Møteinnkalling for Utval for næring og teknikk

Transkript

1 Hjartdal kommune 3692 Sauland Møteinnkalling for Utval for næring og teknikk Møtedato: Møtestad: Nordbø pensjonat (Synfaring vedk. NOT-sak 017/12) Møtetid: Kl. 14:00 Merk tida! Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf , slik at varamedlem kan bli kalla inn. Stad Sauland, Audun Dølen utvalsleiar Sakliste Sak nr. Saktittel 013/12 GODKJENNING AV MØTEBOK 014/12 DELEGASJONSSAK 015/12 HALVOR T. BØEN, SØKNAD OM DELING AV EIGEDOMEN GNR. 95, BNR /12 KLAGE PÅ AVSLAG AV SØKNAD OM LØYVE TIL MOTORFERDSEL I UTMARK 017/12 SØKNAD OM DELING AV EIGEDOMEN DALE/VALUFSIN, GNR 1,BNR.2,3 018/12 TILDELING AV KOMMUNALE ØKONOMISKE VIRKEMIDLER I LANDBRUKET /12 FISKEFOND 2012

2

3 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 IL Saksansvarleg: Ingebjørg Landsverk Arkiv: K1-033 Arkivnr.: 12/598 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

4 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 IL Saksansvarleg: Ingebjørg Landsverk Arkiv: K1-033 Arkivnr.: 12/597 DELEGASJONSSAK FNOT-001/ : PÅLEGG OM IVERKSETJING AV TILTAK FOR Å SIKRE FORYNGING AV SKOGAREAL PÅ EIGEDOMEN GNR. 106, BNR. 9 OG 12. VEDTAK 1. Hjartdal kommune pålegg eigar av gnr. 106, bnr. 9, 12 å sørgje for tilfredsstillande forynging etter hogst i bestanda nr. 21 og 22 i teig 2 i skogbruksplan for perioden Forynging skal skje ved planting av gran, og det skal plantast mellom 120 og 160 planter pr. dekar. 3. Planting skal vera utført innan 1. oktober Det kan klagast på vedtaket. Ei eventuell klage stilast til Fylkesmannen i Telemark, men sendast om Hjartdal kommune, 3692 Sauland. Fristen for å klage er 3 veker frå det tidspunkt underretning om vedtaket er kome fram til vedkomande part/partar. FNOT-003/ : VIBEKE OG LEIF JOHAN AARBAKK - SØKNAD OM DYRKING TIL LANDBRUKSFØREMÅL VEDTAK Med heimel i forskrift om nydyrking, gjev Hjartdal kommune, Vibeke og Leif-Johan Arbakk, 3797 Tuddal løyve til å dyrke opp ca 30 dekar etter at dei har fylgt dei krav som Telemark Fylkeskommune stiller i forbindelse med registrering av kulturminer. Vidare er det eit krav om at det står att ei vegetasjonssone på minst 2 m langs elva Tveitåi.

5 FNOT-004/ : SØKNAD OM DELING AV EIGEDOMEN BONDAL NORDRE, GNR. 116, BNR. 1 VEDTAK Hjartdal kommune v/rådmannen godkjenner med heimel i jordlova søknad frå Thor Tveiten om deling av eigedomen gnr. 116, bnr. 1, slik at det kan etablerast eit punktfeste for hytte tilhøyrande Borghild Halvorsen, Notodden. FNOT-005/ : SØKNAD OM GODKJENNING AV PLAN FOR NYDYRKING VEDTAK Med heimel om forskrift om nydyrking, gjev Hjartdal kommune, Espen Øverbø, 3690 Hjartdal løyve til å dyrke opp ca 17 dekar på sin eigedom gnr 29/bnr 6 som omsøkt. Det er eit vilkår om at Telemark fylkeskommune (avd Kulturminne) skal varslast dersom det kjem fram kulturminer. TILRÅDING Delegasjonssakene blir teke til etterretning slik dei ligg føre.

6 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 HH Saksansvarleg: Harald Helliksen Arkiv: GBNR- 95/3 Arkivnr.: 11/1983 HALVOR T. BØEN, SØKNAD OM DELING AV EIGEDOMEN GNR. 95, BNR. 3 Dokument i saka: Nr T Dok.dato Avsendar/Mottakar Tittel 1 I Halvor T. Bøen HALVOR T. BØEN, SØKNAD OM FRÅDELING AV TOMT TIL EKS. HYTTE/BU UNDER GNR. 95/3 Vedlagde dokument: 2 stk. kart Aktuelle lover, forskrifter, avtaler m.m.: LOV nr 23: Lov om jord (jordlova), 12 deling av landbrukseigedom. Saksgang: Utval for næring og teknikk avgjer saka etter jordlova. Bakgrunn for saka:

7 Halvor T. Bøen, eigar av gnr. 95, bnr. 3, Nord-Sjåvatn, søkjer om deling av eigedomen. Søknaden gjeld etablering av punktfeste til eksisterande bu/hytte som tidlegare er bygd/brukt som arbeidsbrakke av Statsnett. Bua er no overteken av grunneigar. I følgje søknaden ligg bua i nordenden av Sjåvatn, ca. 3 km frå nærmaste veg frå Busnes-sida og med ca. ¾ times gange herifrå. Parsellen skal nyttast til fritidshus. Eigedomen ligg i landbruks-, natur- og friluftsområde (LNFR-område) i arealdelen til gjeldande kommuneplan og innafor det såkalla Gaustaområdet. Gbnr. 95/3 har i følgje jordregisteret eit totalareal på ca dekar der ca. 608 dekar er uproduktiv skog. Resten av arealet er myr og fjell. Eigedomen er del av driftseininga Tråer, gnr. 100, bnr. 5 i Notodden kommune. Denne eigedomen har i følgje jordregisteret eit totalareal på ca dekar der ca. 30 dekar er fulldyrka jord, ca dekar er produktiv skog og resten uproduktive areal. Vurdering: Kommunen kan gje løyve til deling av landbrukseigedom dersom samfunnsinteresser av stor vekt taler for det, eller delinga er forsvarleg ut frå omsynet til avkastinga eigedomen kan gje. Det skal takast omsyn til om deling kan føre til drifts- eller miljømessige ulemper for landbruket i området, til godkjende planar etter plan- og bygningslova og omsynet til kulturlandskapet. Tiltak som har stor verdi for folk flest eller ei større gruppe personar kan representere ei samfunnsinteresse av stor vekt. Eksempel på dette kan vera etablering av idrettsanlegg, industritiltak, tilleggsnæring som vil kunne gje arbeidsplassar. Det er ingen slike interesser i denne saka. Utleige av bua som søkjast frådelt, kunne nok gje ei lita inntekt til garden. Driftseininga har elles gode ressursar. Bortfall av ei eventuell leigeinntekt vil etter rådmannen sitt syn ikkje gjera delinga uforsvarleg ut frå avkastinga eigedomen kan gje. Gbnr. 95/3 har ikkje produktive landbruksareal, men han kan nyttast til utmarksbeite. Det er lite truleg at deling ville medføre drifts- eller miljømessige ulemper for beitebruk i området. Dersom det skal takast omsyn til slike forhold, må dessutan ulempene vera konkret påreknelege og ha ein viss styrke og eit visst omfang. Rådmannen kan ikkje sjå at dette er tilfelle. Området inneheld ingen spesielle kulturlandskapskvalitetar. At det ligg føre ein plan for arealbruken, er i seg sjølv eit moment av stor vekt som taler mot at arealet blir nytta til andre formål. Det er høve til nekte deling for å hindre tilfeldig frådeling og infiltrasjon i LNFR-område. Det er ikkje i samsvar med kommuneplanen å etablere fritidseigedomar i område som i planen er lagt ut til LNFR-område. Arealbruken er nøye vurdert i samband med godkjenning av kommuneplanen, og det skal vera tungtvegande grunnar for å avvike frå planen. Rådmannen vil leggje avgjerande vekt på at den omsøkte delinga ikkje er i samsvar med gjeldande kommuneplan og kan difor ikkje tilrå at søknaden blir imøtekomen.

8 RÅDMANNEN TILRÅR: Hjartdal kommune avslår med heimel i 12 i jordlova søknad frå Halvor T. Bøen om deling av eigedomen gnr. 95, bnr. 3. Det visast til vurderingane over.

9 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 HH Saksansvarleg: Harald Helliksen Arkiv: K2-K01 Arkivnr.: 12/206 KLAGE PÅ AVSLAG AV SØKNAD OM LØYVE TIL MOTORFERDSEL I UTMARK Dokument i saka: Nr T Dok.dato Avsendar/Mottakar Tittel 1 I Kjell Teksle SØKNAD OM SCOOTERLØYVE 2 U Kjell Teksle SØKNAD OM LØYVE TIL BRUK AV SNØSCOOTER. 3 I Kjell Teksle KLAGE PÅ VEDTAK AV (TIL FYLKESMANNEN) 4 U Kjell Teksle KLAGE PÅ AVSLAG AV SØKNAD OM BRUK AV SNØSKUTER I UTMARK. 5 I Kjell Teksle SNØSCOOTER LØYVE UKE 9 Vedlagde dokument: Kart. Dokument nr. 3. (unnt.off.) Aktuelle lover, forskrifter, avtaler m.m.: FOR nr 356: Forskrift om bruk av motorkjøretøy i utmark og på islagde vassdrag. Saksgang: Saka går til Fylkesmannen i Telemark dersom Utval for næring og teknikk ikkje tek klaga fullt ut til følgje.

10 Bakgrunn for saka: Kjell Teksle søkte om løyve til bruk av snøskuter på strekninga frå Hundemyr til hytte ved Lauvhaug og attende. Det blei søkt etter 5b i forskrifta (gjeld funksjonshemma) og etter 5c (gjeld transport av bagasje og utstyr til privat hytte). Legeattest var lagt ved. I attesten er det opplyst at søkjaren tidlegare trakk pulk, men at han på grunn av redusert helse ikkje lenger er i stand til dette. Søkjaren skreiv og at det berre er snakk om nokre få turar i året, men skal hytta brukast, må ein ha ei lettvinn transportløysning. Søknaden blei ikkje godkjend. Grunngjevinga for vedtaket var at køyring etter 5c berre kan tillatast dersom det ikkje er mogleg å få leigekøyring, og at dette ikkje er tilfelle her. I forhold til 5 b blei lagt til grunn at søkjaren sitt transportbehov som funksjonshemma kunne dekkjast ved leigekøyring. Kjell Teksle har ved brev av klaga på avslaget av søknaden. I klaga kjem han med nærmare/nye opplysningar om helsa si. Han skriv at han vinteren 2010 fekk ein svært alvorleg sjukdom, at han no er ferdig behandla og i fullt arbeid igjen, men at han har ein del plager, og livet må styrast av dagsforma. Han skriv vidare at det ikkje berre er å bestille snøskuter til eit bestemt tidspunkt når det er dagsforma som avgjer om ein kan reise eller ikkje. Det visast elles til klaga som er lagt ved saka (dokument nr. 3). Den største delen av den aktuelle køyretraseen ligg innafor Brattefjell Vindeggen landskapsvernområde. Vurdering: Vedtaket om avslag av søknaden av blei fatta på grunnlag av dei opplysningane søkjaren då la fram. Det er ingen automatikk i at det skal gjevast løyve ved funksjonshemming. Ordlyden i 5 i forskrifta er at det etter skriftleg søknad kan gjevast løyve. Kvar enkelt søknad blir vurdert individuelt utifrå dei helseopplysningane som blir lagt fram. Det kan berre gjevast løyve ved varig funksjonshemming. Det går fram av opplysningane til søkjar at han, sjølv om han har ein del plagar, er ferdig behandla og i fullt arbeid igjen. Variasjon i dagsform kan etter rådmannen sitt syn ikkje reknast som ei varig funksjonshemming. I det aktuelle området er det eit godt tilbod når det gjeld leigekøyring. Leigekøyrarane kan stille opp på relativt kort varsel. Ved førespurnad dagen før eller på formiddagen den aktuelle dagen for transport, får ein normalt køyring same ettermiddagen. Det er dessutan 4 stk. med løyve til leigekøyring i området. Det ligg til rette for at køyringa kan tilpassast dagsforma til søkjaren. Transport av drikkevatn må og kunne ordnast i samband med leigekøyringa. Rådmannen kan ikkje sjå at kriteria for å gje løyve til bruk av snøskuter på grunn av funksjonshemming er tilstades og vil derfor tilrå at klaga ikkje blir teken til følgje. RÅDMANNEN TILRÅR: Klage på avslag av søknad datert om løyve til bruk av snøskuter i utmark blir ikkje teken til følgje. Det visast til vurderingane ovanfor.

11

12 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 HH Saksansvarleg: Harald Helliksen Arkiv: GBNR- 1/3 Arkivnr.: 11/1167 SØKNAD OM DELING AV EIGEDOMEN DALE/VALUFSIN, GNR 1,BNR.2,3 Dokument i saka: Nr T Dok.dato Avsendar/Mottakar Tittel 1 I Inger M. D.Lewis; Kari Hjørdis Dale Fløtre GNR. 1/4 - SØKNAD OM DELING - KORRIGERING/UTVIDING AV TOMT RUNDT FRITIDSEIGEDOM 3 U Medlemmane i Utval SYNFARING VALUFSIN. VEDK. SAK 037/11 for næring og teknikk 4 U Kari Hjørdis Dale Fløtre SØKNAD OM DELING AV EIGEDOMEN DALE/VALUFSIN 5 I John Lewis HASTESAK VEDRØRENDE MØTE I DAG; ANG SØKNAD OM DISPENSASJON FRA KOMMUNEDELPLANEN FOR NORDBYGDA GNR, BRN 2 OG 3 6 U Kari Hjørdis Dale Fløtre SØKNAD OM DELING AV EIGEDOMEN DALE/VALUFSIN, GNR. 1, BNR. 2,3 Vedlagde dokument:

13 E-post av frå John Lewis. Aktuelle lover, forskrifter, avtaler m.m.: LOV nr 23: Lov om jord (jordlova), 12 - deling av landbrukseigedom. Saksgang: Utval for næring og teknikk avgjer saka etter jordlova. Bakgrunn for saka: Kari Hjørdis Dale Fløtre søkjer om deling av eigedomen Dale/Valufsin, gnr. 1, bnr. 2, 3. Arealet som søkjast delt frå, er på ca. 2,5 dekar. Det består i følgje Skog og landskap sitt gardskart i hovudsak av innmarksbeite og er tenkt som tilleggsareal til eigedomen gnr. 1, bnr. 4. Dette er ein fritidseigedom med areal på 2,6 dekar som tidlegare er delt frå gnr. 1, bnr. 2, 3. Eksisterande tomt og tilleggsarealet vil då bli ein fritidseigedom med eit totalareal på ca. 5 dekar. Det er syster til Kari Hjørdis Dale Fløtre, Inger Marie Dale Lewis, som er eigar av fritidseigedomen. Dei skriv i brev vedlagd søknaden: Inger Marie med familie har rydda og slått i området kring husa, også vidare utover enn tomta deira, da dette området er merka blomstermark. Dei aktuelle eigedomane ligg i landbruks-, natur- og friluftsområde (LNF-område) i arealdelen til kommuneplanen. Dei ligg og innafor kulturlandskapet i Nordbygda i Hjartdal som er registrert som eit kulturlandskap av nasjonal verdi. Gnr. 1, bnr. 2,3 har i følgje jordregisteret eit totalareal på 187 dekar. Jordbruksarealet er på 14,2 dekar fordelt på 0,7 dekar fulldyrka jord, 4,9 dekar overflatedyrka jord og 7 dekar innmarksbeite. Det er 123 dekar produktiv skog og 49 dekar anna areal. Vurdering: Reglane om deling av landbrukseigedom går fram av 12 i jordlova der det mellom anna går fram: Eigedom som er nytta eller kan nyttast til jordbruk eller skogbruk kan ikkje delast utan samtykke frå kommunen. Kommunen kan gje samtykke dersom samfunnsinteresser av stor vekt talar for det, eller deling er forsvarleg ut frå omsynet til den avkastning eigedomen kan gje. Ved avgjerd skal det mellom anna takast omsyn til om deling kan føre til drifts- eller miljømessige ulemper for landbruket i området. Det skal og takast omsyn til godkjende planar som ligg føre for arealbruken etter planog bygningslova og omsynet til kulturlandskapet. Tiltak som har stor verdi for ålmenta eller ei større gruppe personar kan representere ei samfunnsinteresse av stor vekt. Dette kan for. eks. vera etablering av idrettsanlegg, industritiltak og tiltak for å taka vare på verneverdige bygningar. Det er ingen samfunnsinteresser i denne saka. Alle produktive landbruksareal har i større eller mindre grad ein verdi som produksjonsareal. Det aktuelle arealet er relativt lite, området brattlendt og vanskeleg tilgjengeleg. Det kan likevel ha ein verdi som beitemark. Arealressursane som høyrer til denne eigedomen, er relativt små i utgangspunktet, og dei bør etter rådmannen sitt syn ikkje reduserast.

14 Eventuelle driftsmessige ulemper for landbruket kan og bli større dersom storleiken på fritidseigedomen aukast. Ulemper kan til dømes oppstå ved uttak av ved eller tømmer i nærleiken av fritidseigedomen. Når det gjeld kulturlandskapet, er det positivt at eigar av fritidseigedomen har rydda og slått rundt husa og utover eiga tomt. Det er med på å bevare kvalitetane i dette landskapet, mellom anna blomstermarka. Dersom denne aktiviteten held fram, kan det ikkje sjåast bort ifrå at kulturlandskapet på den måten vil bli betre ivareteke enn om arealet høyrer til landbrukseigedomen. Det at eigedomane i følgje gjeldande kommuneplan ligg midt inne i eit LNF-område, taler mot å utvide fritidseigedomen. Det skal takast omsyn til godkjende planar etter plan- og bygningslova. I følgje kommuneplanen kan tiltak som ikkje har direkte tilknyting til landbruksnæringa, ikkje setjast i verk i LNF-område. At det ligg føre ein plan for arealbruken, er i seg sjølv eit moment av stor vekt som taler mot at arealet blir nytta til andre formål, i dette tilfellet som tomt for fritidsbustad. Rådmannen vil leggje avgjerande vekt på dette momentet og kan difor ikkje tilrå at søknaden blir imøtekomen. RÅDMANNEN TILRÅR: Hjartdal kommune viser til vurderingane over og avslår, med heimel i 12 i jordlova, søknad frå Hjørdis Dale Fløtre om deling av eigedomen Dale/Valufsin, gnr. 1, bnr. 2 og Utval for næring og teknikk Handsaming: Framlegg frå Audun Solberg: Saka utsettast for synfaring. VOTERING: Framlegget frå Audun Solberg blei samrøystes vedteke. NOT-037/11 VEDTAK: Saka utsettast for synfaring Utval for næring og teknikk NOT-007/12 VEDTAK: Saka utsettast for synfaring til våren på barmark.

15 NYE OPPLYSNINGAR I SAKA Saksutgreiing: Saka blei i møte utsett til våren for synfaring på barmark. Kommunen mottok ein e-post frå John Lewis med nye opplysningar til søknaden. Det er også lagt ved 3 bilde av tun og bygningar på Valufsin. Søkjaren er tante til John Lewis, og eigaren av den eksisterande fritidseigedomen er mor hans. Lewis skriv at Valufsin ikkje berre er ein fritidseigedom, men også eit verneverdig gardstun med 4 hus der dei eldste bygningane er ca. 250 år gamle. Det er ynske om å kunne opprettholde Valufsin tunet i sin opprinnelige kontekst igjennom å rydde/vedlikeholde tunet og kulturlandskapet rundt Valufsin, utan å rydde på annen manns eiendom. Lewis seier at det i og for seg er rett at 2,6 dekar burde vera tilstrekkeleg for fritidsbruk, men med tanke på ivaretaking av Valufsin som eit komplett gardstun kunne eigedomen gjerne ha eit større areal rundt seg som det ville vera naturleg for eigaren av Valufsin å vedlikehalde (slå/rydde/felle trær). Ein ynskjer å vedlikehalde plassen slik at han ikkje gror att. Lewis meiner at Dale ikkje er ein drivverdig gard. Eigedomen blir i dag nytta som fritidseigedom. For eigarar av Dale fell det ikkje så naturleg å bruke tid og ressursar på å rydde jordet ved Valufsin. Det er ein lang og bratt veg dit. Jordet er ikkje tilgjengeleg med traktor/slåmaskin. Lewis skriv at overføring av 2,5 dekar mark frå ein ikkje drivverdig jordbrukseigedom til ein spesiell fritidseigedom er eit minimalt tap for jordbruket, men bra med omsyn til kulturlandskapet. Vurdering: Tunet på Valufsin (gnr. 1, bnr. 4) med tilhøyrande bygningar er i plansamanheng å rekne som ein fritidseigedom som er etablert ved dispensasjon frå kommuneplanen sine reglar for LNFområde. Eventuell frådeling av tilleggsarealet vil derfor som tidlegare nemnt vera i strid med kommuneplanen. Rådmannen ser likevel positivt på at eigaren av fritidseigedomen ynskjer å taka vare på gardstunet og bygningane og tvilar ikkje på søkjaren sine intensjonar i denne samanhengen. I denne saka kan etablering av ei større tomt rundt tunet legge til rette for ei god ivaretaking av kulturlandskapet. Omsynet til kulturlandskapet er eit viktig moment i dette området. I denne samanhengen er det ikkje ynskjeleg at det blir sett opp nye bygningar på tunet. Dette ville etter rådmannen sitt syn vera negativt for kulturlandskapet. På bakgrunn av dei nye opplysningane i saka, vil rådmannen leggje større vekt på omsynet til kulturlandskapet og mindre vekt på planstatusen til området og avkastingsevna til arealet. Ein føresetnad for denne vurderinga, er at den fysiske arealbruken ikkje endrast, dvs. at tunet på Valufsin blir teke vare på slik det står fram i dag. Rådmannen vil foreslå at det blir gjeve løyve til frådeling, men med vilkår om at det ikkje kan utførast nye byggetiltak (utanom vanleg vedlikehald) på tomt og tilleggstomt. RÅDMANNEN TILRÅR:

16 1. Hjartdal kommune godkjenner, med heimel i 12 i jordlova, søknad frå Hjørdis Dale Fløtre om deling av eigedomen gnr. 1, bnr. 2 og Arealet som delast frå, skal vera tilleggsareal til eigedomen gnr. 1, bnr Det blir sett som vilkår for løyve at det på opphavleg tomt og på tilleggsareal ikkje kan utførast andre byggetiltak enn vanleg vedlikehald av eksisterande bygningar.

17 Rett utskrift Dato: Kopi til: Inger M. D.Lewis Mælandsgt

18 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 BN Saksansvarleg: Bjørg Nes Arkiv: K2-V10 Arkivnr.: 12/327 TILDELING AV KOMMUNALE ØKONOMISKE VIRKEMIDLER I LANDBRUKET 2012 Dokument i saka: Nr T Dok.dato Avsendar/Mottakar Tittel 1 I Fylkesmannen i Telemark TILDELING AV KOMMUNALE ØKONOMISKE VIRKEMIDLER I LANDBRUKET U Rep for Landbruket i Hjartdal kommune TILDELING AV KOMMUNALE ØKONOMISKE VIRKEMIDLER I LANDBRUKET I landbrukskontoret STRATEGI 2012 FRO BRUK AV MIDLAR TIL SMIL OG NMSK I HJARTDAL KOMMUNE Vedlagde dokument: Dokument nr 3. Aktuelle lover, forskrifter, avtaler m.m.: FOR nr 447: Forskrift om tilskot til nærings-og miljøtiltak i skogbruket (NMSK). FOR nr 448: Forskrift om tilskot til spesielle miljøtiltak i jordbruket (SMIL). Saksgang: Utval for næring og teknikk avgjer saka. Bakgrunn for saka:

19 Kvart år vert det frå Landbruks-og matdepartemententet delegera til Statens landbruksforvaltning (SLF), og vidare tildelt Telemark midlar til spesielle miljøtak i landbruket (SMIL) og til nærings-og miljøtiltak i skogbruket (NMSK). Fylkesmannen og kommunen har ansvar for å sette i verk viktige deler av den nasjonale landbrukspolitikken. Kommunen har ansvaret for å disponere midlane til spesielle miljøtiltak i landbruket og nærings-og miljøtiltak i skogbruket. Hjartdal kommune disponerer totalt kr til bruk til nærings-og miljøtiltak i skogbruket (NMSK) og til spesielle miljøtiltak i jordbruket (SMIL). I NMSK er det overført kr frå 2011 til 2012 og i år er det totalt kr disponible midlar til denne ordninga. I SMIL er det overført kr frå 2011 til 2012 og i år er det totalt kr til bruk. Bruken av fagmidla blei diskutert i møte med Hjartdal bondelag, Hjartdal bonde-og småbrukarlag og Hjartdal skogeigarlag. Det var gjennomgang av bruken av fagmidla i 2011 og tiltaksstrategien for bruk av fagmidla i Hjartdal bondelag kommentert områdeprioritering i høve til bruk av midlar i kulturlandskap. Desse områda vert no ivaretatt i ei anna ordning og går derfor ut frå tiltaksstrategien i Satsane som vert gjeve i dei forskjellige tiltaka vart kommenterte, men ikkje endra. Når det gjeld NMSK, vil det bli sett av midlar til miljøtiltak. Desse midlane kan brukast som tilskot til ivaretaking av miljøkvalitetar i skogen som vi registrerte i 2011 i samband med taksering av skogen i kommunen. Det var elles semje om å bruke same tilskotssatsar til skogkulturtiltak som i Vurdering: Framlegga frå faglaga til strategien for 2012, vert tekne til etterretning. Rådmannen forslår at tiltaksstrategien vert endra i samsvar med ynskja frå faglaga. Vidare har rådmannen i etterkant endra litt på oppsettet til tiltaksstrategien, utan å endre innhaldet, slik at delar av tiltaksstrategien skal kome meir fram å gje betre oversikt. RÅDMANNEN TILRÅR: Framlegg til tiltaksstrategi for bruk av midlar til spesielle miljøtiltak i jordbruket og til næringsog miljøtiltak i skogbruket for 2012 vert vedteken slik den ligg føre.

20 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 RB Saksansvarleg: Roar Borgerås Arkiv: K2-K62 Arkivnr.: 12/238 FISKEFOND 2012 Dokument i saka: Nr T Dok.dato Avsendar/Mottakar Tittel 1 I Reisjå-Bondal Utmarkslag SØKNAD OM TILSKUDD Vedlagde dokument: Dokument nr. 1 Aktuelle lover, forskrifter, avtaler m.m.: Jfr. det kommunale fiskefondet for Hjartdal Saksgang: Utval for næring og teknikk (NOT) gjer vedtak. Bakgrunn for saka: Rentene av det kommunale Fiskefondet tildelast årleg, etter søknad, lokale lag og organisasjonar i Hjartdal som ynskjer å gjennomføre fiskestellstiltak. I 2012 er rentene kr. Fiskefondet forvaltast av NOT. I januar 2012 vart det gjennom lysing i lokalavisa Telen etterlyst tilskotsøknader i samband med fiskestellprosjekt, der kommunen ba om grunngjeving, målsettingar og forventa effekt av prosjekta.

21 Innan søknadsfristen hadde det kome inn søknader frå Reisjå-Bondal Utmarkslag. Reisjå-Bondal er eit relativt nystarta grunneigarlag som er svært aktivt. Dei har bl.a. arbeida med tilrettelegging av fiske med stang og garn i Bonsvatn for hytteeigarane. Laget har tidlegare fått tilskot frå Fiskefondet, og kommunen har motteke rapportar frå laget om dette arbeidet. Attendemeldingar frå hytteeigarar er også positive. I 2012 vil dei kjøpe inn forbruksutstyr som garnblåsar, årar/årepinnar mm. Vurdering: Hjartdal kommune har grunn til å tru at søkjaren av midlar frå Fiskefondet gjennom sitt arbeid er ein god medspelarar for å taka vare på fiskeressursane i kommunen. At det vert tilrettelagt for fritidsfiske for fastbuande og tilreisande må ein sjå på som svært positivt og i tråd med dei føringane DN har gjeve for kommunal fiskeforvaltning. Søkjaran har tidlegare nytte mottekne midlar på ein god måte. Ut i frå ei miljø- og naturfagleg vurdering går rådmannen inn for at søkjaran vert tilgodesett med midlar frå Fiskefondet. RÅDMANNEN TILRÅR: 1. Renter av det kommunale Fiskefondet vert for året 2012 fordelt slik: a. Reisjå-Bondal Utmarkslag får tildela kr ,- 2. Tilskotet vert utbetalt med det fyrste. 3. Sluttrapport frå prosjektet om korleis tilskotet er nytta skal sendast Hjartdal kommune seinast 1. November Tilskotet utbetalast frå konto med dekning frå "Fond til fremme av fiske" (FISKEFONDET) - konto

22