REGIONAL TRANSPORTPLAN HORDALAND (RTP) FRAMLEGG TIL PLAN MED HANDLINGSPROGRAM

Transkript

1 HORDALAND FYLKESKOMMUNE Samferdselsavdelinga Arkivsak Arkivnr. 80 Saksh. Klinker, Torill Saksgang Samferdselsutvalet Fylkesutvalet Fylkestinget Møtedato REGIONAL TRANSPORTPLAN HORDALAND (RTP) FRAMLEGG TIL PLAN MED HANDLINGSPROGRAM SAMANDRAG Fylkesrådmannen legg med dette fram sak om godkjenning av Regional transportplan Hordaland (RTP) Regional transportplan (RTP) skal vera ein samla langsiktig regional strategiplan for transportsektoren i Hordaland. Planframlegget har vore ute til høyring, frist for å koma med innspel var sett til 30. juni, og det har totalt kome inn 58 innspel til planframlegget. Både kommunar, offentlege og private organisasjonar har vore aktive i høyringsprosessen. Høyringa har gjeve fleire gode og viktige innspel. Dei fleste merknadane er i tråd med planframlegget, men det er kome inn einskilde innspel som inneber behov for særleg vurdering, og nokre som etter fylkesrådmannen sitt syn inneber behov for konkrete endringar i planframlegget. Fylkesmannen meiner at planframlegget ikkje er i tråd med fylkeskommunen sin klimaplan og har varsla at han vil bringa planen inn for Miljøverndepartementet dersom planframlegget ikkje vert endra.

2 FORSLAG TIL INNSTILLING Fylkestinget vedtek med dette Regional transportplan Hordaland med fylkesrådmannen sine tilrådingar i saksframlegget. Paul M. Nilsen Fylkesrådmann Anne Iren Fagerbakke Samferdselssjef Vedlegg 1: Høyringsinnspel samlefil Vedlegg 2: Høyringsinnspel kortversjon, med kommentarar frå fylkesrådmannen Vedlegg 3: Tilsvar til Fylkesmannen sine innvendingar til planframlegget 2

3 FYLKESRÅDMANNEN, : 1.0 BAKGRUNN På møte i fylkesutvalet, , vart det handsama sak om Regional transportplan Hordaland Det vart gjort fylgjande vedtak: Fylkesrådmannen sitt framlegg til Regional transportplan Hordaland vert sendt på høyring. Framlegg til Regional transportplan for Hordaland , med handlingsprogram for perioden , har vore ute til høyring og skal no endeleg vedtakast. 2.0 KORT OM PLANFRAMLEGGET Om planen Framlegget til RTP byggjer på og er i samsvar med vedteke planprogram. For alle regionale planar er det etter plan- og bygningslova krav om at planen tydeleg gjer greie for føremål, hovudinnhald og verknader, samt korleis planen er utforma i høve til rammer og retningslinjer for det aktuelle planområdet. Dette er det gjort greie for i kapittel 2. Kapittel 2 gjev også ein omtale av korleis arbeidet har vore organisert, kva prosessar planarbeidet har lagt til grunn, samt opplegg for medverknad. Prosess, medverknad og deltaking Framlegg til regional transportplan er utarbeida med medverknad frå kommunar, regionale statsetatar og ulike interesseorganisasjonar. Samferdselsutvalet har vore politisk styringsgruppe for arbeidet, med leiar i utvalet, Gustav Bahus, som saksordførar. Det faglege planarbeidet har vore koordinert av ei administrativ prosjektgruppe leia av samferdselssjefen. Prosjektgruppa har bestått av representantar frå Statens vegvesen, Jernbaneverket, Kystverket, Avinor, Fylkesmannen, kommunane i fylket, samt Hordaland fylkeskommune. Arbeidet har vore tilrettelagt av sekretariatet, som har bestått av medarbeidarar på samferdselsavdelinga og innleidd konsulent (Asplan Viak). Det har vore arrangert møte i ei referansegruppe med representantar frå relevante organisasjonar som planen kan ha verknader for. Det har også vore oppretta faglege temagrupper innanfor fagområda fylkesveg og kollektiv. Planframlegget har i tillegg vore oppe til drøfting i regionalt planforum. Planframlegget har vore ute til høyring. Frist for å koma med innspel var sett til 30. juni, og det har totalt kome inn 58 innspel til planframlegget. Både kommunar, offentlege og private organisasjonar har vore aktive i høyringsprosessen. (Alle høyringsinnspela er samla i vedlegg 1.) Høyringa vart kunngjort i BT og Haugesunds avis, via brev til aktuelle høyringspartar og via internett. Det har også vore arrangert ein eigen høyringskonferanse ( ) med høg deltaking frå offentlege og private aktørar. Det har vore lagt til rette for å koma med innspel gjennom ulike høyringskanalar som eigen høyringsside på internett, samt gjennom brev og epost. Etter fylkesrådmannen sitt syn har tilstrekkeleg medverknad vore sikra gjennom heile planprosessen. Plantema Planframlegget er inndelt i fylgjande tema: Kapittel 3 Status, utviklingstrekk og utfordringar Dette kapittelet presenterer dei viktigaste utviklingstrekka og transportpolitiske utfordringane ein ser føre seg i fylket i planperioden ( ) og fram mot Stikkord er demografi, næringsliv og godstransport, bu- og arbeidsmarknadsregionar, miljø og klima samt tryggleik, risiko og sårbarheit. Kapittel 4 Fylkesvegnettet Dette kapittelet gjer greie for ulike utfordringar knytt til fylkesvegnettet. Stikkord er strekningsvise utbetringstiltak, drift og vedlikehald, regionsentra som trafikale knutepunkt, gang- og sykkeltiltak, 3

4 ferjedrift, trafikktryggleik og skredsikring. Sentralt for dette kapittelet er framlegget om ei todeling av fylkesvegnettet i overordna og øvrig vegnett. Kapittel 5 Kollektivtransport utanom Bergensområdet Omtalen av kollektivtransport er delt i to i denne planen. Det samla transporttilbodet i Bergensområdet er skilt ut i eit eige kapittel (6), medan kapittel 5 har fokus på kollektivtransport utanom Bergensområdet. Sentrale tema er overordna rutestruktur mellom regionsentra og Bergen, infrastruktur for kollektivtrafikken, skuleskyss og alternativ ruteproduksjon samt kollektivtilbod og reiseliv. Kapittel 6 Transport i Bergensområdet Ettersom Bergensområdet står overfor utfordringar som skil det frå resten av fylket er omtale av desse utfordringane handsama i eit eige kapittel. Stikkord for kapittel 6 er forventa folkeauke, redusert framkome og behov for ei meir berekraftig utvikling med omsyn til arealbruk, utslepp av klimagassar, støy og lokal forureining. Kapittel 7 Statleg transportansvar Staten har ansvar for riksvegar, jernbane, luftfart og sjøtransport. Sjølv om desse transportsektorane ligg utanfor fylkeskommunen sitt ansvarsområde, er dei ein viktig del av dette plandokumentet. Kapittel 8 Finansiering, forvaltning og transportberedskap Avslutningsvis omhandlar planen utfordringar knytt til finansiering, forvaltning og transportberedskap. Bompengefinansiering og eit regionalt bompengeselskap er sentrale tema her. Handlingsprogram Handlingsprogrammet er todelt. Den første delen er ei opplisting av tiltak for vidare utgreiingar og planlegging som er naudsynt for å gjennomføra planen. Den andre delen er ei oversikt over prioritering og finansiering av fysiske tiltak knytt til fylkesvegnettet. Handlingsprogrammet har ein planperiode på 2013/ og skal rullerast kvart år. 3.0 REVISJON OG GJENNOMFØRING AV REGIONAL TRANSPORTPLAN Regional transportplan skal reviderast kvart fjerde år. Neste planperiode vil bli Handlingsprogrammet skal reviderast årleg som eiga sak gjennom heile planperioden. Regional transportplan med handlingsprogram skal leggjast til grunn for årlege budsjett og for det årlege plan- og byggeprogrammet for fylkesvegnettet. 4.0 GJENNOMGANG AV HØYRINGSMERKNADER OG TILRÅDING FRÅ FYLKESRÅDMANNEN Hovudtyngda av innspela viser til at det er positivt og ikkje minst naudsynt med ein overordna plan for transportsystemet i Hordaland. Fleire merknader ber om auka satsing på lokale prosjekt, fleire ber om omklassifisering av vegstrekningar, nokre peikar på manglande satsing på nye vegprosjekt medan andre peikar på manglande miljøfokus. Det er ikkje samsvar mellom kva forventningar kommunar og andre har til drift, vedlikehald og nyinvesteringar på vegnettet, i høve til kva midlar fylkeskommunen har til disposisjon. Fylkesmannen meiner at planframlegget ikkje er i tråd med fylkeskommunen sin klimaplan og har varsla at han vil bringa planen inn for Miljøverndepartementet dersom planframlegget ikkje vert endra. For eit fullstendig oversyn over høyringa viser fylkesrådmannen til vedlegg 1. Eit samandrag av merknadane, med fylkesrådmannen sine kommentarar, er vist i vedlegg 2. Fylkesrådmannen har vurdert alle dei innkomne merknadane og vil her trekkja fram tema som det særleg er knytt merknader til. Der fylkesrådmannen vil tilrå endringar i planframlegget er desse vist i kursiv. 4

5 4.1 Todeling av fylkesvegnettet Det er kome inn mange merknader knytt til todelinga av fylkesvegnettet, og samtlege støttar framlegget til inndeling i eit overordna og eit øvrig fylkesvegnett. Det har ikkje kome store innvendingar i høve til kva vegstrekningar som tilhøyrer det overordna vegnettet, men det har kome nokre innspel (i hovudsak frå kommunar og regionråd) med oppmoding om endring av lokale vegstrekningar frå øvrig til overordna vegnett. Todelinga av fylkesvegnettet skal danna grunnlaget for framtidige prioriteringar innan drift, vedlikehald og nyinvesteringar. Ein har lagt til grunn ei systematisk tilnærming som har gjeve eit heilskapleg framlegg. Ei utviding av det overordna vegnettet vil etter fylkesrådmannen sitt syn utydeleggjere og utvatne Regional transportplan som eit arbeidsverkty i høve til framtidige prioriteringar. Dei nye innspela har ikkje peika på openbare manglar eller feilvurderingar, Fylkesrådmannen vil difor ikkje tilrå at det vert gjort endringar i inndelinga mellom øvrig og overordna fylkesvegnett. 4.2 Vegprosjekt Mange av innspela er direkte knytt opp mot aktuelle investeringsprosjekt på vegnettet og ulike innspel om nye tiltak i handlingsprogrammet. Døme på slike tiltak er Hardangertunnelen, Tverrsambandet og bru over Masfjorden. Fylkesrådmannen registrerer at det er eit sterkt lokalt engasjement for å få planlagt og realisert nye store investeringar på vegnettet. Samtidig peikar fylkesrådmannen på at høyringsprosessen har gjeve eintydig støtte til den auka satsinga på drift og vedlikehald som er foreslått i framlegget til handlingsprogram. Standarden på store delar av det eksisterande fylkesvegnettet i Hordaland er særs låg. Dette er eit resultat av at ein i mange år har brukt for lite ressursar til å vedlikehalde vegnettet. Difor er framlegget til RTP og handlingsprogram tydeleg i prioritering av drift og vedlikehald framfor nye, store investeringar på vegnettet. Etter fylkesrådmannen si vurdering er dette eit naudsynt grep for å sikre at dagens vegnett også i framtida skal vere trafikksikkert og framkomeleg. Det er også stort behov for å utvikle vegnettet i Hordaland å redusere avstandsbarrierar og å skape mest mogleg føreseielege rammevilkår for næringstransport. Dei økonomiske rammene som er lagt til grunn i høyringsutkastet gjev i liten grad rom for dette dei næraste åra. Fylkesrådmannen si vurdering er at fylkeskommunen sin samla økonomi ikkje toler eit høgare investeringsnivå på vegsida i åra framover, utan ein eventuell auke i statlege rammer. Fylkesrådmannen finn difor ikkje grunn til å omdisponere midlar til alternative prosjekt innanfor den føreslegne økonomiske ramma, og heller ikkje til å auke den økonomiske ramma for å kunna prioritere nye vegprosjekt. 4.3 Skredsikring og trafikktryggleik Fleire av merknadane etterspør auka midlar til skredsikring og trafikktryggleik på fylkesvegnettet. Det er særleg kommunar som ber om auka rammer i handlingsprogrammet. Fylkesrådmannen peikar på at det dokumenterte behovet for midlar til skredsikring i Hordaland er særs stort, og viser til eiga sak til fylkestinget i oktober 2012 om behov for skredsikringstiltak i perioden Tiltak til skredsikring på fylkesvegnettet vert som kjent finansiert gjennom ei statleg tilskotsordning. I den nye perioden vert det arbeidd med å auke Hordaland sin del av den nasjonale potten til skredsikring. Prioritering av midlar til skredsikring for perioden vert lagt fram for endeleg fylkespolitisk handsaming etter handsaminga av Nasjonal transportplan , der dei økonomiske rammene til skredsikring vert avgjort. Trafikktryggleik er heilt sentralt i alt arbeid som vert gjort for ta vare på og utvikle vegnettet. Fylkesrådmannen peikar her på planframlegget sitt fokus på auka satsing på vedlikehald og reinvesteringar på vegnettet. Dette handlar ikkje minst om å halde det eksisterande vegnettet trafikksikkert. I tillegg peiker fylkesrådmannen på at det årleg vert sett av betydelege midlar til mindre tiltak gjennom programområda. Her er trafikksikring eit eiga satsingsområde både i Bergensprogrammet og på vegnettet utanfor Bergen. Kva tiltak som vert prioritert innanfor programområda vert avgjort gjennom dei årlege budsjetta, og fylkesrådmannen peikar på at høyringsuttalane er verdifulle innspel til desse prosessane. Fylkesrådmannen registrerer at det er eit sterkt lokalt engasjement når det gjeld skredsikring og trafikktryggleik. Fylkesrådmannen finn likevel 5

6 ikkje rom til å tilrå at det vert tilført midlar til nye skredsikrings- og trafikktryggleiksprosjekt i handlingsprogrammet. 4.4 Forskotteringsordninga Det er kome inn fleire merknader knytt til forskottering av vegmidlar og ynskje om at denne ordninga bør vidareførast. Det er særleg peika på behov for forskotterte midlar knytt til oppfylgjing av rekkefylgjekrav i reguleringsplanar. Fylkesrådmannen ser det likevel som naudsynt å halde fast på framlegget om å avgrense omfanget av nye forskotteringar, i tillegg til å auke nivået på dei årlege refusjonane. 4.5 Miljø, klima og bytransport Det er kome fleire merknader som etterlyser eit tydelegare miljøfokus i planframlegget. Fylkesmannen meiner framlegg til Regional transportplan ikkje følgjer opp fylkeskommunen sin eigen klimaplan og vil bringa planen inn for Miljøverndepartementet dersom den ikkje vert endra. Fylkesrådmannen har den vore i møte med Fylkesmannen om saka. Ein vart i møtet einige om at fylkesrådmannen snarast utformar eit brev der det tydeleg framgår kva endringar som skal gjerast for å kopla planframlegget sterkare til klimaplanen. Brevet til Fylkesmannen er vist i vedlegg 3. Etter fylkesrådmannen sitt syn har klimaplanen vore ein viktig premiss for arbeidet med Regional transportplan, og medverka til at Regional transportplan har det miljøfokuset den har. Ynskje om oppfylling av ulike andre mål, som framkome, reduserte avstandskostnadar og trafikktryggleik, har gjort at RTP ikkje har kome så langt som klimaplanen legg opp til på alle felt. Fylkesrådmannen meiner likevel at RTP er eit skritt i riktig retning, og viser mellom anna til at det i løpet av planperioden, til tross for ein stor forventa folkeauke, ikkje vert lagt opp til ein auke i biltrafikken i Bergensområdet. Vidare at det i planframlegget er lagt opp til eit auka fokus på drift og vedlikehald, og ein redusert investeringstakt for nye vegprosjekt på fylkesvegnettet. Auka satsing på kollektivtransport er også eit sentralt element i RTP. Etter fylkesrådmannen sitt syn vil RTP i hovudsak og på sikt bidra til ein gjennomføring av klimaplanen sine mål for transportområdet. Hovudmåla i klimaplanen er at utslepp frå mobile kjelder i Hordaland skal reduserast med 20% i 2020 (i høve til 1991), og at utslepp frå vegtrafikk skal reduserast med 20% i 2020 i høve til 1991, og 30% innan Fylkesrådmannen ser at det vil vera ei stor utfordring å oppfylla hovudmåla i klimaplanen innan den tidsperioden som er skissert. Fylkesrådmannen har vore i møte med Fylkesmannen og diskutert merknaden. Fylkesmannen vil vurdera planframlegget som tilfredsstillande dersom det i større grad følgjer opp klimaplanen. For å tydeleggjera koplinga mellom klimaplanen og RTP tilrår fylkesrådmannen at det vert gjort fylgjande endringar i kapittel 2 Bakgrunn og rammer for Regional Transportplan: Regionale mål under vert endra til 6 likestilte mål, slik: Transporttilbodet skal bidra til positiv verdiskaping og robuste bustad- og arbeidsmarknadsregionar. Bergensområdet skal ha eit transportsystem og eit utbyggingsmønster som gjev god tilgjenge til viktige reisemål, og effektiv transport for brukarane. I distrikta skal transporttilbodet gje betre framkome og reduserte avstandskostnader. Transporttilbodet skal bidra til å betre trafikktryggleik og å redusera risikonivå, med særleg vekt på skredsikring. Transporttilbodet skal bidra til å oppnå viktige klima- og miljøpolitiske mål. Transporttilbodet skal bidra til å sikre tilgjenge for alle (universell utforming). Fylgjande tekst, side 12 i planframlegget vert fjerna: Eit anna døme er Klimaplan for Hordaland ( ), der det er formulert to hovudmål for transportsektoren: Utslepp frå mobilekjelder i Hordaland skal reduserast med 20% i høve til Utslepp frå vegtrafikk skal reduserast med 20% i 2020 i høve til 1991, og 30% innan Delkapittel vert tilført ny tekst slik: RTP vil bidra til klimaplanen sine hovudmål om at: Utslepp frå mobile kjelder i Hordaland skal reduserast med 20% i høve til

7 Utslepp frå vegtrafikk skal reduserast med 20% i 2020 i høve til 1991, og 30% innan Auka fokus på gange Fleire innspel har vist til at Regional Transportplan bør ha meir fokus på gange, og helsegevinsten dette medfører. Fylkesrådmannen vil foreslå at følgjande tekst vert innarbeida i delkapittel Tilrettelegging for gange, side 35 i høyringsframlegget: Statens vegvesen har utarbeidd ein nasjonal gåstrategi med to hovudmål: 1. Det skal vera attraktivt å gå for alle; alle grupper i befolkninga skal oppleva at det er attraktiv tå gå, og at det er lagt til rette for at dei kan gå meir i kvardagen. 2. Fleire skal gå meir; fleire av befolkninga sine totale reiser skal gjerast til fots og alle befolkningsgrupper skal gå meir i kvardagen. For å synleggjera RTP sitt fokus på gange tilrår fylkesrådmannen også at det vert gjort fylgjande endringar i kapittel 6 Transport i Bergensområdet: Setninga under 6.2, side 53 Gangemålet frå Klimaplan for Hordaland er svært ambisiøst og er ikkje vidareført her. vert fjerna. Fylgjande setning vert tilført: Gangemålet i RTP legg opp til ein auke på meir enn daglege reiser til fots i løpet av planperioden ( daglege reiser til fots i 2012 i høve til daglege reiser til fots i 2024). Dette oppfyller ikkje fullt ut måla i klimaplanen, men er likevel eit ambisiøst mål, saman med målsetjingane om auka sykling og bruk av kollektivtrafikk i Bergensområdet. 4.6 Folkehelse Gjennom fleire høyringsmerknader vert det etterlyst eit tydelegare folkehelseperspektiv i Regional transportplan. På bakgrunn av høyringsinnspela tilrår fylkesrådmannen at fylgjande tekst vert tilført som nytt delkapittel 3.5 (Tryggleik, risiko og sårbarheit vert difor endra til 3.6.): 3.5 Folkehelse Status Med forvaltningsreforma fekk fylkeskommunane eit lovfesta ansvar for å bidra til måloppnåing av nasjonal politikk på folkehelseområdet. Regional planstrategi nemner folkehelsearbeidet som eitt av fem utfordringsområde, og arbeidet med ein regional folkehelseplan er starta opp. Fysisk aktivitet og tilrettelegging for aktiv transport er mellom dei viktigaste helsefremjande faktorane og inngår som ein del av folkehelsearbeidet. Sosial og helsedirektoratet har rekna ut at kvar stillesittande person som byrjar å trimme 30 minutt dagleg, får kraftig redusert faren for fem ulike kreftformar, muskel- og skjelettlidingar, høgt blodtrykk og diabetes type 2. Utviklingstrekk Å vera fysisk aktiv legg grunnlag for sunn vekst og utvikling hjå barn og ungdom, og er viktig for å førebygge fysiske plager og sjukdom i alle aldersgrupper. Den enklaste måten å vera fysisk aktiv på er å legga aktiviteten inn i daglege rutinar, til dømes ved å gå eller sykle til og frå skule, jobb og fritidsaktivitetar. Ein meir aktiv livsstil krev tilrettelegging av dei fysiske omgjevnadane, til dømes tilgangen til sykkelvegar. Ein god infrastruktur for sykkeltrafikk vil kunne bidra til at fleire vel å sykle til daglege gjeremål. Det er store helsegevinstar ved ein fysisk aktiv livsstil. Berekningar syner at ein inaktiv 30-åring truleg vil kunna leva 3-8 år lenger dersom personen byrjar med regelmessig fysisk aktivitet i minst 30 minutt dagleg. At fleire går og syklar vil også bidra til forbetra luftkvalitet, mindre støy og reduserte klimagassutslepp. Det vil i tillegg vera samfunnsøkonomisk lønnsamt å få fleire til å nytta sykkel framfor bil på kortare reiser. TØI bygger sine analysar på at sykling vil gje betydelig helsegevinst, redusert sjukefråvær og innsparingar på mellom anna parkering og forureining. TØI har også sett på barrierekostnader, det at biltrafikken hindrar folk i å gå og sykle i den grad dei ønskjer. Transportpolitiske utfordringar knytt til folkehelse Folkeauke og urbanisering vil i tida framover gje auka utfordringar med tanke på transportbehov i område der det allereie er stor trafikk. Sykkel og gange må difor ta ein stor del av veksten i persontrafikken i Bergensområdet. For å få dette til må ein mellom anna etablera god infrastruktur 7

8 med samanhengande og adskilte gang- og sykkelvegnett, og syta for betre drift- og vedlikehald av gang- og sykkelareal. Vidare må ein redusera transportbehovet gjennom å sikra ein samordna arealog transportplanlegging der gangstiar, snarvegar og ulike friområde kan inngå i nærmiljøet. Tal frå Transportøkonomisk institutt (TØI) syner at den samfunnsøkonomiske nytta av eit samanhengande gang- og sykkelvegnett i norske byar truleg er fire-fem gongar større enn kostnadane, og har høgare lønnsemd enn dei fleste vegprosjekt. 4.7 Handlingsprogrammet del I, utgreiingsoppgåver Fylkesrådmannen har teke initiativ til ein gjennomgang med Statens vegvesen om handlingsprogrammet del I, utgreiingsoppgåver. Etter gjennomgangen finn fylkesrådmannen grunnlag for å gjera fylgjande mindre endringar i teksten: Tiltak 4.1.1: Strekningsvise utgreiingar. HFK og SVV skal byta plass i høve til ansvar / samarbeidspart. Tiltak 4.2.2: Tiltak på fylkesvegar som ikkje inngår i overordna vegnett. Forfallsregistrering basert på vegnr vert tilført. HFK og SVV skal byta plass i høve til ansvar / samarbeidspart. Tiltak 4.3.1: Utvikling av regionsentra som trafikale knutepunkt. SVV vert flytta frå ansvarleg til samarbeidspart. Tiltaket må løysast saman med (utbetring av knutepunkt) og i tillegg koplast til (Kollektivtiltak, gang- og sykkeltiltak og miljøtiltak i Bergen og regionsentra). Tiltak 4.4.1: Gang- og sykkeltiltak i distrikta. Formuleringa vert endra til: I regionale knutepunkt og tettstader over 5000 innbyggjarar skal det utarbeidast ein sykkelstrategi for å auka bruken av sykkel som transportmiddel. Tiltak 4.4.2: Gang- og sykkeltiltak kring skular og andre målpunkt. I høve til ansvar vert teksten endra til: HFK (kartleggja dei faktiske behova), og SVV (oppfølging av TS-planar). Tiltaket må koplast til Tiltak 4.5.1: Ferjedrift. Skyss vert lagt til som ansvarleg. Samarbeidspart vert SVV (landbasert infrastruktur). Tiltak 4.5.2: Miljøvenleg framdriftsteknologi for ferjer. Skyss vert lagt til som ansvarleg. Tiltak 4.6.1: Handlingsplan for trafikksikring. SVV vert lagt til som samarbeidspart. Tiltak 5.1.1: Ny kollektivstrategi for Hordaland. Teksten ang oppstart vert endra til Ferdig i løpet av 2014, innan utlysing av nye anbodspakkar i Tiltak 5.2.1: Utbetring av kollektivknutepunkt. HFK og SVV byter plass ang ansvarleg og samarbeidspart. Tiltak 5.2.3: Planar for knutepunkt. Teksten vert endra til Gjennom ordinære, langsiktige planprosessar Tiltak 7.1.2: Kollektivtiltak, gang- og sykkeltiltak og miljøtiltak i Bergen og regionsentra. Følgjande formulering vert tilført: Tiltaket må koplast til tiltak Tiltak 7.2.3: Finansiering av kollektivterminal i Voss trafikknutepunkt. Tiltaket vert endra til Gjennomføring av kollektivterminal i Voss trafikknutepunkt. Tiltaket skal finansierast med ei 50/50 kostnadsdeling mellom stat og fylkeskommune. Ansvarleg er HFK og Skyss. SVV vert flytta frå ansvar til samarbeidspart. ROM eigedom vert lagt til som samarbeidspart. 8

9 4.8 Handlingsprogrammet del II, økonomiske prioriteringar Som nemnt tidlegare finn ikkje fylkesrådmannen rom for å auka dei økonomiske rammene. Etter høyringsinnspel vert det likevel tilrådd å justere omtalen av nokre prosjekt i høve til høyringsframlegget: Bru over Masfjorden Omtale av prosjektet Bru over Masfjorden (s. 17) vert flytta til side 20, under Aktuelle bompengepakker. Siste avsnitt i omtalen av prosjektet i høyringsutkastet vert erstatta av fylgjande: Vegdirektoratet si bruavdeling har utarbeidd skisser for alternative bruløysingar med kostnadsoverslag. Kostnadene for sjølve bruprosjektet vil vere i storleiksorden 730 mill kroner, og avog påkøyrslene til brua vil etter vegvesenet sine vurderingar utgjere om lag 30 mill kroner. Bompengar vil kunne vere eit vesentleg finansieringselement, og Masfjorden kommune vil arbeida vidare med prosjektet for å få det nærare konkretisert til ei seinare rullering av Regional transportplan. Storskaret - Arefjordpollen Siste avsnitt, samt siste setning i første avsnitt under omtale av prosjektet Storskaret-Arefjordpollen (s. 11) vert erstatta av fylgjande nye avsnitt: Nytt kostnadsanslag for prosjektet er på 135 mill kroner. Dette er framleis så høgt over kostnadsramma som låg til grunn for opphavleg prioritering i 2010 at ein må arbeide vidare for å redusere kostnadene og/eller supplere med anna finansiering. Spesielt vil ein her peike på at eit betydeleg kostnadselement er knytt til koplinga til riksveg 555. Dette tilseier at staten som riksvegeigar bør delta i finansieringa av prosjektet. I handlingsprogrammet vert det føresett ei totalramme for fylkeskommunale midlar på 110 mill kroner. Realisering og endeleg prioritering vert å kome tilbake til gjennom årlege budsjett. Kjøp av ferjetenester For å tydeleggjera dei økonomiske føresetnadane for ferjedrift tilrår fylkesrådmannen at fylgjande tekst vert tilført under kap 2 Økonomiske rammer ny fireårsperiode. Fylkeskommunen tok over ansvaret for fylkesferjesambanda frå 1. januar Fylkeskommunen har ansvar for i alt 16 samband. I perioden skal sambanda driftast innanfor gjeldande anbodsavtalar. Ut frå dette bør ein kunna leggja til grunn at det i planperioden vil vera trong for ei stabil økonomisk ramme til ferjedrifta. For 2013 vert det lagt opp til ei ramme på om lag 315 mill kr. Gjeldande anbodsavtalar opnar for at det kan tingast meir produksjon av operatørane. I løpet av planperioden kan det syna seg at trafikkutviklinga endrar seg på einskilde samband i slik grad at det kan verta trong for auka produksjon, og dermed auka tilskotsrammer. Det er gjort vedtak om at det skal utgreiast eit prøveprosjekt med alternativ framdriftsteknologi i ferjedrifta. Dersom eit slikt prosjekt skal realiserast i planperioden vert det lagt til grunn at det vert finansiert utanom den ordinære ramma. 4.9 Andre mindre endringar Regional næringsplan Etter innspel frå Business Region Bergen tilrår fylkesrådmannen at Regional Næringsplan vert tilført under Regionale planar under utarbeiding, punkt Kollektivtilbod og reiseliv Etter innspel frå Fjord Tours AS tilrår fylkesrådmannen at delsetning i kap som inngår i rundturen Noreg i eit nøtteskal frå Bergen vert flytta tre avsnitt lenger ned. Nye setningar vert då slik: 1) På lokaltogstrekninga Bergen Voss Myrdal var det totale passasjertalet over 1.4 mill i ) Banestrekninga mellom Oslo og Bergen er viktig i reiselivssamanheng, både for norske og utanlandske reisande. Strekninga Bergen Myrdal og Myrdal Flåm, som inngår i rundturen Noreg i eit nøtteskal, er særleg viktige. 9