DETALJREGULERING GNR/BNR 57/555 M.FL., SNIKKERSVINGEN - 2. GONGSHANDSAMING

Transkript

1 Arkivref: 2011/ /2016 Saksh.: Merete Refstie Hageberg Saksnr Utval Møtedato 41/16 Forvaltningsstyret /16 Kommunestyret DETALJREGULERING GNR/BNR 57/555 M.FL., SNIKKERSVINGEN - 2. GONGSHANDSAMING Framlegg til innstilling: Med heimel i i plan- og bygningslova vedtek kommunestyret detaljregulering for gnr/bnr 57/555 m.fl., Snikkersvingen. Saksprotokoll i Forvaltningsstyret Innstilling Med heimel i i plan- og bygningslova vedtek kommunestyret detaljregulering for gnr/bnr 57/555 m.fl., Snikkersvingen. Handsaming Samrøystes tilrådd. Saksprotokoll i Kommunestyret /16 DETALJREGULERING GNR/BNR 57/555 M.FL., SNIKKERSVINGEN - 2. GONGSHANDSAMING Vedtak Med heimel i i plan- og bygningslova vedtek kommunestyret detaljregulering for gnr/bnr 57/555 m.fl., Snikkersvingen. Handsaming Samrøystes vedteke Habilitet: ****** Liv Kari Eskeland, H stilte spørsmål ved eigen habilitet i saka. Ho eig 50 % av- og er styreleiar av Plan Vest. Ho tredde frå under handsaminga av spørsmålet og vara Magne Bjelland tredde inn. Kommunestyret handsama spørsmålet og fatta følgjande vedtak: Eskeland vart samrøystes kjent ugild i saka, jf fvl 6 andre ledd.

2 Rådmannen, Dokumentliste S Detaljregulering gnr/bnr 57/555 m.fl., Snikkersvingen - 2. gongshandsaming I Plan Vest as Tinging av oppstartsmøte U Plan Vest as Referat frå oppstartsmøte i plansaker I Plan Vest as Møte angåande regulering i Sagvåg ved Snikkersvingen I Plan Vest as Søknad oppstart planarbeid S Detaljregulering for gnr/bnr 57/555 m.fl., Snikkersvingen - søknad om oppstart U Plan Vest AS Melding om synfaring - Detaljregulering for gnr/bnr 57/555 m.fl., Snikkersvingen X Særutskrift - Detaljregulering for gnr/bnr 57/555 m.fl., Snikkersvingen - søknad om oppstart U Plan Vest Detaljregulering for gnr/bnr 57/555 m.fl., Snikkersvingen - melding om vedtak I Plan Vest Planprogram Snikkersvingen I Plan Vest AS Forslag til planprogram og oppstart av arbeid med detaljregulering for Snikkersvingen - gnr/bnr 57/555 m. fl. i Stord kommune I Hordaland Fylkeskommune Fråsegn - forslag til planprogram og oppstart av arbeid med detaljregulering for Snikkersvingen I Plan Vest AS Planprogram og merknadar, Snikkersvingen N fakturagrunnlag Fakturagrunnlag - Detaljregulering for gnr/bnr 57/555 m.fl., Snikkersvingen U Plan Vest As Planprogram Snikkersvingen - merknad I Plan Vest As Revidert planprogram Snikkersvingen S Detaljregulering for gnr/bnr 57/555 m.fl., Snikkersvingen - fastsetjing av planprogram X Særutskrift - Detaljregulering for gnr/bnr 57/555 m.fl., Snikkersvingen - fastsetjing av planprogram N fakturagrunnlag Fakturagrunnlag - Detaljregulering for gnr/bnr 57/555 m.fl., Snikkersvingen I Plan Vest AS Innsending av detaljreguleringsplan med KU for Snikkersvingen I Plan Vest AS Planforslag I Plan Vest as Planforslag I Plan Vest AS Oppdatert planforslag Snikkersvingen X fakturagrunnlag Fakturagrunnlag - Detaljregulering gnr/bnr 57/555 m.fl., Snikkersvingen S Detaljregulering gnr/bnr 57/555 m.fl., Snikkersvingen - 1. gongshandsaming X Særutskrift Detaljregulering gnr/bnr 57/555 m.fl., Snikkersvingen - 1. gongshandsaming U Bladet Sunnhordland Detaljregulering gnr/bnr 57/555 m.fl., U Elin Lehtiniemi m.fl. Detaljregulering gnr/bnr 57/555 m.fl., U Barnerepresentanten m.fl. Detaljregulering gnr/bnr 57/555 m.fl., X Dokument til offentleg ettersyn I Fylkesmannen i Hordaland, Kommunal og samfunnsplanavdelinga Offentleg ettersyn - Stord - Gnr 57 Bnr 555 mfl - FV67 og FV545 - Snikkersvingen - Sagvåg - Detaljregulering for bustader og næringsverksemd I Bernhard Aarre Protest I Statens vegvesen, Region Vest Uttale til detaljregulering - gnr. 57 bnr. 555 m.fl. - Snikkersvingen i Stord kommune sendt fra Statens vegvesen I Haugaland Kraft Nestt AS Merknader fra Haugaland Kraft Nett AS N Merete Refstie Hageberg Uttale frå SKT til detaljplan for Snikkersvingen 57/555 mfl. N Merete Refstie Hageberg Uttale frå SKT til detaljplan Snikkersvingen 57/555 mfl. 2 av 7

3 I Hordaland Fylkeskommune Fråsegn til høyring av reguleringsplan,snikkersvingen - Stord kommune I Monica Saue og Ragnar Almås Merknad til planframlegg U Eli og Kari Tapani Lehtiniemi m.fl. Detaljregulering gnr/bnr 57/555 m.fl., I Stord Næringsråd Vedk. detaljregulering Snikkarsvingen U Plan Vest AS m.fl. Merknadar til detaljregulering for Snikkersvingen I Plan vest AS Reguleringsplan for Snikkersvingen - merknader I Plan Vest AS VS: Snikkarsvingen I Plan Vest AS Reviderte føresegner og planomtale Vedlegg 1 Plankart, datert Føresegner, rev Planomtale, datert Illustrasjonsplan Innleiing (bakgrunn for saka) Regulering, byggesak og oppmåling (RBO) mottok søknad om igangsetting av planarbeid for detaljregulering av gnr/bnr 57/555 m.fl., Snikkersvingen i Sagvåg. Søknaden vart sendt inn av Plan Vest AS på vegne av Snikkersvingen AS. Då tiltakshavar ønska å utvikla området med tanke på bustad og næring, samsvara ikkje dette med reguleringsplanen for området og kommuneplan for Stord Her er området i Snikkersvingen lagt ut til bustad- og fritidsområde. Det vart difor lagt fram for Forvaltningsstyret ein prinsippsøknad i møtet Forvaltningsstyret gav klarsignal om at planarbeid med planprogram og konsekvensutgreiing kunne startast opp. Melding om oppstart av planarbeid og utlegging til offentleg ettersyn av framlegg til planprogram vart kunngjort og sendt ut Planprogrammet vart fastsett i FVS-møte , i sak PS 14/14. Framlegg til planen vart i møte vedteken lagt ut på offentleg ettersyn. Planforslaget vart kunngjort og sendt på høyring med høyringsfrist Grunna feil med elektronisk utsending, vart høyringsfristen utvida til Det kom inn 8 merknader/uttalar. På bakgrunn av desse er planforslaget noko justert for å unngå å regulera seg inn på omkringliggjande eigedomar. Saksutgreiing (fakta, saksopplysningar) Omtale av planområdet Planområdet ligg i Sagvåg, om lag 0,5 km nord for Sagvåg sentrum. Det er om lag 12 daa, og omfattar eigedom gnr/bnr 57/555 med tilgrensande vegareal og ny rundkøyring i kryss mellom Fv. 545 Fitjarvegen og Fv. 67 Nysætervegen. Området ligg på austsida av vegen, i eit søkk ned mot Storavatnet. Det er lite eksisterande infrastruktur i planområdet. Planstatus Området er tidlegare regulert til bustadområde og fritidsområde i plan R , Sagvåg. I kommuneplan for Stord er arealet ned mot Storavatnet vist med omsynssone for friluftsliv. Trafikkarealet i krysset Fv. 545/Fv. 67 er omfatta av reguleringsplan R , Sagvåg sentrum. Det er i tillegg starta opp arbeid med utarbeiding av kommunedelplan for Sagvåg - Litlabø. Omtale av planforslaget Føremålet med planen slik den no ligg føre, er å leggja til rette for forretningsbygg med parkeringsareal og grøntområde ned mot Storavatnet. Det ligg inne eit rekkefølgjekrav for opparbeiding av rundkøyring i krysset Fv. 545/Fv. 67 før det kan tillatast bygging i området. Rundkøyringa skal byggast i nært samarbeid med Statens vegvesen. Det er og stilt krav om opparbeiding av gang- og sykkelvegar i 3 av 7

4 tilknyting til rundkøyringa. Det er gjort mindre endringar etter høyring. Plangrensa er noko justert i sør, slik at tilgrensande bustadeigedomar ikkje vert rørte av tiltaket. Dette går og ut over parkeringsarealet som no er noko redusert, men likevel innafor krava i kommuneplanen. For meir utfyllande omtale av planen vert det vist til vedlagte planomtale. Innkomne uttalar og merknader 1. Fylkesmannen i Hordaland skriv i e-post datert at planframlegget er endra sidan melding om oppstart. Planen regulerer no området til forretning/kontor/tenesteyting. Fylkesmannen har ingen merknader til planforslaget. 2. Hordaland fylkeskommune skriv i brev datert at dei generelt er kritiske til planar som ikkje er i tråd med kommuneplan. I planen som ligg føre er det gjennomført konsekvensutgreiing for føremålsendringa. Hordaland fylkeskommune ser seg nøgd med dei vurderingane som ligg føre. Dersom nytt eller samla bruksareal for detaljhandel i reguleringsplan eller ved søknad om byggjeløyve/rammeløyve overstig 3000 m 2 vert det kravd samtykke frå fylkeskommunen. Dei ber om at planen sikrar føresegner som sikrar god arkitektur og arealbruk av god kvalitet. Dei ber og om at det vidare planarbeidet sikrar god tilgjenge for allmenta i friluftsområdet. Det vidare planarbeidet må ha omsyn til overvatn og flom. Dei har i dag ikkje kjennskap til automatisk freda kulturminne eller andre verneverdige kulturminne innanfor planområdet. Kommentar: Det er i saka opplyst at maks BRA ikkje vil overstiga 3000 m 2. Rådmannen meiner at det i utgreiinga er gjort god greie for dei ulike tema som fylkeskommunen stiller spørsmål ved. Terrenghandsaming, arkitektonisk utforming og tilgjenge til grøntområdet er omtalt i føresegnene. 3. Statens vegvesen skriv i brev datert at det har vore møte med utbyggjar, konsulent og Statens vegvesen undervegs i planarbeidet der avklaringar i høve rundkjøringa har vore tema. Det ser ut til at planane er i tråd med våre føringar. Kommentar: Rådmannen føreset fortsatt tett samarbeid ved utarbeiding og gjennomføring av planane. 4. Stord kommunalteknikk skriv i e-post datert og at det ligg eksisterande offentlege vass- og avløpsanlegg i fylkesvegen. Ny rundkjøring inneber at eksisterande vass- og avløpsanlegg i hovudvegen vert berørt. Det må påreknast at eksisterande VA-anlegg som vert berørt og må leggjast om, må finansierast av utbyggjar. Nye bygg i planområdet må kopla seg til kommunalt vass- og avløpsanlegg i fylkesvegen. Det ligg ikkje føre VA-plan som beskriv den overordna prinsippløysinga for framtidig nett for vatn, avløp, overvatn, samt avklaring av framtidig eigarforhold til nye VA-anlegg, plassering av brannhydrant, trykkforhold, evt. pumpestasjonar og liknande. SKT ber om at det vert teke kontakt med dei i samband med prosjektering og utarbeiding av VA-plan. SKT er positive til at føresegnene set krav til opparbeiding og ferdigstilling av veg, vatn og avløp. SKT avd veg stiller spørsmål ved kor grensa mellom privat og offentleg kjøreveg og gang/sykkelveg går. SKT føreset at tilkomstveg til utbyggingsområde vert privat veg. Dei stiller spørsmål til kvifor regulert vegbreidde på gang- og sykkelveg har ulik breidde. Dei føreset og at Statens vegvesen stiller krav til utforming av fylkesveg, skilt og belysning, og at det vert stilt rekkjefølgjekrav til opparbeidinga. Kommentar: Rådmannen meiner at føresegnene sikrar at krava frå SKT angåande VAanlegg vert oppfylt. Det er stilt rekkefølgjekrav til at teknisk plan for VA-anlegget skal vera godkjent av SKT før det kan gjevast byggjeløyve/igangsettingsløyve. Grensa mellom offentleg og privat veg er klargjort, og breidder på gang- og sykkelveg er avklart med Statens vegvesen. Det er og stilt rekkefølgjekrav i samband med opparbeiding av rundkjøringa, denne må vera ferdigstilt før det kan gjevast tillating til bygging i området. Gang- og sykkelvegane skal og opparbeidast med fast dekke før det kan gjevast bruksløyve i området. 5. Haugaland Kraft Nett AS skriv i brev e-post datert at dei føreset at deira eksisterande nettanlegg vert teke omsyn til i reguleringsplanarbeidet. Dei gjer oppmerksam på ein 22 kv jordkabel som er innafor planområdet. Haugaland Kraft må kontaktas for nærare vurdering dersom det vert planlagt tiltak eller gravearbeid i nærleiken av høgspentkablar. Dei vil kunna uttale seg til evt. ny nettstasjon og øvrige strømforsyningsanlegg til området når konkrete planar for dette føreligg. Kommentar: Rådmannen føreset at utbygginga skjer i nært samarbeid med Haugaland Kraft Nett, og at omtala høgspentkablar vert lagt om. 4 av 7

5 6. Stord Næringsråd skriv i brev datert at dei er positive til næringsutvikling i Sagvåg- og Litlabø området. Det er viktig å sikra gode trafikale forhold i området for alle grupper trafikantar, og at det vert sett i samanheng med tilkomst til Sagvåg sentrum. Kommentar: Rådmannen meiner at planen legg til rette for betre trafikale tilhøve i området Snikkersvingen. Det vert og betra tilhøve for mjuke trafikantar i området. 7. Bernhard Aarre skriv i brev datert at naboeigedomane 57/202, 57/438 og 57/15 ikkje vil avstå areal til «prosjektet». Dei har ikkje kome til einigheit med tiltakshavar om kompensasjon. Kommentar: Rådmannen ser at planen no har vorte omarbeidd for å unngå inngripen i desse eigedomane. 8. Ragnar Almås skriv i brev datert at dei undervegs i prosessen har vore i møte med tiltakshavar. Dei lurer på kva som er meint i planen pkt. 8.13, terrenginngrep. Er dette ein støttemur, eller berre sikring av eit stup ned mot baksida av huset? Dei har kome med forslag om å flytta heile bygget nærare grensa deira og fylla til mot grensa deira. Det er ikkje god nok formulering om at det «bør» iversetjast tiltak som hindrar innsyn, her må det stå «skal». Dei meiner at det ikkje er samsvar mellom føresegnene og det som er vist på illustrasjonar angåande byggehøgder. Kommentar: Det har vore vidare samtale mellom tiltakshavar og nabo etter høyringsrunden. Tiltakshavar har no opna for moglegheita til å setje bygningskroppen nærare grensa. Vidare prosjektering vil avklare dette. Tiltak for å hindre innsyn vil og verta konkret vurdert i vidare byggeprosjekt. Rådmannen vil gjera merksam på at føresegnene er juridisk bindande, det er ikkje illustrasjonane. Vurdering Generelt Utgangspunktet for oppstart av planarbeidet var å få regulera området til bustadføremål og forretning. I forslaget til plan som no ligg føre, er bustadføremålet teke ut av planen, dette med bakgrunn i at planavgrensinga er redusert sidan tiltakshavar ikkje fekk hand om eigedom gnr/bnr 57/8. Det er då eit mindre areal att og ein ser at det vert vanskeleg å kombinera desse to føremåla på eit knapt areal. Forretning/kontor verksemd genererer ein del trafikk inn i området og dette er ikkje ønskeleg i kombinasjon med bustadområde og uteareal til bustadar. Rådmannen synest det er uheldig at det no vert ei rein forretningsutbygging, men er likevel oppteken av at bustadområda skal byggast ut med tanke på å ha gode kvalitetar og utomhusareal, og ønskjer ikkje ei utbygging som går på akkord med dette. Krav om konsekvensutgreiing Det er vedteke eit planprogram for detaljreguleringa. I planprogrammet er det gjort greie for kva tema som skal konsekvensutgreiast. Planprogrammet er vurdert å vere OK sjølv om føremål med planen er endra. Konsekvensutgreiinga er gjort i samsvar med forskrift om konsekvensutgreiing og er integrert i planomtalen. Rådmannen meiner nivået på KU er tilpassa plan og løysinga gir eit godt og oversiktleg bilete av konsekvensane av planarbeidet. Det er vurdert at planen vil ha ein mindre negativ konsekvens for nærmiljø/friluftsliv og naboomsyn/eigedomsinngrep. Avbøtande tiltak er føreslege, og dersom desse vert ivaretatt vert planen tilrådd. Konsekvensutgreiinga konkluderer og med at planen får positive konsekvensar for sentrum, service og næring i Sagvåg og trafikksituasjonen i området vert forbetra. Konsekvensar for samfunnet Planen legg til rette for forretning/kontor-verksemd i Sagvåg. Området har god lokalisering, og lett tilkomst ut på hovudvegnettet. Det vert stilt krav til opparbeiding av ny rundkøyring med tilhøyrande gang- og sykkelvegar før ein kan godkjenna byggetiltak i planområdet. Dette er positive tiltak for Sagvågs-området. Naturmangfald Det er ikkje registrert raudlista artar eller naturtypar, prioriterte artar eller utvalde naturtypar etter naturmangfaldslova innanfor planområdet. Det er i KU gjort ei grundig vurdering etter prinsippa i NML Kunnskapsgrunnlaget er godt i høve til risikoen for mogleg vesentleg skade på naturmangfaldet. 5 av 7

6 Kulturminne Det er ikkje registrert kulturminne innanfor eller nær planområdet. Det er heller ikkje stilt krav om arkeologiske registreringar i tilknyting til planarbeidet. Landskap og terreng Planområdet består av eit dalsøkk. Det er tenkt noko fjellsprenging i nordre del av planområdet, og bygging av støttemur mot naboeigedomane. Byggegrensa mot nord er lagt i eigedomsgrensa, dette med bakgrunn i innspel frå naboar. Det må likevel innhentast samtykke frå naboane om ein ynskjer å bygge i grensa. Det meste av området er tenkt fylt opp til kote + 21, men landskapet vert ikkje vesentleg endra. Fjernverknadene av tiltaket vert minimale. Grøntstruktur og friluftsliv Planområdet består av eit lite dalsøkk som endar i ein mudderpoll i eit myr/sumpområde i tilknyting til Storavatnet. Området er ikkje i aktivt bruk til friluftsområde, men austlege del av området er i kommuneplanen vist med omsynssone friluftsliv. Folkehelse, Barn og unge Det er ikkje kjent at området vert nytta til aktivitet av barn og unge, og planen vil ikkje medføre konsekvensar for barn og unge. Planen regulerer arealet nærast Storavatnet til grøntområde, det er opning i planen for å etablera sti i skråninga ned mot vatnet, men dette er det ikkje stilt krav til. Universell utforming Planen legg til rette for universelt utforma tilkomst til alle funksjonar innanfor planområdet. Eit eventuelt 2. plan vil vera tilgjengeleg med heis i bygget. TEK10 sine krav gjeld for forretningsareal som skal vera allment tilgjengeleg. Landbruk AR5-kartet syner delar av planområdet som fulldyrka mark. Då arealet tidlegare er regulert til bustadområde og friluftsområde, vil dette ikkje ha noko å seia for omdisponering av fulldyrka mark. Området ligg ikkje i tilknyting til jordbruksområde, men er ein del av tettstaden Sagvåg. Klima og energi, ureining Tiltak og tenkte verksemder i forretningsbygget vil ikkje føra til ureiningsproblem. I utbyggingsfasen kan det skje avrenning frå byggeplass og påverknad av muddermassar i strandsona. I føresegnene er det stilt krav om at det må sikrast at oppfylling i området ikkje medfører ureining av grunn eller ureina tilsig til Storavatnet. Det er og krav om at det berre skal nyttast reine (inerte) massar i fyllinga. Energiløysingar for bygget vert vurdert i samband med byggeløyve. Utover el-nett fins det ikkje felles energiløysingar i området. Veg, vatn og avløp Det er i føresegnene stilt rekkefølgjekrav om at rundkøyring skal opparbeidast før bygging i området kan tillatast. Gang- og sykkelvegane i planområdet skal og opparbeidast med fast dekke før bruksløyve for byggeområdet vert gjeve. Tekniske planar for vatn, avløp og overvatn skal godkjennast av Stord kommunalteknikk i samband med byggemelding. Trafikk og trafikktryggleik Tiltaka i planen vil føre til auka trafikktryggleik for både gåande, syklande og køyrande. Krysset i Snikkersvingen vert opparbeida som rundkøyring, dette vil gje betre trafikkflyt og meir oversikt enn dagens situasjon. Det er stilt rekkefølgjekrav til opparbeiding av rundkøyring og regulerte gang- og sykkelvegar innanfor planområdet. Tilhøva for dei gåande og syklande vert såleis og utbetra. Planen legg og godt til rette for tilkomst både for gåande og syklande. Antall parkeringsplassar i planområdet er no redusert frå 60 til 32 plassar. Parkeringsdekninga er likevel over kravet i kommuneplanen. Rådmannen er nøgd med at antall parkeringsplassar no er redusert til å vera meir i samsvar med kommuneplanen sine krav. Senterstruktur Det er under utarbeiding ein kommunedelplan for Sagvåg. Lokalisering av nye forretnings/næringsareal burde hovudsakleg vore avklart i denne prosessen. Kommuneplanen sitt delmål for senterstruktur er at bydelane og lokalsentra i kommunen skal vidareutviklast som gode bustad- og opphaldsområde, med rom for utvikling av næring og offentleg service. I konsekvensutgreiinga er det peikt på at Sagvåg treng ei oppgradering av sentrumsstrukturen, og at opphavleg sentrumsområde ved Sagvågsvingen, 6 av 7

7 Sagvågsbrekko og ned mot kaien utgjer arealet som i dag er regulert til føremålet. Dette er på mange måtar eit område som er ugunstig i høve terrengtilhøve og bygningsstruktur. Etablerte eigedomsstrukturar kan også opplevast som hindring for nye næringsaktørar. Det har i seinare tid vore bustadutbygging nord for Sagvågsbrekko mot Snikkersvingen, og vegsystemet er oppgradert. Det er og regulert fleire bustadareal i området. Etablering av ny varehandel kan få positive ringverknader for lokalsamfunnet, og føra til at fleire vel å handle lokalt. Det er positivt for Sagvåg at nye aktørar kjem på banen og gjev eit utvida tilbod i eit sentrumsnært område. Konsekvensutgreiinga definerer langt på veg arealet langs Fv. 545 frå Podlen til Snikkersvingen som ein sentrumsakse. Kommunedelplanen vil ta opp dette som eit eige tema, og belysa denne tematikken nærare. Risiko og sårbarheit (ROS-analyse) Det er gjennomført risiko og sårbarheitsanalyse. Analysen ligg som ein del av planomtalen. Planen vert vurdert til å ha akseptabel risiko. Rådmannen føreset då at dei avbøtande tiltaka som er nemnt vert gjennomført. For nærare omtale av planområdet, planforslaget, konsekvensar og risiko- og sårbarheitsanalyse vert det vist til planomtale med vedlegg. Konklusjon Rådmannen rår til at detaljregulering for gnr/bnr 57/555 m.fl., Snikkersvingen vert vedteken slik den no ligg føre. 7 av 7