Sluttar som rektor ved skulen. Utveklingsstudentar. Utgåve nr. 4, Takk for oss! Side 12 og 13

Transkript

1 Utgåve nr. 4, Takk for oss! Sluttar som rektor ved skulen Utveklingsstudentar Side 12 og 13 Margaret Alme er rektor ved Volda vidaregåande skule, men til hausten tek ho til i ny stilling som rektor ved Ulstein vidaregåande skule. Ho synest sjølv at ho har verdens dårlegaste grunn til å slutte. Side 10 og 11 Les meir om Solveig Flø Hunnes frå Volda, som har vore utveklingsstudent i Sveits. Les og om Johannes Loer, frå Tyskland, som har vore utveklingsstudent her i Volda. Side 4, 5 og 6

2 SIDE 2 Pause tek pause Etter eit langt skuleår med mykje hardt arbeid kan vi endeleg ta sommarferie, med god samvittigheit. Sommaren nærmar seg med stormskritt. Lange lyse dagar med grilling, bading og festivalar er kanskje høgdepunkt som mange gledar seg til. Kjensla av å gå barbeint i grønt gras, høyre fuglekvitter, lukta av nyklipt plen og lyden av bølgene som slår mot svaberga er òg ting som er med på å lage den ultimale sommarstemninga. Andre brukar ferien på å jobbe. Å tene seg pengar, kanskje til studie eller folkehøgskule til hausten, kan vere lurt. For det er slik at når vi no byrjar eit nytt skuleår, kjem nye elevar til skulen, medan andre forsvinn. Slik er det med oss i redaksjonen også. Vi får ikkje lenger moglegheita til å vere ein del av redaksjonen, men vi gir oppgåva vidare til 1. og 2. klassingane i medium og kommunikasjon som ynskjer å ha denne utfordrande jobben. I denne utgåva av «Pause», den siste utgåva dette skuleåret, kan du lese blant anna om utveklings-studentar, festivalar og om Margaret Alme som sluttar som rektor ved skulen.vi i redaksjonen har hatt ein del utfordringar, med tanke på at vi starta ei heilt ny avis, men òg hatt mange kjekke stunder. Å kunne intervjue medelevar og tilsette ved skulen har vore ei stor glede. Vi vil med dette takke for oss og ynskje alle ein god sommar! Ingvild Marie Velsvik, redaktør pauseavis@gmail.com MÅNADENS FOTO Fotograf: Frida Engeset Løfoll, 1MK Send inn ditt månadens foto til pauseavis@gmail.com

3 SIDE 3 Pauseprat med Stein Henrik Vartdal Kva tre bøker har hatt mest innflytelse på deg? Hm, vanskeleg spørsmål. Det må nok bli dei aller fleste bøkene av Astrid Lindgren. Dersom du skulle vore gift med ein annan lærar på skulen, kven skulle det vore? Eg kan nesten ikkje berre ta ut ein person. Det blir litt vanskeleg, så det må bli alle supre, gode og kjekke kollegaer på musikklinja! Kva drøymde du om å bli då du var liten? Rockestjerne! Eg stod med gitar framfor spegelen med solbriller og heile pakka. Korleis ser den perfekte fredagskvelden ut for deg? Eg har to typar fredagar: Anten er det på ein spelejobb som er veldig kjekk, det kokar bra i salen og det er god stemning. Eller så kan det vere ein fredagskveld med god vin, god mat og god TV. Kva har du alltid i veska/ lomma? Eg har alltid plekter, småpengar, mobil og Fishermans Friend. Kva plass i verda har du mest lyst til å reise til? Øvst på reiselista no står New Orleans. Eg har veldig lyst å reise dit for å få med meg opphavet til jazzmusikken, og sjå der alt begynte. Suge inn sørstatstemninga på ein måte. Eg synest det verkar som ein eksotisk og fantastisk plass, rik på kultur og historie. Kva heiter dine tre yndlingsfilmar? Det må bli «Schindlers List», «Das Boot» og «Forrest Gump». Kva er det beste med å arbeide ved Volda vgs? Det beste med å arbeide her ved skulen er først og fremst elevane. Det å få vere med å bidra til at elevane utviklar seg, og i mitt tilfelle på musikklinja er veldig kjekt. Å sjå ungdom som gjer framgang i musikk-faget og som blir modnare med åra dei går her, å følgje med på den kunstneriske utfaldelsen deira. Vi har også eit veldig bra kollegamiljø her ved skulen! Kva skal til for at du har det bra? For at eg skal ha det bra må alle rundt meg vere blide og ha det bra. Dersom du skulle gitt ros til ein av lærarane ved skulen, kven skulle det ha vore og kvifor? Det må nok bli han Olav Trandal, for å alltid vere blid og imøtekommande. Han har alltid opa dør, og tek imot alle spørsmål med eit smil. Tekst: Ingrid Beate Foldal Foto: Ingrid Telset Heltne

4 SIDE 4 Johannes Loer frå Tyskland i Volda: -Eg kjem til å sakne alle dei fantastiske voldingane! Johannes Loer (16) frå Hannover i Tyskland bestemte seg for å studere eitt år i utlandet, og kontakta difor utvekslingsorganisasjonen AFS. Nokre månader seinare hadde han aleine flytta til eit nytt land, til ein ny kvardag, der han ikkje kjende ein einaste person. Johannes flytta til Volda i Noreg. Enda tilfeldigvis opp i Noreg På Volda vidaregåande skule er det tre utveklingsstudentar, ei jente frå Hong Kong og to frå Tyskland. Ein av dei er Johannes. -Eg fekk skrive opp 8 land eg ville reise til, av 40 moglege. Deriblant skreiv eg Sverige og Noreg. Det enda med Noreg, fortel han. Det var ikkje hit han hadde dei største draumane om å reise, men vona det likevel kom til å bli kjekt, og noko Johannes utanfor skulen i Volda. Foto: Ingrid Telset Heltne han ikkje kom til å angre på. -Eg er glad i å gå på turar og synest fjella i Noreg er flotte. Eg var også interessert i å lære eit anna språk, ikkje berre «bli betre i engelsk», så Noreg passa fint, fortel Johannes. Ein ny kvardag Å reise frå Tyskland, venar og familie var ikkje så vanskeleg som Johannes hadde frykta, -Eg hadde lyst til å reise, og hadde god tid på meg til å planlegge alt, fortel han. I Volda var det ikkje vanskeleg for han å bli kjend med andre og han har delteke i fleire aktivitetar, som KRIK, Røde Kors ungdom og stort sett funne på ting med venar. Iskald bading i Volda sentrum. Johannes til venstre, saman med dei to andre utvekslingsstudentane og ei god vennine frå Volda. Slik er Noreg for meg -Bygdeliv, joggebukse, dialekter, mykje data, aktive menneske og dårleg vær, er det Johannes nemner i spørsmålet om kva inntrykk han har av Noreg, etter å ha vore eitt år i Volda. -Eg synest det har vore veldig kjekt å gå på vidaregåande skule i Volda. Det er som ein møtestad. Sidan store delar av ungdommane i bygda går på denne

5 SIDE 5 skulen, har det vore veldig bra sosialt sett, fortel han. Blir trist å reise Det er ikkje lenge igjen til Johannes reiser tilbake til Tyskland. Året hans har vore lærerikt og nytt. -Eg kjem til å sakne Noreg og Volda. Det er fleire ting som er mogleg å gjere her, som eg ikkje kan gjere i Tyskland, som å gå på ski eller fange så mykje fisk. Han oppfordrar alle til å gjere som han, fordi det har vore veldig lærerikt. -Det som er dumt er at eg kjem til å sakne alle dei eg har møtt det siste året. Det blir dumt å ikkje sjå igjen Solveig Flø Hunnes frå Volda i Sveits: -Det beste valet eg nokon gong har tatt Solveig Flø Hunnes er i år utvekslingsstudent i Sveits. I fjor gjekk ho her ved skulen i klasse 1ST2, og då vi i august starta vår skuleår, reiste ho aleine til Sveits for å bu der eit heilt år, saman med ein verts-familie. Johannes saman med andre uvekslingsstudentar frå AFS i Noreg på fjelltur i Oppdal. alle dei fantastiske voldingane, avsluttar han. Tekst: Espen Andrè Breivik Ni månader har gått sidan Solveig pakka kofferten og reiste til Sveits for å vere utvekslingsstudent, og angrar ho? «Nei, ikkje eit einaste sekund.» Eit utvekslingsår er utan tvil eit spanande år, men også med mange utfordringar og mykje å lære. Solveig har blant anna måtte lært seg eit nytt språk, eit nytt skulesystem og det å bu med ein annan familie, i tillegg til å vere vekke frå familie og venar i Volda. -Eg har alltid likt å reise, bli kjend med andre menneske i verda frå forskjellige kulturar og å sjå nye ting. Det heile starta med at eg ein dag sat og fortalde faren min korleis eg planla å studere i utlandet, då han spurte om eg ikkje ville ta eit utvekslingsår. Etter det var på ein måte idèen der, seier ho. Det å bu i utlandet åleine

6 SIDE 6 byr på mange utfordringar, men det aller vanskelegaste for Solveig var å vere vekke frå familien sin. -Det eg trudde skulle bli verst, var å reise frå venane mine, dette var riktig nok ikkje enkelt, men eg føler ikkje at dei er noko mindre mine venar når eg vender tilbake. Det som viste seg å vere vanskeligare enn forventa, var å vere vekke frå familien så lenge og det å måtte tilpasse seg ein ny og annleis familie. Spesielt vanskeleg var det å ligge sjuk om vinteren og i jula utan at mamma og pappa kjøper «Doc» og lagar kakao. Det er veldig undervurdert! Å gå på skule i Sveits, som har eit heilt anna skulesystem, kan vere vanskeleg å venne seg til. I enkelte tilfelle merkar Solveig tydelege forskjellar. -Forskjellen frå det norske og sveitseriske skulesystemet kan ein ikkje berre fastslå, sidan her er forskjellige reglar frå fylke til fylke, men sjølv merker eg tydelege forskjellar. Å svare ein lærar med fornamn eller du er heilt utenkjeleg, og om du ikkje har gjort eller forstått heimeleksene dine må du førebu deg på eit stempel som dum eller lat. Du kan forsove deg sju gangar i halvåret før du risikerer å miste skuleplassen din, og det er rart å ha med seg niste på skulen. Det er også stort sett berre realfag her, og det er ikkje mogleg å velje vanskelegheitsgrad i nokre fag, fortel ho. Som utvekslingsstudent kjem ein over mange fordelar, og det er ikkje vanskeleg for Solveig å ramse opp dei beste. -Det eg synest er det beste med å vere utvekslingsstudent, er den sjansen til å starte med heilt blanke ark ein annan plass. Sjølv synest eg det var veldig befriande -Vi veit alle korleis Volda og Ørsta er, der alle veit alt om alle. Å komme hit og berre kunne bli kjend med nye folk. Å sleppe å vere redd for at dei hadde høyrt eit rykte eller noko. Elles er det jo alle opplevingane, moglegheitene, alt du lærer om deg sjølv. Og ikkje minst alle du bli kjend med! Det er som eit eventyr. Etter ni månader i utlandet har Solveig nok av erfaring som utvekslingsstudent, men vil ho anbefale andre å ta det same valet som ho tok? -Absolutt! Å velje å bli utvekslingsstudent er rett og slett det beste valet eg nokon gong har tatt. Eg angrar ikkje eit sekund, og det er verkeleg noko å anbefale. Tekst: Ingrid Beate Foldal

7 SIDE 7 OM STUDIESPESIALISERING Studiespesialisering er ei linje som består av meir enn berre prøver og mykje lesing, sjølv om linja for det meste er teoretisk. Utdanningsprogrammet er det på skulen som gir det breiaste grunnlaget for vidare studium ved høgskular og universitet. Elevane kan velje mellom mange ulike fag å spesialisere seg i, alt etter kva utdanning dei vil ha seinare og kva interesse dei har. Når du går studie-spesialisering skal du ha eit framandspråk. Her på skulen er det tilbod om tysk, spansk eller fransk. Når ein går vg2 kan du velje mellom å spesialisere deg innan eit av programfaga realfag, språk, samfunnsfag og økonomi. Her kan ein også velje å få med seg erfaring og opplevingar ved å studere eit år i utlandet. Linda Lien Nordstrand Ida og Oda i 1ST3 les til kvarandre i engelsktimen. Elevane arbeidar flittig fram mot muntlig eksamen. I biologi 1 har dei den siste tida lært om fjæra. I neste veke skal dei på ekskursjon for å lære meir. Det er ikkje berre alvor blant elevane i eksamenstidene, i gangane regjerar latteren.

8 DEN STORE FESTIV SIDE 8 Sommarferien er rett rundt hjørne, og dersom du har tenkt deg på ein eller fleire festivalar i sommar kan Pause gje deg ein guide over kva som skjer. Både lokalt, eit stykke borte og utanfor landegrensa. Malakoff Rockfestival juli Nordfjordeids store rockfestival blei etablert i 2003, og hadde heile besøkande ifjor. Festivalen har også blitt kåra til «Årets festival» av Norsk rockforbund to gonger. Malakoff har eigen camping ganske ner festivalområdet, og har også tilbod til grilling. Det kan vere lurt å førhandsbestille campingplass, i og med det fort blir fullt. Dersom du tek turen innom i år kan du blant anna sjå Big Bang, Thomas Dybdahl, Sivert Høyem, Enslaved og Timbuktu & DAMN. Festivalpass vaksen: 850,- Festivalpass ungdom: 700,- Moldejazz juli Moldejazz starta opp for heile 49 år sidan, altså i Festivalen har blitt arrangert kvart einaste år sidan. Den har også tilbod for camping, jazzcampen. Campingen ligg om lag 3 km vest for Molde sentrum, og festivalleiinga oppfordrar gjestane til og ta med seg instrument då det jammes rundt leirbålet. Det er Malakoff Rockfestival, bilete er henta frå ikkje mogleg å førhandsbestille campingplass på denne festivalen, men det er godt med plass. Jazzcampen har også kiosk med varm mat til gunstige prisar. Dersom ein ikkje vil campe er det moglegheit for å bu på hotell og leige hytter. Artistane du kan sjå på Moldejazz 2010 er Herbie Hancock, FLY, Hairy Bones, Trondheim JazzOrkester, Karpe Diem og Missy Elliot. Du betalar ein pris for kvar av konsertane du vil sjå. Vanylvsfestivalen juli Den tredje Vanylvsfestivalen er rett rundt hjørnet. I år har festivalen inngått eit samarbeid med Marked Moska, eit catering-konsept som har stått for matservering for blant anna Hove festivalen. I tillegg til eit matserverings-telt, vil der vere eit telt med sjenkerett og eit med scene for artistane å opptre. Festivalen er ei viktig brikke i arbeidet med å setje Vanylven på «kartet», og grunntanken er god musikk, god mat og hyggjeleg samver. I år kan du blant anna sjå Donkeyboy, Hellbillies, Chand og Sie Gubba på festivalscena. Festivalpass ungdom (12-17 år): (900.- ved inngang) Festivalpass vaksne: ( ved inngang) RaumaRock august RaumaRock blir arrangert for niande gang i år. Den tek plass på Åndalsnes, og har blitt ein landskjend festival. Festivalen har eigen camping, og kiosk med enkel servering. I år speler Lillasyster, Shining, The Navigators, Gåte, John Olav Nilsen og gjengen, Åge Aleksandersen & Sambandet og Bjørn Hellfuck på

9 SIDE 9 ALGUIDEN 2010 festivalen. Festivalpass ungdom (12-17 år): 700,- Festivalpass vaksen: 1200,- Det kostar 100 kroner ekstra ved kjøp med inngang. Hovefestivalen 29. juni 02.juli Hove er festivalen for deg som synest telt, natur og vatn høyrer med til den perfekte festivalopplevninga. Ikkje berre er Hove Noregs største rockfestival, men du kan også få sjå spanande filmar som ikkje har kome ut på kino endå. Festivalen føregår på Tromøya i Arendal. Den har omlag besøkande, og er også ein svært miljøbevisst festival. Det er sjølvsagt tilbod for camping, og noko som er nytt for i år er at det ikkje er seperat mellom den vanlege og miljøcampen. I år blir det ein festivalcamp, og den blir miljøvennleg! Muse, As I Lay Dying, Vampire Weekend, Pendulum og Kråkesølv er eit knippe av artistane du ser på scena i år. Festivalpass: 2115,- Øyafestivalen august Denne festivalen blir arrangert på historisk grunn, nærmare sagt Middelalderparken i Gamlebyen i Oslo. Festivalen er delt opp i fire scener, med kort gåavstand mellom kvar av dei. Det er moglegheit å overnatte på Ekeberg camping. Roskilde, bilete er henta frå Øya festivalen blei etablert i 1999, og har vekse seg til å bli Noregs største pop- og rock festival. I år kan festivalen freiste med artistar som M.I.A, Robyn, Pavement, La Roux, The Flaming Lips og The Cumshots. Festivalpass: 1940,- + avgift på 60,- Sonisphere 7.august Sonispherefestivalen i Stockholm har ikkje campingtilbod, men byen sjølv har fleire hotell ein kan sjekke inn på. Festivalen har to scener, der du blant anna kan sjå Iron Maiden, Mötley Crüe, Alice Cooper, Hammerfall, Slayer og Anthrax. Himmel på jord for metalentusiastar, med andre ord. Festivalpass: 880 svenske kroner + 45,- billettavgift. net Roskilde juli Roskildefestivalen blei etablert i 1971 og blir arrangert i Midtsjælland, ein av Danmarks eldste byar. Festivalen er den største i norden, og blant dei største i Europa. Store artistar som Bob Marley, Elvis Costello, The Cure og Jeff Buckley har entra scena under Roskildefestivalen. Det er også tilbod for camping, og overskotet til festivalen går til humanitære og kulturelle formål. Festivalen er godt kjend for den unike og intime stemninga. Tar du deg turen innom i år får du sjå Gorillaz, Prince, Muse, The Prodigy, Alice in Chains, Killswitch Engage og NOFX. Det er godt å vere norsk i Danmark! Ordinært festivalpass: 1675 danske kroner. www. Roskilde-festival.dk Tekst: Alise Stokseth Rætta Foto: NRK og airnational. co.nz

10 SIDE 10 Margaret Alme: - Verdas dårlegaste grunn til å slutte Vi går inn døra til rektor sitt kontor. Vi blir møtt av rektor, Margaret Alme, som smiler. Kanskje ikkje så rart der ho sitt og ser ut panoramavindauge sitt, med utsikt over fjord og fjell. I tillegg skin sola, det er blå himmel og snart sommar. Snart sommar betyr snart ny jobb for Margaret. Til hausten tek ho nemleg til i ny stilling som rektor ved Ulstein vidaregåande skule. I 2006 starta Margaret Alme som rektor ved Volda vidaregåande skule. Tidlegare jobba ho som assisterande rektor ved Fagerlia vidaregåande, før dette var ho rektor ved Ulstein vidergåande. Grunnen til at ho søkte på stillinga i Volda var at ho sakna rolla som rektor. Etter fire år som rektor i Volda har ho no fått ny stilling som r ektor ved Ulstein vidaregåande skule. Vil nærmare heim Margaret starta samtalen med å seie at ho eigentleg ikkje ynskja å slutte, men på grunn av pendling, 50 minutt kvar veg, kunne ho ikkje takke nei til stillinga som rektor ved Ulstein vidaregåande skule. - Dette er eigentleg verdas dårlegaste grunn til å slutte, men eg sparar meg ein time pendling kvar dag. Margaret har vist at den stillinga ho no har fått, kom til å bli utlyst på grunn av alderen til tidlegare rektor ved Ulstein Margaret Alme, arkivfoto vidaregåande skule. - Eg kunne ynskje at han kunne jobbe eit par år til, før han gjekk av med pensjon. Det er fordi eg kunne tenkt meg å jobbe her litt lenger. Ho måtte gripe sjangsen no. - Dei andre søkarane var jamngamle med meg, så eg kunne ikkje vente på at dei vart pensjonistar, for det er lenge til! Seier Margaret humoristisk. Største gleda Elevane er den største gleda ved å jobbe som rektor ved ein skule, meinar Margaret. Ho synest der er kjekt å sjå korleis elevane utviklar seg frå å vere 1.klassingar til å vere klare for å gå vidare i livet. Ho fortel også at ombygginga av skulen har vore veldig kjekt for både tilsette og elevar. - Eg har trua på at elevane kviknar til på grunn av ombygginga, fortel ho. Største utfordringa Margaret synast den tøffaste utfordringa som rektor er når det dukkar opp tunge elev og peronalsaker. - Det er ikkje gøy når det skjer alvorlege ting med elevar eller tilsette. Ho møter utfordringar på mange ulike nivå. Ho må takle alt frå utfordringar i pedagogikk til utfordringar med skuleskyss. - Å drive skulen framover i ei positiv utvikling er ei lang og tung utfordring. Kommunikasjon, nøkkelen til det meste I spørsmålet om ho veit kven som blir vår neste rektor, svarar ho nei. Då dette intervjuet vart gjort var søknadsfristen ikkje er ute enda. Men betryggar oss med at når det gjeld slike stillingar, kjem søknadane ofte ikkje inn før i siste liten. - For augeblikket har det ikkje komt inn noken søknadar, men eg kan trøste med med at det einaste ein skule kan klare seg utan er ein rektor, alt det andre må ordnast, seier Margaret latterfullt.

11 SIDE 11 Uansett kven som tek til i stillinga som rektor, ynskjer ho at personen jobbar mykje med kommunikasjon med elevane. Ho er overbevist om at kommunikasjon er nøkkelen til det meste. Gode erfaringar Margaret har jobba som rektor ved ulike skular med ulike studieretningar. Dette har gitt ho mange gode erfaringar frå ulike miljø. Når Margaret no tek til i ny jobb ved ein skule utan medium og kommunikasjon og musikk, dans og drama, legg ho ikkje sjul på at ho kjem til å savne desse studieretningane. - Musikk, dans og drama gir meg alltid god underhalding. Medium og kommunikasjon kan mange lære av. Det har eit kreativt program, som gjer at ein ikkje blir så fastlimt til teori. Margaret fortel at ho har eit ynskje om å jobbe på ein skule med både musikk, dans og drama og restaurant og matfag. - Då har eg både underhalding og god mat, smiler Margaret. Positiv innstilling Når Margaret starta i rektorstillinga i Volda, gjorde ho ein del endringar, blandt anna å kutte ringeklokka. - Det er viktig å ta ting innover seg og lære nye Kva skal du gjere til neste år? ting. Det å være open for nye moglegheiter er viktig. Dette må ein no ha i tankane når vi får ein ny rektor. Margaret avsluttar med å seie at ho håpar at vi tek godt imot den nye rektoren. Ingvild Marie Velsvik Ingrid Telset Heltne Sverre Johann Bjørke - 3ST2 - Etter sommaren skal eg i forsvaret. Eg treng å tenkje på noko anna enn skule. Kathrine Strømmen - 3MK1 - Eg skal til Melhus for å gå på Rødde Folkehøgskule. Eg skal på mange toppturar, renne snowboard og gå på ski Jenny Karin Valset - 3ST4 - Fram til januar skal eg jobbe på hotellet på Sæbø. Etter dette skal eg studere spansk i Mexico.

12 Side 12 Takk og farvel Ein tidleg fredagsmorgon i september 2009 var ni forventningsfulle elevar samla. Dette året skulle bli annleis. Vi hadde blod på tann, og vi var meir klar enn kva vi nokon gong hadde vore. Pauseredaksjonen var klar for å lage tidenes skuleavis. Kvar fredag har vi tilbrakt seks timar rundt eit bord. Diskusjonar, krangling og idèskaping har funne stad mellom fire veggar på nedre bygg. Banning, fliring og krangling. Ho har ikkje skrive ferdig artikkelen. Har ho ikkje SKRIVE FERDIG ARTIKKELEN?! Mest fliring, såklart. Etter eit par månader fekk vi gitt ut første utgåve av Pause. Når avisa var skriven ut, visste vi ikkje om vi skulle le eller grine. Vi var alle einige om at dette, dette var noko av det mest skrøpelige jorda nokon gong hadde sett maken til. Men vi gav den ut. Elevane såg ikkje ut til å bry seg. Skrøpeleg eller ei, første utgåve var gitt ut. Etter dette gjekk det berre oppover. Kvaliteten på artiklane vart betra betrakteleg, bileta vart finare og designet vart litt etter litt til det betre. Vi hadde friheita til å gjere det akkurat slik vi ville. Ingen kunne stoppe oss. Vi var trass alt sjølvaste Pauseredaksjonen. Vi såg elevar på skulen som las i avisa. Avisa vi hadde laga. Fleire titalls timar hadde vi lagt bak oss for å få avisa ferdig. Og det store spørsmålet er: Var det verdt det? Om det var. Somaren står for tur, og vi i redaksjonen har lagt bak oss eitt år med blod, svette og tårer. Når vi ser tilbake på året som har gått er det litt trist å tenke på at dette er siste utgåve av Pause. Men på ein annan side Det følest fantastisk å vere ferdig, og det fristar å hive avisa på bålet. Neida. Joda. Men! Vi gir stafettpinnen vidare til barna (eventuelt 1. og 2.klassingane), og reknar med dei held tradisjonen vidare. Så får vi sjå om dei klarar å lage ei like bra avis neste år...skjer ikkje. Takk for oss! Tekst: Hannah M. Kolås Foto: Sunniva Botn Heltne

13 Side 13 Takk til våre trufaste lesarar. God sommar!

14 Gåte -Kvifor er det bra at fjernkontrollen har knappar? Det hadde vore vanskelig viss den hadde glidelås. Visste du at..? -For fleire tusen år sidan visste vi menneske ikkje kvifor vi pusta luft. -Haiar er immune mot alle sjukdomar og kan dermed ikkje bli sjuke -Det finst 11 kopiar av ein Bibel med ein fatal skrivefeil -Viss du varmar opp ein diamant til 763 grader vil den berre forsvinne i lause lufta. -Rundt år 500 var det vanleg å gratulere folk som naus, då ein trudde det var onde åndar som blei dreve ut av kroppen. -Kva skal du i sommar? Ingeborg Trovåg Bjørneset, 1ST1 -Ingenting spesielt. Eg skal henge med venar og jobbe som støttekontakt. Viss eg skulle reist ein plass hadde det vore ein plass der det er varmt. Ragnhild Petrine Nilsen Vikestrand, 1MK -Eg skal ha sommarjobb på kjøkkenet på sjukehuset. Eg skal kose meg ute i sola, reise til Danmark for å spele fotball på Danacup og ha ein familietur til Roma. Kim-André Navelsaker, 2MK -Eg skal fare på båtturar, fiske, sove og kanskje reise til Sverige for å snope. TIPS OSS! Pauseavis@gmail.com helsingar lesarinnlegg bilete idèar til saker Martin Luan Vasseth Håndlykken, 1MK -Eg skal på tur til Tyrkia med ein kompis og familien hans. Så har eg ein sommarjobb på Urke fiskeoppdrett. Sandra Elise Hoggen, 1ST1 -Eg har ingen spesielle planar. Skal kanskje til Oslo på jentetur, så skal vi få besøk av nokon amerikanarar som søstra mi budde med i Amerika.