Innhald 1. Ein tydeleg medspelar også når vi skriv! Tenk på dette når du skal skrive Kven skriv du for?

Transkript

1

2

3 Innhald 1. Ein tydeleg medspelar også når vi skriv! Tenk på dette når du skal skrive Kven skriv du for? Førstehjelp ting det er lurt å kunne Skriv klart og forståeleg Skriv det viktigaste først Stryk det mottakaren ikkje treng å vite Ver bevisst på korleis vi omtalar oss sjølve og mottakarane Varier mellom lange og korte setningar Start setninga med hovudbodskapen Bruk korte avsnitt og underoverskrifter Bruk punktlister og nummerering for å skape god oversikt Skriv aktivt kven er det som gjer og seier noko?... 8 Verbendinga -ast Bruk meir verb i staden for substantiv Bruk bindeord for å skape flyt Moteord, fyllord og klisjear...10 Ord vi ofte brukar feil...11 Ord vi bør variere Forkortingar Skriv rett Skrivemåte for politiske utval Stor og liten forbokstav Når brukar vi de og dykk? Orddeling S-genitiv Teiknsetting...16 Punktum...16 Komma...16 Kolon...18 Skråstrek...18 Bindestrek og tankestrek...18 Hermeteikn...20 Apostrof...20 Semikolon...20

4 4.7 Tal...21 Telefonnummer...21 Klokkeslett og tidsrom...21 Datoar Tilvising til lover og forskrifter...22 Namn på lover...22 Lovtitlar og korttitlar...22 Inndeling: paragraf, ledd og punktum...23 Ordenstal...23 Teikn og mellomrom...23 Genitiv-s Formatering av teksten...24 Generelle tips for tekst på nett Kvalitetssikring...24 Les høgt...24 La andre lese igjennom...24 Bruk stavekontroll Kva ord skal eg bruke? Bokmål nynorsk - synonymordbok Meir hjelp og informasjon...26 Ressursar på nettet...26 Gode ordbøker Kjelder

5 1. Ein tydeleg medspelar også når vi skriv! Språkprofilen skal hjelpe oss til å skrive rett og forståeleg, og skal bidra til at dokument som økonomiplan, årsrapport og liknande får ei felles språkform. Tekstane våre skal vere lesarvennlege. Det betyr at dei skal vere lette å huske, raske å lese og lette å forstå. Fylkestinget har vedteke at nynorsk er administrasjonsspråket vårt (Sak T 9/16). Alle saksframlegg, møteprotokollar, årsrapportar, overordna planar, nettsider, annonsar, utlysingar og publikasjonar, skal vere på nynorsk. I Møre og Romsdal fylkeskommune skriv vi moderne nynorsk, og i språkprofilen finn du ei oversikt over kva ord du bør bruke. For å unngå tungt og byråkratisk språk, er ofte det enklaste å korte ned på setningane. Eit tips er å sjå for seg at det berre skal vere ein tanke per setning. Skal vi vere ein tydeleg medspelar, må vi også vere gode til å skrive klart og korrekt. Når vi skriv på vegner av fylkeskommunen skal teksten alltid vere tilpassa mottakaren. Lykke til! Ottar Brage Guttelvik fylkesrådmann 2

6 2. Tenk på dette når du skal skrive 2.1 Kva er poenget med teksten din? Kvifor skriv du? Kva er hovudbodskapen i det du skriv? Kva vil du at mottakarane skal vite eller gjere etter å ha lese teksten? Dersom du har dette klart for deg, blir det lettare å skrive ein målretta tekst der bodskapen kjem tydeleg fram. 2.2 Kven skriv du for? Er teksten din intern eller ekstern? Kva forkunnskapar har lesaren? Kor mykje bakgrunnsinformasjon må du ha med? Kva er den viktigaste informasjonen lesaren skal sitte igjen med? Det kan vere lurt å sjå for seg ein konkret person som mottakar av teksten din. Då blir det lettare å tilpasse teksten på ein god måte! 2.3 Førstehjelp ting det er lurt å kunne 1. Stor eller liten bokstav? Vi skriv Møre og Romsdal fylkeskommune slik, aldri med stor f. Det er heller aldri stor forbokstav i fylkesordføraren, fylkesrådmannen, fylkeskultursjefen eller i namn på avdelingar og utval i fylkeskommunen. 2. Bøying av inkjekjønnsord Inkjekjønnsord har same form i ubestemt eintal og ubestemt fleirtal. Det betyr at desse orda ikkje skal ha r i fleirtal: eitt møte fleire møte eitt område fleire område 3. Det skal ikkje alltid vere ar Sjølv om vi skriv nynorsk, endar ikkje alle verb på -ar i presens: Verb som får -a i preteritum (fortid), skal ha -ar i presens: sparkar sparka og endrar endra. Verb som endar på -de og -te i preteritum, skal ha -er i presens, for eksempel drøymer drøymde 4. Føl er ein hest Presens av verbet å følge heiter følger og ikkje føl på nynorsk. Føl er ein hest. 3

7 5. Midel vs middel Ordet midel i tydinga pengar må ikkje blandast saman med middel, som i verkemiddel, vaskemiddel og så vidare. Desse får ulike bøyingar i fleirtal: ein midel fleire midlar (om pengar) eit verkemiddel fleire verkemiddel 6. De eller dykk? Det personlege pronomenet de har ei subjektsform (de) og ei objektsform (dykk). Vi nyttar de når ordet er subjekt i setninga, og dykk når det er objekt: Kan de sjå nærare på dette? Vi vil orientere dykk om dette i møtet. 7. Uttrykket i forhold til Uttrykket i forhold til betyr «samanlikna med». Dersom vi ikkje er ute etter å samanlikne noko, vel vi eit anna uttrykk. I forhold til kan ofte bytast ut med preposisjonane for, med, på, i, for og om eller med uttrykka «når det gjeld» eller «med tanke på». 8. Skriv aktivt! Fortel kven det er som seier, gjer, bestemmer og meiner noko. ein, som i «ein ønsker no å sjå nærare på». Finn ut kven det er som ønsker, og skriv det i staden. 9. Kva ord skal eg bruke? Som tilsett i fylkeskommunen kan du i utgangspunktet sjølv velje kva ord du vil bruke. Men i alle felles tekstar som årsrapportar, saksframlegg, planar, nettsider, er det viktig at vi er konsekvente og brukar dei same orda. Oversikt over kva ord du skal bruke finn du i kapittel 6 og på mrfylke.no/spraak 10. Ord med valfri j I nynorsk er det fleire ord som enten kan skrivast med eller utan j. I felles tekstar skal du ikkje bruke j-forma. Eksempel på ord med valfri j: tenke (tenkje) bygge (byggje) enke (enkje) stenge (stengje) 11. Forkortingar Vi bør vanlegvis vere forsiktig med å bruke forkortingar. Mange forkortingar gjer teksten vanskelegare å lese. I vanleg tekst er det best å skrive alle ord heilt ut, medan det kan vere greitt med forkortingar i tabellar. Pass på at brukar dei rette forkortingane. Mange blandar ev. og evt.: ev. = eventuell, eventuelt evt. = etter vår tidsrekning Riksveg / Fylkesveg, forkortar du slik: rv. / fv. Sjå oversikt over forkortingar her: 4

8 3. Skriv klart og forståeleg 3.1 Skriv det viktigaste først Du skal hjelpe lesaren å sortere innhaldet i teksten. Då må du starte med det viktigaste allereie i tittelen. Tittelen skal fortelle mottakaren kva teksten handlar om. Det kan også vere lurt å starte teksten med ei kort oppsummering av innhaldet. Det er òg viktig at mottakaren forstår kva som er venta av han eller ho, etter å ha lese teksten: Skal ho svare? Kan han klage? Må ho sende inn noko? Eksempel på klare og informative titlar Varsel om vedtak om Avslag på søknad om Eksempel på innleiing i standardbrev Fylkeskommunen startar no detaljeregulering av Åndalsnes sentrum. Reguleringa skjer i samband med pilotprosjektet «Sentrumsprosjekt Åndalsnes», som fylkeskommunen og Rauma kommune samarbeider om. Her kjem meir informasjon om prosjektet. 3.2 Stryk det mottakaren ikkje treng å vite Tenk gjennom om mottakarane treng å vite alt du vil ha med. Vi skal også unngå fagspråk som ikkje er høgst nødvendig. Forklar eventuelle faguttrykk som må med. Det kan vere lurt å stille seg desse spørsmåla: Er dette relevant for lesaren, eller er det mest interessant for meg som fagperson og saksbehandlar? Seier eg det same fleire gonger? Treng eg sitere heile avsnitt frå lovtekstar eller liknande, eller kan eg summere opp for mottakaren og heller vise til paragrafar? Eksempel frå nettsidene til Skatteetaten: Ver bevisst på korleis vi omtalar oss sjølve og mottakarane Få fram at det er fylkeskommunen som er avsendar. Skriv du og de. Vi brukar ikkje høflegheitsformer og stor forbokstav. Varier mellom vi, Møre og Romsdal fylkeskommune og fylkeskommunen. Vi skal ikkje bruke forma eg når vi skriv på vegner av fylkesrådmannen, fylkeskultursjef, fylkeskommunen og så vidare. 5

9 Vi skriv heller ikkje «Avdelinga meiner at». Når ei avdeling «skriv», er det på vegner av avdelingsleiaren, og vi skriv då for eksempel «Samferdselssjefen går inn for». Andre gonger skriv avdelingar og stab på vegner av fylkesrådmannen. Då blir det: «Fylkesrådmannen går inn for å» Når vi omtalar ei sak der det ligg føre eit politisk vedtak, skriv vi «Møre og Romsdal fylkeskommune går inn for». 3.4 Varier mellom lange og korte setningar Lesaren skal forstå setninga første gongen han eller ho les ho. Lange setningar, med fleire 1. Tenk at det skal vere éin tanke per setning. 2. Ei setning bør ikkje gå over meir enn to linjer. 3. Du bør ikkje sette meir enn to komma før du set punktum. tillegg og innskot, gjer dette vanskeleg. Vi kan ofte dele opp lange setningar. Vi skal likevel ikkje skrive berre korte setningar: god flyt inneber at vi varierer mellom lange og korte setningar. 3.5 Start setninga med hovudbodskapen Kva er det viktigaste i setninga? Kven skal gjere eller har gjort noko? Kva skal gjerast eller er gjort? Så snart fylkesrådmannen har godkjent dokumentet, blir det sendt ut. For å få til dette må vi samarbeide. Med utgangspunkt i dei tre måla i planen skal det etablerast tre arbeidsgrupper. I møtet 29. mai vedtok fylkestinget at fylkeskommunen skal lage ein regional plan for kysten. Skriv Dokumentet blir sendt ut så snart fylkesrådmannen har godkjent det. Vi må samarbeide for å få til dette. Vi skal etablere ei arbeidsgruppe for kvart av dei tre måla i planen. Fylkestinget vedtok 29. mai at fylkeskommunen skal lage ein regional plan for kysten. Ikkje 3.6 Bruk korte avsnitt og underoverskrifter Du skal hjelpe lesaren å forstå og finne fram i teksten. Underoverskrifter eller mellomtitlar er eit godt hjelpemiddel. Det er lurt å samle det som høyrer 6

10 saman, under eigne underoverskrifter. Start med det sentrale: Kva er det viktigaste for mottakarane? Eksempel på disposisjon Bruk dette som rettesnor/disposisjon for å lage standardbrev: 1. Vedtak/konklusjon 2. Vis til kva brevet eventuelt er svar på 3. Bakgrunn for saka 4. Eventuelt lovgrunnlag (forskrifter, retningslinjer eller liknande) 5. Vår vurdering 6. Klagerett Alt må ikkje nødvendigvis med, men det er lurt å ha dette som utgangspunkt. Tenk gjennom kva som høver i dei ulike tilfella. 3.7 Bruk punktlister og nummerering for å skape god oversikt Alle typar tekstar kan innehalde punktlister og nummereringar. Det gjer teksten meir oversiktleg og lettare å lese. Punktlister er eit godt alternativ til å ramse opp, og gjer det lettare for lesaren å oppfatte sentrale poeng. Skal du få godkjent utdanninga, må du ha stått til eksamen i norsk som andrespråk, engelsk for nordmenn og svenskar og matematikk. Vegnettet må vere utforma med tanke på alle trafikantgrupper: køyrande, kollektivreisande, syklande, gåande og dei som bruker andre framkomstmiddel. Før eksamen er det mykje som må ordnast. Fagansvarlege har ansvar for å lage eksamensoppgåver, skoleadministrasjonen skal sørge for eksamensvakter, og nettredaktøren skal legge ut informasjon om når og kvar det er eksamen. Skriv For å få godkjent utdanninga di, må du ha stått til eksamen i norsk som andrespråk engelsk for nordmenn og svenskar matematikk Vegnettet må vere tilpassa alle trafikantgrupper: køyrande kollektivreisande syklande gåande dei som brukar andre framkomstmiddel Før eksamen er det mykje som må ordnast: Fagansvarlege har ansvar for å lage eksamensoppgåver Skoleadministrasjonen skal sørge for eksamensvakter Nettredaktøren skal legge ut informasjon om når og kvar det er eksamen 7

11 Stor eller liten forbokstav i punkta? Det skal vere liten forbokstav når punkta er framhald av innleiingssetninga. Det skal vere stor forbokstav når punkta er heile setningar. Kolon eller ikkje før punkta? Det skal ikkje vere kolon når punkta er framhald av innleiingssetninga. Det skal ofte vere kolon når punkta er enkeltord eller heile setningar. Punktum eller ikkje? Det skal ikkje vere punktum når punkta er framhald av innleiingssetninga. Det skal vere punktum når punkta er eigne setningar. 3.8 Skriv aktivt kven er det som gjer og seier noko? For å gjere teksten enkel å forstå uansett kor komplisert han er, er det viktig med eit aktivt språk. Passivt språk skjuler kven som gjer noko, og det kan gjere teksten vag og utydeleg. Ikkje bruk passivt språk dersom du ikkje har nokon grunn til det. Skriv Møre og Romsdal fylkeskommune, fylkeskommunen og vi i teksten din. ein. Då unngår du at lesaren lurer på kven ein er. I det munnlege kvardagsspråket vårt brukar vi ikkje så mykje passiv. Mange opplever derfor eit passivt språk som tungt og stivt, fjernt frå språket dei brukar til vanleg. På nynorsk kan vi lage passiv ved hjelp av hjelpeverba bli eller verte. Dette er ikkje feil, men språket vert ofte betre om vi nyttar aktiv, og dermed gjer det klart kven som handlar. Dersom vi brukar eit aktivt språk, unngår vi også såkalla substantivsjuke, sjå punkt 3.9. Det er registrert ein auke i talet på menneske her i fylket. Ein ønskjer no å bruke tid på å endre eigarsamansetninga til å omfatte ein større del av regionen. Kva tilskot blir det søkt om? Alle søknadar blir behandla konfidensielt. Skriv Talet på menneske her i fylket aukar. Fylkeskommunen vil endre eigarsamansetninga til å omfatte ein større del av regionen. Kva tilskot søker du/de om? Vi behandlar alle søknadar konfidensielt. 8

12 Verbendinga -ast Verbendinga -ast er ofte eit kjenneteikn på eit passivt språk, for eksempel «skal Betalast», «må leverast», «bør setjast i verk». Ved å unngå for mange ast- endingar går du frå eit passivt til eit meir aktivt språk. Lyset skal sløkkjast når ein går frå kontoret. Dette vedtaket kan klagast på. Endringar i inntektssystemet er venta å setjast i verk frå hausten Skriv Sløkk lyset når du går frå kontoret. Du/de kan klage på dette vedtaket. Inntektssystemet blir truleg endra frå hausten På nynorsk er det ikkje lov å lage passiv med endinga -ast utan hjelpeverb (bli/skal). Då må vi skrive om. Alle søknadar behandlast konfidensielt. Tilskotet fordelast slik. Ladestasjonane plasserast over heile fylket. Skriv Vi behandlar alle søknadar konfidensielt. (aktiv) Alle søknadar blir behandla konfidensielt. (passiv) Hovudutvalet for kultur- og folkehelse fordeler tilskotet slik. (aktiv) Tilskotet blir fordelt slik. (passiv) Det kjem ladestasjonar over heile fylket. (aktiv) Ladestasjonane blir plasserte over heile fylket. (passiv) 3.9 Bruk meir verb i staden for substantiv Tekstar frå det offentlege er ofte prega av såkalla substantivsjuke, altså at vi gjer om enkle verb til tunge substantiv. Dette er med på å gjere språket tyngre og meir abstrakt. Vi kan kjenne igjen desse konstruksjonane ved at dei inneheld eit innhaldstomt verb + eit substantiv på -ing: «foreta drøftingar», «gjere endringar», «realisere utbyggingar». 9

13 Vi skal gjennomføre vurderingar av planane. Hovudutvalet vedtok i fjor ei tilråding der desse spørsmåla vart gjorde til gjenstand for ei grundig kartlegging. Skriv Vi skal vurdere planane. Hovudutvalet vedtok i fjor ei tilråding der desse spørsmåla vart grundig kartlagde. Løyvet vert gjeve ei varigheit på tre år. Dette er ei stadfesting av at vi har motteke søknaden din. Behandling av lånesøknadene bør gjerast så snart som råd. Løyvet gjeld for tre år. Vi har motteke søknaden din. De bør behandle lånesøknadene så snart som råd. Les meir om substantivsjuka på nettsida til Språkrådet: Bruk bindeord for å skape flyt Teksten blir meir forståeleg om han heng saman og flyt godt. Bindeord kan hjelpe lesaren å sjå samanhengane i teksten. Orda viser om noko står i motsetnad til noko anna, eller om det følger av noko anna.yt og samanheng i teksten Gode bindeord som skapar flyt og samanheng i teksten altså, derfor, derimot, dessutan, viss, dersom, fordi, likevel, ettersom, men, òg, trass i, sjølv om, slik, tvert imot Eksempel på bruk av bindeord Vegnettet skal tene person- og godstransporten i samfunnet og må derfor vere utforma med tanke på alle trafikantgruppene. Folkehelse er ikkje omtalt som eit eige tema eller satsingsområde i den gamle planen. Likevel er det eit gjennomgåande perspektiv som gjeld alle hovudtema Moteord, fyllord og klisjear Medan bindeord er bra, kan andre småord gjere ein tekst meir upresis. Vi bør difor stryke unødvendige fyllord som jo, liksom, så og vel. Teksten blir ofte lettare å lese dersom du brukar korte uttrykk i staden for lange. Sjå om du treng å ha med etterstavinga messig når du skriv. Kan det for eksempel stå «for samfunnet» i staden for «samfunnsmessig», og «i arbeidet» i staden for «arbeidsmessig»? 10

14 Tenk målgruppe og variasjon når du skriv. Ver varsam med moteord som fokus, identifisere, respondere, implementere, målsetting og prosess. Er det andre ord du kan bruke i staden? Ord vi ofte brukar feil Ord fokus Rett bruk og forslag til avløysarord Fokus betyr eigentleg «brennpunkt» eller «midtpunkt». Det betyr at vi kan sette noko i fokus. Vi kan derimot ikkje sette fokus på, ha auka fokus eller breitt fokus. Forslag til avløysarord og -uttrykk: - merksemd - søkelys - legge vekt på - prioritere - sette øvst - konsentrere om - satse på - sette dagsorden - vere oppteken av i forhold til I forhold til betyr samanlikna med. Dersom du ikkje er ute etter å samanlikne noko, bør du unngå «i forhold til». Vi har mange andre gode ord og uttrykk å bruke i staden: - i - med - til - på - for - om - når det gjeld - med tanke på Les om «forholdsreglane» og «i forhold til-viruset» på nettsida til Klarspråk-prosjektet: Forholdsregler/ forfordele Tyder eigentleg: gje mindre enn ein har krav på ved fordeling. Kan også bety gje meir enn ein har krav på. Råd: ikkje bruk dette ordet! Ord vi bør variere Denne lista inneheld ord som ikkje er feil, men ord som kan skape avstand frå lesaren. Nokre av orda er mykje brukt, og bør bytast ut for å få variasjon. Tenk rett på sak, ikkje prøv å imponere med flotte og unødvendige lange ord, som ikkje er vanleg i dagleg tale. 11

15 Moteord implementere identifisere initiere lokalisert målsetting optimal prosess realisere respondere ressurs robust Forslag til avløysarord I verksette, installere, gjennomføre, utføre peike på, finne fram til begynne, starte, sette i gang plassert, som ligg mål (Målsetting betyr eigentleg «å fastsette eit mål som ein skal nå». Du når derfor strengt teke eit mål, ikkje ei målsetting.) best mogleg arbeid Sette ut i livet, sette i verk, verkeleggjere, gjennomføre svare menneske, pengar, verkemiddel, verdiar sterk, fleksibel, solid, slagkraftig, stabil 3.12 Forkortingar Vi skal vere forsiktige med å bruke forkortingar. Vanlege forkortingar som t.d. og osv. kan du bruke av og til, men ikkje overdriv. Tekstar som er fulle av forkortingar, er vanskelege å lese. I Møre og Romsdal fylkeskommune skriv vi helst alle ord heilt ut i tekst, medan forkortingar er greitt i tabellar. Dei gongene vi brukar forkortingar for organisasjonar og liknande, skal dei skrivast fullt ut første gongen med forkortinga i parentes: Statens naturoppsyn (SNO). Hovudregelen er at det er punktum etter forkortingar. Det skal derimot ikkje vere punktum etter forkortingar for - mål, for eksempel cm og dl - vekt, for eksempel kg og g - mynteining, for eksempel kr - grunnstoff, for eksempel He - initialord, for eksempel NRK, NHO, EU kr tre mill. kr Skriv ( i tabellar) tre mill. kr kr 12

16 Vi kan skrive kr før talet når det er snakk om eksakte tal (inkludert øre), for eksempel kr ,53. Du finn ei liste over forkortingar og symbol på nettsida til Språkrådet: 4. Skriv rett 4.1 Skrivemåte for politiske utval Dette er dei offisielle namna på dei politiske organa i fylkeskommunen. Dei skal alltid skrivast med liten forbokstav og i bunden form: fylkestinget fylkesutvalet kultur- og folkehelseutvalet regional- og næringsutvalet utdanningsutvalet samferdselsutvalet kontrollutvalet fagskolestyret yrkesopplæringsnemnda plannemnd for byggeprosjekt ungdomspanelet ungdommens fylkesting plannemnd for samferdselsutbygging fylkestrafikktryggingsutvalet klagenemnda fylkesvalstyret oppreisingsutvalet for tidlegare barnevernsbarn eldrerådet rådet for likestilling av funksjonshemma 4.2 Stor og liten forbokstav Hovudregel: Det er stor forbokstav i eigennamn og liten i fellesnamn. Vi skriv Møre og Romsdal fylkeskommune slik, aldri stor f i fylkeskommunen. Som regel er det liten forbokstav som er rett på norsk: stat og styre: staten, statsministeren, regjeringa, departementet, hovudutvalet, fylkestinget, kontrollutvalet. stillingstitlar: fylkesrådmannen, fylkesordføraren, fylkesdirektøren, administrerande direktør namn på lover, forskrifter og konvensjonar: kulturminnelova, lov om kulturminne avdelingar: kulturavdelinga, regional- og næringsavdelinga, samferdselsavdelinga, plan- og analyseavdelinga Men departementa er eigennamn og skal ha stor forbokstav, for eksempel Kulturdepartementet. 13

17 Dersom eit eigennamn har fleire ledd, skal berre det første leddet ha stor Forbokstav: Kommunal- og moderniseringsdepartementet. Enkelte gonger skil vi mellom institusjon og person: fylkesmannen (= person) og Fylkesmannen (= institusjonen) barneombodet (= person) og Barneombodet (= institusjonen) kongen (=person/generell omtale) og Kongen (=institusjonen og tiltale) Vi kan alltid skrive regjeringa med liten forbokstav. Dersom vi vel å skrive Regjeringa med stor forbokstav, er det for å få tydeleg fram at vi meiner statsorganet, institusjonen. Eksempel Dette vart understreka i brevet frå Fylkesmannen (institusjonen) Det er no 20 år sidan Barneombodet starta tilbodet Klar melding. (institusjonen) Tingvoll barneskule var ein av tre skolar i Møre og Romsdal, som fekk besøk av barneombod Anne Lindboe. (personen) Det skal alltid vere liten forbokstav i titlar i brev og liknande: Ottar Brage Guttelvik fylkesrådmann Ver obs på at Word gjer om liten forbokstav til stor ved linjeskift. Det må du endre tilbake manuelt. Du finn meir om korleis vi brukar stor og liten forbokstav, på nettsida til Språkrådet: Når brukar vi de og dykk? Ordet de er subjektsform og dykk objektsform av pronomenet de, som vi brukar når vi snakkar eller skriv til fleire personar. Det betyr at vi skriv de når pronomenet er subjekt i setninga, og dykk når det er objekt. Eit råd her kan vere å sette inn du eller deg der du ikkje er sikker. Der du får du, skal det stå de. Der du får deg, skal det stå dykk: Du må hugse å melde deg på før fristen går ut. De må hugse å melde dykk på før fristen går ut. : Skriv: Kan dykk vurdere dette? Dykk er velkomne til møtet måndag. Kan de vurdere dette? De er velkomne til møtet måndag. 14

18 Vi vil i møtet informere de om kva konsekvensar dette får. Meld frå dersom dette ikkje passar for de. Vi vil i møtet informere dykk om kva konsekvensar dette får. Meld frå dersom dette ikkje passar for dykk. 4.4 Orddeling Vi skriv samansette ord (sette saman av to eller fleire) i eitt ord på norsk (i motsetnad til engelsk). Om du seier ordet som eitt ord, skal det skrivast som eitt ord. Ikkje stol på stavekontrollen i Word når det gjeld orddeling. Word vil gjerne dele mange ord som ikkje skal delast på norsk. Eksempel på samansette ord: organisasjonsutvikling kapitalendring røykfritt vegstandard sukkererter kjempebra fylkeshovudverneombod Orddeling ved linjeskift Pass på at du deler orda på rett stad når du må dele ord som går over to linjer. Kapitalendring Fylkeshovudverneombod Skriv Kapitalendring Fylkeshovudverneombod 4.5 S-genitiv Vi brukar i hovudregelen ikkje s-genitiv i nynorsk, på same måte som at vi sjeldan brukar genitiv når vi snakkar. I staden for å tenke kva du ville ha skrive på bokmål, kan det vere lurt å tenke på kva du ville ha sagt. Vi har fleire måtar å bruke genitiv på. Det beste er å variere mellom desse: 15

19 Omskriving med sin, si, sitt og sine Slik omskriving kan vi berre bruke om reelle eigedomstilhøve, for eksempel fylkesordføraren sin bil og bonden sin hest, ikkje om fylkestinget sitt vedtak og fylkesordføraren sin tale. Omskriving med preposisjon eller samansett ord Dette gjev ofte betre flyt enn sin på nynorsk. Vurder om du kan skrive om med preposisjon eller eit samansett ord heller enn å bruke mykje sin, si, sitt og sine i ein tekst. I Skriv fylkestinget sitt vedtak vedtaket i fylkestinget vedtaket frå fylkestinget fylkestingsvedtaket skolen si nettside nettsida til skolen skolenettsida fylkeskommunen sitt verdigrunnlag verdigrunnlaget til fylkeskommunen I nokre tilfelle kan vi bruke s-genitiv Ver varsam med å bruke s-genitiv, bruk heller preposisjon eller skriv om setninga. Du kan bruke s-genitiv i desse tilfella: i uttrykk for tid og mål: eitt års arbeid, ei vekes tid ved samnamn i bunden form eintal og fleirtal: lang dags ferd mot natt, i manns minne ved særnamn (i nokon grad): Ivar Aasens ordbok, Noregs nasjonalforsamling Les meir om omskriving av s-genitiv på nettsida til Språkrådet: Teiknsetting Punktum Eit godt tips for eit godt språk er å sette punktum ofte. Tenk gjerne at du skal ha éin tanke per setning. Komma Komma skal gjere teksten lettare å lese, ikkje vanskelegare å skrive. Komma viser lesaren kva delar av ei setning som høyrer saman. 16

20 Du bør ikkje sette meir enn to komma i same setning. Vi må kjenne skilnaden mellom hovudsetningar og leddsetningar for å kunne følgje kommareglane: Ei hovudsetning kan stå aleine og gje meining. Ei leddsetning er alltid del av ei hovudsetning og gjev ikkje meining aleine. Ei fullverdig setning inneheld både subjekt og verbal. Kommareglar 1. Det skal vere komma mellom to hovudsetningar som er bundne saman av og, eller, for og men. (Merk at det alltid er teikn framfor men enten komma eller punktum.) Eksempel: Det er eit stort behov for nytenking i dette arbeidet, og det tek fylkeskommunen på alvor. 2. Komma etter leddsetning som står først i hovudsetning. Eksempel: Dersom ikkje pengane blir brukt i løpet av 2018, går dei tilbake til fylkeskommunen. Sjå etter orda: at, dersom, fordi, når, då, sidan. 3. Komma etter innskoten som-setning, også i setningar der ordet som er utelate. Eksempel: Ei oppgåve [som] fylkeskommunen har, er å samordne søknadane om spelemidlar. 4. Komma skal stå mellom orda i ei opprekning, men ikkje framfor "og" Eksempel: Lettmjølk, frukt, fisk, grovbrød og vatn er dei viktigaste næringsmidla. 5. Komma skal stå etter ei leddsetning som kjem før ei hovudsetning Eksempel: Som du ser av desse døma, er det heilt overkommeleg å lære rett komma. 6. Komma skal stå framfor ei leddsetning som ikkje er nødvendig Eksempel: Det innser nok dei fleste, endå dei ikkje har trena så mykje på det. 7. Komma skal stå etter ei innskoten setning Eksempel: Ryktet om at det er så vanskeleg å setja komma, er det ingen grunn til å tru på. 8. Komma skal skile ut innskotne ledd og forklarande tillegg Eksempel: Norske kommareglar, vedtekne for mannsaldrar sidan, vart mønster for dei danske, reviderte for ti år sidan. 9. Komma skal skille ut tiltaleord, svarord, utropsord Eksempel: Kari og Nils, var de på møtet i dag? 17

21 Du kan lese meir om kommareglane på nettsida til Språkrådet: aregler/ Kolon Kolon brukar du framfor eit ordrett sitat, ein replikk eller ein direkte formulert tanke: Det stod på skiltet: «Stengt fram til onsdag 18. september.» Det skal vere kolon også framfor oppramsingar, eksempel, spesifiseringar og forklaringar: Det er tre hovudutval som skal behandle denne saka: samferdsel, utdanning og kultur- og folkehelse. Men vi brukar komma når oppramsinga startar med: Fylkesrådmannen var innom mange kommunar, for eksempel Stranda, Ulstein, Hareid og Norddal. Vi brukar stor forbokstav etter kolon når det som kjem etter, er ei fullstendig setning. Les meir om kolon på nettsida til Språkrådet: Skråstrek Skråstrek betyr eller. Dersom du meiner noko anna, for eksempel «og eller», må du skrive det. Vi bruker mellomrom på kvar side av skråstreken dersom minst eitt av alternativa er sett saman av to eller fleire ord. Mange skriv ofte og/eller, dette betyr eigentleg «og eller eller». D Eksempel på bruk av skråstrek Det må ligge føre eit vedtak frå hovudutval for kultur / hovudutval for opplæring. Søknaden vert avvist/avslått dersom dokumentasjonen ikkje er lagd ved. Les meir om skråstrek på nettsida til Språkrådet: strek/ Bindestrek og tankestrek Bindestrek og tankestrek er to ulike teikn og blir brukte på ulike måtar. Bindestreken er kort (-), og tankestreken er lang ( ). Bindestrek Vi brukar bindestrek i blant anna desse tilfella: ved forkortingar ved siffer når to ord har same for- eller etterledd når vi har samansette uttrykk som viser til samband eller eit forhold ved visse geografiske namn 18

22 i bøygde former av forkortingar Hovudregelen er at vi ikkje skal bruke bindestrek i samansette ord på norsk. Vi skriv samansette ord i eitt og utan bindestrek, sjølv om stavekontrollen i Word ofte er usamd i dette. Eksempel på bruk av bindestrek e-post, NRK-programmet 2000-talet, 250-årsjubileum person- og godstransport, tannlegar og pleiarar svart-kvitt, tur-retur Vest-Noreg, Midt-Noreg, Nord-Europa pc-en, tv-ar Les meir om bindestrek på nettsida til Språkrådet: Tankestrek Vi brukar tankestrek i blant anna desse tilfella: ved tidsrom og mellom andre ytterpunkt i tid og rom (ikkje mellomrom på kvar side av tankestreken) ved innskot og tillegg i teksten (med mellomrom på begge sider av tankestreken) framfor replikkar eller sitat i teksten. Møre og Romsdal fylkeskommune brukar tankestrek framfor sitat i pressemeldingar og nettsaker, ikkje hermeteikn. Eksempel på bruk av tankestrek Eksempel på bruk av tankestrek kl september 1. oktober side vegen Kristiansund Molde Møtet som fylkeskommunen arrangerer startar kl Dette er det svært viktig at vi får til, seier fylkestannlegen. Les meir om tankestrek på nettsida til Språkrådet: strek/ 19

23 Hermeteikn Vi sett hermeteikn rundt ord og ordgrupper som skil seg frå den vanlege teksten på ulike måtar. Hermeteikn står alltid parvis, før og etter det vi vil skilje ut. Vi brukar hermeteikn når vi siterer ei utsegn ordrett, og for å vise at eit ord eller uttrykk ikkje er allment godteke. Eksempel på bruk av hermeteikn Eksempel på bruk av hermeteikn Ordrette sitat: -Tittelen på rapporten er «Kva vil det koste å fjerne forfallet på fylkesvegnettet?». Namn på sjølvstendige kunstverk som bøker, filmar, musikkstykke, plater o.l.: - Riksteatret turnerer med «Vildanden» av Ibsen Namn på båtar, bygningar og så vidare - Riksantikvaren løyvde til saman 1,5 mill. kroner til veteranbåtane «M/S Svanøy» og «D/S Stavenes». - Ferja «M/F Romsdal» er ute av drift. Ord og uttrykk som er utanom det vanlege, og som vi ikkje går gode for, eller som vi brukar med atterhald eller ironisk - Alle syntes maten var «kjøle» god. Du finn meir om hermeteikn på nettsida til Språkrådet: eteikn-bokmal-anforselstegn/ Apostrof På norsk brukar vi ikkje apostrof ved genitiv, med mindre ordet endar på -s, -z og x: Vesaas forfattarskap. Sjå meir om genitiv i nynorsk tidlegare i dette kapittelet. Du finn meir om apostrof på nettsida til Språkrådet: of/ Semikolon Semikolon er ein mellomting mellom punktum og komma, og må ikkje blandast saman med kolon. Vurder om du heller skal bruke punktum eller eit bindeord. Eksempel på bruk av semikolon Eksempel på bruk av semikolon Fylkesutvalet behandla saka i går; i dag gjer fylkestinget endeleg vedtak. Berre ein liten del av vegen er asfaltert; resten er grusveg. Det nye styret vart: Grete Hauge, leiar; Ola Frisk, nestleiar; Per Ask, styremedlem; Kari Bakke, varamedlem. Les meir om semikolon på nettsida til Språkrådet: olon/ 20

24 4.7 Tal Småe tal skriv vi som regel med bokstavar. Vi reknar tala til og med tolv som små. Du kan skrive tal under tolv med siffer når du vil vere særleg tydeleg, for eksempel ved prosent. I tekstar med mykje tal, der tala er hovudsaka, bør vi vanlegvis skrive alle tala med siffer. Innanfor same setning eller avsnitt bør vi vere konsekvent og velje enten siffer eller bokstavar. Eksempel: «Dei var 4, 8 og 32 år gamle» skriv Det kom inn 14 søknadar i mars, mot fire i februar og 21 i januar. Skriv Det kom inn 14 søknadar i mars, mot 4 i februar og 21 i januar. Skriv kroner fullt ut etter beløpet, ikkje kr. Bruk mellomrom ved tusen eks kroner (ikkje punktum, ver merksam ved linjeskift) Ved store beløp skriv 1,2 mill. kroner (bruk ein desimal og punktum etter mill.) Ikkje bruk komma og bindestrek til slutt i beløpet (for øre) Bruk ordet «prosent» i tekst. %- teiknet skal berre brukast i tabellar. Hugs mellomrom! Skriv kr kroner 17% 17 % 8 8 Telefonnummer Post- og teletilsynet har fastsett offisielle reglar for telefonnummer. Vi skriv ulike typar telefonnummer slik Vi skriv ulike telefonnummer slik Fasttelefonnummer: Mobilnummer: Med landkode: / Femsifra nummer: nummer: Klokkeslett og tidsrom Vi skriv klokkeslett med punktum, ikkje kolon: Det skal vere tankestrek ( ) mellom tidspunkt, ikkje bindestrek (-). Då skal det ikkje vere mellomrom før og etter tankestreken. 21

25 Dersom du skriv frå ved tidsrom, må du også ha med til. Skriv 09: kl (bindestrek) kl (tankestrek) frå kl frå kl til kl Datoar Vi skriv månaden med bokstavar i tekst. Det er lettast for mottakarane å oppfatte, og det er ikkje rom for å misforstå: 9. juni I norske tekstar har vi rekkefølga dag-månad-år. I teknisk bruk og internasjonal standard, er rekkefølga år- mnd- dag, mykje brukt. Dersom du i likevel har behov for å skrive datoen med berre tal, bør du skrive med to siffer i kvart ledd : Skri Skriv juni 2016 (eller ) juni 2016 (eller ) juni 2016 (eller ) juni 2016 (eller ) 4.8 Tilvising til lover og forskrifter Namn på lover Vi skriv namn på lover og forskrifter med liten forbokstav. Unnataket er Grunnlova og lover som har eigennamn som førsteledd, for eksempel Jan Mayen-skattelova. Søknaden er godkjend, jf. Lov om fornybar energiproduksjon til havs (Havenergilova). Skriv Søknaden er godkjend, jf. lov om fornybar energiproduksjon til havs (havenergilova). Søknaden er avslått, jf. Kulturminnelova 2. Søknaden er avslått, jf. kulturminnelova 2. Lovtitlar og korttitlar Alle lover har ein lang, offisiell tittel. Denne vert brukt i juridiske dokument og startar nesten alltid med «lov om». Mange lover har også ein korttittel. Denne er berre offisiell dersom han står i parentes etter namnet på lova i Lovdata og Noregs lover. I tekstar til 22

26 innbyggjarar er det mest vanleg og lesarvennleg å bruke korttittelen når vi viser til lover. Eksempel på lovtitlar Eksempel på korttitlar Eksempel på lovtitlar Eksempel på korttitlar lov om vassdrag og grunnvatn vassressurslova lov om skatt av formue og inntekt skattelova Inndeling: paragraf, ledd og punktum Lover er delte inn i paragrafar, som igjen er delte inn i ledd. Eit ledd kan vere delt inn i fleire punktum, bokstavar, nummer eller strekpunkt. Vi kan skrive ordet paragraf eller bruke teiknet. Paragrafteiknet står alltid framfor talet og skal ha mellomrom etter seg. Når vi viser til fleire paragrafar, bruker vi vanlegvis to paragrafteikn. Eksempel på bruk av paragrafteikn Eksempel på bruk av paragrafteikn 3 3 og (betyr frå 3 til 7) Ordenstal Når vi refererer til nummer på ledd og punktum, nyttar vi bokstavar, ikkje tal. Eksempel på tilvising til Eksempel på tilvising til paragrafar og ledd 3 første ledd Teikn og mellomrom Det skal vere mellomrom mellom paragraf og tal, og mellom tal og bokstav. Det skal ikkje vere komma. Eksempel på tilvising til paragraf, tal og ledd kulturminnelova 15 første ledd tredje punktum kulturminnelova 15 a Eksempel på tilvising til paragraf, tal og ledd Genitiv-s Vi brukar ikkje genitiv-s når vi viser til lover med korttittel. Eksempel på tilvising av korttittel havenergilova 21 23

27 Eksempel på tilvising av korttittel 4.9 Formatering av teksten Mellomrom Det skal aldri vere meir enn eitt mellomrom mellom orda i teksten. Verkemiddel Verkemidla understreking, kursiv, feit skrift og STORE BOKSTAVAR har større effekt jo sjeldnare du brukar dei. Skriv du på nettet, bør du vere forsiktig med desse virkemidla. Vi kan utheve nøkkelord; då blir det lettare for lesaren å finne det han eller ho er ute etter i teksten. Det er likevel betre å systematisere teksten med underoverskrifter enn å markere mange lause ord i teksten. Mellomtitlar kan gjerne vere i feit skrift. Unngå for mykje understreking og store bokstavar i teksten. På nett Lenker og e-postadresser på nettsida til fylkeskommunen skal vere understreka: post@mrfylke.no Generelle tips for tekst på nett Unngå blokkbokstavar. Dei er vankelegare å lese, og det er vanleg "nettetikette" å bruke små bokstavar. BLOKKBOKSTAVAR= skriking på nettet Svart tekst på kvit bakgrunn er enklast å lese Bruk aldri understreking på normal tekst. Understreking kan lure lesaren til å tru at det er ei klikkbar lenke Unngå for mykje halvfeit tekst Unngå kursiv. Teksten blir vanskelegare å lese Bruk ordentlege kulepunkt (slik som vi har gjort her), ikkje tankestrek 5. Kvalitetssikring Det er ikkje så lett å vere kritisk til eigen tekst, men det er viktig å vere nøye. Fylkeskommunen skal vere eit godt forbilde når det gjeld rettskriving og godt språk. Her er nokre enkle tips for korleis du kan kvalitetssikre teksten din før du sender han frå deg: Les høgt Les teksten høgt for deg sjølv. Då høyrer du godt om du har gløymt typiske småord. Du høyrer også om nokre av setningane er for lange og krunglete. La andre lese igjennom La nokon andre lese gjennom, vi ser oss gjerne «blinde» på eigen tekst. Det kan vere lurt at han eller ho som les gjennom, ikkje er den næraste kollegaen din, som jobbar med det same som deg. Han eller ho ser det gjerne gjennom «same briller» som deg. 24

28 Bruk stavekontroll Bruk gjerne stavekontrollen i Word, men ikkje stol 100 prosent på han. Ta stilling til alle raude rettingar stavekontrollen kjem med, men ikkje la Word tenke for deg. Eit ord kan vere rett skrive, men feil i samanhengen. 6. Kva ord skal eg bruke? På norsk kan vi ofte velje mellom fleire ulike former for same ordet. Så lenge du er konsekvent og det er korrekt norsk, bestemmer du sjølv kva for former du vel å bruke. Men når det gjeld tekstar som er skrivne av fleire, har vi laga ei liste for kva ord vi skal bruke. Her tenker vi dokument som planar, årsrapportar, saksframlegg og nettsida vår. Oppdatert liste finn du på mrfylke.no/spraak Vi skriv : behandle bilde bli blir vart - vorte bruke bygge de derfor eksempel forbilde følge først gi- gir gav - gitt hos klar rundt skole sommar stemme ta- tar-tok -tatt til orientering vedtatt vi viser ønske Ikkje bruk desse formene: handsame bilete nytte byggja dokker difor døme førebilete følgje, fylgja fyrst hjå klår kring skule sumar røyste til vitande vedtek me syner ynskje 25

29 7. Bokmål nynorsk - synonymordbok Her kjem ei oversikt over nokre dei vanlegaste orda som vi treng synonym til. Bokmål Antall Befaring Begrep Begrunne/ begrunnelse Deltakelse Egeandel Egnethet Forståelse Nynorsk tal på, mengd, kor mange synfaring omgrep grunngi/ grunngiving deltaking eigendel Ønskeleg, eigenskap, å vere skikka for forståing Dette er berre nokre få eksempel. Du mange fleire ord i Administrativ ordliste bokmål nynorsk: 8. Meir hjelp og informasjon Ressursar på nettet Språksidene til Møre og Romsdal fylkeskommune: Bokmåls- og nynorskordboka: Språkrådet: Klarspråk.no Bokmål- nynorsk ordliste: Utdanningsdirektoratet, oversetting av bokmål til nynorsk: Gode ordbøker Breivega, Ola, Senje, Aud Anna, Eckhoff, Hanne Martine, Reksten, Torunn og Aasen Kjetil, Klarspråk i praksis håndbok i godt forvaltningsspråk. Oslo, Kunnskapsforlaget/Språkrådet Helleviks, Alf, Søyland, Aud og Rauset, Margunn, Nynorsk ordliste. 11. utgåve. Oslo, Samlaget Rommetveit, Magne, Med andre ord. Synonymordbok med omsetjingar til nynorsk. Oslo, Samlaget Vinje, Finn Erik, Skrivereglar/Skriveregler. Oslo, Aschehoug 9. Kjelder Språkrådet: Sogn og Fjordane fylkeskommune, Språkbruksplan for Sogn og Fjordane fylkeskommune. Tusen takk til Sogn og Fjordane for inspirasjon og hjelp! 26

30 Notatar:

31

32