Primstaven ynskjer alle lesararne God Jul

Transkript

1 MEDLEMSBLAD FOR NORDHORDLAND HUSFLIDSLAG Nr 5 / november 2010 Primstaven ynskjer alle lesararne God Jul Julebjølla er laga av Dagmar Lygre Dagmar held no kurs i grønlandsperlingperling i Hillesvågen.

2 Utstillinga I sløyd og handarbeid gjennom 100 år. Nordhordland Husflidslag vart invitert av Lindås Kommune til å delta på kulturdagane deira, der dei ville markera Aslaug Låstad Lygre sitt 100 års jubileum. Husflidslaget takka ja til invitasjonen. Me ynskte å laga ei utstilling av ting som vart laga på sløyden og i handarbeidstimane gjennom dei siste 100 åra. Med utstillinga ville me også markera Noregs Husflidslag sitt 100 års jubileum og Kulturminnedagen 2010, som var i same tidsrom.. Styret for laget, bunadsnemnda og broderinemnda samarbeidde om utstillinga. Me hadde opning laurdag 11. september. Søndagen markerte me kulturminnedagen og i vekedagane hadde me tilbod til skuleklassar om å vitja utstillinga, og få litt historisk tilbakeblikk på skulekvardagen gjennom tidene. Kva produkt ein hadde laga på sløyden og i handarbeidstimane, og kva tingen vart nytta til. Utstillinga stod oppe til og med laurdag 18. september. Det var utruleg mange folk som fann vegen til Husflidens hus i Hillesvågen denne veka. Tilbakemeldingane var svært gode, og nostalgien blømde då mange av dei gamle skuletinga fekk fram minner frå ei nær fortid. Skuleklassane som tok turen innom var engasjerte og hadde mange spørsmål. For mange av dei var dette frå ei tid som var så langt attende at me nærma oss steinalderen. Etter alle dei gode tilbakemeldingane me har fått, skjønar me kor viktig det er å ta vare på denne delen av skulehistoria vår. Styret for laget må få retta ei stor takk til alle som lånte ut tinga sine, og alle som jobba dugnad. Dei gjorde dette til eit flott arrangement som Nordhordland Husflidslag kan vera stolte av. Helsing Styret for Laget KULTURMIDLAR 2010 Frå Lindås kommune fekk Husflidslaget kr 8700 til drift og kr til opplæring i år. Bunadsnemnda fekk kr Me takkar Lindås kommune. ÅRSMØTET 2011 vert avvikla måndag i Husflidshuset i Hillesvågen. Saker må vere styret v/aud Marit Halland i hende seinast 6 veker før møtet. 2

3 På herrebunadskurs Hausten er tid for kurs. Det veit vi i Husflidslaget. Eit av kursa denne hausten vert halden i Husfliden sine lokaler på Alverflaten. Seks damer kjem saman 10 kveldar à 4 timar og syr herrebunad, hovudsakeleg til sine søner. Airin Espelid er utdanna skreddar og er kurshaldar. Ho fortel at for å sy ein herrebunad, må du gå på to kurs. Då får du hjelp helt fram til ferdig bunad, med jakke, vest og knickers. Med Airin som leiar syr dei på skreddarvis for å få betre passform. Ho held damene samla i framdrifta, slik at det vert lettare å undervisa alle undervegs. Dette kurset i haust er det første av to. Dagleg leiar på Husflidsstova er Marit Bastesen. Ho er med på kurs for å få betre innsikt i det å sy herrebunad, og på kurset arbeidar ho på ein bunad for ein kunde. Her er ho avbilda medan ho arbeidar med linninga på knickersen. Kjellfrid Skjelvik Larsen syr også på linninga på knickersen til son sin. Det går fint å sy, seier ho, med så dyktig kursleiar. Elles i rommet sit og står Gunn Olsen, Sissel Marøy og Turid Tenden, alle med søner som i mars 2011 vil få ferdig bunad av ho mor. Landbruksdagen i Austrheim Landbrukskvinnelaget i Austrheim, med Svanhild Neteland i spissen, hadde invitert Nordhordland Husflidslag til å delta på landbruksdagen i Austrheimhallen laurdag 2. okt. Mange av medlemane våre stilte opp. Dei synte fram nydelege broderi, rosemåling, glassmykker, tauverk, maritimt trearbeid, skinn, vev, strikk, m.m. Det var eit fargerikt og flott skue å sjå i hallen under logoen til laget vårt. Me stilte også med ein gratis barneaktivitet. Der fekk borna prøva å veva nokre innslag kvar på ein liten golvvev. Det var ein populær aktivitet, som fengja borna skikkeleg. Som lesarane kan sjå av bildet vart det ei flott og fargerik remse. Kunstverket vart laga av ein tjuetals born på nokre timar denne laurdagen. Men der husflidslaget stiller, er det også stompekaker. Austrheimingane tykte vel om bakverket vårt. Til tider var det kø framfor takka der me steikte stompekakene. Dette gav eit overskot i lagskassen på nesten 3000 kr. Ein travel, men veldig kjekk landbruksdag. Landbrukskvinnelaget hadde lagt alt vel til rette for oss. Me vil få takka for oss, og gratulera 3 dei med den flotte Austrheim-jakka dei hadde designa i samarbeid med Hillesvåg Ullvarefabrikk til denne dagen.

4 FELLKURS I nydeleg haustver var 5 flittige damer på skinnfellkurs i Hillesvågen. Veret var flott og lunchen kunne inntakast på terassen med utsikt utover Hillesvågen.Det var 5 kommunar representerte på kurset, Sund,Fjell,Masfjorden,Lindås og Austrheim.Tre av deltakarane hadde med eigne skinn. Skinna hadde til og med namn, som til dømes Prikken, etter sauen som bar fellen. Nokon hadde vevd seg åkle som dei sydde på fellen og nokon trykte mønster på. Som skikken tilseier, trykte dei på namn og dato slik at det i ettertid kan dokumenterast kven som laga fellen.det blei til og med laga ein rødvinspute av ein rest. Alle var godt nøgde med eigen produksjon,kurshaldar og kvarandre. Eit kjekt kurs. Kjersti Børilden Sigrun Irene Lidal med sitt produkt Kurshaldar Kjersti Børilden t.h.saman med Gudrun Johanne Kausland, som kom kom heilt frå Sund for å gå på kurs hjå oss. PLANTEFARGING Helga september farga fem glade damer i alt sju og ein halv kilo garn i Hillesvågen. Fredagskvelden føregjekk tilrettelegging og beising av garnet, handspunne garn, strikke- og vevgarn, også gråmelert garn, alt delt i 50 g ombundne hesplar. Utetter laurdag og søndag vart den eine gryta etter den andre ferdig, garnet skylt og hengt til tørk, vi enda med 30 ulike nyansar. Øyvind Myhr kontakta Nordhordland og der vart kurset presentert 2.oktober. Neste år skal plantefargingskurset ha ein kurskveld på våren, der vi ser på plantefarga garn, går gjennom og viser korleis garnet skal stellast før kursstart, og ikkje minst fordeler planteinnsamlingsarbeidet. Då veit alle kva plantar dei skal samle og korleis plantane skal stellast og kva utstyr dei må skaffe eller låne. Kurset vert truleg i månadsskiftet august/september. Så vil du farge garn i lag med andre, så meld deg på til våren, det er berre plass til 5 deltakarar! Å farga garn med plantar er mykje arbeid, men det er veldig moro, det var årets kursdeltakarar samde om. Magnhild Rønhovd 4 Her får Karianne sakkunnig hjelp Stolte kursdeltakarar (Anne Kristine Søvik, Aslaug Aalen, Guldborg Søvik, Karianne Visnes og Ranveig Reigstad)

5 KURS VÅREN 2011 Kurs Kursleiar Timar Start Stad Pris Lefse/Flatbrød Arild Hagenes og 27. Knarvik vdg Helg mars skule kr 740 Bilde i ull Ingvild Skår og Helg mars Hillesvåg kr 650 Vevkurs/Flatvev Aud Marit Halland 13. Dale januar Grendahus kr Pilfletting Lise Dyrhovden og 19. Matre Helg februar Hillesvåg kr 830 Kipelaging Oddvar Hannisdal / februar Knarvik kr Veving av band til Kjersti Børilden Nordhordlandsbunad Grete Vetås februar Hillesvåg kr 740 Tauverk Kaspar Hansen mars Flatøy kr 920 Knipling Nina Karin Knutsen til Helg februar Hillesvåg kr 830 Plantefarging Magnhild Rønhovd mai 3 t / Helg 2. til 4. sept 18 t Hillesvåg kr Kvinnebunad Mona Stordal 25. Nordhordlandsbunad januar Hillesvåg kr Herrebunad Airin Espelid 11. Husflidstova Nordhordlandsbunad januar Ikenberget kr Strikking Ingrid Hopland 26. Hekling januar Hillesvåg kr 875 Makrame Kaspar Hansen mars Flatøy kr 920 Brikkevev Sonja Berlin 1. til 5. Masfjordnes Kirsti Abbedissen august kr Tredreiing Mathias Sætre og Helg april Austrheim kr 740 Brakekledning Arne Mjelde april Seim kr Belte og bringeduk Rannveig Reigstad 2. Husflidstova i perler mars Ikenberget kr 920 Materialutgifter kjem i tillegg til kursavgifta. Medlemmer i Nordhordland Husflidslag får 10 % rabatt på kursavgifta. Påmelding til kursleiar. Bindande påmelding. 5 Velkomen til kurs.

6 NB Første handarbeidstreff NB Husflidslaget startar opp med nye handarbeidstreff i Husflidens hus 10. jan 2011 kl Denne kvelden vil me ynskja alle strikkeklubbar og andre strikkeglade personar velkommen til strikketreff. Me vil blant anna sjå gjennom gamle strikkehefte/ oppskrifter frå P/L Husflidstova. Desse vil bli selde/ gjeve bort til ein symbolsk pris. Hillesvåg Ullvarefabrikk vil laga til eit miniutsal av strikkegarn. Det vert som vanleg servert kaffi/ te og noko å bita i til vanleg pris, kr. 50. Helsing Styret HUSFLIDSMESSA 2010 Husflidsmessa 2010 har vore ein suksess for laget. Det kan du godt seie! Så får ein håpe at omsetninga for utstillarane gjekk bra og. Messa på Knarvik vgs var open frå kl 10-16, og kl hadde damene seld 250 billettar. Aud Marit fortel at det har vore kjekt å planleggje denne messa, for utstillarane tok kontakt med Husflidslaget tidleg og spurte om dei kunne få vere med; "Har de plass til oss"? Det er høg kvalitet på produkta som vert selde, og Aud Marit understrekar at ho og laget er stolte over kor fantastiske utstillarane er. - Mange av dei som stikk innom er kjende ansikt frå tidlegare messer, men i år er det mange nye som har kome. Det er riktig kjekt! - Utstillarane stod i vestibylen og inn i korridoren og i eit klasserom, i tillegg til utstillarane i kantina. Kantina var open med kafe og god plass. Frå Eidsnes kjem Jorunn Gundhus med såper: Øvst ser du "kaffisåpe - såpa som tar vekk all vond lukt på hendene". 6 Tova julekuler og englar lagar Ingunn Kvamme frå Leknes

7 "Steinprodukt frå Aurland - handplukka i Underdal og Aurland. Bestikket toler oppvaskmaskin", står det på standen til Kjell Arne Stigen som sliper og skjer stein, og Aud Iren Låven som monterer produkta. Mormortøfler, i ull, produsert av Anette Soltveit, fra Knarvik. Barnetøflene har påsydd antiskli. Englar i ull, i erke-englenes farger, av Marion Bø, fra Vetås på Radøy Midterste bilde h.side: Kari Krüger Birkeland kjem frå Åsane og har med seg akvarellar: små kort, julekort, små og større bilder. Nederst til høgre: Rannveig Reigstad i bunadsnemnda viser interesserte korleis ho lager perlebelte 7

8 Invitasjon til julemøte i Hillesvågen Nordhordland husflidslag inviterer medlemar og andre interesserte til ei sosial samling før jul i Husflidshuset i Hillesvågen. Me samlast måndag 29. nov kl til julegraut m/mandel (premie), kaffi/te og enkel julebakst. Ingvild Skår instruerer oss i å tova juleenglar. Sang og musikk. Utlodding. Pris pr. pers. kr Alle er hjarteleg velkomne For styret Aud Marit Halland POST TIL PRIMSTAVEN Har de stoff til redaksjonen, som de trur kan vera av interesse for andre, ver gild å ta kontakt med oss: Øyvor H. Larsen, Bruvegen 44, 5914 Isdalstø Tlf / ; e-post: oyvorhl@c2i.net Anne Grete Breisnes, Kvalvågen, 5943 Austrheim Tlf / , e-post: agbrei@online.no Utgjevar: Nordhordland Husflidslag, Returadr.: Anne Grete Breisnes, 5943 Austrheim 8