Nærpolitireforma - høyringsfråsegn

Transkript

1 OSTERØY KOMMUNE Ordførar Politimeisteren i Vest politidistrikt Postboks 285 Sentrum 5804 BERGEN Referanser: Saksbehandlar: Dato: Dykkar: Jarle Skeidsvoll Vår: 16/ /22325 jarle.skeidsvoll@osteroy.kommune.no Nærpolitireforma - høyringsfråsegn Det vert vist til høyringsbrev dagsett , og til innspel frå ordførarane i Eidfjord, Granvin, Kvam, Osterøy, Samnanger, Vaksdal, Voss og Ulvik dagsett Framlegget gjekk kort ut på å leggja ned 5 lensmannskontor, overføra Osterøy kommune til Voss lensmannsdistrikt og etablera eitt nytt tenestekontor i området Osterøy/Samnanger/Vaksdal. På denne måten ville ein ha: Eitt kontor på Voss som no Eitt kontor i Norheimsund som no Eitt kontor i området Osterøy / Samnanger / Vaksdal Slik ville 8 lensmannskontor verta 3. Dette ville gje heile området: Aktiv teneste 24/7 heile året Betre beredskap for alle kommunane «Flåtestyring» og ein langt betre back-up Betre responstid Større etterforskingskapasitet Meir ressursar til førebygging Forvaltningsoppgåver på alle kontora Akseptabel reisetid for innbyggjarane Samla ville denne organiseringa gje betre polititenester for alle innbyggjarane i dei omhandla kommunane, og stetta krava i «Nærpolitimodellen» - om eit politi der folk er. Me føreslo å leggja Osterøy under lensmannen på Voss. Dette ville gje området fleire innbyggjarar som grunnlag for å bemanna opp politiet. Etter førre reform, der ein flytta betydelege operative politiressursar frå Osterøy (til Arna / Åsane) og frå Vaksdal, har polititenestene vorte sterkt svekka i begge kommunane. Osterøy vart i praksis utan operative Post post@osteroy.kommune.no Rådhusplassen 5282 Lonevåg Kontakt Telefon Telefaks Konto Org.nr

2 polititenestemenn og Vaksdal gjekk frå bemanna lensmannskontor ope alle vekedagar til eit kontor som berre sporadisk er ope. Prosessen etter framlegget om ny organisering av Vest politidistrikt vart lagt fram, har vist at det for Kvam og Samnanger kan vera aktuelt å gå i samarbeid med andre (Fusa og Tysnes). I forlaget frå politimeistaren i Vest politidistrikt ligg framleis Osterøy under Bergen. Den operative polititenesta i Osterøy vart sterkt svekka då denne vart slått saman med Arna og seinare Åsane (Bergen Nord). Politimeisteren sitt framlegg der Osterøy misser lensmannskontoret og held fram under Bergen Nord vil svekka eit ikkje tilfredsstillande tilbod ytterlegare. Osterøy er ein distriktskommune og vil med dette fremma krav om å verta del av eit distriktspoliti. Dette vil ein oppnå om ein legg til grunn den føreslegne modellen. Eit polititenestestad i området Osterøy-Vaksdal, lokalisert i samsvar med politifaglege kriterier og balansert i høve folketal og demografi i kommunane våre, vil heilt klart òg betre polititenestene i indre strøk av området; Eidfjord, Granvin, Voss og Ulvik. Samtlege åtte kommunar har vore konstruktive i reformprosessen, og synt forståing for at ikkje alt kan vera som i dag. Det er difor vanskeleg å forstå at politimeistaren legg opp til status quo, med unntak av nedlegging av dei små kontora. Osterøy kommune ved formannskapet ber politimeisteren i Vest politidistrikt om å revidera sitt første framlegg til organisering og overføra Osterøy frå bypoliti (Bergen Nord) til distriktspoliti (Voss) i samsvar med modell utarbeidd i samarbeid mellom kommunane Eidfjord, Granvin, Osterøy, Vaksdal, Voss og Ulvik. Polititenesta i Osterøy kort historikk: Historisk var Lonevåg eit lensmannskontor med god bemanning. Kontoret gav innbyggjarane ei god polititeneste med særs høg oppklaringsprosent av straffbare forhold og gode tenester innan førebyggande politiarbeid. Etter at Osterøybrua vart opna på slutten av 90-talet, vart det etablert vaktsamarbeid med Arna lensmannskontor. Over tid vart det innleia samarbeid med Åsane lensmannskontor og i vart alt operative personell lokalisert i Åsane (Bergen Nord). Tenestestaden i Arna vart lagt ned og lagt inn under Bergen Nord. Frå omorganiseringa på slutten av 1990-talet og til vi no skal inn i Nærpolitireforma, har Bergen Nord hatt ansvar for dei operative tenestene for Osterøy. Operativt personell for ein stor del vore fråverande frå Osterøysamfunnet dei siste åra. Folk og folkevalde har i hovudsak ikkje sett, høyrt eller på andre vis samarbeidd med operativt politi med unntak av akutte tilfelle eller knytt til sporadiske tiltak. Nærpolitiet, eller ei teneste ein rimeleg kunne forvente, har ikkje vore til stades i Osterøy. Det førebyggjande arbeidet har ikkje vore tilfredsstillande og den kunnskap og kjennskap som eit nærpoliti må ha for å løysa oppdraget har vore tilsvarande ikkje tilfredsstillande. Side 2

3 Nærpolitireforma skapar forventningar om ei vesentleg styrka polititeneste i Osterøy og i nabokommunane våre i aust. Politimeisteren i Vest politidistrikt sitt forslag til ny organisering der Osterøy framleis er ein del av Bergen (Nord) innfrir ikkje desse forventingane, men svekker tilbodet ytterlegare samanlikna situasjonen slik han er i dag. Folk og land om lokalisering Ei optimal lokalisering av polititenestestad er viktig for at tenesta skal tena flest mogleg best mogleg. Politifaglege vurderingar er sjølvsagt sentrale viktige i dette arbeidet, mellom anna når det gjeld organisering av dei ulike tenestene og funksjonane innanfor eit tenesteområde. Objektive demografiske data og informasjon, spesielt med fokus på folketal og geografiske fordeling er viktig for å sikre ei tenleg organisering. For å synleggjera objektiv informasjon, har Osterøy kommune bede om ein fagleg analyse (frå rådgjevingsselskapet AsplanViak) av folketal vs. geografisk fordeling mellom kommunane Osterøy og Vaksdal i vest frå vårt felles framlegg til tenesteområde (Voss). Desse analysane representerer eit faktagrunnlag som må takast inn i dei overordna politifaglege vurderingane knytt til organisering. Tettstadane Vaksdal og Lonevåg er utgangspunkt for analysen, då desse anten er eksisterande tenestad i dag (Lonevåg) eller ny (Vaksdal) i framlegg til ny organisering frå politimeisteren (ei organisering der Osterøy ikkje er med i Voss). Analysa konkluderer med følgjande: Analysene viser at Lonevåg har den klart mest sentrale lokaliseringen av de to, dersom vi ser på avstandsintervallene fra minutter. Fra Lonevåg er det mulig å reise ut til 61% av innbyggerne i de to kommunene på 20 minutter ved å kjøre på fartsgrensen. Fra Vaksdal er det mulig å nå halvparten så mange, 29% ved samme reisetid. Ved 40 minutters reisetid er det mulig å nå 89% av innbyggerne fra Vaksdal, men en noe mindre andel, 78%, fra Lonevåg. Grunnen dette er at en fra Lonevåg raskt kan nå store deler av Osterøy, men disse områdene ikke kan nås fra Vaksdal med samme reisetider. Når reisetiden øker til 40 minutter, kan de tettest befolkede delene av Osterøy nås fra begge lokaliseringer, mens områder nord og øst i Vaksdal kommune bare kan nås fra Vaksdal sentrum. Ved reisetider utover 40 minutter, er resultatene for tilnærmet lik for de to lokaliseringene. Side 3

4 Følgjande kart oppsummerer analysa: Ei framtidig lokalisering på t.d. Espevoll (eit stort næringsareal 5 km frå Osterøybrua ved FV566 som er under utvikling), og gjerne saman med dei andre naudetatane (brann og redning, ambulanse), kan gje ei balansert teneste som tek omsyn til folketal og reiselengd mellom sentrale område i våre kommunar. Med helsing Jarle Skeidsvoll ordførar Brevet er godkjent elektronisk og har derfor inga underskrift. Side 4

5 Mottakar: Politimeisteren i Vest politidistrikt Postboks 285 Sentrum 5804 BERGEN Side 5