MØTEINNKALLING SAKLISTE. Sak nr. Arkivsak nr. Tittel 32/11 09/1162 REGULERINGSPLAN FOR UTSIKTEN PÅ GAULARFJELLET - VEDTAK

Transkript

1 MØTEINNKALLING Utval: FORMANNSKAPET Møtestad: Rådhuset Møtedato: Tid: etter arb.m.utv. Varamedlemmer møter berre etter nærare innkalling SAKLISTE Sak nr. Arkivsak nr. Tittel 32/11 09/1162 REGULERINGSPLAN FOR UTSIKTEN PÅ GAULARFJELLET - VEDTAK 33/11 11/380 REGULERINGSPLAN - HITTUNSFJØRA FRIOMRÅDE 34/11 11/404 SØKNAD OM DISPONERING OG LØYVE I SAMBAND MED UTBYGGING AV SKREDOVERBYGG PÅ FV 152 VETLEFJORDEN - MENES 35/11 11/557 SØKNAD OM DISPENSASJON REGULERINGSPLAN FJÆRESTAD 36/11 11/625 Unntatt offentlig Ofl 13, fvl 13 KLAGE PÅ AVSLAG PÅ SØKNAD OM STARTLÅN YMSE Balestrand Einar Målsnes Ordførar

2 Sak 32/11 MØTEBOK Sak nr.: Utval Møtedato 17/11 Formannskapet /11 Formannskapet Sakshandsamar: Arne Abrahamsen Arkivsaknr.: 09/1162 Arkiv: L12 REGULERINGSPLAN FOR UTSIKTEN PÅ GAULARFJELLET - VEDTAK Vedlegg Reguleringsplan for Fv 13 Utsikten på Gaularfjellet, høyringsutkast Uttaler frå NVE, region vest, Statens vegvesen, Sogn og Fjordane fylkeskommune, kulturavdelinga, Sogn og Fjordane fylkeskommune, plan- og samfunnsavdelinga Fylkesmannen, miljøvernavdelinga og beredskapseininga, Naturvernforbundet i Sogn og Fjordane, Per Nordø, Norske landskapsarkitekters foreining, Referat frå samordningsmøte, Bakgrunn: Oppstartvarsel Brev frå Balestrand kommune, Møtebok formannskap sak 17/11, Brev til høyringsinstansar, Lovheimel: Plan og bygningsloven SAKSOPPLYSNINGAR Spørsmål om plankrav for utbygging av rasteplassen på Utsikten på Gaularfjellet vart drøfta av formannskapet i møte Balestrand kommune gav som følgje av dette følgjande tilbakemelding: Balestrand kommune er positive til at det vert utarbeidd slik reguleringsplan for å avklare rammene for opprusting av Utsikten. Ein er vidare positive til at presentert forprosjektet til Code Arkitektur vert lagt til grunn for planarbeidet. Ein ser det også positivt ut i frå at planarbeidet vil sikre ein prosess for informasjon og medverknad, avklare av forhold til grunneigarar i området og gje rammer for konkret byggesakshandsaming. Ein ser det vidare som naturleg at: Det vert gjennomført detaljregulering ( 12-3)

3 Sak 32/11 Føremålet vert ikkje endra ut i frå dagens bruk. Planen vert utarbeidd av andre enn kommunen sjølv. Planprogram er ikkje naudsynt ( 4-1) Føremålet vert ikkje endra ut i frå dagens bruk, og tiltaket vil ikkje føre til vesentlege verknader for miljø og samfunn. Planbeskriving og konsekvensvurdering Det er ikkje naudsynt med eiga konsekvensvurdering, men det skal gjerast eiga vurdering av tilhøve til landskap i planbeskrivinga. Enkel ROS ( 4-3) Enkel risiko og sårbarhetsanalyse kan utarbeidast. Bør omhandle rasproblematikk og trafikksituasjonen. Statens vegvesen sette etter dette formelt i gang arbeidet med reguleringsplan for området gjennom ved kunngjering og brev om oppstarvarsel Varsel om motsegn frå Fylkesmannen si miljøvernavdeling, førte til at det vart gjennomført eit samordningsmøte mellom Statens vegvesen, Fylkesmannen si miljøvernavdeling og Balestrand kommune (vedlegg). Det vart då gjort naudsynte avklaringar og konkludert med vidareføring av planarbeidet. Planarbeidet har etter dette teke noko lengre tid enn føresett, i hovudsak på grunn av interne kapasitetsproblem i Statens vegvesen. Balestrand kommune handsama planforslaget i formannskapsmøte , sak 17/11, og gjorde følgjande vedtak: Vedtak Balestrand kommune legg med heimel i Plan og bygningslova ut Reguleringsplan for Fv 13 Utsikten på Gaularfjellet til offentleg ettersyn og sender planen til høyring til planstyremakter og grunneigarar/naboar. Planen vert lagt til offentleg ettersyn på Balestrand rådhus, Balestrand folkebibliotek, Fjordtun oppvekstsenter og på Balestrand kommune si heimeside i tidsrommet til Samrøystes. Planen vart etter dette sendt ut til høyring og lagt ut til offentleg ettersyn fram til Fylkesmannen si miljøvernavdeling og Sogn og Fjordane fylkeskommune fekk utsett frist til å komme med uttale fram til med bakgrunn i redusert kapasitet i samband med ferieavvikling. I høyringsperioden er det kome inn 8 uttaler. Det vert vist til vedlagde uttaler og planforslag. I denne saka vert planen lagt fram for godkjenning. Det er kommunestyret som gjer endeleg vedtak i saka. VURDERING Kort oppsummering og vurdering av merknader. Det vert i dette vist direkte til dei vedlagde uttalene:

4 Sak 32/11 NVE, region vest Ber kommunen markere skredutsette områder som omsynssoner i plankartet i samsvar med ROS-analysen. Det vert innarbeidd i plankartet med heimel i Plan og bygningslova Statens vegvesen Påpeiker situasjonen med parkering på begge sider av vegen, samt at skiltplan og sikring av sjølve anlegget mot påkøyring må bli teke med i vidare byggeplanlegging. Av dette finn ein det naturleg at det vert teke inn ei føresegn som ivaretek krav til sikring av anlegget mot påkjøring og utforming av denne. Sogn og Fjordane fylkeskommune, kulturavdelinga Har ikkje kjennskap til kulturminne i området. Har ikkje avgjerande merknader til planen. Ingen særskilde moment. Fylkesmannen i Sogn og Fjordane, miljøvernavdelinga og beredskapeininga Meiner konsekvensar for landskap ikkje er godt nok synleggjort i planomtalen. Har difor også nytta fotomontasjar i forprosjektet som grunnlag for sin uttale. Vil klart rå i frå den valde løysinga, med ein stor trekanta betongkonstruksjon, som etter deira syn vil bli eit stort og dominerande anlegg i dette opne og karakteristiske fjellandskapet. Ber alternativt om reglar om dempa farge på anlegget. Vurderer at tiltaket ikkje har innverknader på verneområde, verna vassdrag eller andre naturfaglege verdiar. Har ikkje avgjerande merknader til planen ut i frå beredskapsomsyn. Ved oppstart av planen var det ikkje stilt krav til eiga konsekvensutgreiing, men at det skulle gjerast ei eiga vurdering av tilhøve til landskap i planbeskrivinga. Ein er ikkje samd i at dette er ein vesentleg mangel, men ser at sjølvsagt at dette kunne vore meir omfattande i planbeskrivinga, t.d. ved at større delar av forprosjektrapporten, som har mange gode illustrasjonar, vart teke inn. Samstundes er forprosjektrapporten som fylkesmannen viser til utgangspunkt for reguleringsplanen. Denne er allment kjent, og også nytta som grunnlag for deira uttale. Samla sett finn ein difor at både kommune og høyringsinstansar har kunne sette seg godt inn i korleis anlegget vil framstå i landskapet. Fylkesmannen si miljøvernavdeling signaliserte også ved starten av reguleringsplanen standpunktet om at ein burde velje ein meir naturtilpassa utbygging av området, og at ein ikkje burde opne for eit utrykk som reguleringsplanen legg opp til. Det var som nemnt i tidlegare på bakgrunn av dette helde eit møte mellom kommune, Statens vegvesen og

5 Sak 32/11 Fylkesmannen si miljøvernavdeling Fylkesmannen nedtona då dette synspunktet, og ein vart samde om at planprosessen kunne gå vidare med det utgangspunktet planutkastet har i dag. Balestrand kommune har gjennom tidlegare sakshandsaming og gjennom vedtak om å legge ut planen på høyring vore positiv til å tillate ei utbygging som vist i planen. Synspunktet frå Fylkesmannen, miljøvernavdeling var kjent då planen var lagt ut og er slikt sett ikkje eit nytt moment. Ved planlegging av eit slikt tiltak som reguleringsplanen opnar for på Utsikten er det ikkje uventa at det er ulike oppfatningar, - noko uttalene til planen også viser. Administrasjonen vurderer framleis at tiltaket ikkje vil ha vesentlege negative verknader for landskapet. Dette betyr ikkje at eit anlegg ikkje vil vere synleg og påverke omgjevnadene. Ein finn likevel at anlegget er relativt lite og i liten grad vil påverke landskapet på avstand, dvs. i det store landskapsbiletet. Dette også om anlegget får ein relativt lys farge. Ein annan del av ei slik vurdering er korleis anlegget framstår på nærare hald i høve omgjevnadene eit mindre landskapsbilete. Her er moment er formspråk, farge og materialbruk viktige. Administrasjonen vurderer her at tiltaket vil ligge nær riksvegen som i seg sjølv er eit teknisk inngrep, og at ein her må kunne akseptere eit formspråk som ikkje berre underordnar seg omgjevnadene og vert «kamuflert» inn i landskapet. Ein finn tvert i mot arkitektur og funksjonalitet i anlegget til å vere spennande i høve til området dette er plassert i og ein er rimeleg sikker på at dette anlegget vil gje dei reisande ei spesiell og spektakulær oppleving av den naturen og det landskapet det er plassert i. Ein vil på bakgrunn av dette ikkje tilrå endring i planen på dette punktet. Sogn og Fjordane fylkeskommune, plan og samfunnsavdelinga Påpeiker at omriss av planlagt bygg/anlegg på plankartet må visast i teiknforklaringa. Meiner tiltaket er som planen opnar for heilt klårt vil styrke «Utsikten». Meiner bygget ut i frå tiltenkt funksjon har ei god utforming tilpassa situasjonen, og ei utforming som vil gje «Utsikten» ein styrka identitet. Teiknforklaring vert retta opp. Er samd i konklusjonen frå plan og samfunnsavdelinga i Fylkeskommunen med omsyn på å tillate eit anlegg som reguleringsplanen opnar for. Det vert vist til vurderinga av uttalen til Fylkesmannen, miljøvernavdelinga. Naturvernforbundet i Sogn og Fjordane Tilrår at kommunen ikkje tillater eit anlegg vil framstå som ein konkurrent til naturen og ikkje ein medspelar. Naturvernforbundet meiner at bygget vert eit framandelement som også vert for stort og vil stå i vegen for landskapet. Dei meiner også at bygget ikkje er i samsvar med Geoturisme charteret og overordna visjon for Nasjonale turistvegar. Det vert vist til vurderinga av uttalen til Fylkesmannen, miljøvernavdelinga.

6 Sak 32/11 Per Nordø Har ein klår meining om at kommunen ikkje må det planlagde anlegget og med dette ikkje vedta reguleringsplanen slik den ligg føre. Bruker i hovudsak same argumentasjon som Naturvernforbundet og Fylkesmannen si miljøvernavdeling Det vert vist til vurderinga av uttalen til Fylkesmannen, miljøvernavdelinga. Norske landskapsarkitekters foreining Er positiv til reguleringsplanen og tiltaket planen opnar for. Meiner dette er ein punktarkitektur som framhever landskapet og at anlegget vil bli eit av dei mest spennande og kjende langs norske turistvegar. Meiner at anna veggrunn grøntareal er for lite presis avgrensing med omsyn på riggområde m.v og at «skånsomt» er for upresist omgrep i høve til oppynting etter terrenginngrep. Ein er samd i vurderinga av å tillate planen. Det vert elles vist til vurderinga av uttalen til Fylkesmannen, miljøvernavdelinga. Ein finn reglane i planen tilstrekkelege med omsyn på riggområde m.m. då dette er midlertidige anlegg som vert avklart i samband med byggesak. Ein finn også at «skånsom» er tilstrekkeleg formulering i plansamanheng då også terrenginngrep vil vere del av konkret byggesak/byggeløyve. Samla sett vil ein på bakgrunn av dette tilrå at reguleringsplanen vert godkjent med nokre mindre endringar. Rådmannen si tilråding: Balestrand kommune gjer med heimel i Plan og bygningsloven vedtak om godkjenning av Reguleringsplan for Fv 13 Utsikten på Gaularfjellet, i samsvar med høyringsutkast med følgjande tillegg/endring: Plankart. Skredutsette områder vert markert som omsynssoner i plankartet i samsvar med ROS-analysen. (Pbl 12-6) Plankart Omriss av bygg/anlegg vert teke inn i teiknforklaringa. Føresegn (nytt punkt) - Sikring av anlegget mot påkøyring (Pbl 12-7 pkt 1 og 4) Det er eit vilkår at anlegget vert sikra mot påkøyring. Utforming og løysing av dette skal ivareta tryggleiken for dei kjørande og vere tilpassa utforming av anlegget.

7 Sak 33/11 MØTEBOK Sak nr.: Utval Møtedato 26/11 Formannskapet /11 Formannskapet Sakshandsamar: Arne Abrahamsen Arkivsaknr.: 11/380 Arkiv: L12 REGULERINGSPLAN - HITTUNSFJØRA FRIOMRÅDE Vedlegg: Utkast til Reguleringsplan for Hittunsfjøra, Med uttaler frå: Sogn og Fjordane Fylkeskommune, kulturavdelinga Fylkesmannen, miljøvernavdelinga, Marta Kvikne, Oscar Carrasco, Atle Ytrefjord, Sigrunn Ytrefjord, Brev om tinging av kulturminneregistrering, Bakgrunn: Formannskapssak 26/11, Med uttaler til oppstartvarsel frå: Sogn og Fjordane Fylkeskommune, kulturavdelinga Fylkesmannen, miljøvernavdelinga, Marta Kvikne, Oscar Carrasco, Atle Ytrefjord, Sigrunn Ytrefjord, Kunngjering av oppstart av planarbeid, Oppstartvarsel med tilhøyrande dokument, Forprosjekt for Hittunsfjøra friområde, Reguleringsplan for Bala og Hittunsfjøra, Kommuneplan, arealdelen, Lovheimel: Plan og bygningslova SAKSOPPLYSNINGAR Bakgrunnen for å utarbeide ny reguleringsplan er eit ynskje om å opne for ei noko meir omfattande tilrettelegging av sjøområdet enn gjeldande reguleringsplan opnar for. Konkret er det planar om bygging av molo med badelagune og tilrettelegging for småbåtplassar. Det er inngått ein intensjonsavtale med grunneigar og gjennomført grunnundersøkingar av sjøbotnen i området. Planstatus for reguleringsområdet er i all hovudsak friområde i Reguleringsplan for Bala og Hittunsfjøra, , samt i gjeldande kommuneplan. For sjøområdet lengst frå land, ca.

8 Sak 33/11 15 meter inn frå austleg plangrense er planstatus Område for friluftsliv i sjø og vassdrag i gjeldande kommuneplan, arealdelen, I gjeldande kommuneplan er det sett krav om reguleringsplan for alle nye tiltak i strandsone i sentrumsområdet (s 15); Plankrav i sentrumsområdet Det er krav om reguleringsplan (detaljregulering) for alle nye tiltak i strandsone i sentrumsområdet slik det er merkt på plankartet. For alle byggeområde i sentrum kan det føresett at området inngår i reguleringsplan etablerast murar, kaier og mindre moloar for å få ein god terrengmessig avslutning mot sjø, samt sikre tilkomst til sjø og at det vert teke omsyn til eksisterande kulturmiljø og kulturminne i sjø. I gjeldande kommuneplan er vidare følgjande avsnitt teke inn i retningslinene til tilgrensande bustadområde (s. 20): Området skal sjåast i samanheng med friområde på nedsida av Kong Beles veg der det kan bli lagt opp til leike- og opphaldsareal. Friområde nedom vegen skal sjåast i samanheng med bustadområdet og skal kunne tilretteleggast som friområde i kombinasjon med småbåtanlegg m/molo. Reguleringsplan skal vise detaljert utforming Balestrand kommune varsla oppstart av arbeid med reguleringsplan for Hittunsfjøra i brev , samt kunngjering i Sogn Avis. Planforslag er utarbeidd av Nordplan AS. Som bakgrunn for planforslaget er utarbeidd eit forprosjekt/skisseprosjekt av Nordplan AS for korleis området kan utbyggast. Det er her nytta landskapsarkitekt kompetanse med målsetjing om å kombinere og optimalisere funksjonell og estetisk utforming. Det er i tillegg utarbeidd ei ROS-analyse som følgje av krav i plan og bygningslova 4-3. Det vert vist til vedlagte dokument. Formannskapet handsama sak om utlegging av planforslag til offentleg ettersyn/utsending på høyring i sak 26/11 i møte , og gjorde følgjande vedtak: Balestrand kommune gjer med heimel i Plan og bygningslova vedtak om å sende til høyring/legge ut til offentleg ettersyn Reguleringsplan for Hittunsfjøra, I løpet av høyringsprosessen skal kulturminneregistreringar bli gjennomført i tråd med krav frå Sogn og Fjordane fylkeskommune, kulturavdelinga. Planen skal vere på høyring/ligge ute til offentleg ettersyn i tidsrommet Planutkast og tilhøyrande dokumentasjon skal ligge til offentleg ettersyn på Balestrand rådhus, Balestrand folkebibliotek og kommunen si heimeside. Planutkast og tilhøyrande dokumentasjon skal sendast på høyring til aktuelle planstyremakter, grunneigar og naboar. Samrøystes. Planen vart etter dette sendt ut til høyring og lagt ut til offentleg ettersyn fram til I høyringsperioden er kulturminneregistrering gjennomført og det er kome det kome inn 2 uttaler. Det vert vist til vedlagde uttaler og planforslag. I denne saka vert planen lagt fram for godkjenning. Det er kommunestyret som gjer endeleg vedtak i saka.

9 Sak 33/11 VURDERING Kort oppsummering og vurdering av merknader. Det vert i dette vist direkte til dei vedlagde uttalene: Sogn og Fjordane fylkeskommune, kulturavdelinga Har gjennomført kulturminneregistrering, og det er ikkje gjort funn i området. Har ikkje kome med andre merknader. Ingen særskilde moment. Fylkesmannen i Sogn og Fjordane, miljøvernavdelinga og beredskapseininga Har ingen vesentlege merknader til planen. Ingen særskilde moment. Marta Kvikne, Oscar Alberto Romo Carrasco, Sigrunn Ytrefjord, Atle Ytrefjord Meiner planlagt utnytting med molo og badelagune vil ver framandelement i høve den historiske bruken og den landskapsmessige utsjånaden. Har følgjande konkrete merknader: Byggegrenser (føresegn pkt. 3.4) Ynskjer presisering at Plan og bygningslova gjeld. Følgjer Plan- og bygningsloven der dei ikkje er vist byggegrenser på plankart. Ingen endring. Skråningsutslag/fylling i sjø (føresegn pkt. 3.6 og 3.7) Er i mot forlenging av molo mot nord. Presisering av setning «For avslutning mot naboeigedom skal fylling planleggast i samråd med naboeigedom» Det er opna for molo/flytebrygger heilt mot nord i område Småbåtanlegg i sjø og vassdrag med tilhøyrande strandline (SAL). Viktig for potensiell utnytting av området. Ingen endring. Setninga som er trekt fram er teke inn med tanke på strandline og ev fylling/ muring i samband med naustområdet for å få ein best mogeleg tilpassa avslutning mot tillaga mur på naboeigedom. Ingen endring. Badeplass (føresegn pkt. 6) Ynskjer ikkje at grillplass vert tillate. Ynskjer at svartor mot sør vert teken vare på. Grillplass er ein naturleg del av eit friområde, som vil samle denne aktiviteten til eit tilrettelagt område. Ingen endring. Svartora mot sør er planlagt å ta vare på framover, jf vedlagt illutrasjonsplan (retningsgjevande). Ingen endring. Småbåtanlegg i sjø og vassdrag med tilhøyrande strandline (føresegn pkt. 7.1)

10 Sak 33/11 Meiner det bør reglar om støysvak utforming av småbåtanlegget og fortøying og vere krav om oppsamlingssystem for avrenning frå båtane ved slipp. Finn det fornuftig at det vet utforming av småbåtanlegg vert vald støysvake løysingar, men slik at dette ikkje reduserer småbåthamna sin soliditet og sikkerheit. Meiner dette bør vere ei retningsline for vidare sakshandsaming. Slippen er i utgangspunktet tenkt å vere ein enkel utkjøringsrampe. Er på samd i at det bør lagast oppsamlingssystem for avrenning frå båtane dersom det vert lagt til rette for vask og vedlikehald av båtar. Ferdsle.. (føresegn pkt. 7.5) Meiner det bør vere fartsgrense i sjøområdet kring anlegget. Vert ikkje regulert av plan og bygningslova. Bør i så fall vurderast for eit større område enn for sjøområdet i reguleringsplanen. Skjerming mot naboar Meiner det bør vere lagt opp til skjerming mot naboar. Er ikkje lagt inn i reguleringsplanen, men kan etablerast i dei planområda som er avsett i planen om ein ynskjer det. Ingen endring. For område ferdsle (føresegn 7.5) er det lagt opp til at det ikkje er tillatt med ankring og andre faste anlegg. Dersom det vert lagt til rette med flyteelement i staden for molo i område Småbåtanlegg i sjø og vassdrag med tilhøyrande strandline (SAL) skal ikkje dette hindre båtar å legge til på utsida av slik flytekai. Dette bør presiserast i denne føresegna. Ut i frå høyringsrunde og innkome merknader finn ein ut i frå ei samla sett finn ein å kunne tilrå at reguleringsplanen vert vedteken. Rådmannen si tilråding: Balestrand kommune gjer med heimel i Plan og bygningsloven vedtak om godkjenning av Reguleringsplan for Hittunsfjøra, i samsvar med høyringsutkast med følgjande tillegg/endring: Føresegn Tillegg til pkt. 7.1 Småbåtanlegg i sjø og vassdrag med tilhøyrande anlegg (SAL). Dersom det vert lagt opp til vask av vedlikehald av båtar i samband med slipp, skal det lagast oppsamlingssystem for avrenning frå båtane. Føresegn Tillegg til pkt. 7.5 Ferdsle (o_fe) Dersom molo vert erstatta av flytebrygge i område SAL skal det vere høve til å legg båtar inntil denne i område o_fe. Retningsline Tillegg til pkt Småbåthamn Ved utforming av flyteelement m.m i småbåthamna, skal det søkjast å etablere støysvake løysingar.

11 Sak 34/11 MØTEBOK Sak nr.: Utval Møtedato 18/11 Formannskapet /11 Formannskapet Sakshandsamar: Arne Abrahamsen Arkivsaknr.: 11/404 Arkiv: X53 SØKNAD OM DISPONERING OG LØYVE I SAMBAND MED UTBYGGING AV SKREDOVERBYGG PÅ FV 152 VETLEFJORDEN - MENES Vedlegg: Søknad frå Statens vegvesen, Uttale frå- NVE, region vest, Sogn og Fjordane fylkeskommune, kulturavdelinga, Fylkesmannen, landbruksavdelinga Fylkesmannen, miljøvernavdelinga og beredskapseininga, Bakgrunn: Formannskapssak 18/11, Kommuneplan, arealdelen, Lovheimel: Plan og bygningslova 19-1 SAKSOPPLYSNINGAR Statens vegvesen søker om løyve/dispensasjon til å kunne gjennomføre rassikringstiltak for Algøya på Fv 152 Ulvastad-Menes. I denne saka vert det avgjort om saka kan handsamast som dispensasjon til gjeldande kommuneplan, arealdelen eller om kommunen eventuelt skal krevje reguleringsplan. Det vert vist til vedlagde dokument i saka om skildrar tiltaket. Saka vart handsama i formannskapet i sak 18/11 den og det var gjort følgjande vedtak: Søknad om dispensasjon til bygging av rassikringstiltak for Algøya på Fv 152 Ulvastad-Menes vert handsama vidare som dispensasjonssak frå kommuneplan, arealdelen etter Plan og bygningslova Samrøystes Saka vart etter dette til høyring med frist for uttale I høyringsperioden er det kome inn 4 uttaler. Det vert vist til vedlagde uttaler og planforslag.

12 Sak 34/11 I denne saka vert søknaden lagt fram for endeleg godkjenning. Det er formannskapet som gjer endeleg vedtak i saka VURDERING Området har følgjande arealplanstatus, og det er så langt gjort følgjande vurderingar av andre interesser/fagområde: Planstatus Området er LNF-område i arealdelen til kommuneplanen. Kommuneplanen vart vedteken Potensielle interesser i området I samband med arbeidet med kommuneplanen vart det gjort ei rad av tematiske utgreiingar. ar av potensielle interesser i området bygger i stor grad på desse utgreiingane: Kulturminne: Det er ingen kjende kulturminne i området, jf. også Sogn og Fjordane fylkeskommune, kulturavdelinga sin uttale (vedlegg). Ingen interessekonflikt Kjelde: Temakart for Freda kulturminne i Balestrand kommune, Basert på registreringar frå Askeladden database for kulturminne til riksantikvaren. Biologisk mangfald, vilt Det er ingen kjende kjente biologiske lokaltitetar/naturtypar med verneverdi eller raudlisteartar som er registrert/kartlagt i området. Området er del av hjortevald og naturleg beite og opphaldsområde for hjortevilt. Elva er ikkje fiskeførande. Ingen interessekonflikt. Kjelde: Naturbasen på internett ( Biologisk mangfald i Balestrand kommune, miljøfaglig Utredning, rapport 2003 EDNA-registeret, Fylkesmannen i Sogn og Fjordane Friluftsliv Det er ikkje registrert som viktig friluftsområde. Der er etter lokal kjennskap heller ikkje nytta i nokon grad til føremålet. Kjelde: av LNF-områda i Balestrand kommune, FRIDA-registeret, Fylkesmannen i Sogn og Fjordane Kommunedelplan for idrett og friluftsliv og fysisk aktivitet, Landbruk Er eit bratt og i hovudsak uproduktivt/raspåvirka skogareal,, jf. også Fylkesmannen, landbruksavdelinga sin uttale (vedlegg). Ingen interessekonflikt. Kjelde: av LNF-områda i Balestrand kommune, Landskap Ikkje vurdert som viktig kulturlandskapsområde eller som viktig landskapsrom. Ingen interessekonflikt. Kjelde: av LNF-områda i Balestrand kommune, Strandsoneanalyse, ROS Området er registrert som rasfarleg i ROS-analysen knytt til arealdelen av kommuneplanen: FV 252 Ulvastad - Menes FV 252 Ulvastad Menes har stor hyppighet av ras med potensiale for kritisk og katastrofale hendingar. Då vegen har liten trafikk er sannsynlegheit for kritisk/katstrofal hending mindre.

13 Sak 34/11 Potensielle førebygningstiltak må skje i tilknyting til rasløpa. Det er ingen annan potensiell arealbruk eller interesser som er til hinder for dette. Det vil difor vere kurrant å handsame konkrete søknader om tiltak anten direkte eller gjennom eigen reguleringsplan. Tiltak knytt til denne vegstrekninga synast aktuelle. Vegar Vegane må i hovudsak sikrast der dei ligg med tunnelar, sikringsnett, rasoverbygg. Statens vegvesen har som nemnt ansvar for planlegging og gjennomføring av rassikringstiltak Frå kommunen si side er det ynskjeleg med sikring av så mange raspunkt knytt til veg som mogeleg med slike tiltak. Det er ei klår og sterk samfunsmessig interesse i å få sikra dette rasfarlege punktet på Fv 152. Kjelde: Risiko og sårbarhetsanalyse knytt til arealdelen, NGI sine aktsemdskart for stein og snøskred og for steinsprang. Andre interesser Det er ikkje registrert, og ein kan ikkje sjå, andre interesser i området som skulle vere i konflikt med omsøkt utnytting. Ingen interessekonflikt Ingen av uttalene har vesentleg merknad til saka. Fylkesmannen si miljøvernavdeling ber kommunen vurdere grunnlaget for å gje dispensasjon og ber om at vedtake vert grunngjeve. Av vedlagde planteikningar går det fram at tiltaket vert gjennomført på ein god måte i terrenget, og at store delar av tiltaket vil framstå som ein naturleg del av LNF-området etter ferdigstilling. Samla vurdering Vegstrekninga vert flytta inn og overbygd over ei strekning på ca 70 meter. Terrenget vil bli tilbakeført over kulverten, og dette vi bli i om lag same nivå som noverande terreng. Med andre ord vil mest alt terreng som i dag ligg utom vegområdet (LNF-område), på same måte framstå som ein naturleg del av LNF-området også etter ferdigstilling av anlegget. Av vedlagde planteikningar går det fram at tiltaket vert gjennomført på ein god måte i terrenget. Ut i frå at tiltaket er avgrensa, og også at det ikkje berører nokre kjente interesser eller nokon faginstans/interessentar har innvendingar mot tiltaket, vurderer ein at tiltaket ligg innanfor ramma til Plan og bygningslova for å gje dispensasjon til tiltaket frå kommuneplanen arealdelen. Rassikringstiltaket av Algøya på Fv 152 Ulvastad-Menes framstår vidare som eit samfunnsmessig positivt og viktig tiltak med svært små konsekvensar for kringliggjande miljø og andre interesser. Ein vil difor tilrå at dispensasjon til tiltaket vert gjeve. Rådmannen si tilråding: Balestrand kommune gjev Statens vegvesen dispensasjon med heimel i Plan og bygningslova 19-2 frå gjeldande kommuneplan, arealdelen til å gjennomføre rassikringstiltak i

14 Sak 34/11 Algøya på Fv 152 Ulvastad-Menes i samsvar med søknad og vedlagde planteikningar, Med heimel i Plan og bygningslova 19-2 vert det vert sett følgjande vilkår for vedtaket: Ved ferdigstilling av anlegget skal terrenget kring vegen til stellast på ein tiltalande måte og elles tilbakeførast mest mogeleg opphaveleg form. Vedtaket vert grunngjeve med Rassikringstiltaket av Algøya på Fv 152 Ulvastad-Menes framstår vidare som eit samfunnsmessig positivt og viktig tiltak med svært små konsekvensar for kringliggjande miljø og andre interesser. Ut i frå at tiltaket er avgrensa, og også at det ikkje berører nokre kjente interesser eller at nokon faginstans/interessentar har innvendingar mot tiltaket, er det lagt til grunn at tiltaket ligg innanfor ramma til Plan og bygningslova for å gje dispensasjon til tiltaket frå kommuneplanen arealdelen. Det vert ut over dette også vist til vurderingar i saksutgreiing.

15 Sak 35/11 MØTEBOK Sak nr.: Utval Møtedato 35/11 Formannskapet Sakshandsamar: Åge Skrede Arkiv: GBNR 10/324 Arkivsaknr.: 11/557 SØKNAD OM DISPENSASJON REGULERINGSPLAN FJÆRESTAD Vedlegg: Søknad om rammeløyve Bakgrunn: Reguleringsplan for Fjærestad Boligområde Lovheimel: Plan og bygningslova 19-2 SAKSOPPLYSNINGAR I samband med søknad om rammeøyve for oppføring av kjeda einebustader på gnr 10, bnr 324, adresse Fjærestad 3, vert det søkt om dispensasjon frå reguleringsføresegnene sitt krav om saltak. Tiltakshavar ønskjer å bygge hus med flatt tak. VURDERING Søknaden vert grunngjeve med at ein ønskjer å bygge med flatt tak for å ta omsyn til siktforholda til naboane på baksida. Det vert og vist til at nabobygget til Telenor har flatt tak. Når det gjeld høve til å gje dispensasjon bør det ligge føre særskilter grunnar til at det skal gjevast dispensasjon. I dette tilfellet vil ein kunne seie at omsynet til naboar er særskilt grunn, og at ein ut frå dette vil rå til at det vert gjeve dispensasjon Det har vore sendt nabovarsel utan at det er kome inn merknader på søknaden. Det er heller ikkje andre fagstyremakter som treng uttale seg til denne søknaden. Formannskapet kan difor avgjere søknaden med avgjerd i denne saka.. Rådmannen si tilråding: Balestrand kommune gjev Gravdal Hus AS dispensasjon med heimel i 19-2 i Plan og bygningslova frå Reguleringsplan for Fjærestad boligområde til å føre opp kjeda einebustader med flatt tak.

16 Sak 36/11 MØTEBOK Sak nr.: Utval Møtedato 36/11 Formannskapet Sakshandsamar: Vigdis Sæterbø Arkiv: 252 Arkivsaknr.: 11/625 Unntatt offentlig Ofl 13, fvl 13 KLAGE PÅ AVSLAG PÅ SØKNAD OM STARTLÅN