Sakspapir. Saksnr. Utval Møtedato 011/17 Formannskapet /17 Kommunestyret

Transkript

1 Sakspapir Saksnr. Utval Møtedato 011/17 Formannskapet /17 Kommunestyret Sakshandsamar Arkiv Arkivsaksnr. Ottar Wiik K /1604 Kommunal planstrategi Vik Kommune Rådmannen si tilråding Kommunal planstrategi for Vik Kommune vert vedteken med endringar og tillegg som tilrådd i saksutgreiinga. Formannskapet - 011/17 Sakshandsamar Ottar Wiik og plansjef Turid Brekke deltok under handsaminga av saka. Sakshandsamar gjekk gjennom innkomne merknader og gjorde greie for endringar i plandokumentet i høve til høyringsutkastet. Saka vart drøfta. Det var semje om å tilrå å ta inn fylgjande endringar eller tilføyingar i planstrategien: s. 10 første avsnitt: "betre ferjefrekvens" bytast ut med "raskare fjordkryssing". kapittel 4.4 og 5.2: Status for breibandutbygginga må oppdaterast i samsvar med faktisk situasjon. kapittel 4.9: Også delplan oppvekst må innehalda folkehelse som tema. plan for busetjing og integrering av flyktningar vert lagt inn som ny temaplan i ruspolitisk handlingsplan vert erstatta med handlingsplan rus og psykiatri i FS - vedtak: Saka blir lagt fram for kommunestyret med fylgjande framlegg til vedtak: Kommunal planstrategi for Vik Kommune vert vedteken med endringar og tillegg som tilrådd i saksutgreiinga og det som kom fram i formannskapsmøtet. Samrøystes. Postboks 134, 6891 Vik i Sogn tel: post@vik.kommune.no vik.kommune.no Bankgiro: Org. nr

2 Kommunestyret - 006/17 KS - vedtak: Kommunal planstrategi for Vik Kommune vert vedteken med endringar og tillegg som tilrådd i saksutgreiinga. Samrøystes. Vedlegg Dokument dato Tittel DokID Planstrategi Vik Kommune Høyringsmerknader til planstrategi Folkehelseprofil 1417 Vik NOTAT til planstrategi Vik Regional planstrategi Sogn og Fjordane nasjonale_forventningar_nn Kort samandrag Kommunal planstrategi er etter Plan- og bygningslova 10-1 eit lovpålagt tiltak. Planstrategien drøftar utfordringar og utviklingstrekk i kommunen som samfunn og organisasjon, som grunnlag for å vurdera planbehovet i kommunestyreperioden. Rådmannen har på grunnlag av drøftingar i kommunestyret utforma framlegg til strategidokument. Framlegg til planstrategi har vore på høyring og offentleg ettersyn i samsvar med Pbl Det kom inn 6 innspel/merknader. Rådmannen rår formannskapet til å gjera vedtak om godkjenning med endringar og tillegg som tilrådd i saksutgreiinga. Kommunestyret har mynde til å gjera vedtak. Aktuelle lover, forskrifter, avtalar m.m. Plan- og bygningslova Saksopplysningar Kommunal planstrategi er etter Plan- og bygningslova 10-1 eit lovpålagt tiltak: «Kommunestyret skal minst én gang i hver valgperiode, og senest innen ett år etter konstituering, utarbeide og vedta en kommunal planstrategi. Planstrategien bør omfatte en drøfting av kommunens strategiske valg knyttet til samfunnsutvikling, herunder langsiktig arealbruk, miljøutfordringer, sektorenes virksomhet og en vurdering av kommunens planbehov i valgperioden. Ved behandlingen skal kommunestyret ta stilling til om gjeldende kommuneplan eller deler av denne Side 2 av 7

3 skal revideres, eller om planen skal videreføres uten endringer. Kommunestyret kan herunder ta stilling til om det er behov for å igangsette arbeid med nye arealplaner i valgperioden, eller om gjeldende planer bør revideres eller oppheves, jamfør lovkommentar til plandelen av plan- og bygningsloven 10-1 om kommunal planstrategi. Kommunen skal i arbeidet med kommunal planstrategi innhente synspunkter fra statlige og regionale organer og nabokommuner. Kommunen bør også legge opp til bred medvirkning og allmenn debatt som grunnlag for behandlingen.» Planprosess Rådmannen starta opp førebuande arbeid med kommunal planstrategi ved årsskiftet 2015/16 Grunnlagsdokument vart utarbeidd av administrasjonen og drøfta i Leiargruppa og Plangruppa, der alle aktuelle sektorar og fagområde i Vik Kommune er representerte. Grunnlagsdokument vart presentert og drøfta i kommunestyret Innspel og signal frå kommunestyret vart hausten 2016 innarbeidd i framlegg til strategidokument. Framlegg til planstrategi skal offentleggjerast og sendast på høyring til statlege og regionale organ, og til nabokommunar, med høyringsfrist min. 30 dagar Vik formannskap vedtok i møte , sak 143/16 å senda framlegg til strategidokument på høyring og offentleg ettersyn. Høyring. Merknader og innspel. Framlegg til planstrategi har vore på høyring og offentleg ettersyn i samsvar med Pbl Det kom inn 6 innspel/merknader innan fastsett frist for innspel. Kopi av merknader fylgjer som vedlegg. Hovudpunkt i merknader er omtalte og vurderte under. Rådmannen (R)si vurdering og tilråding i kursiv. 1 Fylkesmannen i Sogn og Fjordane (FM) FM ser det som positivt at VK tek tak i viktige lokale miljøutfordringar som ureining i Vikja og Hopra, vasskraftutbygging, m.m. FM etterlyser omtale av VK sin heilskaplege ROS-analyse i strategidokumentet. FM peikar på at VK har busetnad som ligg i område med skredfare, og etterlyser omtale av korleis VK vil ivareta dette. FM merkar seg at planstrategien legg opp til revisjon av arealdelen til kommuneplanen, og tilrår å synleggjera i arealstrategien i kva grad dette kan komma i konflikt med jordvern og landbruksinteresser FM meiner folkehelse har fått for lite merksemd og omtale i strategidokumentet. FM meiner Folkehelseinstituttet sin «Folkehelseprofil for Vik» ikkje er tilstrekkeleg kunnskapsgrunnlag, og at strategidokumentet ikkje synleggjer korleis ein har tenkt å møta Side 3 av 7

4 utfordringane som kjem fram i folkehelseprofilen. FM er nøgd med at planstrategien har bustadpolitisk handlingsplan som prioritert planoppgåve, og peikar på at slik plan er eit viktig verkemiddel mot sosial ulikskap. FM ber kommunen sjå til at det er samsvar mellom arealplanar på kommuneplan og reguleringsplannivå, i samband med planlagd revisjon av arealdelen. Kommentar /tilråding. VK har laga heilskapleg ROS- analyse for Vik Kommune. R er samd i at analysen må omtalast saman med andre plandokument i planstrategien. R er samd i at busette område med påvist skredfåre må leggjast inn i revidert arealdel som omsynssoner, med tilhøyrande føresegner. Dette bør omtalast nærare i planprogrammet for planrevisjonen, og ikkje i planstrategien, etter R si vurdering. R ser at intensjonen om å peika ut nye utbyggingsområde truleg vil innebera omdisponering av dyrka jord, og såleis komma i konflikt med med jordvern og landbruksinteresser. R er samd i at det kan synleggjerast i planstrategien, men meiner at utfyllande omtale og drøfting høyrer heime i planprogrammet for revisjon av arealdelen. R er samd i at folkehelse er lite omtalt og drøfta i strategidokumentet. R er samd i at kunnskapsgrunnlaget om folkehelseutfordringar i Vik kunne vore betre, men meiner at det er«godt nok» på dette stadiet ut frå tid og ressursar til disposisjon. Planstrategidokumentet side 2 seier at «Folkehelse skal vera eit viktig omsyn i alle planar» I tillegg vil R forslå at det skal løftast opp som eige tema i revisjon/rullering av to kommunedelplanar: Delplan helse og omsorg, og Delplan for idrett, fysisk aktivitet og friluftsliv. R har retta/supplert strategidokumentet i samsvar med tilråding over. Merknadene frå FM vert tekne med i arbeidet med planprogram for revisjon av kommuneplanen. Side 4 av 7

5 2 Sogn og fjordane Fylkeskommune SFJ SFJ er samde i vurderinga av utfordringar som er gjort i planstrategien SFJ saknar omtale og drøfting av regional planstrategi, og kva den skal ha å seia for Vik kommune sitt planarbeid. SFJ saknar ei drøfting av kva det inneber å vera del av ein større bu- og arbeidsmarknadsregion. I saksutgreiinga til Fylkesrådmannen går det og fram at ein saknar ein breiare omtale av folkehelse. Kommentar/vurdering: R er samd i at RP er lite drøfta og omtalt i dokumentet. R har i revidert forslag lagt inn forslag til ein noko breiare omtale. Vik er inntil vidare i liten grad del av ein større bu og arbeidsmarknadsregion, på grunn av avstand og usikre vegsamband. Vik har eit sterkt ynskje om å bli del av eit større bu- og arbeidsområde, og har difor sikker veg mot Voss og betre og raskare samband mot nordsida som topp prioritet i alt overordna planarbeid. Dette går klart fram av gjeldande kommuneplan, og bør vera kjent for SFJ. Det er og omtalt i planstrategidokumentet kap R rår til å omtala utfordringane med ein avgrensa bu- og arbeidsmarknad i kap. 4.5: Arbeid og næring. Forslag er lagt inn i revidert strategidokument. Når det gjeld folkehelse, viser R til omtale av FM sin merknad. 3 Norges vassdrags- og energidirektorat (NVE) NVE har Ingen merknad. 4 Side 5 av 7

6 Statens vegvesen (SVV) SVV minner om sitt mynde i forvaltning av nasjonale, regionale og kommunale veganlegg, og om statlege føringar og retningsliner for planlegging. SVV ber kommunen fylgja opp nasjonale forventningar og planretningsliner i si planlegging: Tilrettelegging for gåande og syklande med samanhengjande gang- og sykkelvegar Fortetting og transformasjon av sentrumsareal rundt kollektivknutepunkt. Planleggja for redusert transportbehov og miljøvenlege transportformer SVV meiner dette bør vera eit tema i ein oppdatert klimaplan for Vik Kommune, og tilbyr å bidra i planarbeid vidare. Kommentar/vurdering: R meiner at arealstrategi og planlagd arealbruk i gjeldande arealdel i kommuneplanen av 2014 er godt i samsvar med overordna føringar som SVV viser til, så langt det er råd i ein spreiddbygd kommune som Vik. R er likevel samd i at samanhangande gang og sykkelvegar i Flatbygdi må verte eit viktig tema i revisjon av arealdelen. Innspelet frå SVV vert teke med i arbeidet med revisjon av arealdelen til kommuneplanen. 5 Fiskeridirektoratet (FD) FD minner om at kystsona og nære sjøområde må takast med i planarbeidet, og at det er aktivt brislingfiske frå august til desember i sjøområde i Vik kommune. FD peikar på at planar må sikra fiske og havbruk tilgang til viktige sjøareal for m.a. låssetting og oppdrett. Kommentar/vurdering: R meiner at i gjeldande arealdel i kommuneplanen av 2014 set av tilstrekkelege sjøareal for havbruk, i samsvar med FD sine ynskje. FD sin merknad vert teke med i arbeidet med planprogram for revisjon av arealdelen til kommuneplanen 6 Direktoratet for mineralforvaltning. (DM) Side 6 av 7

7 DM har ingen merknad til framlagd planstrategi. Økonomiske konsekvensar ingen Samla vurdering og tilråding. Innkomne merknader gjev nyttige innspel til planstrategien og til oppfylgjande planarbeid. Innkomne merknader frå Fylkesmannen og Sogn og fjordane fylkeskommune gjev grunnlag for å tilrå nokre mindre endringar og tillegg i planstrategidokumentet. Endringar er omtalt over, og går fram av revidert strategidokument som fylgjer vedlagt. Side 7 av 7