Utval Utvalssak Møtedato Arbeidsmiljøutvalet 20/ Formannskapet 73/ Kommunestyret 36/

Transkript

1 Nissedal kommune Arkiv: Saksmappe: Sakshandsamar: Dato: / Benedikte Vonen Saksframlegg Utval Utvalssak Møtedato Arbeidsmiljøutvalet 20/ Formannskapet 73/ Kommunestyret 36/ N - Kommuneplan - samfunnsdelen - godkjenning Vedlegg: 1 Kommuneplan - samfunnsdelen - framlegg 2 N - Rullering kommuneplan - arealdelen - Referat frå planforum N - Rullering kommuneplan - arealdelen - Høyringsuttale 4 N - Rullering kommuneplan - arealdelen - Svar - Forslag til høyring/offentleg ettersyn samfunnsdel og arealdel 5 N - Rullering kommuneplan - arealdelen - Kommuneplanens arealdel, samfunnsdel og kommunedelplanar - Høyringsuttale 6 Høringsuttalelse - Kommuneplan for Nissedal kommune samfunnsdel og arealdel - offentlig ettersyn 7 Rullering av kommuneplanen - Handsaming av høyringsforslag Fakta i saka: Nissedal kommune sin planstrategi blei vedteken av kommunestyret i sak 1/13. Med bakgrunn i denne blei det utarbeidd eit planprogram, som etter høyringar blei fastsett i kommunestyret i sak 44/13. Det vidare arbeidet knytt til sjølve kommuneplanen byggjer på desse dokumenta. Formannskapet vedtok i sak 116/13 å sende forslaget til kommuneplan samfunnsdel og arealdel ut til høyring/offentleg ettersyn. Denne saka omtalar berre samfunnsdelen. Praktiske årsaker ligg til grunn for å skilje mellom dei to sakene. Det er kome totalt 6 høyringsuttalar til samfunnsdelen. Desse omhandlar følgjande (kommentarar kjem under Vurdering): Referat frå planforum 12. mars

2 Innspel frå folkehelseteamet, som diverre ikkje kunne stille på møtet: Dei ønskjer at kommunen legg ved eit felles definert utfordringsbilde for heile kommunen, med oversikt over bidrag frå dei ulike sektorane for å løyse utfordringane. Vidare ønskjer dei ei grunngiving for valet av dei seks temaområda vi har omtalt i planstrategien, planprogrammet og høyringsutkastet til samfunnsdelen av kommuneplanen, og dei saknar ei prioritert liste over kva vi meiner er viktigast å få løyst. Folkehelseteamet peikar på at aldersgruppa 67+ vil auke kraftig framover, og dei saknar omsyn til dette i kommunen sin bustadpolitikk. Vidare viser dei til at Nissedal i følgje folkehelseprofilen har mange unge uføre. Dei saknar ei drøfting av årsaker og konkrete tiltak for å endre denne situasjonen. Høyringsinnspel frå hytteeigar Finn Øivind Jensen Jensen saknar ein definisjon av innhaldet i det å vere ein "hyttekommune". Han etterspør mål for kva Nissedal kommune ønskjer å gjere for hyttefolk, når dei først har vald å byggje hytter her. Til dømes ønskjer han ei vurdering av kva eigedomsskatt og pliktig påkopling til kommunalt VA-nett betyr for den enkelte hytteeigaren. Vidare ønskjer han at kommunen skal finne eit sett å involvere hytteeigarar i prosessar fram til politiske avgjerder på. Han etterlyser tenester som kommunen ønskjer å tilby hytteeigarar som eiga målgruppe, og ber om auka tilgjenge av kommunalt tilsette også i helger og feriar. Høyringsinnspel frå Telemark fylkeskommune Fylkeskommunen ser positivt på kommunen sitt engasjement når det gjeld kulturminne i planen. Dei ber kommunen vurdere om ikkje kulturminne burde få ein eigen del i planen. Høyringsinnspel frå Statens Vegvesen Vegvesenet meiner kommunen må leggje meir vekt på trafikktryggleik i dei overordna måla sine. Konkret ber dei kommunen leggje inn eit punkt om trafikktryggleik i punkt 2.3. Infrastruktur i planen, i punkt 4.2 Hovudmål for Nissedal kommune og i punkt 4.10 Mål for teknisk drift. Høyringsinnspel frå Fylkesmannen i Telemark Fylkesmannen ber kommunen vurdere om ikkje samfunnstryggleik og beredskap bør takast med i planen. Dei saknar hovudmål for dette arbeidet under ansvarsområdet for sentral leiing, og dei meiner at Handlingsprogrammet for i svært liten grad speglar dei måla som står i planen under teknisk drift og interkommunalt plankontor. Fylkesmannen saknar vidare ei drøfting av verknader for Nissedal kommune av ei eventuell kommunesamanslåing/endring i kommunestrukturen. Fylkesmannen meiner at den samfunnsdelen som er lagt fram, gir gode føringar og samanheng til arealdelen av kommuneplanen. Han kommenterer at det er positivt at det er teke med mål for interkommunalt landbrukskontor. Innan folkehelse held fylkesmannen fram som positivt det systematiske arbeidet som er gjort fram til at Nissedal kommune blei godkjent som "trygt lokalsamfunn" som første kommune i Telemark. Dei meiner vi bør bruke dette saman med paragrafane 4, 5, 6 og 7 i folkehelseloven som utgangspunkt for eit systematisk og målretta folkehelsearbeid i kommunen. Høyringsinnspel frå Råd for funksjonshemma og Eldrerådet Råda har gått saman om ein felles uttale til høyringsutkastet til kommuneplanen sin samfunnsdel. Dei ber om at ei etablering av dagsenter for eldre blir høgt prioritert, gjerne i samarbeid med frivillige lag/organisasjonar og/eller Frivilligsentralen. Dei held fram at ei slik etablering vil vere eit viktig ledd i førebyggjande arbeid knytt til psykisk og fysisk helse

3 Vurdering: Kommentarar og vurderingar knytt til dei enkelte høyringsinnspela: Referat frå planforum 12. mars 2014 Rådmannen meiner at det er eit felles definert utfordringsbilde for heile kommunen som er lagt fram i både planstrategien, planprogrammet og no utkastet til kommuneplan, med dei prioriteringar av område som er forklart i planstrategien. Det er mange måtar eit utfordringsbilde kan leggjast fram på, og rådmannen meiner at det gjennom prosessen har blitt vist til kva prioriteringar som er gjort. For å få ei god oppfølging av planen i gjennomføringsfasen, har det vore praktisk å setje mål for dei ulike tenesteområda i kommunen for å løyse utfordringane. Det vil vere vanskeleg eller umogleg å prioritere mellom behova gjennom å setje mål innan enkelte sektorar opp mot mål for andre sektorar, då alle sektorane må bidra inn i det felles utfordringsbildet og finne si rolle i heilskapen. Folkehelseteamet spør etter bustadpolitikken i høve til mogleg sterk auke i aldersgruppa 67+. Når det gjeld behov for omsorgsbustader, bustader med utvida omsorgstilbod eller institusjonsplassar, meiner rådmannen at den overordna delen av dette ligg under kulepunkt 2 i punkt 4.8 i planen ("Kommunen gir eit dekkjande, fagleg forsvarleg og effektivt tilbod av helseog omsorgstenester med utgangspunkt i lokale behov"). Bu- og næringsutvalet i kommunen vedtok i 2013 å revidere bustadsosial handlingsplan. Rådmannen føreslår å innarbeide dette vedtaket i handlingsprogrammet til kommunen. Når det gjeld behov for nye bustader for denne aldersgruppa som ikkje er ein del av omsorgstenestene i kommunen, er det lagt til rette for bygging av leilegheitsbygg i sentrumsnære område i arealdelen av kommuneplanen. Fleire slike prosjekt er på planleggingsstadiet og kan realiserast dersom behovet er til stades. Folkehelseteamet viser vidare til folkehelseprofilen, som seier at Nissedal har mange unge uføre. Dette området ligg til NAV sin kommunale del, slik at det ligg under det målet som er sett for NAV i høyringsutkastet til samfunnsdelen. Dette er vidare brote ned i handlingsprogrammet. I delmål for planperioden kan vi særleg trekkje fram punktet om tilretteleggingsgarantien. Under enkelttiltak 2014 er det også vist at NAV gjennom interne kurs skal auke kvaliteten på behovsvurderingane og arbeidsevnevurderingane. Rådmannen meiner dermed at dette er teke nok omsyn til i kommuneplan og handlingsprogram. Det er vanskeleg å gå inn på årsaker til at kommunen kjem dårleg ut i statistikk over tal på unge uføre, utan å gå inn i dei enkelte sakene. Konklusjon: Det blir ikkje gjort endringar i planen på bakgrunn av dette høyringsinnspelet. Overordna formuleringar dekkjer dette godt nok slik rådmannen ser det. Rådmannen føreslår å leggje til punkt i handlingsprogrammet om bustadsosial handlingsplan i tråd med vedtak i bu- og næringsutvalet i 2013 (punktet er lagt under helse og habilitering, men gjeld også omsorg): - Under helse og habilitering, delmål for planperioden: Revidere bustadsosial handlingsplan. - Under helse og habilitering, enkelttiltak 2014: Starte arbeidet med revisjon av bustadsosial handlingsplan. Høyringsinnspel frå hytteeigar Finn Øivind Jensen Det er inga direkte kopling mellom eigedomsskatt og tenester ein person får frå kommunen. Eigedomsskatten er ein objektskatt. Det har ein verdi for eigaren at objektet er plassert i eit vel fungerande lokalsamfunn. Kommunikasjon med tilsette i kommunen skjer for både fastbuande og tilreisande i all hovudsak elektronisk eller over telefon. Det er allereie i gang eit arbeid for å finne gode prosessar for dialog med hytteeigarar, i tråd med kulepunkt 3 i enkelttiltak 2014 under næring i - 4 -

4 handlingsprogrammet ("Samarbeide med lokalt næringsliv om lokal hytteinformasjon god dialog med hyttefolk"). Dette punktet ligg dermed allereie i planen. Det som likevel kan vere aktuelt, er å få tydelegare fram i planen at ei satsing på og tilrettelegging for vekst i reiselivsbransjen og næringslivet elles i Nissedal kommune, faktisk er ei satsing på at både hytteturistar og andre skal få eit breiare og betre tenesteutval som gjer det attraktivt å bli i kommunen fleire døgn i året eller permanent. Konklusjon: Rådmannen føreslår å synleggjere nytte for hytteturistar av dei tenestene kommunen leverer gjennom følgjande tillegg i hovudmål 3: Kommunen driv eit aktivt og nyskapande næringsarbeid for eit allsidig og veksande næringsliv, til nytte og glede for fastbuande, hytteturistar og andre Høyringsinnspel frå Telemark fylkeskommune Rådmannen set pris på dei positive kommentarane som er gitt kring satsing på kulturminne. For kommunen er det eit viktig poeng at dette vert omtalt i underpunkt i fleire delar av planen og at det ikkje blir trekt ut som eit eige punkt. Dette for å sikre at det blir ein naturleg del av satsinga innan t.d. næring og kultur, framfor å bli eit område som blir ståande utan kopling til anna verksemd i kommunen. Konklusjon: Det blir ikkje gjort endringar i planen på bakgrunn av dette høyringsinnspelet. Det blei gjort vedtak om å utarbeide ein eigen kulturminneplan i planstrategien. Fleire av punkta under næring og kultur ligg som grunnlag for dette, og det svarar på innspelet frå Telemark fylkeskommune i høve til å sjå heilskapleg på kulturminne. Vi legg dette inn i handlingsprogrammet under kultur: - Under delmål for planperioden, kulturvern og samlingar, nytt kulepunkt 2: Utarbeide kulturminneplan for Nissedal kommune - Under enkelttiltak 2014, nytt kulepunkt 5: Starte arbeidet med å utvikle kulturminneplan Høyringsinnspel frå Statens vegvesen Rådmannen kan vere einig i at prinsippa om eit trygt lokalsamfunn med fordel kan kome enda klarare fram i kommuneplanen sin samfunnsdel, og vel difor å føreslå å leggje inn eigne punkt om dette fleire stader i planen for å vise at det å vere eit trygt lokalsamfunn er viktig for oss. Statens vegvesen har spesielt uttalt seg når det gjeld trafikktryggleik og kome med konkrete ønske om kor dette bør leggjast inn. Det aller meste av vegnettet i Nissedal kommune er statleg og fylkeskommunalt; vi har 24 km kommunale vegar. På det statlege og fylkeskommunale vegnettet er det ikkje Nissedal kommune som har ansvaret for trafikktryggleiken, men vi samarbeider med Statens vegvesen der vi har felles interesser. Konklusjon: Rådmannen føreslår desse endringane: - Det blir føreslege innarbeidd eit nytt avsnitt om trafikktryggleik i punkt 2.3 i planen. Dette blir ikkje referert her, men er å lese i framlegget til plan. - Vidare blir det føreslege eit tillegg i punkt 4.2, 2. kulepunkt: Nissedal kommune har god plass for alle og er eit trygt lokalsamfunn - I punkt 4.10, 5. kulepunkt, blir det føreslege eit tillegg (og ei lita språkleg endring): Kommunen har Det sikrast gode og trafikksikre kommunale vegar, både sommar og vinter. - Det blir i tillegg føreslege eit nytt kulepunkt 6 same stad (punkt 4.10 i planen): Kommunen sikrar i samarbeid med Statens vegvesen gode og trafikksikre tilkomstar til/frå fylkeskommunalt/statleg vegnett. Høyringsinnspel frå Fylkesmannen i Telemark - 5 -

5 Rådmannen er einig i at samfunnstryggleik og beredskap ikkje har fått stor nok plass i høyringsutkastet til samfunnsdelen av kommuneplanen, og at det ikkje er sett nok mål for dette arbeidet, som også må følgjast opp i handlingsprogrammet. Det vert difor føreslege å leggje inn fleire mål for dette. Dette heng også saman med Nissedal kommune sin status som "trygt lokalsamfunn" og det som er drøfta under høyringsinnspelet frå Statens vegvesen. Framtidig kommunestruktur har ikkje vore direkte oppe til debatt i dei folkevalde organa i Nissedal kommune enno. Saka har vore drøfta av Vest-Telemark kommunane i fellesskap i Vest-Telemark rådet, og dei har no bestilt ein forstudie om konsekvensar for kommunane i Vest- Telemark. Men kommunestyret eller formannskapet i Nissedal har ikkje drøfta eller konkludert kva konsekvensar dei ser av moglege endringar i kommunestrukturen, og det er bakgrunnen for at dette ikkje har fått nokon plass i kommuneplanen slik han ligg føre no. Konklusjon: Sentral leiing sitt ansvar på felta samfunnstryggleik og beredskap må kome tydelegare fram i planen. - Rådmannen føreslår eit nytt kulepunkt 4 i punkt 4.4: Sentral leiing er pådrivar for vidare arbeid med å vere eit "trygt lokalsamfunn". I dette ligg både ei tydeleg satsing på beredskapsarbeid frå sentral leiing si side, og samstundes eit ønske om å følgje opp dei godkjenningar som ligg i ordninga med å vere eit "Trygt lokalsamfunn". - Rådmannen føreslår vidare å innarbeide følgjande konkrete mål for beredskap og "trygt lokalsamfunn" i handlingsplanen under sentral leiing: - Under delmål for planperioden, nytt kulepunkt 4, 5 og 6: Kommunen har ein heilskapleg beredskapsplan i tråd med lovverket Overordna ROS-analyse er i tråd med lovverket Nissedal kommune er godkjent som "Trygt lokalsamfunn" i heile planperioden - Under enkelttiltak 2014: Starte arbeidet med utarbeiding av heilskapleg beredskapsplan Ferdigstille overordna ROS-analyse Lage plan for regodkjenning av kommunen som "Trygt lokalsamfunn" Høyringsinnspel frå Råd for funksjonshemma og Eldrerådet I forslaget til kommuneplan punkt 4.8 kulepunkt 2, står det at kommunen skal gi eit dekkjande, fagleg forsvarleg og effektivt tilbod av helse- og omsorgstenester med utgangspunkt i lokale behov. Føringar frå sentralt hald viser at det vil kome eit pålegg om å etablere eit dagtilbod for heimebuande med diagnose demens. I handlingsprogrammet for står det allereie eit meir generelt punkt: Etablere dagtilbod for eldre, som er identisk med det punktet Råd for funksjonshemma og Eldrerådet ønskjer å løfte inn. På bakgrunn av økonomi er det grunn til å tru at dette først blir prioritert for dei grupper som tilbodet blir lovheimla for. Rådmannen noterer seg samstundes det uttrykte ønsket om eit dagsenter også for alle andre eldre, og tek det med i det vidare arbeidet med å gi eldre innbyggjarar eit godt tilbod i tråd med tankane i eit "trygt lokalsamfunn" og folkehelseloven. Gjennom delmålet i handlingsprogrammet uttrykkjer kommunen eit ønske om at det skal vere mogleg å tilby eit dagtilbod for eldre i løpet av planperioden Konklusjon: Det blir ikkje gjort endringar i planen på bakgrunn av dette høyringsinnspelet, då dette punktet allereie står som eit delmål i handlingsprogrammet for Som vedlegg til saka ligg sjølve plandokumentet slik det blei sendt ut på høyring, med dei endringane som er føreslege. Der vi gjennom dette dokumentet føreslår å fjerne noko frå plandokumentet, er dette vist ved at teksten er stroke gjennom. Der vi føreslår ny tekst inn i dokumentet, er dette vist ved at teksten er skrive i feit kursiv. Same markering er gjort gjennom dette dokumentet. Det er gjennom dokumentet og føreslege nokre nye punkt lagt inn i gjeldande - 6 -

6 handlingsprogram. Desse er skrive i kursiv med understreking i dette dokumentet, men vi har ikkje lagt ved det vedtekne handlingsprogrammet. Rådmannen si tilråding: føreslege i Saksprotokoll i Arbeidsmiljøutvalet Votering: Samrøystes for rådmannen si tilråding. Tilråding føreslege i Saksprotokoll i Formannskapet Votering: samrøystes for rådmannen si tilråding. Innstilling til kommunestyret føreslege i Saksprotokoll i Kommunestyret Rådmannen ved kommunalsjef personal og utvikling Benedikte Vonen innleia til saka. Ordførar la fram eit omforeint tilleggsframlegg (markert likt som endringar som er lagt inn i planen): Ny 6. setning i 3. avsnitt i kap. 2.4 Levekår: Totalt vil dette truleg gjere til at det vil vere behov for fleire sjukeheimsplassar og tilrettelagte bustader mot slutten av planperioden. Tillegg i 2. delmål i kap. 4.8 (helse- og omsorgstenester): I dette ligg at kommunen til ei kvar tid har tilgjengelege sjukeheimsplassar, tilrettelagte bustader og kvalifisert personale i tråd med behovet. Votering: Samrøystes for formannskapet si tilråding med omforeint tilleggsframlegg

7 Vedtak føreslege i saksframstillinga og tillegga som blei vedtekne i møtet