11 Inn på tunet Standardavtalar

Transkript

1 KSL-standard Versjon 1 November 2010 Nynorsk 11 Inn på tunet Standardavtalar Generell avtale Spesiell avtale Rettleiing

2 Generell del 1. Partar Dette er ein avtale om levering av Inn på tunet-tenester mellom gardbrukar/føretak (heretter kalla tilbydaren) og (heretter kalla kjøparen). 2. Avtalens formål Formålet med avtalen er at brukarane gjennom deltaking i arbeidsoppgåver og kvardagsliv på garden, skal få positive opplevingar som medverkar til å gje meistringskjensle og ei positiv eigenutvikling. Inn på tunet-tenester skal ikkje karakteriserast som institusjonar eller bere preg av behandling. Tiltaket skal likevel ta sikte på å verke positivt inn på utfordringane som den enkelte brukaren har. Brukarane skal gjennom kortare opphald på garden få oppgåver og delta i aktivitetar som i størst mogleg grad har ei naturleg tilknyting til den ordinære gardsdrifta. Opplegget på garden må leggjast til rette slik at det er tilpassa dei føresetnadene og avgrensingane den enkelte brukaren har. Ei nærmare beskriving av det aktuelle tiltaket finst i den spesielle avtaledelen. 3. Stad Tenesta skal ytast på (gardsbruk) Dette kan inkludere aktivitetar utanom sjølve garden som er nær knytt til gardsverksemda. Tilbydaren legg til rette for bruk av dei nødvendige bygningane og områda. 4. Avtaleperiode Avtalen er gjord for perioden (dd.mm.åååå), med høve til forlenging når perioden går ut. Ein avtale om forlenging skal vere avklart innan fire månader før avtalen går ut. 5. Prøveperiode Det er ein gjensidig prøveperiode på seks månader. Avtalen kan berre seiast opp etter prøveperioden om det ligg føre sakleg grunn. Om ein av partane vil gjere gjeldande forhold som kan danne grunnlag for å seie opp avtalen i prøveperioden, må han orientere den andre parten om den aktuelle årsaka og gje denne rimeleg høve til å rette opp i forholdet. 6. Pris og fakturering Det skal betalast NOK eks. mva per dag. Summen blir regulert årleg etter konsumprisindeksen. Tilbydaren fakturerer òg for avtalte dagar der brukaren/kjøparen melder forfall. Om kjøparen ikkje nyttar det avtalte tenestetilbodet, blir han fakturert i samsvar med avtalen. 2 av Inn på tunet standardavtaler

3 Ved behov for utvida opningstid kan dette avtalast særskilt på førehand mot ekstra vederlag. Tilbydaren fakturer etterskotsvis ein gong i månaden med 14 dagars betalingsfrist. Fakturaen skal sendast til: Ved forseinka betaling kjem forseinkingsrenter i tillegg. Dagsprisen inkluderer (oppførte punkt): Dagsprisen inkluderer ikkje (oppførte punkt): 7. Ansvar ut frå lovverk, tillatingar osv. Kjøparen har ansvaret for at det avtalte IPT-tilbodet er i samsvar med den lovgjevinga som gjeld for brukarane sin rett på tilbod og behandling. Kjøparen har ansvaret for at det blir lagt fram politiattest når dette er nødvendig (sjå spesiell del). Om det trengst særskilte løyve for at aktuelle brukarar kan delta i IPT-tiltaket eller særskilte aktivitetar knytta til IPT, er kjøparen ansvarleg for å innhente dette. Om det trengst samtykke frå føresette, verje eller andre for å gjennomføre IPT-tenesta eller særskilte aktivitetar knytta til IPT, har kjøparen ansvaret for å innhente dette. Tilbydaren har ansvaret for at gardsdrifta, inkludert IPT-verksemda, er i samsvar med krava til helse, miljø og tryggleik (HMS) i Kvalitetssystem i landbruket og Inn på tunet (KSL-IPT). 11 Inn på tunet standardavtaler 3 av 18

4 8. Kjøparen sin informasjonsplikt og informasjonsansvar Kjøparen har ansvaret for å informere tilbydaren om helsa til brukarane, særlege behov og behandlingsopplegg, i den grad det er relevant for å sikre ei god og forsvarleg gjennomføring av IPT-tenesta. Kjøparen er ansvarleg for å gje rettleiing om brukarar har særskilte behov som tilbydaren må følgje opp i samband med IPT-opphalda. Kjøparen er ansvarleg for å gje informasjon til føresette/pårørande om IPT-tilbodet. 9. Lokale og utstyr Brukarane skal ha tilgang på innandørsfasilitetar som garderobe, toalett med vask og lunsj- og pauserom. Ved døgntilbod skal brukarane ha soverom med sengklede og tilgang på dusj, dessutan skal dei få servert eit varmt middagsmåltid og frukost. 10. Personale Gjennomføring av det avtalte tiltaket krev følgjande personale: Tilbydaren har ansvaret for at garden er bemanna med det nødvendige personalet på tidspunkta når brukarane er til stades. Tilbydaren har ansvaret for vikar ved forfall. Det skal avtalast særskilt om det viser seg nødvendig at personell i regi av kjøparen er til stades ved gjennomføringa av aktivitetane på garden. Kjøparen har det arbeidsrettslege ansvaret for sitt eige personell som er til stades på tiltaket. 11. Forholdet til andre IPT-tiltak og andre kjøparar Tilbydaren kan gjere andre avtalar om å levere andre IPT-tenester i den grad dette kan sameinast med å gjennomføre denne avtalen på ein god måte som sikrar behova til brukarane. 12. Forsikringar Kjøparen har ansvaret for at brukarane er forsikra mot ulykker og skadar i tilknyting til IPT-tenesta. Kjøparen har òg ansvaret for å forsikre eventuelt personell som følgjer med. Kjøparen har ansvaret for å informere tilbydaren om korleis brukarane er forsikra. Kjøparens forsikringsansvar gjeld i den utstrekning tenesta blir gjennomført i samsvar med denne avtalen og HMS-krava er tilfredsstillande oppfylte. Tilbydaren har ansvaret for å forsikre eige personell og eigen og tredjemanns eigedom mot ulykker og skadar som følgje av IPT-verksemda. 4 av Inn på tunet standardavtaler

5 13. Kvalitetssikring og evaluering av Inn på tunet-tenesta Kjøparen har ansvaret for å gje tilbydaren den rettleiinga som er nødvendig når avtalen blir sett i verk, og undervegs gjennom avtaleperioden. Det skal vere ein kontaktperson hos kjøparen som står til disposisjon for både tilbydaren og brukarane. Ein relevant fagperson står til disposisjon for gardbrukaren for spørsmål og rettleiing om aktuelle problemstillingar knytte til dei utfordringane og behova som dei aktuelle brukarane har. Bruk av fagpersonar skal betalast av kjøparen. Tilbydaren skal føre logg i samsvar med punkt 14 i avtalen for dei dagane brukarane er på garden. Loggen for siste månad skal sendast til oppdragsgjevaren ved utløpet av månaden. Det skal setjast ned ei rettleiingsgruppe samansett av: Tilbydaren Kjøparen Ein relevant fagperson Pårørande Rettleiingsgruppa skal komme saman ein gong i den første seksvekersperioden, og utover dette minst ein gong i halvåret. Kjøparen har ansvaret for å kalle inn til møte. Om ein eller fleire brukarar har høgt fråvær som ikkje kjem av sjukdom, skal rettleiingsgruppa vurdere om det skal setjast i verk tiltak for å auke oppmøtet. Kjøparen har ansvaret for at det blir gjennomført ei årleg evaluering av tenesta i rettleiingsgruppa. Evalueringa skal skje i eit møte i rettleiingsgruppa og omfatte alle punkt i avtalen og alle aktuelle forhold knytte til IPT-aktiviteten. Om det verkar føremålstenleg for evalueringa, kan det gjennomførast ei brukarundersøking. 14. Loggføring Tilbydaren skal føre logg for gjennomføringa av aktivitetane. Loggen skal registrere oppmøte og fråvær blant brukarane, gjennomføring av aktivitetar og eventuelle hendingar som har betydning for brukarane og er relevante for evalueringa av tiltaket. Loggen skal oppbevarast i tråd med dei reglane som gjeld for opplysningar underlagde teieplikt, og i samsvar med personopplysningslova, sjå punkt 18 og Kurs, opplæring og fagleg utvikling Kjøparen dekkjer kursavgift, reisegodtgjersle og tapt inntekt i samband med kurs som kjøparen ønskjer at tilbydaren skal delta på. Tilbydaren har utover dette ansvaret for å halde seg orientert gjennom informasjon og rettleiing som kjøparen formidlar. Tilbydaren har sjølv eit ansvar for å gjere nødvendige konsultasjonar undervegs med den fagpersonen som er stilt til disposisjon for tiltaket. Tilbydaren har ansvaret for å lære opp anna personell som blir nytta på tiltaket. 16. Helse, miljø og tryggleik (HMS) Tilbydaren skal nytte det nasjonale kvalitetssystemet for Inn på tunet-tenester. Dette er ein integrert del av Kvalitetssystem i landbruket (KSL). Del 1 i KSL-standarden, Generelle krav til garden, og Dokumentasjonshefte for HMS-arbeid på garden er ein del av dette systemet og skal liggje til grunn for IPT-tenesta. Tilbydaren skal ha dokumentert at garden oppfyller krava til helse, miljø og tryggleik (HMS), og at desse krava blir oppfylte i avtaleperioden med eit tilfredsstillande internkontrollsystem. Tilbydaren skal saman med oppdragsgjevaren vurdere om det trengst ytterlegare tiltak på garden utover ordinære krav til helse, miljø og tryggleik (HMS), når brukarane er til stades. Tilbydar og aktuelle vikarar må ha gjennomført førstehjelpskurs. Brukarane må ikkje setjast til arbeid som ikkje er i samsvar med føresegnene i arbeidsmiljølova og forskriftene til den. 11 Inn på tunet standardavtaler 5 av 18

6 17. Kontaktpersonar ved akutt situasjon/krisesituasjon Om det oppstår ein akutt situasjon/krisesituasjon og tilbydaren har behov for å komme i kontakt med kjøparen og/eller føresette straks, gjeld denne kontaktinformasjonen: Kontaktinformasjon kjøpar: Kontaktinformasjon føresette: 18. Teieplikt Tilbydaren og andre involverte, inkludert vikarar, har teieplikt om personlege forhold ved brukarane som dei måtte få kjennskap til i samband med IPT-tenesta. Alle som er involverte i prosjektet i ei slik grad at dei får kjennskap til opplysningar som er underlagde teieplikt, skal underteikne erklæring om teieplikt. Kjøparen har ansvaret for å orientere og rettleie tilbydaren om teieplikta. 19. Oppbevaring av personopplysningar Logg og andre konfidensielle opplysningar om brukarane av IPT-tenesta skal oppbevarast utilgjengeleg for andre enn dei personane som er involverte i tenesta. Det skal ikkje loggførast (jf. punkt 14 om loggføring) fleire personlege opplysningar enn det som er nødvendig og relevant for tenesta. Opplysningane skal ikkje lagrast lenger enn det som er nødvendig for formålet med loggføringa. Opplysningane skal slettast på ein slik måte at dei ikkje er tilgjengelege for andre seinare. Kjøparen har ansvaret for å orientere og rettleie tilbydaren om oppbevaring av personopplysningar i samband med IPTtiltaket. Kjøparen orienterer tilbydaren om eventuelle lovendringar som krev nye rutinar. Kjøparen og tilbydaren har avtalt desse rutinane for oppbevaring av personopplysningar knytte til brukarane for dette tiltaket: (oppbevaringsmåte) (oppbevaringstid) (sletterutinar) 20. Oppseiing av avtalen før avtaleperioden er slutt Avtalen kan i utgangspunktet ikkje seiast opp i avtaleperioden med mindre avtalepartane er einige om å avvikle avtaleforholdet, eller om følgjande omstende ligg føre: Ingen brukarar Avtalen kan seiast opp med to månaders varsel av kjøparen om det ikkje lenger er brukarar til tilbodet. Før oppseiinga skal kjøparen vurdere om andre brukarar kan vere aktuelle, og om denne avtalen kan tilpassast dei. Innhaldet i tilbodet fell bort Avtalen kan seiast opp med to månaders varsel om den ordinære gardsdrifta blir avvikla eller det sentrale innhaldet i tilbodet på annan måte fell bort. Tilbydaren skal på eit tidleg tidspunkt informere kjøparen om dei forholda som kan medføre oppseiing, slik at ei avvikling av avtalen kan planleggjast og kjøparen får rimeleg høve til å finne ein ny tilbydar før tilbodet tek slutt. 6 av Inn på tunet standardavtaler

7 Eigarskifte på garden Om garden skiftar eigar, kan den nye eigaren tre inn i avtalen om kjøparen samtykkjer. Tilbydaren skal så tidleg som mogleg informere kjøparen om eigarskiftet, slik at det kan avklarast på førehand om avtalen blir ført vidare med ny eigar. Langvarig sjukdom eller skade Avtalen kan òg seiast opp av tilbydaren med to månaders varsel ved langvarig sjukdom eller skade som gjer det vanskeleg å føre vidare IPT-tilbodet. I oppseiingsperioden er tilbydaren ansvarleg for vikarar. Meir informasjon om vikarar, finst i punkt 10 i avtalen. Avtalen kan seiast opp med omgåande verknad om tilbydaren ikkje lenger oppfyller gjeldande vandelskrav, sjå punkt 7 i den spesielle avtaledelen. Vesentleg misleghald Avtalen kan seiast opp av begge partar når det ligg føre vesentleg misleghald. Før ei oppseiing skal den som mislegheld avtalen, få høve til å rette opp forholdet, sjå punkt 21 om misleghald. 21. Misleghald Begge partane kan seie opp avtalen ved vesentleg misleghald. Før ei oppseiing kan skje, må den parten som hevdar at det ligg føre vesentleg misleghald, overfor den andre parten gjere skriftleg greie for kva han reknar som vesentleg misleghald, og kva han krev retta. Dei påpeikte forholda må bringast i orden innan ein fastsett frist. For at den skriftlege framstillinga skal gje grunnlag for oppseiing av avtalen, må ho innehalde eit varsel om at avtalen kan bli sagd opp om forholda ikkje blir retta opp innan fristen. Den som blir skulda for misleghald, må få høve til å uttale seg før oppseiinga kan gjennomførast. Om misleghaldet gjeld brot på krava til helse, miljø og tryggleik (HMS) og utgjer ein risiko for skade på person, krevst det retting omgåande. Det same gjeld anna misleghald som er av slik karakter at omgåande retting er nødvendig. Misleghald som blir gjenteke over tid og som ikkje rettast opp, vil kunne reknast som eit vesentleg misleghald som kan danne grunnlag for oppseiing. Misleghald som har medført økonomisk tap for den andre parten, kan krevjast erstatta. Om tilbydaren ikkje kan levere tenesta, har kjøparen ikkje plikt til å betale for den tida tenesta ikkje blir levert. 22. Endring av avtalen Avtalen kan endrast om partane er einige om endringane. 23. Tvist Tvist om avtalen skal søkjast løyst gjennom forhandlingar. Om forhandlingar ikkje fører fram, kan det takast ut søksmål. Stad, dato Gardbruker/føretak signatur Kjøpar signatur 11 Inn på tunet standardavtaler 7 av 18

8 Spesiell del 1. Partar Dei partane som er førte opp i punkt 1 i den generelle avtaledelen, er òg forplikta til å oppfylle denne delen av avtalen. 2. Brukarar og brukargrupper 3. Formål og målsetjing Innanfor det overordna formålet for IPT som er skissert i punkt 2 i den generelle avtaledelen, er det for dei brukarane som er førte opp i førre punkt, fastsett desse formåla og målsetjingane for dei IPT-aktivitetane som her er avtalte: 8 av Inn på tunet standardavtaler

9 4. Kva tiltaket går ut på 5. Opningstider Opphaldet er på inntil timer pr. dag med start kl.: Tida blir rekna frå det avtalte starttidspunktet. Tilbodet er stengt på offentlege fridagar og i romjula og påskeveka. Tilbodet er dessutan stengt fem ferieveker i året. Ved behov kan det avtalast utvida opningstid mot tilleggsbetaling. 6. Rettleiingsgruppe/ressursgruppe Det blir sett ned ei rettleiings- og ressursgruppe som skal møtast jamleg, slik punkt 13 i den generelle avtaledelen fastset. Gruppa er samansett av desse personane: 7. Politiattest Om brukarane er barn: Kjøparen kan krevje politiattest av personell som tilbydaren nyttar i gjennomføringa av tiltaket, med heimel i Politiregisterlovens 39, om dette er forankra i den aktuelle spesiallovgjevinga. 11 Inn på tunet standardavtaler 9 av 18

10 Rettleiing Denne avtalemalen er utarbeidd for avtalar mellom ein tilbydar (gardbrukar/føretak) og ein kjøpar av Inn på tunet-tenester (IPT-tenester) på eit gardsbruk. Avtalen har ein generell del og ein spesiell del. Den generelle delen regulerer forhold som stort sett vil gjere seg gjeldande i alle IPT-tenester, og der det ikkje vil vere store variasjonar eller tilpassingar knytte til den enkelte brukargruppa. Den spesielle delen regulerer forhold som er spesifikke for dei enkelte brukarane og tilpassa ulike brukargrupper, der det vil vere ulike behov og krav. Eit hjelpemiddel i avtaleforhandlingar Avtalen er meint som eit hjelpemiddel for utforming av avtalar som kan sikre at IPT-tenestene har god kvalitet og er føreseielege, til beste for tilbydar, kjøpar og brukarar. Det er viktig å avtale mest mogleg konkret kva tenestene inneber, å ha klar ansvarsfordeling og å sørgje for at situasjonar som kan oppstå undervegs, har ei tilfredsstillande løysing i avtalen. I den spesielle delen krevst det i større grad at avtalepartane sjølv utformar dei aktuelle avtalepunkta i samsvar med innhaldet i det konkrete oppdraget. Det står her presisert kva som er viktig å få med i avtalen. Alle avtalar om IPT-tenester må ha konkrete og individuelle framstillingar av kva tilbodet inneber. For dei meir generelle avtalepunkta må det i kvart tilfelle vurderast om det er føremålstenleg å bruke den foreslåtte malen, eller om det trengst tilpassingar på eitt eller fleire punkt. Det er i rettleiinga skrive kommentarar til dei enkelte avtalepunkta som kastar lys over kva punktet inneber. Rettleiinga/ kommentarane skal medverke til å klargjere bakgrunnen for og føremålet med dei foreslåtte avtalepunkta. Avtalepartane kan endre eller fjerne foreslåtte avtalepunkt. Rettleiinga er med på å kaste lys over konsekvensane av dette. Lov om offentlege anskaffingar Det vil ofte vere ein offentleg part i avtalen, og lov og forskrift om offentlege anskaffingar vil setje ein del rammer for prosessen ved avtaleinngåinga og lengda på avtaleperioden. Til liks med andre tenester som det offentlege kjøper, må òg avtalar om levering av IPT-tenester på jamlege anbodsrundar. IPT-avtalar vil normalt følgje enklare prosedyrar enn større oppdrag, noko som inneber at det blir opna for såkalla avgrensa anbodskonkurranse eller konkurranse med forhandlingar. Eit aktuelt spørsmål er kor lange avtaleperiodar som kan avtalast innanfor regelverket om offentlege anskaffingar. Avtalar om tenesteyting til det offentlege må vanlegvis avgrensast i tid, slik at tilboda er gjenstand for jamleg konkurranse. Samtidig er tilbydarane avhengige av ein nokolunde føreseieleg situasjon. Særleg gjeld dette om det må gjerast større investeringar eller driftsomleggingar for å integrere eit IPT-tilbod på garden. Tilbydaren vil då kunne pådra seg kostnader som gjer at dei krev ein viss tryggleik for at oppdraget varer i ein lengre periode framover. Vanleg avtaleperiode er fire år. Perioden kan unntaksvis utvidast i tilfelle der dette er rimeleg ut frå gjenstanden for rammeavtala, jfr. forskrifta 6-1 (4), noko som er særleg aktuelt ved større investeringar med lang nedskrivingstid. Dette er eit snevert unntak. Det er viktig å lese utlysingstekstane og vurdere kva som blir etterspurt og vektlagt av kjøparen (tildelingskriterium). Det skal opplysast korleis kjøparen vektar forholdet mellom pris og kvalitetskriterium. Rammeavtalar I somme tilfelle ønskjer kommunar IPT-tenester i form av rammeavtalar, jfr. forskrift om offentlege anskaffingar 6-1 til 6-3. Ein rammeavtale vil vanlegvis innebere at kjøparen bind seg til bestemte tenesteleverandørar for dei behova som oppstår, for ein viss periode framover (maksimalt 4 år, vanlegvis 2-årsavtalar med opsjon på forlenging med år), og vil ikkje omfatte bestemte oppdrag. Ein del vilkår for kjøp av tenestene vil då vanlegvis vere avtalte i rammeavtalen. Rammeavtalen skal gje grunnlag for at oppdragsgjevaren kan få dekt behova som oppstår undervegs i perioden, ved å gjere bestillingar innanfor rammeavtalen. Ein må då eventuelt inngå nærmare avtalar om det enkelte oppdraget innanfor rammeavtalen. Denne avtalen er ikkje utforma som ein rammeavtale, men er tenkt nytta for spesifikke oppdrag, og ofte utan ein rammeavtale til grunn. Denne avtalen kan òg nyttast for spesifikke oppdrag innanfor ein rammeavtale, men det vil då kunne finnast avtalepunkt som allereie er regulerte i rammeavtalen (typisk pris- og betalingsvilkår). Doffin IPT-avtalar blir i ein del tilfelle utlyste på det offentlege sin anbudsportal doffin.no. Tilbydarar bør følgje med på utlyste oppdrag der. 10 av Inn på tunet standardavtaler

11 Rettleiing til den generelle delen 1. Partar På tilbydarsida vil det ofte vere ein namngitt gardbrukar som inngår avtalen, eller for eksempel eit føretak som er samansett av fleire gardbrukarar som saman leverer IPT-tenester. Det kan tenkjast at fleire gardbrukarar går saman om å levere ei teneste, og avtalen kan i så fall gjelde for fleire avtalepartar. Somme stader er det oppretta samvirkeselskap/partslag med avgrensa ansvar (såkalla BA), til eksempel Ringerike BA og Trøndelag BA. Samanslutninga inngår avtalane med kommunen eller andre kjøparar, og deltakarane i samanslutninga organiserer oppfyllinga seg imellom. Her kan ein òg føre opp organisasjonsnummer. Kommunane er den største og viktigaste kjøparen av IPT-tenester. Kjøparen av tenesta kan òg vere fylkeskommunen (til eksempel knytt til vidaregåande skular), staten (til eksempel NAV) eller dei statlege helseføretaka. Det kan òg vere private institusjonar innanfor helse og omsorg. For å sikre stabilitet og føreseielege forhold bør avtalen forankrast på høgast mogleg nivå hos kjøparen. Ein bør inngå avtale med den ansvarlege etaten i kommunen og ikkje med den enkelte institusjonen (skule, sjukeheim osv.). Særleg gjeld dette for tenester av omfattande og langvarig karakter. 2. Formålet med avtalen Det er viktig at både tilbydaren og kjøparen av tenesta har eit medvite forhold til kva IPT inneber. Den berande ideen for IPT er at bonden gjennom sin ordinære gardsdrifta kan hjelpe brukarar med spesielle behov ved å gje positive opplevingar gjennom deltaking i gardsdrifta. Den heilskaplege og faglege oppfølginga av brukarane er det ikkje tilbydaren som er ansvarleg for, men kjøparen som nyttar IPT-tenesta for å gje brukarane tilpassa opplæring, behandling eller annan type oppfølging. Tanken er at gardsdrifta har ein verdi og funksjon i seg sjølv for dei brukarane som får tilbod om å delta i IPTtenesta. Som utgangspunkt er det derfor ikkje stilt krav om at bonden skal ha spesielle faglege kvalifikasjonar, men vedkommande må ha dei menneskelige eigenskapane som krevst for å ta imot brukarane. IPT-tenester skil seg frå institusjonar som har eit meir heilskapleg og fagleg behandlings- og oppfølgingsansvar for brukarane. Deira tilbod vil vere av meir omfattande karakter. IPT vil vere eit tilbod som blir nytta av institusjonar som del av innhaldet i behandlinga/omsorga/undervisninga. Opphalda vil vere kortvarige og for dei fleste tilfelle avgrensa til dagbesøk, men det kan òg vere aktuelt med døgnbesøk med overnatting. Når det gjeld nærmere opplysningar om eventuelt spesifikke mål bak det enkelte oppdraget/tiltaket, viser vi til modulane knytte til kvar enkelt brukargruppe. 3. Stad Aktivitetane skal primært skje på gardsbruket til bonden, men kan òg innebere gardsrelatert arbeid utanfor garden, knytt til for eksempel beite, seterdrift eller skogsdrift. Type aktivitetar på garden kan variere ut ifrå både brukarane sine ønske og behov og dei moglegheiter som er tilgjengelege på garden. Det bør òg vere rom for at aktivitetar som til eksempel musikk, matlaging og anna som ikkje er knytt direkte til gardsdrifta, kan vere del av tilbodet. Samtidig må IPT avgrensast mot anna verksemd ved at tilbodet i hovudsak er knytt til landbruksverksemda. Tilbydaren må i den grad det er nødvendig, leggje til rette for at bygningane på garden kan brukast til verksemda, slik som garderobe, mat- og pauserom og toalettfasilitetar, jfr. punkt 9 i avtalen. Det vil i fleire tilfelle vere aktuelt at ein tenesteleveranse omfattar fleire ansvarlege tilbydarar og gardsbruk. Punktet må tilpassast dette. 4. Avtaleperiode Det er tilrådeleg at oppdraga ikkje blir sette i gang før ein avtale er ferdigforhandla og underteikna av partane. Tilbydaren vil normalt ha interesse av å inngå avtale for ein relativt lang periode. Det er viktig for å sikre føreseielege inntekter på garden, og fordi tilbydaren må rekne med å gjere enkelte investeringar og opparbeide seg ein viss kunnskap før eit IPT-prosjekt kan settjast i gang. Om det krevst lengre avtaleperiode av omsyn til langsiktige nedskrivningar, bør dette vurderast. 11 Inn på tunet standardavtaler 11 av 18

12 Kva som er ein føremålstenleg avtaleperiode, vil òg kunne variere med behova til kjøparen. Om det er eit tilbod for ein spesiell ungdomsskuleelev, kan avtalen til eksempel vere avgrensa til den skuletida vedkommande har igjen. I andre tilfelle vil det vere ønskjeleg med lengst mogleg avtaleperiodar for å gje brukarane eit føreseieleg og stabilt tilbod. Ofte vil oppdragsgivaren ha eit kontinuerleg behov, slik at partane inngår ein avtale som ikkje gjeld bestemte brukarar, men dei brukarane som har behov for det, deltek i samsvar med avtalen. Det offentlege må i tråd med lov om offentlege anskaffingar sikre at det er ein viss konkurranse om levering av tenestene, og kan dermed ikkje binde seg til ein fast leverandør over for lang tid. Ein offentleg avtalepart må jamleg invitere til anbodskonkurranse og vurdere dei aktuelle tilbydarane opp mot anbodsinnbydinga. Kjøparen av tenesta bør i god tid før avtalen går ut, avklare om avtaleforholdet med tilbydaren skal førast vidare. Om det er nødvendig med ny anbodskonkurranse, bør denne derfor gjennomførast i god tid. For å sikre ei viss grad av føreseielege forhold og kontinuitet er det tilrådeleg å innhente anbod og eventuelt avklare om avtalen blir forlengd, innan fire månader før avtalen går ut. Tilbydaren kan dermed få rimeleg tid til å inngå andre avtalar eller finne anna inntektsgrunnlag før eit avtaleforhold tek slutt. 5. Prøveperiode Det bør vurderast om det er førmålstenleg å ha ein slik prøveperiode. Det kan først og fremst vere aktuelt med ei ordning med prøveperiode for nye IPT-tilbydarar. Gjensidig prøveperiode gjer begge avtalepartar eit noko vidare høve til å seie opp avtalen det første halvåret. Men ein prøveperiode skapar òg større uvisse ved IPT-avtalen for avtalepartane og vil i mange tilfelle ikkje vere ønskeleg. Det bør òg i prøveperioden liggje føre ein sakleg grunn til oppseiing frå begge partar, men for at det skal ha noka meining med ein prøveperiode utover det generelle punktet om oppseiing i avtalen, vil terskelen for oppseiing i prøveperioden vere noko lågare, og det vil òg vere rom for andre oppseiingsgrunnar. 6. Pris og fakturering Pris vil vere gjenstand for forhandlingar og eventuelle tilpassingar. I anbodsinnbydinga kan det til ei viss grad vere spesifisert kva som skal inkluderast i pristilbodet. Vi foreslår at partane avtaler ein dagsats (eventuelt døgnsats for døgntilbod), og at tilbodet kan nyttast opptil det avtalte timetalet ved kvart besøk. Det er tilrådeleg å avtale ein årleg indeksjustering av den avtalte prisen. Dette behovet kan variere avhengig av lengda på avtaleperioden. Dess fleire år avtalen gjeld for, dess viktigare er det å sikre indeksjustering undervegs. Dagsatsen må tilpassast talet på brukarar, lengda på opphaldet og kva som er inkludert/ikkje inkludert. Det er tilrådeleg at det i avtalen blir lista opp konkret kva som er inkludert/ikkje inkludert i dagsprisen, slik at ein kan unngå uklarleik og mogleg usemje om dette. Det er viktig å sørgje for ein pris som også gjer inndekning for ekstra slitasje over tid på utstyr og annan eigedom, investeringar for tiltaket og arbeid utanom opphaldstida (til loggføring, evalueringsmøter, forberedelser osv). Prisen må spegle den samla tidsforbruken og dei ressursane som er stilte til disposisjon av bygningar, materiell, måltid og anna. Eit eksempel på opplisting av kva som bør vurderast inkludert/ikkje inkludert i dagprisen, er: Bruk av eigedommen og bygningane på gardsbruket som inngår i kontrakten Spesifisering av opphaldstida til brukarane Spesifiserte måltid, til eksempel eit sunt og næringsrikt lunsjmåltid av vanleg standard, og tilgang på vatn og te/kaffi heile dagen Nødvendig utstyr til arbeid på garden, som nødvendige arbeidsklede utover vanleg klednad, tryggleiksutstyr og anna til brukarane Forsikringar i samsvar med avtalepunkt 12 Lønn til eventuell vikar Førebuingar og etterarbeid for tilbydaren Transport til og frå garden 7. Ansvar i samsvar med lovverk, løyve osv. Dette punktet er meint å regulere ei overordna ansvarsfordeling. Når det gjeld kravet om at det avtalte IPT-tilbodet er i samsvar med gjeldande lovgjeving for å sikre brukarane retten til tilbod og behandling, siktar det til at det er kjøparen som er ansvarleg for at brukeraren får oppfylt retten til helsehjelp, undervisning og så vidare. Til eksempel er kjøparen ansvarleg for at skuleelevar får eit undervisningstilbod i samsvar med 12 av Inn på tunet standardavtaler

13 opplæringslova. IPT vil vanlegvis berre vere ein del av det tilbodet brukarane får i form av oppfølging, undervisning, behandling eller anna. 8. Kjøparen sin informasjonsplikt og informasjonsansvar Kjøparen har ansvar for å orientere tilbydaren om forhold ved brukarane som er nødvendige for å gje brukarane eit tilfredsstillande og trygt tilbod. Det er viktig at tilbydaren får nødvendig informasjon om kva helesmessige eller sosiale forhold som gjer at brukarane får IPT-tilbodet, og får nødvendig orientering og rettleiing for å forstå og handtere åtferda og særlege behov som brukarane har. Det vil òg kunne vere viktig å informere om målsetjingar ved IPT-aktivitetane og kva rolle IPT er meint å ha i behandlingsopplegget. Dessutan kan det vere behov for informasjon om allergiar, medisinering og liknande. Opplysningar om helsa til brukarane, behandling og anna vil vere underlagde streng teieplikt, sjå punkt Lokale og utstyr Det er foreslått ein standard avtaletekst som gjeld tilgang på fasilitetar ved dagsbesøk og døgnbesøk som vil vere rimelege krav ved dei fleste opphald av denne typen, med tilgang på sanitære fasilitetar, opphaldsrom og mat. Andre ledd kan setjast inn om tilbodet er døgnbasert. Dette punktet bør tilpassast tiltaket og kan variere avhengig av aktuelle aktivitetar. Når det gjeld utstyr, kan det til eksempel opplysast om arbeidsklede: «Brukarane møter i ordinære klede tilpassa gardsopphaldet og vêrforholda. Tilbydaren sørgjer for at brukarane har tilgang på nødvendige arbeidsklede utover dette (som kjeledress, arbeidshansker osv).» Kva som inngår av utstyr, mat og andre fasilitetar må sjåast i samanheng med punkt 6 i avtalen om pris og fakturering. 10. Personale Det er tilrådeleg at partane avtaler bemanning for gjennomføring av tiltaket. Dette må sjåast i lys av behovet tilpassa den aktuell brukargruppa, talet på brukarar, type aktivitetar osv. som er nærmare spesifisert i den i spesielle delen av avtalen. Det må avtalast om tilbydaren skal stille med vikar ved sjukdom eller anna forfall. I ein del tilfelle kan det vere aktuelt at tilbodet fell vekk dei dagane tilbydaren ikkje kan ta imot brukarane. Frå kjøparen si side vil det nok vanlegvis vere ønskjeleg med ei vikarordning som er avtalt mellom partane. For enkelte IPTbønder vil det vere ei utfordring å garantere vikar ved forfall. Eit alternativ kan vere at fleire IPT-bønder i eit område går saman om ei felles vikarordning for sine IPT-tenester. I ein del tilfelle kan det vere aktuelt at enkelte brukarar har med seg personell frå den ansvarlege behandlingsinstansen. Det kan til eksempel vere i ein introduksjonsfase mens brukaren blir kjend der, eller for å vurdere om brukaren passar til tiltaket, eller det kan vera at brukaren har særlege behov som krev oppfølging/bistand av medfølgjande personell. Det kan òg vere at medfølgjande personell er aktuelt i periodar eller enkelte gonger. Medfølgjande personell skal avtalast særskilt, og det er arbeidsgjevaren deira (kjøparen) som har ansvaret for desse. Det må leggjast fram politiattest for personalet ved avtaleinngåinga om oppdraget gjeld bestemte brukargrupper, sjå den spesielle avtaledelen, punkt Forholdet til andre IPT-tiltak og andre kjøparar Somme kjøparar kan ønskje å leggje avgrensingar på moglegheitene for å ta andre IPT-oppdrag. Dette kan vere av omsyn til brukarane, eller fordi kjøparen ønskjer ein viss fleksibilitet hos tilbydaren. I utgangspunktet bør tilbydaren vurdere kva kapasitet det er på garden til å drifte fleire IPT-tiltak, både for den same og for andre kjøparar. Det vil i alle høve vere avgrensa kor stor oppdragsmengd ein kan ha om ein skal oppfylle avtalen på ein god måte som sikrar behova til brukarane. Det bør gjerast konkrete vurderingar av om det er føremålstenleg med fleire brukarar til stades samtidig. Det kan vere ein styrke å ha fleire brukarar til stades og skape eit sosialt fellesskap, men det krev meir av tilbydaren og føreset at dei aktuelle brukarane utgjer eit fellesskap som dei har glede av. Det kan òg vere lite gunstig å ha fleire brukarar på garden samtidig om dei tilhøyrer ulike kategoriar med ulike behov og utfordringar. Det kan svekkje kvaliteten og opplevinga for brukarane. 11 Inn på tunet standardavtaler 13 av 18

14 12. Forsikringar Brukarane må vere forsikra mot ulykker og skadar som kan hende i IPT-samanheng. Avtalemalen tek utgangspunkt i at kjøparen har ansvaret for å forsikre brukarar (og eventuelt medfølgjande personell) i samband med IPT-aktiviteten. Kjøparen har plikt til å informere tenesteytaren om gjeldande forsikringar. Når det gjeld forsikring av personalressursane som tilbydaren nyttar for å gjennomføre tilbodet, og for skadar på eigen og tredjemanns eigendom som følgje av verksemda, bør tilbydaren vere ansvarleg for dette og sørgje for at eigne forsikringar for verksemda også omfattar IPT-verksemda. Tilbyderaren bør derfor i forkant av avtaleinngåinga undersøkje kva dei eksisterande forsikringane for gardsdrifta allereie dekkjer. Dette bør vere dekt av forsikringa: Skade på ting og eigedom. Ting og eigedom som blir nytta i IPT-aktivitetar i tillegg til det som generelt høyrer til gardsdrifta. Forsikring av dyra på garden som inngår i IPT-opplegget bør òg teiknast. Forsikring som dekkjer skade for tredjemann, til eksempel skade på naboen sine ting og eigedom bør òg vurderast. Forsikring av tilsette. Sørg for at tilsette og andre som er involverte i IPT-verksemda er skade- og ulykkesforsikra. Ansvarsdekning. Det er viktig at tilleggstenester ut over den ordinære produksjonen som blir ytt på garden, er dekte når det gjeld så vel produktansvar som ansvar elles. Avklar dette med ein representant frå forsikringsselskapet. Tilbydaren må sørgje for at forsikringskostnader er med i kalkylane som dannar grunnlag for prisfastsetjinga av IPT-tenesta. 13. Kvalitetssikring og evaluering av Inn på tunet-tenesta Tilbydaren og brukaren har ein fast kontaktperson i kommunen. Vedkommande kan svare på førespurnader og eventuelt opplyse om relevante fagpersonar. Den viktigaste hjelpa for tilbydaren for å sikre kvaliteten på tenesta vil truleg vere ei rettleiingsgruppe som møtest jamleg og som dessutan er tillagd oppgåva med årleg evaluering av tiltaket. Vi foreslår at det blir gjort ei brukarundersøking om ein meiner det er føremålstenleg for evalueringa. Dette bør vurderast med tanke på dei aktuelle brukarane, men mange brukarar vil kunne gje gode og nyttige tilbakemeldingar på IPTtilbodet, og ein bør ta omstyn til brukarane sine eigne synspunkt. Omfanget og utforminga av ei slik brukarundersøking bør i så fall tilpassast dei aktuelle brukarane, og det kan til eksempel skje i form av ein samtale. 14. Loggføring Loggføring er viktig dokumentasjon og grunnlag for evaluering av tiltaket. Det bør stå i avtalen kva loggen konkret bør innehalde for det enkelte tiltaket. Det bør dessutan stå kor ofte loggen skal leverast til kjøparen. 15. Kurs, opplæring og fagleg utvikling Det vil normalt forventast at tilbydaren har slik interesse av verksemda at han held seg godt orientert om fagleg opplæring. 16. Helse, miljø og tryggleik (HMS) Tilbydaren må setje seg inn i rettleiingane for det nasjonale kvalitetssystemet for IPT-tenester og KSL-standarden om HMS, og oppfylle dei krava som er stilte. Enkelte brukarar kan vere ekstra utsette for skade. I vurderinga av om det trengst ekstra tryggleikstiltak for den enkelte brukargruppa, er dette noko som tilbydaren vil sjå på saman med kjøparen av tenesta. Arbeidsmiljølova er ikkje direkte gjeldande sidan det her ikkje er snakk om eit tilsetjingsforhold. Det er likevel presisert i avtalen at det ikkje er høve til å setje brukarar i arbeid utan å følgje føresegnene i arbeidsmiljølova. 17. Kontaktinformasjon ved akutte situasjonar/krisesituasjonar Formålet er å opplyse om kvar og til kven tilbydaren kan vende seg i akutte situasjonar eller krisesituasjonar som krev omgåande hjelp og rettleiing. Det kan vere spørsmål om medisinering, brukarar som opptrer vanskeleg eller farleg og anna. 14 av Inn på tunet standardavtaler

15 Kontaktinformasjonen hos kjøparen bør vere ei ansvarleg avdeling eller liknande som kan gje råd omgåande eller formidle kontakt til kompetente personar, og som er tilgjengeleg uavhengig av om enkeltpersonar er til stades eller ikkje. 18. Teieplikt Den som yter teneste eller arbeid for eit forvaltningsorgan, har teieplikt om personlege forhold han/ho får kjennskap til i samband med tenesta, jfr. forvaltningslova 13 og aktuelle særlover som lov om helsetenesta i kommunen ( 6-6), sosialtenestelova ( 8-8) barnevernslova ( 6-7), NAV-lova ( 7) og opplæringslova 15 første ledd. Teieplikta gjeld alle som utfører teneste eller arbeid for oppdragsgivarar innanfor desse sektorane. Med personlege forhold meiner vi til eksempel helse- og sjukdomstilstand, opplysningar om fødestad, fødselsdato, personnummer, statsborgarforhold, sivilstand, yrke, bustad og arbeidsplass. Teieplikta krev at tilbydaren ikkje gjer informasjon, verken munnleg eller skriftleg, som direkte eller indirekte inneber at opplysningar om personlege forhold blir kjende for personar som ikkje kjenner til desse opplysningane frå før. Teieplikta omfattar med andre ord ei rekkje ulike opplysningar om brukarane som ikkje på nokon måte skal spreiast til utanforståande. Brot på lovpålagd teieplikt er straffbart med bøter eller fengsel, jfr. 121 i straffelova. Tilbydaren, vikarar og eventuelt andre på garden som er involverte i ei slik grad at dei får kjennskap til slike forhold, har teieplikt. Det kan òg vere at familiemedlemmer er involverte i ei slik grad at dei får kjennskap til brukarane sine personlege forhold. Alle som er omfatta av teieplikta, bør skrive under ei teieplikterklæring. Dei involverte har teieplikt uavhengig av om dei har underteikna slik teieplikterklæring, men erklæringa er viktig for å bevisstgjere den enkelte om plikta. Teieplikta gjeld òg etter at tenesta/arbeidsforholdet er avslutta. 19. Oppbevaring av personopplysningar Loggføring og annan dokumentasjon knytt til IPT-verksemda vil innebere nedteikning av opplysningar om brukarane som er underlagde teieplikt. Dette må handterast i samsvar med personopplysningslova. Retningslinene i andre avsnitt om avgrensa mengd opplysningar og begrensa oppbevaringstid er i samsvar med personopplysningslova 11. Loggføring på papir må brennast eller makulerast. Opplysningar lagra på data må slettast på ein tilfredsstillande måte som gjer at uvedkommande ikkje kan spore dei opp seinare. Ein skal i utgangspunktet melde frå til Datatilsynet før ein byrjar å behandle personopplysningar, jfr. personopplysningslova Oppsigelse av avtalen før slutten på avtaleperioden Avtalen bør i størst mogleg grad sikre føreseielege forhold for både tilbydaren, kjøparen og brukarane. Høvet til å seie opp avtalen er derfor foreslått å vere knytt til visse føresetnader: Ingen brukarar Innhaldet i tilbodet fell bort Eigarskifte på garden Langvarig sjukdom eller skade Vandelskravet er ikkje lenger oppfylt Vesentleg misleghald Ingen brukere Om det ikkje lengre er aktuelle brukarar for tilbodet, har kjøparen høve til å seie opp avtalen før avtaleperioden er slutt. To månaders oppseiing inneber at gardbrukaren har rett på betaling i oppseiingsperioden sjølv om ingen bruker tilbodet. Det krevst at kjøparen undersøkjer om andre potensielle brukarar kan nytte tilbodet i resten av avtaleperioden. Det vil då vere aktuelt å gjere nødvendige justeringar av avtalen i samsvar med dette. Det kan til eksempel vere aktuelt med ein ny type brukarmodul til avtalen og/eller at talet på brukarar må justerast. Innhaldet i tilbodet fell bort Dette kan vere aktuelt ved avvikling av gardsdrifta eller ei omlegging som medfører at innhaldet i IPT-tilbodet blir ramma. Ei omlegging som kan føre til at innhaldet i tilbodet fell bort, er til eksempel avvikling av husdyrhald om stell av dyra er ein viktig del av tenesta. 11 Inn på tunet standardavtaler 15 av 18

16 Eigarskifte på garden Ved eigarskifte på garden kan det ofte vere ønskjeleg for begge partar å føre vidare avtaleforholdet. For kjøparen vil det oftast vere føremålstenleg å sleppe og finne ny tenesteleverandør gjennom ein anbodsrunde midt i avtaleperioden. For eit gardsbruk kan IPT-tenesta vere ei viktig attåtnæring som den nye eigaren ønskjer å føre vidare som ein del av inntektsgrunnlaget på garden. Det er derfor foreslått at avtalen kan førast vidare med ny eigar om den nye eigaren ønskjer det og kjøparen samtykker. Dette vil innebere at den nye eigaren trer inn i avtalen i staden for den tidlegare eigaren, og at avtalen elles blir verande uendra. Avtalen vil dermed ikkje vere gjenstand for forhandlingar ved eit eigarskifte. Langvarig sjukdom eller skade Det er foreslått at langvarig sjukdom eller skade som gjer det vanskeleg å levere IPT-tenesta, kan vere oppseiingsgrunn. Denne retten til oppseiing ligg då hos tilbydaren. Kjøparen kan dermed ikkje seie opp avtalen så lenge tilbydaren oppfyller pliktene sine gjennom bruk av vikarar. Om tilbydaren er forplikta til å stille med vikar i oppseiingsperioden, bør vurderast i lys av den avtalte vikarordninga, jfr. punkt 10 i avtalen. Den foreslåtte tida i avtaleutkastet er eit utgangspunkt som kan fråvikast i begge retningar. På dette punktet vil det vere behov for ei individuell vurdering. Kor vanskeleg eller tyngjande det vil vere å halde fram med å gjere skyldnadene sine over tid i ein situasjon der ein av helseårsaker ikkje kan oppfylle avtalen som føresett, vil variere sterkt. I fastsetjinga av ein høveleg varslingsfrist vil det vere relevant å ta omsyn til kor sårbare både kjøparen og tilbydaren er i ein slik situasjon. Samarbeider tilbydaren med andre om tiltaket, til eksempel gjennom BA og felles vikarpool, eller er det familiemedlemmer, avløysar eller andre som har høve til å ta over i lengre periodar? Vandelskrav Dette punktet er aktuelt å ha med for dei brukargruppene som inneber at det er stilt vandelskrav. Om tilbydaren ikkje lenger oppfyller gjeldande vandelskrav, skal avtalen seiast opp med omgåande verknad. Ved mistanke om at vandelskravet ikkje lenger er oppfylt kan kjøparen innhente opplysningar om dette, sjå nærmare rettleiing om politiattestar i den spesielle avtalemodulen, punkt 7. Vesentleg misleghald Avtalen kan seiast opp ved vesentleg misleghald, sjå neste punkt. 21. Misleghald Det krevst at misleghaldet er av vesentleg karakter for at det skal danne grunnlag for oppseiing. Det må gjerast ei konkret vurdering om misleghaldet er av vesentleg karakter, blant anna sett i lys av dei samla skyldnadene i avtalen og korleis dei blir overhaldne. Enkeltståande tilfell av misleghald av bagatellmessig karakter gjer derfor ikkje grunnlag for å seie opp avtalen. Fleire mindre og gjentekne avtalebrot kan til saman utgjere vesentleg misleghald som kan danne grunnlag for oppseiing. Det krevst at avtalebrot blir påpeikte med høve til å rette opp misleghaldet innan ein fastsett frist. Fristen bør vurderast etter kva som er rimeleg og/eller nødvendig i det aktuelle tilfelle. Er det enkelt å rette opp forholdet, kan det vere rimeleg å krevje omgåande retting. 22. Endring av avtalen Ingen kommentarar. 23. Tvist Ingen kommentarar. 16 av Inn på tunet standardavtaler

17 Rettleiing til den spesielle delen Denne delen av avtalen er spesialtilpassa dei enkelte brukargruppene. Brukargrupper som det er tenkt på: Enkeltelevar grunnskole/videregående Barnevernsbarn Psykiatriske pasientar Barn og vaksne med spesielle diagnosar/behov Flyktningar (i introduksjonsprogram) Rusavhengige Personar med demens Innsette under og etter soning Langtidsarbeidsledige/delvis uføre med restarbeidsevne arbeidstrening Det er i mindre grad formulert forslag til kvart avtalepunkt i den brukarbaserte modulen enn i den generelle delen, sidan desse avtalepunkta i større grad må formulerast i samsvar med det konkrete behovet i kvart enkelt tilfelle. Denne delen ber dermed i større grad preg av rettleiing om kva som bør regulerast i kvart enkelt punkt. Avtalepunkta må i stor grad utformast av partane sjølv på bakgrunn av den aktuelle brukargruppa og det konkrete formålet. Det må òg takast omsyn til spesielle krav som gjeld for den enkelte brukargruppa (som krav om politiattest). Om skuleelevar og opplæringslova I denne avtalen er det ikkje teke inn nokon særskilte føresegner om skuleelevar og kva krav som må tilfredsstillast etter opplæringslova. Det er kjøparen som i henhald til denne avtalen er ansvarleg for at tilboda som skuleelevane får gjennom IPT er i samsvar med opplæringslova, sjå også den generele avtalen, punkt 7. Utgangspunktet i IPT er at det er gardsdrifta som dannar grunnlag for tilbodet, og at det ikkje krevst at tilbydaren har formell pedagogisk kompetanse. 1. Partar Dette er regulert i punkt 1 i den generelle delen. 2. Brukarar og brukargrupper Det er her ikkje foreslått avtaletekst for dette punktet, sidan det i stor grad vil variere. Det må her spesifiserast kven avtalen gjeld for, ei bestemt brukargruppe av ein viss storleik, eller bestemte personar. 3. Formål og målsetjing Det er her viktig å ta utgangspunkt i dei overordna målsetjiongane for IPT og konkretisere formål og målsetjingar for dei spesifikke brukarane som er omfatta av denne avtalen. Dette bør vere så konkret oppført som mogleg, og det skal vere bevisstgjerande og retningsgjevande for gjennomføring av tiltaket. 4. Kva tiltaket går ut på Det er ikkje foreslått avtaletekst til dette punktet, sidan det vil variere sterkt, men punktet må beskrive innhaldet i IPTtiltaket så konkret og presist som mogleg, tilpassa den enkelte brukargruppa og dei personane som skal nytte tiltaket. Kva for oppgåver brukaren skal delta i, må spesifiserast. Om aktivitetane inkluderer dyr, bør det spesifiserast kva for dyr det gjeld. Om det er forhold ved garden/tilbodet som er særleg viktige for tenesta knytt til denne brukargruppa/personen, bør dette presiserast. Dette punktet er viktig for å sikre ei lik forståing mellom avtalepartane om kva innhaldet skal vere. Ei god attgjeving av innhaldet i IPT-aktiviteten er viktig for å kvalitetssikre og evaluere tiltaket og vurdere om avtalen blir oppfyllt. Punktet er òg viktig for vurderinga av andre viktige avtalepunkt, til eksempel: Om det er grunnlag for oppseiing som følgje av at eit sentralt innhald i tilbodet fell bort Om det ligg føre misleghald Om forholdet til eventuelle andre IPT-tiltak på garden Kva kjøparen er ansvarleg for å opplyse/informere tilbydaren om Kva som bør avtalast om utstyr og nødvendige fasiliteter for gjennomføringa Om det er aktivitetar som krev spesielle løyve/samtykke, bør desse aktivitetane spesifiserast. Etter punkt 7 i den generelle avtalen er det kjøparen som er ansvarleg for å innhente nødvendige løyve eller samtykke for gjennomføring av avtalte tiltak. 11 Inn på tunet standardavtaler 17 av 18

18 Om avtalen gjeld ei gruppe, bør det vurderast om det i tillegg er behov for at forhold knytta til enkelte brukarar skal spesifiserast i eit eige individualisert vedlegg. 5. Opningstider Dette punktet er gjenstand for forhandlingar og tilpassingar i kvart enkelt tilfelle. Det er viktig å avtale tidsrammer for aktivitetsdagane, fridagar og ferieveker. Eit eksempel på korleis punktet kan utformast for eit vanleg dagtilbod, er: Ein dag er på inntil 8 timar inkludert lunsjpause, med start kl. --:--. Tida begynner å gå frå det avtalte tidspunktet. Tilbodet er stengt på offentlege fridagar og i romjula og påskeveka. Tilbodet er dessutan stengt fem ferieveker i året, og minst tre av desse skal takast ut i perioden 1. juli august. Ved behov kan det avtalast utvida opningstid mot tilleggsbetaling. 6. Rettleiingsgrppe/ressursgruppe I punkt 13 i avalen er det foreslått at denne gruppa skal vere samansett av tilbyderen, ein representant for tenestekjøparen, ein relevant fagperson og ein av dei pårørande til brukaren/brukarane. Her bør dei personane som skal sitja i gruppa, nemnast med namn. Dei aktuelle personane kan eventuelt òg nemnast i punktet som gjeld dette i den generelle avtaledelen. 7. Politiattest Alt personale som tilbydaren nyttar for å gjennomføre tiltaket, skal leggje fram politiattest der dette krevst, inkludert vikarar som blir nytta. Det er kjøparen av tenesta som eventuelt kan krevje politiattest, som nevnt i 39 i politiregisterlova, om dette er forankra i den aktuelle særlovgjevinga. Eksempler på aktuell særlovgjeving er Barnehageloven, Helsepersonellloven, Opplæringslova, Barnevernloven og Utlendingsloven. 18 av Inn på tunet standardavtaler