Møteinnkalling. Lønspolitisk handlingsplan Selje kommune

Transkript

1 SELJE KOMMUNE Administrasjonsutvalet Møteinnkalling Møtedato: Møtestad: Møtetid: Kommunehuset, 3.etg. Kl. 12:00 Sak nr. Sakstittel 003/15 Godkjenning av møtebok 004/15 Delegasjonssaker 005/15 Referatsaker 006/15 Lønspolitisk handlingsplan Selje kommune Eventuelt Sakene er utlagt i informasjonen og på Selje bibliotek. I tillegg er dei å finne på kommunen sine heimesider Den som har lovleg forfall, eller er inhabil i nokon av sakene, må melde frå snarast råd til servicekontoret, tlf , slik at varamedlemmar kan kallast inn. Varamedlemmar møter berre etter særskild innkalling. Dokument som ikkje er tilsende, kan du få kopi av på kommunehuset. Dokument som ikkje er offentlege, kan bli utlevert i møtet. Dersom medlemmane på førehand ønskjer å gjere seg kjent med innhaldet i desse dokumenta, er dei tilgjengelege på kommunehuset. Selje kommune, Jan Vidar Smenes leiar Unni Eltvik Hovden sekretær Side 1 av1

2 SELJE KOMMUNE SAKSGANG Styre, råd, utval Administrasjonsutvalet Sakshandsamar: Unni Eltvik Hovden Møtedato Arkiv: FE- Godkjenning av møtebok TILRÅDING FRÅ ADMINISTRASJONEN: Møteboka frå møte vert godkjent slik den ligg føre. Saksnr 003/15 Arkivsaknr 15/531

3 SELJE KOMMUNE SAKSGANG Styre, råd, utval Administrasjonsutvalet Møtedato Sakshandsamar: Unni Eltvik Hovden Saksnr 004/15 Arkiv: FE- Arkivsaknr 15/529 Delegasjonssaker DAD. 001/15: Tilsetjing av fagarbeider 1-60% fast stilling f.t. Flatraket Eldretun DAD. 002/15: Tilsetjing av lærar i norsk for innvandrarar og flyktingar - 100% fast stilling DAD. 003/15: Leikvang barnehage - Styrar % vikariat DAD. 004/15: Tilsetjing av fagarbeider - 100% fast stilling ved f.t. eigedomsavdelinga DAD. 005/15: Tilsetjing av pedagogisk leiar f.t. i Selje barnehage -100% fast stilling DAD. 006/14: Selje Kommune - Tilsetjing av lærar i norsk for vaksne innvandrarar og flyktningar - 100% fast stilling DAD. 006/15: Tilsetjing av pedagogisk leiar - 100% mellombels tilsetjing i Flatraket Barnehage DAD. 007/14: Tilsetjing av brannsjef - 60% fast stilling DAD. 007/15: Tilsetjing av lærar f.t. ved Selje Skule - 3 heile faste stillingar DAD. 008/15: Tilsetjing av lærar - 100% vikariat f.t. ved Stadlandet skule DAD. 009/15: Tilsetjing av ruskonsulent - 60% prosjektstilling DAD. 010/15: Tilsetjing av fagarbeidar ved f.t. Selje skule DAD. 011/15: Tilsetjing av driftsrådgjevar oppvekst % fast stilling DAD. 012/15: Tilsetjing av rådgjevar NAV Selje % fast stilling

4 TILRÅDING FRÅ ADMINISTRASJONEN Delegerte saker vert tekne til etterretning slik dei ligg føre.

5 SELJE KOMMUNE SAKSGANG Styre, råd, utval Administrasjonsutvalet Møtedato Sakshandsamar: Unni Eltvik Hovden Arkiv: FE- Saksnr 005/15 Arkivsaknr 15/530 Referatsaker Refererte skriv og meldingar: Nr Dok.ID T Dok.dato 1 15/2327 S Avsender/Mottaker Tittel Tilsetjing av rektor ved Stadlandet skule mellombels for 1 år 2.Rådmann: Orientering vedk. omorganisering Pleie og omsorgstenesta Tilleggsreferat: TILRÅDING FRÅ ADMINISTRASJONEN Referatsaker vert tekne til etterretning slik dei ligg føre.

6 SELJE KOMMUNE SAKSGANG Styre, råd, utval Administrasjonsutvalet Sakshandsamar Ørnulf Lillestøl Møtedato Arkiv FE-500 Saksnr 006/15 Arkivsak 15/411 Lønspolitisk handlingsplan Selje kommune Dokumentliste Nr T Dok.dato 4 I 1 3 U I 6 5 I I Avsender/Mottaker Fagforbundet Selje v/htv Sissel Solheim Leiarar og fagorganisasjonar Fellesorganisasjonen v/htv Jorunn Breiteig Rådmann Utdanningsforb. v/htv Håvar Fagerli Tittel Uttale til lønspolitisk plan Forslag - Lønspoltisk plan Uttale til lønspolitisk plan Forslag - Lønspolitisk plan Uttale til lønspolitisk plan Vedlegg i saka Dok.dato Tittel Lønspolitisk plan doc Uttale lønspolitisk plan docx Til Rådmann, Uttale til Lønnspolitisk plan docx H_6_2015_uttale_lønspol.pdf Dok.ID Saka gjeld Rådmannen har i august utarbeida eit utkast til lønspolitisk plan. Innhaldet i denne fylgjer i stor grad av Hovudtariffavtalen (HTA) kapittel 3. Det vert her forutsatt at arbeidsgjevar skal synleggjere vår lokale lønspolitikk og at den skal gjerast kjend for alle tilsette. Løn skal nyttast som personalpolitisk verkemiddel og skal bl.a bidra til å; - Motivere til kompetanseutvikling - Motivere til meir heiltid - Behalde, utvikle og rekruttere - Sikre kvalitativt gode tenester

7 Opplysningar til saka Slik den økonomiske situasjonen no er i Selje er det viktig å sikre at lønsutvikling bidreg og understøtter møte med dei utfordringane vi står ovanfor. Vi treng tilsette som kan endre seg sjølv og andre, som har fokus på utvikling og sikring av kvalitet og er konstruktive i sine tilnærmingar til sine leiarar, medarbeidarar og brukarar. Kompetanseutvikling Kommunen har ikkje ein oppdatert kompetanseplan. Dette er sjølvsagt ei ulempe når vi treng ein samla oversikt og prioritering. Eit vanleg tema er korleis arbeidsgjevar støtter økonomisk og praktisk dei som ynskjer vidareutdaning. Det er tradisjon i Selje å yte ,- i lønstillegg gjennom lokale forhandlingar for eit års vidareutdanning (med høvesvis andel for kortare utdanning). Dette har vore eit drøftingsmoment med organisasjonane. Nokre kommunar gjev dette tillegget automatisk ved endt utdanning, nokre legg det til lokale forhandlingar meir som ein automatikk då for å ha kontroll på lønsveksten, og nokre tek det inn i forhandlingane og vurderer tillegg individuelt i høve også andre kriterier som framkjem av planen. Rådmannen har ovanfor organisasjonane tydeleggjort at det er samla effekt av utdanninga som skal vurderast. Kompetanseutvikling må vurderast som samla endring av kunnskap, haldningar og ferdigheiter. Og det er det vi ser og opplever av effekt som er aktuelt å vurdere. I drøftingane med organisasjonane har vi då gjeve utrykk for at lønstillegg etter utdanning som hovudregel må forhandlast i lokale forhandlingar. Heiltid Denne problemstillinga har vi hatt stort fokus på i pleie og omsorgstenestene i år. Med innføring av heilårsturnus, har vi langt betre oversikt og kan tilby mange større stillingar. Antal tilsette vil då gå ned i desse tenestene og vi vil alltid trenge mange tilsette for å «balansere» helg/høgtid og vekedagar. Tilsette som synleggjer motivasjon for å auke stillingstorleik vil verte prioritert. Behalde, utvikle og rekruttere Eit viktig moment her er å ha oversikt over arbeidsmarknaden i regionen. Lønsnivå og tiltak i nabokommunar påverkar vår situasjon. I dag er leiarlønsnivået i Selje i underkant og vi ser at det å rekruttere er vanskelig. Kvalitet For oss no er det innsats som medverkar til å sikre kvalitet med stadig knappare ressursrammer som vert prioritert. Konstruktiv tilnærming i personalgruppene, ovanfor brukarane og tverrfagleg/samarbeidsmessig. I kva grad klarar ein å samarbeide med andre tenester og leiing slik at kvaliteten vert i så stor grad som råd er oppretthalde og utvikla. Denne hausten er det forhandlingar i kap 3 og 5. Dette vert gjennomført årleg og omhandlar leiarane og nokre andre i nøkkelstillingar innanfor ulike fagfelt. Pkt 1 over er då i enda større grad eit spørsmål om effekt, pkt 2 er mindre relevant då dei fleste har fulle stillingar. Hovudfokus i forhandlingane i år vil då vere punkta rekruttere og behalde og korleis tilsette i desse stillingane påverkar kommunen sin samla kvalitet. Planen synleggjer tilnærming i ulike «kriterier». Dette er ein operasjonalisering av tema i frå HTA som nemnt over.

8 Lover/regelverk Hovedtariffavtalen Sakshandsamar si vurdering Selje kommune har ikkje hatt ein eigen lønspoltisk plan dei seinare åra. Denne planen er ei spissing og endring i retning av å vurdere tilsette utfrå det arbeidet dei faktisk gjer. Korleis ein medverkar til positivt arbeidsmiljø, servicenivå, kvalitet og å sikre kommunen sine tenester som heilskap. For leiarane er dette i endå større grad spissa fordi deira arbeidsutføring er svært sentral i høve kommunen sin måloppnåing. Utdanningsnivå og relasjonar til andre samanliknbare stillingar er viktig, men endå viktigare den faktiske utføringa av arbeidet og funksjonen. Innspel frå organisasjonane til planen Utdanningsforbundet: Side 5, andre avsnitt: «Ved lokale forhandlingar er det spesiell innsats utover det vanlege som vert prioritert». Utdanningsforbundet meiner at denne setninga må takast bort eller formulerast om til at det ligg fleire lønspolitiske kriterium til grunn for lokale forhandlingar. Dette punktet er mest aktuelt i samband med kap 4 gruppene. Det er tenkt for å gje eit signal om prioritering utfrå individuelle forutsetningar og kriterie 2 og 5 i planen. Innspelet vert teke til fylgje og setninga vert omformulert. Side 5, kulepunkt, andre avsnitt: «Den tilsette sin innsats og resultatoppnåing». Utdanningsforbundet Selje har påpeika utfordringane knytt til dette punktet. Ynskjer Selje kommune dette omsynet, må det vere samsvar mellom resultatoppnåing og målstyrande dokument. Er dette i så tilfelle på plass i dag? Rådmannen er samd med utdanningsforbundet i at dette ikkje er fullgodt fastsett. Måstyrande dokument som vert vektlagt for leiarane no er medarbeidarkartlegging, reknskapsresultat/budsjettoppfølging og evt brukarundersøkingar/tilbakemeldingar. Formuleringane i kriterie 5 er elles ei utdjuping av kva innsats som vert vektlagt. Det skal utformast leiaravtalar som på ein betre måte kan evaluere innsats og måloppnåing. Denne skal nyttast i forhandlingane Innspelet vert ikkje teke til fylgje. I forhandlingane vert det teke høgde for at den tilsette tidlegare ikkje har vore orientert om koplinga til målstyrande dokument, særskillt innsats slik det no framkjem av planen. Side 5, sjuande avsnitt: «Lokale forhandlingar er eit viktig personalpolistisk verkemiddel for å fremme og løne særleg god innsats.» Etter vårt syn stemmer ikkje dette i følgje Hovudtariffavtalen kap 3.2. HTA kap. 3.2 seier at Lønspolitikken skal bl.a. bidra til å motivere til kompetanseutvikling, motivere til meir heiltid, behalde, utvikle og rekruttere, sikre kvalitativt gode tenester. Utdanningsforbundet Selje føreslår difor at denne setninga blir tatt ut av planen. Rådmannen kan sjå at samanhengane her kan verke uklare. Setninga er retta særleg mot kriterie 2 og 5 i planen sett i samanheng med korleis sjølve forhandlingane vert gjennomført. Form og innhald må innrettast slik at forhandlingane utviklar «særleg god innsats». Vi er her avhengig av samarbeid mellom organisasjonane og arbeidsgjevar slik at tilsette det vert forhandla for skjøner både gjennom innhaldet i planen og måten den vert gjennomført på kva

9 vi er opptatt av å fremje. Arbeidsgjevar har formidla at det er eit ynskje at tilsette deltek direkte i forhandlingane for betre å kunne sikre dette. Innspelet vert ikkje lagt inn som endring i plandokumentet. Side 6: Kriterium 3, relevant etter- og vidareutdanning. Selje kommune har allereie i dag utfordringar med å ha nok kvalifiserte lærarar i fleire av faga i skulen. Det manglar òg pedagogar i barnehagane. Rekruttering av kvalifiserte pedagogar bør difor vere eit satsingsområde. Dette kan løysast med både nytilsettingar og vidareutdanning av eksisterande personell. Utdanningsforbundet ber om at dette kjem fram i Lønspolitisk plan. Dette heng òg saman med kriterium 4. Nokre kommunar har automatikk i lønstillegg for relevant kompetanseutvikling, det vil seie at ein slepp å vente til dei lokale forhandlingane. Kan dette vere ei løysing for å motivere fleire til vidareutdanning? Vidare føreslår Utdanningsforbundet Selje at satsen for gjennomført studie bør bli auka opp til kr /60 sp som gjeld i dag. Dette spørsmålet er delvis omtala over. For rådmannen er det viktigare å fastslå at det ikkje er noko automatikk i at eit gitt antal stp vil utløyse eit lønstillegg fastsett på førehand. Nivået på tillegg vil vere ei norm som er eit utgangspunkt i forhandlingar. Konklusjon vil verte trekt etter ei samla vurdering av alle kriteria, også kriterie 4. Innepelet vert delvis tatt til fylgje ved at det i kriterie 3 vert tilføyd eit avsnitt som synleggjer desse prinsippa. Spørsmål om rekruttering av ulike profesjonar innan oppvekst, helse og omsorg spesielt, er eit viktig tema. Det er kritisk i dag og vil auke på framover. Temaet er viktig å få drøfta med organisasjonane samla. Rådmannen tek initiativ til å starte drøftingar om dette etter forhandlingane er avslutta. Side 6: Kriterium 5, yte kommunale tenester av beste kvalitet Vi spør her kva system Selje kommune vil bruke for å måle alt dette for kvar enkelt tilsett? Dette bør i så tilfelle vere gjort godt kjent for den tilsette i planen. Poenget til Utdanningsforbundet her er i kjerneområdet i sjølve forhandlingane. Underpunkta i kriterie 5 er formulert slik fordi dei skal gje retning for den einskilde og grunnlag i sjølve forhandlingane. Tema omhandla vil ikkje vere eller bør ikkje vere overraskande for nokon tilsette og i alle fall ikkje når det gjeld tilsette som er omfatta av forhandlingane no i haust. Dette har vore tema på leiarmøter, leiaropplæring og i individuelle samtaler over tid. Kriterie 5 er elelrs ytterlegare spissa med underpunkta i avsnittet under. Det er vanskeleg å etablere eit fastsett system når det gjeld desse tema. Forhandlingane er individuelle og innhald i punkta vert vurdert samla der ein på nokre punkt opplever sterke sider og på andre svakare. Den samla konklusjon vert trekt etter ein gjennomgang i sjølve forhandlingane. Innspelet vert ikkje tatt til fylgje. Side 7: Spesielt for medarbeidarar Kulepunkt «La seg rettleie og evt. korrigere av sin leiar». Utdanningsforbundet Selje stiller her spørsmål om Selje kommune verkeleg meiner at dette er eit kriterium som utløyser løn i lokale

10 forhandlingar? Utdanningsforbundet Selje føreslår at dette kulepunktet vert tatt ut av Lønspolitisk plan. Dette er frå rådmannen si side ikkje eit vesentleg punkt. Det er unntaksvis dette er ei problemstilling. I forhandlingane no i haust er dette heller ikkje relevant. Bakgrunnen for formuleringa er at vi er i ein krevjande driftsituasjon og det vil då vere viktig å sikre at det å la seg styre og rettleie (sjølv om ein skulle vere usamd) vert kopla mot lønsvurdering. Det betyr ikkje at tilsette enkelt skal la seg styre og korrigere utan å kunne stille spørsmål og ta det opp med tillitsvald leiar eller evt vernetenesta. Det betyr at den tilsette må nytte dei spelereglane som er fastsett når det oppstår usemje. Det betyr også at den tilsette må vere i utvikling fagleg og personleg. Rådmannen ser at formuleringa kan verke uheldig. Denne vert omformulert. Side 7: Forhandlingsutval Planen bør handsamast i Administrasjonsutvalet god tid før lokale forhandlingar sidan lønspolistisk plan skal vere godt kjend blant dei tilsette for at han skal fungere etter hensikta. Utdanningsforbundet meiner at arbeidsgjevar er ansvarleg for informasjon ut til kvar enkelt tilsett, men vi vil sjølvsagt også informere våre medlemmar. På dette punktet er det full semje. No i haust er dei fleste deltakarane bra orientert. Vi har planlagt lønspolitisk drøftingsmøte (HTA kap 3.2.1) den Sjølv om vi har nytta tid til å drøfte planen tidlegare er dette for knapt etter vedtak. Funksjonstillegg: Utdanningsforbundet ynskjer at funksjonstillegg vert med som ein kategori av lønstillegg. Funksjonstillegg er tillegg for ei tidsavgrensa og ekstraordinær oppgåve som ikkje naturleg høyrer til stillinga. Ein slik funksjon er til dømes kontaktlærarfunksjonen. Tidlegare hadde skulane i Selje fleire funksjonar, som til dømes samlingsstyrar for fagavdelingar. Dette har etter kvart blitt fjerna, og tilbakemeldingane frå arbeidsplassane er at dette har fått negative følgjer som til dømes dårlegare vedlikehald materiell og inventar. Skulesektoren er litt spesiell når det gjeld dette området. Det har over mange år vore etablert ei ordning der enkelte oppgåver og ansvar vert knytta til funksjonar med eigne lønstillegg. Frå KS si side har det vore ein strategi å trappe desse ordningane ned og overføre tillegga til faste individuelle lønstillegg lagt til grunnløn. Ei viktig side ved dette er at det er mange tilsette i andre sektorar som vi også er avhengig av tek på seg ekstra oppgåver og ansvar utan at desse har fått «funksjonstillegg» for dette. Ynskje frå arbeidsgjevar er at samla oppgåver og ansvar vert vurdert i samanheng med kriteria i planen (som eks kriterie 2 og 5) Kommunen har no nokre funksjonstillegg som for kontaktlærarfunksjonen. Vi tek sikte på å behalde desse. Framdriftsplan: Utdanningsforbundet Selje meiner at det tydleg må kome fram i planen korleis framdrifta i lønsforhandlingane er tenkt. Det bør òg vere med eit punkt som seier noko om informasjonsrutinane etter forhandlingane.

11 Rådmannen er samd i dette. Skisse over framdrift vert lagt i pkt 5 i planen med endra overskrift. Uttale frå FO Side 3 Innleiing: Tilføying etter tredje avsnitt:»den lønspolitiske planen vert revidert/oppdatert i tråd med ny hovedtariffavtale/hovedtariffperiode». Rådmannen er samd i dette punktet. I samband med rullering av planen i juni/august 2016 vert evt føringar i sentralt oppgjer tatt inn i denne planen. Side 4 Likelønn: Første avsnitt: «Ha ei oppfatning av yrkesgruppe for å vurdere kva stillingar som utfører likeverdig arbeid». FO ber om at det gitt ein definisjon av yrkesgruppene, for å kunne vurdere likeverdig arbeid. Dette er eit krevande punkt som er mindre aktuelt ved forhandlingane i haust. Det er knytta til kriteriet om utjamning av løn. I kap. 3 og 5 er signalet frå rådmannen at dette er individuelle forhandlingar og at det for desse gruppene vil vere større fokus på resultat enn det som er muleg å vurdere som likeverdigheit. Tenesteleiarane utfører svært ulikt arbeid, har svært ulike ansvars- og arbeidsoppgåver og dei legg også ned ulik innsats. I rullering av planen bør det drøftast tilhøvet mellom ulike yrkesgrupper fagarbeidarar, høgskuleutdanna og ufaglærte for å sikre likeverdigheit og sikre saklege grunnar for evt forskjellar. Det er uproblematisk å no ta ut dette avsnittet, men rådmannen let det førebels stå slik i planen. Side 5 Fastsetting av lønn, punkt 4.1 Prinsipp: Andre avsnitt: Ved lokale forhandlingar er det spesiell innsats utover det vanlege som vert prioritert». FO meiner at denne setning må takast bort eller formulerast om til at der ligg fleire lønspolitiske kriterium til grunn for lokale forhandlingar. Dette punktet er omtala under innspel frå Utdanningsforbundet. Tredje avsnitt, kulepunkt: «Den tilsette sin innsats og resultatoppnåing». Fo meiner at dersom innsats og resultat skal målast, må det definerast kva som skal målast, og korleis (måleindikator). Punktet er omtala over i samband med andre kommentarar frå Utdanningsforbundet.Grunnlag for vurdering av resultatoppnåing finn ein i ulike kjelder. Rådmannen har omtalt nokre viktige som medarbeiderkartlegging, rekneskap, budsjettoppfølging, samt i punkta omhandla i kriteria og då spesielt kriterie 5. Det å vurdere og evaluere innsats og resultatoppnåing er elles næraste leiar sin daglege jobb i høve underordna. Dette området er fastlagt som grunnlag for forhandlingar i HTA. Om kriteria og indikatorane er gode nok og konkrete nok må vi vurdere i evalueringa etter forhandlingane. Dette er fyrste runde med forhandlingar med større fokus på dette området. Sjuande avsnitt: «Lokale forhandlinger er eit viktig personalpolitisk verkemiddel for å fremme og løne særleg god innsats». Etter vårt syn stemmer ikkje dette ifølgje Hovedtariffavtalen kap HTA kapl 3.2 seier at lønspolitikken skal bl.a. bidra til å motivere til kompetanseutvikling, motivere til

12 meir heiltid, behalde, utvikle og rekruttere, sikre kvalitative gode tenester. FO-Selje forslår derfor at denne setninga vert teken ut av planen. Punktet er drøfta over under kommentarar til innspel frå Utdanningsforbundet. Side 6 Lokale forhandlinger kriterium 3, relevant etter og vidareutdanning. Selje kommune definerer relevant kompetanseutvikling til å vere tilleggsutdanning for å løyse nye oppgåver «og når ein skal sjå direkte verknad av at tilleggsutdanninga har auka kvaliteten på tenesta. Det er ikkje faste satsar for dette, og lønsutvikling vert vurdert i lokale forhandlingar Saman med andre kriterier». FO meiner at den delen av setning med kursiv skrift må takast bort. Korleis eller av kven skal auka kvalitet på tenesta målast? Etter vårt syn må vidareutdanning som arbeidsgjevar har behov or, og vert avtalt på førehand gje grunnlag for lønnskompensasjon. Det er framforhandla sentralt i 2008 ei norm for lønnsutvikling på kr for heilårsstudie (60 studiepoeng) og vidare for ½ år (30stp) og 3 mnd (15 stp). FO meiner at denne summen må aukast opp til minimum for heilårsstudie osv i tråd med lønsutviklinga på desse åra sidan 2008 og slik andre har gjort. Andre kommunar har automatikk lønnstillegg for relevant kompetanseutvikling, dvs at ein slepp å vente til dei lokale forhandlingane. Punktet er gjennomgåande kommentert i alle uttalene frå organisasjonane. Vurdering av kvalitet og kompetansenivå er omtala over. Dette er ein del av leiaroppgåvene lagt til næraste overordna. Det er også lagt til ansvaret leiar har ved å fordele arbeidsoppgåver knytta til kompetanse hjå den einskilde. Ved vanleg definisjon av kompetanse er dette samansett av kunnskap (utdanning), haldningar og ferdigheiter. Samla sett er dette noko som inngår i fleire av kriteria i planen. Side 6 Kriterium 5, Yte kommunale tenester av beste kvalitet. Kva system vil Selje kommune bruke for å måle dette for kvar enkelt tilsett? Dette bør i så tilfelle vere gjort kjent for den tilsette i planen. Tema er omtala tilknytta fleire uttaler og fleire punkt. Det er her spesielt fokusert på resultat for brukarane og kollegaer/arbeidsmiljø og kommunen som heilskap. Å vurdere resultat i høve kvalitet er eit viktig poeng i HTA spesielt i kap. 3. Side 7 Spesielt for medarbeidarar Kulepunkt «La seg rettleie og evt korrigere av sin leiar». FO stiller her spørsmål om Selje kommune verkeleg meiner at dette er eit kriterium som utløyser løn i lokale forhandlingar? FO meiner at dette kulepunktet må strykast frå lønspolitisk plan. Punktet er kommentert over under Utdanningsforbundet sin uttale. Uttale frå Fagforbundet. Side 3 Innleiing: Tilføying etter tredje avsnitt: «Den Lønspolitiske planen vert revidert/oppdatert i tråd med ny Hovedtariffavtale/Hovedtariffperiode. Omtalt over. Vert tatt til følgje. Side 4 Likelønn:

13 Første avsnitt: Ha ei oppfatning av yrkesgrupper for å vurdere kva stillingar som utfører likeverdig arbeid». Fagforbundet vil be om ein definisjon av yrkesgruppene, for å kunne vurdere likeverdig arbeid. Kommentert over. Side 5 Fastsetting av lønn, punkt 4.1 Prinsipp: Andre avsnitt: «Ved lokale forhandlingar er det spesiell innsats utover det vanlege som vert prioritert». Fagforbundet meiner at denne setninga må takast bort eller formulerast om til at der ligg fleire lønspolitiske kriterium til grunn for lokale forhandlingar. Poenget er omtala over. Det er viktig at det vert formidla at det er avveging av alle kriteria som er grunnlag for vurdering av lønsendring. Tredje avsnitt, kulepunkt: «Den tilsette sin innsats og resultatoppnåing». Fagforbundet vil påpeike at dersom innsats og resultat skal målast, må det difinerast kva som skal målast og korleis (måleindikator). Dette er kommentert over. Sjuande avsnitt: «Lokale forhandlingar er eit viktig personalpolitisk verkemiddel for å fremme og løne særleg god innsats». Etter vårt syn stemmer ikkje dette ifølgje Hovedtariffavtalen kap HTA kap. 3.2 seier at Lønspolitikken skal bl.a bidra til å motivere til kompetanseutvikling, motivere til meir heiltid, behalde, utvikle og rekruttere, sikre kvalitativt gode tenester. Fagforbundet Selje føreslår difor at denne setninga vert teken ut av planen. Poenget er omtala over. Side 6. Lokale forhandlingar Kriterium 3, relevant etter og vidareutdanning. «Selje kommune definerer relevant kompetanseutvikling til å vere tilleggsutdanning for å løyse nye oppgåver, og når ein kan sjå direkte verknad av at tilleggsutdanninga har auka kvaliteten på tenesta. Det er ikkje faste satsar for dette, og lønsutvikling vert vurdert i lokale forhandlingar saman med andre kriterier.» Fagforbundet meiner at den delen av setninga med kursivskrift må takast bort. Korleis eller av kven skal auka kvalitet på tenesta målast? Etter vårt syn må vidareutdanning som arbeidsgjevar har behov for, og vert avtalt på førehand gje grunnlag for lønnskompensasjon. Det er framforhandla sentralt i 2008 ei norm for lønnsutvikling på kr for heilårsstudie (60 studiepoeng) og vidare for ½ år (30 stp) og 3 mnd (15 stp). Fagforbundet meinar at denne summen må aukast opp til minimum for heilårsstudie, osv, i tråd med lønnsutviklinga på desse åras idan 2008, og slik andre kommunar har gjort. Andre kommunar har automatikk i lønnstillegg for relevant kompetanseutvikling, det vil seie at ein slepp å vente til dei lokale forhandlingane. Tema er omtala over. Det er gjennomgåande frå alle organisasjonane. Side 6. Kriterium 5, Yte kommunale tenester av beste kvalitet. Kva system vil Selje kommune bruke for å måle dette for kvar enkelt tilsett? Dette bør i så tilfelle vere gjort godt kjent for den tilsette i planen. Er omtala over.

14 Side 7. Spesielt for medarbeidarar Kulepunkt «La seg rettleie og evt. korrigere av sin leiar». Fagforbundet Selje stiller her spørsmål om Selje kommune verkeleg meinar at dette er eit kriterium som utløyser løn i lokale forhandlingar? Fagforbundet meinar at dette kulepunktet må strykast frå Lønspolitisk plan. Det høyrer meir heime i ein stillingsinstruks. Er omtala over. Dette er mindre aktuelt tema i forhandlingane i haust. Rådmannen meiner dette er eit område som bør drøftast i samband med rullering av planen før forhandlingar Andre kommentarer: Prosess ved Lokale Forhandlingar Det må utarbeidast ein aktivitetsplan/framdriftsplan med tidsfristar for førebuing og gjennomføring av lokale forhandlingar. Dette er kommentert over. Det vert lagt inn ein framdriftsoversikt i planen. TILRÅDING FRÅ ADMINISTRASJONEN Administrasjonsutvalet vedtek Lønspolitisk plan slik den ligg føre etter innspel frå organisasjonane.

15 Lønspolitisk plan Selje kommune

16 Innhald: 1. INNLEIING side 2. MÅL MED LØNSPOLITIKKEN side 4 3. LIKELØN side FASTSETTING AV LØN PRINSIPP LOKALE FORHANDLINGAR KRITERIER side side 5 6 side 7 side side FORHANDLINGSUTVAL OG FRAMDRIFT 6. FORHANDLINGSPROSESSEN GOD FORHANDLINGSSKIKK a. PROSESSUELLE SPELEREGLAR b. RELASJONELLE SPELEREGLAR Side 2 av 8

17 1. INNLEIING Selje kommune har sjølvstendige tenester med organisatorisk styrings- og rapporteringslinje til rådmannen. Alle tenesteleiarane har ansvar for fagleg kvalitet, resultat, økonomi og personalhandsaming i si avdeling. Selje kommune følgjer avtaleverket som er forhandla fram mellom partane i arbeidslivet. Hovudavtalen (HA) og Hovudtariffavtalen (HTA) dannar grunnlag for lønspolitisk plan for Selje kommune. Denne lønspolitiske planen tek for seg kommunen sine målsetjingar og praksis, og er å sjå på som eit supplement til HTA. Den kompletterar verkemidla for lønsfastsetting og lønsutvikling. 2. MÅL MED LØNSPOLITIKKEN Det overordna målet med lønspolitikken i Selje kommune er at arbeidsgjevar og arbeidstakar skal verta samde om ei løn som vert oppfatta rettvis, og som er i tråd med den innsats, kompetanse og arbeidsbelastning som den tilsette står for. Kvinner og menn skal ha like vilkår når det gjeld stillingar og løn. Det er eit mål at løn i Selje kommune skal støtte opp under organisasjonsstruktur og vedtekne mål. Ei positiv lønsutvikling kan vere eit incitament for å yte ein ekstra innsats for å kunne levere kommunale tenester av beste kvalitet. Selje kommune er i ein svært vanskeleg økonomisk situasjon. Dette påverkar våre ambisjonar om generell lønsvekst og det er naudsynt for alle tilsette og leiarane spesielt å ha fokus på omstilling, vere endringsvillig og i kontinuerleg vurdering av kostnadseffektiv drift. Situasjonen vert også gjenspegla i kriteria for lønsutvikling hjå den einskilde. 3. LIKELØN Likestillingslova slår fast at kvinner og menn i same verksemd skal ha lik løn for same arbeid, eller arbeid av lik verdi. I lønspolitikken til Selje kommune etablerer me følgjande praksis for å sikre likeløn i eit likestillings- og diskrimineringsperspektiv: Utarbeide kjønnsdelt lønstatistikk og denne skal presenterast i årsmeldinga Under lokale forhandlingar i tariffperioden skal det sikrast at kjønn ikkje er grunnlag ved fordeling av forhandlingspotten. Sikre tilsette i foreldrepermisjon gjennomsnittlig lønsauke (kap 4) Ha ei oppfatning av yrkesgrupper for å vurdere kva stillingar som utfører likeverdig arbeid. Gje særskilte lønstillegg dersom det vert avdekka skilnader som skuldast kjønn eller andre diskrimineringsgrunnlag (sjå pkt. 4.2 kriterium 1) Side 3 av 8

18 4. FASTSETTING AV LØN 4.1 PRINSIPP Løn vert vurdert og fastsett ved tilsetting, og seinare ved lokale eller særskilte forhandlingar. Stillingane til dei tilsette er som følgje av HTA fordelt i ulike kapittel. Kap Toppleiarar (rådmann, stedfortredar) Andre leiarar med eit sjølvstendig delegert budsjett-, økonomiog personalansvar (tenesteleiarane) Stillingane er unormerte, som vil seie at dei er plasserte i eit sentralt stillingsregulativ, men utan sentralt fastsett løn. Lønsfastsetting og lønsutvikling skjer lokalt Kap. 4 Kap. 5 4.B Gjennomgåande stillingar (t.d. førskulelærar, konsulent, reinhaldar, sekretær, spesialpedagog, sjukepleiar) Stillingane er normerte, som vil seie at dei er plasserte i eit stillingsregulativ med sentralt fastsett lønsplassering. Lønsutvikling skjer sentralt og lokalt. 4.C Undervisningsstillingar i skulen (t.d. lærar, adjunkt, lektor) Stillingane er normerte, som vil seie at dei er plasserte i eit stillingsregulativ med sentralt fastsett lønsplassering. Lønsutvikling skjer sentralt og lokalt. Lokale løns- og stillingsvedtekter (t.d. legar, rådgjevarar, leiarar) Stillingane er unormerte, som vil seie at dei er plasserte i eit sentralt stillingsregulativ, men utan sentralt fastsett løn. Lønsfastsetting og lønsutvikling skjer lokalt Kapittelinndelinga viser at sentrale forhandlingar ivaretek lønsfastsetting og lønsutvikling for nokre grupper meir enn andre. Løna for tilsette i stillingar i kap. 3 og kap 5 vert avgjort lokalt, medan tilsette i stillingar i kap. 4 både har eit sentralt og lokalt oppgjer. Denne lønspolitiske planen vil derfor vise ulike prioriteringar mellom stillingar i ulike kapittel. Tilsette i Selje kommune skal ha ei konkurransedyktig løn samanlikna med andre kommunar i regionen og sikre ei tilfredstillande kjøpekraft for dei tilsette. Løn skal vere med på å inspirere til godt og effektivt arbeid. Ved lokale forhandlingar vert kriteria i planen vurdert samla og spesiell innsats utover det vanlege drøfta. Kva som er spesiell innsats vert skildra i eigne kriterium (sjå under). For tilsette i kap. 3 og 5 vert all løn individuelt fastsett, og løn skal verte aktivt nytta for å fremme og løne innsats som gjer at Selje kommune når sine mål. Omsyn som vert vektlagt er: Kompleksitet i stillinga Den tilsette sin kompetanse Side 4 av 8

19 Den tilsette sitt ansvar Den tilsette sin innsats og resultatoppnåing Behovet for å rekruttere og halde på arbeidstakaren Lønsutviklinga for tilsette i kap. 4 vert i hovudsak ivareteke i det sentrale oppgjeret, men lokale forhandlingar kan gje ytterlegare positiv lønsvekst i tråd med prinsippa over. Det skal vere ein naturleg samanheng mellom den tilsette sin kompetanse, kompetanseutvikling og lønsutvikling. I kompetanseomgrepet legg Selje kommune til grunn den tilsette sin samla kompetanse med dei kunnskapar, ferdigheiter og haldingar vedkommande har i høve til kommunen sine utfordringar. 4.2 LOKALE FORHANDLINGAR Hovudtariffavtalen viser at lokale forhandlingar kan skje ved: Det årlege lokale lønsoppgjeret (kap. 4.A.1) Særskilte forhandlingar (kap.4.a.2) For å rekruttere og halde på kvalifisert arbeidskraft (kap.4.a.3) Lokale forhandlingar er eit viktig personalpolitisk verkemiddel for å fremme og løne særleg god innsats. Vurderingsgrunnlaget er definert i kriterium som: Kriterium 1: Rette opp i urettvise skilnader i løn Dersom det sentrale oppgjeret gjev stillingar særleg positiv lønsutvikling, ønskjer ein at tilsvarande stillingar som ikkje er med i det sentrale oppgjeret, følgjer etter. Det sentrale oppgjeret kan også medføre uheldige konsekvensar i høve til stillingar som er direkte lønsplassert, og som bør rettast opp att i lokale forhandlingar. Det skal vere like vilkår for lønsvekst jr. pkt. 3. Kriterium 2: Vesentlege endringar i oppgåver og ansvar Endringar i oppgåve- og ansvarsområdet, som er vesentlege i omfang og set store krav til omstilling for den tilsette, kan gje eit grunnlag for lønsvekst. Det vert spesielt vurdert korleis den tilsette sjølv handterer og medverkar til omstillinga. Omstilling som inneberer auka stillingstorleik vert vurdert jmf HTA Kriterium 3: Relevant etter- og vidareutdanning HTV pkt. 3.3 Kompetanse læring og utvikling viser korleis ein kan løne kompetanseutvikling. Selje kommune definerer relevant kompetanseutvikling til å vere tilleggsutdanning for å løyse nye oppgåver, og når ein kan sjå direkte verknad av at tilleggsutdanninga har auka kvaliteten på tenesta. Det er ikkje faste satsar for dette og lønsutvikling vert vurdert i lokale forhandlingar saman med andre kriterier. Norm for lønsutvikling er ,for eit heilårstudie (60 stp) Side 5 av 8

20 Kriterium 4: Rekruttere og halde på spesielt godt kvalifisert arbeidskraft For stillingar der kommunen har vanskar med å skaffe kvalifisert arbeidskraft, eller det er særleg kvalifisert arbeidskraft som vil vere kritisk å miste, kan ein bruke løn som eit verkemiddel. Kriterium 5: Yte kommunale tenester av beste kvalitet ved å Bidra til kostnadseffektiv drift Setje brukaren i sentrum Ta initiativ for å forbetre dei kommunale tenestene Gjennomføre prosessar og iverkset vedtak på ein positiv måte Ta utdanning som Selje kommune treng Sikre god kommunikasjon, sosial dugleik og aktivt bidra til å forbetre arbeidsmiljø Ta ansvar for vårt omdømme ved å gje god informasjon til alle som er i kontakt med kommunen Medverke til å gjere Selje kommune til eitt kompetent og inkluderande arbeidsfellesskap, til dømes ved å samarbeide og hjelpe på tvers av tenestene. Vere pådrivar for å innfri våre mål og tenesta sine satsingsområde Spesielt for leiarar: Ta naudsynte avgjerder og halde disponible rammer Forbetre og kostnadseffektivisere tenestene Sørgje for at tenestene blir systematisk evaluert og trekkje lærdom av erfaringane Skape engasjement, lagånd og medansvar både i si avdeling og i kommunen som heilheit Utvikle medarbeidarar ved å gje rettleiing, støtte og stille krav Klargjere ansvarsforhold og roller i organisasjonen Spesielt for medarbeidarar: Vere fleksibel og løyse naudsynte oppgåver på ein effektiv og positiv måte Vise motivasjon for refleksjon og utvikling av eigen praksis i samarbeid med leiar. Samarbeide godt med andre i og utanfor eiga avdeling 5. FORHANDLINGSUTVAL OG FRAMDRIFT Forhandlingsutvalet for Selje kommune som arbeidsgjevar vert samansett av rådmannen. Side 6 av 8

21 5.1 FRAMDRIFT Juni Oppstart rullering av lønspolitisk plan høyring til organisasjonane August (siste halvdel) Administrasjonsutvalet - handsaming av planen annan kvart år i samsvar med Hovedtariffavtalen, men rullerast fyrste gong august 2015 September Lønspolitisk drøftingsmøte innan 15. september kvart år Fastsetjing av datoar for forhandlingar viser til HTA pkt og Vedlegg 3 Retningslinjer for lokale forhandlingar Oktober og November Forhandlingar for tilsette i Kap. 4, 3 og 5 (HTA) Desember Evaluering av forhandlingane 6. FORHANDLINGSPROSESSEN GOD FORHANDLINGSSKIKK 6.1 PROSESSUELLE SPELEREGLAR Selje kommune vil ha ein forhandlingsprosess som følgjer god forhandlingsskikk slik HTA skildrar i vedlegg 3 Retningslinjer for lokale forhandlingar God forhandlingsskikk. Hovudelement i prosessen er: Arbeidsgjevar har ansvar for innkalling og gjennomføring av lønspolitiske drøftingar og forhandlingar. Arbeidsgjevar lagar forslag til framdriftsplan. I drøftingsmøte etter HTA kap.3 pkt drøftar partane bruk av alle forhandlingsvedtektene. Tema i drøftingsmøtet vert slik HTA viser i nemnde vedlegg. Informasjonsflyt er viktig Informasjon og opplæring i nytt avtaleverk for tillitsvalte og leiarar Framdriftsplanen for forhandlingane må gje partane rimeleg tid slik at dei kan skaffe seg nok informasjon og kunnskap til å gjennomføre forhandlingane Tillitsvalte har tilgang til faktiske lønsopplysningar Drøfting av rutinar for å gje informasjon til tilsette om lokale forhandlingar, framdrift, kriterium og resultat til tilsette Det er eit mål å lære av resultat avforhandlingane. Dette vert gjort ved evaluering med dei tillitsvalde og ved lønssamtalar med den einskilde jmf HTA. 6.2 RELASJONELLE SPELEREGLAR Det er eit mål for forhandlingsprosessen at den tek i vare eit godt forhold mellom partane, og gjev ein akseptabel avtale for begge partar. Ein ønskjer forhandlingar prega av: Side 7 av 8

22 Respekt for kvarandre sine interesser Gjensidige fordelar Kunnskap i forhandlingane, og at desse er likt fordelt rundt bordet Tilbod og løysingar, konstruktiv tilnærming Saklege og objektive argument Skilje mellom person og sak Sjå framover, lære av feil og ikkje ta opp att gamle erfaringar som er lagt bak oss God tone mellom partane Side 8 av 8

23 FO-Selje v/ Jorunn Breiteig 6740 Selje Selje kommune v/ rådmannen 6740 Selje UTTALE VEDK LØNSPOLITISK PLAN Viser til møte den mellom arbeidstakerorganisasjonar og arbeidsgiver vedk lønnspolitisk plan for Selje kommune, der organisasjonane har blitt gitt mulighet til å kome med innspel. FO-Selje gir med dette innspel og ber om at dette vert tatt med i saksutgreinga til administrasjonsutvalet. Side 3 Innleiing: Tilføying etter tredje avsnitt; Den lønspolitiske planen vert revidert/oppdatert i tråd med ny hovudtariffavtale/hovudtariffperiode. Side 4 Likelønn Første avsnitt: Ha ei oppfatning av yrkesgruppe for å vurdere kva stillingar som utfører likeverdig arbeid. FO ber om at det gitt ein definisjon av yrkesgruppene, for å kunne vurdere likeverdig arbeid. Side 5 Fastsetting av lønn, punkt 4.1 Prinsipp: Andre avsnitt: Ved lokale forhandlingar er det spesiell innsats utover det vanlege som vert prioritert. FO meiner at denne setning må takast bort eller formulerast om til at der ligg fleire lønspolitiske kriterium til grunn for lokale forhandlingar. Tredje avsnitt, kulepunkt: Den tilsette sin innsats og resultatoppnåing. FO meiner at dersom innsats og resultat skal målast, må det definerast kva som skal målast, og korleis (måleindikator). Sjuande avsnittt: Lokale forhandlinger er eit viktig personalpolitisk verkemiddel for å fremme og løne særleg god innsats. Etter vår syn stemmer ikkje dette i følge Hovudtariffavtalen kap 3.2. HVA kap 3.2 seier at lønspolitikken skal bl.a bidra til å motivere til kompetanseutvikling, motivere til meir heiltid, behalde, utvikle og rekruttere, sikre kvalitative gode tenester. FO-Selje foreslår derfor at denne setninga vert teken ut av planen. Side 6 Lokale forhandlinger kriterium 3, relevant etter og vidareutdanning Selje kommune definerer relevant kompetanseutvikling til å vere tilleggsutdanning for å løyse nye oppgåver og når ein skal sjå direkte verknad av at tilleggsutdanninga har

24 auka kvaliteten på tenesta. Det er ikkje faste satser for dette, og lønsutvikling vert vurdert i lokale forhandlingar saman med andre kriterier. FO meiner at den delen av setning med kursivskrift må takast bort. Korleis eller av kven skal auka kvalitet på tenesta målast? Etter vårt syn må vidareutdanning som arbeidsgjevar har behov for, og vert avtalt på førehand gje grunnlag for lønnskompensasjon. Det er framforhandla sentralt i 2008 ei norm for lønnsutvikling på kr ,- for heilårsstudie (60 studiepoeng) og vidare for ½ år (30 stp) og 3 mnd (15 stp). FO meiner at denne summen må aukast opp til minimum ,- for heilårsstudie osv i tråd med lønsutviklinga på desse åra sidan 2008 og slik andre har gjort. Andre kommunar har automatikk lønnstillegg for relevant kompetanseutvikling, dvs at ein slepp å vente til dei lokale forhandlingane. Side 6 Kriterium 5, Yte kommunale tenester av beste kvalitet.. Kva system vil Selje kommune bruke for å måle dette for kvar enkelt tilsett? Dette bør i så tilfelle vere gjort kjent for den tilsette i planen. Side 7. Spesielt for med arbeidarar Kulepunkt La seg rettleie og evt korrigere av sin leiar. FO stiller her spørsmål om Selje kommune verkeleg meiner at dette er eit kriterium som utløyser løn i lokale forhandlingar? FO meiner at dette kulepunktet må strykast frå lønspolitisk plan. Andre kommentarar: Prosess ved lokale forhandlinger Det må utarbeidast ein aktivitetsplan/framdriftsplan med tidsfristar for førebuing og gjennomføring av lokale forhandlinger Med helsing FO-Selje Jorunn Breiteig hovudtillitsvalgt

25 Avdeling: HTV Selje, avd 289 Selje Kommune Selje v/rådmannen UTTALE OM INNSPEL TIL LØNSPOLITISK PLAN vart det gjennomført drøftingsmøte mellom arbeidstakarorganisasjonane og arbeidsgjevar om Lønspolitisk plan for Selje Kommune. På drøftingsmøtet fekk organisasjonane ta opp spørsmål og komme med synspunkt til framlegg til Lønspolitisk Plan. Fagforbundet Selje har gått gjennom og drøfta Lønspolitisk Plan med dei tillitsvalde og i styret, og vil med dette gje ein skriftleg uttale til våre framlegg til endringar, slik Rådmannen ba om. Fagforbundet Selje bed om at dette vert teke med i saksutgreiinga til Administrasjonsutvalet Side 3 Innleiing : Tilføying etter tredje avsnitt ; «Den Lønspolitiske Planen vert revidert/oppdatert i tråd med ny Hovudtariffavtale/hovudtariffperiode. Side 4 Likelønn: Første avsnitt : Ha ei oppfatning av yrkesgrupper for å vurdere kva stillingar som utfører likeverdig arbeid». Fagforbundet vil be om ein definisjon av yrkesgruppene, for å kunne vurdere likeverdig arbeid. Side 5 Fastsetting av lønn, punkt 4.1 Prinsipp: Andre avsnitt: «Ved lokale forhandlingar er det spesiell innsats utover det vanlege som vert prioritert». Fagforbundet meiner at denne setninga må takast bort eller formulerast om til at der ligg fleire lønspolitiske kriterium til grunn for lokale forhandlingar. Tredje avsnitt, kulepunkt: «Den tilsette sin innsats og resultatoppnåing» Fagforbundet vil påpeike at dersom innsats og resultat skal målast, må det definerast kva skal målast, og korleis ( måleindikator). Sjuande avsnitt: «Lokale forhandlingar er eit viktig personalpolitisk verkemiddel for å fremme og løne særleg god innsats» Etter vårt syn stemmer ikkje dette i følgje Hovudtariffavtalen kap HTA kap. 3.2 seier at Lønspolitikken skal bl.a. bidra til å motivere til kompetanseutvikling, motivere til meir heiltid, behalde, utvikle og rekruttere, sikre kvalitativt gode tenester. Fagforbundet Selje føreslår difor at denne setninga vert teken ut av planen.

26 Avdeling:HTV Selje, avd 289 Side 6. Lokale Forhandlingar Kriterium 3, relevant etter og vidareutdanning «Selje Kommune definerer relevant kompetanseutvikling til å vere tilleggsutdanning for å løyse nye oppgåver,» og når ein kan sjå direkte verknad av at tilleggsutdanninga har auka kvaliteten på tenesta. Det er ikkje faste satsar for dette, og lønsutvikling vert vurdert i lokale forhandlingar saman med andre kriterier». Fagforbundet meiner at den delen av setninga med kursivskrift må takast bort. Korleis,eller av kven skal auka kvalitet på tenesta målast? Etter vårt syn må vidareutdanning som arbeidsgjevar har behov for, og vert avtalt på førehand gje grunnlag for lønnskompensasjon. Det er framforhandla sentralt i 2008 ei norm for lønnsutvilking på kr ,- for heilårsstudie ( 60 studiepoeng) og vidare for ½ år ( 30 stp.) og 3 mnd ( 15stp.). Fagforbundet meinar at denne summen må aukast opp til minimum ,- for heilårsstudie, osv., i tråd med lønnsutviklinga på desse åra sidan 2008, og slik andre kommunar har gjort. Andre Kommunar har automatikk i lønnstillegg for relevant kompetanseutvikling, det vil seie at ein slepp å vente til dei lokale forhandlingane. Side 6. Kriterium 5, Yte kommunale tenester av beste kvalitet.. Kva system vil Selje Kommune bruke for å måle dette for kvar enkelt tilsett? Dette bør i så tilfelle vere gjort godt kjent for den tilsette i planen. Side 7. Spesielt for medarbeidarar Kulepunkt «La seg rettleie og evt. korrigere av sin leiar». Fagforbundet Selje stiller her spørsmål om Selje Kommune verkeleg meinar at dette er eit kriterium som utløyser løn i lokale forhandlingar? Fagforbundet meinar at dette kulepunktet må strykast frå Lønspolitisk plan. Det høyrer meir heime i ein stillingsinnstruks. Andre kommentarer: Prosess ved Lokale Forhandlingar Det må utarbeidast ein aktivitetsplan/framdriftsplan med tidsfristar for førebuing og gjennomføring av lokale forhandlingar. Med vennlig helsing Fgaforbundet Selje, avd Sissel Solheim Hovudtillitsvald

27 Vår dato Dykkar dato Vår referanse Uttale Lønspol.plan Vår sakshandssamar Håvar Fagerli Avdeling HTV Dykkar referanse Arkivkode H Direkte telefon Selje kommune Rådmannen UTTALE OM FRAMLEGG TIL LØNSPOLITISK PLAN vart det gjennomført drøftingsmøte mellom arbeidsgjevar og arbeidstakarorganisasjonane om Lokalpolitisk plan for Selje kommune. Utdanningsforbundet Selje tykkjer det er bra at vi blir involvert, og at vi får uttale oss om framlegget til ny Lønspolitisk plan for Selje kommune. Utdanningsforbundet Selje fekk i drøftingsmøtet kome med spørsmål, synspunkt og kommentarar til framlegget. Vi vil med dette kome med ein skriftleg versjon av våre framlegg til endringar, kommentarar og spørsmål i samband med framlegget til Lønspolitisk plan. Utdanningsforbundet Selje ber om at dette vert tatt med i saksutgreiinga til Administrasjonsutvalet Side 5, andre avsnitt: «Ved lokale forhandlingar er det spesiell innsats utover det vanlege som vert prioritert». Utdanningsforbundet meiner at denne setninga må takast bort eller formulerast om til at det ligg fleire lønspolitiske kriterium til grunn for lokale forhandlingar. Side 5, kulepunkt, andre avsnitt: «Den tilsette sin innsats og resultatoppnåing». Utdanningsforbundet Selje har påpeika utfordringane knytt til dette punktet. Ynskjer Selje kommune dette omsynet, må det vere samsvar mellom resultatoppnåing og målstyrande dokument. Er dette i så tilfelle på plass i dag? Side 5, sjuande avsnitt: «Lokale forhandlingar er eit viktig personalpolistisk verkemiddel for å fremme og løne særleg god innsats.» Etter vårt syn stemmer ikkje dette i følgje Hovudtariffavtalen kap 3.2. HTA kap. 3.2 seier at Lønspolitikken skal bl.a. bidra til å motivere til kompetanseutvikling, motivere til meir heiltid, behalde, utvikle og rekruttere, sikre kvalitativt gode tenester. Utdanningsforbundet Selje føreslår difor at denne setninga blir tatt ut av planen. Side 6: Kriterium 3, relevant etter- og vidareutdanning. Selje kommune har allereie i dag utfordringar med å ha nok kvalifiserte lærarar i fleire av faga i skulen. Det manglar òg pedagogar i barnehagane. Rekruttering av kvalifiserte pedagogar bør difor vere eit satsingsområde. Dette kan løysast med både nytilsettingar og vidareutdanning av eksisterande personell. Utdanningsforbundet ber om at dette kjem fram i Lønspolitisk plan. Dette heng òg saman med kriterium 4. Nokre kommunar har automatikk i lønstillegg for relevant kompetanseutvikling, det vil seie at ein slepp å vente til dei lokale forhandlingane. Kan dette vere ei løysing for å motivere fleire til vidareutdanning? Vidare føreslår Utdanningsforbundet Selje at satsen for gjennomført studie bør bli auka opp til kr /60 sp som gjeld i dag. Side 1 av 2 Postadresse Fjellet 6715 BARMEN Besøksadresse Selje skule 6740 SELJE E-post post@selje.utdanningsforbundet.no Internett

28 Vår dato Dykkar dato Vår referanse Uttale Lønspol.plan Vår sakshandssamar Håvar Fagerli Avdeling HTV Dykkar referanse Arkivkode H Direkte telefon Side 6: Kriterium 5, yte kommunale tenester av beste kvalitet Vi spør her kva system Selje kommune vil bruke for å måle alt dette for kvar enkelt tilsett? Dette bør i så tilfelle vere gjort godt kjent for den tilsette i planen. Side 7: Spesielt for medarbeidarar Kulepunkt «La seg rettleie og evt. korrigere av sin leiar». Utdanningsforbundet Selje stiller her spørsmål om Selje kommune verkeleg meiner at dette er eit kriterium som utløyser løn i lokale forhandlingar? Utdanningsforbundet Selje føreslår at dette kulepunktet vert tatt ut av Lønspolitisk plan. Side 7: Forhandlingsutval Planen bør handsamast i Administrasjonsutvalet god tid før lokale forhandlingar sidan lønspolistisk plan skal vere godt kjend blant dei tilsette for at han skal fungere etter hensikta. Utdanningsforbundet meiner at arbeidsgjevar er ansvarleg for informasjon ut til kvar enkelt tilsett, men vi vil sjølvsagt også informere våre medlemmar. Andre kommentarar: Funksjonstillegg: Utdanningsforbundet ynskjer at funksjonstillegg vert med som ein kategori av lønstillegg. Funksjonstillegg er tillegg for ei tidsavgrensa og ekstraordinær oppgåve som ikkje naturleg høyrer til stillinga. Ein slik funksjon er til dømes kontaktlærarfunksjonen. Tidlegare hadde skulane i Selje fleire funksjonar, som til dømes samlingsstyrar for fagavdelingar. Dette har etter kvart blitt fjerna, og tilbakemeldingane frå arbeidsplassane er at dette har fått negative følgjer som til dømes dårlegare vedlikehald materiell og inventar. Framdriftsplan: Utdanningsforbundet Selje meiner at det tydleg må kome fram i planen korleis framdrifta i lønsforhandlingane er tenkt. Det bør òg vere med eit punkt som seier noko om informasjonsrutinane etter forhandlingane. Beste helsing For Utdanningsforbundet Selje Håvar Fagerli Hovudtillitsvald Side 2 av 2 Postadresse Fjellet 6715 BARMEN Besøksadresse Selje skule 6740 SELJE E-post post@selje.utdanningsforbundet.no Internett