MØTEBOK. Fylkesutvalet. Dato: 12. mars 2009 Kl.: Stad: Fylkeshuset, Fylkesutvalsalen, rom 367 Hordaland Saknr.: 60/09-73/09 MØTELEIAR

Transkript

1 HORDALAND FYLKESKOMMUNE MØTEBOK Fylkesutvalet Dato: 12. mars 2009 Kl.: Stad: Fylkeshuset, Fylkesutvalsalen, rom 367 Hordaland Saknr.: 60/09-73/09 MØTELEIAR Fylkesordførar Torill Selsvold Nyborg DESSE MØTTE Handeland, Gisle (A) Christensen, Joril (A) Olsnes, Sigmund (A) Vebenstad, Torill (A) Søviknes, Terje (FRP) til kl Nilsen, Monica (FRP) til kl Tvedt, Petter Kvinge (FRP) Nilsen, Tom-Christer (H) Strømme, Mona Røsvik (H) Ryssdal, Stein Inge (H) Nyborg, Torill Selsvold (KRF) Kårbø, Pål (KRF) Lussand, Magnar (SP) Olsen, Mette Holmefjord (SV) til kl Hove, Harald (V) FORFALL Nilsen, Monica (FRP) frå kl Olsen, Mette Holmefjord (SV) frå kl Søviknes, Terje (FRP) frå kl DESSUTAN MØTTE Fylkesrådmann Paul M. Nilsen Økonomidirektør Johnny Stiansen Organisasjonsdirektør Gerd Ingunn Opdal Seksjonsleiar ved opplæringsavdelinga Inger Øvsthus Tønder Samferdselssjef Magnus Vestrheim Strategi- og næringsdirektør Jan Per Styve Fylkeskonservator Per Morten Ekerhovd Informasjonssjef Stanley Hauge Seniorrådgjevar Gro Stien Thorvaldsen som sekretær 1

2 MERKNADER TIL INNKALLINGA Det var ingen merknader til innkallinga. GODKJENNING AV SAKLISTA Fylkesutvalet vedtok å behandle sakene 68/09 og 73/09 før dei andre sakene. Med desse endringane vart saklista godkjend. GODKJENNING AV MØTEBOKA Fylkesordføraren opplyste at det i den utsende møteboka var feil i sak 56/09, punkt 2 i vedtaket: Sentrumsområde 53 i kommunedelplanen for Åsane skal vere Sentrumsområde S Rett møtebok ligg på internett. Med denne endringa vart møteboka godkjend. GODKJENNING AV MØTEBOKA Møteboka vart godkjend utan merknader. YMSE Raftostiftelsen v/dagleg leiar Therese Jebsen og informasjonsleiar Kari Amble presenterte stiftinga si nye organisasjonsform. Saksordførar for sak 68/09 Oppretting av elev- og lærlingeombod, Eivind Nævdal-Bolstad, orienterte om prosessen for arbeidet med saka. Gruppeleiarane hadde møte med Tunellselskapet Skånevik Etne AS om RV 48. Sigmund Olsnes sette fram slikt oversendingsforslag: Eg viser til utgreiing frå Direktoratet for naturforvaltning: Nå eller aldri for Vossolaksen tilrådde tiltak med bakgrunn i bestandsutvikling og trusselfaktorar. Utgreiinga slår fast at Vossolaksen har stor verdi som natur- og kulturarv, - at miljøtilhøva i Vossovassdraget i dag ikkje er grunnen til at Vossolaksen er utryddingstruga, at lakselus og innblanding av rømt oppdrettslaks er viktigaste trugsmål og at opprinneleg Vossolaks kun finst i levande genbank i Eidfjord. Mitt spørsmål er: Kva kan fylkeskommunen gjere i høve til desse utfordringane? Olsnes sitt oversendingsforslag var samrøystes vedteke oversendt til fylkesrådmannen. Monica Nilsen sette fram slikt oversendingsforslag på vegner av Frp, H, KrF: Fylkesutvalet (FUV) syner til fleire førespurnader om utvida tilbod om servicebussar/-linjer til ulike bydelar i Bergen, seinast til Åsane bydel. FUV ber om at det vert fremja ei overordna sak om servicebusstilbodet i forkant av budsjettprosessen Saka bør innehalda oversikt over eksisterande tilbod (omfang, kostnader, tal reisande osb.), samt vurderingar om høve til utviding av tilbodet. Ein må óg vurdera om Bergen kommune og Hordaland fylkeskommune kan samarbeida finansielt om ei evt. utviding av tilbodet. 2

3 Nilsen sitt oversendingsforslag var samrøystes vedteke oversendt til fylkesrådmannen. Mona Røsvik Strømme peikte på at buss-stoppet for line 2 ved Haraldsplass Diakonale Sjukehus er nedlagt. Dette medfører stor ulempe m.a. for dei som skal til sjukehuset eller ein sjukeheim i området. Ho spurde om dette er ei permanent ordning. Samferdselssjef Magnus Vestrheim vil kome tilbake med svar til fylkesutvalet på eit seinare møte. Mette Holmefjord Olsen viste til trafikksikringsforholda ved Stord vidaregåande skole sine avdelingar. Det er tidlegare meldt at sikringstiltak skulle gjennomførast i løpet av 2008, men det er enno ikkje skjedd noko. Fylkesrådmannen vil gje skriftleg tilbakemelding til møtet i fylkestinget 18. mars Tom-Christer Nilsen foreslo at gruppeleiarane og fraksjonsleiarane i samferdselsutvalet samarbeider for å trekkje mest mogleg i same retning når det gjeld Nasjonal transportplan og handlingsprogrammet. Fylkesutvalet slutta seg til dette. Fylkesordføraren bad om at Tom-Christer Nilsen følgjer opp sakene. Delegerte saker 5/09 7/09 vart refererte. Sakene 68/09 og 73/09 vart handsama først, deretter vart sakene handsama i rekkjefølgje. 3

4 MELDINGAR Periode: 18. februar mars 2009 Nr. Arkivsak Referatsakstittel 67/ Goliat-prosjektet 68/ Trykking og utsending av vedlegg til saker 69/ Lærlingundersøking og instruktørundersøking 70/ KS - Folkevalddagen - kva kan de nytta den til? 71/ Statens Bymiljøpris 2009 "Aktiv bruk av kulturarven i byutviklingen" - Invitasjon til å foreslå kandidater I samband med melding 71/09 oppmoda Sigmund Olsnes fylkeskommunen og fylkesutvalet til å foreslå kandidatar til Statens Bymiljøpris / Kommunedelen av tiltakspakken 73/ Haukeliekspressen - redusert korrespondanse (Seljestad) - Odda Bergen I samband med meldingane 73/09 og 74/09 viste Torill Vebenstad til problem med redusert korrespondanse mellom aust og vest. Ho spurde og om dette har noko å gjere med billetteringssystemet på tvers av fylkesgrensene og korleis problema vil verte handtert framover. Fylkesrådmannen svarte at det er problem med ulik billettering, ikkje billetteringssystemet. Direktør Oddmund Sylta opplyste at publikum vil få betre billetteringsløysingar og korrespondanse innan 1. mai Fylkesordføraren orienterte frå møte med dei involverte partane. 74/ Haukeliekspressen - redusert korrespondanse (Seljestad) - Odda - Bergen 75/ Status billetteringsprosjektet 76/ Plan for tannhelsetenester i Hordaland fylkeskommune - Odontologisk klinikk 77/ Søknad om forsøk - Studiespesialisering organisert som toårig utdanningstilbud 78/ Offentleglova - Endring i reglane for behandling av interne dokument 79/ Møtebok Vestlandsrådet / Tiltaksmidlar til kulturminne - oversendingsforslag 81/ Supplerende tildelingsbrev på miljøområdet Regjeringens tiltakspakke kap post 31 - Tiltak i friluftsområder 4

5 SAKNR. 60/09 ETABLERING AV EIT FELLES REGIONALT FORSKINGSFOND MELLOM SOGN OG FJORDANE, HORDALAND OG ROGALAND Det var 14 representantar til stades. Fylkesrådmannen sitt forslag vart samrøystes vedteke som innstilling til fylkestinget. 1. Hordaland fylkeskommune ønskjer å etablere ein forskingfondsregion for Vestlandet saman med Sogn og Fjordane og Rogaland. 2. Fylkesordføraren blir beden om å arbeide vidare for ein slik modell. 61/09 INTERNASJONAL STRATEGI FOR HORDALAND Det var 14 representantar til stades. Innstillinga frå opplærings- og helseutvalet vart samrøystes vedteken som innstilling til fylkestinget. Fylkestinget vedtek Strategi for det internasjonale arbeidet slik den ligg føre. 62/09 ORIENTERING OM ARBEIDET MED KLIMAPLAN FOR HORDALAND Det var 14 representantar til stades. Harald Hove sette fram slikt forslag: Behandling av fylkesrådmannen sitt forslag punkt 3, 4 og 5 vert utsett. Hove sitt utsetjingsforslag vart vedteke mot 4 røyster (A). Fylkesrådmannen sitt forslag til punkt 1 og 2 vart samrøystes vedteke. VEDTAK 1. Fylkesutvalet sluttar seg til at framdrift på Klimaplan for Hordaland vert forlenga med 6 månader. 2. Fylkesutvalet er styringsgruppe for klimaplanarbeidet og vil i juni 2009 ha eit seminar om dei mest sentrale problemstillingane i planen. 63/09 ETISKE RETNINGSLINJER FOR FOLKEVALDE OG TILSETTE I HORDALAND FYLKESKOMMUNE Det var 14 representantar til stades. Mette Holmefjord Olsen sette fram slikt forslag: 5

6 Nytt punkt i innstillinga: Fylkestinget føreset at både tilsette og folkevalde leiarar arbeider planmessig for at desse retningslinene skal verte implementerte i heile organisasjonen. Gisle Handeland sette fram slikt forslag: Setning 3 i innleiinga i dei etiske retningslinene vert endra til. eit godt omdømme og styrke Hordaland fylkeskommune som god tenesteytar, samfunnsutviklar, forvaltar og arbeidsgjevar. Tom-Christer Nilsen sette fram slikt forslag: Punkt 5, 2. setning i dei etiske retningslinene vert endra slik: Tilsette kan ikkje som leverandør delta i konkurranse eller inngå kontraktar Tom-Christer Nilsen sette fram slik protokollmerknad knytt til endringa i punkt 5, 2. setning: Dette hindrer ikke inngåelse av arbeidskontrakter/tilleggsarbeidskontrakter i forhold til normale arbeidsforhold. Dette hindrer heller ikke at ansatte ved evt. konkurranseutsetting av fylkeskommunal virksomhet kan inngi anbud som gruppe eller enkeltperson. Fylkesrådmannen sette fram slikt forslag: Dei etiske retningslinene punkt 2, 1. setning skal lyde slik: Tilsette har ein grunnleggjande rett til å ytre seg på eigne vegne og gje uttrykk for sine eigne oppfatningar med mindre opplysningane er teiepliktige, eller det å gje ut opplysningane vil vere i strid med lojalitetsplikta som normalt gjeld i arbeidsforhold. Innleiinga i dei etiske retningslinene vart vedteken som innstilling til fylkestinget med 7 røyster (med fylkesordføraren si røyst) mot 7 røyster (A, SV, SP, V) for Handeland sitt forslag. Fylkesrådmannen sitt forslag vart samrøystes vedteke som innstilling til fylkestinget. Nilsen sitt forslag vart samrøystes vedteke som innstilling til fylkestinget mot ingen røyster for innstillinga. Nilsen sin protokollmerknad vart samrøystes vedteken. Innstillinga med vedtekne endringar vart samrøystes vedteken som innstilling til fylkestinget. Holmefjord Olsen sitt forslag vart samrøystes vedteke som innstilling til fylkestinget. 1. Fylkestinget vedtek etiske retningslinjer for folkevalde og tilsette i Hordaland fylkeskommune slik dei ligg føre med desse endringane: Punkt 2 skal lyde slik: Tilsette har ein grunnleggjande rett til å ytre seg på eigne vegne og gje uttrykk for sine eigne oppfatningar med mindre opplysningane er teiepliktige, eller det å gje ut opplysningane vil vere i strid med lojalitetsplikta som normalt gjeld i arbeidsforhold. Punkt 5, 2. setning skal lyde slik: Tilsette kan ikkje som leverandør delta i konkurranse eller inngå kontraktar med den avdeling/ eining der ho/han sjølv arbeider. Punkt 10 skal lyde slik: 10. Samfunnsansvar Folkevalde og tilsette i Hordaland fylkeskommune skal vere seg bevisst det samfunnsansvar som følgjer forvaltning av fellesskapet sine ressursar. 6

7 2. Fylkestinget føreset at både tilsette og folkevalde leiarar arbeider planmessig for at desse retningslinene skal verte implementerte i heile organisasjonen. Protokollmerknad frå H knytt til endring i punkt 5, 2. setning Dette hindrer ikke inngåelse av arbeidskontrakter/ tilleggsarbeidskontrakter i forhold til normale arbeidsforhold. Dette hindrer heller ikke at ansatte ved evt. konkurranseutsetting av fylkeskommunal virksomhet kan inngi anbud som gruppe eller enkeltperson. 64/09 TILTAK FOR ARBEID - OPPFØLGING AV REGJERINGA SIN KRISEPAKKE Joril Christensen sette fram slikt forslag: Tiltak for arbeid Krisa i verdsøkonomien råkar også Hordaland. Fylkeskommunen må difor vera budd på at bedrifter kan gå over ende og arbeidsløysa vil auke. Regjeringa har kome med ei krisepakke som skal gå til tiltak for arbeid. Fylkestinget føreset at desse midlane vert nytta der det har størst sysselsettingseffekt. Fylkestinget sluttar seg til fylkesrådmannen si innstilling med desse endringane: Berekna skattesvikt vert redusert med 5 mill. 5 mill. vert disponert til desse formåla: Styrking av opplæring i skule for lærlingar som mister læreplass. Styrka vaksenopplæringa for å gje kompetanseheving til personar som er langtidspermitterte eller arbeidslause. Pål Kårbø sette fram slikt forslag: Nytt punkt til slutt: Inndekking av dei resterande om lag 5,0 mill. kr vert å kome attende til på junitinget. Fylkesrådmannen sitt forslag vart samrøystes vedteke som innstilling til fylkestinget. Christensen sitt forslag fekk 5 røyster (A, SP) og fall. Kårbø sitt forslag vart vedteke som innstilling til fylkestinget mot 5 røyster (A, SP). Fylkestinget viser til St.prp. nr. 37 ( ) Om endringer i statsbudsjettet 2009 med tiltak for arbeid, der det er forslag om ekstraordinær løyving til Hordaland fylkeskommune. Fylkestinget sluttar seg til fylkesrådmannen sitt forslag om fordeling av det mellombelse tilskotet til vedlikehald og rehabilitering med om lag 1/3 til fylkesvegvedlikehald og om lag 2/3 til vedlikehald av fylkeskommunale eigedommar. Budsjettet for 2009 vert endra slik: Driftsbudsjettet: Meirutg./ Mindreutg./ Stad Art Tekst mindreinnt. meirinnt Vedlikehald fylkesvegar Fylkesvegar momskompensasjon Bilruter

8 Lærlingtilskot Skatt Rammetilskot Andre generelle statstilskot Momskompensasjon frå investeringar Ekstraordinært vedlikehald - tiltakspakke Avsetjing til disposisjonsfond Overføring til investeringsrekneskapen Investeringsbudsjettet: Stad Art Prosjekt Tekst Meirutg. Meirinnt Knarvik vgs. varme/vent.anlegg Knarvik vgs. - overf. frå drift Inndekking av dei resterande om lag 5,0 mill. kr vert å kome attende til på junitinget /09 BYBANEN AS - GARANTI FOR DRIFTA - VAL AV STYREMEDLEMMER M.M. Gisle Handeland sette fram slikt forslag: Alt. punkt 5: a) Som medlem i styret for Hordaland kollektivservice A/S seinare Bybanen A/S føreslår fylkestinget 4 representantar og leiar og nestleiar. b) Bergen kommune vert invitert til å føreslå 1 representant. Alt. punkt 6: Fylkesordførar som generalforsamling i Hordaland kollektivservice A/S seinare Bybanen A/S får fullmakt til å velje 5 medlemer. Fylkesrådmannen sitt forslag til punkt 1, 2, 3 og 4 vart samrøystes vedteke som innstilling til fylkestinget. Fylkesrådmannen sitt forslag til punkt 5 og 6 vart vedteke som innstilling til fylkestinget med 7 røyster mot 5 røyster (A, SP) for Handeland sitt forslag. 1. Fylkestinget godkjenner at Hordaland Kollektivservice AS skifter namn til Bybanen AS. 2. I samband med omskiping av selskapet godkjenner fylkestinget at Bybanen AS vert sett økonomisk i stand til oppgåva som infrastrukturselskap ved at budsjettet for 2009 vert endra slik: 8

9 Investering: Meirutg./ Mindreutg./ Stad Art Prosjekt mindreinnt. meirinnt Kjøp av driftsmidl. frå HKS Bruk av disposisjonsfond Overf. frå drift Drift: Meirutg./ Mindreutg./ Stad Art mindreinnt. meirinnt Bybanen Overføring til investering Tryggleik Hordaland fylkeskommune vil gjennom Bybanen AS vedlikehalda og drifta infrastrukturen for Bybanen. Målet med Bybanen er å etablera og driva ein høgstandard sporveg, som kan fungera som eit attraktivt, sikkert, påliteleg og miljøvenleg transportsystem. 4. Økonomi Hordaland Fylkeskommune garanterer Bybanen AS tilstrekkelege økonomiske rammer til å vedlikehalda og drifta infrastrukturen i samsvar med jernbanelova, tilhøyrande forskrifter og andre aktuelle lover og forskrifter. Bybanen AS si plikt overfor brukarane av tilbodet vert understreka. Bybanen AS skal skal til ein kvar tid å drifta tilbodet i samsvar med planverket. 5. Som medlemer i styret for Hordaland Kollektivservice AS seinare Bybanen AS foreslår fylkestinget: 6. Fylkesordføraren som generalforsamling i Hordaland Kollektivservice AS seinare Bybanen AS får fullmakt til å velja fem medlemer, leiar og nestleiar i styret. 66/09 BYBANEN I BERGEN - BYGGJESTEG II - AVTALE MED STATENS VEGVESEN - FORSKOTTERING AV GRUNNKJØP Stein Inge Ryssdal gjekk frå som ugild fordi han har engasjement ved bybanekontoret. Det var 11 representantar til stades. Fylkesrådmannen sitt forslag, første avsnitt, vart samrøystes vedteke som innstilling til fylkestinget. Fylkesrådmannen sitt forslag, andre avsnitt, vart vedteke som innstilling til fylkestinget mot 1 røyst (Frp). Fylkestinget godkjenner avtale mellom Statens vegvesen Region vest og Hordaland fylkeskommune om korleis statlege midlar og bompengar skal overførast, slik den går fram av vedlegget. 9

10 Fylkestinget godkjenner at Hordaland fylkeskommune forskotterer kostnader med grunnkjøp i 2009 for byggjesteg II for Bybanen strekninga Nesttun Rådal. Ramma for slik forskottering vert sett til 45 mill. kr. 67/09 INNKJØPSPOLICY FOR HORDALAND FYLKESKOMMUNE Gisle Handeland sette fram slikt forslag til innstilling: 1. Hordaland fylkesting godkjenner den framlagde innkjøpspolicyen for Hordaland fylkeskommune, med slik endring/tillegg: Hordaland fylkeskommune skal ikkje inngå økonomiske avtalar med selskap som driv verksemd som er straffbar etter folkeretten. Stortingsmelding nr. 10 ( ) Næringslivets samfunnsansvar i en global økonomi og stortingsbehandlinga av den skal inngå i arbeidet med utforming av konkurransegrunnlag. 2. Innkjøpspolicyen skal leggjast til grunn for utvikling av det vidare innkjøpsarbeidet i fylkeskommunen. Gisle Handeland sette fram slikt forslag til vedtak: Ordet Innkjøpspolicy vert bytt ut med Retningsliner for innkjøp i saka og vedtaka. Joril Christensen sette fram slikt forslag til endring av retningslinene for innkjøp: Under Samfunnsansvar omdøme: 3. kulepunkt vert endra slik: Universell utforming skal takast omsyn til ved alle aktuelle anskaffingar. Verktøykasse for universell utforming i offentlige anskaffelser skal inngå ved utarbeiding av konkurransegrunnlag. 7. kulepunkt vert endra slik: Rettleiar om Etiske krav i offentlege anskaffelser skal inngå ved utarbeiding av konkurransegrunnlag. Harald Hove sette fram slikt forslag til endring av retningslinene for innkjøp: a. Nytt kulepunkt under Andre målsetjingar: Innkjøpsfunksjonen skal ivareta krav om openheit, kontroll og høve til etterprøving. b. Nytt kulepunkt under Samfunnsansvar omdøme: Det skal takast sikte på å etterleve internasjonale standardar og prinsipp om menneskerettar, arbeidslivsstandardar, miljø og anti-korrupsjon. Fylkesrådmannen sitt forslag vart vedteke som innstilling til fylkestinget med 8 røyster mot 4 røyster (A) for Handeland sitt forslag. Handeland sitt forslag til vedtak vart samrøystes vedteke. Christensen sitt forslag fekk 4 røyster (A) og fall. Hove sitt forslag a. vart samrøystes vedteke som innstilling til fylkestinget. Hove sitt forslag b. vart samrøystes vedteke som innstilling til fylkestinget. VEDTAK Ordet Innkjøpspolicy vert bytt ut med Retningsliner for innkjøp i saka og vedtaka. 10

11 1. Hordaland fylkesting godkjenner dei framlagte Retningsliner for innkjøp for Hordaland fylkeskommune slik dei ligg føre med desse endringane: Nytt kulepunkt under Andre målsetjingar: Innkjøpsfunksjonen skal ivareta krav om openheit, kontroll og høve til etterprøving. Nytt kulepunkt under Samfunnsansvar omdøme: Det skal takast sikte på å etterleve internasjonale standardar og prinsipp om menneskerettar, arbeidslivsstandardar, miljø og anti-korrupsjon. 2. Retningsliner for innkjøp skal leggjast til grunn for utvikling av det vidare innkjøpsarbeidet i fylkeskommunen. 68/09 OPPRETTING AV ELEV- OG LÆRINGEOMBOD I HORDALAND Torill Vebenstad sette fram slikt forslag: 1. Det vert oppretta ei ordning med elev- og lærlingeombod i Hordaland. 2. Ombodsordninga vert starta opp frå 1. september Ombodet vert tilsett i fylkeskommunen, men skal ha ei fri rolle og kan engasjere seg i lærlinge- og elevsaker etter mønster av pasientombodet i helsesektoren. 4. Arbeidsinstruks, reglement og tilsetjingsvilkår skal utformast med det som siktemål at saka kan handsamast i utvalet for opplæring og helse i mai. Tom-Christer Nilsen sette fram slikt forslag: Innstillinga frå opplærings- og helseutvalet, punkt 2: Siste setning vert stroken. Innstillinga med Nilsen sitt forslag vart vedteke som innstilling til fylkestinget med 9 røyster mot 6 røyster (A, SV, SP) for Vebenstad sitt forslag. 1. Det vert ikkje oppretta elevombod/lærlingeombod i Hordaland på noverande tidspunkt. 2. Elevinspektørordninga skal evaluerast. Mellom anna skal det undersøkjast: Kor stor stilling den enkelte elevinspektør har på den enkelte skole (i forhold til elevtal?) Kva nyttar elevinspektøren stillinga si til, og kor stor del av stillinga går med til ulike arbeidsoppgåver? Kjenner elevane til elevinspektørane og deira arbeidsområde? Nyttar elevane seg av elevinspektøren? 69/09 SKOLEANLEGGET SOM PEDAGOGISK ARKITEKTUR - FUNKSJONSKRAV Innstillinga vart samrøystes vedteken. 11

12 VEDTAK Innhaldet i utgreiinga Skoleanlegget som pedagogisk arkitektur Funksjonskrav skal nyttast som del av det faglege grunnlaget ved store skoleutbyggingar og nye skolebygg. Punkt 4.1 siste setning i utgreiinga skal lyde: Ein moderne skole skal sjølvsagt også vera universelt utforma. 70/09 HØYRINGSUTTALE ENDRING I FORSKRIFT TIL OPPLÆRINGSLOV KAPITTEL 3 OG 4 Innstillinga vart samrøystes vedteken. VEDTAK Fylkesutvalet tek høyringsuttalen til orientering med følgjande endringar: Fylkesutvalet meiner det vil vere ein fordel med nasjonale standardar eller føringar for korleis dokumentering av undervegsvurdering skal gjerast i /09 FYLKESDELPLAN FOR BRUK OG VERN AV SETESDAL VESTHEI - RYFYLKEHEIANE OG SETESDAL AUSTHEI Fylkesrådmannen sitt forslag vart samrøystes vedteke. VEDTAK 1. Fylkesutvalet tek arbeidet med Fylkesdelplan for bruk og vern av Setesdal vesthei - Ryfylkeheiane og Setesdal austhei til orientering og ønskjer å bidra økonomisk i planarbeidet. 2. Fylkesutvalet stør planarbeidet med kr frå Fylkesutvalet sin tilleggsløyvingskonto. 3. Det vert gjort slik budsjettendring: Frå post Tilleggsløyvingskonto fylkesutvalet - kr ,- Til post Fylkesplanprogrammet + kr ,- 72/09 HØYRING - FORSLAG TIL ENDRINGAR I AKVAKULTURLOVA Fylkesrådmannen sitt forslag vart samrøystes vedteke. 12

13 VEDTAK 1. Hordaland fylkeskommune meiner det ikkje er naudsynt å gjere endringar i akvakulturlova 6 ut frå ynskje om å behalde regional styring med tildeling av løyve for oppdrett av andre artar enn laks og aure. 2. Hordaland fylkeskommune meiner at dersom det likevel vert gjort endringar i 6 må desse vere knytt opp mot at fylkeskommunane skal ivareta nærings- og distriktsomsyn ved tildeling av løyve for oppdrett etter innføring av forvaltningsreforma 1. januar Hordaland fylkeskommune er einig i at det vert gitt nærare føresegner om pålegg om flytting av akvakulturanlegg i Fylkesutvalet viser til at fylkeskommunane har kompetanse i høve til overordna samfunns- og næringsutvikling og rår til at denne oppgåva vert knytt opp mot tildeling av løyve og klarering av lokalitetar som er oppgåver fylkeskommunane skal overta. Hordaland fylkeskommune er difor ueinig i at endringa i 16 er knytt til forhold som har å gjere med Fiskeridirektoratet sitt arbeid med tilsyn og kontroll. 73/09 VALNEMNDER I SELSKAP DER FYLKESKOMMUNEN ER MEDEIGAR Fylkesrådmannen sitt forslag vart samrøystes vedteke. VEDTAK Fylkesutvalet ber om at fylkeskommunale utsendingar på generalforsamling i selskap der fylkeskommunen er aksjonær, reiser forslag om å oppretta valnemnd til å førebu val til selskapsorgan. Gro Stien Thorvaldsen sekretær 13