laga vurderarane samtaleguidar for intervju med dei tilsette og elevane og foreldre. Guidane vart temamessig knytte opp til kriterieskjemaet. Vurdering Vurderarane føretok ei vurdering ved å spegla utsegnene frå tilsette, elevar og føresette mot utarbeidde kriterium og teikn på god praksis. Utifrå vurderinga vart det trekt konklusjonar. Ekstern skulevurdering Blomvåg skule april 2010 Side 8 av 24

9 8 SKULEN SINE STERKE SIDER INNAN VURDERINGSOMRÅDET Generelt: Slik vi har møtt Blomvåg skule, ser vi at skulen har eit godt utgangspunkt for å lukkast innan vurderingsområdet teamorganisering. Skulen har eit engasjert personale med gode idear og mykje kunnskap. Det er høg trivsel og mykje humor i personalet. Dei tilsette er rause og inkluderande, og deler gjerne med kollegaer. Ekstern skulevurdering Blomvåg skule april 2010 Side 9 av 24

10 KRITERIUM Elevane opplevar at Blomvåg skule er ein vi-skule Forskning viser at det er store forskjeller i hvordan skoleklasser virker på elevene,( ) Ved siden av elevenes øvrige oppvekstmiljø, skyldes forskjellene mellom klasser i stor grad lærernes strukturering av klassens arbeid, og deres styring, oppfølging og evne til å støtte elevene. ( ) Retten (til lik utdanning) må også være uavhengig av den skoleklasse den enkelte elev havner i. K06. Det er ikkje store forskjeller mellom skular i Noreg, men oppsiktsvekkande store forskjellar mellom klassar. (PISA 2006) Elevane seier at dei trivst på Blomvåg skule. Dei gir også uttrykk for at dei synest det er positivt med aldersblanda grupper (m.a. på Glad dagen). Skulen arrangerer også mange sosiale aktivitetar som styrkjer samhaldet og trivselen. Elevar og lærarar seier at dei kjenner kvarandre godt. Skulen har arbeidd mykje med klassereglar, og elevane kjenner godt til desse. Elevane meiner og at lærarane er samstemte i forhold til rutinar i klasserommet. Sjølv om det er arbeidd mykje for å gje skulen tenlege reglar, seier både elevar, foreldre og tilsette at ein ikkje er samstemte når det gjeld oppfølging av reglane. Skulen har uttrykt at det er eit mål at teamorganiseringa skal fremje læring hos elevane. Det er altfor tidleg å vurdere dette pr i dag. KRITERIUM Dei føresette opplevar at Blomvåg skule er ein vi-skule Skolen må hjelpe barna i utviklinga i forståing og samarbeid med heimane - og trekkje foreldra med i utviklinga av miljøet rundt opplæringa og i lokalsamfunnet.. (K 06) Både både skule og heim seier seg einige i at dei føresette har medansvar for elevane si læring og trivsel. Dei føresette opplever i stor grad at dei tilsette på skulen er tilgjengelege og dei seier dei blir hørt når dei tar kontakt med skulen. Dei føresettei seier at skulen er ein god læringsarena for elevane. Dei føresette seier at elevane blir ivaretekne og tekne på alvor. Sjølv om dei føresette veit at skulen har gjort eit arbeid med klasse- og skulereglar, opplever dei at reglane blir praktiserte ulikt blant dei tilsette. Same regelbrot kan få ulike konsekvensar. Gjennom dokumentasjon ser vi at vekeplanene er ulikt utforma frå klasse til klasse. Dette gjeld både utforming og innhald. Ekstern skulevurdering Blomvåg skule april 2010 Side 10 av 24

11 KRITERIUM 9 SKULEN SINE UTVIKLINGSOMRÅDE INNAN VURDERINGSOMRÅDET Skulen er ein lærande organisasjon Skolen og lærebedrifta skal vere lærande organisasjonar og leggje til rette for at lærarane kan lære av kvarandre gjennom samarbeid om planlegging, gjennomføring og vurdering av opplæringa. (K-06, generell del.) Blomvåg skule har for nokre år sidan gjort eit omfattande arbeid med skulen sitt visjonsdokument. I den prosessen var alle tilsette og skulen sine rådsorgan involvert. Det er i dag mange relativt nytilsette lærarar. Gjennom intervju kjem det fram at det ikkje er sikra ei felles forståing av innhaldet i dette dokumentet i dag. Både rektor og lærarar uttrykkjer vilje til og intensjon om erfaringsdeling i kollegiet. Vi registrerer likevel at dette i liten grad skjer i praksis. Det er tenkt frå rektor si side at teammøta skal vere arena for erfaringsdeling. Lærarane rapporterer at slik det er i dag, vert det liten tid til dette på desse møta. Også der kollegiet er samla til fellesmøte, kunne det vore lagt til rette for slik erfaringsdeling, - men lærarane seier at desse møta for det meste blir brukt til informasjon og administrative saker. Det er tre hovudkanalar for informasjon internt på skulen; morgonmøte fredagar, informasjon frå rektor via teamleiarane og e-post. Dei tilsette seier likevel at informasjonsflyten ikkje er tilfredsttillande. Dei seier at det til tider er tilfeldig om dei får relevant informasjon eller ikkje. Både tilsette, elevar og foreldre rapporterer at regelbrot ikkje blir handsama likt av alle vaksne. Elevane seier at dette særleg gjeld reglar for kva som er lov og ikkje lov i skogen, og reaksjonar på uønska språkbruk. På den positive sida framhever dei tilsette at det er kultur for å gjere kvarandre gode. Nye lærarar ved skulen seier at det er lett å få hjelp av kollegaene. Lærarane utnyttar kvarandre sine sterke sider, t.d. ved at fag/ tema på Glad dagen vert fordelt etter kompetanse og interesse. Ekstern skulevurdering Blomvåg skule april 2010 Side 11 av 24

12 KRITERIUM Dei tilsette på Blomvåg skule arbeider i velfungerande og effektive team Samordninga av innsatsen og samspelet mellom kollegaene er avgjerande for dei resultata dei når. Dette stiller nye krav til leiinga for skolen. (K-06, generell del) Opplæringspersonalet skal også fungere i eit fellesskap av kollegaer som deler ansvaret for utviklinga åt elevane. (K-06, generell del.) Teamene forholder seg til sitt teammandat. Teammandatet er arbeidsdokumentet som forteller om skolens felles mål og om teamenes egne mål og oppgaver. Teamene utarbeider selv sine mål. (Rapport frå prosjektet Økt læring gjennom teamorganisering?, Frå ord til handling, Ajer ungdomsskole) Teamorganiseringa har komen i stand etter initiativ av rektor. Våren 2009 vart teamleiarstillingane lyst ut internt på skulen. I utlysinga vart det gjort greie for kva oppgåver som var tenkt tillagt teamleiarane. Ut over dette har det i liten grad vore arbeidd med å skape ei felles forståing av kva det inneber å jobbe i team. Det er ikkje utarbeidd noko mandat for teama. Dei einskilde teama har heller ikkje utforma overordna mål for arbeidet sitt. Rektor har gitt stor friheit til teama slik at dei kan leggje opp arbeidet slik dei ønskjer. Vi registrerer likevel at det vert etterspurt tydelegare rammer for teamarbeidet, og klårare definering av roller, ansvar og oppgåvefordeling. Teamleiarane er frikjøpt tre timar kvar veke. Dei etterlyser meir ansvar og fleire arbeidsoppgåver. Rektor har intensjon om meir delegasjon, men har til no ikkje gjort mykje av dette. Lærarane seier at rektor i liten grad følgjer opp arbeidet i teama. Dette stadfester rektor. Både lærarane og rektor har ønskje om at teama skal arbeide med pedagogiske spørsmål. I realiteten blir lite av tida i teama nytta til slike drøftingar. Mesteparten av tida går med til organisatoriske og praktiske oppgåver. Lengda på møta og tidspunktet som teammøta er lagt til, legg og begrensningar på kva ein får tid til å drøfte. Mange lærarar ønskjer å flytte teamtida til etter undervisningstid. Til tross for ting som i dag ikkje fungerer optimalt, har både rektor og dei tilsette tru på at teamorganiseringa kan bli positiv for Blomvåg skule. Det er mykje energi og trivsel på teama. Vi opplever også høg kompetanse i personalgruppa, noko som gir godt grunnlag for vidare arbeid. Ekstern skulevurdering Blomvåg skule april 2010 Side 12 av 24

13 10 IDEAR TIL VIDARE ARBEID Vi har registrert at heile personalet ser positive muligheiter knytt til teamorganiseringa, både for dei tilsette og for elevane. Det er kjent at slike endringar tar tid, krever tolmod og evne til å halde ut. I tillegg viser erfaring at det er nødvendig med ei tydeleg leiing, og at leiinga følgjer tett opp med rettleiing og er i dialog om utfordringar og grunnleggjande avgjerslar for teama. Utviklingsområde Dei tilsette på Blomvåg skule arbeider i velfungerande og effektive team Skulen er ein lærande organisasjon Idear Klargjøre ansvars- og arbeidsoppgåver. Formulere eit tydleg mandat for teama og delegere fleire oppgåver til teamleiarane Setje seg felles mål for teamarbeidet Utvide teamtida Rektor følgjer opp teama gjennom jamleg dialog. Forenkle informasjonsrutinane med m.a. meir bruk av skriftleg informasjon Frigjere tid til pedagogiske drøftingar, erfaringsdeling og refleksjon. Utarbeide halvårs plan for tysdags- og torsdagsmøta. Utnytte betre kompetanse som finst i kommunen. Gjennomgå visjonsdokumentet ved skulestart for å sikre ein felles forståing også for nye lærarar Utarbeide tydelege konsekvensar ved regelbrot og gjøre dei kjend for elevane og foreldre (konsekvenstrapp) Ekstern skulevurdering Blomvåg skule april 2010 Side 13 av 24

14 Litteratur: Martinsen, Ø: Perspektiver på leiing Kap 15. Rune Assmann: Teamorganisering Schultz, J-H: Ingen ut av rekka går (Rapport frå prosjektet Økt læring gjennom teamorganisering?, Frå ord til handling, Ajer ungdomsskole) 6 månadar etter at skulevurderinga finn stad, vil rektor rapportera attende til skulesjef/skulefagleg ansvarleg korleis skulen har arbeidd med utviklingsområda sine. Det politiske fagutvalet vil få ei orientering. Blomvåg skule Barbro Tveit vurderar FØS vurderingsnettverk Rune Landro vurderar FØS vurderingsnettverk 10 stk Vedlegg Ekstern skulevurdering Blomvåg skule april 2010 Side 14 av 24

15 VEDLEGG: Til foreldra ved Blomvåg skule Mars 2010 SKULEN DIN SKAL HA EKSTERN VURDERING I APRIL 2010! Lærarar, foreldre, elevar og styremakter er alle opptekne av kvaliteten i skulen. Alle skular har ynskje om å utvikla seg og å gjera tilbodet til elevar og føresette best mogleg. Difor har dei i mange år vurdert arbeidet sitt, eller delar av det, for at kvaliteten stadig skal verta betre. Skuleeigarane i (SFØ) har no etablert eit eige vurderingsnettverk som skal hjelpa skulane i dette arbeidet. Nettverket er sett saman av 14 pedagogar frå kommunane våre. Desse skal i åra som kjem reise rundt for å hjelpa skulane i vurderingsarbeidet, og for å sjå skulen gjennom nye briller. Vurderarane på din skule vil alltid koma frå ein av dei to nabokommunane. I april får skulen besøk av to frå dette nettverket. Me skal vera på skulen i veke 15; frå måndag til torsdag og skal hjelpa skulen å vurdera kvaliteten på skulen sitt arbeid innanfor emnet: TEAMORGANISERING. Me treng hjelp av foreldra i arbeidet vårt, og vil mellom anna kalle inn til foreldremøte måndag 12. De vil få nærare beskjed frå skulen om dette. Me ser fram til dette arbeidet og vonar det verkeleg kan vera til nytte i skulen sitt læringsarbeid. Resultatet av vurderinga vert m.a. lagt fram i ein rapport, som vil vera tilgjengeleg for alle. Me ser fram til eit spennande møte og godt samarbeid. Helsing Vurderingsnettverket i Rune Landro vurderar Barbro Tveit vurderar Ekstern skulevurdering Blomvåg skule april 2010 Side 15 av 24

16 Intervjuguide rektor 1. Kan du seie noko om prosessen kring igangsetjing av teamorganiseringa. 2. Kva gjer du for at alle i kollegiet skal ha ei felles forståing av kva det inneber å jobbe i team? 3. Kva mandat har har du gitt teama? 4. Korleis har du tenkt rolle- og oppgavefordelinga for teama? 5. Når på dagen meiner de at teamtida bør liggje? Kvifor? 6. Korleis er informasjonsrutinane på skulen? 7. Korleis følgjer rektor opp arbeidet i teama? 8. Korleis er oppgåve- og ansvarsfordelinga i leiarteamet? 9. På kva måte blir det lagt til rette for erfaringsdeling i kollegiet? 10. Korleis sikrar du at også nye lærarar har felles forståing av skulen sin visjon/ pedagogiske plattform? 11. Kva gjer du for å skape en kultur for å gjere kvarandre gode? 12. Kva skal til for at teamorganiseringa skal fremje læring hos elevane? Svar: Ekstern skulevurdering Blomvåg skule april 2010 Side 16 av 24

17 Intervjuguide team 1. På kva måte har de arbeid med utforming av felles rutinar og oppfølging av reglane? 2. Kva er dei synlege teikna på at det er kultur for å gjere kvarandre gode? 3. Kva skal til for å skape ein slik kultur? 4. Kva skal til for at teammedlemmene skal lære noko av dei andre på teamet? 5. Korleis kan teamorganiseringa føre til auka læring hos elevane? 6. Korleis set teamet seg felles mål for teamarbeidet? 7. Når på dagen meiner de at teamtida bør liggje? Kvifor? 8. Korleis er informasjonsrutinane på skulen? 9. Kva vil det seie å jobbe i team? 10.På kva for område er det viktig at dei vaksne er samstemte? 11. Korleis må de jobbe for å få til det? 12. Korleis er oppgåve- og ansvarsfordelinga for rektor, teamleiar og teammedlemmene definert? 13. Korleis sikrar de at alle i teamet blir ansvarleggjort for arbeidet og resultatet i teamet? 14. Korleis vet d at alle har ein felles forståing av den pedagogiske plattforma (visjon)? 15. På kva måte blir det lagt til rette for erfaringsdeling i kollegiet? Ekstern skulevurdering Blomvåg skule april 2010 Side 17 av 24

18 Påstandsskjema, tilsette Lærar: Assistent/ fagarbeidar: Set kryss for det som høver best Påstandar. Set kryss under 4 dersom du er heilt samd i påstanden, glidande nedover mot 1 dersom du er heilt usamd. 1 Alle i kollegiet har ei felles forståing av skulen sin pedagogiske plattform (visjon). 2 Det vert lagt til rette for erfaringsdeling i kollegiet, og dette kjem elevane til gode. 3 Det er god informasjonsflyt på skulen. 4 Skulen har felles reglar og rutinar som er kjent av alle, og regelbrot blir handsama likt av alle vaksne. 5 Det er kultur for å gjere kvarandre gode. 6 Leiinga følgjer opp teama gjennom jamleg dialog. 7 Alle i kollegiet har ei felles forståing av kva det vil seie å jobbe i team. 8 Skulen har felles reglar for elevframferd. 9 Elevane opplever at alle dei tilsette er samstemte. 10 Teamorganiseringa fremjar læring hos elevane. 11 Teammedlemmene set seg felles mål for teamarbeidet. 12 Teamorganiseringa fører til auke læring for teammedlemmene. 13 Teamtida blir i hovudsak brukt til drøfting av pedagogiske utfordringar og refleksjon over eigen praksis. 14 Møtetidspunkt for teama er godt. 15 Det er triveleg på teammøta. 16 Rektor, teamleiarane og dei andre i teama sine ansvars- og arbeidsoppgåver er tydelege og definerte for alle. 17 Teammedlemmene er kollektivt ansvarlege for arbeidet og resultata i teama. 18 Dei føresette møter ein samordna skule, - felles reglar og haldningar. 19 Dei føresette har medansvar for elevane si læring og trivsel Helsing frå Rune og Barbro Ekstern skulevurdering Blomvåg skule april 2010 Side 18 av 24

19 Foreldremøte Spørsmål/ problemstillingar: OPPGÅVE 1. Samordna skule, - felles reglar og haldningar/ oppfølging av regelbrot m.m. o Korleis er situasjonen i dag? o Korleis ønskjer de at det skal vere/ kva ønskjer de skal skje av endringar? OPPGÅVE 2. Kunnskap om og oppfatning av teamorganiseringa o Korleis er situasjonen i dag? o Korleis ønskjer de at det skal vere/ kva ønskjer de skal skje av endringar? OPPGÅVE 3. Samanheng mellom teamorganiseringa og læringsarbeidet på skulen o Korleis er situasjonen i dag? o Korleis ønskjer de at det skal vere/ kva ønskjer de skal skje av endringar? På kva måte blir de som foreldre inviterte til å samhandle med skulen? o Korleis er situasjonen i dag? o Korleis ønskjer de at det skal vere/ kva ønskjer de skal skje av endringar? o Kva ønskjer de skal blir gjort (også frå foreldra si side) for at Blomvåg i større grad skal bli ein vi-skule? Ekstern skulevurdering Blomvåg skule april 2010 Side 19 av 24

20 Til foreldre/ føresette ved Blomvåg skule Blomvåg skule skal ha skulevurdering. Tema for vurdering er teamorganiseringa. På førehand vil vi ha informasjon frå føresette om korleis de opplever skulen. Vi ynskjer at du kryssar av på dette skjemaet. Informasjonen du gir vil bli handsama konfidensielt. Frist for tilbakelevering: fredag 9. april. Eg/ vi har elev i kl. Set kryss for det som høver best Påstandar. Set kryss under 4 dersom du er heilt samd i påstanden, glidande nedover mot 1 dersom du er heilt usamd. 1 Skulen har felles reglar for elevframferd Regelbrot blir handsama likt av alle vaksne på skulen. 3 Barnet mitt/ vårt trivst på skulen. 4 Dei tilsette på skulen er tilgjengelege når eg/ vi ønskjer å få kontakt med dei. 5 Eg/ vi opplever å bli hørt og involvert når eg/vi tar kontakt med skulen. 6 Barnet mitt/ vårt blir ivareteken og tatt på alvor av dei tilsette på skulen. 7 Skulen er ein god læringsarena for barnet mitt/ vårt. 8 Eg/ vi har medansvar for eleven si læring og trivsel. Blomvåg skule 6. april 2010 Barbro Tveit (s) vurderar Rune Landro (s) vurderar Ekstern skulevurdering Blomvåg skule april 2010 Side 20 av 24

21 Påstandsskjema klasse Blomvåg skule Skulen din skal ha besøk. På førehand vil vi gjerne vite litt om korleis du arbeider på skulen og heime. Vi ynskjer at du kryssar av på dette skjemaet. = Dette passar heilt slik det er = Dette passar nokså bra = Dette passar ikkje Eg er elev på trinn Set kryss for det som høver best 1 Eg kan reglane for korleis eg skal oppføre meg 2 Klassereglane er tydelege i klasserommet 3 Vi har felles reglar på skulen 4 Dei vaksne er rettferdige når nokon bryt reglane 5 Vi har undervisning i lag med elevar på andre klassetrinn 6 Vi har andre aktivitetar i lag med elevar på andre klassetrinn 7 Eg lærar mykje på skulen 8 Eg får hjelp av læraren når eg treng det 9 Læraren gjer slik at eg får lyst til å lære meir 10 Vekeplanen er lett å forstå 11 Eg veit kva eg skal lære kvar veke 12 Eg får arbeidsoppgåver eg får til 13 Eg får arbeidsoppgåver eg må gruble på 14 Eg trivst på skulen 15 Eg kan merke at læraren bryr seg om meg 16 Eg kjenner lærarane mine godt Helsing frå Rune og Barbro Ekstern skulevurdering Blomvåg skule april 2010 Side 21 av 24

22 Påstandsskjema klasse Blomvåg skule Skulen din skal ha besøk. På førehand vil vi gjerne vite litt om korleis du arbeider på skulen og heime. Vi ynskjer at du kryssar av på dette skjemaet. Eg er elev på trinn Set kryss for det som høver best Påstandar. Set kryss under 4 dersom de er heilt samde i påstanden, glidande nedover mot 1 dersom de er heilt usamde Eg kan reglane for korleis eg skal oppføre meg 2 Klassereglane er tydelege i klasserommet 3 Vi har felles reglar regler på skulen 4 Dei vaksne reagerer likt når nokon bryt reglane 5 Vi har undervisning i lag med elevar på andre klassetrinn 6 Vi har andre aktivitetar i lag med elevar på andre klassetrinn 7 Eg lærar mykje på skulen 8 Eg får hjelp av læraren når eg treng det 9 Læraren gjer slik at eg får lyst til å lære meir 10 Vekeplanen er lett å forstå 11 Eg veit kva eg skal lære kvar veke 12 Eg får arbeidsoppgåver eg får til 13 Eg får arbeidsoppgåver eg må gruble på 14 Lærarane har faste rammer for det som skjer i klassen 15 Vi har arbeidsro i klassen 16 Vi har godt læringsmiljø i klassen 17 Eg tek ansvar for at eg lærer det som er tema i undervisninga 18 Eg trivst på skulen 19 Eg kan merke at læraren bryr seg om meg 20 Eg kjenner lærarane mine godt Helsing frå Rune og Barbro Ekstern skulevurdering Blomvåg skule april 2010 Side 22 av 24

23 1 Korleis er det å være elev på Blomvåg skule? Kva er spesielt bra? 2 Sei tre reglar som de har på skulen. 3 Kor er finn vi reglane? Kor kan vi lese dei? 4 Kva skjer når nokon bryt reglane? 5 Reagerer dei vaksne likt når nokon bryt reglane? 6 I kva slags fag har de undervisning saman med andre klassar? 7 Kva andre aktivitetar har de i lag med andre klassar? 8 Korleis veit du kva du skal lære? 9 Korleis gjennomgår læraren vekeplanen? 10 Korleis startar timen? Kva skjer når de skifter aktivitet? Korleis blir timen avslutta? 11 Kva gjer at du får lyst å lære noko? 12 Kva gjer læraren som gir deg lyst til å lære? Intervjuguide elevråd Ekstern skulevurdering Blomvåg skule april 2010 Side 23 av 24

24 Intervju teamleiar 1. Kan du seie noko om prosessen kring igangsetjing av teamorganiseringa. 2. Når på dagen meiner de at teamtida bør liggje? Kvifor? 3. Korleis er informasjonsrutinane på skulen? 4. Korleis følgjer rektor opp arbeidet i teama? 5. Korleis er oppgåve- og ansvarsfordelinga i leiarteamet? 6. På kva måte blir det lagt til rette for erfaringsdeling i kollegiet? 7. Ope spørsmål Ekstern skulevurdering Blomvåg skule april 2010 Side 24 av 24