PROTOKOLL FRÅ STYREMØTET I HELSE BERGEN HF

Transkript

1 PROTOKOLL FRÅ STYREMØTET I HELSE BERGEN HF STAD: MØTETIDSPUNKT: Finstuen, Bikuben konferansesenter 28. januar 2016, kl styremøte kl seminar for styret Tema: Nasjonal helse- og sjukehusplan Styremøtet var ope for publikum og presse DELTAKARAR FRÅ STYRET Ranveig Frøiland Signy Midtbø Riisnes Ivar Eriksen Bjørn Østbø Sveinung Hole Anne-Margrete Bollmann Arvid Langeland Irene Hopsdal Karen-Anne Stordalen Geir Arne Sunde Styreleiar Nestleiar DELTAKARAR FRÅ ADMINISTRASJONEN Eivind Hansen Anne Sissel Faugstad Kristin Pundsnes Mona Høgli Nina Kandal Administrerande direktør Viseadministrerande direktør Konst. økonomi- og finansdirektør Kommunikasjonsdirektør Referent 1

2 SAKLISTE 01/16 A Godkjenning av innkalling og saksliste 02/16 A Godkjenning av protokoll frå styremøtet 14. desember /16 O Administrerande direktør si orientering 04/16 O Rapportering frå verksemda 05/16 A Mottak av nytt diagnostisk utstyr 06/16 O Overordna risikostyring 2015 oppsummering 07/16 O Overordna risikostyring i Helse Bergen for /16 O Årsmelding klinisk etikkomité /16 O Revidert handlingsplan for redusert og kvalitetssikra bruk av tvang 10/16 A Særavtale om etablering og drift av kommunalt tilbod om øyeblikkeleg hjelp døgnopphald i Bergen 11/16 O Rettssaker /16 O Eventuelt Skriv og meldingar 01/16 A Godkjenning av innkalling og saksliste Det var ingen merknader til innkalling eller dagsorden. 02/16 A Godkjenning av protokollen frå styremøtet 14. desember 2015 Protokollen vart godkjend og underskriven. 03/16 O Administrerande direktør si orientering OPE DEL 1. Rapportering tilsynssaker 2. Orientering om relevante lover, forskrifter og styremaktskrav 3. Oversikt over aktuelle høyringar 4. Straumbrot 30. desember

3 5. Oppfølging mottaksklinikken 6. Oppfølging av Arbeidstilsynet sine aktivitetar ved nevroklinikken 7. Enemona og Arbeidstilsynet sin konklusjon 8. Anke i sak mellom Universitetet i Bergen, Innovest, Helse Bergen og Amund Gulsvik 9. Dialogmøte med klinikkane i Helse Bergen 10. Oppdrag og tale frå helseministeren 11. Leiarstillingar i Helse Bergen 12. Utvikling av medikamentkostnader 13. Først og fremst et helhetlig system for håndtering av akutte sykdommer og skader utenfor sykehus (NOU 2015:7) 14. Besøk av Statsminister Erna Solberg 28. desember Hendingar i 2016 Offisiell opning av mottaksklinikken Innflytting i Marie Joys hus og barne- og ungdomssjukehuset 16. Toppleiarmøtet - eit årleg samarbeidsmøte mellom spesialisthelsetenesta og kommunane Styret i Helse Bergen tek meldingane til orientering. 04/16 O Rapportering frå verksemda per desember 2015 Den økonomiske utviklinga etter 12 månader er om lag som budsjettert. Etter desember syner drifta eit resultat på kr 207,9 mill. mot budsjettert kr 200 mill. Det er framleis postar som står igjen før rekneskapen for året er avslutta. Det er venta at desse postane vil påverka resultatet marginalt negativt, men resultatet vil framleis verta betre enn budsjettert. Styret gav honnør og rosande ord for innsatsen til alle dei tilsette i Helse Bergen har vore eit krevjande år, dette har ikkje gjort seg sjølv. Det er ikkje berre leiarane, men alle enkeltmedarbeidarane som har vore med på å halda Helse Bergen innanfor dei rammar som er tildelte. Styret i Helse Bergen tek saka til orientering. 05/16 A Mottak av nytt diagnostisk utstyr Styret i Helse Vest RHF vedtok i 2008 retningsliner om helseføretaka sitt tilhøve til gåver, stiftingar og legat. Retningslinene føreset at gåver av uvanleg art eller storleik, eller gåver som kan ha 3

4 innverknad på føretaket sine vedtekne strategiar eller prioriteringar, skal leggjast fram for styret i føretaket før gåva kan aksepterast. Helse Bergen har fått lovnad om ei gåve frå ein privat gjevar i form av finansiering av ei PET/MR maskin. Maskina har ein verdi som er estimert til mill. NOK inkl. mva. Maskina kjem frå ein spesifikk utstyrsleverandør. Regelverket om offentlege anskaffingar og mogeleg konsekvens for føretaket sine prioriteringar og investeringsplan o.a., tilseier at saka skal leggjast fram for styret for vurdering før gåva vert akseptert. Hovudkonklusjonane i denne saka er at det ikkje vil bryte med regelverket om offentlege anskaffingar å ta imot gåva, jf. vurdering i pkt i saksframlegget. Det er vidare gjort undersøkingar som tyder på at det ikkje ligg føre habilitetskonfliktar, eller at det er etiske problem med å ta imot gåva, eller at det vil vera uheldig for omdømet å ta imot henne, jf. vurdering i pkt og 3. Ut frå ei vurdering av tilhøvet til andre aktørar i marknaden er konklusjonen at det heller ikkje vil endra marknadssituasjonen vesentleg p ta imot gåva, jf. vurdering i pkt. 4. Det er identifisert mange fordelar når det gjeld bruk av PET/MR-teknologi samanlikna med dagens metodar. PET/MR har vist seg å vera klårt best i spesielle kliniske område og teknologien gjer det mogeleg å gjera meir avansert diagnostisering. Dei meiner og at ein på sikt kan spara ekstra undersøkingar og redusera ventetider, jf. vurdering i pkt Aksept av gåva vil få konsekvensar for dei prioriteringar Helse Bergen gjer og for investeringsplanen. Estimerte kostnader for investering vil vera minimum 24 mill. NOK inkl. mva, og driftskostnader per år ved start av PET/MR vil vere på omlag 9 mill. NOK. Før handsaming av saka sa Sveinung Hole seg ugild og fråtredde saka. 1. Styret i Helse Bergen er takksame for tilbodet om å få nytt diagnostisk utstyr som ei gåve og ser at dette er med på å styrkja Helse Bergen sitt høve til å gje fagleg oppdatert pasientbehandling og å kunne stimulera til ny forsking. 2. Styret i Helse Bergen tek dei vurderingane som er gjorde i saksførelegget til orientering og er positive til at Helse Bergen tek imot gåva. Styret legg til grunn at prosessen vert gjennomførd i tråd med regelverket som Helse Vest RHF har vedteke og innanfor dei budsjettrammer som vert vedtekne for Helse Bergen. 06/16 O Overordna risikostyring 2015 oppsummering Helse Bergen har gjennomført risikovurdering av fem overordna styringsmål i Tre av dei var regionale styringsmål som vart definerte av Helse Vest og to vart definerte av Helse Bergen. Dette er område som er fylgde særskilt opp gjennom året. 4

5 Dei tre hovudmåla som Helse Vest definerte var: 1. Talet på skadar som kan unngåast i helsetenesta i Helse Vest skal halverast innan Helse Vest har eit kvalitativt godt og heilskapleg behandlingstilbod innanfor psykisk helsevern og rusbehandling/tsb. 3. Det skal vera større vekst i psykiatri og rus enn i somatikk (den gylne regel). Helse Bergen definerte i tillegg to hovudmål: 4. Betre omdøme, auka pasientmedverknad og tilgjenge. 5. Handlingsplan for smittefritt praksis skal implementerast i føretaket. Metoden legg opp til at ein operasjonaliserer styringsmåla i delmål og, fastset føresetnader (kritiske suksessfaktorar/risikoelement) som må vera til stades for å oppnå delmåla, for så å risikovurdera dei. Det er gjennomført tertialvis rapportering etter retningslinene til Helse Vest. Styret i Helse Bergen tek oppsummeringa av måloppnåing for overordna risikostyring i 2015 til orientering. 07/16 O Overordna risikostyring i Helse Bergen for 2016 Helseføretaka skal årleg gjennomføre risikovurdering av minimum fire overordna styringsmål som skal følgjast særskilt opp gjennom året. Helse Vest RHF definerer minimum to av desse måla, som skal vera felles for sjukehusføretaka i regionen. Føretaka må sjølve definera minst to eigne verksemdspesifikke styringsmål, jf. dei reviderte retningslinene for risikostyring i Helse Vest (styresak 134/13 B). Helseføretaka skal rapportera på risiko til styret tertialvis, og ved årsslutt skal dei gjera greie for arbeidet med risikostyring gjennom året i årleg melding til Helse Vest RHF. Styret i Helse Bergen tek saka til orientering 08/16 O Årsmelding klinisk etikkomité 2015 Leiaren i klinisk etikkomité, Liv Ingrid Svela, presenterte årsmeldinga frå klinisk etikkomité for Helse Bergen har hatt ein klinisk etikkomité sidan

6 Hovudutfordringar og mål for 2016: Vera tilgjengeleg for sjukehuset sine tilsette, pasientar og pårørande som treng rådgjeving, forum for uavhengig drøfting eller anna hjelp når dei opplever å koma i etiske dilemma. Komiteen får i aukande grad spørsmål der klinikarar treng raskt råd/drøfting. Komiteen må avklare om han skal gjere seg meir tilgjengeleg for hastesaker/råd, og korleis han kan organiserast for å få dette til. Oppfordra ulike miljø til å ta saker opp med komiteen, gjerne også retrospektive. I all hovudsak ikkje ta saker som ikkje tilhøyrer Helse Bergen (dvs. frå andre regionar og kommunen). Medverka til at e-læringskurset vert ferdig. Medverka til utvikling av etikkmodular til bruk i ferdigheitssenteret. Halda fram med preventiv etikk i form av undervisning og refleksjonsmøte. Få meir kontakt med psykiatriske avdelingar. Vidareføra samarbeid om forsking og implementering av etikk-prosjekt i ulike avdelingar. Halda fram med og vidareutvikla samarbeidet med klinisk etikkomité i Etiopia. Seminar for alle tilsette to gonger i året: den fyrste vert 16. mars 2016 om overbehandling og utfordringar med HLR- status. Styret i Helse Bergen tek årsmeldinga frå klinisk etikkomité 2015 til orientering. 09/16 O Revidert handlingsplan for redusert og kvalitetssikra bruk av tvang Klinikkdirektør Kristin Jordheim Bovim frå psykiatrisk klinikk og spesialrådgjever Geir Lien frå divisjon psykisk helsevern var tilgjengelege for spørsmål under handsaminga av saka. I samsvar med oppfølging av styresak 80/14 A har divisjon psykisk helsevern revidert den gjeldande planen for redusert og kvalitetssikra bruk av tvang. Denne styresaka vart lagd fram kort tid etter at helseminister Bent Høie i sjukehustalen 2016 presenterte styringsmåla for Eit av dei tre måla innan det prioriterte området psykisk helsevern er reduksjon av tvangsinnleggjing. Det er framleis slik at psykisk helsevern i Bergensområdet, i følgje årleg statistikk, nyttar meir tvang enn dei fleste tilsvarande institusjonar andre stader i landet. I sjukehustalen i år understreka helseministeren at helseføretaka har plikt til å ta tak i slike variasjonar i tenestetilbodet. Det er eit mål for divisjon psykisk helsevern å arbeida både for å redusere bruken av tvang og å sikra at tvang vert utførd så skånsamt som mogeleg når det fyrst er nødvendig. Det vert lagt til grunn at dette er eit mål som fagmiljøa skal arbeida systematisk for å oppnå. 6

7 I den reviderte planen vert det skissert seks tiltak som primært har å gjera med kunnskap, praksis og haldningar til bruk av tvang. Det inneber at institusjonane i divisjon psykisk helsevern må setja bruk av tvang høgt på dagsorden dei næraste åra, og kravet er forbetring, kvalitetssikring og, endring av praksis. Styret tek «Revidert handlingsplan for redusert og kvalitetssikra bruk av tvang» til orientering. 10/16 A Særavtale om etablering og drift av kommunalt tilbod om øyeblikkeleg hjelp døgnopphald i Bergen Helse Bergen har saman med Haraldsplass Diakonale Sykehus og Bergen kommune forhandla fram særavtale til tenesteavtale 4 om etablering og drift av kommunalt tilbod om døgnopphald for pasientar som treng øyeblikkeleg hjelp (ØH) på kommunalt nivå. Slike kommunale tilbod vart pålagde med lov frå 1. januar 2016 og skal etablerast i eit samarbeid mellom kommunar og spesialisthelsetenesta. Særavtalen er utarbeidd i samsvar med Helsedirektoratet sin rettleiar utgjeve i 2012 (sist revidert i mars 2014). Særavtalen er behandla og godkjend i byrådet i Bergen kommune, og i styret for Haraldsplass Diakonale Sjukehus. Etter at alle partane har signert avtalen skal han leggjast ut på den felles nettsida 1. Styret i Helse Bergen sluttar seg til at Helse Bergen gjer særavtale med Haraldsplass diakonale sykehus og Bergen kommune til tenesteavtale nr. 4 om kommunen sitt tilbod om døgnopphald for øyeblikkeleg hjelp i samsvar med saksførelegget. 2. Styret i Helse Bergen bed om at avtalen vert publisert på den felles internettsida for samhandling ( 11/16 O Rettssaker 2015 I styremøtet den 16. januar 2002, sak 14/02, fekk styreleiaren fullmakt til i samråd med administrerande direktør å fremja søksmål på vegner av Helse Bergen og til å anka avgjerder i tingrett og lagmannsrett i saker der føretaket er part. Prinsipielt viktige saker og/eller saker av stor offentleg interesse, skal handsamast av eit samla styre, før det vert teke endeleg avgjerd om å fremja søksmål eller anka avgjerder i domstolane. Styret set som vilkår at det vert halde orientert om rettssaker som føretaket er eller kan rekna med å verta involvert i. 7

8 Administrerande direktør har halde styret orientert om slike rettssaker i Styret tek saka til orientering. 12/16 O Eventuelt Nytt styre i Helse Bergen Den 10. februar 2016 vil styret i Helse Vest RHF oppnemna nye styre til helseføretaka i regionen. Dei nye styremedlemene vert oppnemnde den 10. februar 2016, og valperioden er i utgangspunktet to år. Styremedlemene som er valde av og blant dei tilsette er ikkje på val no. Den 24. februar 2016 vert det ei markering for Ranveig Frøiland som har vore styreleiar for styret i Helse Bergen i 10 år. Neste styremøte er 24. februar frå kl Skriv og meldingar Fylgjande skriv og meldingar er sende ut til styret: Årshjul for styret i Helse Bergen Brev om planlagde endringar i ambulansetenestene møte med kommunane 8

9 Dato 24. februar 2015 Ranveig Frøiland Styreleiar Signy Midtbø Riisnes Nestleiar Ivar Eriksen Bjørn Østbø Sveinung Hole Ann-Margrete Bollmann Arvid Langeland Karen-Anne Stordalen Irene Hopsdal Geir Arne Sunde 9