Balestrand kommune lovlegkontroll av vedtak om mellombels flytting av elevar frå Nesse og Fjordtun oppvekstsenter

Transkript

1 Sakshandsamar: Anne Kristin Eitungjerde Vår dato Vår referanse Telefon: / E-post: Dykkar dato Dykkar referanse Balestrand kommune Kong Beles veg Balestrand Balestrand kommune lovlegkontroll av vedtak om mellombels flytting av elevar frå Nesse og Fjordtun oppvekstsenter Fylkesmannen i Sogn og Fjordane har motteke sak om lovlegkontroll av vedtak om «Mellombels flytting av elevar frå Nesse og Fjordtun oppvekstsenter». Saka vart sendt frå Balestrand kommune Ved lovlegkontroll skal Fylkesmannen vurdere om innhaldet i avgjerda er lovleg, at ho er teken av nokon som har mynde til å ta slik avgjerd og at avgjerda har kome til på lovleg måte, jf. kommunelova 59, nr. 4. Om det er gjort feil som gjer at vedtaket er ugyldig, skal Fylkesmannen oppheve vedtaket. Med «kommunen» meiner vi i denne saka fleirtalet i kommunestyret, med mindre anna går fram av samanhengen. Konklusjon Balestrand kommune sitt vedtak av i sak 15/207 er lovleg: «For ei treårsperiode, frå og med skuleåret 2015/2016 vert elevane frå Fjortun- og Nesse skular overført til Sagatun skule. Etter ei slik periode kan ein på nytt vurdere kvar elevane frå Fjordtun og Nesse krins skal gå på skule.» Vi ber om at kommunen informerer dei som har kravd lovlegkontroll, om vedtaket. Bakgrunn for saka Kommunestyret i Balestrand vedtok med 11 mot 6 røyster å mellombels flytte elevar frå Nesse og Fjordtun oppvekstsenter til Sagatun skule for ein periode på tre år (sak 15/207). Vedtaket inneber at Nesse og Fjordtun oppvekstsenter vert nedlagt frå Samstundes har kommunen bestemt at dei etter tre år vil vurdere på nytt kvar elevane frå Nesse og Fjordtun oppvekstsenter skal gå. På Nesse oppvekstsenter er det ti elevar og på Fjordtun oppvekstsenter er det tre elevar. Krav om lovlegkontroll dagsett er underskrive av fem kommunestyremedlemmer. Kravet om lovlegkontroll vart handsama av kommunestyret Med 11 mot 6 røyster gjorde kommunestyret slikt vedtak: «Kommunen kan ikkje sjå at innhaldet i det aktuelle vedtaket er i strid med opplæringslova. Kommunelova, forvaltningslova, folkehelselova, plan- og bygningslova inneheld ikkje reglar som direkte regulerer innhaldet i eit slikt vedtak». Kravet om lovlegkontroll I kravet om lovlegkontroll hevdar mindretalet i kommunestyret at det er manglar ved prosessen om nedlegging av Nesse og Fjordtun skule, og manglar i vedtaket om mellombels Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/8 flytting av elevar frå desse to skulane til Sagatun skule. Dei meiner kommunen ikkje har grunnlag for å flytte elevane, og syner til at Fylkesmannen ikkje ville ta stilling til om flytting av elevar var komme til på lovleg vis før vedtaket var endeleg. Dei meiner det ikkje er dekning for å seie at flyttinga av elevane er mellombels, ettersom det ikkje er noko i budsjettvedtaket som tilseier at dette er ei mellombels løysing. Vidare viser dei til at mellombels nedlegging av skular ikkje eksisterer i lova. Mindretalet meiner vidare at kommunen pliktar å informere høyringsinstansane på eit breitt grunnlag om kva konsekvensar høyringsframlegget vil ha for dei aktuelle partane, og at ei slik utgreiing manglar i høyringsbrevet. Dei viser til at berre eitt alternativ er omtala, at konsekvensar for mottakarskulane ikkje er kartlagde, at følgjer for skuleverket i kommunen ikkje er nemnd, at barna si reisetid og konsekvensane ikkje er nemnde, at barns beste ikkje er vurdert, det er manglande kontradiksjon i saka, moment mot endringane er ikkje synleggjorde, og viktige samfunnsspørsmål er ikkje omtala og vurderte. Søknadar om å flytte elevar til Høyanger er ikkje omtala. Mindretalet meiner at kommunen utan tilstrekkeleg utgreiing planlegg å flytte elevane, og at kommunen må ha heimel i eigne styringsdokument for å gjere dette. Vidare meiner mindretalet at fastsetting av skulestruktur må vere ein del av planprosessen knytt til kommuneplanen, at framlegg om nedlegging berre kan komme som resultat av eit eventuelt vedtak i kommuneplanen og at skulesaka deretter må konsekvensutgreiast og behandlast som enkeltsak. Dei viser til rettleiar om kommunal forskrift på området, og skriv at kommunen må gjere ei full konsekvensutgreiing (pedagogisk, samfunnsmessig og økonomisk), deretter ha ei høyringsrunde med minimumsfrist på to månader og så handsame saka i kommunestyret. Dei legg til at dei uskrivne rettsreglane om god forvaltningsskikk er like viktige som det skrivne regelverket. Kommunens vurdering Vedtaket om mellombels flytting av elevane frå Fjordtun og Nesse oppvekstsenter vart sendt på ei ekstra høyring etter budsjettvedtaket den , med høyringsfrist til Kommunen skriv at dei gjennomførte tre opne møte på dei tre skulane for å informere om budsjettvedtaket og saksgangen vidare, og for å legge til rette for spørsmål frå innbyggarane. Det møtte fram ca. 30 personar på Fjordtun oppvekstsenter og nokre færre på Sagatun. På Nesse oppvekstsenter avviste FAU og grendalaget å møte, då dei såg det som ei legalisering av ein ulovleg prosess. Kommunen informerte på møta om nedgangen i folketal og om at driftsstrukturen i kommunen ikkje er tilpassa økonomien og statlege tilskot. Med nedgang i elevtal og små årskull vurderte kommunen det nødvendig å samle elevane i større grupper. Kommunen skriv at driftsbudsjettet i 2015 vart redusert med 6,5 millionar, og at kommunen fram til 2018 skal redusere budsjettet med ytterlegare 4 millionar. Kommunen skriv at dei sende høyringsbrevet til dei aktuelle instansane i tråd med rundskrivet Udir Spørsmålet som vart stilt i høyringsbrevet av var: «Kva synest høyringsinstansane om budsjettvedtaket 2015 der det vart gjort vedtak om å overføre elevane frå Fjordtun og Nesse skular til Sagatun skule for ei treårsperiode frå og at ein etter ei slik periode på nytt kan vurdere kvar elevane frå Fjordtun og Nesse krins skal gå på skule». Høyringsfristen vart sett til Kommunen viser til at mange høyringsfråsegner var opptekne av skuleskyssen. Kommunen skriv at elevane i 1. og 2. klasse skuleåret 2015/2016 sluttar klokka måndag, onsdag og fredag, og klokka tysdagar og torsdagar. For 3. og 4. klasse sluttar undervisninga kl måndag og fredag. Ved ei eventuell overflytting av elevar til Sagatun skule vil

3 3/8 kommunen tilpasse SFO tilbod på Sagatun skule med skuleskyssen. Elevar som treng det vil bli følgt til bussen etter SFO og henta av vaksne på busstoppet ved Sagatun skule om morgonen. Kommunen vil også ha følgje på bussen for dei minste elevane i starten. Elevane får tilbod om SFO i Fjordtun og Nesse barnehage viss dei har trong for det på slutten av dagen. Kommunen viser vidare til høyringsfråsegna frå fylkeskommunen om at det blir vurdert tilbringarskyss for elevar frå Menes for å gjere reisetida så kort som råd er. Dei viser også til fylkeskommunens reglement om at dei tilbyr ei følgjeteneste på bussen for 1. klassingar, som vil bidra til orden og gode reisevanar for barna. For skuleåret 2015/2016 vil det vere ein førsteklassing frå Nessane. Kommunen vil legge til rette for ein så skånsam skuleskyss som mogleg, særleg for 1. klassingane. Skulebussen frå Meel til Sagatun skule brukar mellom 40 og 45 minutt på strekninga, medan skulebussen frå Lånefjorden til Sagatun brukar mellom 35 og 40 minutt. Fylkeskommunen har gjort kommunen merksam på at kommunens eigendel til skuleskyss vil bli høgare ved overflytting av elevar fordi fleire av elevane vil få ein lenger skuleveg. Kommunen har innhenta opplysningar frå Statens vegvesen for å få informasjon om rasfaren på skulevegen. Informasjonen dei har fått er at Kjenesskreda statistisk blir stengd tre gongar i året, og at vegvesenet har planar om å utføre fjellreinsk, sikring og reins av vegetasjon ved Kolven hausten Tunge raspunkt ved Vetlefjorden er sikra med overbygg. Kommunen viser til at elevane sitt psykososiale miljø og tilrettelegging av undervisninga var eit tema som kom opp i høyringsuttalane. Det pedagogiske personalet ved Sagatun skule har erfaring med å ta imot nye elevar, både undervegs i skuleåret og ved oppstart av nytt skuleår, og ein har tillit til at det pedagogiske personalet på skulane gjennomfører endringa innanfor dei rammene som opplæringslova set. Vedtaket om mellombels flytting av elevane for tre år er gjort med bakgrunn i den vanskelege økonomiske situasjonen kommunen er i. Etter tre år vil kommunen vurdere om dei skal opprette skule på dei to plassane igjen. Udir peiker på at omsynet til kva som er den mest rasjonelle skulestrukturen, skal vurderast ut frå økonomi, busetnad og utvikling i folketal. Det blir frå kommunen si side vurdert slik at dersom dei ikkje hadde gjort endringar i skulestrukturen ville behova til nokre få elevar gått framfor den samla elevmassen. Omsynet til den samla elevmassen gjer flytting naudsynt, og fordelinga av ressursane må opplevast rettvise for alle brukarar og tilsette. Endringane må også sjåast i samanheng med endringane i administrativ organisering, som er gjort for å styrke rektorrolla og for å få ei betre oppfølging av det pedagogiske personalet. Innsparingane ved endring av skulestrukturen går fram av talmaterialet i saka Budsjett 2015 og budsjettplanen for Kommunen har berekna innsparingane for Fjordtun skule til kr for 2015 og kr for Nesse skule. Til saman for perioden og ut året vil innsparinga bli kr Innsparinga for budsjettåret 2016 er berekna til ca. 1,7 millionar og for heile tre års perioden ca. 5,1 millionar. Den reelle innsparinga vil likevel bli noko mindre, då ein får auka utlegg til skuleskyss. Eigendelen til skuleskyss for kommunen vil vere 25 prosent av ein vaksenbillett per barn, slik at for dei 10 elevane ved Nesse oppvekstsenter vil skyssutgiftene for hausten 2015 bli ca. kr , og for Fjordtun ca. kr I budsjettet for 2015 ligg det alt inne noko midlar til skuleskyss som kan dekke delar av desse ekstra kostnadane, skriv kommunen. På årsbasis skriv kommunen at skuleskysskostnadane vil auke med ca. kr for elevane frå Nessane og kr

4 4/8 for elevane på Fjordtun. Kommunen vurderer at det i liten grad vil bli auka kostnader ved Sagatun skule grunna låge elevtal. Etter kommunen sitt syn er det ikkje noko rekkefølgjekrav i lova som tilseier at endringar i skulestrukturen må vere vedtatt før det kan vedtakast budsjettmessige endringar knytte til dette. Dei viser også til at kommunen kan gjere endringar i skulestrukturen utan å rullere kommuneplanen. Når det gjeld påstanden i kravet om lovlegkontroll om at kommunen må gi forskrift om skulekrinsgrenser viser kommunen til at dei har følgt punkt tre i rundskrivet som gjeld kommunar som ikkje har gitt slik forskrift. Budsjettet for 2015 vart vedtatt i balanse. I etterkant la ein opp til ei brei og open høyring om den delen av budsjettvedtaket som gjekk ut på å overføre elevar frå grendaskulane til Sagatun skule. Endeleg vedtak om dette vart gjort Samla sett vurderer kommunen det slik at både innhaldet i og saksbehandlinga fram mot vedtaket er lovleg. Rettslege rammer for lovlegkontroll Fylkesmannen har avgrensa overprøvingskompetanse i denne sakstypen. Ved lovlegkontroll skal Fylkesmannen etter kommunelova 59 nr. 4 ta stilling til om: - avgjerda er teken av nokon som har mynde til å ta slik avgjerd - innhaldet i avgjerda er lovleg - avgjerda har komme til på lovleg måte Dersom Fylkesmannen kjem til at vedtaket er ugyldig, skal vi oppheve vedtaket. Regelverk for skulenedlegging og endring av krinsgrenser Verken opplæringslova eller anna regelverk har reglar som legg føringar for innhaldet ved endring av skulestruktur, altså når det vil vere lovleg eller ulovleg å legge ned ein skule. Avgjerder om skulestruktur ligg i kjerneområdet av den kommunale handlefridomen, og slike avgjerder må bygge på kommunestyrets økonomiske, politiske og samfunnsmessige prioriteringar, jf. Udir Utdanningsdirektoratet kom med eit nytt rundskriv om saksbehandlingsreglar for skulenedlegging, for å bidra til ei meir einsarta og korrekt regelverksetterleving rundt dette. Kommunen kan etter opplæringslova 8-1 første ledd andre punktum gi forskrifter om kva for skule dei ulike områda i kommunen soknar til. Dette er eit val kommunen har, og det er ikkje pålagt å ha krinsgrenser i forskriftsform. For kommunar som har forskrift om krinsgrenser, må dei formelle krava til forskrifter i forvaltningslova kapittel VII vere oppfylte, og ei endring av slik forskrift må oppfylle dei same krava. For kommunar som ikkje allereie har forskrifter om krinsgrenser, er det heller ikkje krav om at endring av krinsgrenser skjer ved forskrift. Uavhengig av om kommunen har forskrifter om krinsgrenser, gjeld dei ulovfesta forvaltningsrettslege prinsippa om at forvaltninga skal gjere vedtak etter ei forsvarleg behandling av saka, under dette at saka er tilstrekkeleg opplyst. Avgjerda om å legge ned ein skule er ikkje eit enkeltvedtak, og reglane i forvaltningslova kapittel IV-VI om saksførebuing, vedtak, klage og omgjering gjeld difor ikkje. Det er likevel eit krav om at saka skal vere forsvarleg klarlagt før avgjerd blir tatt. I ei sak om skulenedlegging betyr dette at kommunestyret skal ha rimeleg kjennskap til synspunkta til

5 5/8 dei som blir råka av nedlegginga, før dei gjer vedtak. Spørsmål om skulestruktur og krinsgrenser vil ofte bety mykje for foreldre og nærmiljø. Samarbeidsutval, alternativt foreldrerådet, bør difor få høve til å uttale seg. Andre som bør få uttale seg kan vere fagforeiningar, grendalag, grupper og organisasjonar med interesse i saka, andre brukarorgan ved aktuell skule og ved andre skular i nærleiken. Barnekonvensjonen er tatt inn i norsk rett ved menneskerettslova i 2003 og forpliktar kommunane til å legge vekt på barnets beste, også i saker om skulestruktur. Barnekonvensjonen går ved motstrid føre norsk lov, jf. menneskerettslova 3. Fylkesmannen si vurdering Vilkåra for å behandle saka om lovlegkontroll er oppfylt. Om avgjerda er teken av nokon som har mynde til å ta slik avgjerd Kommunestyret er kommunens øvste organ med mynde til å treffe vedtak på vegner av kommunen, jf. kommunelova 6. Kommunestyret har mynde til å ta avgjerda om å legge ned skulane. Vedtaket er fatta av rett mynde. Om innhaldet i avgjerda er lovleg Verken opplæringslova eller anna regelverk har reglar for innhaldet i endring av skulestruktur, altså reglar for når det er lovleg eller ulovleg å legge ned eller opprette skular. Avgjerder om skulestruktur ligg i kjerneområdet for den kommunale handlefridomen. Spørsmålet om ein kommune skal vedta nedlegging av ein eller fleire skular, vil i stor grad bli avgjort etter ei samansett vurdering av det aktuelle samfunnet etter skjøn. Omsynet til kva som er den mest rasjonelle skulestrukturen for kommunen ut frå økonomi, busetnad og utvikling i folketal, vil vere sentralt. Det er kommunestyret som etter politiske vurderingar tek stilling i slike spørsmål. Kommunen gjorde endeleg vedtak om å flytte elevane ved Nessane og Fjordtun oppvekstsenter til Sagatun skule. Dei bestemte samtidig at dei vil vurdere dette på nytt etter tre år. Fylkesmannen forstår vedtaket av slik at det i realiteten inneber ei nedlegging av skulane, men at kommunen i tillegg har bestemt at dei etter tre år vil vurdere om dei igjen vil opprette skular på desse plassane. Det er som nemnt ikkje reglar for når det er lovleg eller ulovleg å legge ned eller opprette skular, dette er ei avgjerd som ligg til kommunestyret. Sjølv om det ikkje går fram av årets budsjettvedtak eller økonomiplanen for at det seinare kan bli budsjettert midlar til drift av desse skulane, vil dette ikkje stenge for at kommunen legg inn midlar til dette seinare. Formuleringa av vedtaket kunne vore klarare, men vi vurderer at innhaldet i avgjerda om å legge ned skulane og vurdere situasjonen igjen om tre år, ikkje er i strid med lova. Det følgjer av plan- og bygningslova 11-1 at kommunen skal ha ein samla kommuneplan som omfattar ein samfunnsdel med handlingsdel og arealdel. Kommunen kan òg ha delplanar for bestemte område, tema eller delar av verksemda, jf. plan- og bygningslova 11-1 tredje ledd. Balestrand kommune har ein kommuneplan for som seier det skal vere tilbod om skule på Fjordtun og Nessane. Planen skal vere styrande for verksemda til kommunen, jf. plan- og bygningslova 11-3, men det er ikkje slik at kommunen ikkje kan gjere endringar i skulestrukturen utan å rullere kommuneplanen først. Samfunnsdelen er ikkje rettsleg bindande på same måten som arealdelen er det, jf. plan- og bygningslova 11-6 om

6 6/8 rettsverknadene av arealdelen. Slik vi tok stilling til i vedtaket vårt av , vil ikkje føringar i kommuneplanen medføre at avgjerda om å legge ned skulane ikkje er lovleg. Fylkesmannen kan ikkje sjå at innhaldet i det aktuelle vedtaket er i strid med opplæringslova eller plan- og bygningslova. Om avgjerda har kome til på lovleg måte Fylkesmannen skal prøve om saksbehandlingsreglane er følgde ved handsaming av den aktuelle saka. Mindretalet meiner det er manglar ved kommunens høyring og prosess. Dei meiner kommunens utgreiing av alternativ, konsekvensar, reisetid og barns beste ikkje er i tråd med rettleiaren om arbeid med kommunal forskrift og ulovfesta forvaltningsrettslege reglar. Avgjerda om å legge ned ein skule er ikkje eit enkeltvedtak, og reglane om enkeltvedtak i forvaltningslova gjeld difor ikkje. Det er heller ikkje krav til forskriftsform for avgjerd om nedlegging. Kravet til forskriftsform for nedlegging gjeld berre dersom kommunen allereie har forskrifter om krinsgrenser, og behandlar vedtak om nedlegging og endring av krinsgrenser i ei sak. Ettersom Balestrand kommune ikkje har forskrift om krinsgrenser, gjeld ikkje reglane i forvaltningslova om forskrift for nedlegginga. Tilsvarande vil Justisdepartementets rettleiar om forskriftsarbeid ikkje gjelde då det ikkje er tale om forskriftsarbeid. For rein nedlegging av skule i kommunar som ikkje har krinsgrenser, gjeld dei ulovfesta krava til forsvarleg saksbehandling. I saker som gjeld skulestruktur inneber det at kommunestyret må ha rimeleg kjennskap til synspunkta til dei som blir råka av avgjerda før vedtak blir gjort, jf. Udir Vi vil difor vurdere om kommunen har oppfylt krava om forsvarleg saksbehandling. Då vurderer vi om saka var tilstrekkeleg klarlagt slik at kommunen hadde rimeleg kjennskap til synspunkta til dei som blir råka av nedlegginga før vedtaket vart gjort, og om vurderingar av barnets beste, jf. barnekonvensjonen artikkel 3, er synleggjorde i tilstrekkeleg grad. Om saka er forsvarleg klarlagt: Kommunen sende ut høyring om endringar i skulestrukturen. Høyringsspørsmålet var kva høyringsinstansane syntest «om budsjettvedtaket 2015 der det vart gjort vedtak om å overføre elevane frå Fjortun- og Nesse skular til Sagatun skule for ei treårsperiode frå og at ein etter ei slik periode på nytt kan vurdere kvar elevane frå Fjordtun og Nesse krins skal gå på skule». Vi vurderer høyringsspørsmålet som noko upresist ettersom midlane til drift av skulane vart tatt ut i budsjettvedtaket, medan sjølve nedlegginga av skulane var det spørsmålet som skulle på høyring. Ut frå innhaldet i høyringsuttalene og den vidare prosessen med mellom anna opne møte vurderer vi det likevel slik at det ikkje har vore tvil om kva som har vore på høyring. Saka vart sendt på høyring til elevrådet, foreldrearbeidsutvalet, samarbeidsutvalet og foreldrerådet ved alle skulane, fylkeskommunen, utdanningsforbundet, fagforbundet, ulike grendelag, idrettslag og ei rekke andre lag og organisasjonar. Fristen til å uttale seg vart sett til Høyringsinstansane Utdanningsdirektoratet meiner er særskilt sentrale, i tillegg til ei rekke andre, har dermed fått saka på høyring. Det er ikkje lovregulert kor lang høyringsfristen skal vere, men Utdanningsdirektoratet rår til at fristen i Justis- og beredskapsdepartementets rettleiar om forskriftsarbeid på to månader blir brukt også i saker om skulenedlegging.

7 7/8 Kommunens frist var nesten to månader, og det kom inn åtte høyringsfråsegner. Blant dei var fylkeskommunen som har uttalt seg om endring i skysskostnadar som følgje av endra skulestruktur. I samband med høyringa til budsjettet for 2015 kom det også inn fleire fråsegner som gjaldt nedlegging av dei to skulane. Kommunen arrangerte også tre opne møte om skulestruktursaka. Kommunen har i vedtaket om mellombels flytting av elevar frå Nesse og Fjordtun oppvekstsenter oppsummert og gått gjennom det som er komme fram i høyringsfråsegnene. Det går fram av kommunens saksbehandling at det grunna den økonomiske situasjonen berre er eitt alternativ som er vurdert, nemleg nedlegging av Fjordtun og Nessane skule. Reglane for skyss er gjort greie for i saksførebuinga, og det er skissert kva konsekvensar ei nedlegging av skulane vil ha for skyssbehovet. Kommunen har vurdert dei økonomiske konsekvensane av ei flytting, under dette innsparingane ved nedleggingane og auka utgifter til skyss, og at det i liten grad vil bli auka kostnadar ved Sagatun skule grunna låge elevtal. Det blir vist til at fylkeskommunen har gjort kommunen merksam på at kommunens eigendel til skuleskyss vil bli høgare ved overflytting av elevar fordi fleire av elevane vil få ein lengre skuleveg. Slik Fylkesmannen forstår det vil kommunen tilpasse SFO-tilbodet med skuleskyssen. Vi vil i denne samanhengen gjere merksam på at retten til skuleskyss er knytt til skulens start- og sluttider. I og med at SFO er eit frivillig tilbod, må kommunen også ta omsyn til dette ved tilrettelegging av framtidig skyssordning og berekning av kostnadar. Uavhengig av den endelege størrelsen på kommunens kostnader til skuleskyss, har kommunen synleggjort ei vurdering av økonomiske konsekvensar i saka. Samla sett vurderer Fylkesmannen det slik at kommunen har klargjort tilstrekkeleg kva konsekvensar nedleggingane vil ha for skuleskyssen. Vi legg til grunn at det blir arbeidd med å få ei kortast mogleg skyssordning for elevane. Vi vurderer det samla sett slik at kommunen hadde rimeleg kjennskap til synspunkta til dei som vert råka av nedleggingane før vedtaket vart gjort, og at kommunen har klargjort saka tilstrekkeleg før det vart fatta vedtak. Om barnets beste er vurdert: Omsynet til barnets beste skal vegast mot andre sentrale samfunnsomsyn. Økonomiske, politiske og samfunnsmessige prioriteringar vil vere nokre relevante omsyn i sak om skulenedlegging. Kommunen har i denne saka vurdert elevane sin rett til eit godt psykososialt miljø, og viser til at personalet ved Sagatun skule har erfaring med å ta imot nye elevar både ved oppstart av nytt skuleår og undervegs i skuleåret. Kommunen har tillit til at pedagogisk personale på skulane gjennomfører endringa innanfor dei rammer som opplæringslova set. Kommunen tek også sikte på å styrke rektorrolla og få ei betre oppfølging av det pedagogiske personalet gjennom strukturendringa. Kommunen har gått gjennom endringar i skyssen og legg opp til ein så skånsam og kort skuleskyss som mogleg, med særleg omsyn til dei yngste elevane. Kommunen har vurdert kva konsekvensar ei flytting av elevane frå Nessane og Fjordtun til Sagatun skule vil ha, både for skyssen, det pedagogiske og det psykososiale miljøet. Kommunen vurderer at omsynet til den samla elevmassen veg tungt, og meiner ressursane må fordelast på ein rettferdig måte.

8 8/8 Fylkesmannen vurderer det slik at kommunen med dette i tilstrekkeleg grad har synleggjort ei vurdering av barnets beste i tråd med barnekonvensjonen artikkel 3 opp mot relevante samfunnsomsyn. Samla vurdering av om avgjerda er komme til på lovleg måte: Slik Fylkesmannen vurderer det har kommunestyret hatt rimeleg kjennskap til dei ulike synspunkta som er sett fram i prosessen slik at saka var forsvarleg klarlagt før vedtak vart gjort. Omsynet til barnets beste er tilstrekkeleg vurdert opp mot andre sentrale omsyn. Dei ulovfesta krava til forsvarleg saksbehandling er oppfylt i saka. Fylkesmannen skal ikkje ta stilling til om nedleggingane er føremålstenlege eller ikkje. Vedtak Balestrand kommune sitt vedtak av i sak 15/207 er lovleg: «For ei treårsperiode, frå og med skuleåret 2015/2016 vert elevane frå Fjortun- og Nesse skular overført til Sagatun skule. Etter ei slik periode kan ein på nytt vurdere kvar elevane frå Fjordtun og Nesse krins skal gå på skule». Vi ber om at kommunen informerer dei som har kravd lovlegkontroll, om vedtaket. Med helsing Gunnar O. Hæreid ass. fylkesmann Anne Kristin Eitungjerde juridisk sjef Brevet er godkjent elektronisk og har derfor ikkje underskrift.