Fagnotat. BERGEN KOMMUNE Byutvikling, klima og miljø/trafikketaten. Saksnr.: Til: Seksjon byutvikling v/ Marit Sørstrøm Kopi til:

Transkript

1 BERGEN KOMMUNE Byutvikling, klima og miljø/trafikketaten Fagnotat Saksnr.: Emnekode: ESARK-5619 Saksbeh: SOMI Til: Seksjon byutvikling v/ Marit Sørstrøm Kopi til: Frå: Trafikketaten Dato: 23. september 2015 Fagnotat Klassifisering og omklassifisering av offentlege vegar i Bergen kommune Kva saka gjeld: Statens vegvesen Region vest har gjort framlegg til omklassifisering av ulike offentlege vegar i Bergen og bedt om Bergen kommune si uttale. Framlegga inneber omgjering av fem vegstrekningar frå kommunal veg til fylkesveg, og seks strekningar frå fylkesveg til kommunal veg. Kommunen sin rett til å gje uttale i spørsmålet er heimla i høvesvis 4 andre ledd og 7 andre ledd i veglova. I tillegg har vegvesenet foreslått klassifisering av ei vegstrekning som per i dag ikkje er formelt klassifisert. Trafikketaten har vurdert dei ulike framlegga i saksutgreiinga og har konkludert med at vi kan tilrå omklassifiseringsframlegga. Ved eventuelt vedtak om omklassifisering er det sentralt at det vert gjort ein del avklaringar kva gjeld gjennomføring av planlagde/pågåande prosjekt, og elles at ein sørgjer for at vegane har tilfredsstillande standard før ansvarsoverføringa finn stad. Tilrådd framlegg frå Trafikketaten 1. Håkonsgaten, frå Nøstegaten til Baneveien får status fylkesveg. 2. Følgjande kommunale vegar vert omklassifiserte til fylkesvegar: i. Edvard Griegs vei, frå Fjøsangerveien til Bjørnsons gate ii. Fabrikkgaten frå Kanalveien til Inndalsveien, Bjørnsons gate frå Inndalsveien til St. Olavs vei, og St. Olav vei frå Bjørnsons gate til Ibsens gate iii. Christian Michelsens gate, frå Markeveien til Jon Smørs gate iv. Vincent Lunges gate Østre Strømkaien v. Håkonsgaten, frå Baneveien til Teatergaten 3. Følgjande fylkesvegar vert omklassifiserte til kommunale vegar i. FV 180 Søråshøgda ii. FV 193 Brøstanesveien, vegarm Kjøkkelvikveien iii. FV 194 Brønndalen, vegarm Olsvikskjenet iv. FV 194 Olsvikveien (Gjæringen), vegarm Olsvikskjenet v. FV 235 Gullfjellsvegen, vegarm vi. Jonsvollsgaten Nøstegaten, fram til FV 555 Komediebakken 4. Vegane som vert vedtekne omklassifiserte skal ha tilfredsstillande standard før formell ansvarsoverføring skjer. Solveig Midttun - avdelingsleder Øyvind Haga - fagdirektør Dette dokumentet er godkjent elektronisk. 1

2 Saksutgreiing: Bakgrunn I 2014 tok Trafikketaten kontakt med Statens vegvesen Region vest og initierte ein dialog vedrørande omklassifisering av ein del konkrete kommunale vegar til fylkesvegar, og motsett. Bakgrunnen for initiativet var Trafikketaten si oppfatning av at ein del kommunale vegar burde vere fylkesvegar, ut frå vegane sin funksjon og kontinuitet i og eit samanhengande drift og vedlikehald. I etterkant av dette har det vore halde to møter, kor Hordaland fylkeskommune var representert på det siste av møta avhalde den Etter møtet mottok Trafikketaten eit brev frå vegvesenet, dagsett (vedlegg 1), med framlegg til omklassifisering av til saman åtte vegstrekningar. Oversendinga og framlegget er i tråd med det som vart avtalt på dei nemnde møta. I seinare brev, dagsett (vedlegg 2), gjer vegvesenet i tillegg framlegg om eit makebyte som inneber omklassifisering av ytterlegare to vegstrekningar. I e-post av foreslår vegvesenet omklassifisering av ei ytterlegare vegstrekning, samt klassifisering av ei strekning som per i dag ikkje har formell vegklassifikasjon. Samla inneber framlegga frå vegvesenet omklassifisering av fem vegstrekningar frå kommunal veg til fylkesveg, og seks vegstrekningar frå fylkesveg til kommunal veg. Veglova 4 andre ledd fastset at fylkeskommunen kan ta opp kommunal veg som fylkesveg etter at kommunen har uttale seg. Vidare fastset veglova 7 andre ledd at fylkeskommunen kan gjere vedtak om at fylkesveg skal gjerast om til kommunal veg etter at kommunen har uttala seg. Bergen kommune har følgjeleg berre uttalerett i spørsmålet om omklassifisering av kommunal veg til fylkesveg, og motsett. I det følgjande vil Trafikketaten gjere greie nærare greie for kva vegar som er foreslått omklassifisert og gje vår vurdering av og innspel til framlegga. Klassifiserings- og omklassifiseringsframlegga Statens vegvesen har gjort framlegg om omklassifisering av følgjande fem vegstrekningar frå kommunal veg til fylkesveg: i. Edvard Griegs vei, strekninga Fjøsangerveien - Bjørnsons gate ii. Tverrsambandet Fjøsangerveien Ibsens gate (Fabrikkgaten Inndalsveien Bjørnson gate St. Olavs vei Ibsens gate) iii. Christian Michelsens gate, strekninga Markeveien Jon Smørs gate iv. Vincent Lunges gate Østre Strømkaien v. Håkonsgaten, strekninga Baneveien - Teatergaten Når det gjeld Håkonsgaten er denne, på strekninga Nøstegaten Baneveien, per i dag ikkje formelt klassifisert. Vegvesenet foreslår at også at denne delen av Håkonsgaten får fylkesvegstatus. Framlegget inneber vidare omklassifisering av følgjande seks vegstrekningar frå fylkesveg til kommunal veg: i. FV 180 Søråshøgda ii. FV 193 Brøstanesveien, vegarm Kjøkkelvikveien iii. FV 194 Brønndalen, vegarm Olsvikskjenet iv. FV 194 Olsvikveien (Gjæringen), vegarm Olsvikskjenet v. FV 235 Gullfjellsvegen, vegarm vi. Jonsvollsgaten - Nøstegaten, strekninga fram til FV 555 Komediebakken 2

3 Trafikketaten si vurdering av framlegga I vurdering av dei ulike framlegga har Trafikketaten lagt spesiell vekt på kva funksjon vegen har under dette trafikkmengda og kva type trafikk det er på vegen. I tillegg har vi lagt særleg vekt på kontinuitet i og eit samanhengande drift og vedlikehald. Når det gjeld Håkonsgaten gjer vi spesielt merksam på at vi handsamar heile vegstrekninga som no er foreslått å få fylkesvegstatus, både omklassifiseringsframlegget og klassifiseringa av uklassifisert del, under eitt under I v). I) Omklassifisering frå kommunal veg til fylkesveg i) Edvard Griegs vei, strekninga Fjøsangerveien - Bjørnsons gate Trafikketaten vurderer den om lag 80 m lange strekninga for å vere eit viktig tverrsamband for hovudvegnettet, spesielt for trafikk frå Landås, Årstad og Haukeland sjukehus i retning Fjøsangerveien mot sør. Vegstrekninga er også del av kollektivtrasé og har busshaldeplass. I funksjon reknar vi vegstrekninga for å vere del av hovudvegnettet. Pårekna opprustingsbehov: kr ,- Standarden på vegstrekninga stort sett god berre mindre justeringar påkravd. Konklusjon: Vegstrekninga i Edvard Griegs vei bør omklassifiserast til fylkesveg. 3

4 ii) Tverrsambandet Fjøsangerveien Ibsens gate (Fabrikkgaten Inndalsveien Bjørnson gate St. Olavs vei Ibsens gate) Trafikketaten gjer spesielt merksam på at strekninga Fjøsangerveien Kanalveien i Fabrikkgaten allereie har status som fylkesveg. Det er difor berre strekninga Kanalveien Inndalsveien i Fabrikkgaten det reelt er spørsmål om å omklassifisere. Vegane det er tale om å omklassifisere til kommunal veg i dette tverrsambandet er utover delstrekninga i Fabrikkgaten (om lag 320 m), Bjørnsons gate (om lag 340 m) og St. Olavs vei (om lag 20 meter). I tillegg til den fylkeskommunale delen av Fabrikkgaten, har Inndalsveien fylkesvegstatus i dag. Tverrsambandet Fjøsangervegen Ibsens gate fungerer som hovudtilkomst til Haukeland sjukehus frå sør, og er etter Trafikketaten si vurdering i funksjon del av hovudvegnettet. Pårekna opprustingsbehov: kr ,- Fabrikkgaten: Nokre dårlege grøftereparasjonar og noko låge fortauskantar. Bjørnsonsgaten: Dekke ok, men låge fortauskantar. St. Olavs vei: Behov for asfaltering i avkøyringa mot Ibsens gate. Konklusjon: Vegstrekningane i Fabrikkgaten, Bjørnsons gate og St. Olavs vei bør omklassifiserast til fylkesvegar. 4

5 iii) Christian Michelsens gate, strekninga Markeveien Jon Smørs gate Trafikketaten ønskjer her å gjere merksam på at vi i utgangspunktet gjorde framlegg om å omklassifisere heile Christian Michelsens gate (Strandgaten Jon Smørs gate) til fylkesveg, men at vegvesenet per i dag ikkje rekna dette som aktuelt. Statens vegvesen har ansvaret for nordnessløyfa, frå krysset Markeveien x Christian Michelsens gate ved Bergen tinghus. Vegvesenet har også ansvaret for Jons Smørs gate. Ei omklassifisering av den aktuelle vegstrekninga i Christian Michelsens gate, på om lag 125 m, vil binde saman hovudvegnettet i Jon Smørs gate og nordnessløyfa. Trafikketaten reknar difor omklassifiseringsframlegget som føremålstenleg, og vurdere dessutan at vegen ut frå sin funksjon naturleg inngår som del av hovudvegnettet. Ingen pårekna opprustingsbehov. Konklusjon: Vegstrekninga i Christian Michelsens gate bør omklassifiserast til fylkesveg. 5

6 iv) Vincent Lunges gate Østre Strømkaien Vegstrekninga er om lag 160 m, knytt til fylkesveg i begge endar, og har ein viktig funksjon som sentral busstrasé og busshaldeplass. Statens vegvesen uttalar at vegstrekninga har ein tilfredsstillande standard, og at overføringa kan skje utan at dei vil stille krav om opprusting. Trafikketaten sluttar seg til vegvesenet sine vurderingar og tilrår omklassifiseringa. Ingen pårekna opprustingsbehov. Konklusjon: Vincent Lunges gate og Østre Strømkaien bør omklassifiserast til fylkesvegar. 6

7 v) Håkonsgaten, strekninga Nøstegaten Teatergaten Vegstrekninga er om lag 115 m. Strekninga Nøstegaten Baneveien er kjent som Oldersmauet, og er først opna for gjennomkøyringstrafikk i samband med dei seinare års trafikkomleggingar på Nøstet. Dette er også bakgrunnen for at vegen per i dag er utan formell klassifikasjon kva gjeld vegstatus. Siste del av strekninga, Baneveien Teatergaten, er kommunal veg i dag og vert no forslått omklassifisert til fylkesveg. Etter den nemnde endringa i trafikkmønsteret på Nøstet inngår den aktuelle strekninga i Håkonsgaten i hovdvegnettet. Håkonsgaten elles er fylkesveg. Trafikketaten tiltrer difor klassifiseringsframlegget frå vegvesenet, og tilrår at delstrekninga blir fylkesveg. Ingen pårekna opprustingsbehov. Konklusjon: Vegstrekninga i Håkonsagaten bør klassifiserast som fylkesveg. 7

8 II) Omklassifisering frå fylkesveg til kommunal veg i. FV 180 Søråshøgda Strekninga som er foreslått omklassifisert til kommunal veg er om lag 0,9 km og var kommunal veg fram til 1992, då alle busstraséar vart omklassifiserte til fylkesvegar. Strekninga vegvesenet tilrår omgjort til kommunal veg er ei rein bustadgate med snusløyfe i enden, og ikkje ein naturleg del av fylkesvegnettet. Trafikketaten reknar det difor som riktig at vegstrekninga får kommunal status igjen, og kan elles opplyse om at fleire av sidevegane i Søråshøgda har kommunal status i dag. Vi gjer spesielt merksam på at det er planlagt trafikksikringstiltak på vegen, ref. ID 5523 og 5524 i gjeldande trafikksikkerheitsplan, og dette gjennomføringsansvaret må avklårast. Trafikketaten ser det føremålstenleg at Statens vegvesen fullfører prosjektgjennomføringa dei har starta uavhengig av overføringstidspunktet som måtte bli sett i eventuelt omklassifiseringsvedtak. Pårekna årlege drifts- og vedlikehaldskostnadar: kr ,-. Konklusjon: Vegstrekninga i Søråshøgda bør omklassifiserast til kommunal veg. 8

9 ii. FV 193 Brøstanesveien, vegarm Kjøkkelvikveien Framlegget gjeld omklassifisering av ein om lag 0,7 km vegarm til Brøstanesveien. Vegen er smal, med eitt felts køyrebane med møteplassar, og endar i ein snuplass. På bakgrunn av vegen i dag er ei rein bustadgate, sluttar Trafikketaten seg til omklassifiseringsframlegget. Pårekna årlege drifts- og vedlikehaldskostnadar: kr ,- Konklusjon: Vegarm Brøstanesveien bør omklassifiserast til kommunal veg. 9

10 iii. FV 194 Brønndalen, vegarm Olsvikskjenet Vegen er ein blindgate på om lag 0,7 km, med snuplass i enden. I sin funksjon er vegen å rekne som ei bustadgate, og Trafikketaten si oppfatning er difor at vegen bør ha kommunal status. Pårekna årlege drifts- og vedlikehaldskostnadar: kr ,- Konklusjon: Vegarm Brønndalen bør omklassifiserast til kommunal veg. 10

11 iv. FV 194 Olsvikveien (Gjæringen), vegarm Olsvikskjenet Vegarm til Olsvikskjenet på om lag 0,7 km. Den avgrensa trafikken i gata vert generert av private bustadar som ligg langs vegen. Ut frå funksjonen vegen har i dag reknar Trafikketaten vegarmen som ein naturleg del av det kommunale vegnettet. Pårekna årlege drifts- og vedlikehaldskostnadar: kr ,- Konklusjon: Vegarm Gjæringen bør omklassifiserast til kommunal veg. 11

12 v. FV 235 Gullfjellsvegen, vegarm Vegarmen på 5,6 km fører opp i fjellet frå Unneland. Vegen fører til eit ynda rekreasjons- /turområde, til eit fåtal bustadar, og er elles viktig tilkomst til VA-etaten sitt nye vassforsyningsanlegg og dessutan til eit av BKK AS sine anlegg. Ei eventuell omklassifisering inneber at Trafikketaten igjen får ansvar for ferister, då sauehald langs vegen nødvendiggjer denne innretninga. Trafikketaten sluttar seg til omklassifiseringsframlegget, på bakgrunn av funksjonen vegen har i dag. Pårekna årlege drifts- og vedlikehaldskostnadar: kr ,- Konklusjon: Vegarm Gullfjellsvegen bør omklassifiserast til kommunal veg. 12

13 vi. Jonsvollsgaten - Nøstegaten, strekninga fram til FV 555 Komediebakken Vegstrekninga er om lag 220 m. Første del av Jonsvollsgaten, frå Teatergaten, er stengt for køyring og skal vere gågate. Denne delen av gata rustast opp i samband med ferdigstillinga av det nye bankbygget til Sparebanken Vest. Vegvesenet si vurdering er at standarden i Nøstegaten er tilfredsstillande. Baneveien, Vestre Murallmenningen og Nøstegaten, utover mot Verftet, er kommunale vegar. Ei omklassifisering av Jonsvollsgaten og vegstrekninga i Nøstegaten, i tråd med vegvesenet sitt framlegg, inneber eit einskapleg kommunalt drifts-, forvaltings- og vedlikehaldsansvar for vegnettet i desse gatene. Trafikketaten vurderer dette som ønskjeleg og føremålstenleg, og tilrår difor framlegget. Trafikketaten tilrår at vegane vert overført etter opprustingsarbeidet i Jonsvollsgaten er gjennomført. Pårekna årlege drifts- og vedlikehaldskostnadar: kr ,- Konklusjon: Jonsvollsgaten og vegstrekninga i Nøstegaten bør omklassifiserast til kommunale vegar. 13

14 Eventuelt oppgraderingsbehov Statens vegvesen held i brevet sitt fram at: «Standarden på veiene må vurderes ut fra de krav som gjaldt da veien ble bygget. Vi må kunne kreve at veien har en funksjonell standard. Veidekke, grøfter og kummer, skilt, vegetasjon og renhold bør ha en tilfredsstillende standard ved overtakelse. Med bakgrunn i nevnte møte, forutsettes det at begge parter er innstilte på å gjennomføre en praktisk og målrettet prosess.» Trafikketaten stiller seg langt på veg bak Statens vegvesen sine synspunkt her. Vi kan elles opplyse om at vi har vurdert standarden på dei vegane det er spørsmål om å omklassifisere frå kommunal veg til fylkesveg, og oppfatninga vår er at det berre er mindre og avgrensa kostnadskrevjande tiltak (totalt kr ,-) som må gjennomførast frå vår side dersom det vert treft vedtak om omklassifisering. Samstundes er vi innstilt på å gjere ei nøye vurdering av standarden på vegane som eventuelt skulle bli vedtatt overført frå fylkeskommunalt til kommunalt ansvar, slik at Bergen kommune unngår unødvendige og urimelege kostnadar ved overføringane. Vegdirektoratet sitt NA-rundskriv 97/13 gir retningslinjer for tekniske krav til veg som skal omklassifiserast. Desse retningslinjene har blitt brukt som grunnlag ved tidlegare omklassifiseringssaker, og Trafikketaten vurderer desse som eit naturleg utgangspunkt også i dag. Avslutningsvis ønskjer vi å gjere merksam på at vi har positive erfaringar frå samarbeidet med Statens vegvesen i slike prosessar, og også at dialogen per no tyder på at begge partar er innstilte på å finne gode løysingar. Trafikketaten sine omklassifiseringstilrådingar inneber at Bergen kommune overtek meir veg enn vi avgir, og nettoverknaden av dette har til følgje ei avgrensa auke i kommunen sine drifts- og vedlikehaldsutgifter til kommunale vegar. Som det kjem fram under II v er det spesielt eventuell omklassifisering av Gullfjellsvegen som vil vere kostnadskrevjande, då strekninga utgjer 5,6 km og er lagt til grunn å bli prioritert med høgaste drifts- og vedlikehaldsstandard. Vedlegg: 1. Brev frå Statens vegvesen, dagsett Brev frå Statens vegvesen, dagsett E-post frå Statens vegvesen, av Vedlegg (kartutsnitt) til e-post frå Statens vegvesen, av NA-rundskriv 97-13, Vegdirektoratet 14