Utval Møtedato Utvalssak Drifts- og forvaltningsutvalet Kommunestyret

Transkript

1 VESTNES KOMMUNE Saksframlegg Arkiv: F09 Arkivsaksnr.: 2008/346 Saksbehandlar: Tone Roaldsnes Dato: Vestnes kommune - Omsorgsplan 2015 Utval Møtedato Utvalssak Drifts- og forvaltningsutvalet Kommunestyret Administrasjonssjefen si innstilling Vestnes kommunestyre vedtek planen slik han ligg føre. Kommunestyret vedtek følgjande tiltak: Tiltak på kort sikt ( ). 1. Nedlegging av institusjonsplassar ved aktivitetssenteret P.g.a vanskeleg kommuneøkonomi vert dei 7 plassane ved rehabiliteringsavdelinga stengt inntil vidare. Kommunestyret tek stilling til evt drift og driftsform (rehabiliteringsplassar eller sjukeheimsplassar) ved budsjettbehandlinga for Demensomsorga: Tiltak: Administrasjonssjefen opprettar kommunalt demensteam for å kunne komme tidleg inn med kartlegging /oppfølging og informasjon om tenestetilbodet til demente, samt oppfølging og rettleiing av personalet. Tiltaket skal dekkast innanfor vedtekne budsjettrammer. Det skal tilretteleggast for at 1 plass v/ Oppigarden fast skal nyttast til utredning- og kartleggingsopphald 3. Rehabilitering Tiltak : Administrasjonssjefen skal legge til rette for at fleire rom ved institusjonane skal nyttast til kortidsopphald og avlastning. 4. Kreftomsorg Tiltak: Administrasjonssjefen oppnemner kommunale kreftkontaktar både i sjukeheim og i heimetenestene. Dei skal tidleg gi informasjon om kommunale tenestetilbod. Det gjeld også bruk av palliasjonsrommet på sjukeheimen. Kreftkontaktane skal koordinere samarbeidet mellom 1. og 2. linjetenesta, og gi opplæring til andre tilsette. Eitt tilrettelagt rom ved sjukeheimen vert nytta til kreftomsorg, eller til andre med stort

2 behov for smertelindring. Tiltaket skal dekkast innanfor vedtekne budsjettrammer. 5. Omorganisering av dagsentertilbod Tiltak: Dagsenterdrifta vert omorganisert med verksemd på 4 dagsenter: Tresfjord, aktivitetssenteret, og Tomrefjord, samt dagsenter for demente på Myra. Det skal vidareutviklast eit organisert og forpliktande samarbeid med frivillige lag og organisasjonar. Dersom frivillige organisasjonar tek initiativ til å drive dagsenter på frivillig basis på Rekdal og Vike, betaler Vestnes kommune husleige og straum. Administrasjonssjefen får fullmakt til å inngå skriftlege avtalar med organisasjonar som tek på seg slik drift. 6. Drift av kantine på Aktivitetssenteret Tiltak: Utleige av kantina til private etter anbodsutlysing. Kriteria ved anbodet må vere m.a. at kantinedrifta må samordnast med heimetenesta si drift. Administrasjonssjefen får mynde til å gjennomføre tiltaket. 7. Vedlikehald av Tresfjord trygdeheim. Tresfjord Trygdeheim bør brukast i eit kort tidsperspektiv; ca 5år Gradvis nedbygging. Utbetringane bør konsentrerast om å gjere dei fysiske arbeidsforholda betre. Tiltak: Vedlikehald og oppgradering av hovudetasjen i 2009 med løyving i investeringsbudsjettet. 8. Vestnes sjukeheim Vidare oppgradering i 2009 med løyving i investeringsbudsjettet. 9. Uønska deltid Vestnes kommune har i for stor grad uønska deltid blant tilsette i pleie- og omsorg. Tiltak: Administrasjonssjefen må saman med organisasjonane arbeide målretta for å redusere uønska deltid innan omsorgstenestene. Langsiktige tiltak utover Vestnes sjukeheim Tiltak: Påbygg Vestnes sjukeheim. 2. Omsorgstilbod mellom sjukeheim og omsorgsbustad Tiltak: Bygge om PU-bustader til eit bufelleskap for eldre. Det er på det noverande tidspunkt ikkje naudsynt å fastsette organisasjonsform på bueininga ; altså om dette skal vere utleigehusvære eller institusjon (aldersheim) SAKSUTGREIING:

3 Bakgrunn: Eldreplanen for Vestnes kommune vart sist rullert av Vestnes kommunestyre den 16. juni 2005 i sak 37/2005. Dette reviderte planforslaget blir kalla omsorgsplan. Grunnen til det er at brukargruppa og omsorgsutfordringane dei siste åra er utvida til å gjelde mange brukarar som ikkje kjem inn under gruppa eldre. For å avgrense planarbeidet og unngå ein alt for omfattande plan, er ikkje tenestene for menneske med utviklingshemming (vertskommunetenestene våre) med i planen. I stor grad er desse tenestene ikkje integrerte fagleg eller organisatorisk i dei ordinære pleie- og omsorgstenestene, og bør difor omhandlast i eigen plan. Det same gjeld ein del av rusomsorga og det bustadsosiale arbeidet knytta til denne. Planen er utarbeidd administrativt ved administrasjonssjefen si leiargruppe, driftsleiarane for pleie- og omsorgstenestene og kommunelegen. Vi har lagt vekt på at planen skal vere realistisk både i forhold til både økonomiske og personellmessige ressursar. Vi har ikkje hatt kapasitet til å gjere dette arbeidet til eit prosjekt der vi inviterte brukargrupper til medverknad gjennom heile arbeidsprosessen. Vi meiner dette kan aksepterast, då Vestnes kommune i 2007 fekk gjennomført ei omfattande brukarundersøking: En dag om gangen: undersøkelse av behov for heldøgns omsorg blant eldre i Vestnes kommune. Undersøkinga vart gjennomført av Eli Kjersem, Høgskolen i Molde, og hovudfunna i undersøkinga vert tekne med i denne planen. Omsorgsplanen vart sendt ut til høyring den 12.oktober 2008 med uttalefrist sett til 10.november. Høyringa vart annonsert i Vestnesavisa og på Vestnes kommune sine heimesider. Alle som ønskte å kome med innspel i saka har fått høve til. Følgjande høyringsinstansar vart tilskrivne: Eldrerådet Rådet for funksjonshemma Pensjonistlaga Mental Helse LHL Vestnes Fagorganisasjonane Fagforbundet, DELTA og Norsk Sykepleierforbund (NSF) Innan fristen hadde vi motteke uttalar frå følgjande : Tomrefjord pensjonistlag, Tresfjord pensjonistlag, Vestnes pensjonistlag, Rekdal helselag, LHL Vestnes, Vestnes eldreråd, Rådet for funksjonshemma, Fagforbundet Vestnes og Norsk sykepleierforbund i Vestnes. Uttalane: Uttalane ligg som vedlegg til saka. Følgjande er ei kort oppsummering av uttalane: Eldrerådet: Rådet har lista opp uttalen i 15 pkt. Rådet oppmodar kommunen om å halde på det nivået ein har på hjelpa i dag og unngå nedskjeringar. Noko av det viktigaste er å oppretthalde dagtilbod og starte opp att rehabiliteringsavdelinga. Utbygging av Vestnes sjukeheim bør ha førsteprioritert i vidare oppbygging av eldreomsorga. Omsorgsbustader bør etablerast sentralt i kommunen. Vestnes kommune bør ha betre plan over korleis vi vil takle at talet på personar som utviklar demens aukar. Eldrerådet meiner at talet på plassar ved Tresfjord trygdeheim må behaldast. Rådet for funksjonshemma Viser til at Lavaste effektive omsorgsnivå skal medføre at innbyggarane får bu heime lengst mulig. Dette krev eit godt og fleksibelt tilbod på dei lavaste trinna. Rådet viser også til at

4 funksjonshemming kan sjåast på som eit relasjonelt begrep, og at funksjonshemminga vil kunne opplevast som mindre dersom miljøet rundt vert lagt til rette med universiell utforming. Tilboda må på dei lavaste trinna må ha lav terskel. I utforming av omsorga må det takast omsyn til å stette behov for både hjelp og tryggheit. Opplevinga av tryggheit kan stettast ved t.d. å forbedre systemet med tryggheitsalarmar (testing og utprøving). Vestnes pensjonistlag Laget viser til at det er svært viktig at kommunen ikkje reduserer noverande tilbod til dei eldre. Dagtilboda ser dei på som noko av det viktigaste av det kommunen tilbyr. Det gjer at mange kan bu lenger heime. Dei påpeikar også at logistikken for transport til dagsenter og legesenter er for dårleg, og har også forslag til forbetringar. Rehabiliteringsavdelinga må snarast mogeleg i drift att. Bufellesskap må etablerast for dei som slit med angst og einsemd heime. Gamle Hellandheim-området kan brukast. Talet på sjukeheimsplassar må vere på statleg tilrådd nivå; 25% av eldre over 80 år. Laget meiner elles at planen gir eit godt bilde av det gode tilbodet som er i Vestnes kommune i dag. Tresfjord pensjonistlag Uttrykker stor bekymring for at Tresfjord trygdeheim skal bli avvikla utan at det er lagt planar for tiltak som skal erstatte dette tilbodet. Det vil framleis vere behov for eit tilbod mellom det å bu heime og det å ha sjukeheimsplass. Trygdeheimen har vore tenleg og god for mange som ikkje har kunna bo heime lenger. Dei ser behovet for utbetringar, men legg til at tryggheita ved ein institusjonsplass er viktigare enn at det vert dusj på kvart rom. Tomrefjord pensjonistlag Vil oppretthalde dagsenteret på Rekdal, og utvide tilbodet i Tomrefjord til det nivået som var tidlegare. Dagsentra bidreg til at eldre får behalde fysisk og psykisk helse og utset behovet for sjukeheimsplassar. Det vil også vere ressurssparande å køyre middag til dagsenteret i staden for å køyre rundt i heimane. Rekdal helselag Ønskjer ikkje å gi innspel til heile planen, men gir uttale til hovudpkt 7: Dagsentra på Vike og Rekdal vert lagt ned frå Dei opplyser at laget no organiserer og driv dagtilbodet på Rekdal på frivillig basis. 11 brukarar møter opp her. Dei viser til at eit lokalt dagsenter som møteplass for dei eldre i kommunen er av stor verdi, særleg fordi det ikkje finst mange sosiale møteplassar i utkantbygdene. Vestnes LHL Auka satsing på rehabiliteringsrom med godt tilgjenge på fagpersonell og utstyr. Sjukeheimen må bevarast og vere tilgjengeleg for dei tyngste brukarane. Det må sikrast nok avlastningsplassar for demente. Det bør etablerast ei gruppe av brukarforeningar som kan kome med friske innspel til kommunen. Det må undersøkast kvifor Vestnes ligg så høgt når det gjeld personar med MS. Undersøkinga bør munne ut i forslag til tiltak. Norsk sykepleierforbund, Vestnes Ser det som bekymringsfullt at Vestnes kommune vil legge ned dagsenter på Vike og Rekdal, og viser til planens side 11 der det heiter at dagsenter er meir enn tilbod om sosialt samvær. Det er eit grunnleggande element i eit heilskapleg omsorgstilbod. NSF påpeikar også at talet på institusjonsplassar allereie er redusert ved at dobbeltrom er gjort til enkeltrom, og at det må leggast ein plan dersom sjukeheimsplassane ved Aktivitetssenteret skal avviklast. Fagforbundet Vestnes Har fokus på rekruttering av fagpersonell. Kva planar har kommunen for å skaffe personell med tilstrekkeleg og god fagkompetanse. Det må kartleggast kva kompetanse vi har behov for framover. Planen burde også ha meir fokus på uønska deltid, og korleis vi skal arbeide med denne problemstillinga slik at vi kan tilby tilsette i omsorgstenestene heile stillingar med eit

5 arbeidpress det går an å leve med. Det må også rekrutterast menn til omsorgsyrka. Dette vil bli lettare dersom ein tilbyr heile stillingar. Vurdering: Mange av uttalane uttrykker bekymring for nedlegging av dagsenter. Administrasjonssjefen er samd i at dagsenterdrift er eit viktig tiltak i eit heilskapleg tenestetilbod. I ei tid der ein må bygge institusjonsdrifta noko ned og auke satsinga på eit godt tilbod til heimebuande, vil dagsenter vere ein viktig faktor. Meir samdrift kan likevel vere rasjonelt. Samstundes vil administrasjonssjefen vise til uttalen frå Rekdal helselag. Laget tilbyr seg å drifte dagsenteret 1 dag pr veke. Dette positive initiativet må stimulerast vidare, og kommunen bør vere imøtekomande og dekkje husleige- og straumutgifter ved tiltaket. Når det gjeld vurderingane omkring Tresfjord trygdeheim, meiner administrasjonssjefen at vi ikkje kjem utanom ei gradvis nedbygging. Oppgradering til ein standard etter dagens krav vil vere altfor kostbart. Likevel er det lett å forstå, og også vere samd med, Tresfjord pensjonistlag som hevdar at den som sit heime og er engsteleg er ikkje så opptekne av om det er dusj på kvart rom. Det er tryggheita som tel. Vestnes kommune må arbeide for å sikre tiltak som gjer at eldre som bur heime skal kjenne seg trygge. Eg viser her til uttalen frå Rådet for funksjonshemma der dei legg vekt på å kvalitetssikre tryggheitsalarmar. Imidlertid vil nedbygging kreve tid, og institusjonen må nedbyggast ved naturleg avgang eller ved overflytting til dei andre institusjonane. Elles spriker uttalane i mange retningar, men dei fleste legg vekt på at det gode tilbodet vi har i Vestnes kommune må vidareførast. Dette vil vere krevande i ein vanskeleg budsjettsituasjon, og det vert opp til kommunestyret å føreta dei endelege prioriteringane. Vedlegg: 1 Framlegg til omsorgsplan for Vestnes kommune 2 Utsendt brev vedk høyring 3 Høyringsuttale Vestnes pensjonistlag 4 Høyringsuttale Eldrerådet 5 Høyringsuttale Fagforbundet 6 Høyringsuttale Norsk sykepleierforbund 7 Høyringsuttale Rekdal helselag 8 Høyringsuttale Vestnes LHL 9 Høyringsuttale Tresfjord pensjonistlag 10 Høyringsuttale Rådet for funksjonshemma 11 Høyringsuttale Tomrefjord pensjonistlag