ÅRSMELDING LUSTER ELDRERÅD 2014.

Transkript

1 Rådmannen - servicetorget ÅRSMELDING LUSTER ELDRERÅD Luster eldreråd er eit partipolitisk uavhengig, rådgjevande organ for kommunen, og skal få seg førelagt alle saker som gjeld levekåra for eldre. Framlegg til årsbudsjett, langtidsbudsjett og kommuneplanar skal eldrerådet ha seg førelagt før formannskapet og kommunestyret vedtek desse. Vidare kan eldrerådet på eige initiativ ta opp saker som vedkjem dei eldre i kommunen. Dette er avhengig av engasjement frå den einskilde medlem i rådet. Eldrerådet for valperioden : Medlemer: Kåre Høyheim, Høyheimsvik Johannes Lad, Marifjøra Anna Brendstuen, Gaupne Kjartan Kvien, Skjolden Inger Møyfrid Sperle, Jostedal Torvald Bakken, Gaupne Marit Tennø, Jostedal Personlege varamedlemer: Gerd Søhoel, Solvorn Anna M. Andersen, Gaupne Marit Ringstad, Gaupne Inger Asheim, Skjolden Kjellfrid Alme, Hafslo Ragnhild Nyland, Gaupne Ivar Kvalen, Hafslo Endringar frå 2014: Anna Brendstuen gjekk bort 14. mai Det vart føreteke val av nytt medlem og varamedlem: Suppleringsval til eldrerådet sak i Kommunestyret nr. 4/14 den : VEDTAK: «Kommunestyret vel Sigrid Hamre Nyseth som ny medlem i eldrerådet. Kristoffer Skjolden vert vald som ny personleg varamedlem for Johannes Lad.» Val av nestleiar sak i Eldrerådet nr. 3/14 den : VEDTAK: «Sigrid Hamre Nyseth vert vald til nestleiar for Luster Eldreråd.» I tillegg vart det føreteke endringar i samansetjinga av råda, i høve til budsjett for 2014 Politisk styring. Dette som ei prøveordning og gjekk bl.a. ut på: Felles møteplan for råda og utvalet. Felles informasjon og drøfting på første del av møta, andre del med formell handsaming av råds/utvalsspesifikke saker. Råda og utvalet får same vilkår og lik administrativ/merkantil støtte.

2 Formannskapet får mynde til å vurdere politisk deltaking i råda og utvalet. Kommunestyret føreset at justeringane fører til ei rasjonell arbeidsform som gjev grunnlag for redusert ressursbruk. Såleis vart politisk representant for Eldrerådet Ivar Kvalen. Marit Åkre Tennø gjekk ut som medlem. Eldrerådet har etter suppleringsvalet og justeringane hatt slik samansetjing: Medlemer: Kåre Høyheim, Høyheimsvik Johannes Lad, Marifjøra Sigrid Hamre Nyseth Kjartan Kvien, Skjolden Inger Møyfrid Sperle, Jostedal Torvald Bakken, Gaupne Ivar Kvalen, Hafslo Personlege varamedlemer: Gerd Søhoel, Solvorn Kristoffer Skjolden, Gaupne Marit Ringstad, Gaupne Inger Asheim, Skjolden Kjellfrid Alme, Hafslo Ragnhild Nyland, Gaupne Leiar: Johannes Lad Nesteleiar: Sigrid Hamre Nyseth Luster eldreråd har i 2014 hatt 5 møte, og hatt 16 saker på saklista. Sekretær gjennom året har vore Karin L. Leirdal. Administrasjonen har delteke på alle møte med informasjon. Dette i fellesmøte med Eldrerådet, Rådet for menneske med nedsett funksjonsevne og Brukarutvalet for samhandlingsreforma. Råda og utvalet har fått delteke i drøftingar og hatt høve til å koma med innspel og merknader. Etter fellesinformasjon har råda og utvalet hatt møte kvar for seg. Rådet har fått fylgjande orienterings/informasjonssaker. Møte den Arne Lerum orienterte om planane for bygging av kommunale bustader på tomta ved tidlegare Gaupne barnehage og nærliggjande tomtar. Det er valt ei løysing med totalt 18 leilegheiter, 6 to roms og 12 med 3 rom. Desse er meint som utleigebustader, men og som sjølveigande, der interesserte kan få skaffe seg sin eigen rimelege bustad. Området skal regulerast og planen vert lagt ut til offentleg ettersyn. 2. John Olaf Røhme, Kari Paulsen og Jarle Skartun orienterte om status og utvikling i institusjonsdrifta. Fylgjande dokument vart lagt fram i møtet: Oversikt over framtidig «Helse- og omsorgstrapp i Luster kommune.» Utviklingsarbeid Luster heimeteneste Utviklingsarbeid Luster sjukeheimsteneste Det vert sett i gang eit prosjekt der ein ser på organiseringa av Luster heimeteneste. Oppdrag (B-13). Vidare samansetjing og balansen i tenestetilbodet mellom langtidsplassar, r, ev. tryggleiksplassar, omsorgsplassar og omsorgsbustader skal og vurderast 2

3 Det skal gjerast ei fagleg og økonomisk vurdering av om det i framtida er føremålstenleg å drifte tre fullverdige sjukeheimar med institusjonsplassar. Oppdrag (B-14.) Det vil bli lagt fram sak i Kommunestyret i juni. Saka om endra kjøkendrift vil og koma opp til politisk handsaming før sommarferien. Spørsmål/Drøftingar: Johannes Lad stilte spørsmål om eldre heimebuande, gjerne åleine, som treng hjelp til ymse tenester. Fangar kommunen desse opp, blir dei registrerte? Får dei den hjelpa dei treng? Frå administrasjonen vart det svara at det er tilsett ein ny fysioterapeut under heimetenesta som allereie er i gang med å gjere godt arbeid. Han legg m.a. til rette med utstyr/hjelpemiddel og tenester i heimane slik at folke skal kunne klare seg heime. Målet med framtidig helse og omsorgsarbeid på «nivå 0», er eit tilbod på lågast muleg nivå der folk kan bu lengst muleg i eigen heim. Ein må likevel sjå på dette med førebyggjande heimebesøk på nytt. Det er tenkt på personleg besøk for å få til gode løysingar for personar som er 80 år og oppover. Eldrerådet er opptatt av at det i første rekke må vere fagfolk som tek seg av besøk og oppfylging av dei eldre. Kristoffer Skjolden stilte spørsmål om psykiatrien med tilbod og oppfylging for psykisk sjuke eldre. Administrasjonen svara at det var same intensjonane med psykiatri som somatikk, at kommunane skal ta seg meir av pasientane sjølve, men prosjektet har stoppa opp. Nokre pasientar har tilbod på Rutlin i Sogndal, men dei fleste får berre eit lite opphald i Førde nokre dagar for så å bli sende heim. Såleis er dette ei utfordring. Luster har elles eit godt tilbod innan psykiatri gjennom eininga helse (Psykisk helseteam). Behov for sjukehusopphald er såleis lite i kommunen. Møte den Administrasjonen orienterte om framtidig kjøkenordning i pleie og omsorgstenesta. Saka skal opp i Formannskapet den 16.mai og kommunestyret 22. mai. Saksutgreiing m/tilråding frå Rådmannen vart lagt fram i møtet. 2. Administrasjonen orienterte om tildelingsteamet i helse og omsorgstenesta. Dei har møte kvar onsdag der dei vurderer søknader, tildeler plassar m.m. 3. Administrasjonen orienterte om status for drift og utvikling i pleie og omsorg. Det er generelt god drift og det vert levert gode tenester. Det er ledig kapasitet i sjukeheimane og turnus på Hafslo må tilpassast færre pasientar. Det vert arbeidd godt i heimetenesta og dette bidreg til redusert press mot sjukeheimane. Ein har kome langt med utviklingsabeidet i heimetenesta, og ny teknologi gjev gode resultat. 4. Administrasjonen orienterte om Luster kommune sin folkehelseprofil. Kommunen har gode resultat innan folkehelse samanlikna med andre kommunar og landet elles. Frisklivsentralen vart bl.a. nemnd som viktig tiltak. Det blir og gjort mykje godt frivillig arbeid rundt om i kommunen. Møte den

4 Administrasjonen orienterte: Overordna økonomiske utfordringar Sjølv om Luster har god økonomi og gode tenester for innbyggjarane, har kommunen økonomiske utfordringar i 2014 og det må gjerast strukturendringar. Det er vanskeleg å skapa balanse, det må nyttast fond. Dette skuldast m.a. auke i pensjonsutgifter, svikt i 2. kraftinntekter på grunn av låge prisar, lågare skatteinntekter og litt lågare rammeoverføringar. Driftsutgiftene er utfordrande og må reduserast. Det er auke i barnehageaktivitet med ekstra opptak i januar, og auke i spes.ped. tiltak i skulane. Det er svikt i inntekter i pleie/omsorg som bl.a. følgjer av ledig kapasitet på Hafslo og i Luster. Det er og utfordringar innan investering, og vanskar med å halde budsjettet. Fleire ferdigstilte og pågåande prosjekt har kosta meir, og prosjekt som skal gjennomførast treng auka rammer. Spesielt Hafslo barnehage har fått uføresette utfordringar. Oppattbygging av utrasa sving i Engjadalsvegen kosta 2.mill. kr. Status ev. avtale med Sogndal. Det vil bli sett i gang forhandlingar med Sogndal om leige av sjukeheimsplassar på Hafslo for ein periode på ca 1 ½ år frå Det vart stilt spørsmål om avtale med Sogndal kan gå ut over tilbodet til brukarane i eigen kommune. Administrasjonen lova at det ikkje skulle skje. Status helse- og omsorg. Det er generelt god økonomisk drift på omsorgsentra, og ingen ventetid. Det er god aktivitet i korttidstilbodet som har fått god omtale, og fungerer godt. Brukarane får god hjelp. Dei 8 nye omsorgsplassane i Gaupne er snart ferdige. Det er framleis stor etterspørsel etter omsorgsbustader i Gaupne. Det er oppnemnd ei prosjektgruppe som skal arbeide vidare med kjøkkensaka. For å få eit tilfredstillande sentralkjøkken på Gaupne omsorgsenter må det byggjast litt om og utvidast for å få betre lagerkapasitet. Folkehelse og førebyggjande helsearbeid i Sogn (FFHIS) Som eit resultat av det interkommunale prosjektet Folkehelse og førebyggjande helsearbeid i Sogn (FFHIS) vart Sogn frisklivssentral formelt opna 22. mars Kommunane Leikanger, Luster og Sogndal er deltakarar i samarbeidet. Samarbeidet blir organisert som eit administrativt vertskommunesamarbeid. Sogndal kommune er vertskommune. Eldrerådet gjorde fylgjande VEDTAK: Eldrerådet syner til informasjon frå administrasjonen. Eldrerådet er nøgde med at avtale med Sogndal om leige av sjukeheimsplassar ikkje skal gå ut over kriterie for opptak av eigne som søker plass i Luster. Møte den Administrasjonen orienterte. Status helse og pleie/omsorg Stabilt innan helse- alle fagstillingar er tilsett. Utfordring innan legevakt med krav om fysisk tilgjengeleg bakvakt, ( ny forskrift). 4

5 Har vore auka arbeid for kriseteamet, bl.a. ulukke på Nigardsbreen. Krev betre organisering. Luster ligg godt an i høve til legemiddelbruk, har lågt forbruk. Nasjonal sikkerheitskampanje pågår.- Fokus på rett legemiddelbruk på institusjonar. Blir jobba med fagleg saman med farmasøyt. Det vart stilt spørsmål om same sikkerheit gjeld for andre. Kommunelegeo svara at alle kan få gjennomgang av sine legemiddel gjennom fastlegen. Nye rom for langtidsplassar i Gaupne er tekne i bruk. Behov for langtidsplassar går ned. Er ledige plassar både i Gaupne, Hafslo og Luster. Avventar endeleg svar frå Sogndal om leige av plassar. Planlegging av storkjøkken går sin gang. Tomtearbeid for tilbygg til hovudkjøkkenet i Gaupne er starta opp. Korttidsavdelinga (KA) flytter inn i nye lokale. Overtaking av pasientar frå sjukehus går bra. Medfinansieringsodninga er det no framlegg om å ta vekk. Det er negativt for Luster som har handsama mange lokalt og slik spart sjukehusinnlegging og med det spart utgifter. Blir jobba med politisk. Ny bustadsosial handlingsplan Planen er under utarbeiding og skal handsamast politisk. Ein bustadsosial handlingsplan er ein plan som handlar om bustadar og butiltak for grupper av befolkninga som har vanskar med å skaffe seg eller behalde ein tilfredsstillande bustad på eiga hand. Økonomiske, sosiale, psykiske og fysiske problem (der i blant eldre) gjer at ein del av befolkninga har problem med å skaffe seg bustad eller behalde den. Målet med bustadsosial handlingsplan er at kommunen skal få eit godt styringsredskap for å møte behova til desse gruppene. Status arbeidet med førebyggjande helsearbeid, frisklivssentral mm. Vedlegg framlagt i møtet: Ny brosjyre om lærings- og meistringstilbod Utgitt av nasjonal kompetanseteneste for læring og meistring innan helse av 4. august Sogn frisklivssentral har fått endra namn til Sogn frisklivs- og meistringssenter (FMS). FMS er ei vidareutvikling av Sogn frisklivssentral og er eit samarbeid mellom kommunane Luster, Leikanger og Sogndal. I tråd med samhandlingsreforma er det eit ynskje at lærings- og meistringstilbod også blir oppretta i kommunane eventuelt interkommunalt. Tilbod ein vil starte med er: Tilbod til familiar som har barn med overvekt. KID-kurs (depresjonsmeistring) Kurs for pårørande til personar med minnesvikt I tillegg er det i gang samarbeid med LHL der ein ser på aktuelle tilbod. Aktivitet og kurstilbod vil føregå i alle 3 kommunane. Tankar om eit dagsenter. Kommunen bør vere god på gode dagtilbod. Syner til den generelle folkehelsesatsinga om førebygging mot sjukdom. Ein må sjå på organisering av dette på best mogeleg måte og med samordning av dei ulike tilboda med 5

6 fagpersonar. Ein må ta utgangspunkt i dei tenestene som finst, også helsetenestene. Eit dagsenter vil bli ein organisert møteplass der lag og organisasjonar kan vere med i drifta. Stor frivillig innsats vil vere avgjerande. Det vil bli ein felles aktivitetsplass, men også ein sosial møteplass. Eit dagsenter utanfor institusjonane er viktig for å bryte isolasjon. Eit problem er avstandane i kommunen og ein må difor sjå på transport, kva tilbod som finst og korleis det kan utviklast. Dei frivillige er sentrale her og. Ny bibliotekplan Alle skular skal etter lova ha skulebibliotek i skulen eller i nærleiken. Rådmannen føresler å leggje ned folkebibliotekavdelingane på Skjolden, Hafslo og Veitastrond. Det blir i staden etablert oppvekstbibliotek i alle skulekrinsane. Oppvekstbibliotek er til felles bruk for skule og barnehage. Biblioteka vil vere opne i skuleitda, og såleis vere tilbod for foreldre og alle andre som måtte ynskje å nytte tenesta i sin krins. Folkebiblioteket i Gaupne vil halda fram som tidlegare og delta i å utvikle skule- og barnehagebiblioteka. Biblioteksaka blir eiga sak i løpet av hausten, og råda/utvalet har høve til å koma med innspel. Endeleg handsaming i kommunestyret i desember. Budsjett 2015 /Økonomiplan / Planleggingsprogram Vedlegg framlagt i møtet: Notat frå Rådmannen til Formannskapet av , og Kommunen har solid, god økonomi med generelt gode tenester og tilbod. Men no brukar me meir enn me tenar. Det er ubalanse i økonomien og ubalansen aukar. Lånegjelda har auka og det må nyttast oppsparte fondsmidlar. Det går ikkje over tid. Grunnen til dette er svikt i kraftinntekter og eigedomsskatt, auke i pensjonskostnader og avvikling av medfinansiering for sjukehustilbod. I tillegg har kommunen høgt investeringsnivå og høge kostnader. Rådmannen har sett opp ein strategisk plan med utviklingstiltak for å oppnå betre balanse i økonomien. Forslag til tiltak framover er bl.a. auka inntekter/betalingssatsar, og fortsatt generell innstramming på fleire område, m.a. helse, kultur. Innan PLO vil det vere ulike tiltak som kan redusere strukturkostnader utan at tenestetilbodet vert dårlegare. Konkrete forslag til tiltak er m.a. - Redusert administrativ bemanning - Betre kapasitetsutnytting institusjonstilbodet - reduksjon/samordning av nattevaktordning i pleie- omsorg - redusert suppleringsopptak og sommardrift i barnehage - reduserte spes.ped. tiltak - redusert driftstilskot Lustrabadet - Reduksjon av div. tilskot og støtteordningar. Møte den Administrasjonen orienterte. Budsjett 2015, Økonomiplan , Planleggingsprogram

7 Administrasjonen hadde i tidlegare møte informert om budsjett 2015, økonomiplan og planleggingsprogram Rådmannen orienterte no om Formannskapet sitt framlegg. Frist for ev. merknader er sett til 10. desember. Kommuneplanen arealdelen. Torunn Løne Vinje orienterte om framlegg til revidert plan. Den er lagt ut til offentleg høyring. Frist for merknader til planframlegget er fredag 18. desember Det er ei målsetjing at planen skal vedtakast av kommunestyret innan utgangen av februar Hovudføremålet med arealdelen er å leggja til rette for ei overordna styring av arealbruken i Luster kommune. Det er ein juridisk bindande plan som skal leggjast til grunn for planlegging, forvaltning og utbygging. Sørsmål/Drøftingar. Det vart stilt spørsmål om plandokumenta er sendt til alle grunneigarar, om dei har fått all informasjonen om planen. Administrasjonen svara at det er ikkje sendt ut no, men alle kan koma med innspel. Det har vore folkemøte på Skjolden, Gaupne og Hafslo tidlegare. I tillegg blir det møte i Gaupne på rådhuset no. Planen er lagt ut i papirformat på servicetorget, rådhuset, biblioteka i Gaupne, Skjolden. Hafslo og butikkar på Veitastrond, Jostedal, Luster, Fortun og Fjordatunet i Kroken. Det vart stilt spørsmål om byggefelt ved Grindane i Gaupne - Kvifor ikkje nytte andre område nærare sentrum. Administrasjonen svara at det er nøye vurdert, særleg i samband med rasområde ( jord og stein). I tillegg er det teke omsyn til arealutnytting, dyrka mark, kulturminne etc. Eldrerådet har handsama/kome med innspel og gjort vedtak i fylgjande saker: Sak 2/14 Framlegg til årsmelding for Luster Eldreråd Handsaming: Leiar Johannes Lad etterlyste svar på saker som Eldrerådet har teke opp på eige initiativ. Sak om offentleg toalett i sentrumsområda. Eldrerådet hadde saka føre den 24 april 2013 og i vedtaket bad dei Luster kommune snarast råd å komme fram til ei ordning med tilfredstillande toalettforhold i Gaupne sentrum.» Eldrerådet har ikkje fått svar frå kommunen og ynskjer å ta saka opp att. Det er ikkje godt nok tilbod i Gaupne slik som det er no. Det vart stilt spørsmål til ordføraren om korleis problemet kan løysast. Han svara at det beste for kommunen hadde vore eit «spleiselag» der kommunen evt. fekk leige hjå andre. Slik løysing er vald andre stader. Det vart vist til sak i kommunestyret. 7

8 Leiar Johannes Lad tek kontakt med styret for Pyramiden for å undersøka om der er planar i høve til «sanitære» tiltak. Saka blir å ta opp att på neste møte. Sak om Servering av alkoholhaldige drikkar ved festlege tilstellingar ved omsorgssentera. Eldrerådet viste til brevet frå Jan Arne Nystuen og sende saka over til Formannskapet der det vart bede om å utarbeida eit kommunalt regelverk for servering av alkoholhaldige drikkar som er felles for dei tre omsorgssentra i kommunen. Eldrerådet kan ikkje sjå at Formannskapet har handsama saka og etterlyser svar. VEDTAK Årsmelding 2013: Eldrerådet sluttar seg til den framlagde årsmeldinga for Årsmeldinga blir å leggja fram for kommunestyret for orientering. Sak 6/14 Framtidig kjøkenorganisering. Vedtak: Eldrerådet er nøgde med god orientering frå administrasjonen. Rådet er positive til førebuinga av saka, at den no var godt utgreidd. Eldrerådet har ikkje merknad til Rådmannen si tilråding. Rådet forventar likevel at personalet for pleie- og omsorgstenesta får dei naudsynte ressursane til å utføre arbeidet med kjøkentenesta, slik at det ikkje går ut over brukarane og personalet. Sak 9/14 Vidareutvikling av Sogn Frisklivssentral. Vedtak: Eldrerådet syner til informasjon frå administrasjonen og er positive til vidareutvikling av Sogn Frisklivssentral. Eldrerådet vil presisera at nok informasjon må nå fram til alle, slik at alle kan få høve til å nytta tilboda til ei kvar tid. Sak 15/14 Budsjett 2015, økonomiplan , planleggingsprogram Handsaming Rådmannen orienterte om budsjettet og Formannskapet sitt framlegg. Frist for ev. merknader var sett til 10. desember. Vedtak: Eldrerådet vil koma med innspel på fylgjande: 1. Opprustning av Gaupne sentrum. Ulike tiltak - tettstadutvikling Gaupne. - Eldrerådet syner igjen til tidlegare vedtak i saka om offentleg toalett i kommunesenteret. Eldrerådet har sterkt ynskje om at tiltaket blir innarbeidd i planen. Det er svært viktig å få dette på plass no. - Eldrerådet vil få koma med innspel i samband med opprusting av trafikk og parkeringsareal ved Pyramiden. Ordninga slik det er i dag er uheldig både for motortrafikk og mjuke trafikantar. Det er trongt og uoversiktleg i området og for lang gangavstand frå busshaldeplassen til Pyramiden. Kort av- og påstiging framfor Pyramidesenteret er avgjerande for eldre og 8

9 menneske med nedsett funksjonsevne. (Sjå og merknad til kommuneplanen.) 2. Tilskot til Private vegar. - Eldrerådet går i mot at tilskot til private vegar igjen skal kuttast. Eldrerådet syner til kommunen sitt mål om at eldre skal kunne klare seg lengst mogeleg i eigen heim. Standard på vegane er avgjerande for å kunne kome seg «til og frå». Det er såleis vanskeleg å forstå at innsparingar skal gå ut over dei private vegane, særleg med tanke på heimesjukepleie, besøksteneste og dei heimeverande sin familie. 3. Innsparingar i pleie og omsorg og tilbod innan helse og psykiatri. - Eldrerådet syner til vurderingar om struktur og dimensjonering av «omsorgstrappa». Eldrerådet vil på det sterkaste presisere at det ikkje må bli dårlegare tilbod for bebuarane på institusjonane enn det er i dag. - Styrking av helsestasjon og rus/psykiatri er positivt. Auka kriminalitet går og utover dei eldre. Eldrerådet meiner såleis at å redusere spesped. tiltak i grunnskulen blir feil. Det vil gå ut over forebygging mot åtferdsvanskar. Det vil bli drårlegare tilbod for styrka meistring og læring generellt. - På grunn av overnemnde vil Eldrerådet og presisere at skulepsykologtilbodet må oppretthaldast med best mogeleg teneste for brukarane. 4. Fornying av bibliotektilbodet, avvikling av filialar og etablering av oppvekstbibliotek. - Styrking av skulebiblioteka er positivt med leseprosjekt i skule og barnehage. Eldrerådet vil likevel meine at å leggja ned biblioteka er ei uheldig utvikling, og går i mot forslaget. Det vil særleg gå ut over opningstidene. Folk som er i arbeid vil ikkje kome seg til biblioteket tidsnok, i skuletida. Det er ein stor fordel at borna kan få gå på biblioteket saman med foreldra sine. Det vil motivere borna til å låne bøker, og med det få betre lesevanar og betre kunnskap. 5. Rådsorganisering. - Eldrerådet er svært nøgde med informasjonen som råda har fått frå administrasjonen i fellesmøta. Det har gjeve god rettleiing og forståing av saker som er viktige for råda, særleg innan helse- pleie og omsorg - og ikkje minst budsjettprosessen. - Eldrerådet vil likevel presisere at Eldrerådet, Rådet for menneske med nedsett funksjonsevne og Brukarutvalet for samhandlingsreforma må vere 3 separate organ slik som i dag og med kvart sitt budsjett. Sak 15/14 Kommuneplanen arealdelen. Handsaming: Eldrerådet handsama saka i samband med innspel til budsjettsaka. Punkt 1. Opprustning av Gaupne sentrum. Ulike tiltak tettstadutvikling Gaupne. VEDTAK: 9

10 Eldrerådet vil få koma med innspel i samband med opprusting av trafikk og parkeringsareal ved Pyramiden. Ordninga slik det er i dag er uheldig både for motortrafikk og mjuke trafikantar. Det er trongt og uoversiktleg i området og for lang gangavstand frå busshaldeplassen til Pyramiden. Kort av- og påstiging framfor Pyramidesenteret er avgjerande for eldre og menneske med nedsett funksjonsevne. Eldrerådet vil meine at området nedanfor fylkesvegen (fv.55) er mykje betre eigna til oppstillingsplass for bussar, og at parkeringsplassar med eventuelle garasjar, lagerbygg etc burde vore plassert der. Fornying av bibliotektilbodet, avvikling av filialar og etablering av oppvekstbibliotek. Eldrerådet handsama saka i samband med innspel til budsjettsaka. Punkt 4. Saker rådet har teke opp /arbeidd med på eige initiativ: Sak 10/14.Ynskje om oppretting av audiograf/audiopedagogstilling regionalt. Handsaming. Eldrerådet synte til skriv frå Pensjonistforbundet i Sogn og Fjordane av Brevet var bl.a. sendt til Sogn og Fjordane Fylkeskommune, samt alle kommunane i fylket. Saka omhandla tilbodet på høyrselshjelp. Det er ynskje om å fremja forslag om å tilsetje audiograf og ein audiopedagog i kvar region i fylket. Tilbodet kommunane har i dag er for dårleg. Det er lange reiser til audiograf og den kommunale høyrselskontakten har ikkje nok ressursar til å følgje opp høyrsel då vedkommande som regel jobbar i pleie og omsorg. Vedtak: Eldrerådet syner til brev frå Pensjonistforbunda i Sogn og Fjordane av Eldrerådet vil på det sterkaste støtta framlegg om tilsetjing av ein audiograf og ein audiopedagog i kvar region i fylket. Dette for å få eit betre tilbod til dei høyrselshemma med betre oppfølging, kortare ventetid og kortare reiser til og frå. Sak 11/14 Den internasjonale eldredagen 1. oktober. Handsaming: Eldrerådet drøfta eldredagen som skal haldast den 1. oktober. Det kom forslag på foredragshaldar og musikkunderhaldning. Leiar Johannes Lad fylgde opp arbeidet med førebuing til arrangementet. Oppsummering frå eldredagen den Eldrerådet markerte FN sin internasjonale eldredag med hyggeleg samvær på Pyramiden kafè tysdag 1. oktober. Eldrerådet stod for markeringa saman med Pensjonistlaget og Luster kommune. Over 90 personar var samla på Pyramiden kafe, noko leiaren i Eldrerådet Johannes Lad, vart godt nøgd med. 10

11 I tillegg til servering av god gryterett, kake og kaffi fekk dei frammøtte variert program med kåseri song og musikk. Hafslo Spelemannslag v/ Arne Nesheim, gitar og John Halveg med trekkspel framførde fine melodiar med Mirjam Tverberg som solist. Ordførar Ivar Kvalen deltok med ei helsing frå kommunen. Henning Rivedal framførde eit fengande kåseri om gamalosten si historie. Det heile blei ei triveleg stund som publikum seint vil gløyma. Leiar Johannes Lad takka til slutt alle som hadde møtt fram og alle som hadde delteke for å få ei fin markering av dei eldre sin dag. Skriv og meldingar som har vore lagde fram: Klipp frå Seniorporten m/ nyhende og ymse tema. (Ein nettstad for statens seniorråd.) Vern for eldre Nasjonal kontakttelefon Samhandlingsnytt. Månadleg informasjonsskriv frå Helse Førde. Hefte om «lærings- og meistringstilbod» -( meistring.no Nasjonal kompetanseteneste for læring og meistring innan helse.) Frå Sogn og Fjordane Fylkeskommune dat : Melding om vedtak Serviceskyssen - uttale frå fylkesrådet for eldre. Sogn og Fjordane Fylkeskommune: «Handlingsplan for fylkesrådet for eldre i Sogn og Fjordane Frå Pensjonistforbundet dat. 10. mars 2014: Informasjonsskriv om prosjektet MORGENDAGENS aktivitetssenter. Frå Statens eldreråd: Brosjyrane: «FNs prinsipper for eldre i verden» og «Det finnes eldreråd i din kommune». Frå Helsedirektoratet dat «Veien til et aldersvennlig samfunn». Medlemar i Luster eldreråd har delteke på fylgjande konferansar/ møte/ kurs/: Kurs på Skei i Jølster den 07. april Kurs for nye og erfarne medlemar i eldreråd i heile fylket for kunnskap om arbeidet i eldreråda og mogelegheit til å dele erfaringar. Hovudtema: Lov om eldreråd og Gjennomgang av eldrerådet sitt praktiske arbeid. Torvald Bakken, Sigrid Hamre Nyseth samt sekretær Karin Leirdal deltok. Regionrådskonferanse for eldreråda i Balestrand på Ciderhuset den 19. mai

12 Medlemar i Luster eldreråd har vore representert i fylgjande råd/utval/ arbeidsgrupper: Bebuarrepresentant for omsorgssentra. I Luster kommune er leiaren i eldrerådet utpeika til å representere bebuarane på omsorgssentra. 12