TYSVÆR KOMMUNE RESULTATOMRÅDET SKULE. Strategiplan Kompetanse for livsmeistring. Tysvær kommune aktivitet og trivsel

Transkript

1 TYSVÆR KOMMUNE RESULTATOMRÅDET SKULE Strategiplan Kompetanse for livsmeistring Tysvær kommune aktivitet og trivsel

2 INNHALD Tysvær kommune Aktivitet og trivsel Godt å leve Kjekt å jobbe Mykje å oppleve Innleiing 1 1 Føremålet med strategiplanen Visjon og ambisjon for Tysværskulen - kompetanse for livsmeistring Skuleeigar sine strategival Handlingskompetanse i å lære, samhandle, kommunisere og delta Kompetanse i å lære med fokus på vurdering for og som læring Kompetanse i å kommunisere, samhandle og delta med fokus på eit trygt psykososialt skulemiljø Fagspesifikk kompetanse i realfag med fokus på matematikk Verksame arbeidsmåtar for skuleeigar og skuleleiarar... 7 Kjelder... 9 INNLEIING I samarbeid med heimen skal skulen gi Tysværelevane ei framtidsretta opplæring. Elevane våre skal oppleve meistring i eit fagleg og sosialt inkluderande skulemiljø. Målet er at alle elevane skal ha mål å strekkje seg mot, vere motiverte for skulearbeidet og ta aktiv og medvite del i eiga læring. Overordna mål er livsmeistring for den enkelte. Strategiplanen er eit overordna rammeverk for skuleeigar og skuleleiarane. Strategiplan og tilstandsrapport vil fungere som gjensidige styringsdokument. Kvar skule tek utgangspunkt i strategiplanen og utarbeider sin eigen årlege utviklingsplan. 1 FØREMÅLET MED STRATEGIPLANEN Opplæringslova, læreplanverket for Kunnskapsløftet (LK06) og samfunnsdelen i kommuneplanen for Tysvær gir overordna mål og føringar for arbeidet i skulen. Strategiplanen for Resultatområdet skule synleggjer kommunen sitt samfunnsmandat. Formålsparagrafen i opplæringslova syner det overordna verdigrunnlaget for arbeidet i skulen. Skuleeigar har visualisert formålsparagrafen i matrisa under og har ein ambisjon om at alle elevane i Tysværskulen skal meistre liva sine, nå og i framtida. 2

3 AMBISJON: LIVSMEISTRING Samfunnsmandat Framtidsretta opplæring Heimskule samarbeid Historisk og kulturell forankring Verdigrunnlag Menneskeverd Åndsfridom Nestekjærleik Likeverd Solidaritet Demokrati Likestilling Vitskaplege tenkemåtar Individperspektiv Kunnskap Dugleik Haldningar Skaparglede Engasjement Utforskartrong Kritisk tenking Etisk og miljøbevisst handling Medansvar Medverknad Institusjonsperspektiv Tillit Respekt Krav Danning Lærelyst Motarbeide diskriminering FØREMÅLET MED OPPLÆRINGA Tysværskulen skal fremje skaparglede, engasjement og utforskartrong hjå elevane. Dei skal øvast i å finne nye løysingar, spore nye samanhengar og nytte kreative uttrykk. Tysværskulen skal bidra til at elevane får utvikle evnene sine til å reflektere og til å tenke kritisk. Lærarane skal utfordre elevane og øve dei i å stille kritiske spørsmål. Elevane skal ta gode val for si eiga læring og for seg sjølve. Tysværskulen skal gi elevane opplæring i å samarbeide og ta medansvar. Dei skal i aukande grad ha medverknad på sin eigen læringssituasjon gjennom å gjere medvitne val av læringsstrategiar og vurdere si eiga læring. Tysværskulen skal møte elevane med tillit, krav og respekt, slik at dei får tru på seg sjølve. Undervisninga skal gi fagleg kunnskap og skape lærelyst. Ho skal og ha eit breitt danningsideal i eit likestillingsperspektiv. 3

4 2 VISJON OG AMBISJON FOR TYSVÆRSKULEN KOMPETANSE FOR LIVSMEISTRING Elevane våre deltek i eit samfunn med stort mangfald, høg grad av kompleksitet og raske endringar. Å utvikle kompetanse for ei global nåtid og kompetanse for ei framtid vi ikkje kjenner til, krev fagspesifikk kompetanse. Men like viktige kompetansar blir kompetanse i å lære, å samhandle med andre og å vere innovativ og nyskapande. Visjonen til Tysvær kommune er Aktivitet og trivsel. I Tysvær er det godt å leve, mykje å oppleve og kjekt å jobbe. Denne visjonen skal Tysværskulen spegle. Elevane våre skal erfare at det er godt å leve, kjekt å jobbe og mykje å oppleve på skulen. Dei skal få ta del i mange positive opplevingar og synast det er kjekt å jobbe med faglege utfordringar. 3 SKULEEIGAR SINE STRATEGIVAL Skuleeigar må gjera val for å fremje skulen sitt arbeid med utvikling av kompetanse både hos elevar og tilsette på alle nivå. Illustrasjonen under viser korleis handlingskjeden mellom skuleeigar sine val og elevane sine læringsresultat, sosialt og fagleg, heng saman. Skuleeigar, skuleleiar og lærar har mål og direkte resultatansvar på dei tre øvste nivåa. Dei to nedste nivåa vil utgjere effekten av arbeidet på dei tre øvste. Difor bruker strategiplanen omgrepet resultatmål om dei tre øvste nivåa og effektmål om dei to nedste. Dersom vi les figuren nedanfrå, ser vi at elevane sine resultat heng saman med handlingane deira. Det er kvaliteten på undervisninga som avgjer kva for handlingar elevane vel. Dersom eleven ikkje oppnår tilfredsstillande resultat, må skulen bidra aktivt til at elevane endrar handlingane sine. Opplæringsmåtar og arbeidsmåtar som elevane møter og får trening i på skulen må kontinuerleg evaluerast og justerast slik at elevane har reelle handlingsalternativ. Det er viktig å sikre jamn og høg kvalitet på lærarane sine undervisningshandlingar. Dette krev systematisk innsats frå skuleleiarane si side. Dei skal forvente og legge til rette for profesjonsfagleg utvikling, noko som inneber at både skuleleiar og lærarar evaluerer og justerer eigne handlingar. Det er viktig at skuleeigar handlar med høg fagleg og systemisk kvalitet og såleis modellerer gode prosessar. Skuleleiarsamlingane er døme på lærande nettverk der skuleleiarane får dele praksis, reflektere og finne felles løysingar. I planperioden har skuleeigar valt å fokusere på 3 strategiar a) handlingskompetanse i å kunne lære, kommunisere, samhandle og delta b) fagspesifikk kompetanse i realfag med fokus på matematikk c) verksame arbeidsmåtar for kompetanseheving hos skuleeigar, skuleleiing og andre tilsette

5 Skuleeigar sine handlingar Fagleg kvalitet Systemisk kvalitet Skuleleiinga sine handlingar Fagleg kvalitet Prosessuell og sosial kvalitet Læraren sine handlingar Fagleg kvalitet Pedagogisk og sosial kvalitet Elevane sine handlingar Fagleg kvalitet Læringsstrategisk og sosial kvalitet Eleven sine læringsresultat Faglege resultat Livsmeistring 3.1. HANDLINGSKOMPETANSE I Å LÆRE, SAMHANDLE, KOMMUNISERE OG DELTA Kompetanse i å lære - med fokus på vurdering for og som læring Skuleeigar skal byggje ein god kollektiv vurderingskultur som blir integrert som ein del av læringskulturen på kvar skule. Gjennom systematisk arbeid i klasserommet, i samarbeidstid og utviklingstid på kvar skule og på tvers av skular skal både leiarar, lærarar og elevar kunne identifisere og utøve god kvalitet på vurdering for og som læring. Elevane skal oppleve meiningsfulle læringsøkter, auka motivasjon, auka læringstrykk og betre læringsutbytte og skal sjølve ha medverknad på læreprosessen. Resultata frå elevundersøkinga for 7. og 10. trinn hausten 2015, tyder på at dei fleste av skulane våre er komne svært langt på dette området og at målsettinga vår er nådd. Likevel er det sprik mellom skulane våre innan eigenvurdering. Utdanningsdirektoratet påpeikar at forsking syner at elevane si læring blir styrka dersom dei: 1. Forstår kva dei skal lære og kva som er forventa av dei 2. Får tilbakemeldingar som fortel dei om kvaliteten på arbeidet eller prestasjonen 3. Får råd om korleis dei kan forbetre seg 4. Er involvert i eige læringsarbeid ved mellom anna å vurdere eige arbeid og utvikling Overordna mål: Tysværskulen er kjenneteikna av ein god kollektiv vurderingskultur som ein del av den integrerte læringskulturen på den enkelte skulen. Tysværskulen har eit system for spreiing av lærarane sin vurderingskunnskap og -kompetanse. Resultatmål: Skuleleiinga har kompetanse i og leier arbeidet med vurdering for og som læring på eigen skule. Skuleleiinga synleggjer forventningar, gir støtte og etterspør lærarane sitt vurderingsarbeid. Lærarane har høg kompetanse og praktiserer god vurdering for og som læring i kvar læringsøkt. Lærarane analyserer læringsresultat systematisk for å tilpasse opplæringa til enkelteleven/elevgruppa. Lærarane samarbeider slik at det blir progresjon i forventningar om elevane sine strategival i eiga læring. 5

6

7 Effektmål: Elevane forstår eigen læringsprogresjon. Elevane har strategiar for å meistre vidare læring og livsløp. Strategiar for å nå måla: Skuleeigar organiserer og driv prosessar med skuleleiarane som set dei i stand til å utvikle vidare læring på eigen skule. Skuleleiinga legg til rette for deling av fagleg og didaktisk kompetanse i lærande nettverk på eigen skule og på tvers av skular Kompetanse i å kommunisere, samhandle og delta med fokus på eit trygt psykososialt skulemiljø Sosial kompetanse er ein føresetnad for å delta i eit samfunn med høg grad av kompleksitet, mangfald og raske endringar. Skulen skal gi elevane erfaringar i å lytte til andre, vere i dialog, yte for andre og medverke til eit godt fellesskap. Elevane skal kunne ta imot ros og tilbakemeldingar og kunne tilpasse seg reglar og system i klassen, på skulen og i samfunnet. Eit godt psykososialt skulemiljø legg grunnlaget for både fagleg og sosial læring. Overordna mål: Tysværskulen gir elevane kompetanse i å samhandle, kommunisere og vere ansvarlege deltakarar både på skulen og i fritida. Tysværskulen har eit trygt psykososialt skulemiljø for kvar enkelt elev. Tysværskulen har eit felles rammeverk for å førebygge, oppdage og stoppe krenking, mobbing, trakassering og diskriminering, som er styrande for alle skulane. Resultatmål: Skuleleiinga sikrar at alle tilsette har ei felles forståing av korleis vaksenrolla skal utøvast i eit trygt og læringsorientert skulemiljø. Skuleleiinga sikrar at alle følgjer det kommunale rammeverket for eit trygt psykososialt skulemiljø. Lærarane har kunnskap om og syter for eit trygt psykososialt læringsmiljø for kvar enkelt elev og i elevgruppa. Lærarane samarbeider om å byggje eit trygt psykososialt miljø på skulen, med basis i eit felles elev- og læringssyn. Effektmål: Elevane har gode strategiar for samhandling og kommunikasjon. Elevane opplever sosial og fagleg meistring. Strategiar for å nå måla: Skuleeigar organiserer og driv prosessar saman med skuleleiarane som set dei i stand til å utvikle læringsmiljøet i tråd med det kommunale rammeverket. 7

8 3.2. FAGSPESIFIKK KOMPETANSE I REALFAG MED FOKUS PÅ MATEMATIKK Matematikk er ein del av vår globale kulturarv og utgjer eit sentralt element i elevane si danning. Fagkunnskap, haldningar og ferdigheiter i matematikk er ein føresetnad for eit vidare utdanningsløp og for aktiv deltaking i samfunnet. Elevane må lære seg å anvende matematikk på nye måtar som inneber evne til kritisk refleksjon, problemløysing og forståing. Dette vil gi dei kompetanse i å delta i eit fungerande demokrati, slik at dei kan forstå og ta stilling til presenterte fakta i ulike samanhengar som til dømes debattar og livssituasjonar som handlar om miljø, teknologi og økonomi. Overordna mål: Lærarane har utvida sin kompetanse i matematikk. Opplæringa i matematikk er fornya på læringsfremjande måtar. Tysværskulen syter for opplæring som aukar kvar enkelt elev sin motivasjon, forståing og kompetanse i matematikkfaget. Resultatmål: Skuleleiinga leier arbeidet for å auke og dele matematikkdidaktisk kompetanse blant lærarane på eigen skule. Skuleleiinga bruker system for å etterspørje elevane sitt læringsutbytte og progresjon. Lærarane analyserer, reflekterer rundt og samhandlar om matematikkdidaktiske vegval. Lærarane brukar arbeidsmåtar som gir auka motivasjon og forståing i faget. Lærarane brukar vurdering for og som læring for å tilpasse opplæringa. Effektmål: Kvar enkelt elev opplever auka glede, motivasjon og meistring i matematikk. Kvar enkelt elev sitt læringsutbytte i matematikk aukar. Strategiar for å nå måla: Skuleeigar brukar ståstadanalysen med tilleggsmodular for arbeid med realfag som grunnlag for utarbeiding av utviklingsområde i realfag med fokus på matematikk. Skuleeigar synleggjer forventningar, gir støtte og etterspør skulane sitt arbeid innan satsingsområdet. Skuleeigar organiserer lærande nettverk i matematikk. Skuleeigar gir kompetanseheving i matematikk. 3.3 VERKSAME ARBEIDSMÅTAR FOR SKULEEIGAR OG SKULELEIARAR Administrativ skuleeigar er bindeledd mellom politisk skuleeigarskap og skuleleiinga på enkeltskulen og syter for god samhandling mellom dei ulike nivå i tråd med årshjul for kvalitet i Tysværskulen. Leiing i skulen handlar om at forbetring og utvikling må bli ein naturleg del av skulen sitt arbeid. Leiarar i Tysvær er forplikta på følgjande verdiar: raus, open, modig, ansvarleg. Desse leiarverdiane skal vere rettesnor for kvar leiar på alle nivå i Tysværskulen. Det gjeld skuleeigarnivå, einingsnivå og klassenivå. Overordna mål: Skuleeigar er pådrivar for implementering av satsingsområda gjennom skuleleiarane. Skuleeigar og skuleleiarar sikrar god kvalitet i skulen ved å etterspørja, sjå til, stille krav, evaluere systematisk, fylgje opp og gi støtte. Skuleeigar og skuleleiarar skal sjå til at skulane utviklar seg som lærande organisasjonar der kunnskap blir delt og foredla. Resultatmål: I Tysværskulen blir kunnskap delt og foredla. Effektmål: I Tysværskulen møter elevane ei læringsfremjande undervisning. Strategiar for å nå måla: Skuleeigar utviklar felles kvalitetsforståing gjennom felles utvikla kvalitetskjenneteikn i PULS. Skuleeigar deltek i og legg til rette for ulike prosjekt, kursdagar og lærande nettverk innan dei tre satsingsområda. Skulane samarbeider med kvarandre, med barnehagane og med andre faggrupper. 8

9

10 KJELDER Tysvær kommune Leiarverdiar Raus Open Modig Ansvarleg 10

11

12 Foto: Grethe Nygaard Worums trykkeri