EØS-tillegget til Den europeiske unions tidende KOMMISJONSVEDTAK. av 30. november 2009

Transkript

1 EØS-tillegget til Den europeiske unions tidende Nr. 12/677 KOMMISJONSVEDTAK 2016/EØS/12/55 av 30. november 2009 om fastsetjing av miljøkriteria for tildeling av fellesskapsmiljømerket til tremøblar [meldt under nummeret K(2009) 9522] (2009/894/EF)(*) KOMMISJONEN FOR DEI EUROPEISKE FELLESSKAPA HAR med tilvising til traktaten om skipinga av Det europeiske fellesskapet, med tilvising til europaparlaments- og rådsforordning (EF) nr. 1980/2000 av 17. juli 2000 om ei revidert fellesskapsordning for tildeling av miljømerke( 1 ), særleg artikkel 6 nr. 1 andre leddet, etter samråd med Utvalet for miljømerking i Den europeiske unionen og ut frå desse synsmåtane: 1) I medhald av forordning (EF) nr. 1980/2000 kan fellesskapsmiljømerket tildelast eit produkt som har eigenskapar som gjer at det medverkar til ei monaleg betring av dei viktigaste miljøfaktorane. 2) I forordning (EF) nr. 1980/2000 er det fastsett at det på grunnlag av dei kriteria som er fastsette av Utvalet for miljømerking i Den europeiske unionen, skal fastsetjast særlege kriterium for tildeling av miljømerke for kvar produktgruppe. 3) Miljøkriteria og dei tilhøyrande krava til vurdering og kontroll bør gjelde i eit tidsrom på fire år frå datoen då dette vedtaket vart gjort. 4) Dei tiltaka som er fastsette i dette vedtaket, er i samsvar med fråsegna frå det utvalet som er oppnemnt i medhald av artikkel 17 i forordning (EF) nr. 1980/2000 GJORT DETTE VEDTAKET: Artikkel 1 Produktgruppa «tremøblar» skal omfatte frittståande eller innbygde einingar til heimebruk som vert nytta innandørs eller utandørs til lagring og opphenging, og til å liggje, sitje, arbeide og ete i/ved, eller som vert nytta til yrkesverksemd innandørs. Møblar som vert nytta til yrkeverksemd, skal omfatte kontorog skulemøblar i tillegg til møblar til restaurantar og hotell. Følgjande vilkår skal oppfyllast: a) Produktet skal vere laga av minst 90 vektprosent heiltre eller trebasert materiale. Glas som er lett å byte ut om det vert skadd eller knust, vert ikkje teke med i vektutrekninga, og heller ikkje teknisk utstyr og beslag. b) Med unntak for heiltre eller trebaserte materiale skal vekta av kvart einskilt materiale ikkje overstige 3 % av den samla vekta til produktet. Den samla vekta av slike materiale skal ikkje overstige 10 % av den samla vekta til produktet. Artikkel 2 For å kunne få tildelt fellesskapsmiljømerket i medhald av forordning (EF) nr. 1980/2000 må eit møbel av tre høyre inn under produktgruppa «tremøblar» slik det er definert i artikkel 1 i dette vedtaket, og oppfylle dei miljøkriteria som er fastsette i vedlegget. Artikkel 3 Miljøkriteria for produktgruppa «tremøblar» og dei tilhøyrande krava til vurdering og kontroll skal gjelde i fire år frå datoen då dette vedtaket vart meldt. Artikkel 4 For administrative føremål vert produktgruppa «tremøblar» tildelt kodenummeret «36». Artikkel 5 Dette vedtaket er retta til medlemsstatane. Utferda i Brussel, 30. november For Kommisjonen Günter VERHEUGEN Visepresident (*) Denne fellesskapsrettsakten, kunngjort i EUT L 320 av , s. 23, er omhandlet i EØS-komiteens beslutning nr. 155/2011 av 2. desember 2011 om endring av EØS-avtalens vedlegg XX (Miljø), se EØS-tillegget til Den europeiske unions tidende nr. 15 av , s. 46. ( 1 ) TEF L 237 av , s. 1.

2 Nr. 12/678 EØS-tillegget til Den europeiske unions tidende VEDLEGG Føremålet med kriteria MÅLSETJING Desse kriteria skal særleg minske den verknaden som tremøblar har på miljøet og på menneskehelsa gjennom heile livssyklusen sin. Dette gjeld særleg følgjande: bruk av materiale som er framstilt på ein meir berekraftig måte, mindre bruk av farlege stoff og utslepp av ureinande stoff, prøving av levetida til eit produkt. Krav med omsyn til vurdering og kontroll Dei særlege krava til vurdering og kontroll er oppførte under kvart kriterium. Det kan eventuelt nyttast andre prøvingsmetodar enn dei som er oppførte under kvart kriterium, dersom det rette organet som vurderer søknaden, meiner at dei er jamgode. Når søkjaren skal leggje fram dokumentasjon, analysar, prøvingsrapportar eller andre prov som stadfestar at produktet oppfyller kriteria, kan dette kome frå søkjaren sjølv og/eller frå leverandøren eller leverandørane til søkjaren og/eller frå underleverandøren eller underleverandørane osv., alt etter korleis det høver. Samsvarsvurderingane bør utførast av tilbørleg godkjende laboratorium (dersom det er mogleg) som oppfyller dei allmenne krava i standarden EN ISO Om naudsynt kan dei rette organa krevje utfyllande dokumentasjon og utføre uavhengige kontrollar. Dei rette organa vert rådde til å ta omsyn til gjennomføringa av godkjende miljøstyringsordningar, t.d. EMAS eller ISO 14001, og miljøproduktfråsegner når dei vurderer søknader og fører tilsyn med at kriteria vert oppfylte. (Merknad: Det er ikkje påkravd, men ønskjeleg at slike fråsegner og styringsordningar vert gjennomførte.) KRITERIUM Unntak Følgjande unntak gjeld for visse materialkriterium: i) Dersom materiala, med unntak av heiltre og trebaserte materiale og materiale som kjem inn under kriteria for overflatehandsaming og møbelmontering, utgjer mindre enn 3 % av den samla vekta til det miljømerkte produktet, kan det gjevast unntak frå «krav til trevirke og trebasert materiale». ii) Festeinnretningar, til dømes skruar og spikrar og metallbeslag til skyvedørar og skuffar, vert ikkje omfatta av alle materialkriteria. Vurdering og kontroll: Det skal leggjast fram høvelege opplysningar om dei materiala som ikkje vert omfatta av visse kriterium. Utrekninga av kor stor prosentdel av materiala som kan få unntak, skal omfatte mengda av slikt materiale i samansette materiale, utan omsyn til kor stor prosentdel det samansette materialet utgjer av det ferdige miljømerkte møbelet. Utrekninga av den samla vekta skal ikkje omfatte vekta av festeinnretningar. 1. Produktomtale Det skal gjevast ein omtale av produktet (omtale av funksjon, produktnamn eller referansekode. Dersom det finst fleire typar av det same produktet, skal òg dei undertypane som søknaden gjeld for, omtalast). Det skal gjevast opplysningar om den samla vekta til produktet, kva materiale som er nytta i produktet, medrekna festeinnretningar og beslag, og den høvesvise vekta deira. Vurdering og kontroll: Søkjaren skal leggje fram for det rette organet ein produktomtale som omfattar dei opplysningane som er nemnde ovanfor.

3 EØS-tillegget til Den europeiske unions tidende Nr. 12/ Farlege stoff a) Trevara skal ikkje tilsetjast stoff eller stoffblandingar som på tidspunktet då det vert søkt om tildeling av miljømerket, er vortne eller kan verte tildelte ei av dei følgjande risikosetningane (eller kombinasjonar av dei): R23 (giftig ved innanding) R24 (giftig ved hudkontakt) R25 (giftig ved svelging) R26 (svært giftig ved innanding) R27 (svært giftig ved hudkontakt) R28 (svært giftig ved svelging) R39 (fare for alvorleg varig helseskade) R40 (mogleg fare for kreft) R42 (kan gje allergi ved innanding) R43 (kan gje allergi ved hudkontakt) R45 (kan føre til kreft) R46 (kan føre til arvelege skadar) R48 (alvorleg helsefare ved påverknad i lengre tid) R49 (kan føre til kreft ved innanding) R50 (svært giftig for vassorganismar) R51 (giftig for vassorganismar) R52 (skadeleg for vassorganismar) R53 (kan føre til uønskte langtidsverknader i vassmiljøet) R60 (kan skade forplantingsevna) R61 (kan gje fosterskadar) R62 (mogleg fare for skade på forplantingsevna) R63 (mogleg fare for fosterskade) R68 (mogleg fare for varig helseskade) slik det er fastsett i rådsdirektiv 67/548/EØF av 27. juni 1967 om tilnærming av lover og forskrifter om klassifisering, emballering og merking av farlige stoffer( 1 ) (direktivet om farlege stoff) og seinare endringar av direktivet, og med tilvising til europaparlaments- og rådsdirektiv 1999/45/EF( 2 ) (direktivet om farlege stoffblandingar). Alternativt kan klassifiseringa gjerast i samsvar med europaparlaments- og rådsforordning (EF) nr. 1272/2008 av 16. desember 2008 om klassifisering, merking og emballering av stoffer og stoffblandinger, om endring og oppheving av direktiv 67/548/EØF og 1999/45/EF, og om endring av forordning (EF) nr. 1907/2006( 3 ). I så fall kan ingen stoff eller stoffblandingar tilsetjast råstoff som på tidspunktet då det vert søkt om tildeling av miljømerket, er vortne eller kan verte tildelte ei av dei følgjande faresetningane (eller kombinasjonar av dei): H300, H301, H310, H311, H317, H330, H331, H334, H351, H350, H340, H350i, H400, H410, H411, H412, H413, H360F, H360D, H361f, H361d, H360FD, H361fd, H360Fd, H360Df, H341, H370, H372. ( 1 ) TEF 196 av , s. 1. ( 2 ) TEF L 200 av , s. 1. ( 3 ) TEU L 353 av , s. 1.

4 Nr. 12/680 EØS-tillegget til Den europeiske unions tidende b) Produktet skal ikkje innehalde halogenerte organiske bindemiddel, aziridin og polyaziridin eller pigment og tilsetjingsstoff som er baserte på: bly, kadmium, krom (VI), kvikksølv og sambindingane deira, arsen, bor og kopar, organisk tinn. c) Berre flammehemmande middel som er kjemisk bundne i matrisa/materialet eller til overflata til matrisa/materialet (reaktive flammehemmande middel), kan nyttast i produktet. Dersom dei flammehemmande midla som vert nytta, har fått tildelt ei av dei risikosetningane som er oppførte nedanfor, bør desse reaktive flammehemmande midla ved bruk få endra dei kjemiske eigenskapane sine slik at dei ikkje lenger treng klassifiserast under nokon av desse risikosetningane (mindre enn 0,1 % av det flammehemmande middelet i matrisa/materialet kan ha dei same eigenskapane som før bruken): R40 (mogleg fare for kreft) R45 (kan føre til kreft) R46 (kan føre til arvelege skadar) R49 (kan føre til kreft ved innanding) R50 (svært giftig for vassorganismar) R51 (giftig for vassorganismar) R52 (skadeleg for vassorganismar) R53 (kan føre til uønskte langtidsverknader i vassmiljøet) R60 (kan skade forplantingsevna) R61 (kan gje fosterskadar) R62 (mogleg fare for skade på forplantingsevna) R63 (mogleg fare for fosterskade) R68 (mogleg fare for varig helseskade) slik det er fastsett i direktiv 67/548/EØF og seinare endringar av direktivet. Flammehemmande middel som berre er fysisk blanda inn i matrisa/materialet (flammehemmande tilsetjingsstoff), vert ikkje omfatta. Alternativt kan klassifiseringa utførast i samsvar med forordning (EF) nr. 1272/2008. I så fall kan ingen stoff eller stoffblandingar tilsetjast råstoff som på tidspunktet då det vert søkt om tildeling av miljømerket, er vortne eller kan verte tildelte ei av dei følgjande faresetningane (eller kombinasjonar av dei): H351, H350, H340, H350i, H400, H410, H411, H412, H413, H360F, H360D, H361f, H361d, H360FD, H361fd, H360Fd, H360Df, H341. Vurdering og kontroll: Søkjaren skal leggje fram ei fråsegn om at dette kriteriet er oppfylt, saman med ei liste over delemne og tilhøyrande dokumentasjon, t.d. tryggleiksdatablad. 3. Krav til trevirke og trebasert materiale a) Berekraftig skogforvalting Produsenten skal ha retningslinjer for innkjøp av berekraftig trevirke og eit system for sporing og fastsetjing av opphavet til trevirket, slik at det kan sporast frå skog til første mottakspunkt. Opphavet til alt trevirke skal dokumenterast. Produsenten skal sikre at alt trevirke har lovleg opphav. Trevirket skal ikkje kome frå verna område eller område som er i ferd med å klassifiserast som formelt verna område, gammalskog eller skog med høg verneverdi som definert i nasjonale program, med mindre innkjøpet klart er i tråd med dei nasjonale verneforskriftene.

5 EØS-tillegget til Den europeiske unions tidende Nr. 12/681 Fram til 30. juni 2011 skal minst 50 % av alt heiltre og 20 % av trebaserte materiale som inngår i trevarer som er bringa i omsetning med miljømerket, kome frå skog som er berekraftig forvalta og sertifisert gjennom ordningar frå uavhengige tredjemenn i samsvar med dei kriteria som er oppførte i nr. 15 i rådsresolusjon av 15. desember 1998 om ein skogbruksstrategi for EU og vidareutviklinga av denne, eller frå attvunne materiale. Frå 1. juli 2011 fram til 31. desember 2012 skal minst 60 % av alt heiltre og 30 % av trebaserte materiale som inngår i trevarer som er bringa i omsetning med miljømerket, kome frå skog som er berekraftig forvalta og sertifisert gjennom ordningar frå uavhengige tredjemenn i samsvar med dei kriteria som er oppførte i nr. 15 i rådsresolusjon av 15. desember 1998 om ein skogbruksstrategi for EU og vidareutviklinga av denne, eller frå attvunne materiale. Frå 1. januar 2013 skal minst 70 % av alt heiltre og 40 % av trebaserte materiale som inngår i trevarer som er bringa i omsetning med miljømerket, kome frå skog som er berekraftig forvalta og sertifisert gjennom ordningar frå uavhengige tredjemenn i samsvar med dei kriteria som er oppførte i nr. 15 i rådsresolusjon av 15. desember 1998 om ein skogbruksstrategi for EU og vidareutviklinga av denne, eller frå attvunne materiale. Vurdering og kontroll: For å oppfylle desse vilkåra skal søkjaren vise at alle dei miljømerkte trevarene som han bringar i omsetning første gong etter dei datoane som er oppførte i kriteria, held eit tilstrekkeleg nivå for sertifisert tre. Dersom dette ikkje kan visast, vil det rette organet tildele miljømerkelisensen berre for det tidsrommet som søkjaren kan vise at kriteria vert oppfylte. Søkjaran skal leggje fram høveleg dokumentasjon frå leverandøren av trevirke som viser kva typar, mengder og det nøyaktige opphavet til trevirket som er nytta i møbelproduksjonen. Søkjaren skal leggje fram høveleg(e) sertifikat som viser at sertifiseringsordninga oppfyller dei krava som er fastsette i nr. 15 i rådsresolusjon av 15. desember 1998 om ein skogbruksstrategi for EU. Definisjon: Trebaserte materiale tyder materiale som er framstilte ved å binde klebemiddel og/eller lim til eitt eller fleire av følgjande materiale: trefibrar og/eller avbarka eller tilskorne treplater og/eller trerestar frå skog, plantning, tre som er saga opp, restar frå papirmasse-/papirindustrien, og/eller attvunne trevirke. Trebaserte materiale omfattar: harde plater, fiberplater, fiberplater med middels tettleik (MDF), sponplater, OSB-plater (plate av tynne, lange spon med ei fastsett orientering), kryssfiner og heiltreplater. Omgrepet «trebasert materiale» viser òg til samansette materiale som er framstilte av trebaserte plater dekte av plast, laminert plast, metall eller anna materiale som vert nytta til overflatehandsaming, og ferdigvarer/halvfabrikat av trebaserte plater. Ferdigvarer eller halvfabrikat av trebaserte materiale og trebaserte materiale dekte av plast, laminert plast, metall eller anna materiale som vert nytta til overflatehandsaming, skal òg oppfylle kriteria for overflatehandsaming i tillegg til dei kriteria som er fastsette i dette nummeret. b) Attvunne trefibrar Trevirke, trespon eller trefibrar som er attvunne og vert nytta som råvare i framstillinga av trebaserte materiale, skal minst oppfylle føresegnene i industristandarden til EPF, i samsvar med nr. 6 i dokumentet «EPF Standard for delivery conditions of recycled wood» av 24. oktober Tabellen over referansestandarden er òg oppført i tillegget. Vurdering og kontroll: Det skal leggjast fram ei fråsegn om at attvunne trevirke er nytta i framstillinga av trebaserte materiale. I tillegg skal det leggjast fram prøvingsresultat som viser at grenseverdiane som er fastsette i tillegg 1, er oppfylte. c) Impregneringsstoff og konserveringsmiddel i) Møblar til innandørs bruk skal ikkje impregnerast. For alle andre møblar som vert impregnerte eller handsama med konserveringsmiddel, skal krava med omsyn til farlege stoff oppfyllast (nr. 2). ii) Etter hogst skal ikkje heiltre handsamast med stoff eller stoffblandingar som inneheld stoff som er oppførte i ei av desse listene: liste over plantevernmiddel som etter tilråding frå WHO skal klassifiserast i klasse 1a (ekstremt farlege), liste over plantevernmiddel som etter tilråding frå WHO skal klassifiserast i klasse 1b (svært farlege). Handsaminga av trevirke skal dessutan vere i samsvar med føresegnene i rådsdirektiv 79/117/EØF( 1 ) og rådsdirektiv 76/769/EØF( 2 ). ( 1 ) TEF L 33 av , s. 36. ( 2 ) TEF L 262 av , s. 201.

6 Nr. 12/682 EØS-tillegget til Den europeiske unions tidende Vurdering og kontroll: Søkjaren skal leggje fram ei fråsegn som viser at dette kriteriet er oppfylt, ei liste over dei stoffa som er nytta, og eit datablad for kvart stoff. d) Bruk av farlege stoff og stoffblandingar i framstillinga av trebaserte materiale I tillegg til krava i nr. 2 om farlege stoff skal alle stoff og stoffblandingar som er nytta i framstillinga av trebasert materiale, oppfylle følgjande krav: i) Nytt trevirke skal ikkje handsamast med stoff eller stoffblandingar som inneheld stoff som er oppførte i ei av desse listene: liste over plantevernmiddel som etter tilråding frå WHO skal klassifiserast i klasse 1a (ekstremt farlege), liste over plantevernmiddel som etter tilråding frå WHO skal klassifiserast i klasse 1b (svært farlege). Handsaminga av trevirke skal dessutan vere i samsvar med føresegnene i rådsdirektiv 79/117/EØF og rådsdirektiv 76/769/EØF. ii) Innhaldet av fritt formaldehyd i produkt eller stoffblandingar som vert nytta i platene, skal ikkje overstige 0,3 vektprosent. Innhaldet av fritt formaldehyd i bindemiddel, klebemiddel og lim i kryssfinerplater eller laminerte treplater skal ikkje overstige 0,5 vektprosent. Vurdering og kontroll: Søkjaren skal leggje fram høvelege fråsegner som viser at krava ovanfor er oppfylte. For kjemikaliar som vert nytta i framstillinga av trebaserte materiale, skal det leggjast fram eit tryggleiksdatablad eller liknande dokumentasjon med opplysningar om klassifisering av helsefare. e) Utslepp av formaldehyd frå trebaserte råmateriale som ikkje er handsama Trebaserte materiale er tillate i møblar berre dersom dei oppfyller følgjande krav: i) Sponplater: utsleppet av formaldehyd frå sponplater i uforedla tilstand, dvs. før maskintilverking eller overflatehandsaming, skal ikkje overstige 50 % av den terskelverdien som gjeld for klasse E1, i samsvar med standarden EN 312. ii) Fiberplater: utsleppet av formaldehyd frå fiberplater i uforedla tilstand, dvs. før maskintilverking eller overflatehandsaming, skal ikkje overstige 50 % av den terskelverdien som gjeld for kvalitetsklasse E1, i samsvar med standarden EN Fiberplater som er klassifiserte som klasse E1, vil likevel kunne godkjennast dersom dei ikkje utgjer meir enn 50 % av den samla mengda med tre og trebaserte materiale som vert nytta i produktet. Vurdering og kontroll: Søkjaren og/eller leverandøren til søkjaren skal leggje fram prov på at utsleppa frå dei trebaserte materiala er lågare enn 4 mg/100 g i samsvar med standarden EN 120 (perforatormetoden) eller lågare enn 0,062 mg/m 3 i samsvar med standarden EN (kammermetoden). I tillegg skal det leggjast fram ei fråsegn om at det ved fabrikken er skipa eit system for produksjonskontroll i samsvar med standarden EN 312 eller EN f) Genmodifisert trevirke Produktet skal ikkje innehalde genmodifisert trevirke. Vurdering og kontroll: Søkjaren skal leggje fram ei fråsegn om at det ikkje er nytta genmodifisert trevirke. 4. Kriterium for overflatehandsaming Overflatehandsaming tyder overflatehandsaming av einskilde delar av møblar eller av heile møbelet. a) Overflatehandsaming med plast og metall Plast og metall skal vere tillate i mengder opp til 2 % av den samla vekta til eit møbel. Dei må oppfylle dei allmenne krava med omsyn til farlege stoff som er nemnde i nr. 2. Vurdering og kontroll: Søkjaren skal leggje fram høveleg dokumentasjon som viser at desse kriteria er oppfylte. b) Anna overflatehandsaming enn med plast og metall Dette kriteriet er knytt til overflatehandsaminga av møblar og tremateriale.

7 EØS-tillegget til Den europeiske unions tidende Nr. 12/683 i) Farlege stoff og stoffblandingar (medrekna innhaldet av flyktige organiske sambindingar) Alle materiale, stoff og stoffblandingar må oppfylle krava til farlege stoff som er fastsette i nr. 2. Vurdering og kontroll: Søkjaren skal leggje fram ei fråsegn om at dette kriteriet er oppfylt, saman med ei liste over delemne og tilhøyrande dokumentasjon, t.d. tryggleiksdatablad. I tillegg skal kjemiske stoff som er klassifiserte som skadelege for miljøet av produsenten/leverandøren av det kjemiske stoffet, i samsvar med Fellesskapet sitt klassifiseringssystem (28. endringa av direktiv 67/548/EØF), vere innanfor éi av dei to følgjande grensene: Kjemiske stoff som er klassifiserte som skadelege for miljøet i samsvar med direktiv 1999/45/EF, skal ikkje tilsetjast stoff og stoffblandingar til bruk i overflatehandsaming. Produkta kan likevel innehalde opp til 5 % flyktige organiske sambindingar (VOC) som definert i rådsdirektiv 1999/13/EF( 1 ) (VOC tyder alle organiske sambindingar som ved 293,15 K har eit damptrykk på minst 0,01 kpa, eller som er tilsvarande flyktige under dei særskilde bruksvilkåra). Dersom produktet må tynnast ut, skal innhaldet i det uttynna produktet ikkje overstige dei førnemnde terskelverdiane. Den mengda som er nytta (våt måling / lakk) av stoff som er skadelege for miljøet, i samsvar med direktiv 1999/45/EF, skal ikkje overstige 14 g/m 2 overflateareal, og den mengda som er nytta (våt måling / lakk) av flyktige organiske sambindingar, skal ikkje overstige 35 g/m 2. Vurdering og kontroll: Søkjaren skal leggje fram ei fråsegn om at dette kriteriet er oppfylt, saman med dokumentasjon som utfyller fråsegna, medrekna: ei fullstendig oversikt over samansetnaden til produktet med spesifikasjon av mengd og CAS-nummer til dei stoffa som er nytta, prøvingsmetoden og prøvingsresultatet for alle stoff som inngår i produktet i samsvar med direktiv 67/548/EØF, ei fråsegn om at alle stoff som er nytta, er oppførte, talet på lag og mengda som er nytta per lag per kvadratmeter overflate. Bruksmåte: Følgjande standard effektivitetsgrader vert nytta til å rekne ut forbruket av overflatehandsamingsproduktet og mengda som er nytta: Sprøyting utan attvinning 50 %, sprøyting med attvinning 70 %, elektrostatisk sprøyting 65 %, sprøyting med klokke eller skive 80 %, påføring med valsar 95 %, påføring ved bruk av lakkteppe 95 %, påføring ved hjelp av vakuum 95 %, dypping 95 %, overrisling 95 %. c) Formaldehyd Utslepp av formaldehyd frå stoff og stoffblandingar til overflatehandsaming som frigjer formaldehyd, skal ikkje overstige 0,062 mg/m 3. Vurdering og kontroll: Søkjaren og/eller leverandøren til søkjaren skal leggje fram ei fråsegn om at kravet ovanfor er oppfylt, saman med opplysningar om samansetnaden til overflatehandsamingsmiddelet (t.d. tryggleiksdatablad), eller prøvingsresultat som stadfestar at den høgste verdien for formaldehydutslepp ikkje overstig den fastsette grensa (på bakgrunn av standarden EN 717-1). d) Mjuknarar Dersom det vert nytta mjuknarar i produksjonsprosessen, skal ftalata oppfylle dei krava til farlege stoff som er fastsette i nr. 2. Det er heller ikkje tillate å nytte DNOP (di-n-oktylftalat), DINP (di-isononylftalat), DIDP (di-isodecylftalat) i produktet. Vurdering og kontroll: Søkjaren skal leggje fram ei fråsegn om at dette kriteriet er oppfylt. e) Biocid Berre biocidprodukt som inneheld dei aktive stoffa som er oppførte i vedlegg IA til europaparlaments- og rådsdirektiv 98/8/EF( 2 ), og som er godkjende for bruk i møblar, skal kunne nyttast. Vurdering og kontroll: Søkjaren skal leggje fram ei fråsegn om at krava i dette kriteriet er oppfylte, saman med ei liste over dei biocidprodukta som er nytta. ( 1 ) TEF L 85 av , s. 1. ( 2 ) TEF L 123 av , s. 1.

8 Nr. 12/684 EØS-tillegget til Den europeiske unions tidende Kriterium for møbelmontering Dette kriteriet er knytt til liming av delar som inngår i møbelmonteringa, dvs. klebemiddel. a) Farlege stoff i tilsetjingsstoff og bindemiddel Dei skal oppfylle krava til farlege stoff i nr. 2. Vurdering og kontroll: Søkjaren skal leggje fram høvelege fråsegner som viser at krava ovanfor er oppfylte. For kvar kjemikalie som vert nytta i møbelmonteringa, skal det leggjast fram eit tryggleiksdatablad eller liknande dokumentasjon som inneheld opplysningar om klassifisering av helsefare. Leverandøren skal leggje fram prøvingsrapportar eller ei fråsegn om innhaldet av fritt formaldehyd. b) Flyktige organiske sambindingar Innhaldet av flyktige organiske sambindingar (VOC-innhaldet) i klebemiddel som inngår i møbelmonteringa, skal ikkje overstige 5 vektprosent. (VOC tyder alle organiske sambindingar som har eit damptrykk på minst 0,01 kpa ved 293,15 K, eller som er tilsvarande flyktige under dei særskilde bruksvilkåra). Vurdering og kontroll: Søkjaren skal leggje fram ei fråsegn om alle klebemiddel som inngår i møbelmonteringa, i tillegg til ei fråsegn om at dette kriteriet er oppfylt. 6. Kriterium for sluttproduktet a) Levetid og tryggleik Produktet skal oppfylle krava til levetid, motstandsevne, tryggleik og stabilitet i dei EN-standardane som gjeld bruken av produktet. Dersom det ikkje finst EN-standardar, skal krava i ISO-standardar nyttast. Dersom det ikkje finst EN- eller ISO-standardar, skal eit uavhengig prøvingsorgan vurdere levetida, motstandsevna, tryggleiken og stabiliteten på grunnlag av utforminga og valet av materiale. Brukarhandboka skal innehalde ei liste over normar og standardar som skal nyttast i vurderinga av levetid. Ettersom levetidskriteriet er svært viktig og med sikte på å betre vurderinga av levetida til eit produkt, vil EUEB ta initiativ til å fremje vedtaking av EN-standardar for levetid som skal liggje føre til neste gong desse kriteria skal reviderast. Vurdering og kontroll: Produsenten skal leggje fram ei fråsegn med underlagsdokument om dei prøvingsmetodane som er nytta av det godkjende organet, og prøvingsresultata. b) Vedlikehald Det skal vere mogleg å vedlikehalde produkt utan organiske løysemiddel. Produsenten skal garantere at det skal vere mogleg å skaffe reservedelar (funksjonelle originaldelar eller delar som har same funksjon) på oppmoding gjennom heile den aktuelle produksjonsperioden, og i eit tidsrom på fem år frå den datoen då produksjonen av den aktuelle produktserien vert avslutta. Vurdering og kontroll: Søkjaren og/eller leverandøren til søkjaren skal leggje fram ei fråsegn med underlagsdokument som viser at dette kriteriet er oppfylt. c) Attvinning og avfall Produktet må vere enkelt å attvinne. Forbrukaren skal få ei detaljert utgreiing om dei beste måtane å kvitte seg med produktet på (ombruk, resirkulering, tilbakeleveringstiltak frå søkjaren, energiproduksjon), klassifisert etter kva miljøverknad dei har. For kvart av alternativa skal det gjerast klart kva førebyggjande tiltak som bør gjerast for å avgrense miljøverknaden. Vurdering og kontroll: Søkjaren og/eller leverandøren til søkjaren skal leggje fram eit eksemplar av dei opplysningane som vert gjevne, og ei grunngjeving for tilrådingane. d) Forbrukaropplysning Desse opplysningane skal følgje med det miljømerkte produktet: opplysningar om bruksverdi ved bruk i heimen eller i verksemder (vanleg eller intensiv bruk, innandørs eller utandørs bruk), opplysningar om reingjering og handsaming,

9 EØS-tillegget til Den europeiske unions tidende Nr. 12/685 rettleiing om (eventuell) utskifting, på oppmoding, av glas frå produsenten eller detaljisten dersom glaset vert skadd eller knust, rettleiing om at dei lokale styresmaktene bør kontaktast for opplysningar om den beste måten å kvitte seg med gamle møblar og materiale på, monteringsrettleiing, eventuelt beste bruksmåte med omsyn til ergonomi, namnet på treartane til heiltre, opplysningar om eventuell handsaming eller konserveringsmiddel som er nytta på produkt til utandørs bruk (kjemiske, biologiske eller fysiske), tilråding om at forbrukaren bør nytte EU-miljømerkte produkt til å vedlikehalde møblane. Vurdering og kontroll: Søkjaren skal leggje fram eit eksemplar av det opplysningsmateriellet som følgjer med det miljømerkte produktet. e) Emballering av sluttproduktet Emballasjen skal oppfylle dei følgjande krava: i) Han skal vere framstilt av anten: materiale som er lett å attvinne, materiale frå fornybare ressursar, eller materiale som er meinte for ombruk, til dømes tekstilar. ii) Alle materiale skal vere lette å skilje frå kvarandre for hand, i resirkulerbare delar av eitt einskild materiale (t.d. papp, papir, plast, tekstilar). Vurdering og kontroll: Ein omtale av emballasjen til produktet skal leggjast ved søknaden, saman med ei fråsegn om at desse kriteria er oppfylte. f) Opplysningar på emballasjen Teksten nedanfor skal vere påført emballasjen: «Fleire opplysningar om kvifor dette produktet er tildelt fellesskapsmiljømerket, er å finne på nettstaden: Teksten nedanfor (eller tilsvarande) skal òg vere påført emballasjen og vedlagd i brukarhandboka: «Fleire opplysningar er å finne på nettstaden til det europeiske miljømerket. Nærmare opplysningar kan fåast ved: namn/adresse til forbrukaravdelinga til søkjaren». Vurdering og kontroll: Søkjaren skal leggje fram eit eksemplar av emballasjen til produktet og av brukarhandboka og dei opplysningane som følgjer med produktet, saman med ei fråsegn om at kvar del av dette kriteriet er oppfylt. g) Opplysningar på miljømerket Felt 2 på miljømerket skal innehalde følgjande tekst: Treverket kjem frå skog som er forvalta på ein god måte Avgrensa bruk av farlege stoff Levetida til produktet er prøvd Vurdering og kontroll: Søkjaren skal leggje fram eit eksemplar av emballasjen til produktet der etiketten er synleg, saman med ei fråsegn om at dette kriteriet er oppfylt.

10 Nr. 12/686 EØS-tillegget til Den europeiske unions tidende Tillegg Grenseverdiar for grunnstoff og stoff som er tillate i attvunne trefibrar i produksjonen av trebaserte materiale Grunnstoff og sambindingar Grenseverdiar (mg/kg attvunne trebaserte materiale) Arsen 25 Kadmium 50 Krom 25 Kopar 40 Bly 90 Kvikksølv 25 Fluor 100 Klor 1000 Pentaklorfenol (PCP) 5 Tjæreolje (benzo(a)pyren) 0,5